Bhāgavata Purāṇa 12.9

सूत उवाच संस्तुतो भगवान् इत्थं मार्कण्डेयेन धीमता नारायणो नर-सखः प्रीत आह भृगूद्वहम्

sūta uvāca saṃstuto bhagavān itthaṃ mārkaṇḍeyena dhīmatā nārāyaṇo nara-sakhaḥ prīta āha bhṛgūdvaham

Sanskrit only: no published translation is held for this verse.

श्री-भगवान् उवाच भो भो ब्रह्मर्षि-वर्यो ऽसि सिद्ध आत्म-समाधिना मयि भक्त्यानपायिन्या तपः-स्वाध्याय-संयमैः

śrī-bhagavān uvāca bho bho brahmarṣi-varyo 'si siddha ātma-samādhinā mayi bhaktyānapāyinyā tapaḥ-svādhyāya-saṃyamaiḥ

Sanskrit only: no published translation is held for this verse.

वयं ते परितुष्टाः स्म त्वद्-बृहद्-व्रत-चर्यया वरं प्रतीच्छ भद्रं ते वर-दो ऽस्मि त्वद्-ईप्सितम्

vayaṃ te parituṣṭāḥ sma tvad-bṛhad-vrata-caryayā varaṃ pratīccha bhadraṃ te vara-do 'smi tvad-īpsitam

Sanskrit only: no published translation is held for this verse.

श्री-ऋषिर् उवाच जितं ते देव-देवेश प्रपन्नार्ति-हराच्युत वरेणैतावतालं नो यद् भवान् समदृश्यत

śrī-ṛṣir uvāca jitaṃ te deva-deveśa prapannārti-harācyuta vareṇaitāvatālaṃ no yad bhavān samadṛśyata

Sanskrit only: no published translation is held for this verse.

गृहीत्वाजादयो यस्य श्रीमत्-पादाब्ज-दर्शनम् मनसा योग-पक्वेन स भवान् मे ऽक्षि-गोचरः

gṛhītvājādayo yasya śrīmat-pādābja-darśanam manasā yoga-pakvena sa bhavān me 'kṣi-gocaraḥ

Sanskrit only: no published translation is held for this verse.

अथाप्य् अम्बुज-पत्राक्ष पुण्य-श्लोक-शिखामणे द्रक्ष्ये मायां यया लोकः स-पालो वेद सद्-भिदाम्

athāpy ambuja-patrākṣa puṇya-śloka-śikhāmaṇe drakṣye māyāṃ yayā lokaḥ sa-pālo veda sad-bhidām

Sanskrit only: no published translation is held for this verse.

सूत उवाच इतीडितो ऽर्चितः कामम् ऋषिणा भगवान् मुने तथेति स स्मयन् प्रागाद् बदर्य्-आश्रमम् ईश्वरः

sūta uvāca itīḍito 'rcitaḥ kāmam ṛṣiṇā bhagavān mune tatheti sa smayan prāgād badary-āśramam īśvaraḥ

Sanskrit only: no published translation is held for this verse.

तम् एव चिन्तयन्न् अर्थम् ऋषिः स्वाश्रम एव सः वसन्न् अग्न्य्-अर्क-सोमाम्बु- भू-वायु-वियद्-आत्मसु

tam eva cintayann artham ṛṣiḥ svāśrama eva saḥ vasann agny-arka-somāmbu- bhū-vāyu-viyad-ātmasu

Sanskrit only: no published translation is held for this verse.

ध्यायन् सर्वत्र च हरिं भाव-द्रव्यैर् अपूजयत् क्वचित् पूजां विसस्मार प्रेम-प्रसर-सम्प्लुतः

dhyāyan sarvatra ca hariṃ bhāva-dravyair apūjayat kvacit pūjāṃ visasmāra prema-prasara-samplutaḥ

Sanskrit only: no published translation is held for this verse.

तस्यैकदा भृगु-श्रेष्ठ पुष्पभद्रा-तटे मुनेः उपासीनस्य सन्ध्यायां ब्रह्मन् वायुर् अभून् महान्

tasyaikadā bhṛgu-śreṣṭha puṣpabhadrā-taṭe muneḥ upāsīnasya sandhyāyāṃ brahman vāyur abhūn mahān

Sanskrit only: no published translation is held for this verse.

तं चण्ड-शब्दं समुदीरयन्तं बलाहका अन्व् अभवन् करालाः अक्ष-स्थविष्ठा मुमुचुस् तडिद्भिः स्वनन्त उच्चैर् अभि वर्ष-धाराः

taṃ caṇḍa-śabdaṃ samudīrayantaṃ balāhakā anv abhavan karālāḥ akṣa-sthaviṣṭhā mumucus taḍidbhiḥ svananta uccair abhi varṣa-dhārāḥ

Sanskrit only: no published translation is held for this verse.

ततो व्यदृश्यन्त चतुः समुद्राः समन्ततः क्ष्मा-तलम् आग्रसन्तः समीर-वेगोर्मिभिर् उग्र-नक्र- महा-भयावर्त-गभीर-घोषाः

tato vyadṛśyanta catuḥ samudrāḥ samantataḥ kṣmā-talam āgrasantaḥ samīra-vegormibhir ugra-nakra- mahā-bhayāvarta-gabhīra-ghoṣāḥ

Sanskrit only: no published translation is held for this verse.

अन्तर् बहिश् चाद्भिर् अति-द्युभिः खरैः शतह्रदाभिर् उपतापितं जगत् चतुर्-विधं वीक्ष्य सहात्मना मुनिर् जलाप्लुतां क्ष्मां विमनाः समत्रसत्

antar bahiś cādbhir ati-dyubhiḥ kharaiḥ śatahradābhir upatāpitaṃ jagat catur-vidhaṃ vīkṣya sahātmanā munir jalāplutāṃ kṣmāṃ vimanāḥ samatrasat

Sanskrit only: no published translation is held for this verse.

तस्यैवम् उद्वीक्षत ऊर्मि-भीषणः प्रभञ्जनाघूर्णित-वार् महार्णवः आपूर्यमाणो वरषद्भिर् अम्बुदैः क्ष्माम् अप्यधाद् द्वीप-वर्षाद्रिभिः समम्

tasyaivam udvīkṣata ūrmi-bhīṣaṇaḥ prabhañjanāghūrṇita-vār mahārṇavaḥ āpūryamāṇo varaṣadbhir ambudaiḥ kṣmām apyadhād dvīpa-varṣādribhiḥ samam

Sanskrit only: no published translation is held for this verse.

स-क्ष्मान्तरिक्षं स-दिवं स-भा-गणं त्रै-लोक्यम् आसीत् सह दिग्भिर् आप्लुतम् स एक एवोर्वरितो महा-मुनिर् बभ्राम विक्षिप्य जटा जडान्ध-वत्

sa-kṣmāntarikṣaṃ sa-divaṃ sa-bhā-gaṇaṃ trai-lokyam āsīt saha digbhir āplutam sa eka evorvarito mahā-munir babhrāma vikṣipya jaṭā jaḍāndha-vat

Sanskrit only: no published translation is held for this verse.

क्षुत्-तृट्-परीतो मकरैस् तिमिङ्गिलैर् उपद्रुतो वीचि-नभस्वताहतः तमस्य् अपारे पतितो भ्रमन् दिशो न वेद खं गां च परिश्रमेषितः

kṣut-tṛṭ-parīto makarais timiṅgilair upadruto vīci-nabhasvatāhataḥ tamasy apāre patito bhraman diśo na veda khaṃ gāṃ ca pariśrameṣitaḥ

Sanskrit only: no published translation is held for this verse.

क्रचिन् मग्नो महावर्ते तरलैस् ताडितः क्वचित् यादोभिर् भक्ष्यते क्वापि स्वयम् अन्योन्य-घातिभिः

kracin magno mahāvarte taralais tāḍitaḥ kvacit yādobhir bhakṣyate kvāpi svayam anyonya-ghātibhiḥ

Sanskrit only: no published translation is held for this verse.

क्वचिच् छोकं क्वचिन् मोहं क्वचिद् दुःखं सुखं भयम् क्वचिन् मृत्युम् अवाप्नोति व्याध्य्-आदिभिर् उतार्दितः

kvacic chokaṃ kvacin mohaṃ kvacid duḥkhaṃ sukhaṃ bhayam kvacin mṛtyum avāpnoti vyādhy-ādibhir utārditaḥ

Sanskrit only: no published translation is held for this verse.

अयुतायत-वर्षाणां सहस्राणि शतानि च व्यतीयुर् भ्रमतस् तस्मिन् विष्णु-मायावृतात्मनः

ayutāyata-varṣāṇāṃ sahasrāṇi śatāni ca vyatīyur bhramatas tasmin viṣṇu-māyāvṛtātmanaḥ

Sanskrit only: no published translation is held for this verse.

स कदाचिद् भ्रमंस् तस्मिन् पृथिव्याः ककुदि द्विजः न्याग्रोध-पोतं ददृशे फल-पल्लव-शोभितम्

sa kadācid bhramaṃs tasmin pṛthivyāḥ kakudi dvijaḥ nyāgrodha-potaṃ dadṛśe phala-pallava-śobhitam

Sanskrit only: no published translation is held for this verse.

प्राग्-उत्तरस्यां शाखायां तस्यापि ददृशे शिशुम् शयानं पर्ण-पुटके ग्रसन्तं प्रभया तमः

prāg-uttarasyāṃ śākhāyāṃ tasyāpi dadṛśe śiśum śayānaṃ parṇa-puṭake grasantaṃ prabhayā tamaḥ

Sanskrit only: no published translation is held for this verse.

महा-मरकत-श्यामं श्रीमद्-वदन-पङ्कजम् कम्बु-ग्रीवं महोरस्कं सु-नसं सुन्दर-भ्रुवम्

mahā-marakata-śyāmaṃ śrīmad-vadana-paṅkajam kambu-grīvaṃ mahoraskaṃ su-nasaṃ sundara-bhruvam

Sanskrit only: no published translation is held for this verse.

श्वासैजद्-अलकाभातं कम्बु-श्री-कर्ण-दाडिमम् विद्रुमाधर-भासेषच्- छोणायित-सुधा-स्मितम्

śvāsaijad-alakābhātaṃ kambu-śrī-karṇa-dāḍimam vidrumādhara-bhāseṣac- choṇāyita-sudhā-smitam

Sanskrit only: no published translation is held for this verse.

पद्म-गर्भारुणापाङ्गं हृद्य-हासावलोकनम् श्वासैजद्-वलि-संविग्न- निम्न-नाभि-दलोदरम्

padma-garbhāruṇāpāṅgaṃ hṛdya-hāsāvalokanam śvāsaijad-vali-saṃvigna- nimna-nābhi-dalodaram

Sanskrit only: no published translation is held for this verse.

चार्व्-अङ्गुलिभ्यां पाणिभ्याम् उन्नीय चरणाम्बुजम् मुखे निधाय विप्रेन्द्रो धयन्तं वीक्ष्य विस्मितः

cārv-aṅgulibhyāṃ pāṇibhyām unnīya caraṇāmbujam mukhe nidhāya viprendro dhayantaṃ vīkṣya vismitaḥ

Sanskrit only: no published translation is held for this verse.

तद्-दर्शनाद् वीत-परिश्रमो मुदा प्रोत्फुल्ल-हृत्-पौल्म-विलोचनाम्बुजः प्रहृष्ट-रोमाद्भुत-भाव-शङ्कितः प्रष्टुं पुरस् तं प्रससार बालकम्

tad-darśanād vīta-pariśramo mudā protphulla-hṛt-paulma-vilocanāmbujaḥ prahṛṣṭa-romādbhuta-bhāva-śaṅkitaḥ praṣṭuṃ puras taṃ prasasāra bālakam

Sanskrit only: no published translation is held for this verse.

तावच् छिशोर् वै श्वसितेन भार्गवः सो ऽन्तः शरीरं मशको यथाविशत् तत्राप्य् अदो न्यस्तम् अचष्ट कृत्स्नशो यथा पुरामुह्यद् अतीव विस्मितः

tāvac chiśor vai śvasitena bhārgavaḥ so 'ntaḥ śarīraṃ maśako yathāviśat tatrāpy ado nyastam acaṣṭa kṛtsnaśo yathā purāmuhyad atīva vismitaḥ

Sanskrit only: no published translation is held for this verse.

खं रोदसी भा-गणान् अद्रि-सागरान् द्वीपान् स-वर्षान् ककुभः सुरासुरान् वनानि देशान् सरितः पुराकरान् खेटान् व्रजान् आश्रम-वर्ण-वृत्तयः

khaṃ rodasī bhā-gaṇān adri-sāgarān dvīpān sa-varṣān kakubhaḥ surāsurān vanāni deśān saritaḥ purākarān kheṭān vrajān āśrama-varṇa-vṛttayaḥ

Sanskrit only: no published translation is held for this verse.

महान्ति भूतान्य् अथ भौतिकान्य् असौ कालं च नाना-युग-कल्प-कल्पनम् यत् किञ्चिद् अन्यद् व्यवहार-कारणं ददर्श विश्वं सद् इवावभासितम्

mahānti bhūtāny atha bhautikāny asau kālaṃ ca nānā-yuga-kalpa-kalpanam yat kiñcid anyad vyavahāra-kāraṇaṃ dadarśa viśvaṃ sad ivāvabhāsitam

Sanskrit only: no published translation is held for this verse.

हिमालयं पुष्पवहां च तां नदीं निजाश्रमं यत्र ऋषी अपश्यत विश्वं विपश्यञ् छ्वसिताच् छिशोर् वै बहिर् निरस्तो न्यपतल् लयाब्धौ

himālayaṃ puṣpavahāṃ ca tāṃ nadīṃ nijāśramaṃ yatra ṛṣī apaśyata viśvaṃ vipaśyañ chvasitāc chiśor vai bahir nirasto nyapatal layābdhau

Sanskrit only: no published translation is held for this verse.

तस्मिन् पृथिव्याः ककुदि प्ररूढं वटं च तत्-पर्ण-पुटे शयानम् तोकं च तत्-प्रेम-सुधा-स्मितेन निरीक्षितो ऽपाङ्ग-निरीक्षणेन

tasmin pṛthivyāḥ kakudi prarūḍhaṃ vaṭaṃ ca tat-parṇa-puṭe śayānam tokaṃ ca tat-prema-sudhā-smitena nirīkṣito 'pāṅga-nirīkṣaṇena

Sanskrit only: no published translation is held for this verse.

अथ तं बालकं वीक्ष्य नेत्राभ्यां धिष्ठितं हृदि अभ्ययाद् अति-सङ्क्लिष्टः परिष्वक्तुम् अधोक्षजम्

atha taṃ bālakaṃ vīkṣya netrābhyāṃ dhiṣṭhitaṃ hṛdi abhyayād ati-saṅkliṣṭaḥ pariṣvaktum adhokṣajam

Sanskrit only: no published translation is held for this verse.

तावत् स भगवान् साक्षाद् योगाधीशो गुहा-शयः अन्तर्दध ऋषेः सद्यो यथेहानीश-निर्मिता

tāvat sa bhagavān sākṣād yogādhīśo guhā-śayaḥ antardadha ṛṣeḥ sadyo yathehānīśa-nirmitā

Sanskrit only: no published translation is held for this verse.

तम् अन्व् अथ वटो ब्रह्मन् सलिलं लोक-सम्प्लवः तिरोधायि क्षणाद् अस्य स्वाश्रमे पूर्व-वत् स्थितः

tam anv atha vaṭo brahman salilaṃ loka-samplavaḥ tirodhāyi kṣaṇād asya svāśrame pūrva-vat sthitaḥ

Sanskrit only: no published translation is held for this verse.