Library·Bhāgavata Purāṇa·12·12.2
श्री-शुक उवाच ततश् चानु-दिनं धर्मः सत्यं शौचं क्षमा दया कालेन बलिना राजन् नङ्क्ष्यत्य् आयुर् बलं स्मृतिः
śrī-śuka uvāca tataś cānu-dinaṃ dharmaḥ satyaṃ śaucaṃ kṣamā dayā kālena balinā rājan naṅkṣyaty āyur balaṃ smṛtiḥ
Sanskrit only: no published translation is held for this verse.
वित्तम् एव कलौ नॄणां जन्माचार-गुणोदयः धर्म-न्याय-व्यवस्थायां कारणं बलम् एव हि
vittam eva kalau nṝṇāṃ janmācāra-guṇodayaḥ dharma-nyāya-vyavasthāyāṃ kāraṇaṃ balam eva hi
Sanskrit only: no published translation is held for this verse.
दाम्पत्ये ऽभिरुचिर् हेतुर् मायैव व्यावहारिके स्त्रीत्वे पुंस्त्वे च हि रतिर् विप्रत्वे सूत्रम् एव हि
dāmpatye 'bhirucir hetur māyaiva vyāvahārike strītve puṃstve ca hi ratir vipratve sūtram eva hi
Sanskrit only: no published translation is held for this verse.
लिङ्गं एवाश्रम-ख्याताव् अन्योन्यापत्ति-कारणम् अवृत्त्या न्याय-दौर्बल्यं पाण्डित्ये चापलं वचः
liṅgaṃ evāśrama-khyātāv anyonyāpatti-kāraṇam avṛttyā nyāya-daurbalyaṃ pāṇḍitye cāpalaṃ vacaḥ
Sanskrit only: no published translation is held for this verse.
अनाढ्यतैवासाधुत्वे साधुत्वे दम्भ एव तु स्वीकार एव चोद्वाहे स्नानम् एव प्रसाधनम्
anāḍhyataivāsādhutve sādhutve dambha eva tu svīkāra eva codvāhe snānam eva prasādhanam
Sanskrit only: no published translation is held for this verse.
दूरे वार्य्-अयनं तीर्थं लावण्यं केश-धारणम् उदरं-भरता स्वार्थः सत्यत्वे धार्ष्ट्यम् एव हि दाक्ष्यं कुटुम्ब-भरणं यशो ऽर्थे धर्म-सेवनम्
dūre vāry-ayanaṃ tīrthaṃ lāvaṇyaṃ keśa-dhāraṇam udaraṃ-bharatā svārthaḥ satyatve dhārṣṭyam eva hi dākṣyaṃ kuṭumba-bharaṇaṃ yaśo 'rthe dharma-sevanam
Sanskrit only: no published translation is held for this verse.
एवं प्रजाभिर् दुष्टाभिर् आकीर्णे क्षिति-मण्डले ब्रह्म-विट्-क्षत्र-शूद्राणां यो बली भविता नृपः
evaṃ prajābhir duṣṭābhir ākīrṇe kṣiti-maṇḍale brahma-viṭ-kṣatra-śūdrāṇāṃ yo balī bhavitā nṛpaḥ
Sanskrit only: no published translation is held for this verse.
प्रजा हि लुब्धै राजन्यैर् निर्घृणैर् दस्यु-धर्मभिः आच्छिन्न-दार-द्रविणा यास्यन्ति गिरि-काननम्
prajā hi lubdhai rājanyair nirghṛṇair dasyu-dharmabhiḥ ācchinna-dāra-draviṇā yāsyanti giri-kānanam
Sanskrit only: no published translation is held for this verse.
शाक-मूलामिष-क्षौद्र- फल-पुष्पाष्टि-भोजनाः अनावृष्ट्या विनङ्क्ष्यन्ति दुर्भिक्ष-कर-पीडिताः
śāka-mūlāmiṣa-kṣaudra- phala-puṣpāṣṭi-bhojanāḥ anāvṛṣṭyā vinaṅkṣyanti durbhikṣa-kara-pīḍitāḥ
Sanskrit only: no published translation is held for this verse.
शीत-वातातप-प्रावृड्- हिमैर् अन्योन्यतः प्रजाः क्षुत्-तृड्भ्यां व्याधिभिश् चैव सन्तप्स्यन्ते च चिन्तया
śīta-vātātapa-prāvṛḍ- himair anyonyataḥ prajāḥ kṣut-tṛḍbhyāṃ vyādhibhiś caiva santapsyante ca cintayā
Sanskrit only: no published translation is held for this verse.
त्रिंशद् विंशति वर्षाणि परमायुः कलौ नृणाम्
triṃśad viṃśati varṣāṇi paramāyuḥ kalau nṛṇām
Sanskrit only: no published translation is held for this verse.
क्षीयमाणेषु देहेषु देहिनां कलि-दोषतः वर्णाश्रमवतां धर्मे नष्टे वेद-पथे नृणाम्
kṣīyamāṇeṣu deheṣu dehināṃ kali-doṣataḥ varṇāśramavatāṃ dharme naṣṭe veda-pathe nṛṇām
Sanskrit only: no published translation is held for this verse.
पाषण्ड-प्रचुरे धर्मे दस्यु-प्रायेषु राजसु चौर्यानृत-वृथा-हिंसा- नाना-वृत्तिषु वै नृषु
pāṣaṇḍa-pracure dharme dasyu-prāyeṣu rājasu cauryānṛta-vṛthā-hiṃsā- nānā-vṛttiṣu vai nṛṣu
Sanskrit only: no published translation is held for this verse.
शूद्र-प्रायेषु वर्णेषु च्छाग-प्रायासु धेनुषु गृह-प्रायेष्व् आश्रमेषु यौन-प्रायेषु बन्धुषु
śūdra-prāyeṣu varṇeṣu cchāga-prāyāsu dhenuṣu gṛha-prāyeṣv āśrameṣu yauna-prāyeṣu bandhuṣu
Sanskrit only: no published translation is held for this verse.
अणु-प्रायास्व् ओषधीषु शमी-प्रायेषु स्थास्नुषु विद्युत्-प्रायेषु मेघेषु शून्य-प्रायेषु सद्मसु
aṇu-prāyāsv oṣadhīṣu śamī-prāyeṣu sthāsnuṣu vidyut-prāyeṣu megheṣu śūnya-prāyeṣu sadmasu
Sanskrit only: no published translation is held for this verse.
इत्थं कलौ गत-प्राये जनेषु खर-धर्मिषु धर्म-त्राणाय सत्त्वेन भगवान् अवतरिष्यति
itthaṃ kalau gata-prāye janeṣu khara-dharmiṣu dharma-trāṇāya sattvena bhagavān avatariṣyati
Sanskrit only: no published translation is held for this verse.
चराचर-गुरोर् विष्णोर् ईश्वरस्याखिलात्मनः धर्म-त्राणाय साधूनां जन्म कर्मापनुत्तये
carācara-guror viṣṇor īśvarasyākhilātmanaḥ dharma-trāṇāya sādhūnāṃ janma karmāpanuttaye
Sanskrit only: no published translation is held for this verse.
शम्भल-ग्राम-मुख्यस्य ब्राह्मणस्य महात्मनः भवने विष्णुयशसः कल्किः प्रादुर्भविष्यति
śambhala-grāma-mukhyasya brāhmaṇasya mahātmanaḥ bhavane viṣṇuyaśasaḥ kalkiḥ prādurbhaviṣyati
Sanskrit only: no published translation is held for this verse.
अश्वम् आशु-गम् आरुह्य देवदत्तं जगत्-पतिः असिनासाधु-दमनम् अष्टैश्वर्य-गुणान्वितः
aśvam āśu-gam āruhya devadattaṃ jagat-patiḥ asināsādhu-damanam aṣṭaiśvarya-guṇānvitaḥ
Sanskrit only: no published translation is held for this verse.
विचरन्न् आशुना क्षौण्यां हयेनाप्रतिम-द्युतिः नृप-लिङ्ग-च्छदो दस्यून् कोटिशो निहनिष्यति
vicarann āśunā kṣauṇyāṃ hayenāpratima-dyutiḥ nṛpa-liṅga-cchado dasyūn koṭiśo nihaniṣyati
Sanskrit only: no published translation is held for this verse.
अथ तेषां भविष्यन्ति मनांसि विशदानि वै वासुदेवाङ्ग-रागाति- पुण्य-गन्धानिल-स्पृशाम् पौर-जानपदानां वै हतेष्व् अखिल-दस्युषु
atha teṣāṃ bhaviṣyanti manāṃsi viśadāni vai vāsudevāṅga-rāgāti- puṇya-gandhānila-spṛśām paura-jānapadānāṃ vai hateṣv akhila-dasyuṣu
Sanskrit only: no published translation is held for this verse.
तेषां प्रजा-विसर्गश् च स्थविष्ठः सम्भविष्यति वासुदेवे भगवति सत्त्व-मूर्तौ हृदि स्थिते
teṣāṃ prajā-visargaś ca sthaviṣṭhaḥ sambhaviṣyati vāsudeve bhagavati sattva-mūrtau hṛdi sthite
Sanskrit only: no published translation is held for this verse.
यदावतीर्णो भगवान् कल्किर् धर्म-पतिर् हरिः कृतं भविष्यति तदा प्रजा-सूतिश् च सात्त्विकी
yadāvatīrṇo bhagavān kalkir dharma-patir hariḥ kṛtaṃ bhaviṣyati tadā prajā-sūtiś ca sāttvikī
Sanskrit only: no published translation is held for this verse.
यदा चन्द्रश् च सूर्यश् च तथा तिष्य-बृहस्पती एक-राशौ समेष्यन्ति भविष्यति तदा कृतम्
yadā candraś ca sūryaś ca tathā tiṣya-bṛhaspatī eka-rāśau sameṣyanti bhaviṣyati tadā kṛtam
Sanskrit only: no published translation is held for this verse.
ये ऽतीता वर्तमाना ये भविष्यन्ति च पार्थिवाः ते त उद्देशतः प्रोक्ता वंशीयाः सोम-सूर्ययोः
ye 'tītā vartamānā ye bhaviṣyanti ca pārthivāḥ te ta uddeśataḥ proktā vaṃśīyāḥ soma-sūryayoḥ
Sanskrit only: no published translation is held for this verse.
आरभ्य भवतो जन्म यावन् नन्दाभिषेचनम् एतद् वर्ष-सहस्रं तु शतं पञ्चदशोत्तरम्
ārabhya bhavato janma yāvan nandābhiṣecanam etad varṣa-sahasraṃ tu śataṃ pañcadaśottaram
Sanskrit only: no published translation is held for this verse.
सप्तर्षीणां तु यौ पूर्वौ दृश्येते उदितौ दिवि तयोस् तु मध्ये नक्षत्रं दृश्यते यत् समं निशि
saptarṣīṇāṃ tu yau pūrvau dṛśyete uditau divi tayos tu madhye nakṣatraṃ dṛśyate yat samaṃ niśi
Sanskrit only: no published translation is held for this verse.
तेनैव ऋषयो युक्तास् तिष्ठन्त्य् अब्द-शतं नृणाम् ते त्वदीये द्विजाः काल अधुना चाश्रिता मघाः
tenaiva ṛṣayo yuktās tiṣṭhanty abda-śataṃ nṛṇām te tvadīye dvijāḥ kāla adhunā cāśritā maghāḥ
Sanskrit only: no published translation is held for this verse.
विष्णोर् भगवतो भानुः कृष्णाख्यो ऽसौ दिवं गतः तदाविशत् कलिर् लोकं पापे यद् रमते जनः
viṣṇor bhagavato bhānuḥ kṛṣṇākhyo 'sau divaṃ gataḥ tadāviśat kalir lokaṃ pāpe yad ramate janaḥ
Sanskrit only: no published translation is held for this verse.
यावत् स पाद-पद्माभ्यां स्पृशन् आस्ते रमा-पतिः तावत् कलिर् वै पृथिवीं पराक्रन्तुं न चाशकत्
yāvat sa pāda-padmābhyāṃ spṛśan āste ramā-patiḥ tāvat kalir vai pṛthivīṃ parākrantuṃ na cāśakat
Sanskrit only: no published translation is held for this verse.
यदा देवर्षयः सप्त मघासु विचरन्ति हि तदा प्रवृत्तस् तु कलिर् द्वादशाब्द-शतात्मकः
yadā devarṣayaḥ sapta maghāsu vicaranti hi tadā pravṛttas tu kalir dvādaśābda-śatātmakaḥ
Sanskrit only: no published translation is held for this verse.
यदा मघाभ्यो यास्यन्ति पूर्वाषाढां महर्षयः तदा नन्दात् प्रभृत्य् एष कलिर् वृद्धिं गमिष्यति
yadā maghābhyo yāsyanti pūrvāṣāḍhāṃ maharṣayaḥ tadā nandāt prabhṛty eṣa kalir vṛddhiṃ gamiṣyati
Sanskrit only: no published translation is held for this verse.
यस्मिन् कृष्णो दिवं यातस् तस्मिन्न् एव तदाहनि प्रतिपन्नं कलि-युगम् इति प्राहुः पुरा-विदः
yasmin kṛṣṇo divaṃ yātas tasminn eva tadāhani pratipannaṃ kali-yugam iti prāhuḥ purā-vidaḥ
Sanskrit only: no published translation is held for this verse.
दिव्याब्दानां सहस्रान्ते चतुर्थे तु पुनः कृतम् भविष्यति तदा नॄणां मन आत्म-प्रकाशकम्
divyābdānāṃ sahasrānte caturthe tu punaḥ kṛtam bhaviṣyati tadā nṝṇāṃ mana ātma-prakāśakam
Sanskrit only: no published translation is held for this verse.
इत्य् एष मानवो वंशो यथा सङ्ख्यायते भुवि तथा विट्-शूद्र-विप्राणां तास् ता ज्ञेया युगे युगे
ity eṣa mānavo vaṃśo yathā saṅkhyāyate bhuvi tathā viṭ-śūdra-viprāṇāṃ tās tā jñeyā yuge yuge
Sanskrit only: no published translation is held for this verse.
एतेषां नाम-लिङ्गानां पुरुषाणां महात्मनाम् कथा-मात्रावशिष्टानां कीर्तिर् एव स्थिता भुवि
eteṣāṃ nāma-liṅgānāṃ puruṣāṇāṃ mahātmanām kathā-mātrāvaśiṣṭānāṃ kīrtir eva sthitā bhuvi
Sanskrit only: no published translation is held for this verse.
देवापिः शान्तनोर् भ्राता मरुश् चेक्ष्वाकु-वंश-जः कलाप-ग्राम आसाते महा-योग-बलान्वितौ
devāpiḥ śāntanor bhrātā maruś cekṣvāku-vaṃśa-jaḥ kalāpa-grāma āsāte mahā-yoga-balānvitau
Sanskrit only: no published translation is held for this verse.
ताव् इहैत्य कलेर् अन्ते वासुदेवानुशिक्षितौ वर्णाश्रम-युतं धर्मं पूर्व-वत् प्रथयिष्यतः
tāv ihaitya kaler ante vāsudevānuśikṣitau varṇāśrama-yutaṃ dharmaṃ pūrva-vat prathayiṣyataḥ
Sanskrit only: no published translation is held for this verse.
कृतं त्रेता द्वापरं च कलिश् चेति चतुर्-युगम् अनेन क्रम-योगेन भुवि प्राणिषु वर्तते
kṛtaṃ tretā dvāparaṃ ca kaliś ceti catur-yugam anena krama-yogena bhuvi prāṇiṣu vartate
Sanskrit only: no published translation is held for this verse.
राजन्न् एते मया प्रोक्ता नर-देवास् तथापरे भूमौ ममत्वं कृत्वान्ते हित्वेमां निधनं गताः
rājann ete mayā proktā nara-devās tathāpare bhūmau mamatvaṃ kṛtvānte hitvemāṃ nidhanaṃ gatāḥ
Sanskrit only: no published translation is held for this verse.
कृमि-विड्-भस्म-संज्ञान्ते राज-नाम्नो ऽपि यस्य च भूत-ध्रुक् तत्-कृते स्वार्थं किं वेद निरयो यतः
kṛmi-viḍ-bhasma-saṃjñānte rāja-nāmno 'pi yasya ca bhūta-dhruk tat-kṛte svārthaṃ kiṃ veda nirayo yataḥ
Sanskrit only: no published translation is held for this verse.
कथं सेयम् अखण्डा भूः पूर्वैर् मे पुरुषैर् धृता मत्-पुत्रस्य च पौत्रस्य मत्-पूर्वा वंश-जस्य वा
kathaṃ seyam akhaṇḍā bhūḥ pūrvair me puruṣair dhṛtā mat-putrasya ca pautrasya mat-pūrvā vaṃśa-jasya vā
Sanskrit only: no published translation is held for this verse.
तेजो-ऽब्-अन्न-मयं कायं गृहीत्वात्मतयाबुधाः महीं ममतया चोभौ हित्वान्ते ऽदर्शनं गताः
tejo-'b-anna-mayaṃ kāyaṃ gṛhītvātmatayābudhāḥ mahīṃ mamatayā cobhau hitvānte 'darśanaṃ gatāḥ
Sanskrit only: no published translation is held for this verse.
ये ये भू-पतयो राजन् भुञ्जते भुवम् ओजसा कालेन ते कृताः सर्वे कथा-मात्राः कथासु च
ye ye bhū-patayo rājan bhuñjate bhuvam ojasā kālena te kṛtāḥ sarve kathā-mātrāḥ kathāsu ca
Sanskrit only: no published translation is held for this verse.