Library·Bhāgavata Purāṇa·3·3.3
उद्धव उवाच ततः स आगत्य पुरं स्व-पित्रोश् चिकीर्षया शं बलदेव-संयुतः निपात्य तुङ्गाद् रिपु-यूथ-नाथं हतं व्यकर्षद् व्यसुम् ओजसोर्व्याम्
uddhava uvāca tataḥ sa āgatya puraṃ sva-pitroś cikīrṣayā śaṃ baladeva-saṃyutaḥ nipātya tuṅgād ripu-yūtha-nāthaṃ hataṃ vyakarṣad vyasum ojasorvyām
Sanskrit only: no published translation is held for this verse.
सान्दीपनेः सकृत् प्रोक्तं ब्रह्माधीत्य स-विस्तरम् तस्मै प्रादाद् वरं पुत्रं मृतं पञ्च-जनोदरात्
sāndīpaneḥ sakṛt proktaṃ brahmādhītya sa-vistaram tasmai prādād varaṃ putraṃ mṛtaṃ pañca-janodarāt
Sanskrit only: no published translation is held for this verse.
समाहुता भीष्मक-कन्यया ये श्रियः सवर्णेन बुभूषयैषाम् गान्धर्व-वृत्त्या मिषतां स्व-भागं जह्रे पदं मूर्ध्नि दधत् सुपर्णः
samāhutā bhīṣmaka-kanyayā ye śriyaḥ savarṇena bubhūṣayaiṣām gāndharva-vṛttyā miṣatāṃ sva-bhāgaṃ jahre padaṃ mūrdhni dadhat suparṇaḥ
Sanskrit only: no published translation is held for this verse.
ककुद्मिनो ऽविद्ध-नसो दमित्वा स्वयंवरे नाग्नजितीम् उवाह तद्-भग्नमानान् अपि गृध्यतो ऽज्ञाञ् जघ्ने ऽक्षतः शस्त्र-भृतः स्व-शस्त्रैः
kakudmino 'viddha-naso damitvā svayaṃvare nāgnajitīm uvāha tad-bhagnamānān api gṛdhyato 'jñāñ jaghne 'kṣataḥ śastra-bhṛtaḥ sva-śastraiḥ
Sanskrit only: no published translation is held for this verse.
प्रियं प्रभुर् ग्राम्य इव प्रियाया विधित्सुर् आर्च्छद् द्युतरुं यद्-अर्थे वज्र्य् आद्रवत् तं स-गणो रुषान्धः क्रीडा-मृगो नूनम् अयं वधूनाम्
priyaṃ prabhur grāmya iva priyāyā vidhitsur ārcchad dyutaruṃ yad-arthe vajry ādravat taṃ sa-gaṇo ruṣāndhaḥ krīḍā-mṛgo nūnam ayaṃ vadhūnām
Sanskrit only: no published translation is held for this verse.
सुतं मृधे खं वपुषा ग्रसन्तं दृष्ट्वा सुनाभोन्मथितं धरित्र्या आमन्त्रितस् तत्-तनयाय शेषं दत्त्वा तद्-अन्तः-पुरम् आविवेश
sutaṃ mṛdhe khaṃ vapuṣā grasantaṃ dṛṣṭvā sunābhonmathitaṃ dharitryā āmantritas tat-tanayāya śeṣaṃ dattvā tad-antaḥ-puram āviveśa
Sanskrit only: no published translation is held for this verse.
तत्राहृतास् ता नर-देव-कन्याः कुजेन दृष्ट्वा हरिम् आर्त-बन्धुम् उत्थाय सद्यो जगृहुः प्रहर्ष- व्रीडानुराग-प्रहितावलोकैः
tatrāhṛtās tā nara-deva-kanyāḥ kujena dṛṣṭvā harim ārta-bandhum utthāya sadyo jagṛhuḥ praharṣa- vrīḍānurāga-prahitāvalokaiḥ
Sanskrit only: no published translation is held for this verse.
आसां मुहूर्त एकस्मिन् नानागारेषु योषिताम् स-विधं जगृहे पाणीन् अनुरूपः स्व-मायया
āsāṃ muhūrta ekasmin nānāgāreṣu yoṣitām sa-vidhaṃ jagṛhe pāṇīn anurūpaḥ sva-māyayā
Sanskrit only: no published translation is held for this verse.
तास्व् अपत्यान्य् अजनयद् आत्म-तुल्यानि सर्वतः एकैकस्यां दश दश प्रकृतेर् विबुभूषया
tāsv apatyāny ajanayad ātma-tulyāni sarvataḥ ekaikasyāṃ daśa daśa prakṛter vibubhūṣayā
Sanskrit only: no published translation is held for this verse.
काल-मागध-शाल्वादीन् अनीकै रुन्धतः पुरम् अजीघनत् स्वयं दिव्यं स्व-पुंसां तेज आदिशत्
kāla-māgadha-śālvādīn anīkai rundhataḥ puram ajīghanat svayaṃ divyaṃ sva-puṃsāṃ teja ādiśat
Sanskrit only: no published translation is held for this verse.
शम्बरं द्विविदं बाणं मुरं बल्वलम् एव च अन्यांश् च दन्तवक्रादीन् अवधीत् कांश् च घातयत्
śambaraṃ dvividaṃ bāṇaṃ muraṃ balvalam eva ca anyāṃś ca dantavakrādīn avadhīt kāṃś ca ghātayat
Sanskrit only: no published translation is held for this verse.
अथ ते भ्रातृ-पुत्राणां पक्षयोः पतितान् नृपान् चचाल भूः कुरुक्षेत्रं येषाम् आपततां बलैः
atha te bhrātṛ-putrāṇāṃ pakṣayoḥ patitān nṛpān cacāla bhūḥ kurukṣetraṃ yeṣām āpatatāṃ balaiḥ
Sanskrit only: no published translation is held for this verse.
स कर्ण-दुःशासन-सौबलानां कुमन्त्र-पाकेन हत-श्रियायुषम् सुयोधनं सानुचरं शयानं भग्नोरुम् ऊर्व्यां न ननन्द पश्यन्
sa karṇa-duḥśāsana-saubalānāṃ kumantra-pākena hata-śriyāyuṣam suyodhanaṃ sānucaraṃ śayānaṃ bhagnorum ūrvyāṃ na nananda paśyan
Sanskrit only: no published translation is held for this verse.
कियान् भुवो ऽयं क्षपितोरु-भारो यद् द्रोण-भीष्मार्जुन-भीम-मूलैः अष्टादशाक्षौहिणिको मद्-अंशैर् आस्ते बलं दुर्विषहं यदूनाम्
kiyān bhuvo 'yaṃ kṣapitoru-bhāro yad droṇa-bhīṣmārjuna-bhīma-mūlaiḥ aṣṭādaśākṣauhiṇiko mad-aṃśair āste balaṃ durviṣahaṃ yadūnām
Sanskrit only: no published translation is held for this verse.
मिथो यदैषां भविता विवादो मध्व्-आमदाताम्र-विलोचनानाम् नैषां वधोपाय इयान् अतो ऽन्यो मय्य् उद्यते ऽन्तर्दधते स्वयं स्म
mitho yadaiṣāṃ bhavitā vivādo madhv-āmadātāmra-vilocanānām naiṣāṃ vadhopāya iyān ato 'nyo mayy udyate 'ntardadhate svayaṃ sma
Sanskrit only: no published translation is held for this verse.
एवं सञ्चिन्त्य भगवान् स्व-राज्ये स्थाप्य धर्मजम् नन्दयाम् आस सुहृदः साधूनां वर्त्म दर्शयन्
evaṃ sañcintya bhagavān sva-rājye sthāpya dharmajam nandayām āsa suhṛdaḥ sādhūnāṃ vartma darśayan
Sanskrit only: no published translation is held for this verse.
उत्तरायां धृतः पूरोर् वंशः साध्व्-अभिमन्युना स वै द्रौण्य्-अस्त्र-सम्प्लुष्टः पुनर् भगवता धृतः
uttarāyāṃ dhṛtaḥ pūror vaṃśaḥ sādhv-abhimanyunā sa vai drauṇy-astra-sampluṣṭaḥ punar bhagavatā dhṛtaḥ
Sanskrit only: no published translation is held for this verse.
अयाजयद् धर्म-सुतम् अश्वमेधैस् त्रिभिर् विभुः सो ऽपि क्ष्माम् अनुजै रक्षन् रेमे कृष्णम् अनुव्रतः
ayājayad dharma-sutam aśvamedhais tribhir vibhuḥ so 'pi kṣmām anujai rakṣan reme kṛṣṇam anuvrataḥ
Sanskrit only: no published translation is held for this verse.
भगवान् अपि विश्वात्मा लोक-वेद-पथानुगः कामान् सिषेवे द्वार्वत्याम् असक्तः साङ्ख्यम् आस्थितः
bhagavān api viśvātmā loka-veda-pathānugaḥ kāmān siṣeve dvārvatyām asaktaḥ sāṅkhyam āsthitaḥ
Sanskrit only: no published translation is held for this verse.
स्निग्ध-स्मितावलोकेन वाचा पीयूष-कल्पया चरित्रेणानवद्येन श्री-निकेतेन चात्मना
snigdha-smitāvalokena vācā pīyūṣa-kalpayā caritreṇānavadyena śrī-niketena cātmanā
Sanskrit only: no published translation is held for this verse.
इमं लोकम् अमुं चैव रमयन् सुतरां यदून् रेमे क्षणदया दत्त- क्षण-स्त्री-क्षण-सौहृदः
imaṃ lokam amuṃ caiva ramayan sutarāṃ yadūn reme kṣaṇadayā datta- kṣaṇa-strī-kṣaṇa-sauhṛdaḥ
Sanskrit only: no published translation is held for this verse.
तस्यैवं रममाणस्य संवत्सर-गणान् बहून् गृहमेधेषु योगेषु विरागः समजायत
tasyaivaṃ ramamāṇasya saṃvatsara-gaṇān bahūn gṛhamedheṣu yogeṣu virāgaḥ samajāyata
Sanskrit only: no published translation is held for this verse.
दैवाधीनेषु कामेषु दैवाधीनः स्वयं पुमान् को विश्रम्भेत योगेन योगेश्वरम् अनुव्रतः
daivādhīneṣu kāmeṣu daivādhīnaḥ svayaṃ pumān ko viśrambheta yogena yogeśvaram anuvrataḥ
Sanskrit only: no published translation is held for this verse.
पुर्यां कदाचित् क्रीडद्भिर् यदु-भोज-कुमारकैः कोपिता मुनयः शेपुर् भगवन्-मत-कोविदाः
puryāṃ kadācit krīḍadbhir yadu-bhoja-kumārakaiḥ kopitā munayaḥ śepur bhagavan-mata-kovidāḥ
Sanskrit only: no published translation is held for this verse.
ततः कतिपयैर् मासैर् वृष्णि-भोजान्धकादयः ययुः प्रभासं संहृष्टा रथैर् देव-विमोहिताः
tataḥ katipayair māsair vṛṣṇi-bhojāndhakādayaḥ yayuḥ prabhāsaṃ saṃhṛṣṭā rathair deva-vimohitāḥ
Sanskrit only: no published translation is held for this verse.
तत्र स्नात्वा पित्-न् देवान् ऋषींश् चैव तद्-अम्भसा तर्पयित्वाथ विप्रेभ्यो गावो बहु-गुणा ददुः
tatra snātvā pit-n devān ṛṣīṃś caiva tad-ambhasā tarpayitvātha viprebhyo gāvo bahu-guṇā daduḥ
Sanskrit only: no published translation is held for this verse.
हिरण्यं रजतं शय्यां वासांस्य् अजिन-कम्बलान् यानं रथान् इभान् कन्या धरां वृत्ति-करीम् अपि
hiraṇyaṃ rajataṃ śayyāṃ vāsāṃsy ajina-kambalān yānaṃ rathān ibhān kanyā dharāṃ vṛtti-karīm api
Sanskrit only: no published translation is held for this verse.
अन्नं चोरु-रसं तेभ्यो दत्त्वा भगवद्-अर्पणम् गो-विप्रार्थासवः शूराः प्रणेमुर् भुवि मूर्धभिः
annaṃ coru-rasaṃ tebhyo dattvā bhagavad-arpaṇam go-viprārthāsavaḥ śūrāḥ praṇemur bhuvi mūrdhabhiḥ
Sanskrit only: no published translation is held for this verse.