Bhāgavata Purāṇa 6.6

श्रीशुक उवाच ततः प्राचेतसो ऽसिक्न्यामनुनीतः स्वयम्भुवा

śrīśuka uvāca tataḥ prācetaso 'siknyāmanunītaḥ svayambhuvā

Sanskrit only: no published translation is held for this verse.

षष्टिं सञ्जनयामास दुहितॄः पितृवत्सलाः दश धर्माय कायादाद्द्विषट् त्रिणव चेन्दवे

ṣaṣṭiṃ sañjanayāmāsa duhitṝḥ pitṛvatsalāḥ daśa dharmāya kāyādāddviṣaṭ triṇava cendave

Sanskrit only: no published translation is held for this verse.

भूताङ्गिरःकृशाश्वेभ्यो द्वे द्वे तार्क्ष्याय चापराः नामधेयान्य् अमूषां त्वं सापत्यानां च मे शृणु

bhūtāṅgiraḥkṛśāśvebhyo dve dve tārkṣyāya cāparāḥ nāmadheyāny amūṣāṃ tvaṃ sāpatyānāṃ ca me śṛṇu

Sanskrit only: no published translation is held for this verse.

यासां प्रसूतिप्रसवैर्लोका आपूरितास्त्रयः भानुर्लम्बा ककुद्यामिर्विश्वा साध्या मरुत्वती

yāsāṃ prasūtiprasavairlokā āpūritāstrayaḥ bhānurlambā kakudyāmirviśvā sādhyā marutvatī

Sanskrit only: no published translation is held for this verse.

वसुर्मुहूर्ता सङ्कल्पा धर्मपत्न्यः सुताञ् शृणु भानोस्तु देवऋषभ इन्द्रसेनस्ततो नृप

vasurmuhūrtā saṅkalpā dharmapatnyaḥ sutāñ śṛṇu bhānostu devaṛṣabha indrasenastato nṛpa

Sanskrit only: no published translation is held for this verse.

विद्योत आसील् लम्बायास्ततश्च स्तनयित्नवः ककुदः सङ्कटस्तस्य कीकटस्तनयो यतः

vidyota āsīl lambāyāstataśca stanayitnavaḥ kakudaḥ saṅkaṭastasya kīkaṭastanayo yataḥ

Sanskrit only: no published translation is held for this verse.

भुवो दुर्गाणि यामेयः स्वर्गो नन्दिस्ततो ऽभवत् विश्वेदेवास्तु विश्वाया अप्रजांस्तान् प्रचक्षते

bhuvo durgāṇi yāmeyaḥ svargo nandistato 'bhavat viśvedevāstu viśvāyā aprajāṃstān pracakṣate

Sanskrit only: no published translation is held for this verse.

साध्योगणश्च साध्याया अर्थसिद्धिस्तु तत्सुतः मरुत्वांश्च जयन्तश्च मरुत्वत्या बभूवतुः

sādhyogaṇaśca sādhyāyā arthasiddhistu tatsutaḥ marutvāṃśca jayantaśca marutvatyā babhūvatuḥ

Sanskrit only: no published translation is held for this verse.

जयन्तो वासुदेवांश उपेन्द्र इति यं विदुः मौहूर्तिका देवगणा मुहूर्तायाश्च जज्ञिरे

jayanto vāsudevāṃśa upendra iti yaṃ viduḥ mauhūrtikā devagaṇā muhūrtāyāśca jajñire

Sanskrit only: no published translation is held for this verse.

ये वै फलं प्रयच्छन्ति भूतानां स्वस्वकालजम् सङ्कल्पायास्तु सङ्कल्पः कामः सङ्कल्पजः स्मृतः

ye vai phalaṃ prayacchanti bhūtānāṃ svasvakālajam saṅkalpāyāstu saṅkalpaḥ kāmaḥ saṅkalpajaḥ smṛtaḥ

Sanskrit only: no published translation is held for this verse.

वसवो ऽष्टौ वसोः पुत्रास्तेषां नामानि मे शृणु द्रोणः प्राणो ध्रुवो ऽर्को ऽग्निर्दोषो वास्तुर्विभावसुः

vasavo 'ṣṭau vasoḥ putrāsteṣāṃ nāmāni me śṛṇu droṇaḥ prāṇo dhruvo 'rko 'gnirdoṣo vāsturvibhāvasuḥ

Sanskrit only: no published translation is held for this verse.

द्रोणस्याभिमतेः पत्न्या हर्षशोकभयादयः प्राणस्योर्जस्वती भार्या सह आयुः पुरोजवः

droṇasyābhimateḥ patnyā harṣaśokabhayādayaḥ prāṇasyorjasvatī bhāryā saha āyuḥ purojavaḥ

Sanskrit only: no published translation is held for this verse.

ध्रुवस्य भार्या धरणिरसूत विविधाः पुरः अर्कस्य वासना भार्या पुत्रास्तर्षादयः स्मृताः

dhruvasya bhāryā dharaṇirasūta vividhāḥ puraḥ arkasya vāsanā bhāryā putrāstarṣādayaḥ smṛtāḥ

Sanskrit only: no published translation is held for this verse.

अग्नेर्भार्या वसोर्धारा पुत्रा द्रविणकादयः स्कन्दश्च कृत्तिकापुत्रो ये विशाखादयस्ततः

agnerbhāryā vasordhārā putrā draviṇakādayaḥ skandaśca kṛttikāputro ye viśākhādayastataḥ

Sanskrit only: no published translation is held for this verse.

दोषस्य शर्वरीपुत्रः शिशुमारो हरेः कला वास्तोराङ्गिरसीपुत्रो विश्वकर्माकृतीपतिः

doṣasya śarvarīputraḥ śiśumāro hareḥ kalā vāstorāṅgirasīputro viśvakarmākṛtīpatiḥ

Sanskrit only: no published translation is held for this verse.

ततो मनुश्चाक्षुषो ऽभूद्विश्वे साध्या मनोः सुताः विभावसोरसूतोषा व्युष्टं रोचिषमातपम्

tato manuścākṣuṣo 'bhūdviśve sādhyā manoḥ sutāḥ vibhāvasorasūtoṣā vyuṣṭaṃ rociṣamātapam

Sanskrit only: no published translation is held for this verse.

पञ्चयामो ऽथ भूतानि येन जाग्रति कर्मसु सरूपासूत भूतस्य भार्या रुद्रांश्च कोटिशः

pañcayāmo 'tha bhūtāni yena jāgrati karmasu sarūpāsūta bhūtasya bhāryā rudrāṃśca koṭiśaḥ

Sanskrit only: no published translation is held for this verse.

रैवतो ऽजो भवो भीमो वाम उग्रो वृषाकपिः अजैकपादहिर्ब्रध्नो बहुरूपो महान् इति

raivato 'jo bhavo bhīmo vāma ugro vṛṣākapiḥ ajaikapādahirbradhno bahurūpo mahān iti

Sanskrit only: no published translation is held for this verse.

रुद्रस्य पार्षदाश्चान्ये घोराः प्रेतविनायकाः प्रजापतेरङ्गिरसः स्वधा पत्नी पितॄन् अथ

rudrasya pārṣadāścānye ghorāḥ pretavināyakāḥ prajāpateraṅgirasaḥ svadhā patnī pitṝn atha

Sanskrit only: no published translation is held for this verse.

अथर्वाङ्गिरसं वेदं पुत्रत्वे चाकरोत् सती कृशाश्वो ऽर्चिषि भार्यायां धूमकेतुमजीजनत्

atharvāṅgirasaṃ vedaṃ putratve cākarot satī kṛśāśvo 'rciṣi bhāryāyāṃ dhūmaketumajījanat

Sanskrit only: no published translation is held for this verse.

धिषणायां वेदशिरो देवलं वयुनं मनुम् तार्क्ष्यस्य विनता कद्रूः पतङ्गी यामिनीति च

dhiṣaṇāyāṃ vedaśiro devalaṃ vayunaṃ manum tārkṣyasya vinatā kadrūḥ pataṅgī yāminīti ca

Sanskrit only: no published translation is held for this verse.

पतङ्ग्य् असूत पतगान् यामिनी शलभान् अथ सुपर्णासूत गरुडं साक्षाद्यज्ञेशवाहनम् सूर्यसूतमनूरुं च कद्रूर्नागान् अनेकशः

pataṅgy asūta patagān yāminī śalabhān atha suparṇāsūta garuḍaṃ sākṣādyajñeśavāhanam sūryasūtamanūruṃ ca kadrūrnāgān anekaśaḥ

Sanskrit only: no published translation is held for this verse.

कृत्तिकादीनि नक्षत्राण् ईन्दोः पत्न्यस्तु भारत दक्षशापात् सो ऽनपत्यस्तासु यक्ष्मग्रहार्दितः

kṛttikādīni nakṣatrāṇ īndoḥ patnyastu bhārata dakṣaśāpāt so 'napatyastāsu yakṣmagrahārditaḥ

Sanskrit only: no published translation is held for this verse.

पुनः प्रसाद्य तं सोमः कला लेभे क्षये दिताः शृणु नामानि लोकानां मातॄणां शङ्कराणि च

punaḥ prasādya taṃ somaḥ kalā lebhe kṣaye ditāḥ śṛṇu nāmāni lokānāṃ mātṝṇāṃ śaṅkarāṇi ca

Sanskrit only: no published translation is held for this verse.

अथ कश्यपपत्नीनां यत्प्रसूतमिदं जगत् अदितिर्दितिर्दनुः काष्ठा अरिष्टा सुरसा इला

atha kaśyapapatnīnāṃ yatprasūtamidaṃ jagat aditirditirdanuḥ kāṣṭhā ariṣṭā surasā ilā

Sanskrit only: no published translation is held for this verse.

मुनिः क्रोधवशा ताम्रा सुरभिः सरमा तिमिः तिमेर्यादोगणा आसन् श्वापदाः सरमासुताः

muniḥ krodhavaśā tāmrā surabhiḥ saramā timiḥ timeryādogaṇā āsan śvāpadāḥ saramāsutāḥ

Sanskrit only: no published translation is held for this verse.

सुरभेर्महिषा गावो ये चान्ये द्विशफा नृप ताम्रायाः श्येनगृध्राद्या मुनेरप्सरसां गणाः

surabhermahiṣā gāvo ye cānye dviśaphā nṛpa tāmrāyāḥ śyenagṛdhrādyā munerapsarasāṃ gaṇāḥ

Sanskrit only: no published translation is held for this verse.

दन्दशूकादयः सर्पा राजन् क्रोधवशात्मजाः इलाया भूरुहाः सर्वे यातुधानाश्च सौरसाः

dandaśūkādayaḥ sarpā rājan krodhavaśātmajāḥ ilāyā bhūruhāḥ sarve yātudhānāśca saurasāḥ

Sanskrit only: no published translation is held for this verse.

अरिष्टायास्तु गन्धर्वाः काष्ठाया द्विशफेतराः सुता दनोरेकषष्टिस्तेषां प्राधानिकाञ् शृणु

ariṣṭāyāstu gandharvāḥ kāṣṭhāyā dviśaphetarāḥ sutā danorekaṣaṣṭisteṣāṃ prādhānikāñ śṛṇu

Sanskrit only: no published translation is held for this verse.

द्विमूर्धा शम्बरो ऽरिष्टो हयग्रीवो विभावसुः अयोमुखः शङ्कुशिराः स्वर्भानुः कपिलो ऽरुणः

dvimūrdhā śambaro 'riṣṭo hayagrīvo vibhāvasuḥ ayomukhaḥ śaṅkuśirāḥ svarbhānuḥ kapilo 'ruṇaḥ

Sanskrit only: no published translation is held for this verse.

पुलोमा वृषपर्वा च एकचक्रो ऽनुतापनः धूम्रकेशो विरूपाक्षो विप्रचित्तिश्च दुर्जयः

pulomā vṛṣaparvā ca ekacakro 'nutāpanaḥ dhūmrakeśo virūpākṣo vipracittiśca durjayaḥ

Sanskrit only: no published translation is held for this verse.

स्वर्भानोः सुप्रभां कन्यामुवाह नमुचिः किल वृषपर्वणस्तु शर्मिष्ठां ययातिर्नाहुषो बली

svarbhānoḥ suprabhāṃ kanyāmuvāha namuciḥ kila vṛṣaparvaṇastu śarmiṣṭhāṃ yayātirnāhuṣo balī

Sanskrit only: no published translation is held for this verse.

वैश्वानरसुता याश्च चतस्रश्चारुदर्शनाः उपदानवी हयशिरा पुलोमा कालका तथा

vaiśvānarasutā yāśca catasraścārudarśanāḥ upadānavī hayaśirā pulomā kālakā tathā

Sanskrit only: no published translation is held for this verse.

उपदानवीं हिरण्याक्षः क्रतुर्हयशिरां नृप पुलोमां कालकां च द्वे वैश्वानरसुते तु कः

upadānavīṃ hiraṇyākṣaḥ kraturhayaśirāṃ nṛpa pulomāṃ kālakāṃ ca dve vaiśvānarasute tu kaḥ

Sanskrit only: no published translation is held for this verse.

उपयेमे ऽथ भगवान् कश्यपो ब्रह्मचोदितः पौलोमाः कालकेयाश्च दानवा युद्धशालिनः

upayeme 'tha bhagavān kaśyapo brahmacoditaḥ paulomāḥ kālakeyāśca dānavā yuddhaśālinaḥ

Sanskrit only: no published translation is held for this verse.

तयोः षष्टिसहस्राणि यज्ञघ्नांस्ते पितुः पिता जघान स्वर्गतो राजन्नेक इन्द्रप्रियङ्करः

tayoḥ ṣaṣṭisahasrāṇi yajñaghnāṃste pituḥ pitā jaghāna svargato rājanneka indrapriyaṅkaraḥ

Sanskrit only: no published translation is held for this verse.

विप्रचित्तिः सिंहिकायां शतं चैकमजीजनत् राहुज्येष्ठं केतुशतं ग्रहत्वं य उपागताः

vipracittiḥ siṃhikāyāṃ śataṃ caikamajījanat rāhujyeṣṭhaṃ ketuśataṃ grahatvaṃ ya upāgatāḥ

Sanskrit only: no published translation is held for this verse.

अथातः श्रूयतां वंशो यो ऽदितेरनुपूर्वशः यत्र नारायणो देवः स्वांशेनावातरद्विभुः

athātaḥ śrūyatāṃ vaṃśo yo 'diteranupūrvaśaḥ yatra nārāyaṇo devaḥ svāṃśenāvātaradvibhuḥ

Sanskrit only: no published translation is held for this verse.

विवस्वान् अर्यमा पूषा त्वष्टाथ सविता भगः धाता विधाता वरुणो मित्रः शत्रु उरुक्रमः

vivasvān aryamā pūṣā tvaṣṭātha savitā bhagaḥ dhātā vidhātā varuṇo mitraḥ śatru urukramaḥ

Sanskrit only: no published translation is held for this verse.

विवस्वतः श्राद्धदेवं संज्ञासूयत वै मनुम् मिथुनं च महाभागा यमं देवं यमीं तथा सैव भूत्वाथ वडवा नासत्यौ सुषुवे भुवि

vivasvataḥ śrāddhadevaṃ saṃjñāsūyata vai manum mithunaṃ ca mahābhāgā yamaṃ devaṃ yamīṃ tathā saiva bhūtvātha vaḍavā nāsatyau suṣuve bhuvi

Sanskrit only: no published translation is held for this verse.

छाया शनैश्चरं लेभे सावर्णिं च मनुं ततः कन्यां च तपतीं या वै वव्रे संवरणं पतिम्

chāyā śanaiścaraṃ lebhe sāvarṇiṃ ca manuṃ tataḥ kanyāṃ ca tapatīṃ yā vai vavre saṃvaraṇaṃ patim

Sanskrit only: no published translation is held for this verse.

अर्यम्णो मातृका पत्नी तयोश्चर्षणयः सुताः यत्र वै मानुषी जातिर्ब्रह्मणा चोपकल्पिता

aryamṇo mātṛkā patnī tayoścarṣaṇayaḥ sutāḥ yatra vai mānuṣī jātirbrahmaṇā copakalpitā

Sanskrit only: no published translation is held for this verse.

पूषानपत्यः पिष्टादो भग्नदन्तो ऽभवत् पुरा यो ऽसौ दक्षाय कुपितं जहास विवृतद्विजः

pūṣānapatyaḥ piṣṭādo bhagnadanto 'bhavat purā yo 'sau dakṣāya kupitaṃ jahāsa vivṛtadvijaḥ

Sanskrit only: no published translation is held for this verse.

त्वष्टुर्दैत्यात्मजा भार्या रचना नाम कन्यका सन्निवेशस्तयोर्जज्ञे विश्वरूपश्च वीर्यवान्

tvaṣṭurdaityātmajā bhāryā racanā nāma kanyakā sanniveśastayorjajñe viśvarūpaśca vīryavān

Sanskrit only: no published translation is held for this verse.

तं वव्रिरे सुरगणा स्वस्रीयं द्विषतामपि विमतेन परित्यक्ता गुरुणाङ्गिरसेन यत्

taṃ vavrire suragaṇā svasrīyaṃ dviṣatāmapi vimatena parityaktā guruṇāṅgirasena yat

Sanskrit only: no published translation is held for this verse.