मैत्रेय उवाच इत्य् अजेनानुनीतेन भवेन परितुष्यता अभ्यधायि महा-बाहो प्रहस्य श्रूयताम् इति
maitreya uvāca ity ajenānunītena bhavena parituṣyatā abhyadhāyi mahā-bāho prahasya śrūyatām iti
Sanskrit only: no published translation is held for this verse.
Library·Bhāgavata Purāṇa·4·4.7
Bhāgavata Purāṇa 4.7
महादेव उवाच नाघं प्रजेश बालानां वर्णये नानुचिन्तये देव-मायाभिभूतानां दण्डस् तत्र धृतो मया
mahādeva uvāca nāghaṃ prajeśa bālānāṃ varṇaye nānucintaye deva-māyābhibhūtānāṃ daṇḍas tatra dhṛto mayā
Sanskrit only: no published translation is held for this verse.
प्रजापतेर् दग्ध-शीर्ष्णो भवत्व् अज-मुखं शिरः मित्रस्य चक्षुषेक्षेत भागं स्वं बर्हिषो भगः
prajāpater dagdha-śīrṣṇo bhavatv aja-mukhaṃ śiraḥ mitrasya cakṣuṣekṣeta bhāgaṃ svaṃ barhiṣo bhagaḥ
Sanskrit only: no published translation is held for this verse.
पूषा तु यजमानस्य दद्भिर् जक्षतु पिष्ट-भुक् देवाः प्रकृत-सर्वाङ्गा ये म उच्छेषणं ददुः
pūṣā tu yajamānasya dadbhir jakṣatu piṣṭa-bhuk devāḥ prakṛta-sarvāṅgā ye ma uccheṣaṇaṃ daduḥ
Sanskrit only: no published translation is held for this verse.
बाहुभ्याम् अश्विनोः पूष्णो हस्ताभ्यां कृत-बाहवः भवन्त्व् अध्वर्यवश् चान्ये बस्त-श्मश्रुर् भृगुर् भवेत्
bāhubhyām aśvinoḥ pūṣṇo hastābhyāṃ kṛta-bāhavaḥ bhavantv adhvaryavaś cānye basta-śmaśrur bhṛgur bhavet
Sanskrit only: no published translation is held for this verse.
मैत्रेय उवाच तदा सर्वाणि भूतानि श्रुत्वा मीढुष्टमोदितम् परितुष्टात्मभिस् तात साधु साध्व् इत्य् अथाब्रुवन्
maitreya uvāca tadā sarvāṇi bhūtāni śrutvā mīḍhuṣṭamoditam parituṣṭātmabhis tāta sādhu sādhv ity athābruvan
Sanskrit only: no published translation is held for this verse.
ततो मीढ्वांसम् आमन्त्र्य शुनासीराः सहर्षिभिः भूयस् तद् देव-यजनं स-मीढ्वद्-वेधसो ययुः
tato mīḍhvāṃsam āmantrya śunāsīrāḥ saharṣibhiḥ bhūyas tad deva-yajanaṃ sa-mīḍhvad-vedhaso yayuḥ
Sanskrit only: no published translation is held for this verse.
विधाय कार्त्स्न्येन च तद् यद् आह भगवान् भवः सन्दधुः कस्य कायेन सवनीय-पशोः शिरः
vidhāya kārtsnyena ca tad yad āha bhagavān bhavaḥ sandadhuḥ kasya kāyena savanīya-paśoḥ śiraḥ
Sanskrit only: no published translation is held for this verse.
सन्धीयमाने शिरसि दक्षो रुद्राभिवीक्षितः सद्यः सुप्त इवोत्तस्थौ ददृशे चाग्रतो मृडम्
sandhīyamāne śirasi dakṣo rudrābhivīkṣitaḥ sadyaḥ supta ivottasthau dadṛśe cāgrato mṛḍam
Sanskrit only: no published translation is held for this verse.
तदा वृषध्वज-द्वेष- कलिलात्मा प्रजापतिः शिवावलोकाद् अभवच् छरद्-ध्रद इवामलः
tadā vṛṣadhvaja-dveṣa- kalilātmā prajāpatiḥ śivāvalokād abhavac charad-dhrada ivāmalaḥ
Sanskrit only: no published translation is held for this verse.
भव-स्तवाय कृत-धीर् नाशक्नोद् अनुरागतः औत्कण्ठ्याद् बाष्प-कलया सम्परेतां सुतां स्मरन्
bhava-stavāya kṛta-dhīr nāśaknod anurāgataḥ autkaṇṭhyād bāṣpa-kalayā samparetāṃ sutāṃ smaran
Sanskrit only: no published translation is held for this verse.
कृच्छ्रात् संस्तभ्य च मनः प्रेम-विह्वलितः सुधीः शशंस निर्व्यलीकेन भावेनेशं प्रजापतिः
kṛcchrāt saṃstabhya ca manaḥ prema-vihvalitaḥ sudhīḥ śaśaṃsa nirvyalīkena bhāveneśaṃ prajāpatiḥ
Sanskrit only: no published translation is held for this verse.
दक्ष उवाच भूयान् अनुग्रह अहो भवता कृतो मे दण्डस् त्वया मयि भृतो यद् अपि प्रलब्धः न ब्रह्म-बन्धुषु च वां भगवन्न् अवज्ञा तुभ्यं हरेश् च कुत एव धृत-व्रतेषु
dakṣa uvāca bhūyān anugraha aho bhavatā kṛto me daṇḍas tvayā mayi bhṛto yad api pralabdhaḥ na brahma-bandhuṣu ca vāṃ bhagavann avajñā tubhyaṃ hareś ca kuta eva dhṛta-vrateṣu
Sanskrit only: no published translation is held for this verse.
विद्या-तपो-व्रत-धरान् मुखतः स्म विप्रान् ब्रह्मात्म-तत्त्वम् अवितुं प्रथमं त्वम् अस्राक् तद् ब्राह्मणान् परम सर्व-विपत्सु पासि पालः पशून् इव विभो प्रगृहीत-दण्डः
vidyā-tapo-vrata-dharān mukhataḥ sma viprān brahmātma-tattvam avituṃ prathamaṃ tvam asrāk tad brāhmaṇān parama sarva-vipatsu pāsi pālaḥ paśūn iva vibho pragṛhīta-daṇḍaḥ
Sanskrit only: no published translation is held for this verse.
यो ऽसौ मयाविदित-तत्त्व-दृशा सभायां क्षिप्तो दुरुक्ति-विशिखैर् विगणय्य तन् माम् अर्वाक् पतन्तम् अर्हत्तम-निन्दयापाद् दृष्ट्यार्द्रया स भगवान् स्व-कृतेन तुष्येत्
yo 'sau mayāvidita-tattva-dṛśā sabhāyāṃ kṣipto durukti-viśikhair vigaṇayya tan mām arvāk patantam arhattama-nindayāpād dṛṣṭyārdrayā sa bhagavān sva-kṛtena tuṣyet
Sanskrit only: no published translation is held for this verse.
मैत्रेय उवाच क्षमाप्यैवं स मीढ्वांसं ब्रह्मणा चानुमन्त्रितः कर्म सन्तानयाम् आस सोपाध्यायर्त्विग्-आदिभिः
maitreya uvāca kṣamāpyaivaṃ sa mīḍhvāṃsaṃ brahmaṇā cānumantritaḥ karma santānayām āsa sopādhyāyartvig-ādibhiḥ
Sanskrit only: no published translation is held for this verse.
वैष्णवं यज्ञ-सन्तत्यै त्रि-कपालं द्विजोत्तमाः पुरोडाशं निरवपन् वीर-संसर्ग-शुद्धये
vaiṣṇavaṃ yajña-santatyai tri-kapālaṃ dvijottamāḥ puroḍāśaṃ niravapan vīra-saṃsarga-śuddhaye
Sanskrit only: no published translation is held for this verse.
अध्वर्युणात्त-हविषा यजमानो विशाम्पते धिया विशुद्धया दध्यौ तथा प्रादुरभूद् धरिः
adhvaryuṇātta-haviṣā yajamāno viśāmpate dhiyā viśuddhayā dadhyau tathā prādurabhūd dhariḥ
Sanskrit only: no published translation is held for this verse.
तदा स्व-प्रभया तेषां द्योतयन्त्या दिशो दश मुष्णंस् तेज उपानीतस् तार्क्ष्येण स्तोत्र-वाजिना
tadā sva-prabhayā teṣāṃ dyotayantyā diśo daśa muṣṇaṃs teja upānītas tārkṣyeṇa stotra-vājinā
Sanskrit only: no published translation is held for this verse.
श्यामो हिरण्य-रशनो ऽर्क-किरीट-जुष्टो नीलालक-भ्रमर-मण्डित-कुण्डलास्यः शङ्खाब्ज-चक्र-शर-चाप-गदासि-चर्म- व्यग्रैर् हिरण्मय-भुजैर् इव कर्णिकारः
śyāmo hiraṇya-raśano 'rka-kirīṭa-juṣṭo nīlālaka-bhramara-maṇḍita-kuṇḍalāsyaḥ śaṅkhābja-cakra-śara-cāpa-gadāsi-carma- vyagrair hiraṇmaya-bhujair iva karṇikāraḥ
Sanskrit only: no published translation is held for this verse.
वक्षस्य् अधिश्रित-वधूर् वन-माल्य् उदार- हासावलोक-कलया रमयंश् च विश्वम् पार्श्व-भ्रमद्-व्यजन-चामर-राज-हंसः श्वेतातपत्र-शशिनोपरि रज्यमानः
vakṣasy adhiśrita-vadhūr vana-māly udāra- hāsāvaloka-kalayā ramayaṃś ca viśvam pārśva-bhramad-vyajana-cāmara-rāja-haṃsaḥ śvetātapatra-śaśinopari rajyamānaḥ
Sanskrit only: no published translation is held for this verse.
तम् उपागतम् आलक्ष्य सर्वे सुर-गणादयः प्रणेमुः सहसोत्थाय ब्रह्मेन्द्र-त्र्यक्ष-नायकाः
tam upāgatam ālakṣya sarve sura-gaṇādayaḥ praṇemuḥ sahasotthāya brahmendra-tryakṣa-nāyakāḥ
Sanskrit only: no published translation is held for this verse.
तत्-तेजसा हत-रुचः सन्न-जिह्वाः स-साध्वसाः मूर्ध्ना धृताञ्जलि-पुटा उपतस्थुर् अधोक्षजम्
tat-tejasā hata-rucaḥ sanna-jihvāḥ sa-sādhvasāḥ mūrdhnā dhṛtāñjali-puṭā upatasthur adhokṣajam
Sanskrit only: no published translation is held for this verse.
अप्य् अर्वाग्-वृत्तयो यस्य महि त्व् आत्मभुव्-आदयः यथा-मति गृणन्ति स्म कृतानुग्रह-विग्रहम्
apy arvāg-vṛttayo yasya mahi tv ātmabhuv-ādayaḥ yathā-mati gṛṇanti sma kṛtānugraha-vigraham
Sanskrit only: no published translation is held for this verse.
दक्षो गृहीतार्हण-सादनोत्तमं यज्ञेश्वरं विश्व-सृजां परं गुरुम् सुनन्द-नन्दाद्य्-अनुगैर् वृतं मुदा गृणन् प्रपेदे प्रयतः कृताञ्जलिः
dakṣo gṛhītārhaṇa-sādanottamaṃ yajñeśvaraṃ viśva-sṛjāṃ paraṃ gurum sunanda-nandādy-anugair vṛtaṃ mudā gṛṇan prapede prayataḥ kṛtāñjaliḥ
Sanskrit only: no published translation is held for this verse.
दक्ष उवाच शुद्धं स्व-धाम्न्य् उपरताखिल-बुद्ध्य्-अवस्थं चिन्-मात्रम् एकम् अभयं प्रतिषिध्य मायाम् तिष्ठंस् तयैव पुरुषत्वम् उपेत्य तस्याम् आस्ते भवान् अपरिशुद्ध इवात्म-तन्त्रः
dakṣa uvāca śuddhaṃ sva-dhāmny uparatākhila-buddhy-avasthaṃ cin-mātram ekam abhayaṃ pratiṣidhya māyām tiṣṭhaṃs tayaiva puruṣatvam upetya tasyām āste bhavān apariśuddha ivātma-tantraḥ
Sanskrit only: no published translation is held for this verse.
ऋत्विज ऊचुः तत्त्वं न ते वयम् अनञ्जन रुद्र-शापात् कर्मण्य् अवग्रह-धियो भगवन् विदामः धर्मोपलक्षणम् इदं त्रिवृद् अध्वराख्यं ज्ञातं यद्-अर्थम् अधिदैवम् अदो व्यवस्थाः
ṛtvija ūcuḥ tattvaṃ na te vayam anañjana rudra-śāpāt karmaṇy avagraha-dhiyo bhagavan vidāmaḥ dharmopalakṣaṇam idaṃ trivṛd adhvarākhyaṃ jñātaṃ yad-artham adhidaivam ado vyavasthāḥ
Sanskrit only: no published translation is held for this verse.
सदस्या ऊचुः उत्पत्त्य्-अध्वन्य् अशरण उरु-क्लेश-दुर्गे ऽन्तकोग्र- व्यालान्विष्टे विषय-मृग-तृष्य् आत्म-गेहोरु-भारः द्वन्द्व-श्वभ्रे खल-मृग-भये शोक-दावे ऽज्ञ-सार्थः पादौकस् ते शरणद कदा याति कामोपसृष्टः
sadasyā ūcuḥ utpatty-adhvany aśaraṇa uru-kleśa-durge 'ntakogra- vyālānviṣṭe viṣaya-mṛga-tṛṣy ātma-gehoru-bhāraḥ dvandva-śvabhre khala-mṛga-bhaye śoka-dāve 'jña-sārthaḥ pādaukas te śaraṇada kadā yāti kāmopasṛṣṭaḥ
Sanskrit only: no published translation is held for this verse.
रुद्र उवाच तव वरद वराङ्घ्राव् आशिषेहाखिलार्थे ह्य् अपि मुनिभिर् असक्तैर् आदरेणार्हणीये यदि रचित-धियं माविद्य-लोको ऽपविद्धं जपति न गणये तत् त्वत्-परानुग्रहेण
rudra uvāca tava varada varāṅghrāv āśiṣehākhilārthe hy api munibhir asaktair ādareṇārhaṇīye yadi racita-dhiyaṃ māvidya-loko 'paviddhaṃ japati na gaṇaye tat tvat-parānugraheṇa
Sanskrit only: no published translation is held for this verse.
भृगुर् उवाच यन् मायया गहनयापहृतात्म-बोधा ब्रह्मादयस् तनु-भृतस् तमसि स्वपन्तः नात्मन्-श्रितं तव विदन्त्य् अधुनापि तत्त्वं सो ऽयं प्रसीदतु भवान् प्रणतात्म-बन्धुः
bhṛgur uvāca yan māyayā gahanayāpahṛtātma-bodhā brahmādayas tanu-bhṛtas tamasi svapantaḥ nātman-śritaṃ tava vidanty adhunāpi tattvaṃ so 'yaṃ prasīdatu bhavān praṇatātma-bandhuḥ
Sanskrit only: no published translation is held for this verse.
ब्रह्मोवाच नैतत् स्वरूपं भवतो ऽसौ पदार्थ- भेद-ग्रहैः पुरुषो यावद् ईक्षेत् ज्ञानस्य चार्थस्य गुणस्य चाश्रयो मायामयाद् व्यतिरिक्तो मतस् त्वम्
brahmovāca naitat svarūpaṃ bhavato 'sau padārtha- bheda-grahaiḥ puruṣo yāvad īkṣet jñānasya cārthasya guṇasya cāśrayo māyāmayād vyatirikto matas tvam
Sanskrit only: no published translation is held for this verse.
इन्द्र उवाच इदम् अप्य् अच्युत विश्व-भावनं वपुर् आनन्द-करं मनो-दृशाम् सुर-विद्विट्-क्षपणैर् उदायुधैर् भुज-दण्डैर् उपपन्नम् अष्टभिः
indra uvāca idam apy acyuta viśva-bhāvanaṃ vapur ānanda-karaṃ mano-dṛśām sura-vidviṭ-kṣapaṇair udāyudhair bhuja-daṇḍair upapannam aṣṭabhiḥ
Sanskrit only: no published translation is held for this verse.
पत्न्य ऊचुः यज्ञो ऽयं तव यजनाय केन सृष्टो विध्वस्तः पशुपतिनाद्य दक्ष-कोपात् तं नस् त्वं शव-शयनाभ-शान्त-मेधं यज्ञात्मन् नलिन-रुचा दृशा पुनीहि
patnya ūcuḥ yajño 'yaṃ tava yajanāya kena sṛṣṭo vidhvastaḥ paśupatinādya dakṣa-kopāt taṃ nas tvaṃ śava-śayanābha-śānta-medhaṃ yajñātman nalina-rucā dṛśā punīhi
Sanskrit only: no published translation is held for this verse.
ऋषय ऊचुः अनन्वितं ते भगवन् विचेष्टितं यद् आत्मना चरसि हि कर्म नाज्यसे विभूतये यत उपसेदुर् ईश्वरीं न मन्यते स्वयम् अनुवर्ततीं भवान्
ṛṣaya ūcuḥ ananvitaṃ te bhagavan viceṣṭitaṃ yad ātmanā carasi hi karma nājyase vibhūtaye yata upasedur īśvarīṃ na manyate svayam anuvartatīṃ bhavān
Sanskrit only: no published translation is held for this verse.
सिद्धा ऊचुः अयं त्वत्-कथा-मृष्ट-पीयूष-नद्यां मनो-वारणः क्लेश-दावाग्नि-दग्धः तृषार्तो ऽवगाढो न सस्मार दावं न निष्क्रामति ब्रह्म-सम्पन्नवन् नः
siddhā ūcuḥ ayaṃ tvat-kathā-mṛṣṭa-pīyūṣa-nadyāṃ mano-vāraṇaḥ kleśa-dāvāgni-dagdhaḥ tṛṣārto 'vagāḍho na sasmāra dāvaṃ na niṣkrāmati brahma-sampannavan naḥ
Sanskrit only: no published translation is held for this verse.
यजमान्य् उवाच स्वागतं ते प्रसीदेश तुभ्यं नमः श्रीनिवास श्रिया कान्तया त्राहि नः त्वाम् ऋते ऽधीश नाङ्गैर् मखः शोभते शीर्ष-हीनः क-बन्धो यथा पुरुषः
yajamāny uvāca svāgataṃ te prasīdeśa tubhyaṃ namaḥ śrīnivāsa śriyā kāntayā trāhi naḥ tvām ṛte 'dhīśa nāṅgair makhaḥ śobhate śīrṣa-hīnaḥ ka-bandho yathā puruṣaḥ
Sanskrit only: no published translation is held for this verse.
लोकपाला ऊचुः दृष्टः किं नो दृग्भिर् असद्-ग्रहैस् त्वं प्रत्यग्-द्रष्टा दृश्यते येन विश्वम् माया ह्य् एषा भवदीया हि भूमन् यस् त्वं षष्ठः पञ्चभिर् भासि भूतैः
lokapālā ūcuḥ dṛṣṭaḥ kiṃ no dṛgbhir asad-grahais tvaṃ pratyag-draṣṭā dṛśyate yena viśvam māyā hy eṣā bhavadīyā hi bhūman yas tvaṃ ṣaṣṭhaḥ pañcabhir bhāsi bhūtaiḥ
Sanskrit only: no published translation is held for this verse.
योगेश्वरा ऊचुः प्रेयान् न ते ऽन्यो ऽस्त्य् अमुतस् त्वयि प्रभो विश्वात्मनीक्षेन् न पृथग् य आत्मनः अथापि भक्त्येश तयोपधावताम् अनन्य-वृत्त्यानुगृहाण वत्सल
yogeśvarā ūcuḥ preyān na te 'nyo 'sty amutas tvayi prabho viśvātmanīkṣen na pṛthag ya ātmanaḥ athāpi bhaktyeśa tayopadhāvatām ananya-vṛttyānugṛhāṇa vatsala
Sanskrit only: no published translation is held for this verse.
जगद्-उद्भव-स्थिति-लयेषु दैवतो बहु-भिद्यमान-गुणयात्म-मायया रचितात्म-भेद-मतये स्व-संस्थया विनिवर्तित-भ्रम-गुणात्मने नमः
jagad-udbhava-sthiti-layeṣu daivato bahu-bhidyamāna-guṇayātma-māyayā racitātma-bheda-mataye sva-saṃsthayā vinivartita-bhrama-guṇātmane namaḥ
Sanskrit only: no published translation is held for this verse.
ब्रह्मोवाच नमस् ते श्रित-सत्त्वाय धर्मादीनां च सूतये निर्गुणाय च यत्-काष्ठां नाहं वेदापरे ऽपि च
brahmovāca namas te śrita-sattvāya dharmādīnāṃ ca sūtaye nirguṇāya ca yat-kāṣṭhāṃ nāhaṃ vedāpare 'pi ca
Sanskrit only: no published translation is held for this verse.
अग्निर् उवाच यत्-तेजसाहं सुसमिद्ध-तेजा हव्यं वहे स्वध्वर आज्य-सिक्तम् तं यज्ञियं पञ्च-विधं च पञ्चभिः स्विष्टं यजुर्भिः प्रणतो ऽस्मि यज्ञम्
agnir uvāca yat-tejasāhaṃ susamiddha-tejā havyaṃ vahe svadhvara ājya-siktam taṃ yajñiyaṃ pañca-vidhaṃ ca pañcabhiḥ sviṣṭaṃ yajurbhiḥ praṇato 'smi yajñam
Sanskrit only: no published translation is held for this verse.
देवा ऊचुः पुरा कल्पापाये स्व-कृतम् उदरी-कृत्य विकृतं त्वम् एवाद्यस् तस्मिन् सलिल उरगेन्द्राधिशयने पुमान् शेषे सिद्धैर् हृदि विमृशिताध्यात्म-पदविः स एवाद्याक्ष्णोर् यः पथि चरसि भृत्यान् अवसि नः
devā ūcuḥ purā kalpāpāye sva-kṛtam udarī-kṛtya vikṛtaṃ tvam evādyas tasmin salila uragendrādhiśayane pumān śeṣe siddhair hṛdi vimṛśitādhyātma-padaviḥ sa evādyākṣṇor yaḥ pathi carasi bhṛtyān avasi naḥ
Sanskrit only: no published translation is held for this verse.
गन्धर्वा ऊचुः अंशांशास् ते देव मरीच्य्-आदय एते ब्रह्मेन्द्राद्या देव-गणा रुद्र-पुरोगाः क्रीडा-भाण्डं विश्वम् इदं यस्य विभूमन् तस्मै नित्यं नाथ नमस् ते करवाम
gandharvā ūcuḥ aṃśāṃśās te deva marīcy-ādaya ete brahmendrādyā deva-gaṇā rudra-purogāḥ krīḍā-bhāṇḍaṃ viśvam idaṃ yasya vibhūman tasmai nityaṃ nātha namas te karavāma
Sanskrit only: no published translation is held for this verse.
विद्याधरा ऊचुः त्वन्-माययार्थम् अभिपद्य कलेवरे ऽस्मिन् कृत्वा ममाहम् इति दुर्मतिर् उत्पथैः स्वैः क्षिप्तो ऽप्य् असद्-विषय-लालस आत्म-मोहं युष्मत्-कथामृत-निषेवक उद्व्युदस्येत्
vidyādharā ūcuḥ tvan-māyayārtham abhipadya kalevare 'smin kṛtvā mamāham iti durmatir utpathaiḥ svaiḥ kṣipto 'py asad-viṣaya-lālasa ātma-mohaṃ yuṣmat-kathāmṛta-niṣevaka udvyudasyet
Sanskrit only: no published translation is held for this verse.
ब्राह्मणा ऊचुः त्वं क्रतुस् त्वं हविस् त्वं हुताशः स्वयं त्वं हि मन्त्रः समिद्-दर्भ-पात्राणि च त्वं सदस्यर्त्विजो दम्पती देवता अग्निहोत्रं स्वधा सोम आज्यं पशुः
brāhmaṇā ūcuḥ tvaṃ kratus tvaṃ havis tvaṃ hutāśaḥ svayaṃ tvaṃ hi mantraḥ samid-darbha-pātrāṇi ca tvaṃ sadasyartvijo dampatī devatā agnihotraṃ svadhā soma ājyaṃ paśuḥ
Sanskrit only: no published translation is held for this verse.
त्वं पुरा गां रसाया महा-सूकरो दंष्ट्रया पद्मिनीं वारणेन्द्रो यथा स्तूयमानो नदल् लीलया योगिभिर् व्युज्जहर्थ त्रयी-गात्र यज्ञ-क्रतुः
tvaṃ purā gāṃ rasāyā mahā-sūkaro daṃṣṭrayā padminīṃ vāraṇendro yathā stūyamāno nadal līlayā yogibhir vyujjahartha trayī-gātra yajña-kratuḥ
Sanskrit only: no published translation is held for this verse.
स प्रसीद त्वम् अस्माकम् आकाङ्क्षतां दर्शनं ते परिभ्रष्ट-सत्-कर्मणाम् कीर्त्यमाने नृभिर् नाम्नि यज्ञेश ते यज्ञ-विघ्नाः क्षयं यान्ति तस्मै नमः
sa prasīda tvam asmākam ākāṅkṣatāṃ darśanaṃ te paribhraṣṭa-sat-karmaṇām kīrtyamāne nṛbhir nāmni yajñeśa te yajña-vighnāḥ kṣayaṃ yānti tasmai namaḥ
Sanskrit only: no published translation is held for this verse.
मैत्रेय उवाच इति दक्षः कविर् यज्ञं भद्र रुद्राभिमर्शितम् कीर्त्यमाने हृषीकेशे सन्निन्ये यज्ञ-भावने
maitreya uvāca iti dakṣaḥ kavir yajñaṃ bhadra rudrābhimarśitam kīrtyamāne hṛṣīkeśe sanninye yajña-bhāvane
Sanskrit only: no published translation is held for this verse.
भगवान् स्वेन भागेन सर्वात्मा सर्व-भाग-भुक् दक्षं बभाष आभाष्य प्रीयमाण इवानघ
bhagavān svena bhāgena sarvātmā sarva-bhāga-bhuk dakṣaṃ babhāṣa ābhāṣya prīyamāṇa ivānagha
Sanskrit only: no published translation is held for this verse.
श्री-भगवान् उवाच अहं ब्रह्मा च शर्वश् च जगतः कारणं परम् आत्मेश्वर उपद्रष्टा स्वयन्-दृग् अविशेषणः
śrī-bhagavān uvāca ahaṃ brahmā ca śarvaś ca jagataḥ kāraṇaṃ param ātmeśvara upadraṣṭā svayan-dṛg aviśeṣaṇaḥ
Sanskrit only: no published translation is held for this verse.
आत्म-मायां समाविश्य सो ऽहं गुणमयीं द्विज सृजन् रक्षन् हरन् विश्वं दध्रे संज्ञां क्रियोचिताम्
ātma-māyāṃ samāviśya so 'haṃ guṇamayīṃ dvija sṛjan rakṣan haran viśvaṃ dadhre saṃjñāṃ kriyocitām
Sanskrit only: no published translation is held for this verse.
तस्मिन् ब्रह्मण्य् अद्वितीये केवले परमात्मनि ब्रह्म-रुद्रौ च भूतानि भेदेनाज्ञो ऽनुपश्यति
tasmin brahmaṇy advitīye kevale paramātmani brahma-rudrau ca bhūtāni bhedenājño 'nupaśyati
Sanskrit only: no published translation is held for this verse.
यथा पुमान् न स्वाङ्गेषु शिरः-पाण्य्-आदिषु क्वचित् पारक्य-बुद्धिं कुरुते एवं भूतेषु मत्-परः
yathā pumān na svāṅgeṣu śiraḥ-pāṇy-ādiṣu kvacit pārakya-buddhiṃ kurute evaṃ bhūteṣu mat-paraḥ
Sanskrit only: no published translation is held for this verse.
त्रयाणाम् एक-भावानां यो न पश्यति वै भिदाम् सर्व-भूतात्मनां ब्रह्मन् स शान्तिम् अधिगच्छति
trayāṇām eka-bhāvānāṃ yo na paśyati vai bhidām sarva-bhūtātmanāṃ brahman sa śāntim adhigacchati
Sanskrit only: no published translation is held for this verse.
मैत्रेय उवाच एवं भगवतादिष्टः प्रजापति-पतिर् हरिम् अर्चित्वा क्रतुना स्वेन देवान् उभयतो ऽयजत्
maitreya uvāca evaṃ bhagavatādiṣṭaḥ prajāpati-patir harim arcitvā kratunā svena devān ubhayato 'yajat
Sanskrit only: no published translation is held for this verse.
रुद्रं च स्वेन भागेन ह्य् उपाधावत् समाहितः कर्मणोदवसानेन सोमपान् इतरान् अपि उदवस्य सहर्त्विग्भिः सस्नाव् अवभृथं ततः
rudraṃ ca svena bhāgena hy upādhāvat samāhitaḥ karmaṇodavasānena somapān itarān api udavasya sahartvigbhiḥ sasnāv avabhṛthaṃ tataḥ
Sanskrit only: no published translation is held for this verse.
तस्मा अप्य् अनुभावेन स्वेनैवावाप्त-राधसे धर्म एव मतिं दत्त्वा त्रिदशास् ते दिवं ययुः
tasmā apy anubhāvena svenaivāvāpta-rādhase dharma eva matiṃ dattvā tridaśās te divaṃ yayuḥ
Sanskrit only: no published translation is held for this verse.
एवं दाक्षायणी हित्वा सती पूर्व-कलेवरम् जज्ञे हिमवतः क्षेत्रे मेनायाम् इति शुश्रुम
evaṃ dākṣāyaṇī hitvā satī pūrva-kalevaram jajñe himavataḥ kṣetre menāyām iti śuśruma
Sanskrit only: no published translation is held for this verse.
तम् एव दयितं भूय आवृङ्क्ते पतिम् अम्बिका अनन्य-भावैक-गतिं शक्तिः सुप्तेव पूरुषम्
tam eva dayitaṃ bhūya āvṛṅkte patim ambikā ananya-bhāvaika-gatiṃ śaktiḥ supteva pūruṣam
Sanskrit only: no published translation is held for this verse.
एतद् भगवतः शम्भोः कर्म दक्षाध्वर-द्रुहः श्रुतं भागवताच् छिष्याद् उद्धवान् मे बृहस्पतेः
etad bhagavataḥ śambhoḥ karma dakṣādhvara-druhaḥ śrutaṃ bhāgavatāc chiṣyād uddhavān me bṛhaspateḥ
Sanskrit only: no published translation is held for this verse.
इदं पवित्रं परम् ईश-चेष्टितं यशस्यम् आयुष्यम् अघौघ-मर्षणम् यो नित्यदाकर्ण्य नरो ऽनुकीर्तयेद् धुनोत्य् अघं कौरव भक्ति-भावतः
idaṃ pavitraṃ param īśa-ceṣṭitaṃ yaśasyam āyuṣyam aghaugha-marṣaṇam yo nityadākarṇya naro 'nukīrtayed dhunoty aghaṃ kaurava bhakti-bhāvataḥ
Sanskrit only: no published translation is held for this verse.