Library·Bhāgavata Purāṇa·3·3.19
मैत्रेय उवाच अवधार्य विरिञ्चस्य निर्व्यलीकामृतं वचः प्रहस्य प्रेम-गर्भेण तद् अपाङ्गेन सो ऽग्रहीत्
maitreya uvāca avadhārya viriñcasya nirvyalīkāmṛtaṃ vacaḥ prahasya prema-garbheṇa tad apāṅgena so 'grahīt
Sanskrit only: no published translation is held for this verse.
ततः सपत्नं मुखतश् चरन्तम् अकुतो-भयम् जघानोत्पत्य गदया हनाव् असुरम् अक्षजः
tataḥ sapatnaṃ mukhataś carantam akuto-bhayam jaghānotpatya gadayā hanāv asuram akṣajaḥ
Sanskrit only: no published translation is held for this verse.
सा हता तेन गदया विहता भगवत्-करात् विघूर्णितापतद् रेजे तद् अद्भुतम् इवाभवत्
sā hatā tena gadayā vihatā bhagavat-karāt vighūrṇitāpatad reje tad adbhutam ivābhavat
Sanskrit only: no published translation is held for this verse.
स तदा लब्ध-तीर्थो ऽपि न बबाधे निरायुधम् मानयन् स मृधे धर्मं विष्वक्सेनं प्रकोपयन्
sa tadā labdha-tīrtho 'pi na babādhe nirāyudham mānayan sa mṛdhe dharmaṃ viṣvaksenaṃ prakopayan
Sanskrit only: no published translation is held for this verse.
गदायाम् अपविद्धायां हाहा-कारे विनिर्गते मानयाम् आस तद्-धर्मं सुनाभं चास्मरद् विभुः
gadāyām apaviddhāyāṃ hāhā-kāre vinirgate mānayām āsa tad-dharmaṃ sunābhaṃ cāsmarad vibhuḥ
Sanskrit only: no published translation is held for this verse.
तं व्यग्र-चक्रं दिति-पुत्राधमेन स्व-पार्षद-मुख्येन विषज्जमानम् चित्रा वाचो ऽतद्-विदां खे-चराणां तत्र स्मासन् स्वस्ति ते ऽमुं जहीति
taṃ vyagra-cakraṃ diti-putrādhamena sva-pārṣada-mukhyena viṣajjamānam citrā vāco 'tad-vidāṃ khe-carāṇāṃ tatra smāsan svasti te 'muṃ jahīti
Sanskrit only: no published translation is held for this verse.
स तं निशाम्यात्त-रथाङ्गम् अग्रतो व्यवस्थितं पद्म-पलाश-लोचनम् विलोक्य चामर्ष-परिप्लुतेन्द्रियो रुषा स्व-दन्त-च्छदम् आदशच् छ्वसन्
sa taṃ niśāmyātta-rathāṅgam agrato vyavasthitaṃ padma-palāśa-locanam vilokya cāmarṣa-pariplutendriyo ruṣā sva-danta-cchadam ādaśac chvasan
Sanskrit only: no published translation is held for this verse.
कराल-दंष्ट्रश् चक्षुर्भ्यां सञ्चक्षाणो दहन्न् इव अभिप्लुत्य स्व-गदया हतो ऽसीत्य् आहनद् धरिम्
karāla-daṃṣṭraś cakṣurbhyāṃ sañcakṣāṇo dahann iva abhiplutya sva-gadayā hato 'sīty āhanad dharim
Sanskrit only: no published translation is held for this verse.
पदा सव्येन तां साधो भगवान् यज्ञ-सूकरः लीलया मिषतः शत्रोः प्राहरद् वात-रंहसम्
padā savyena tāṃ sādho bhagavān yajña-sūkaraḥ līlayā miṣataḥ śatroḥ prāharad vāta-raṃhasam
Sanskrit only: no published translation is held for this verse.
आह चायुधम् आधत्स्व घटस्व त्वं जिगीषसि इत्य् उक्तः स तदा भूयस् ताडयन् व्यनदद् भृशम्
āha cāyudham ādhatsva ghaṭasva tvaṃ jigīṣasi ity uktaḥ sa tadā bhūyas tāḍayan vyanadad bhṛśam
Sanskrit only: no published translation is held for this verse.
तां स आपततीं वीक्ष्य भगवान् समवस्थितः जग्राह लीलया प्राप्तां गरुत्मान् इव पन्नगीम्
tāṃ sa āpatatīṃ vīkṣya bhagavān samavasthitaḥ jagrāha līlayā prāptāṃ garutmān iva pannagīm
Sanskrit only: no published translation is held for this verse.
स्व-पौरुषे प्रतिहते हत-मानो महासुरः नैच्छद् गदां दीयमानां हरिणा विगत-प्रभः
sva-pauruṣe pratihate hata-māno mahāsuraḥ naicchad gadāṃ dīyamānāṃ hariṇā vigata-prabhaḥ
Sanskrit only: no published translation is held for this verse.
जग्राह त्रि-शिखं शूलं ज्वलज्-ज्वलन-लोलुपम् यज्ञाय धृत-रूपाय विप्रायाभिचरन् यथा
jagrāha tri-śikhaṃ śūlaṃ jvalaj-jvalana-lolupam yajñāya dhṛta-rūpāya viprāyābhicaran yathā
Sanskrit only: no published translation is held for this verse.
तद् ओजसा दैत्य-महा-भटार्पितं चकासद् अन्तः-ख उदीर्ण-दीधिति चक्रेण चिच्छेद निशात-नेमिना हरिर् यथा तार्क्ष्य-पतत्रम् उज्झितम्
tad ojasā daitya-mahā-bhaṭārpitaṃ cakāsad antaḥ-kha udīrṇa-dīdhiti cakreṇa ciccheda niśāta-neminā harir yathā tārkṣya-patatram ujjhitam
Sanskrit only: no published translation is held for this verse.
वृक्णे स्व-शूले बहुधारिणा हरेः प्रत्येत्य विस्तीर्णम् उरो विभूतिमत् प्रवृद्ध-रोषः स कठोर-मुष्टिना नदन् प्रहृत्यान्तरधीयतासुरः
vṛkṇe sva-śūle bahudhāriṇā hareḥ pratyetya vistīrṇam uro vibhūtimat pravṛddha-roṣaḥ sa kaṭhora-muṣṭinā nadan prahṛtyāntaradhīyatāsuraḥ
Sanskrit only: no published translation is held for this verse.
तेनेत्थम् आहतः क्षत्तर् भगवान् आदि-सूकरः नाकम्पत मनाक् क्वापि स्रजा हत इव द्विपः
tenettham āhataḥ kṣattar bhagavān ādi-sūkaraḥ nākampata manāk kvāpi srajā hata iva dvipaḥ
Sanskrit only: no published translation is held for this verse.
अथोरुधासृजन् मायां योग-मायेश्वरे हरौ यां विलोक्य प्रजास् त्रस्ता मेनिरे ऽस्योपसंयमम्
athorudhāsṛjan māyāṃ yoga-māyeśvare harau yāṃ vilokya prajās trastā menire 'syopasaṃyamam
Sanskrit only: no published translation is held for this verse.
प्रववुर् वायवश् चण्डास् तमः पांसवम् ऐरयन् दिग्भ्यो निपेतुर् ग्रावाणः क्षेपणैः प्रहिता इव
pravavur vāyavaś caṇḍās tamaḥ pāṃsavam airayan digbhyo nipetur grāvāṇaḥ kṣepaṇaiḥ prahitā iva
Sanskrit only: no published translation is held for this verse.
द्यौर् नष्ट-भगणाभ्रौघैः स-विद्युत्-स्तनयित्नुभिः वर्षद्भिः पूय-केशासृग्- विण्-मूत्रास्थीनि चासकृत्
dyaur naṣṭa-bhagaṇābhraughaiḥ sa-vidyut-stanayitnubhiḥ varṣadbhiḥ pūya-keśāsṛg- viṇ-mūtrāsthīni cāsakṛt
Sanskrit only: no published translation is held for this verse.
गिरयः प्रत्यदृश्यन्त नानायुध-मुचो ऽनघ दिग्-वाससो यातुधान्यः शूलिन्यो मुक्त-मूर्धजाः
girayaḥ pratyadṛśyanta nānāyudha-muco 'nagha dig-vāsaso yātudhānyaḥ śūlinyo mukta-mūrdhajāḥ
Sanskrit only: no published translation is held for this verse.
बहुभिर् यक्ष-रक्षोभिः पत्त्य्-अश्व-रथ-कुञ्जरैः आततायिभिर् उत्सृष्टा हिंस्रा वाचो ऽतिवैशसाः
bahubhir yakṣa-rakṣobhiḥ patty-aśva-ratha-kuñjaraiḥ ātatāyibhir utsṛṣṭā hiṃsrā vāco 'tivaiśasāḥ
Sanskrit only: no published translation is held for this verse.
प्रादुष्कृतानां मायानाम् आसुरीणां विनाशयत् सुदर्शनास्त्रं भगवान् प्रायुङ्क्त दयितं त्रि-पात्
prāduṣkṛtānāṃ māyānām āsurīṇāṃ vināśayat sudarśanāstraṃ bhagavān prāyuṅkta dayitaṃ tri-pāt
Sanskrit only: no published translation is held for this verse.
तदा दितेः समभवत् सहसा हृदि वेपथुः स्मरन्त्या भर्तुर् आदेशं स्तनाच् चासृक् प्रसुस्रुवे
tadā diteḥ samabhavat sahasā hṛdi vepathuḥ smarantyā bhartur ādeśaṃ stanāc cāsṛk prasusruve
Sanskrit only: no published translation is held for this verse.
विनष्टासु स्व-मायासु भूयश् चाव्रज्य केशवम् रुषोपगूहमानो ऽमुं ददृशे ऽवस्थितं बहिः
vinaṣṭāsu sva-māyāsu bhūyaś cāvrajya keśavam ruṣopagūhamāno 'muṃ dadṛśe 'vasthitaṃ bahiḥ
Sanskrit only: no published translation is held for this verse.
तं मुष्टिभिर् विनिघ्नन्तं वज्र-सारैर् अधोक्षजः करेण कर्ण-मूले ऽहन् यथा त्वाष्ट्रं मरुत्-पतिः
taṃ muṣṭibhir vinighnantaṃ vajra-sārair adhokṣajaḥ kareṇa karṇa-mūle 'han yathā tvāṣṭraṃ marut-patiḥ
Sanskrit only: no published translation is held for this verse.
स आहतो विश्व-जिता ह्य् अवज्ञया परिभ्रमद्-गात्र उदस्त-लोचनः विशीर्ण-बाह्व्-अङ्घ्रि-शिरोरुहो ऽपतद् यथा नगेन्द्रो लुलितो नभस्वता
sa āhato viśva-jitā hy avajñayā paribhramad-gātra udasta-locanaḥ viśīrṇa-bāhv-aṅghri-śiroruho 'patad yathā nagendro lulito nabhasvatā
Sanskrit only: no published translation is held for this verse.
क्षितौ शयानं तम् अकुण्ठ-वर्चसं कराल-दंष्ट्रं परिदष्ट-दच्छदम् अजादयो वीक्ष्य शशंसुर् आगता अहो इमं को नु लभेत संस्थितिम्
kṣitau śayānaṃ tam akuṇṭha-varcasaṃ karāla-daṃṣṭraṃ paridaṣṭa-dacchadam ajādayo vīkṣya śaśaṃsur āgatā aho imaṃ ko nu labheta saṃsthitim
Sanskrit only: no published translation is held for this verse.
यं योगिनो योग-समाधिना रहो ध्यायन्ति लिङ्गाद् असतो मुमुक्षया तस्यैष दैत्य-ऋषभः पदाहतो मुखं प्रपश्यंस् तनुम् उत्ससर्ज ह
yaṃ yogino yoga-samādhinā raho dhyāyanti liṅgād asato mumukṣayā tasyaiṣa daitya-ṛṣabhaḥ padāhato mukhaṃ prapaśyaṃs tanum utsasarja ha
Sanskrit only: no published translation is held for this verse.
एतौ तौ पार्षदाव् अस्य शापाद् याताव् असद्-गतिम् पुनः कतिपयैः स्थानं प्रपत्स्येते ह जन्मभिः
etau tau pārṣadāv asya śāpād yātāv asad-gatim punaḥ katipayaiḥ sthānaṃ prapatsyete ha janmabhiḥ
Sanskrit only: no published translation is held for this verse.
देवा ऊचुः नमो नमस् ते ऽखिल-यज्ञ-तन्तवे स्थितौ गृहीतामल-सत्त्व-मूर्तये दिष्ट्या हतो ऽयं जगताम् अरुन्तुदस् त्वत्-पाद-भक्त्या वयम् ईश निर्वृताः
devā ūcuḥ namo namas te 'khila-yajña-tantave sthitau gṛhītāmala-sattva-mūrtaye diṣṭyā hato 'yaṃ jagatām aruntudas tvat-pāda-bhaktyā vayam īśa nirvṛtāḥ
Sanskrit only: no published translation is held for this verse.
मैत्रेय उवाच एवं हिरण्याक्षम् असह्य-विक्रमं स सादयित्वा हरिर् आदि-सूकरः जगाम लोकं स्वम् अखण्डितोत्सवं समीडितः पुष्कर-विष्टरादिभिः
maitreya uvāca evaṃ hiraṇyākṣam asahya-vikramaṃ sa sādayitvā harir ādi-sūkaraḥ jagāma lokaṃ svam akhaṇḍitotsavaṃ samīḍitaḥ puṣkara-viṣṭarādibhiḥ
Sanskrit only: no published translation is held for this verse.
मया यथानूक्तम् अवादि ते हरेः कृतावतारस्य सुमित्र चेष्टितम् यथा हिरण्याक्ष उदार-विक्रमो महा-मृधे क्रीडनवन् निराकृतः
mayā yathānūktam avādi te hareḥ kṛtāvatārasya sumitra ceṣṭitam yathā hiraṇyākṣa udāra-vikramo mahā-mṛdhe krīḍanavan nirākṛtaḥ
Sanskrit only: no published translation is held for this verse.
सूत उवाच इति कौषारवाख्याताम् आश्रुत्य भगवत्-कथाम् क्षत्तानन्दं परं लेभे महा-भागवतो द्विज
sūta uvāca iti kauṣāravākhyātām āśrutya bhagavat-kathām kṣattānandaṃ paraṃ lebhe mahā-bhāgavato dvija
Sanskrit only: no published translation is held for this verse.
अन्येषां पुण्य-श्लोकानाम् उद्दाम-यशसां सताम् उपश्रुत्य भवेन् मोदः श्रीवत्साङ्कस्य किं पुनः
anyeṣāṃ puṇya-ślokānām uddāma-yaśasāṃ satām upaśrutya bhaven modaḥ śrīvatsāṅkasya kiṃ punaḥ
Sanskrit only: no published translation is held for this verse.
यो गजेन्द्रं झष-ग्रस्तं ध्यायन्तं चरणाम्बुजम् क्रोशन्तीनां करेणूनां कृच्छ्रतो ऽमोचयद् द्रुतम्
yo gajendraṃ jhaṣa-grastaṃ dhyāyantaṃ caraṇāmbujam krośantīnāṃ kareṇūnāṃ kṛcchrato 'mocayad drutam
Sanskrit only: no published translation is held for this verse.
तं सुखाराध्यम् ऋजुभिर् अनन्य-शरणैर् नृभिः कृतज्ञः को न सेवेत दुराराध्यम् असाधुभिः
taṃ sukhārādhyam ṛjubhir ananya-śaraṇair nṛbhiḥ kṛtajñaḥ ko na seveta durārādhyam asādhubhiḥ
Sanskrit only: no published translation is held for this verse.
यो वै हिरण्याक्ष-वधं महाद्भुतं विक्रीडितं कारण-सूकरात्मनः शृणोति गायत्य् अनुमोदते ऽञ्जसा विमुच्यते ब्रह्म-वधाद् अपि द्विजाः
yo vai hiraṇyākṣa-vadhaṃ mahādbhutaṃ vikrīḍitaṃ kāraṇa-sūkarātmanaḥ śṛṇoti gāyaty anumodate 'ñjasā vimucyate brahma-vadhād api dvijāḥ
Sanskrit only: no published translation is held for this verse.
एतन् महा-पुण्यम् अलं पवित्रं धन्यं यशस्यं पदम् आयुर्-आशिषाम् प्राणेन्द्रियाणां युधि शौर्य-वर्धनं नारायणो ऽन्ते गतिर् अङ्ग शृण्वताम्
etan mahā-puṇyam alaṃ pavitraṃ dhanyaṃ yaśasyaṃ padam āyur-āśiṣām prāṇendriyāṇāṃ yudhi śaurya-vardhanaṃ nārāyaṇo 'nte gatir aṅga śṛṇvatām
Sanskrit only: no published translation is held for this verse.