Library·Bhāgavata Purāṇa·4·4.22
मैत्रेय उवाच जनेषु प्रगृणत्स्व् एवं पृथुं पृथुल-विक्रमम् तत्रोपजग्मुर् मुनयश् चत्वारः सूर्य-वर्चसः
maitreya uvāca janeṣu pragṛṇatsv evaṃ pṛthuṃ pṛthula-vikramam tatropajagmur munayaś catvāraḥ sūrya-varcasaḥ
Sanskrit only: no published translation is held for this verse.
तांस् तु सिद्धेश्वरान् राजा व्योम्नो ऽवतरतो ऽर्चिषा लोकान् अपापान् कुर्वाणान् सानुगो ऽचष्ट लक्षितान्
tāṃs tu siddheśvarān rājā vyomno 'vatarato 'rciṣā lokān apāpān kurvāṇān sānugo 'caṣṭa lakṣitān
Sanskrit only: no published translation is held for this verse.
तद्-दर्शनोद्गतान् प्राणान् प्रत्यादित्सुर् इवोत्थितः स-सदस्यानुगो वैन्य इन्द्रियेशो गुणान् इव
tad-darśanodgatān prāṇān pratyāditsur ivotthitaḥ sa-sadasyānugo vainya indriyeśo guṇān iva
Sanskrit only: no published translation is held for this verse.
गौरवाद् यन्त्रितः सभ्यः प्रश्रयानत-कन्धरः विधिवत् पूजयां चक्रे गृहीताध्यर्हणासनान्
gauravād yantritaḥ sabhyaḥ praśrayānata-kandharaḥ vidhivat pūjayāṃ cakre gṛhītādhyarhaṇāsanān
Sanskrit only: no published translation is held for this verse.
तत्-पाद-शौच-सलिलैर् मार्जितालक-बन्धनः तत्र शीलवतां वृत्तम् आचरन् मानयन्न् इव
tat-pāda-śauca-salilair mārjitālaka-bandhanaḥ tatra śīlavatāṃ vṛttam ācaran mānayann iva
Sanskrit only: no published translation is held for this verse.
हाटकासन आसीनान् स्व-धिष्ण्येष्व् इव पावकान् श्रद्धा-संयम-संयुक्तः प्रीतः प्राह भवाग्रजान्
hāṭakāsana āsīnān sva-dhiṣṇyeṣv iva pāvakān śraddhā-saṃyama-saṃyuktaḥ prītaḥ prāha bhavāgrajān
Sanskrit only: no published translation is held for this verse.
पृथुर् उवाच अहो आचरितं किं मे मङ्गलं मङ्गलायनाः यस्य वो दर्शनं ह्य् आसीद् दुर्दर्शानां च योगिभिः
pṛthur uvāca aho ācaritaṃ kiṃ me maṅgalaṃ maṅgalāyanāḥ yasya vo darśanaṃ hy āsīd durdarśānāṃ ca yogibhiḥ
Sanskrit only: no published translation is held for this verse.
किं तस्य दुर्लभतरम् इह लोके परत्र च यस्य विप्राः प्रसीदन्ति शिवो विष्णुश् च सानुगः
kiṃ tasya durlabhataram iha loke paratra ca yasya viprāḥ prasīdanti śivo viṣṇuś ca sānugaḥ
Sanskrit only: no published translation is held for this verse.
नैव लक्षयते लोको लोकान् पर्यटतो ऽपि यान् यथा सर्व-दृशं सर्व आत्मानं ये ऽस्य हेतवः
naiva lakṣayate loko lokān paryaṭato 'pi yān yathā sarva-dṛśaṃ sarva ātmānaṃ ye 'sya hetavaḥ
Sanskrit only: no published translation is held for this verse.
अधना अपि ते धन्याः साधवो गृह-मेधिनः यद्-गृहा ह्य् अर्ह-वर्याम्बु- तृण-भूमीश्वरावराः
adhanā api te dhanyāḥ sādhavo gṛha-medhinaḥ yad-gṛhā hy arha-varyāmbu- tṛṇa-bhūmīśvarāvarāḥ
Sanskrit only: no published translation is held for this verse.
व्यालालय-द्रुमा वै तेष्व् अरिक्ताखिल-सम्पदः यद्-गृहास् तीर्थ-पादीय- पादतीर्थ-विवर्जिताः
vyālālaya-drumā vai teṣv ariktākhila-sampadaḥ yad-gṛhās tīrtha-pādīya- pādatīrtha-vivarjitāḥ
Sanskrit only: no published translation is held for this verse.
स्वागतं वो द्विज-श्रेष्ठा यद्-व्रतानि मुमुक्षवः चरन्ति श्रद्धया धीरा बाला एव बृहन्ति च
svāgataṃ vo dvija-śreṣṭhā yad-vratāni mumukṣavaḥ caranti śraddhayā dhīrā bālā eva bṛhanti ca
Sanskrit only: no published translation is held for this verse.
कच्चिन् नः कुशलं नाथा इन्द्रियार्थार्थ-वेदिनाम् व्यसनावाप एतस्मिन् पतितानां स्व-कर्मभिः
kaccin naḥ kuśalaṃ nāthā indriyārthārtha-vedinām vyasanāvāpa etasmin patitānāṃ sva-karmabhiḥ
Sanskrit only: no published translation is held for this verse.
भवत्सु कुशल-प्रश्न आत्मारामेषु नेष्यते कुशलाकुशला यत्र न सन्ति मति-वृत्तयः
bhavatsu kuśala-praśna ātmārāmeṣu neṣyate kuśalākuśalā yatra na santi mati-vṛttayaḥ
Sanskrit only: no published translation is held for this verse.
तद् अहं कृत-विश्रम्भः सुहृदो वस् तपस्विनाम् सम्पृच्छे भव एतस्मिन् क्षेमः केनाञ्जसा भवेत्
tad ahaṃ kṛta-viśrambhaḥ suhṛdo vas tapasvinām sampṛcche bhava etasmin kṣemaḥ kenāñjasā bhavet
Sanskrit only: no published translation is held for this verse.
व्यक्तम् आत्मवताम् आत्मा भगवान् आत्म-भावनः स्वानाम् अनुग्रहायेमां सिद्ध-रूपी चरत्य् अजः
vyaktam ātmavatām ātmā bhagavān ātma-bhāvanaḥ svānām anugrahāyemāṃ siddha-rūpī caraty ajaḥ
Sanskrit only: no published translation is held for this verse.
मैत्रेय उवाच पृथोस् तत् सूक्तम् आकर्ण्य सारं सुष्ठु मितं मधु स्मयमान इव प्रीत्या कुमारः प्रत्युवाच ह
maitreya uvāca pṛthos tat sūktam ākarṇya sāraṃ suṣṭhu mitaṃ madhu smayamāna iva prītyā kumāraḥ pratyuvāca ha
Sanskrit only: no published translation is held for this verse.
सनत्-कुमार उवाच साधु पृष्टं महाराज सर्व-भूत-हितात्मना भवता विदुषा चापि साधूनां मतिर् ईदृशी
sanat-kumāra uvāca sādhu pṛṣṭaṃ mahārāja sarva-bhūta-hitātmanā bhavatā viduṣā cāpi sādhūnāṃ matir īdṛśī
Sanskrit only: no published translation is held for this verse.
सङ्गमः खलु साधूनाम् उभयेषां च सम्मतः यत्-सम्भाषण-सम्प्रश्नः सर्वेषां वितनोति शम्
saṅgamaḥ khalu sādhūnām ubhayeṣāṃ ca sammataḥ yat-sambhāṣaṇa-sampraśnaḥ sarveṣāṃ vitanoti śam
Sanskrit only: no published translation is held for this verse.
अस्त्य् एव राजन् भवतो मधुद्विषः पादारविन्दस्य गुणानुवादने रतिर् दुरापा विधुनोति नैष्ठिकी कामं कषायं मलम् अन्तर्-आत्मनः
asty eva rājan bhavato madhudviṣaḥ pādāravindasya guṇānuvādane ratir durāpā vidhunoti naiṣṭhikī kāmaṃ kaṣāyaṃ malam antar-ātmanaḥ
Sanskrit only: no published translation is held for this verse.
शास्त्रेष्व् इयान् एव सुनिश्चितो नृणां क्षेमस्य सध्र्यग्-विमृशेषु हेतुः असङ्ग आत्म-व्यतिरिक्त आत्मनि दृढा रतिर् ब्रह्मणि निर्गुणे च या
śāstreṣv iyān eva suniścito nṛṇāṃ kṣemasya sadhryag-vimṛśeṣu hetuḥ asaṅga ātma-vyatirikta ātmani dṛḍhā ratir brahmaṇi nirguṇe ca yā
Sanskrit only: no published translation is held for this verse.
सा श्रद्धया भगवद्-धर्म-चर्यया जिज्ञासयाध्यात्मिक-योग-निष्ठया योगेश्वरोपासनया च नित्यं पुण्य-श्रवः-कथया पुण्यया च
sā śraddhayā bhagavad-dharma-caryayā jijñāsayādhyātmika-yoga-niṣṭhayā yogeśvaropāsanayā ca nityaṃ puṇya-śravaḥ-kathayā puṇyayā ca
Sanskrit only: no published translation is held for this verse.
अर्थेन्द्रियाराम-सगोष्ठ्य्-अतृष्णया तत्-सम्मतानाम् अपरिग्रहेण च विविक्त-रुच्या परितोष आत्मनि विना हरेर् गुण-पीयूष-पानात्
arthendriyārāma-sagoṣṭhy-atṛṣṇayā tat-sammatānām aparigraheṇa ca vivikta-rucyā paritoṣa ātmani vinā harer guṇa-pīyūṣa-pānāt
Sanskrit only: no published translation is held for this verse.
अहिंसया पारमहंस्य-चर्यया स्मृत्या मुकुन्दाचरिताग्र्य-सीधुना यमैर् अकामैर् नियमैश् चाप्य् अनिन्दया निरीहया द्वन्द्व-तितिक्षया च
ahiṃsayā pāramahaṃsya-caryayā smṛtyā mukundācaritāgrya-sīdhunā yamair akāmair niyamaiś cāpy anindayā nirīhayā dvandva-titikṣayā ca
Sanskrit only: no published translation is held for this verse.
हरेर् मुहुस् तत्पर-कर्ण-पूर- गुणाभिधानेन विजृम्भमाणया भक्त्या ह्य् असङ्गः सद्-असत्य् अनात्मनि स्यान् निर्गुणे ब्रह्मणि चाञ्जसा रतिः
harer muhus tatpara-karṇa-pūra- guṇābhidhānena vijṛmbhamāṇayā bhaktyā hy asaṅgaḥ sad-asaty anātmani syān nirguṇe brahmaṇi cāñjasā ratiḥ
Sanskrit only: no published translation is held for this verse.
यदा रतिर् ब्रह्मणि नैष्ठिकी पुमान् आचार्यवान् ज्ञान-विराग-रंहसा दहत्य् अवीर्यं हृदयं जीव-कोशं पञ्चात्मकं योनिम् इवोत्थितो ऽग्निः
yadā ratir brahmaṇi naiṣṭhikī pumān ācāryavān jñāna-virāga-raṃhasā dahaty avīryaṃ hṛdayaṃ jīva-kośaṃ pañcātmakaṃ yonim ivotthito 'gniḥ
Sanskrit only: no published translation is held for this verse.
दग्धाशयो मुक्त-समस्त-तद्-गुणो नैवात्मनो बहिर् अन्तर् विचष्टे परात्मनोर् यद्-व्यवधानं पुरस्तात् स्वप्ने यथा पुरुषस् तद्-विनाशे
dagdhāśayo mukta-samasta-tad-guṇo naivātmano bahir antar vicaṣṭe parātmanor yad-vyavadhānaṃ purastāt svapne yathā puruṣas tad-vināśe
Sanskrit only: no published translation is held for this verse.
आत्मानम् इन्द्रियार्थं च परं यद् उभयोर् अपि सत्य् आशय उपाधौ वै पुमान् पश्यति नान्यदा
ātmānam indriyārthaṃ ca paraṃ yad ubhayor api saty āśaya upādhau vai pumān paśyati nānyadā
Sanskrit only: no published translation is held for this verse.
निमित्ते सति सर्वत्र जलादाव् अपि पूरुषः आत्मनश् च परस्यापि भिदां पश्यति नान्यदा
nimitte sati sarvatra jalādāv api pūruṣaḥ ātmanaś ca parasyāpi bhidāṃ paśyati nānyadā
Sanskrit only: no published translation is held for this verse.
इन्द्रियैर् विषयाकृष्टैर् आक्षिप्तं ध्यायतां मनः चेतनां हरते बुद्धेः स्तम्बस् तोयम् इव ह्रदात्
indriyair viṣayākṛṣṭair ākṣiptaṃ dhyāyatāṃ manaḥ cetanāṃ harate buddheḥ stambas toyam iva hradāt
Sanskrit only: no published translation is held for this verse.
भ्रश्यत्य् अनुस्मृतिश् चित्तं ज्ञान-भ्रंशः स्मृति-क्षये तद्-रोधं कवयः प्राहुर् आत्मापह्नवम् आत्मनः
bhraśyaty anusmṛtiś cittaṃ jñāna-bhraṃśaḥ smṛti-kṣaye tad-rodhaṃ kavayaḥ prāhur ātmāpahnavam ātmanaḥ
Sanskrit only: no published translation is held for this verse.
नातः परतरो लोके पुंसः स्वार्थ-व्यतिक्रमः यद्-अध्य् अन्यस्य प्रेयस्त्वम् आत्मनः स्व-व्यतिक्रमात्
nātaḥ parataro loke puṃsaḥ svārtha-vyatikramaḥ yad-adhy anyasya preyastvam ātmanaḥ sva-vyatikramāt
Sanskrit only: no published translation is held for this verse.
अर्थेन्द्रियार्थाभिध्यानं सर्वार्थापह्नवो नृणाम् भ्रंशितो ज्ञान-विज्ञानाद् येनाविशति मुख्यताम्
arthendriyārthābhidhyānaṃ sarvārthāpahnavo nṛṇām bhraṃśito jñāna-vijñānād yenāviśati mukhyatām
Sanskrit only: no published translation is held for this verse.
न कुर्यात् कर्हिचित् सङ्गं तमस् तीव्रं तितीरिषुः धर्मार्थ-काम-मोक्षाणां यद् अत्यन्त-विघातकम्
na kuryāt karhicit saṅgaṃ tamas tīvraṃ titīriṣuḥ dharmārtha-kāma-mokṣāṇāṃ yad atyanta-vighātakam
Sanskrit only: no published translation is held for this verse.
तत्रापि मोक्ष एवार्थ आत्यन्तिकतयेष्यते त्रैवर्ग्यो ऽर्थो यतो नित्यं कृतान्त-भय-संयुतः
tatrāpi mokṣa evārtha ātyantikatayeṣyate traivargyo 'rtho yato nityaṃ kṛtānta-bhaya-saṃyutaḥ
Sanskrit only: no published translation is held for this verse.
परे ऽवरे च ये भावा गुण-व्यतिकराद् अनु न तेषां विद्यते क्षेमम् ईश-विध्वंसिताशिषाम्
pare 'vare ca ye bhāvā guṇa-vyatikarād anu na teṣāṃ vidyate kṣemam īśa-vidhvaṃsitāśiṣām
Sanskrit only: no published translation is held for this verse.
तत् त्वं नरेन्द्र जगताम् अथ तस्थूषां च देहेन्द्रियासु-धिषणात्मभिर् आवृतानाम् यः क्षेत्रवित्-तपतया हृदि विश्वग् आविः प्रत्यक् चकास्ति भगवांस् तम् अवेहि सो ऽस्मि
tat tvaṃ narendra jagatām atha tasthūṣāṃ ca dehendriyāsu-dhiṣaṇātmabhir āvṛtānām yaḥ kṣetravit-tapatayā hṛdi viśvag āviḥ pratyak cakāsti bhagavāṃs tam avehi so 'smi
Sanskrit only: no published translation is held for this verse.
यस्मिन्न् इदं सद्-असद्-आत्मतया विभाति माया विवेक-विधुति स्रजि वाहि-बुद्धिः तं नित्य-मुक्त-परिशुद्ध-विशुद्ध-तत्त्वं प्रत्यूढ-कर्म-कलिल-प्रकृतिं प्रपद्ये
yasminn idaṃ sad-asad-ātmatayā vibhāti māyā viveka-vidhuti sraji vāhi-buddhiḥ taṃ nitya-mukta-pariśuddha-viśuddha-tattvaṃ pratyūḍha-karma-kalila-prakṛtiṃ prapadye
Sanskrit only: no published translation is held for this verse.
यत्-पाद-पङ्कज-पलाश-विलास-भक्त्या कर्माशयं ग्रथितम् उद्ग्रथयन्ति सन्तः तद्वन् न रिक्त-मतयो यतयो ऽपि रुद्ध- स्रोतो-गणास् तम् अरणं भज वासुदेवम्
yat-pāda-paṅkaja-palāśa-vilāsa-bhaktyā karmāśayaṃ grathitam udgrathayanti santaḥ tadvan na rikta-matayo yatayo 'pi ruddha- sroto-gaṇās tam araṇaṃ bhaja vāsudevam
Sanskrit only: no published translation is held for this verse.
कृच्छ्रो महान् इह भवार्णवम् अप्लवेशां षड्-वर्ग-नक्रम् असुखेन तितीर्षन्ति तत् त्वं हरेर् भगवतो भजनीयम् अङ्घ्रिं कृत्वोडुपं व्यसनम् उत्तर दुस्तरार्णम्
kṛcchro mahān iha bhavārṇavam aplaveśāṃ ṣaḍ-varga-nakram asukhena titīrṣanti tat tvaṃ harer bhagavato bhajanīyam aṅghriṃ kṛtvoḍupaṃ vyasanam uttara dustarārṇam
Sanskrit only: no published translation is held for this verse.
मैत्रेय उवाच स एवं ब्रह्म-पुत्रेण कुमारेणात्म-मेधसा दर्शितात्म-गतिः सम्यक् प्रशस्योवाच तं नृपः
maitreya uvāca sa evaṃ brahma-putreṇa kumāreṇātma-medhasā darśitātma-gatiḥ samyak praśasyovāca taṃ nṛpaḥ
Sanskrit only: no published translation is held for this verse.
राजोवाच कृतो मे ऽनुग्रहः पूर्वं हरिणार्तानुकम्पिना तम् आपादयितुं ब्रह्मन् भगवन् यूयम् आगताः
rājovāca kṛto me 'nugrahaḥ pūrvaṃ hariṇārtānukampinā tam āpādayituṃ brahman bhagavan yūyam āgatāḥ
Sanskrit only: no published translation is held for this verse.
निष्पादितश् च कार्त्स्न्येन भगवद्भिर् घृणालुभिः साधूच्छिष्टं हि मे सर्वम् आत्मना सह किं ददे
niṣpāditaś ca kārtsnyena bhagavadbhir ghṛṇālubhiḥ sādhūcchiṣṭaṃ hi me sarvam ātmanā saha kiṃ dade
Sanskrit only: no published translation is held for this verse.
प्राणा दाराः सुता ब्रह्मन् गृहाश् च स-परिच्छदाः राज्यं बलं मही कोश इति सर्वं निवेदितम्
prāṇā dārāḥ sutā brahman gṛhāś ca sa-paricchadāḥ rājyaṃ balaṃ mahī kośa iti sarvaṃ niveditam
Sanskrit only: no published translation is held for this verse.
सैना-पत्यं च राज्यं च दण्ड-नेतृत्वम् एव च सर्व लोकाधिपत्यं च वेद-शास्त्र-विद् अर्हति
sainā-patyaṃ ca rājyaṃ ca daṇḍa-netṛtvam eva ca sarva lokādhipatyaṃ ca veda-śāstra-vid arhati
Sanskrit only: no published translation is held for this verse.
स्वम् एव ब्राह्मणो भुङ्क्ते स्वं वस्ते स्वं ददाति च तस्यैवानुग्रहेणान्नं भुञ्जते क्षत्रियादयः
svam eva brāhmaṇo bhuṅkte svaṃ vaste svaṃ dadāti ca tasyaivānugraheṇānnaṃ bhuñjate kṣatriyādayaḥ
Sanskrit only: no published translation is held for this verse.
यैर् ईदृशी भगवतो गतिर् आत्म-वाद एकान्ततो निगमिभिः प्रतिपादिता नः तुष्यन्त्व् अदभ्र-करुणाः स्व-कृतेन नित्यं को नाम तत् प्रतिकरोति विनोद-पात्रम्
yair īdṛśī bhagavato gatir ātma-vāda ekāntato nigamibhiḥ pratipāditā naḥ tuṣyantv adabhra-karuṇāḥ sva-kṛtena nityaṃ ko nāma tat pratikaroti vinoda-pātram
Sanskrit only: no published translation is held for this verse.
मैत्रेय उवाच त आत्म-योग-पतय आदि-राजेन पूजिताः शीलं तदीयं शंसन्तः खे ऽभवन् मिषतां नृणाम्
maitreya uvāca ta ātma-yoga-pataya ādi-rājena pūjitāḥ śīlaṃ tadīyaṃ śaṃsantaḥ khe 'bhavan miṣatāṃ nṛṇām
Sanskrit only: no published translation is held for this verse.
वैन्यस् तु धुर्यो महतां संस्थित्याध्यात्म-शिक्षया आप्त-कामम् इवात्मानं मेन आत्मन्य् अवस्थितः
vainyas tu dhuryo mahatāṃ saṃsthityādhyātma-śikṣayā āpta-kāmam ivātmānaṃ mena ātmany avasthitaḥ
Sanskrit only: no published translation is held for this verse.
कर्माणि च यथा-कालं यथा-देशं यथा-बलम् यथोचितं यथा-वित्तम् अकरोद् ब्रह्म-सात्-कृतम्
karmāṇi ca yathā-kālaṃ yathā-deśaṃ yathā-balam yathocitaṃ yathā-vittam akarod brahma-sāt-kṛtam
Sanskrit only: no published translation is held for this verse.
फलं ब्रह्मणि सन्न्यस्य निर्विषङ्गः समाहितः कर्माध्यक्षं च मन्वान आत्मानं प्रकृतेः परम्
phalaṃ brahmaṇi sannyasya nirviṣaṅgaḥ samāhitaḥ karmādhyakṣaṃ ca manvāna ātmānaṃ prakṛteḥ param
Sanskrit only: no published translation is held for this verse.
गृहेषु वर्तमानो ऽपि स साम्राज्य-श्रियान्वितः नासज्जतेन्द्रियार्थेषु निरहम्-मतिर् अर्कवत्
gṛheṣu vartamāno 'pi sa sāmrājya-śriyānvitaḥ nāsajjatendriyārtheṣu niraham-matir arkavat
Sanskrit only: no published translation is held for this verse.
एवम् अध्यात्म-योगेन कर्माण्य् अनुसमाचरन् पुत्रान् उत्पादयाम् आस पञ्चार्चिष्य् आत्म-सम्मतान्
evam adhyātma-yogena karmāṇy anusamācaran putrān utpādayām āsa pañcārciṣy ātma-sammatān
Sanskrit only: no published translation is held for this verse.
विजिताश्वं धूम्रकेशं हर्यक्षं द्रविणं वृकम् सर्वेषां लोक-पालानां दधारैकः पृथुर् गुणान्
vijitāśvaṃ dhūmrakeśaṃ haryakṣaṃ draviṇaṃ vṛkam sarveṣāṃ loka-pālānāṃ dadhāraikaḥ pṛthur guṇān
Sanskrit only: no published translation is held for this verse.
गोपीथाय जगत्-सृष्टेः काले स्वे स्वे ऽच्युतात्मकः मनो-वाग्-वृत्तिभिः सौम्यैर् गुणैः संरञ्जयन् प्रजाः
gopīthāya jagat-sṛṣṭeḥ kāle sve sve 'cyutātmakaḥ mano-vāg-vṛttibhiḥ saumyair guṇaiḥ saṃrañjayan prajāḥ
Sanskrit only: no published translation is held for this verse.
राजेत्य् अधान् नामधेयं सोम-राज इवापरः सूर्यवद् विसृजन् गृह्णन् प्रतपंश् च भुवो वसु
rājety adhān nāmadheyaṃ soma-rāja ivāparaḥ sūryavad visṛjan gṛhṇan pratapaṃś ca bhuvo vasu
Sanskrit only: no published translation is held for this verse.
दुर्धर्षस् तेजसेवाग्निर् महेन्द्र इव दुर्जयः तितिक्षया धरित्रीव द्यौर् इवाभीष्ट-दो नृणाम्
durdharṣas tejasevāgnir mahendra iva durjayaḥ titikṣayā dharitrīva dyaur ivābhīṣṭa-do nṛṇām
Sanskrit only: no published translation is held for this verse.
वर्षति स्म यथा-कामं पर्जन्य इव तर्पयन् समुद्र इव दुर्बोधः सत्त्वेनाचल-राड् इव
varṣati sma yathā-kāmaṃ parjanya iva tarpayan samudra iva durbodhaḥ sattvenācala-rāḍ iva
Sanskrit only: no published translation is held for this verse.
धर्म-राड् इव शिक्षायाम् आश्चर्ये हिमवान् इव कुवेर इव कोशाढ्यो गुप्तार्थो वरुणो यथा
dharma-rāḍ iva śikṣāyām āścarye himavān iva kuvera iva kośāḍhyo guptārtho varuṇo yathā
Sanskrit only: no published translation is held for this verse.
मातरिश्वेव सर्वात्मा बलेन महसौजसा अविषह्यतया देवो भगवान् भूत-राड् इव
mātariśveva sarvātmā balena mahasaujasā aviṣahyatayā devo bhagavān bhūta-rāḍ iva
Sanskrit only: no published translation is held for this verse.
कन्दर्प इव सौन्दर्ये मनस्वी मृग-राड् इव वात्सल्ये मनुवन् नृणां प्रभुत्वे भगवान् अजः
kandarpa iva saundarye manasvī mṛga-rāḍ iva vātsalye manuvan nṛṇāṃ prabhutve bhagavān ajaḥ
Sanskrit only: no published translation is held for this verse.
बृहस्पतिर् ब्रह्म-वादे आत्मवत्त्वे स्वयं हरिः भक्त्या गो-गुरु-विप्रेषु विष्वक्सेनानुवर्तिषु ह्रिया प्रश्रय-शीलाभ्याम् आत्म-तुल्यः परोद्यमे
bṛhaspatir brahma-vāde ātmavattve svayaṃ hariḥ bhaktyā go-guru-vipreṣu viṣvaksenānuvartiṣu hriyā praśraya-śīlābhyām ātma-tulyaḥ parodyame
Sanskrit only: no published translation is held for this verse.
कीर्त्योर्ध्व-गीतया पुम्भिस् त्रैलोक्ये तत्र तत्र ह प्रविष्टः कर्ण-रन्ध्रेषु स्त्रीणां रामः सताम् इव
kīrtyordhva-gītayā pumbhis trailokye tatra tatra ha praviṣṭaḥ karṇa-randhreṣu strīṇāṃ rāmaḥ satām iva
Sanskrit only: no published translation is held for this verse.