Bhāgavata Purāṇa 6.10

श्रीबादरायणिरुवाच इन्द्रमेवं समादिश्य भगवान् विश्वभावनः पश्यतामनिमेषाणां अत्रैवान्तर्दधे हरिः

śrībādarāyaṇiruvāca indramevaṃ samādiśya bhagavān viśvabhāvanaḥ paśyatāmanimeṣāṇāṃ atraivāntardadhe hariḥ

Sanskrit only: no published translation is held for this verse.

तथाभियाचितो देवैरृषिराथर्वणो महान् मोदमान उवाचेदं प्रहसन्निव भारत

tathābhiyācito devairṛṣirātharvaṇo mahān modamāna uvācedaṃ prahasanniva bhārata

Sanskrit only: no published translation is held for this verse.

अपि वृन्दारका यूयं न जानीथ शरीरिणाम् संस्थायां यस्त्वभिद्रोहो दुःसहश्चेतनापहः

api vṛndārakā yūyaṃ na jānītha śarīriṇām saṃsthāyāṃ yastvabhidroho duḥsahaścetanāpahaḥ

Sanskrit only: no published translation is held for this verse.

जिजीविषूणां जीवानामात्मा प्रेष्ठ इहेप्सितः क उत्सहेत तं दातुं भिक्षमाणाय विष्णवे

jijīviṣūṇāṃ jīvānāmātmā preṣṭha ihepsitaḥ ka utsaheta taṃ dātuṃ bhikṣamāṇāya viṣṇave

Sanskrit only: no published translation is held for this verse.

श्रीदेवा ऊचुः किं नु तद्दुस्त्यजं ब्रह्मन् पुंसां भूतानुकम्पिनाम् भवद्विधानां महतां पुण्यश्लोकेड्यकर्मणाम्

śrīdevā ūcuḥ kiṃ nu taddustyajaṃ brahman puṃsāṃ bhūtānukampinām bhavadvidhānāṃ mahatāṃ puṇyaślokeḍyakarmaṇām

Sanskrit only: no published translation is held for this verse.

नूनं स्वार्थपरो लोको न वेद परसङ्कटम् यदि वेद न याचेत नेति नाह यदीश्वरः

nūnaṃ svārthaparo loko na veda parasaṅkaṭam yadi veda na yāceta neti nāha yadīśvaraḥ

Sanskrit only: no published translation is held for this verse.

श्रीऋषिरुवाच धर्मं वः श्रोतुकामेन यूयं मे प्रत्युदाहृताः एष वः प्रियमात्मानं त्यजन्तं सन्त्यजाम्य् अहम्

śrīṛṣiruvāca dharmaṃ vaḥ śrotukāmena yūyaṃ me pratyudāhṛtāḥ eṣa vaḥ priyamātmānaṃ tyajantaṃ santyajāmy aham

Sanskrit only: no published translation is held for this verse.

यो ऽध्रुवेणात्मना नाथा न धर्मं न यशः पुमान् ईहेत भूतदयया स शोच्यः स्थावरैरपि

yo 'dhruveṇātmanā nāthā na dharmaṃ na yaśaḥ pumān īheta bhūtadayayā sa śocyaḥ sthāvarairapi

Sanskrit only: no published translation is held for this verse.

एतावान् अव्ययो धर्मः पुण्यश्लोकैरुपासितः यो भूतशोकहर्षाभ्यामात्मा शोचति हृष्यति

etāvān avyayo dharmaḥ puṇyaślokairupāsitaḥ yo bhūtaśokaharṣābhyāmātmā śocati hṛṣyati

Sanskrit only: no published translation is held for this verse.

अहो दैन्यमहो कष्टं पारक्यैः क्षणभङ्गुरैः यन् नोपकुर्यादस्वार्थैर्मर्त्यः स्वज्ञातिविग्रहैः

aho dainyamaho kaṣṭaṃ pārakyaiḥ kṣaṇabhaṅguraiḥ yan nopakuryādasvārthairmartyaḥ svajñātivigrahaiḥ

Sanskrit only: no published translation is held for this verse.

श्रीबादरायणिरुवाच एवं कृतव्यवसितो दध्यङ्ङ् आथर्वणस्तनुम् परे भगवति ब्रह्मण्य् आत्मानं सन्नयन् जहौ

śrībādarāyaṇiruvāca evaṃ kṛtavyavasito dadhyaṅṅ ātharvaṇastanum pare bhagavati brahmaṇy ātmānaṃ sannayan jahau

Sanskrit only: no published translation is held for this verse.

यताक्षासुमनोबुद्धिस्तत्त्वदृग् ध्वस्तबन्धनः आस्थितः परमं योगं न देहं बुबुधे गतम्

yatākṣāsumanobuddhistattvadṛg dhvastabandhanaḥ āsthitaḥ paramaṃ yogaṃ na dehaṃ bubudhe gatam

Sanskrit only: no published translation is held for this verse.

अथेन्द्रो वज्रमुद्यम्य निर्मितं विश्वकर्मणा मुनेः शक्तिभिरुत्सिक्तो भगवत्तेजसान्वितः

athendro vajramudyamya nirmitaṃ viśvakarmaṇā muneḥ śaktibhirutsikto bhagavattejasānvitaḥ

Sanskrit only: no published translation is held for this verse.

वृतो देवगणैः सर्वैर्गजेन्द्रोपर्य् अशोभत स्तूयमानो मुनिगणैस्त्रैलोक्यं हर्षयन्निव

vṛto devagaṇaiḥ sarvairgajendropary aśobhata stūyamāno munigaṇaistrailokyaṃ harṣayanniva

Sanskrit only: no published translation is held for this verse.

वृत्रमभ्यद्रवच् छत्रुमसुरानीकयूथपैः पर्यस्तमोजसा राजन् क्रुद्धो रुद्र इवान्तकम्

vṛtramabhyadravac chatrumasurānīkayūthapaiḥ paryastamojasā rājan kruddho rudra ivāntakam

Sanskrit only: no published translation is held for this verse.

ततः सुराणामसुरै रणः परमदारुणः त्रेतामुखे नर्मदायामभवत् प्रथमे युगे

tataḥ surāṇāmasurai raṇaḥ paramadāruṇaḥ tretāmukhe narmadāyāmabhavat prathame yuge

Sanskrit only: no published translation is held for this verse.

रुद्रैर्वसुभिरादित्यैरश्विभ्यां पितृवह्निभिः मरुद्भिरृभुभिः साध्यैर्विश्वेदेवैर्मरुत्पतिम्

rudrairvasubhirādityairaśvibhyāṃ pitṛvahnibhiḥ marudbhirṛbhubhiḥ sādhyairviśvedevairmarutpatim

Sanskrit only: no published translation is held for this verse.

दृष्ट्वा वज्रधरं शक्रं रोचमानं स्वया श्रिया नामृष्यन्नसुरा राजन् मृधे वृत्रपुरःसराः

dṛṣṭvā vajradharaṃ śakraṃ rocamānaṃ svayā śriyā nāmṛṣyannasurā rājan mṛdhe vṛtrapuraḥsarāḥ

Sanskrit only: no published translation is held for this verse.

नमुचिः शम्बरो ऽनर्वा द्विमूर्धा ऋषभो ऽसुरः हयग्रीवः शङ्कुशिरा विप्रचित्तिरयोमुखः

namuciḥ śambaro 'narvā dvimūrdhā ṛṣabho 'suraḥ hayagrīvaḥ śaṅkuśirā vipracittirayomukhaḥ

Sanskrit only: no published translation is held for this verse.

पुलोमा वृषपर्वा च प्रहेतिर्हेतिरुत्कलः दैतेया दानवा यक्षा रक्षांसि च सहस्रशः

pulomā vṛṣaparvā ca prahetirhetirutkalaḥ daiteyā dānavā yakṣā rakṣāṃsi ca sahasraśaḥ

Sanskrit only: no published translation is held for this verse.

सुमालिमालिप्रमुखाः कार्तस्वरपरिच्छदाः प्रतिषिध्येन्द्रसेनाग्रं मृत्योरपि दुरासदम्

sumālimālipramukhāḥ kārtasvaraparicchadāḥ pratiṣidhyendrasenāgraṃ mṛtyorapi durāsadam

Sanskrit only: no published translation is held for this verse.

अभ्यर्दयन्नसम्भ्रान्ताः सिंहनादेन दुर्मदाः गदाभिः परिघैर्बाणैः प्रासमुद्गरतोमरैः

abhyardayannasambhrāntāḥ siṃhanādena durmadāḥ gadābhiḥ parighairbāṇaiḥ prāsamudgaratomaraiḥ

Sanskrit only: no published translation is held for this verse.

शूलैः परश्वधैः खड्गैः शतघ्नीभिर्भुशुण्डिभिः सर्वतो ऽवाकिरन् शस्त्रैरस्त्रैश्च विबुधर्षभान्

śūlaiḥ paraśvadhaiḥ khaḍgaiḥ śataghnībhirbhuśuṇḍibhiḥ sarvato 'vākiran śastrairastraiśca vibudharṣabhān

Sanskrit only: no published translation is held for this verse.

न ते ऽदृश्यन्त सञ्छन्नाः शरजालैः समन्ततः पुङ्खानुपुङ्खपतितैर्ज्योतींषीव नभोघनैः

na te 'dṛśyanta sañchannāḥ śarajālaiḥ samantataḥ puṅkhānupuṅkhapatitairjyotīṃṣīva nabhoghanaiḥ

Sanskrit only: no published translation is held for this verse.

न ते शस्त्रास्त्रवर्षौघा ह्य् आसेदुः सुरसैनिकान् छिन्नाः सिद्धपथे देवैर्लघुहस्तैः सहस्रधा

na te śastrāstravarṣaughā hy āseduḥ surasainikān chinnāḥ siddhapathe devairlaghuhastaiḥ sahasradhā

Sanskrit only: no published translation is held for this verse.

अथ क्षीणास्त्रशस्त्रौघा गिरिशृङ्गद्रुमोपलैः अभ्यवर्षन् सुरबलं चिच्छिदुस्तांश्च पूर्ववत्

atha kṣīṇāstraśastraughā giriśṛṅgadrumopalaiḥ abhyavarṣan surabalaṃ cicchidustāṃśca pūrvavat

Sanskrit only: no published translation is held for this verse.

तान् अक्षतान् स्वस्तिमतो निशाम्य शस्त्रास्त्रपूगैरथ वृत्रनाथाः द्रुमैर्दृषद्भिर्विविधाद्रिशृङ्गैर् अविक्षतांस्तत्रसुरिन्द्रसैनिकान्

tān akṣatān svastimato niśāmya śastrāstrapūgairatha vṛtranāthāḥ drumairdṛṣadbhirvividhādriśṛṅgair avikṣatāṃstatrasurindrasainikān

Sanskrit only: no published translation is held for this verse.

सर्वे प्रयासा अभवन् विमोघाः कृताः कृता देवगणेषु दैत्यैः कृष्णानुकूलेषु यथा महत्सु क्षुद्रैः प्रयुक्ता ऊषती रूक्षवाचः

sarve prayāsā abhavan vimoghāḥ kṛtāḥ kṛtā devagaṇeṣu daityaiḥ kṛṣṇānukūleṣu yathā mahatsu kṣudraiḥ prayuktā ūṣatī rūkṣavācaḥ

Sanskrit only: no published translation is held for this verse.

ते स्वप्रयासं वितथं निरीक्ष्य हरावभक्ता हतयुद्धदर्पाः पलायनायाजिमुखे विसृज्य पतिं मनस्ते दधुरात्तसाराः

te svaprayāsaṃ vitathaṃ nirīkṣya harāvabhaktā hatayuddhadarpāḥ palāyanāyājimukhe visṛjya patiṃ manaste dadhurāttasārāḥ

Sanskrit only: no published translation is held for this verse.

वृत्रो ऽसुरांस्तान् अनुगान् मनस्वी प्रधावतः प्रेक्ष्य बभाष एतत् पलायितं प्रेक्ष्य बलं च भग्नं भयेन तीव्रेण विहस्य वीरः

vṛtro 'surāṃstān anugān manasvī pradhāvataḥ prekṣya babhāṣa etat palāyitaṃ prekṣya balaṃ ca bhagnaṃ bhayena tīvreṇa vihasya vīraḥ

Sanskrit only: no published translation is held for this verse.

कालोपपन्नां रुचिरां मनस्विनां जगाद वाचं पुरुषप्रवीरः हे विप्रचित्ते नमुचे पुलोमन् मयानर्वन् छम्बर मे शृणुध्वम्

kālopapannāṃ rucirāṃ manasvināṃ jagāda vācaṃ puruṣapravīraḥ he vipracitte namuce puloman mayānarvan chambara me śṛṇudhvam

Sanskrit only: no published translation is held for this verse.

जातस्य मृत्युर्ध्रुव एव सर्वतः प्रतिक्रिया यस्य न चेह कॢप्ता लोको यशश्चाथ ततो यदि ह्य् अमुं को नाम मृत्युं न वृणीत युक्तम्

jātasya mṛtyurdhruva eva sarvataḥ pratikriyā yasya na ceha kḷptā loko yaśaścātha tato yadi hy amuṃ ko nāma mṛtyuṃ na vṛṇīta yuktam

Sanskrit only: no published translation is held for this verse.

द्वौ सम्मताविह मृत्यू दुरापौ यद्ब्रह्मसन्धारणया जितासुः कलेवरं योगरतो विजह्याद् यदग्रणीर्वीरशये ऽनिवृत्तः

dvau sammatāviha mṛtyū durāpau yadbrahmasandhāraṇayā jitāsuḥ kalevaraṃ yogarato vijahyād yadagraṇīrvīraśaye 'nivṛttaḥ

Sanskrit only: no published translation is held for this verse.