नारद उवाच इत्थं पुरञ्जनं सध्र्यग् वशमानीय विभ्रमैः पुरञ्जनी महाराज रेमे रमयती पतिम्
nārada uvāca itthaṃ purañjanaṃ sadhryag vaśamānīya vibhramaiḥ purañjanī mahārāja reme ramayatī patim
Sanskrit only: no published translation is held for this verse.
Library·Bhāgavata Purāṇa·4·4.27
Bhāgavata Purāṇa 4.27
स राजा महिषीं राजन् सुस्नातां रुचिराननाम् कृत-स्वस्त्ययनां तृप्ताम् अभ्यनन्दद् उपागताम्
sa rājā mahiṣīṃ rājan susnātāṃ rucirānanām kṛta-svastyayanāṃ tṛptām abhyanandad upāgatām
Sanskrit only: no published translation is held for this verse.
तयोपगूढः परिरब्ध-कन्धरो रहो ऽनुमन्त्रैर् अपकृष्ट-चेतनः न काल-रंहो बुबुधे दुरत्ययं दिवा निशेति प्रमदा-परिग्रहः
tayopagūḍhaḥ parirabdha-kandharo raho 'numantrair apakṛṣṭa-cetanaḥ na kāla-raṃho bubudhe duratyayaṃ divā niśeti pramadā-parigrahaḥ
Sanskrit only: no published translation is held for this verse.
शयान उन्नद्ध-मदो महा-मना महार्ह-तल्पे महिषी-भुजोपधिः ताम् एव वीरो मनुते परं यतस् तमो-ऽभिभूतो न निजं परं च यत्
śayāna unnaddha-mado mahā-manā mahārha-talpe mahiṣī-bhujopadhiḥ tām eva vīro manute paraṃ yatas tamo-'bhibhūto na nijaṃ paraṃ ca yat
Sanskrit only: no published translation is held for this verse.
तयैवं रममाणस्य काम-कश्मल-चेतसः क्षणार्धम् इव राजेन्द्र व्यतिक्रान्तं नवं वयः
tayaivaṃ ramamāṇasya kāma-kaśmala-cetasaḥ kṣaṇārdham iva rājendra vyatikrāntaṃ navaṃ vayaḥ
Sanskrit only: no published translation is held for this verse.
तस्याम् अजनयत् पुत्रान् पुरञ्जन्यां पुरञ्जनः शतान्य् एकादश विराड् आयुषो ऽर्धम् अथात्यगात्
tasyām ajanayat putrān purañjanyāṃ purañjanaḥ śatāny ekādaśa virāḍ āyuṣo 'rdham athātyagāt
Sanskrit only: no published translation is held for this verse.
दुहितॄर् दशोत्तर-शतं पितृ-मातृ-यशस्करीः शीलौदार्य-गुणोपेताः पौरञ्जन्यः प्रजा-पते
duhitṝr daśottara-śataṃ pitṛ-mātṛ-yaśaskarīḥ śīlaudārya-guṇopetāḥ paurañjanyaḥ prajā-pate
Sanskrit only: no published translation is held for this verse.
स पञ्चाल-पतिः पुत्रान् पितृ-वंश-विवर्धनान् दारैः संयोजयाम् आस दुहितॄः सदृशैर् वरैः
sa pañcāla-patiḥ putrān pitṛ-vaṃśa-vivardhanān dāraiḥ saṃyojayām āsa duhitṝḥ sadṛśair varaiḥ
Sanskrit only: no published translation is held for this verse.
पुत्राणां चाभवन् पुत्रा एकैकस्य शतं शतम् यैर् वै पौरञ्जनो वंशः पञ्चालेषु समेधितः
putrāṇāṃ cābhavan putrā ekaikasya śataṃ śatam yair vai paurañjano vaṃśaḥ pañcāleṣu samedhitaḥ
Sanskrit only: no published translation is held for this verse.
तेषु तद्-रिक्थ-हारेषु गृह-कोशानुजीविषु निरूढेन ममत्वेन विषयेष्व् अन्वबध्यत
teṣu tad-riktha-hāreṣu gṛha-kośānujīviṣu nirūḍhena mamatvena viṣayeṣv anvabadhyata
Sanskrit only: no published translation is held for this verse.
ईजे च क्रतुभिर् घोरैर् दीक्षितः पशु-मारकैः देवान् पितॄन् भूत-पतीन् नाना-कामो यथा भवान्
īje ca kratubhir ghorair dīkṣitaḥ paśu-mārakaiḥ devān pitṝn bhūta-patīn nānā-kāmo yathā bhavān
Sanskrit only: no published translation is held for this verse.
युक्तेष्व् एवं प्रमत्तस्य कुटुम्बासक्त-चेतसः आससाद स वै कालो यो ऽप्रियः प्रिय-योषिताम्
yukteṣv evaṃ pramattasya kuṭumbāsakta-cetasaḥ āsasāda sa vai kālo yo 'priyaḥ priya-yoṣitām
Sanskrit only: no published translation is held for this verse.
चण्डवेग इति ख्यातो गन्धर्वाधिपतिर् नृप गन्धर्वास् तस्य बलिनः षष्ट्य्-उत्तर-शत-त्रयम्
caṇḍavega iti khyāto gandharvādhipatir nṛpa gandharvās tasya balinaḥ ṣaṣṭy-uttara-śata-trayam
Sanskrit only: no published translation is held for this verse.
गन्धर्व्यस् तादृशीर् अस्य मैथुन्यश् च सितासिताः परिवृत्त्या विलुम्पन्ति सर्व-काम-विनिर्मिताम्
gandharvyas tādṛśīr asya maithunyaś ca sitāsitāḥ parivṛttyā vilumpanti sarva-kāma-vinirmitām
Sanskrit only: no published translation is held for this verse.
ते चण्डवेगानुचराः पुरञ्जन-पुरं यदा हर्तुम् आरेभिरे तत्र प्रत्यषेधत् प्रजागरः
te caṇḍavegānucarāḥ purañjana-puraṃ yadā hartum ārebhire tatra pratyaṣedhat prajāgaraḥ
Sanskrit only: no published translation is held for this verse.
स सप्तभिः शतैर् एको विंशत्या च शतं समाः पुरञ्जन-पुराध्यक्षो गन्धर्वैर् युयुधे बली
sa saptabhiḥ śatair eko viṃśatyā ca śataṃ samāḥ purañjana-purādhyakṣo gandharvair yuyudhe balī
Sanskrit only: no published translation is held for this verse.
क्षीयमाणे स्व-सम्बन्धे एकस्मिन् बहुभिर् युधा चिन्तां परां जगामार्तः स-राष्ट्र-पुर-बान्धवः
kṣīyamāṇe sva-sambandhe ekasmin bahubhir yudhā cintāṃ parāṃ jagāmārtaḥ sa-rāṣṭra-pura-bāndhavaḥ
Sanskrit only: no published translation is held for this verse.
स एव पुर्यां मधु-भुक् पञ्चालेषु स्व-पार्षदैः उपनीतं बलिं गृह्णन् स्त्री-जितो नाविदद् भयम्
sa eva puryāṃ madhu-bhuk pañcāleṣu sva-pārṣadaiḥ upanītaṃ baliṃ gṛhṇan strī-jito nāvidad bhayam
Sanskrit only: no published translation is held for this verse.
कालस्य दुहिता काचित् त्रि-लोकीं वरम् इच्छती पर्यटन्ती न बर्हिष्मन् प्रत्यनन्दत कश्चन
kālasya duhitā kācit tri-lokīṃ varam icchatī paryaṭantī na barhiṣman pratyanandata kaścana
Sanskrit only: no published translation is held for this verse.
दौर्भाग्येनात्मनो लोके विश्रुता दुर्भगेति सा या तुष्टा राजर्षये तु वृतादात् पूरवे वरम्
daurbhāgyenātmano loke viśrutā durbhageti sā yā tuṣṭā rājarṣaye tu vṛtādāt pūrave varam
Sanskrit only: no published translation is held for this verse.
कदाचिद् अटमाना सा ब्रह्म-लोकान् महीं गतम् वव्रे बृहद्-व्रतं मां तु जानती काम-मोहिता
kadācid aṭamānā sā brahma-lokān mahīṃ gatam vavre bṛhad-vrataṃ māṃ tu jānatī kāma-mohitā
Sanskrit only: no published translation is held for this verse.
मयि संरभ्य विपुल- मदाच् छापं सुदुःसहम् स्थातुम् अर्हसि नैकत्र मद्-याच्ञा-विमुखो मुने
mayi saṃrabhya vipula- madāc chāpaṃ suduḥsaham sthātum arhasi naikatra mad-yācñā-vimukho mune
Sanskrit only: no published translation is held for this verse.
ततो विहत-सङ्कल्पा कन्यका यवनेश्वरम् मयोपदिष्टम् आसाद्य वव्रे नाम्ना भयं पतिम्
tato vihata-saṅkalpā kanyakā yavaneśvaram mayopadiṣṭam āsādya vavre nāmnā bhayaṃ patim
Sanskrit only: no published translation is held for this verse.
ऋषभं यवनानां त्वां वृणे वीरेप्सितं पतिम् सङ्कल्पस् त्वयि भूतानां कृतः किल न रिष्यति
ṛṣabhaṃ yavanānāṃ tvāṃ vṛṇe vīrepsitaṃ patim saṅkalpas tvayi bhūtānāṃ kṛtaḥ kila na riṣyati
Sanskrit only: no published translation is held for this verse.
द्वाव् इमाव् अनुशोचन्ति बालाव् असद्-अवग्रहौ यल् लोक-शास्त्रोपनतं न राति न तद् इच्छति
dvāv imāv anuśocanti bālāv asad-avagrahau yal loka-śāstropanataṃ na rāti na tad icchati
Sanskrit only: no published translation is held for this verse.
अथो भजस्व मां भद्र भजन्तीं मे दयां कुरु एतावान् पौरुषो धर्मो यद् आर्तान् अनुकम्पते
atho bhajasva māṃ bhadra bhajantīṃ me dayāṃ kuru etāvān pauruṣo dharmo yad ārtān anukampate
Sanskrit only: no published translation is held for this verse.
काल-कन्योदित-वचो निशम्य यवनेश्वरः चिकीर्षुर् देव-गुह्यं स सस्मितं ताम् अभाषत
kāla-kanyodita-vaco niśamya yavaneśvaraḥ cikīrṣur deva-guhyaṃ sa sasmitaṃ tām abhāṣata
Sanskrit only: no published translation is held for this verse.
मया निरूपितस् तुभ्यं पतिर् आत्म-समाधिना नाभिनन्दति लोको ऽयं त्वाम् अभद्राम् असम्मताम्
mayā nirūpitas tubhyaṃ patir ātma-samādhinā nābhinandati loko 'yaṃ tvām abhadrām asammatām
Sanskrit only: no published translation is held for this verse.
त्वम् अव्यक्त-गतिर् भुङ्क्ष्व लोकं कर्म-विनिर्मितम् या हि मे पृतना-युक्ता प्रजा-नाशं प्रणेष्यसि
tvam avyakta-gatir bhuṅkṣva lokaṃ karma-vinirmitam yā hi me pṛtanā-yuktā prajā-nāśaṃ praṇeṣyasi
Sanskrit only: no published translation is held for this verse.
प्रज्वारो ऽयं मम भ्राता त्वं च मे भगिनी भव चराम्य् उभाभ्यां लोके ऽस्मिन्न् अव्यक्तो भीम-सैनिकः
prajvāro 'yaṃ mama bhrātā tvaṃ ca me bhaginī bhava carāmy ubhābhyāṃ loke 'sminn avyakto bhīma-sainikaḥ
Sanskrit only: no published translation is held for this verse.