Library·Bhāgavata Purāṇa·6·6.1
श्रीपरीक्षिदुवाच निवृत्तिमार्गः कथित आदौ भगवता यथा क्रमयोगोपलब्धेन ब्रह्मणा यदसंसृतिः
śrīparīkṣiduvāca nivṛttimārgaḥ kathita ādau bhagavatā yathā kramayogopalabdhena brahmaṇā yadasaṃsṛtiḥ
Sanskrit only: no published translation is held for this verse.
प्रवृत्तिलक्षणश्चैव त्रैगुण्यविषयो मुने यो ऽसावलीनप्रकृतेर्गुणसर्गः पुनः पुनः
pravṛttilakṣaṇaścaiva traiguṇyaviṣayo mune yo 'sāvalīnaprakṛterguṇasargaḥ punaḥ punaḥ
Sanskrit only: no published translation is held for this verse.
अधर्मलक्षणा नाना नरकाश्चानुवर्णिताः मन्वन्तरश्च व्याख्यात आद्यः स्वायम्भुवो यतः
adharmalakṣaṇā nānā narakāścānuvarṇitāḥ manvantaraśca vyākhyāta ādyaḥ svāyambhuvo yataḥ
Sanskrit only: no published translation is held for this verse.
प्रियव्रतोत्तानपदोर्वंशस्तच्चरितानि च द्वीपवर्षसमुद्राद्रि नद्युद्यानवनस्पतीन्
priyavratottānapadorvaṃśastaccaritāni ca dvīpavarṣasamudrādri nadyudyānavanaspatīn
Sanskrit only: no published translation is held for this verse.
धरामण्डलसंस्थानं भागलक्षणमानतः ज्योतिषां विवराणां च यथेदमसृजद्विभुः
dharāmaṇḍalasaṃsthānaṃ bhāgalakṣaṇamānataḥ jyotiṣāṃ vivarāṇāṃ ca yathedamasṛjadvibhuḥ
Sanskrit only: no published translation is held for this verse.
अधुनेह महाभाग यथैव नरकान् नरः नानोग्रयातनान् नेयात् तन् मे व्याख्यातुमर्हसि
adhuneha mahābhāga yathaiva narakān naraḥ nānograyātanān neyāt tan me vyākhyātumarhasi
Sanskrit only: no published translation is held for this verse.
श्रीशुक उवाच न चेदिहैवापचितिं यथांहसः कृतस्य कुर्यान् मनौक्तपाणिभिः ध्रुवं स वै प्रेत्य नरकान् उपैति ये कीर्तिता मे भवतस्तिग्मयातनाः
śrīśuka uvāca na cedihaivāpacitiṃ yathāṃhasaḥ kṛtasya kuryān manauktapāṇibhiḥ dhruvaṃ sa vai pretya narakān upaiti ye kīrtitā me bhavatastigmayātanāḥ
Sanskrit only: no published translation is held for this verse.
तस्मात् पुरैवाश्विह पापनिष्कृतौ यतेत मृत्योरविपद्यतात्मना दोषस्य दृष्ट्वा गुरुलाघवं यथा भिषक् चिकित्सेत रुजां निदानवित्
tasmāt puraivāśviha pāpaniṣkṛtau yateta mṛtyoravipadyatātmanā doṣasya dṛṣṭvā gurulāghavaṃ yathā bhiṣak cikitseta rujāṃ nidānavit
Sanskrit only: no published translation is held for this verse.
श्रीराजोवाच दृष्टश्रुताभ्यां यत् पापं जानन्नप्य् आत्मनो ऽहितम् करोति भूयो विवशः प्रायश्चित्तमथो कथम्
śrīrājovāca dṛṣṭaśrutābhyāṃ yat pāpaṃ jānannapy ātmano 'hitam karoti bhūyo vivaśaḥ prāyaścittamatho katham
Sanskrit only: no published translation is held for this verse.
क्वचिन् निवर्तते ऽभद्रात् क्वचिच् चरति तत् पुनः प्रायश्चित्तमथो ऽपार्थं मन्ये कुञ्जरशौचवत्
kvacin nivartate 'bhadrāt kvacic carati tat punaḥ prāyaścittamatho 'pārthaṃ manye kuñjaraśaucavat
Sanskrit only: no published translation is held for this verse.
श्रीबादरायणिरुवाच कर्मणा कर्मनिर्हारो न ह्य् आत्यन्तिक इष्यते अविद्वदधिकारित्वात् प्रायश्चित्तं विमर्शनम्
śrībādarāyaṇiruvāca karmaṇā karmanirhāro na hy ātyantika iṣyate avidvadadhikāritvāt prāyaścittaṃ vimarśanam
Sanskrit only: no published translation is held for this verse.
नाश्नतः पथ्यमेवान्नं व्याधयो ऽभिभवन्ति हि एवं नियमकृद्राजन् शनैः क्षेमाय कल्पते
nāśnataḥ pathyamevānnaṃ vyādhayo 'bhibhavanti hi evaṃ niyamakṛdrājan śanaiḥ kṣemāya kalpate
Sanskrit only: no published translation is held for this verse.
तपसा ब्रह्मचर्येण शमेन च दमेन च त्यागेन सत्यशौचाभ्यां यमेन नियमेन वा
tapasā brahmacaryeṇa śamena ca damena ca tyāgena satyaśaucābhyāṃ yamena niyamena vā
Sanskrit only: no published translation is held for this verse.
देहवाग्बुद्धिजं धीरा धर्मज्ञाः श्रद्धयान्विताः क्षिपन्त्य् अघं महदपि वेणुगुल्ममिवानलः
dehavāgbuddhijaṃ dhīrā dharmajñāḥ śraddhayānvitāḥ kṣipanty aghaṃ mahadapi veṇugulmamivānalaḥ
Sanskrit only: no published translation is held for this verse.
केचित् केवलया भक्त्या वासुदेवपरायणाः अघं धुन्वन्ति कार्त्स्न्येन नीहारमिव भास्करः
kecit kevalayā bhaktyā vāsudevaparāyaṇāḥ aghaṃ dhunvanti kārtsnyena nīhāramiva bhāskaraḥ
Sanskrit only: no published translation is held for this verse.
न तथा ह्य् अघवान् राजन् पूयेत तपाअदिभिः यथा कृष्णार्पितप्राणस्तत्पुरुषनिषेवया
na tathā hy aghavān rājan pūyeta tapāadibhiḥ yathā kṛṣṇārpitaprāṇastatpuruṣaniṣevayā
Sanskrit only: no published translation is held for this verse.
सध्रीचीनो ह्य् अयं लोके पन्थाः क्षेमो ऽकुतोभयः सुशीलाः साधवो यत्र नारायणपरायणाः
sadhrīcīno hy ayaṃ loke panthāḥ kṣemo 'kutobhayaḥ suśīlāḥ sādhavo yatra nārāyaṇaparāyaṇāḥ
Sanskrit only: no published translation is held for this verse.
प्रायश्चित्तानि चीर्णानि नारायणपराङ्मुखम् न निष्पुनन्ति राजेन्द्र सुराकुम्भमिवापगाः
prāyaścittāni cīrṇāni nārāyaṇaparāṅmukham na niṣpunanti rājendra surākumbhamivāpagāḥ
Sanskrit only: no published translation is held for this verse.
सकृन् मनः कृष्णपदारविन्दयोर् निवेशितं तद्गुणरागि यैरिह न ते यमं पाशभृतश्च तद्भटान् स्वप्ने ऽपि पश्यन्ति हि चीर्णनिष्कृताः
sakṛn manaḥ kṛṣṇapadāravindayor niveśitaṃ tadguṇarāgi yairiha na te yamaṃ pāśabhṛtaśca tadbhaṭān svapne 'pi paśyanti hi cīrṇaniṣkṛtāḥ
Sanskrit only: no published translation is held for this verse.
अत्र चोदाहरन्तीममितिहासं पुरातनम् दूतानां विष्णुयमयोः संवादस्तं निबोध मे
atra codāharantīmamitihāsaṃ purātanam dūtānāṃ viṣṇuyamayoḥ saṃvādastaṃ nibodha me
Sanskrit only: no published translation is held for this verse.
कान्यकुब्जे द्विजः कश्चिद्दासीपतिरजामिलः नाम्ना नष्टसदाचारो दास्याः संसर्गदूषितः
kānyakubje dvijaḥ kaściddāsīpatirajāmilaḥ nāmnā naṣṭasadācāro dāsyāḥ saṃsargadūṣitaḥ
Sanskrit only: no published translation is held for this verse.
बन्द्यक्षैः कैतवैश्चौर्यैर्गर्हितां वृत्तिमास्थितः बिभ्रत् कुटुम्बमशुचिर्यातयामास देहिनः
bandyakṣaiḥ kaitavaiścauryairgarhitāṃ vṛttimāsthitaḥ bibhrat kuṭumbamaśuciryātayāmāsa dehinaḥ
Sanskrit only: no published translation is held for this verse.
एवं निवसतस्तस्य लालयानस्य तत्सुतान् कालो ऽत्यगान् महान् राजन्नष्टाशीत्यायुषः समाः
evaṃ nivasatastasya lālayānasya tatsutān kālo 'tyagān mahān rājannaṣṭāśītyāyuṣaḥ samāḥ
Sanskrit only: no published translation is held for this verse.
तस्य प्रवयसः पुत्रा दश तेषां तु यो ऽवमः बालो नारायणो नाम्ना पित्रोश्च दयितो भृशम्
tasya pravayasaḥ putrā daśa teṣāṃ tu yo 'vamaḥ bālo nārāyaṇo nāmnā pitrośca dayito bhṛśam
Sanskrit only: no published translation is held for this verse.
स बद्धहृदयस्तस्मिन्नर्भके कलभाषिणि निरीक्षमाणस्तल्लीलां मुमुदे जरठो भृशम्
sa baddhahṛdayastasminnarbhake kalabhāṣiṇi nirīkṣamāṇastallīlāṃ mumude jaraṭho bhṛśam
Sanskrit only: no published translation is held for this verse.
भुञ्जानः प्रपिबन् खादन् बालकं स्नेहयन्त्रितः भोजयन् पाययन् मूढो न वेदागतमन्तकम्
bhuñjānaḥ prapiban khādan bālakaṃ snehayantritaḥ bhojayan pāyayan mūḍho na vedāgatamantakam
Sanskrit only: no published translation is held for this verse.
स एवं वर्तमानो ऽज्ञो मृत्युकाल उपस्थिते मतिं चकार तनये बाले नारायणाह्वये
sa evaṃ vartamāno 'jño mṛtyukāla upasthite matiṃ cakāra tanaye bāle nārāyaṇāhvaye
Sanskrit only: no published translation is held for this verse.
स पाशहस्तांस्त्रीन् दृष्ट्वा पुरुषान् अतिदारुणान् वक्रतुण्डान् ऊर्ध्वरोम्ण आत्मानं नेतुमागतान्
sa pāśahastāṃstrīn dṛṣṭvā puruṣān atidāruṇān vakratuṇḍān ūrdhvaromṇa ātmānaṃ netumāgatān
Sanskrit only: no published translation is held for this verse.
दूरे क्रीडनकासक्तं पुत्रं नारायणाह्वयम् प्लावितेन स्वरेणोच्चैराजुहावाकुलेन्द्रियः
dūre krīḍanakāsaktaṃ putraṃ nārāyaṇāhvayam plāvitena svareṇoccairājuhāvākulendriyaḥ
Sanskrit only: no published translation is held for this verse.
निशम्य म्रियमाणस्य मुखतो हरिकीर्तनम् भर्तुर्नाम महाराज पार्षदाः सहसापतन्
niśamya mriyamāṇasya mukhato harikīrtanam bharturnāma mahārāja pārṣadāḥ sahasāpatan
Sanskrit only: no published translation is held for this verse.
विकर्षतो ऽन्तर्हृदयाद्दासीपतिमजामिलम् यमप्रेष्यान् विष्णुदूता वारयामासुरोजसा
vikarṣato 'ntarhṛdayāddāsīpatimajāmilam yamapreṣyān viṣṇudūtā vārayāmāsurojasā
Sanskrit only: no published translation is held for this verse.
ऊचुर्निषेधितास्तांस्ते वैवस्वतपुरःसराः के यूयं प्रतिषेद्धारो धर्मराजस्य शासनम्
ūcurniṣedhitāstāṃste vaivasvatapuraḥsarāḥ ke yūyaṃ pratiṣeddhāro dharmarājasya śāsanam
Sanskrit only: no published translation is held for this verse.
कस्य वा कुत आयाताः कस्मादस्य निषेधथ किं देवा उपदेवा या यूयं किं सिद्धसत्तमाः
kasya vā kuta āyātāḥ kasmādasya niṣedhatha kiṃ devā upadevā yā yūyaṃ kiṃ siddhasattamāḥ
Sanskrit only: no published translation is held for this verse.
सर्वे पद्मपलाशाक्षाः पीतकौशेयवाससः किरीटिनः कुण्डलिनो लसत्पुष्करमालिनः
sarve padmapalāśākṣāḥ pītakauśeyavāsasaḥ kirīṭinaḥ kuṇḍalino lasatpuṣkaramālinaḥ
Sanskrit only: no published translation is held for this verse.
सर्वे च नूत्नवयसः सर्वे चारुचतुर्भुजाः धनुर्निषङ्गासिगदा शङ्खचक्राम्बुजश्रियः
sarve ca nūtnavayasaḥ sarve cārucaturbhujāḥ dhanurniṣaṅgāsigadā śaṅkhacakrāmbujaśriyaḥ
Sanskrit only: no published translation is held for this verse.
दिशो वितिमिरालोकाः कुर्वन्तः स्वेन तेजसा किमर्थं धर्मपालस्य किङ्करान् नो निषेधथ
diśo vitimirālokāḥ kurvantaḥ svena tejasā kimarthaṃ dharmapālasya kiṅkarān no niṣedhatha
Sanskrit only: no published translation is held for this verse.
श्रीशुक उवाच इत्य् उक्ते यमदूतैस्ते वासुदेवोक्तकारिणः तान् प्रत्यूचुः प्रहस्येदं मेघनिर्ह्रादया गिरा
śrīśuka uvāca ity ukte yamadūtaiste vāsudevoktakāriṇaḥ tān pratyūcuḥ prahasyedaṃ meghanirhrādayā girā
Sanskrit only: no published translation is held for this verse.
श्रीविष्णुदूता ऊचुः यूयं वै धर्मराजस्य यदि निर्देशकारिणः ब्रूत धर्मस्य नस्तत्त्वं यच् चाधर्मस्य लक्षणम्
śrīviṣṇudūtā ūcuḥ yūyaṃ vai dharmarājasya yadi nirdeśakāriṇaḥ brūta dharmasya nastattvaṃ yac cādharmasya lakṣaṇam
Sanskrit only: no published translation is held for this verse.
कथं स्विद्ध्रियते दण्डः किं वास्य स्थानमीप्सितम् दण्ड्याः किं कारिणः सर्वे आहो स्वित् कतिचिन् नृणाम्
kathaṃ sviddhriyate daṇḍaḥ kiṃ vāsya sthānamīpsitam daṇḍyāḥ kiṃ kāriṇaḥ sarve āho svit katicin nṛṇām
Sanskrit only: no published translation is held for this verse.
यमदूता ऊचुः वेदप्रणिहितो धर्मो ह्य् अधर्मस्तद्विपर्ययः वेदो नारायणः साक्षात् स्वयम्भूरिति शुश्रुम
yamadūtā ūcuḥ vedapraṇihito dharmo hy adharmastadviparyayaḥ vedo nārāyaṇaḥ sākṣāt svayambhūriti śuśruma
Sanskrit only: no published translation is held for this verse.
येन स्वधाम्न्य् अमी भावा रजःसत्त्वतमोमयाः गुणनामक्रियारूपैर्विभाव्यन्ते यथातथम्
yena svadhāmny amī bhāvā rajaḥsattvatamomayāḥ guṇanāmakriyārūpairvibhāvyante yathātatham
Sanskrit only: no published translation is held for this verse.
सूर्यो ऽग्निः खं मरुद्देवः सोमः सन्ध्याहनी दिशः कं कुः स्वयं धर्म इति ह्य् एते दैह्यस्य साक्षिणः
sūryo 'gniḥ khaṃ maruddevaḥ somaḥ sandhyāhanī diśaḥ kaṃ kuḥ svayaṃ dharma iti hy ete daihyasya sākṣiṇaḥ
Sanskrit only: no published translation is held for this verse.
एतैरधर्मो विज्ञातः स्थानं दण्डस्य युज्यते सर्वे कर्मानुरोधेन दण्डमर्हन्ति कारिणः
etairadharmo vijñātaḥ sthānaṃ daṇḍasya yujyate sarve karmānurodhena daṇḍamarhanti kāriṇaḥ
Sanskrit only: no published translation is held for this verse.
सम्भवन्ति हि भद्राणि विपरीतानि चानघाः कारिणां गुणसङ्गो ऽस्ति देहवान् न ह्य् अकर्मकृत्
sambhavanti hi bhadrāṇi viparītāni cānaghāḥ kāriṇāṃ guṇasaṅgo 'sti dehavān na hy akarmakṛt
Sanskrit only: no published translation is held for this verse.
येन यावान् यथाधर्मो धर्मो वेह समीहितः स एव तत्फलं भुङ्क्ते तथा तावदमुत्र वै
yena yāvān yathādharmo dharmo veha samīhitaḥ sa eva tatphalaṃ bhuṅkte tathā tāvadamutra vai
Sanskrit only: no published translation is held for this verse.
यथेह देवप्रवरास्त्रैविध्यमुपलभ्यते भूतेषु गुणवैचित्र्यात् तथान्यत्रानुमीयते
yatheha devapravarāstraividhyamupalabhyate bhūteṣu guṇavaicitryāt tathānyatrānumīyate
Sanskrit only: no published translation is held for this verse.
वर्तमानो ऽन्ययोः कालो गुणाभिज्ञापको यथा एवं जन्मान्ययोरेतद्धर्माधर्मनिदर्शनम्
vartamāno 'nyayoḥ kālo guṇābhijñāpako yathā evaṃ janmānyayoretaddharmādharmanidarśanam
Sanskrit only: no published translation is held for this verse.
मनसैव पुरे देवः पूर्वरूपं विपश्यति अनुमीमांसते ऽपूर्वं मनसा भगवान् अजः
manasaiva pure devaḥ pūrvarūpaṃ vipaśyati anumīmāṃsate 'pūrvaṃ manasā bhagavān ajaḥ
Sanskrit only: no published translation is held for this verse.
यथाज्ञस्तमसा युक्त उपास्ते व्यक्तमेव हि न वेद पूर्वमपरं नष्टजन्मस्मृतिस्तथा
yathājñastamasā yukta upāste vyaktameva hi na veda pūrvamaparaṃ naṣṭajanmasmṛtistathā
Sanskrit only: no published translation is held for this verse.
पञ्चभिः कुरुते स्वार्थान् पञ्च वेदाथ पञ्चभिः एकस्तु षोडशेन त्रीन् स्वयं सप्तदशो ऽश्नुते
pañcabhiḥ kurute svārthān pañca vedātha pañcabhiḥ ekastu ṣoḍaśena trīn svayaṃ saptadaśo 'śnute
Sanskrit only: no published translation is held for this verse.
तदेतत् षोडशकलं लिङ्गं शक्तित्रयं महत् धत्ते ऽनुसंसृतिं पुंसि हर्षशोकभयार्तिदाम्
tadetat ṣoḍaśakalaṃ liṅgaṃ śaktitrayaṃ mahat dhatte 'nusaṃsṛtiṃ puṃsi harṣaśokabhayārtidām
Sanskrit only: no published translation is held for this verse.
देह्य् अज्ञो ऽजितषड्वर्गो नेच्छन् कर्माणि कार्यते कोशकार इवात्मानं कर्मणाच्छाद्य मुह्यति
dehy ajño 'jitaṣaḍvargo necchan karmāṇi kāryate kośakāra ivātmānaṃ karmaṇācchādya muhyati
Sanskrit only: no published translation is held for this verse.
न हि कश्चित् क्षणमपि जातु तिष्ठत्य् अकर्मकृत् कार्यते ह्य् अवशः कर्म गुणैः स्वाभाविकैर्बलात्
na hi kaścit kṣaṇamapi jātu tiṣṭhaty akarmakṛt kāryate hy avaśaḥ karma guṇaiḥ svābhāvikairbalāt
Sanskrit only: no published translation is held for this verse.
लब्ध्वा निमित्तमव्यक्तं व्यक्ताव्यक्तं भवत्य् उत यथायोनि यथाबीजं स्वभावेन बलीयसा
labdhvā nimittamavyaktaṃ vyaktāvyaktaṃ bhavaty uta yathāyoni yathābījaṃ svabhāvena balīyasā
Sanskrit only: no published translation is held for this verse.
एष प्रकृतिसङ्गेन पुरुषस्य विपर्ययः आसीत् स एव न चिरादीशसङ्गाद्विलीयते
eṣa prakṛtisaṅgena puruṣasya viparyayaḥ āsīt sa eva na cirādīśasaṅgādvilīyate
Sanskrit only: no published translation is held for this verse.
अयं हि श्रुतसम्पन्नः शीलवृत्तगुणालयः धृतव्रतो मृदुर्दान्तः सत्यवाङ् मन्त्रविच् छुचिः
ayaṃ hi śrutasampannaḥ śīlavṛttaguṇālayaḥ dhṛtavrato mṛdurdāntaḥ satyavāṅ mantravic chuciḥ
Sanskrit only: no published translation is held for this verse.
गुर्वग्न्यतिथिवृद्धानां शुश्रूषुरनहङ्कृतः सर्वभूतसुहृत् साधुर्मितवाग् अनसूयकः
gurvagnyatithivṛddhānāṃ śuśrūṣuranahaṅkṛtaḥ sarvabhūtasuhṛt sādhurmitavāg anasūyakaḥ
Sanskrit only: no published translation is held for this verse.
एकदासौ वनं यातः पितृसन्देशकृद्द्विजः आदाय तत आवृत्तः फलपुष्पसमित्कुशान्
ekadāsau vanaṃ yātaḥ pitṛsandeśakṛddvijaḥ ādāya tata āvṛttaḥ phalapuṣpasamitkuśān
Sanskrit only: no published translation is held for this verse.
ददर्श कामिनं कञ्चिच् छूद्रं सह भुजिष्यया पीत्वा च मधु मैरेयं मदाघूर्णितनेत्रया
dadarśa kāminaṃ kañcic chūdraṃ saha bhujiṣyayā pītvā ca madhu maireyaṃ madāghūrṇitanetrayā
Sanskrit only: no published translation is held for this verse.
मत्तया विश्लथन्नीव्या व्यपेतं निरपत्रपम् क्रीडन्तमनुगायन्तं हसन्तमनयान्तिके
mattayā viślathannīvyā vyapetaṃ nirapatrapam krīḍantamanugāyantaṃ hasantamanayāntike
Sanskrit only: no published translation is held for this verse.
दृष्ट्वा तां कामलिप्तेन बाहुना परिरम्भिताम् जगाम हृच्छयवशं सहसैव विमोहितः
dṛṣṭvā tāṃ kāmaliptena bāhunā parirambhitām jagāma hṛcchayavaśaṃ sahasaiva vimohitaḥ
Sanskrit only: no published translation is held for this verse.
स्तम्भयन्नात्मनात्मानं यावत् सत्त्वं यथाश्रुतम् न शशाक समाधातुं मनो मदनवेपितम्
stambhayannātmanātmānaṃ yāvat sattvaṃ yathāśrutam na śaśāka samādhātuṃ mano madanavepitam
Sanskrit only: no published translation is held for this verse.
तन्निमित्तस्मरव्याज ग्रहग्रस्तो विचेतनः तामेव मनसा ध्यायन् स्वधर्माद्विरराम ह
tannimittasmaravyāja grahagrasto vicetanaḥ tāmeva manasā dhyāyan svadharmādvirarāma ha
Sanskrit only: no published translation is held for this verse.
तामेव तोषयामास पित्र्येणार्थेन यावता ग्राम्यैर्मनोरमैः कामैः प्रसीदेत यथा तथा
tāmeva toṣayāmāsa pitryeṇārthena yāvatā grāmyairmanoramaiḥ kāmaiḥ prasīdeta yathā tathā
Sanskrit only: no published translation is held for this verse.
विप्रां स्वभार्यामप्रौढां कुले महति लम्भिताम् विससर्जाचिरात् पापः स्वैरिण्यापाङ्गविद्धधीः
viprāṃ svabhāryāmaprauḍhāṃ kule mahati lambhitām visasarjācirāt pāpaḥ svairiṇyāpāṅgaviddhadhīḥ
Sanskrit only: no published translation is held for this verse.
यतस्ततश्चोपनिन्ये न्यायतो ऽन्यायतो धनम् बभारास्याः कुटुम्बिन्याः कुटुम्बं मन्दधीरयम्
yatastataścopaninye nyāyato 'nyāyato dhanam babhārāsyāḥ kuṭumbinyāḥ kuṭumbaṃ mandadhīrayam
Sanskrit only: no published translation is held for this verse.
यदसौ शास्त्रमुल्लङ्घ्य स्वैरचार्य् अतिगर्हितः अवर्तत चिरं कालमघायुरशुचिर्मलात्
yadasau śāstramullaṅghya svairacāry atigarhitaḥ avartata ciraṃ kālamaghāyuraśucirmalāt
Sanskrit only: no published translation is held for this verse.
तत एनं दण्डपाणेः सकाशं कृतकिल्बिषम् नेष्यामो ऽकृतनिर्वेशं यत्र दण्डेन शुद्ध्यति
tata enaṃ daṇḍapāṇeḥ sakāśaṃ kṛtakilbiṣam neṣyāmo 'kṛtanirveśaṃ yatra daṇḍena śuddhyati
Sanskrit only: no published translation is held for this verse.