Bhāgavata Purāṇa 6.19

श्रीराजोवाच व्रतं पुंसवनं ब्रह्मन् भवता यदुदीरितम् तस्य वेदितुमिच्छामि येन विष्णुः प्रसीदति

śrīrājovāca vrataṃ puṃsavanaṃ brahman bhavatā yadudīritam tasya veditumicchāmi yena viṣṇuḥ prasīdati

Sanskrit only: no published translation is held for this verse.

श्रीशुक उवाच शुक्ले मार्गशिरे पक्षे योषिद्भर्तुरनुज्ञया आरभेत व्रतमिदं सार्वकामिकमादितः

śrīśuka uvāca śukle mārgaśire pakṣe yoṣidbharturanujñayā ārabheta vratamidaṃ sārvakāmikamāditaḥ

Sanskrit only: no published translation is held for this verse.

निशम्य मरुतां जन्म ब्राह्मणान् अनुमन्त्र्य च स्नात्वा शुक्लदती शुक्ले वसीतालङ्कृताम्बरे पूजयेत् प्रातराशात् प्राग् भगवन्तं श्रिया सह

niśamya marutāṃ janma brāhmaṇān anumantrya ca snātvā śukladatī śukle vasītālaṅkṛtāmbare pūjayet prātarāśāt prāg bhagavantaṃ śriyā saha

Sanskrit only: no published translation is held for this verse.

अलं ते निरपेक्षाय पूर्णकाम नमो ऽस्तु ते महाविभूतिपतये नमः सकलसिद्धये

alaṃ te nirapekṣāya pūrṇakāma namo 'stu te mahāvibhūtipataye namaḥ sakalasiddhaye

Sanskrit only: no published translation is held for this verse.

यथा त्वं कृपया भूत्या तेजसा महिमौजसा जुष्ट ईश गुणैः सर्वैस्ततो ऽसि भगवान् प्रभुः

yathā tvaṃ kṛpayā bhūtyā tejasā mahimaujasā juṣṭa īśa guṇaiḥ sarvaistato 'si bhagavān prabhuḥ

Sanskrit only: no published translation is held for this verse.

विष्णुपत्नि महामाये महापुरुषलक्षणे प्रीयेथा मे महाभागे लोकमातर्नमो ऽस्तु ते

viṣṇupatni mahāmāye mahāpuruṣalakṣaṇe prīyethā me mahābhāge lokamātarnamo 'stu te

Sanskrit only: no published translation is held for this verse.

ॐ नमो भगवते महापुरुषाय महानुभावाय महाविभूतिपतये सह महाविभूतिभिर्बलिमुपहरामीति अनेनाहरहर्मन्त्रेण विष्णोरावाहनार्घ्यपाद्योपस्पर्शनस्नानवासौपवीतविभूषणगन्धपुष्पधूपदीपोपहाराद्युपचारान् सुसमाहितोपाहरेत्

oṃ namo bhagavate mahāpuruṣāya mahānubhāvāya mahāvibhūtipataye saha mahāvibhūtibhirbalimupaharāmīti anenāharaharmantreṇa viṣṇorāvāhanārghyapādyopasparśanasnānavāsaupavītavibhūṣaṇagandhapuṣpadhūpadīpopahārādyupacārān susamāhitopāharet

Sanskrit only: no published translation is held for this verse.

हविःशेषं च जुहुयादनले द्वादशाहुतीः ॐ नमो भगवते महापुरुषाय महाविभूतिपतये स्वाहेति

haviḥśeṣaṃ ca juhuyādanale dvādaśāhutīḥ oṃ namo bhagavate mahāpuruṣāya mahāvibhūtipataye svāheti

Sanskrit only: no published translation is held for this verse.

श्रियं विष्णुं च वरदावाशिषां प्रभवावुभौ भक्त्या सम्पूजयेन् नित्यं यदीच्छेत् सर्वसम्पदः

śriyaṃ viṣṇuṃ ca varadāvāśiṣāṃ prabhavāvubhau bhaktyā sampūjayen nityaṃ yadīcchet sarvasampadaḥ

Sanskrit only: no published translation is held for this verse.

प्रणमेद्दण्डवद्भूमौ भक्तिप्रह्वेण चेतसा दशवारं जपेन् मन्त्रं ततः स्तोत्रमुदीरयेत्

praṇameddaṇḍavadbhūmau bhaktiprahveṇa cetasā daśavāraṃ japen mantraṃ tataḥ stotramudīrayet

Sanskrit only: no published translation is held for this verse.

युवां तु विश्वस्य विभू जगतः कारणं परम् इयं हि प्रकृतिः सूक्ष्मा मायाशक्तिर्दुरत्यया

yuvāṃ tu viśvasya vibhū jagataḥ kāraṇaṃ param iyaṃ hi prakṛtiḥ sūkṣmā māyāśaktirduratyayā

Sanskrit only: no published translation is held for this verse.

तस्या अधीश्वरः साक्षात् त्वमेव पुरुषः परः त्वं सर्वयज्ञ इज्येयं क्रियेयं फलभुग् भवान्

tasyā adhīśvaraḥ sākṣāt tvameva puruṣaḥ paraḥ tvaṃ sarvayajña ijyeyaṃ kriyeyaṃ phalabhug bhavān

Sanskrit only: no published translation is held for this verse.

गुणव्यक्तिरियं देवी व्यञ्जको गुणभुग् भवान् त्वं हि सर्वशरीर्य् आत्मा श्रीः शरीरेन्द्रियाशयाः नामरूपे भगवती प्रत्ययस्त्वमपाश्रयः

guṇavyaktiriyaṃ devī vyañjako guṇabhug bhavān tvaṃ hi sarvaśarīry ātmā śrīḥ śarīrendriyāśayāḥ nāmarūpe bhagavatī pratyayastvamapāśrayaḥ

Sanskrit only: no published translation is held for this verse.

यथा युवां त्रिलोकस्य वरदौ परमेष्ठिनौ तथा म उत्तमश्लोक सन्तु सत्या महाशिषः

yathā yuvāṃ trilokasya varadau parameṣṭhinau tathā ma uttamaśloka santu satyā mahāśiṣaḥ

Sanskrit only: no published translation is held for this verse.

इत्य् अभिष्टूय वरदं श्रीनिवासं श्रिया सह तन् निःसार्योपहरणं दत्त्वाचमनमर्चयेत्

ity abhiṣṭūya varadaṃ śrīnivāsaṃ śriyā saha tan niḥsāryopaharaṇaṃ dattvācamanamarcayet

Sanskrit only: no published translation is held for this verse.

ततः स्तुवीत स्तोत्रेण भक्तिप्रह्वेण चेतसा यज्ञोच्छिष्टमवघ्राय पुनरभ्यर्चयेद्धरिम्

tataḥ stuvīta stotreṇa bhaktiprahveṇa cetasā yajñocchiṣṭamavaghrāya punarabhyarcayeddharim

Sanskrit only: no published translation is held for this verse.

पतिं च परया भक्त्या महापुरुषचेतसा प्रियैस्तैस्तैरुपनमेत् प्रेमशीलः स्वयं पतिः बिभृयात् सर्वकर्माणि पत्न्या उच्चावचानि च

patiṃ ca parayā bhaktyā mahāpuruṣacetasā priyaistaistairupanamet premaśīlaḥ svayaṃ patiḥ bibhṛyāt sarvakarmāṇi patnyā uccāvacāni ca

Sanskrit only: no published translation is held for this verse.

कृतमेकतरेणापि दम्पत्योरुभयोरपि पत्न्यां कुर्यादनर्हायां पतिरेतत् समाहितः

kṛtamekatareṇāpi dampatyorubhayorapi patnyāṃ kuryādanarhāyāṃ patiretat samāhitaḥ

Sanskrit only: no published translation is held for this verse.

विष्णोर्व्रतमिदं बिभ्रन् न विहन्यात् कथञ्चन विप्रान् स्त्रियो वीरवतीः स्रग्गन्धबलिमण्डनैः अर्चेदहरहर्भक्त्या देवं नियममास्थिता

viṣṇorvratamidaṃ bibhran na vihanyāt kathañcana viprān striyo vīravatīḥ sraggandhabalimaṇḍanaiḥ arcedaharaharbhaktyā devaṃ niyamamāsthitā

Sanskrit only: no published translation is held for this verse.

उद्वास्य देवं स्वे धाम्नि तन्निवेदितमग्रतः अद्यादात्मविशुद्ध्यर्थं सर्वकामसमृद्धये

udvāsya devaṃ sve dhāmni tanniveditamagrataḥ adyādātmaviśuddhyarthaṃ sarvakāmasamṛddhaye

Sanskrit only: no published translation is held for this verse.

एतेन पूजाविधिना मासान् द्वादश हायनम् नीत्वाथोपरमेत् साध्वी कार्तिके चरमे ऽहनि

etena pūjāvidhinā māsān dvādaśa hāyanam nītvāthoparamet sādhvī kārtike carame 'hani

Sanskrit only: no published translation is held for this verse.

श्वोभूते ऽप उपस्पृश्य कृष्णमभ्यर्च्य पूर्ववत् पयःशृतेन जुहुयाच् चरुणा सह सर्पिषा पाकयज्ञविधानेन द्वादशैवाहुतीः पतिः

śvobhūte 'pa upaspṛśya kṛṣṇamabhyarcya pūrvavat payaḥśṛtena juhuyāc caruṇā saha sarpiṣā pākayajñavidhānena dvādaśaivāhutīḥ patiḥ

Sanskrit only: no published translation is held for this verse.

आशिषः शिरसादाय द्विजैः प्रीतैः समीरिताः प्रणम्य शिरसा भक्त्या भुञ्जीत तदनुज्ञया

āśiṣaḥ śirasādāya dvijaiḥ prītaiḥ samīritāḥ praṇamya śirasā bhaktyā bhuñjīta tadanujñayā

Sanskrit only: no published translation is held for this verse.

आचार्यमग्रतः कृत्वा वाग्यतः सह बन्धुभिः दद्यात् पत्न्यै चरोः शेषं सुप्रजास्त्वं सुसौभगम्

ācāryamagrataḥ kṛtvā vāgyataḥ saha bandhubhiḥ dadyāt patnyai caroḥ śeṣaṃ suprajāstvaṃ susaubhagam

Sanskrit only: no published translation is held for this verse.

एतच् चरित्वा विधिवद्व्रतं विभोर् अभीप्सितार्थं लभते पुमान् इह स्त्री चैतदास्थाय लभेत सौभगं श्रियं प्रजां जीवपतिं यशो गृहम्

etac caritvā vidhivadvrataṃ vibhor abhīpsitārthaṃ labhate pumān iha strī caitadāsthāya labheta saubhagaṃ śriyaṃ prajāṃ jīvapatiṃ yaśo gṛham

Sanskrit only: no published translation is held for this verse.

कन्या च विन्देत समग्रलक्षणं पतिं त्ववीरा हतकिल्बिषां गतिम् मृतप्रजा जीवसुता धनेश्वरी सुदुर्भगा सुभगा रूपमग्र्यम्

kanyā ca vindeta samagralakṣaṇaṃ patiṃ tvavīrā hatakilbiṣāṃ gatim mṛtaprajā jīvasutā dhaneśvarī sudurbhagā subhagā rūpamagryam

Sanskrit only: no published translation is held for this verse.

विन्देद्विरूपा विरुजा विमुच्यते य आमयावीन्द्रियकल्यदेहम् एतत् पठन्नभ्युदये च कर्मण्य् अनन्ततृप्तिः पितृदेवतानाम्

vindedvirūpā virujā vimucyate ya āmayāvīndriyakalyadeham etat paṭhannabhyudaye ca karmaṇy anantatṛptiḥ pitṛdevatānām

Sanskrit only: no published translation is held for this verse.

तुष्टाः प्रयच्छन्ति समस्तकामान् होमावसाने हुतभुक् श्रीहरिश्च राजन् महन् मरुतां जन्म पुण्यं दितेर्व्रतं चाभिहितं महत् ते

tuṣṭāḥ prayacchanti samastakāmān homāvasāne hutabhuk śrīhariśca rājan mahan marutāṃ janma puṇyaṃ ditervrataṃ cābhihitaṃ mahat te

Sanskrit only: no published translation is held for this verse.