Library·Bhāgavata Purāṇa·4·4.26
नारद उवाच स एकदा महेष्वासो रथं पञ्चाश्वम् आशु-गम् द्वीषं द्वि-चक्रम् एकाक्षं त्रि-वेणुं पञ्च-बन्धुरम्
nārada uvāca sa ekadā maheṣvāso rathaṃ pañcāśvam āśu-gam dvīṣaṃ dvi-cakram ekākṣaṃ tri-veṇuṃ pañca-bandhuram
Sanskrit only: no published translation is held for this verse.
एक-रश्म्य् एक-दमनम् एक-नीडं द्वि-कूबरम् पञ्च-प्रहरणं सप्त- वरूथं पञ्च-विक्रमम्
eka-raśmy eka-damanam eka-nīḍaṃ dvi-kūbaram pañca-praharaṇaṃ sapta- varūthaṃ pañca-vikramam
Sanskrit only: no published translation is held for this verse.
हैमोपस्करम् आरुह्य स्वर्ण-वर्माक्षयेषुधिः एकादश-चमू-नाथः पञ्च-प्रस्थम् अगाद् वनम्
haimopaskaram āruhya svarṇa-varmākṣayeṣudhiḥ ekādaśa-camū-nāthaḥ pañca-prastham agād vanam
Sanskrit only: no published translation is held for this verse.
चचार मृगयां तत्र दृप्त आत्तेषु-कार्मुकः विहाय जायाम् अतद्-अर्हां मृग-व्यसन-लालसः
cacāra mṛgayāṃ tatra dṛpta ātteṣu-kārmukaḥ vihāya jāyām atad-arhāṃ mṛga-vyasana-lālasaḥ
Sanskrit only: no published translation is held for this verse.
आसुरीं वृत्तिम् आश्रित्य घोरात्मा निरनुग्रहः न्यहनन् निशितैर् बाणैर् वनेषु वन-गोचरान्
āsurīṃ vṛttim āśritya ghorātmā niranugrahaḥ nyahanan niśitair bāṇair vaneṣu vana-gocarān
Sanskrit only: no published translation is held for this verse.
तीर्थेषु प्रतिदृष्टेषु राजा मेध्यान् पशून् वने यावद्-अर्थम् अलं लुब्धो हन्याद् इति नियम्यते
tīrtheṣu pratidṛṣṭeṣu rājā medhyān paśūn vane yāvad-artham alaṃ lubdho hanyād iti niyamyate
Sanskrit only: no published translation is held for this verse.
य एवं कर्म नियतं विद्वान् कुर्वीत मानवः कर्मणा तेन राजेन्द्र ज्ञानेन न स लिप्यते
ya evaṃ karma niyataṃ vidvān kurvīta mānavaḥ karmaṇā tena rājendra jñānena na sa lipyate
Sanskrit only: no published translation is held for this verse.
अन्यथा कर्म कुर्वाणो मानारूढो निबध्यते गुण-प्रवाह-पतितो नष्ट-प्रज्ञो व्रजत्य् अधः
anyathā karma kurvāṇo mānārūḍho nibadhyate guṇa-pravāha-patito naṣṭa-prajño vrajaty adhaḥ
Sanskrit only: no published translation is held for this verse.
तत्र निर्भिन्न-गात्राणां चित्र-वाजैः शिलीमुखैः विप्लवो ऽभूद् दुःखितानां दुःसहः करुणात्मनाम्
tatra nirbhinna-gātrāṇāṃ citra-vājaiḥ śilīmukhaiḥ viplavo 'bhūd duḥkhitānāṃ duḥsahaḥ karuṇātmanām
Sanskrit only: no published translation is held for this verse.
शशान् वराहान् महिषान् गवयान् रुरु-शल्यकान् मेध्यान् अन्यांश् च विविधान् विनिघ्नन् श्रमम् अध्यगात्
śaśān varāhān mahiṣān gavayān ruru-śalyakān medhyān anyāṃś ca vividhān vinighnan śramam adhyagāt
Sanskrit only: no published translation is held for this verse.
ततः क्षुत्-तृट्-परिश्रान्तो निवृत्तो गृहम् एयिवान् कृत-स्नानोचिताहारः संविवेश गत-क्लमः
tataḥ kṣut-tṛṭ-pariśrānto nivṛtto gṛham eyivān kṛta-snānocitāhāraḥ saṃviveśa gata-klamaḥ
Sanskrit only: no published translation is held for this verse.
आत्मानम् अर्हयां चक्रे धूपालेप-स्रग्-आदिभिः साध्व्-अलङ्कृत-सर्वाङ्गो महिष्याम् आदधे मनः
ātmānam arhayāṃ cakre dhūpālepa-srag-ādibhiḥ sādhv-alaṅkṛta-sarvāṅgo mahiṣyām ādadhe manaḥ
Sanskrit only: no published translation is held for this verse.
तृप्तो हृष्टः सुदृप्तश् च कन्दर्पाकृष्ट-मानसः न व्यचष्ट वरारोहां गृहिणीं गृह-मेधिनीम्
tṛpto hṛṣṭaḥ sudṛptaś ca kandarpākṛṣṭa-mānasaḥ na vyacaṣṭa varārohāṃ gṛhiṇīṃ gṛha-medhinīm
Sanskrit only: no published translation is held for this verse.
अन्तःपुर-स्त्रियो ऽपृच्छद् विमना इव वेदिषत् अपि वः कुशलं रामाः सेश्वरीणां यथा पुरा
antaḥpura-striyo 'pṛcchad vimanā iva vediṣat api vaḥ kuśalaṃ rāmāḥ seśvarīṇāṃ yathā purā
Sanskrit only: no published translation is held for this verse.
न तथैतर्हि रोचन्ते गृहेषु गृह-सम्पदः यदि न स्याद् गृहे माता पत्नी वा पति-देवता व्यङ्गे रथ इव प्राज्ञः को नामासीत दीनवत्
na tathaitarhi rocante gṛheṣu gṛha-sampadaḥ yadi na syād gṛhe mātā patnī vā pati-devatā vyaṅge ratha iva prājñaḥ ko nāmāsīta dīnavat
Sanskrit only: no published translation is held for this verse.
क्व वर्तते सा ललना मज्जन्तं व्यसनार्णवे या माम् उद्धरते प्रज्ञां दीपयन्ती पदे पदे
kva vartate sā lalanā majjantaṃ vyasanārṇave yā mām uddharate prajñāṃ dīpayantī pade pade
Sanskrit only: no published translation is held for this verse.
रामा ऊचुः नर-नाथ न जानीमस् त्वत्-प्रिया यद् व्यवस्यति भूतले निरवस्तारे शयानां पश्य शत्रु-हन्
rāmā ūcuḥ nara-nātha na jānīmas tvat-priyā yad vyavasyati bhūtale niravastāre śayānāṃ paśya śatru-han
Sanskrit only: no published translation is held for this verse.
नारद उवाच पुरञ्जनः स्व-महिषीं निरीक्ष्यावधुतां भुवि तत्-सङ्गोन्मथित-ज्ञानो वैक्लव्यं परमं ययौ
nārada uvāca purañjanaḥ sva-mahiṣīṃ nirīkṣyāvadhutāṃ bhuvi tat-saṅgonmathita-jñāno vaiklavyaṃ paramaṃ yayau
Sanskrit only: no published translation is held for this verse.
सान्त्वयन् श्लक्ष्णया वाचा हृदयेन विदूयता प्रेयस्याः स्नेह-संरम्भ- लिङ्गम् आत्मनि नाभ्यगात्
sāntvayan ślakṣṇayā vācā hṛdayena vidūyatā preyasyāḥ sneha-saṃrambha- liṅgam ātmani nābhyagāt
Sanskrit only: no published translation is held for this verse.
अनुनिन्ये ऽथ शनकैर् वीरो ऽनुनय-कोविदः पस्पर्श पाद-युगलम् आह चोत्सङ्ग-लालिताम्
anuninye 'tha śanakair vīro 'nunaya-kovidaḥ pasparśa pāda-yugalam āha cotsaṅga-lālitām
Sanskrit only: no published translation is held for this verse.
पुरञ्जन उवाच नूनं त्व् अकृत-पुण्यास् ते भृत्या येष्व् ईश्वराः शुभे कृतागःस्व् आत्मसात् कृत्वा शिक्षा-दण्डं न युञ्जते
purañjana uvāca nūnaṃ tv akṛta-puṇyās te bhṛtyā yeṣv īśvarāḥ śubhe kṛtāgaḥsv ātmasāt kṛtvā śikṣā-daṇḍaṃ na yuñjate
Sanskrit only: no published translation is held for this verse.
परमो ऽनुग्रहो दण्डो भृत्येषु प्रभुणार्पितः बालो न वेद तत् तन्वि बन्धु-कृत्यम् अमर्षणः
paramo 'nugraho daṇḍo bhṛtyeṣu prabhuṇārpitaḥ bālo na veda tat tanvi bandhu-kṛtyam amarṣaṇaḥ
Sanskrit only: no published translation is held for this verse.
सा त्वं मुखं सुदति सुभ्र्व् अनुराग-भार- व्रीडा-विलम्ब-विलसद्-धसितावलोकम् नीलालकालिभिर् उपस्कृतम् उन्नसं नः स्वानां प्रदर्शय मनस्विनि वल्गु-वाक्यम्
sā tvaṃ mukhaṃ sudati subhrv anurāga-bhāra- vrīḍā-vilamba-vilasad-dhasitāvalokam nīlālakālibhir upaskṛtam unnasaṃ naḥ svānāṃ pradarśaya manasvini valgu-vākyam
Sanskrit only: no published translation is held for this verse.
तस्मिन् दधे दमम् अहं तव वीर-पत्नि यो ऽन्यत्र भूसुर-कुलात् कृत-किल्बिषस् तम् पश्ये न वीत-भयम् उन्मुदितं त्रि-लोक्याम् अन्यत्र वै मुर-रिपोर् इतरत्र दासात्
tasmin dadhe damam ahaṃ tava vīra-patni yo 'nyatra bhūsura-kulāt kṛta-kilbiṣas tam paśye na vīta-bhayam unmuditaṃ tri-lokyām anyatra vai mura-ripor itaratra dāsāt
Sanskrit only: no published translation is held for this verse.
वक्त्रं न ते वितिलकं मलिनं विहर्षं संरम्भ-भीमम् अविमृष्टम् अपेत-रागम् पश्ये स्तनाव् अपि शुचोपहतौ सुजातौ बिम्बाधरं विगत-कुङ्कुम-पङ्क-रागम्
vaktraṃ na te vitilakaṃ malinaṃ viharṣaṃ saṃrambha-bhīmam avimṛṣṭam apeta-rāgam paśye stanāv api śucopahatau sujātau bimbādharaṃ vigata-kuṅkuma-paṅka-rāgam
Sanskrit only: no published translation is held for this verse.
तन् मे प्रसीद सुहृदः कृत-किल्बिषस्य स्वैरं गतस्य मृगयां व्यसनातुरस्य का देवरं वश-गतं कुसुमास्त्र-वेग- विस्रस्त-पौंस्नम् उशती न भजेत कृत्ये
tan me prasīda suhṛdaḥ kṛta-kilbiṣasya svairaṃ gatasya mṛgayāṃ vyasanāturasya kā devaraṃ vaśa-gataṃ kusumāstra-vega- visrasta-pauṃsnam uśatī na bhajeta kṛtye
Sanskrit only: no published translation is held for this verse.