Bhāgavata Purāṇa 3.17

निशम्यात्म-भुवा गीतं कारणं शङ्कयोज्झिताः ततः सर्वे न्यवर्तन्त त्रिदिवाय दिवौकसः

niśamyātma-bhuvā gītaṃ kāraṇaṃ śaṅkayojjhitāḥ tataḥ sarve nyavartanta tridivāya divaukasaḥ

Sanskrit only: no published translation is held for this verse.

मैत्रेय उवाच

maitreya uvāca

Sanskrit only: no published translation is held for this verse.

उत्पाता बहवस् तत्र निपेतुर् जायमानयोः दिवि भुव्य् अन्तरिक्षे च लोकस्योरु-भयावहाः

utpātā bahavas tatra nipetur jāyamānayoḥ divi bhuvy antarikṣe ca lokasyoru-bhayāvahāḥ

Sanskrit only: no published translation is held for this verse.

सहाचला भुवश् चेलुर् दिशः सर्वाः प्रजज्वलुः सोल्काश् चाशनयः पेतुः केतवश् चार्ति-हेतवः

sahācalā bhuvaś celur diśaḥ sarvāḥ prajajvaluḥ solkāś cāśanayaḥ petuḥ ketavaś cārti-hetavaḥ

Sanskrit only: no published translation is held for this verse.

ववौ वायुः सुदुःस्पर्शः फूत्-कारान् ईरयन् मुहुः उन्मूलयन् नग-पतीन् वात्यानीको रजो-ध्वजः

vavau vāyuḥ suduḥsparśaḥ phūt-kārān īrayan muhuḥ unmūlayan naga-patīn vātyānīko rajo-dhvajaḥ

Sanskrit only: no published translation is held for this verse.

उद्धसत्-तडिद्-अम्भोद- घटया नष्ट-भागणे व्योम्नि प्रविष्ट-तमसा न स्म व्यादृश्यते पदम्

uddhasat-taḍid-ambhoda- ghaṭayā naṣṭa-bhāgaṇe vyomni praviṣṭa-tamasā na sma vyādṛśyate padam

Sanskrit only: no published translation is held for this verse.

चुक्रोश विमना वार्धिर् उदूर्मिः क्षुभितोदरः सोदपानाश् च सरितश् चुक्षुभुः शुष्क-पङ्कजाः

cukrośa vimanā vārdhir udūrmiḥ kṣubhitodaraḥ sodapānāś ca saritaś cukṣubhuḥ śuṣka-paṅkajāḥ

Sanskrit only: no published translation is held for this verse.

मुहुः परिधयो ऽभूवन् सराह्वोः शशि-सूर्ययोः निर्घाता रथ-निर्ह्रादा विवरेभ्यः प्रजज्ञिरे

muhuḥ paridhayo 'bhūvan sarāhvoḥ śaśi-sūryayoḥ nirghātā ratha-nirhrādā vivarebhyaḥ prajajñire

Sanskrit only: no published translation is held for this verse.

अन्तर्-ग्रामेषु मुखतो वमन्त्यो वह्निम् उल्बणम् सृगालोलूक-टङ्कारैः प्रणेदुर् अशिवं शिवाः

antar-grāmeṣu mukhato vamantyo vahnim ulbaṇam sṛgālolūka-ṭaṅkāraiḥ praṇedur aśivaṃ śivāḥ

Sanskrit only: no published translation is held for this verse.

सङ्गीतवद् रोदनवद् उन्नमय्य शिरोधराम् व्यमुञ्चन् विविधा वाचो ग्राम-सिंहास् ततस् ततः

saṅgītavad rodanavad unnamayya śirodharām vyamuñcan vividhā vāco grāma-siṃhās tatas tataḥ

Sanskrit only: no published translation is held for this verse.

खराश् च कर्कशैः क्षत्तः खुरैर् घ्नन्तो धरा-तलम् खार्कार-रभसा मत्ताः पर्यधावन् वरूथशः

kharāś ca karkaśaiḥ kṣattaḥ khurair ghnanto dharā-talam khārkāra-rabhasā mattāḥ paryadhāvan varūthaśaḥ

Sanskrit only: no published translation is held for this verse.

रुदन्तो रासभ-त्रस्ता नीडाद् उदपतन् खगाः घोषे ऽरण्ये च पशवः शकृन्-मूत्रम् अकुर्वत

rudanto rāsabha-trastā nīḍād udapatan khagāḥ ghoṣe 'raṇye ca paśavaḥ śakṛn-mūtram akurvata

Sanskrit only: no published translation is held for this verse.

गावो ऽत्रसन्न् असृग्-दोहास् तोयदाः पूय-वर्षिणः व्यरुदन् देव-लिङ्गानि द्रुमाः पेतुर् विनानिलम्

gāvo 'trasann asṛg-dohās toyadāḥ pūya-varṣiṇaḥ vyarudan deva-liṅgāni drumāḥ petur vinānilam

Sanskrit only: no published translation is held for this verse.

ग्रहान् पुण्यतमान् अन्ये भगणांश् चापि दीपिताः अतिचेरुर् वक्र-गत्या युयुधुश् च परस्परम्

grahān puṇyatamān anye bhagaṇāṃś cāpi dīpitāḥ aticerur vakra-gatyā yuyudhuś ca parasparam

Sanskrit only: no published translation is held for this verse.

दृष्ट्वान्यांश् च महोत्पातान् अतत्-तत्त्व-विदः प्रजाः ब्रह्म-पुत्रान् ऋते भीता मेनिरे विश्व-सम्प्लवम्

dṛṣṭvānyāṃś ca mahotpātān atat-tattva-vidaḥ prajāḥ brahma-putrān ṛte bhītā menire viśva-samplavam

Sanskrit only: no published translation is held for this verse.

ताव् आदि-दैत्यौ सहसा व्यज्यमानात्म-पौरुषौ ववृधाते ऽश्म-सारेण कायेनाद्रि-पती इव

tāv ādi-daityau sahasā vyajyamānātma-pauruṣau vavṛdhāte 'śma-sāreṇa kāyenādri-patī iva

Sanskrit only: no published translation is held for this verse.

दिवि-स्पृशौ हेम-किरीट-कोटिभिर् निरुद्ध-काष्ठौ स्फुरद्-अङ्गदा-भुजौ गां कम्पयन्तौ चरणैः पदे पदे कट्या सुकाञ्च्यार्कम् अतीत्य तस्थतुः

divi-spṛśau hema-kirīṭa-koṭibhir niruddha-kāṣṭhau sphurad-aṅgadā-bhujau gāṃ kampayantau caraṇaiḥ pade pade kaṭyā sukāñcyārkam atītya tasthatuḥ

Sanskrit only: no published translation is held for this verse.

प्रजापतिर् नाम तयोर् अकार्षीद् यः प्राक् स्व-देहाद् यमयोर् अजायत तं वै हिरण्यकशिपुं विदुः प्रजा यं तं हिरण्याक्षम् असूत साग्रतः

prajāpatir nāma tayor akārṣīd yaḥ prāk sva-dehād yamayor ajāyata taṃ vai hiraṇyakaśipuṃ viduḥ prajā yaṃ taṃ hiraṇyākṣam asūta sāgrataḥ

Sanskrit only: no published translation is held for this verse.

चक्रे हिरण्यकशिपुर् दोर्भ्यां ब्रह्म-वरेण च वशे स-पालान् लोकांस् त्रीन् अकुतो-मृत्युर् उद्धतः

cakre hiraṇyakaśipur dorbhyāṃ brahma-vareṇa ca vaśe sa-pālān lokāṃs trīn akuto-mṛtyur uddhataḥ

Sanskrit only: no published translation is held for this verse.

हिरण्याक्षो ऽनुजस् तस्य प्रियः प्रीति-कृद् अन्वहम् गदा-पाणिर् दिवं यातो युयुत्सुर् मृगयन् रणम्

hiraṇyākṣo 'nujas tasya priyaḥ prīti-kṛd anvaham gadā-pāṇir divaṃ yāto yuyutsur mṛgayan raṇam

Sanskrit only: no published translation is held for this verse.

तं वीक्ष्य दुःसह-जवं रणत्-काञ्चन-नूपुरम् वैजयन्त्या स्रजा जुष्टम् अंस-न्यस्त-महा-गदम्

taṃ vīkṣya duḥsaha-javaṃ raṇat-kāñcana-nūpuram vaijayantyā srajā juṣṭam aṃsa-nyasta-mahā-gadam

Sanskrit only: no published translation is held for this verse.

मनो-वीर्य-वरोत्सिक्तम् असृण्यम् अकुतो-भयम् भीता निलिल्यिरे देवास् तार्क्ष्य-त्रस्ता इवाहयः

mano-vīrya-varotsiktam asṛṇyam akuto-bhayam bhītā nililyire devās tārkṣya-trastā ivāhayaḥ

Sanskrit only: no published translation is held for this verse.

स वै तिरोहितान् दृष्ट्वा महसा स्वेन दैत्य-राट् सेन्द्रान् देव-गणान् क्षीबान् अपश्यन् व्यनदद् भृशम्

sa vai tirohitān dṛṣṭvā mahasā svena daitya-rāṭ sendrān deva-gaṇān kṣībān apaśyan vyanadad bhṛśam

Sanskrit only: no published translation is held for this verse.

ततो निवृत्तः क्रीडिष्यन् गम्भीरं भीम-निस्वनम् विजगाहे महा-सत्त्वो वार्धिं मत्त इव द्विपः

tato nivṛttaḥ krīḍiṣyan gambhīraṃ bhīma-nisvanam vijagāhe mahā-sattvo vārdhiṃ matta iva dvipaḥ

Sanskrit only: no published translation is held for this verse.

तस्मिन् प्रविष्टे वरुणस्य सैनिका यादो-गणाः सन्न-धियः ससाध्वसाः अहन्यमाना अपि तस्य वर्चसा प्रधर्षिता दूरतरं प्रदुद्रुवुः

tasmin praviṣṭe varuṇasya sainikā yādo-gaṇāḥ sanna-dhiyaḥ sasādhvasāḥ ahanyamānā api tasya varcasā pradharṣitā dūrataraṃ pradudruvuḥ

Sanskrit only: no published translation is held for this verse.

स वर्ष-पूगान् उदधौ महा-बलश् चरन् महोर्मीञ् छ्वसनेरितान् मुहुः मौर्व्याभिजघ्ने गदया विभावरीम् आसेदिवांस् तात पुरीं प्रचेतसः

sa varṣa-pūgān udadhau mahā-balaś caran mahormīñ chvasaneritān muhuḥ maurvyābhijaghne gadayā vibhāvarīm āsedivāṃs tāta purīṃ pracetasaḥ

Sanskrit only: no published translation is held for this verse.

तत्रोपलभ्यासुर-लोक-पालकं यादो-गणानाम् ऋषभं प्रचेतसम् स्मयन् प्रलब्धुं प्रणिपत्य नीचवज् जगाद मे देह्य् अधिराज संयुगम्

tatropalabhyāsura-loka-pālakaṃ yādo-gaṇānām ṛṣabhaṃ pracetasam smayan pralabdhuṃ praṇipatya nīcavaj jagāda me dehy adhirāja saṃyugam

Sanskrit only: no published translation is held for this verse.

त्वं लोक-पालो ऽधिपतिर् बृहच्-छ्रवा वीर्यापहो दुर्मद-वीर-मानिनाम् विजित्य लोके ऽखिल-दैत्य-दानवान् यद् राजसूयेन पुरायजत् प्रभो

tvaṃ loka-pālo 'dhipatir bṛhac-chravā vīryāpaho durmada-vīra-māninām vijitya loke 'khila-daitya-dānavān yad rājasūyena purāyajat prabho

Sanskrit only: no published translation is held for this verse.

स एवम् उत्सिक्त-मदेन विद्विषा दृढं प्रलब्धो भगवान् अपां पतिः रोषं समुत्थं शमयन् स्वया धिया व्यवोचद् अङ्गोपशमं गता वयम्

sa evam utsikta-madena vidviṣā dṛḍhaṃ pralabdho bhagavān apāṃ patiḥ roṣaṃ samutthaṃ śamayan svayā dhiyā vyavocad aṅgopaśamaṃ gatā vayam

Sanskrit only: no published translation is held for this verse.

पश्यामि नान्यं पुरुषात् पुरातनाद् यः संयुगे त्वां रण-मार्ग-कोविदम् आराधयिष्यत्य् असुरर्षभेहि तं मनस्विनो यं गृणते भवादृशाः

paśyāmi nānyaṃ puruṣāt purātanād yaḥ saṃyuge tvāṃ raṇa-mārga-kovidam ārādhayiṣyaty asurarṣabhehi taṃ manasvino yaṃ gṛṇate bhavādṛśāḥ

Sanskrit only: no published translation is held for this verse.

तं वीरम् आराद् अभिपद्य विस्मयः शयिष्यसे वीर-शये श्वभिर् वृतः यस् त्वद्-विधानाम् असतां प्रशान्तये रूपाणि धत्ते सद्-अनुग्रहेच्छया

taṃ vīram ārād abhipadya vismayaḥ śayiṣyase vīra-śaye śvabhir vṛtaḥ yas tvad-vidhānām asatāṃ praśāntaye rūpāṇi dhatte sad-anugrahecchayā

Sanskrit only: no published translation is held for this verse.