Bhāgavata Purāṇa 7.10

श्रीनारद उवाच भक्तियोगस्य तत् सर्वमन्तरायतयार्भकः मन्यमानो हृषीकेशं स्मयमान उवाच ह

śrīnārada uvāca bhaktiyogasya tat sarvamantarāyatayārbhakaḥ manyamāno hṛṣīkeśaṃ smayamāna uvāca ha

Sanskrit only: no published translation is held for this verse.

श्रीप्रह्राद उवाच मा मां प्रलोभयोत्पत्त्या सक्तंकामेषु तैर्वरैः तत्सङ्गभीतो निर्विण्णो मुमुक्षुस्त्वामुपाश्रितः

śrīprahrāda uvāca mā māṃ pralobhayotpattyā saktaṃkāmeṣu tairvaraiḥ tatsaṅgabhīto nirviṇṇo mumukṣustvāmupāśritaḥ

Sanskrit only: no published translation is held for this verse.

भृत्यलक्षणजिज्ञासुर्भक्तं कामेष्वचोदयत् भवान् संसारबीजेषु हृदयग्रन्थिषु प्रभो

bhṛtyalakṣaṇajijñāsurbhaktaṃ kāmeṣvacodayat bhavān saṃsārabījeṣu hṛdayagranthiṣu prabho

Sanskrit only: no published translation is held for this verse.

नान्यथा ते ऽखिलगुरो घटेत करुणात्मनः यस्त आशिष आशास्ते न स भृत्यः स वै वणिक्

nānyathā te 'khilaguro ghaṭeta karuṇātmanaḥ yasta āśiṣa āśāste na sa bhṛtyaḥ sa vai vaṇik

Sanskrit only: no published translation is held for this verse.

आशासानो न वै भृत्यः स्वामिन्याशिष आत्मनः न स्वामी भृत्यतः स्वाम्यमिच्छन् यो राति चाशिषः

āśāsāno na vai bhṛtyaḥ svāminyāśiṣa ātmanaḥ na svāmī bhṛtyataḥ svāmyamicchan yo rāti cāśiṣaḥ

Sanskrit only: no published translation is held for this verse.

अहं त्वकामस्त्वद्भक्तस्त्वं च स्वाम्यनपाश्रयः नान्यथेहावयोरर्थो राजसेवकयोरिव

ahaṃ tvakāmastvadbhaktastvaṃ ca svāmyanapāśrayaḥ nānyathehāvayorartho rājasevakayoriva

Sanskrit only: no published translation is held for this verse.

यदि दास्यसि मे कामान् वरांस्त्वं वरदर्षभ कामानां हृद्यसंरोहं भवतस्तु वृणे वरम्

yadi dāsyasi me kāmān varāṃstvaṃ varadarṣabha kāmānāṃ hṛdyasaṃrohaṃ bhavatastu vṛṇe varam

Sanskrit only: no published translation is held for this verse.

इन्द्रियाणि मनः प्राण आत्मा धर्मो धृतिर्मतिः ह्रीः श्रीस्तेजः स्मृतिः सत्यं यस्य नश्यन्ति जन्मना

indriyāṇi manaḥ prāṇa ātmā dharmo dhṛtirmatiḥ hrīḥ śrīstejaḥ smṛtiḥ satyaṃ yasya naśyanti janmanā

Sanskrit only: no published translation is held for this verse.

विमुञ्चति यदा कामान् मानवो मनसि स्थितान् तर्ह्येव पुण्डरीकाक्ष भगवत्त्वाय कल्पते

vimuñcati yadā kāmān mānavo manasi sthitān tarhyeva puṇḍarīkākṣa bhagavattvāya kalpate

Sanskrit only: no published translation is held for this verse.

ॐ नमो भगवते तुभ्यं पुरुषाय महात्मने हरये ऽद्भुतसिंहाय ब्रह्मणे परमात्मने

oṃ namo bhagavate tubhyaṃ puruṣāya mahātmane haraye 'dbhutasiṃhāya brahmaṇe paramātmane

Sanskrit only: no published translation is held for this verse.

श्रीभगवान् उवाच नैकान्तिनो मे मयि जात्विहाशिष आशासते ऽमुत्र च ये भवद्विधाः तथापि मन्वन्तरमेतदत्र दैत्येश्वराणामनुभुङ्क्ष्व भोगान्

śrībhagavān uvāca naikāntino me mayi jātvihāśiṣa āśāsate 'mutra ca ye bhavadvidhāḥ tathāpi manvantarametadatra daityeśvarāṇāmanubhuṅkṣva bhogān

Sanskrit only: no published translation is held for this verse.

कथा मदीया जुषमाणः प्रियास्त्वम् आवेश्य मामात्मनि सन्तमेकम् सर्वेषु भूतेष्वधियज्ञमीशं यजस्व योगेन च कर्म हिन्वन्

kathā madīyā juṣamāṇaḥ priyāstvam āveśya māmātmani santamekam sarveṣu bhūteṣvadhiyajñamīśaṃ yajasva yogena ca karma hinvan

Sanskrit only: no published translation is held for this verse.

भोगेन पुण्यं कुशलेन पापं कलेवरं कालजवेन हित्वा कीर्तिं विशुद्धां सुरलोकगीतां विताय मामेष्यसि मुक्तबन्धः

bhogena puṇyaṃ kuśalena pāpaṃ kalevaraṃ kālajavena hitvā kīrtiṃ viśuddhāṃ suralokagītāṃ vitāya māmeṣyasi muktabandhaḥ

Sanskrit only: no published translation is held for this verse.

य एतत् कीर्तयेन् मह्यं त्वया गीतमिदं नरः त्वां च मां च स्मरन् काले कर्मबन्धात् प्रमुच्यते

ya etat kīrtayen mahyaṃ tvayā gītamidaṃ naraḥ tvāṃ ca māṃ ca smaran kāle karmabandhāt pramucyate

Sanskrit only: no published translation is held for this verse.

श्रीप्रह्राद उवाच वरं वरय एतत् ते वरदेशान् महेश्वर यदनिन्दत् पिता मे त्वामविद्वांस्तेज ऐश्वरम्

śrīprahrāda uvāca varaṃ varaya etat te varadeśān maheśvara yadanindat pitā me tvāmavidvāṃsteja aiśvaram

Sanskrit only: no published translation is held for this verse.

विद्धामर्षाशयः साक्षात् सर्वलोकगुरुं प्रभुम् भ्रातृहेति मृषादृष्टिस्त्वद्भक्ते मयि चाघवान्

viddhāmarṣāśayaḥ sākṣāt sarvalokaguruṃ prabhum bhrātṛheti mṛṣādṛṣṭistvadbhakte mayi cāghavān

Sanskrit only: no published translation is held for this verse.

तस्मात् पिता मे पूयेत दुरन्ताद्दुस्तरादघात् पूतस्ते ऽपाङ्गसंदृष्टस्तदा कृपणवत्सल

tasmāt pitā me pūyeta durantāddustarādaghāt pūtaste 'pāṅgasaṃdṛṣṭastadā kṛpaṇavatsala

Sanskrit only: no published translation is held for this verse.

श्रीभगवान् उवाच त्रिःसप्तभिः पिता पूतः पितृभिः सह ते ऽनघ यत् साधो ऽस्य कुले जातो भवान् वै कुलपावनः

śrībhagavān uvāca triḥsaptabhiḥ pitā pūtaḥ pitṛbhiḥ saha te 'nagha yat sādho 'sya kule jāto bhavān vai kulapāvanaḥ

Sanskrit only: no published translation is held for this verse.

यत्र यत्र च मद्भक्ताः प्रशान्ताः समदर्शिनः साधवः समुदाचारास्ते पूयन्ते ऽपि कीकटाः

yatra yatra ca madbhaktāḥ praśāntāḥ samadarśinaḥ sādhavaḥ samudācārāste pūyante 'pi kīkaṭāḥ

Sanskrit only: no published translation is held for this verse.

सर्वात्मना न हिंसन्ति भूतग्रामेषु किञ्चन उच्चावचेषु दैत्येन्द्र मद्भावविगतस्पृहाः

sarvātmanā na hiṃsanti bhūtagrāmeṣu kiñcana uccāvaceṣu daityendra madbhāvavigataspṛhāḥ

Sanskrit only: no published translation is held for this verse.

भवन्ति पुरुषा लोके मद्भक्तास्त्वामनुव्रताः भवान् मे खलु भक्तानां सर्वेषां प्रतिरूपधृक्

bhavanti puruṣā loke madbhaktāstvāmanuvratāḥ bhavān me khalu bhaktānāṃ sarveṣāṃ pratirūpadhṛk

Sanskrit only: no published translation is held for this verse.

कुरु त्वं प्रेतकृत्यानि पितुः पूतस्य सर्वशः मदङ्गस्पर्शनेनाङ्ग लोकान् यास्यति सुप्रजाः

kuru tvaṃ pretakṛtyāni pituḥ pūtasya sarvaśaḥ madaṅgasparśanenāṅga lokān yāsyati suprajāḥ

Sanskrit only: no published translation is held for this verse.

पित्र्यं च स्थानमातिष्ठ यथोक्तं ब्रह्मवादिभिः मय्यावेश्य मनस्तात कुरु कर्माणि मत्परः

pitryaṃ ca sthānamātiṣṭha yathoktaṃ brahmavādibhiḥ mayyāveśya manastāta kuru karmāṇi matparaḥ

Sanskrit only: no published translation is held for this verse.

श्रीनारद उवाच प्रह्रादो ऽपि तथा चक्रे पितुर्यत् साम्परायिकम् यथाह भगवान् राजन्नभिषिक्तो द्विजातिभिः

śrīnārada uvāca prahrādo 'pi tathā cakre pituryat sāmparāyikam yathāha bhagavān rājannabhiṣikto dvijātibhiḥ

Sanskrit only: no published translation is held for this verse.

प्रसादसुमुखं दृष्ट्वा ब्रह्मा नरहरिं हरिम् स्तुत्वा वाग्भिः पवित्राभिः प्राह देवादिभिर्वृतः

prasādasumukhaṃ dṛṣṭvā brahmā narahariṃ harim stutvā vāgbhiḥ pavitrābhiḥ prāha devādibhirvṛtaḥ

Sanskrit only: no published translation is held for this verse.

श्रीब्रह्मोवाच देवदेवाखिलाध्यक्ष भूतभावन पूर्वज दिष्ट्या ते निहतः पापो लोकसन्तापनो ऽसुरः

śrībrahmovāca devadevākhilādhyakṣa bhūtabhāvana pūrvaja diṣṭyā te nihataḥ pāpo lokasantāpano 'suraḥ

Sanskrit only: no published translation is held for this verse.

यो ऽसौ लब्धवरो मत्तो न वध्यो मम सृष्टिभिः तपोयोगबलोन्नद्धः समस्तनिगमान् अहन्

yo 'sau labdhavaro matto na vadhyo mama sṛṣṭibhiḥ tapoyogabalonnaddhaḥ samastanigamān ahan

Sanskrit only: no published translation is held for this verse.

दिष्ट्या तत्तनयः साधुर्महाभागवतो ऽर्भकः त्वया विमोचितो मृत्योर्दिष्ट्या त्वां समितो ऽधुना

diṣṭyā tattanayaḥ sādhurmahābhāgavato 'rbhakaḥ tvayā vimocito mṛtyordiṣṭyā tvāṃ samito 'dhunā

Sanskrit only: no published translation is held for this verse.

एतद्वपुस्ते भगवन् ध्यायतः परमात्मनः सर्वतो गोप्तृ सन्त्रासान् मृत्योरपि जिघांसतः

etadvapuste bhagavan dhyāyataḥ paramātmanaḥ sarvato goptṛ santrāsān mṛtyorapi jighāṃsataḥ

Sanskrit only: no published translation is held for this verse.

श्रीभगवान् उवाच मैवं विभो ऽसुराणां ते प्रदेयः पद्मसम्भव वरः क्रूरनिसर्गाणामहीनाममृतं यथा

śrībhagavān uvāca maivaṃ vibho 'surāṇāṃ te pradeyaḥ padmasambhava varaḥ krūranisargāṇāmahīnāmamṛtaṃ yathā

Sanskrit only: no published translation is held for this verse.

श्रीनारद उवाच इत्युक्त्वा भगवान् राजंस्ततश्चान्तर्दधे हरिः अदृश्यः सर्वभूतानां पूजितः परमेष्ठिना

śrīnārada uvāca ityuktvā bhagavān rājaṃstataścāntardadhe hariḥ adṛśyaḥ sarvabhūtānāṃ pūjitaḥ parameṣṭhinā

Sanskrit only: no published translation is held for this verse.

ततः सम्पूज्य शिरसा ववन्दे परमेष्ठिनम् भवं प्रजापतीन् देवान् प्रह्रादो भगवत्कलाः

tataḥ sampūjya śirasā vavande parameṣṭhinam bhavaṃ prajāpatīn devān prahrādo bhagavatkalāḥ

Sanskrit only: no published translation is held for this verse.

ततः काव्यादिभिः सार्धं मुनिभिः कमलासनः दैत्यानां दानवानां च प्रह्रादमकरोत् पतिम्

tataḥ kāvyādibhiḥ sārdhaṃ munibhiḥ kamalāsanaḥ daityānāṃ dānavānāṃ ca prahrādamakarot patim

Sanskrit only: no published translation is held for this verse.

प्रतिनन्द्य ततो देवाः प्रयुज्य परमाशिषः स्वधामानि ययू राजन् ब्रह्माद्याः प्रतिपूजिताः

pratinandya tato devāḥ prayujya paramāśiṣaḥ svadhāmāni yayū rājan brahmādyāḥ pratipūjitāḥ

Sanskrit only: no published translation is held for this verse.

एवं च पार्षदौ विष्णोः पुत्रत्वं प्रापितौ दितेः हृदि स्थितेन हरिणा वैरभावेन तौ हतौ

evaṃ ca pārṣadau viṣṇoḥ putratvaṃ prāpitau diteḥ hṛdi sthitena hariṇā vairabhāvena tau hatau

Sanskrit only: no published translation is held for this verse.

पुनश्च विप्रशापेन राक्षसौ तौ बभूवतुः कुम्भकर्णदशग्रीवौ हतौ तौ रामविक्रमैः

punaśca vipraśāpena rākṣasau tau babhūvatuḥ kumbhakarṇadaśagrīvau hatau tau rāmavikramaiḥ

Sanskrit only: no published translation is held for this verse.

शयानौ युधि निर्भिन्न हृदयौ रामशायकैः तच्चित्तौ जहतुर्देहं यथा प्राक्तनजन्मनि

śayānau yudhi nirbhinna hṛdayau rāmaśāyakaiḥ taccittau jahaturdehaṃ yathā prāktanajanmani

Sanskrit only: no published translation is held for this verse.

ताविहाथ पुनर्जातौ शिशुपालकरूषजौ हरौ वैरानुबन्धेन पश्यतस्ते समीयतुः

tāvihātha punarjātau śiśupālakarūṣajau harau vairānubandhena paśyataste samīyatuḥ

Sanskrit only: no published translation is held for this verse.

एनः पूर्वकृतं यत् तद्राजानः कृष्णवैरिणः जहुस्ते ऽन्ते तदात्मानः कीटः पेशस्कृतो यथा

enaḥ pūrvakṛtaṃ yat tadrājānaḥ kṛṣṇavairiṇaḥ jahuste 'nte tadātmānaḥ kīṭaḥ peśaskṛto yathā

Sanskrit only: no published translation is held for this verse.

यथा यथा भगवतो भक्त्या परमयाभिदा नृपाश्चैद्यादयः सात्म्यं हरेस्तच्चिन्तया ययुः

yathā yathā bhagavato bhaktyā paramayābhidā nṛpāścaidyādayaḥ sātmyaṃ harestaccintayā yayuḥ

Sanskrit only: no published translation is held for this verse.

आख्यातं सर्वमेतत् ते यन् मां त्वं परिपृष्टवान् दमघोषसुतादीनां हरेः सात्म्यमपि द्विषाम्

ākhyātaṃ sarvametat te yan māṃ tvaṃ paripṛṣṭavān damaghoṣasutādīnāṃ hareḥ sātmyamapi dviṣām

Sanskrit only: no published translation is held for this verse.

एषा ब्रह्मण्यदेवस्य कृष्णस्य च महात्मनः अवतारकथा पुण्या वधो यत्रादिदैत्ययोः

eṣā brahmaṇyadevasya kṛṣṇasya ca mahātmanaḥ avatārakathā puṇyā vadho yatrādidaityayoḥ

Sanskrit only: no published translation is held for this verse.

प्रह्रादस्यानुचरितं महाभागवतस्य च भक्तिर्ज्ञानं विरक्तिश्च याथार्थ्यं चास्य वै हरेः

prahrādasyānucaritaṃ mahābhāgavatasya ca bhaktirjñānaṃ viraktiśca yāthārthyaṃ cāsya vai hareḥ

Sanskrit only: no published translation is held for this verse.

सर्गस्थित्यप्ययेशस्य गुणकर्मानुवर्णनम् परावरेषां स्थानानां कालेन व्यत्ययो महान्

sargasthityapyayeśasya guṇakarmānuvarṇanam parāvareṣāṃ sthānānāṃ kālena vyatyayo mahān

Sanskrit only: no published translation is held for this verse.

धर्मो भागवतानां च भगवान् येन गम्यते आख्याने ऽस्मिन् समाम्नातमाध्यात्मिकमशेषतः

dharmo bhāgavatānāṃ ca bhagavān yena gamyate ākhyāne 'smin samāmnātamādhyātmikamaśeṣataḥ

Sanskrit only: no published translation is held for this verse.

य एतत् पुण्यमाख्यानं विष्णोर्वीर्योपबृंहितम् कीर्तयेच् छ्रद्धया श्रुत्वा कर्मपाशैर्विमुच्यते

ya etat puṇyamākhyānaṃ viṣṇorvīryopabṛṃhitam kīrtayec chraddhayā śrutvā karmapāśairvimucyate

Sanskrit only: no published translation is held for this verse.

एतद्य आदिपुरुषस्य मृगेन्द्रलीलां

etadya ādipuruṣasya mṛgendralīlāṃ

Sanskrit only: no published translation is held for this verse.

येषां गृहान् आवसतीति साक्षाद् गूढं परं ब्रह्म मनुष्यलिङ्गम्

yeṣāṃ gṛhān āvasatīti sākṣād gūḍhaṃ paraṃ brahma manuṣyaliṅgam

Sanskrit only: no published translation is held for this verse.

स वा अयं ब्रह्म महद्विमृग्य कैवल्यनिर्वाणसुखानुभूतिः प्रियः सुहृद्वः खलु मातुलेय आत्मार्हणीयो विधिकृद्गुरुश्च

sa vā ayaṃ brahma mahadvimṛgya kaivalyanirvāṇasukhānubhūtiḥ priyaḥ suhṛdvaḥ khalu mātuleya ātmārhaṇīyo vidhikṛdguruśca

Sanskrit only: no published translation is held for this verse.

न यस्य साक्षाद्भवपद्मजादिभी रूपं धिया वस्तुतयोपवर्णितम् मौनेन भक्त्योपशमेन पूजितः प्रसीदतामेष स सात्वतां पतिः

na yasya sākṣādbhavapadmajādibhī rūpaṃ dhiyā vastutayopavarṇitam maunena bhaktyopaśamena pūjitaḥ prasīdatāmeṣa sa sātvatāṃ patiḥ

Sanskrit only: no published translation is held for this verse.

स एष भगवान् राजन् व्यतनोद्विहतं यशः पुरा रुद्रस्य देवस्य मयेनानन्तमायिना

sa eṣa bhagavān rājan vyatanodvihataṃ yaśaḥ purā rudrasya devasya mayenānantamāyinā

Sanskrit only: no published translation is held for this verse.

राजोवाच कस्मिन् कर्मणि देवस्य मयो ऽहन् जगदीशितुः यथा चोपचिता कीर्तिः कृष्णेनानेन कथ्यताम्

rājovāca kasmin karmaṇi devasya mayo 'han jagadīśituḥ yathā copacitā kīrtiḥ kṛṣṇenānena kathyatām

Sanskrit only: no published translation is held for this verse.

श्रीनारद उवाच निर्जिता असुरा देवैर्युध्यनेनोपबृंहितैः मायिनां परमाचार्यं मयं शरणमाययुः

śrīnārada uvāca nirjitā asurā devairyudhyanenopabṛṃhitaiḥ māyināṃ paramācāryaṃ mayaṃ śaraṇamāyayuḥ

Sanskrit only: no published translation is held for this verse.

स निर्माय पुरस्तिस्रो हैमीरौप्यायसीर्विभुः दुर्लक्ष्यापायसंयोगा दुर्वितर्क्यपरिच्छदाः

sa nirmāya purastisro haimīraupyāyasīrvibhuḥ durlakṣyāpāyasaṃyogā durvitarkyaparicchadāḥ

Sanskrit only: no published translation is held for this verse.

ताभिस्ते ऽसुरसेनान्यो लोकांस्त्रीन् सेश्वरान् नृप स्मरन्तो नाशयां चक्रुः पूर्ववैरमलक्षिताः

tābhiste 'surasenānyo lokāṃstrīn seśvarān nṛpa smaranto nāśayāṃ cakruḥ pūrvavairamalakṣitāḥ

Sanskrit only: no published translation is held for this verse.

ततस्ते सेश्वरा लोका उपासाद्येश्वरं नताः त्राहि नस्तावकान् देव विनष्टांस्त्रिपुरालयैः

tataste seśvarā lokā upāsādyeśvaraṃ natāḥ trāhi nastāvakān deva vinaṣṭāṃstripurālayaiḥ

Sanskrit only: no published translation is held for this verse.

अथानुगृह्य भगवान् मा भैष्टेति सुरान् विभुः शरं धनुषि सन्धाय पुरेष्वस्त्रं व्यमुञ्चत

athānugṛhya bhagavān mā bhaiṣṭeti surān vibhuḥ śaraṃ dhanuṣi sandhāya pureṣvastraṃ vyamuñcata

Sanskrit only: no published translation is held for this verse.

ततो ऽग्निवर्णा इषव उत्पेतुः सूर्यमण्डलात् यथा मयूखसन्दोहा नादृश्यन्त पुरो यतः

tato 'gnivarṇā iṣava utpetuḥ sūryamaṇḍalāt yathā mayūkhasandohā nādṛśyanta puro yataḥ

Sanskrit only: no published translation is held for this verse.

तैः स्पृष्टा व्यसवः सर्वे निपेतुः स्म पुरौकसः तान् आनीय महायोगी मयः कूपरसे ऽक्षिपत्

taiḥ spṛṣṭā vyasavaḥ sarve nipetuḥ sma puraukasaḥ tān ānīya mahāyogī mayaḥ kūparase 'kṣipat

Sanskrit only: no published translation is held for this verse.

सिद्धामृतरसस्पृष्टा वज्रसारा महौजसः उत्तस्थुर्मेघदलना वैद्युता इव वह्नयः

siddhāmṛtarasaspṛṣṭā vajrasārā mahaujasaḥ uttasthurmeghadalanā vaidyutā iva vahnayaḥ

Sanskrit only: no published translation is held for this verse.

विलोक्य भग्नसङ्कल्पं विमनस्कं वृषध्वजम् तदायं भगवान् विष्णुस्तत्रोपायमकल्पयत्

vilokya bhagnasaṅkalpaṃ vimanaskaṃ vṛṣadhvajam tadāyaṃ bhagavān viṣṇustatropāyamakalpayat

Sanskrit only: no published translation is held for this verse.

वत्सश्चासीत् तदा ब्रह्मा स्वयं विष्णुरयं हि गौः प्रविश्य त्रिपुरं काले रसकूपामृतं पपौ

vatsaścāsīt tadā brahmā svayaṃ viṣṇurayaṃ hi gauḥ praviśya tripuraṃ kāle rasakūpāmṛtaṃ papau

Sanskrit only: no published translation is held for this verse.

ते ऽसुरा ह्यपि पश्यन्तो न न्यषेधन् विमोहिताः तद्विज्ञाय महायोगी रसपालान् इदं जगौ

te 'surā hyapi paśyanto na nyaṣedhan vimohitāḥ tadvijñāya mahāyogī rasapālān idaṃ jagau

Sanskrit only: no published translation is held for this verse.

स्मयन् विशोकः शोकार्तान् स्मरन् दैवगतिं च ताम् देवो ऽसुरो नरो ऽन्यो वा नेश्वरो ऽस्तीह कश्चन

smayan viśokaḥ śokārtān smaran daivagatiṃ ca tām devo 'suro naro 'nyo vā neśvaro 'stīha kaścana

Sanskrit only: no published translation is held for this verse.

आत्मनो ऽन्यस्य वा दिष्टं दैवेनापोहितुं द्वयोः अथासौ शक्तिभिः स्वाभिः शम्भोः प्राधानिकं व्यधात्

ātmano 'nyasya vā diṣṭaṃ daivenāpohituṃ dvayoḥ athāsau śaktibhiḥ svābhiḥ śambhoḥ prādhānikaṃ vyadhāt

Sanskrit only: no published translation is held for this verse.

धर्मज्ञानविरक्त्यृद्धि तपोविद्याक्रियादिभिः रथं सूतं ध्वजं वाहान् धनुर्वर्मशरादि यत्

dharmajñānaviraktyṛddhi tapovidyākriyādibhiḥ rathaṃ sūtaṃ dhvajaṃ vāhān dhanurvarmaśarādi yat

Sanskrit only: no published translation is held for this verse.

सन्नद्धो रथमास्थाय शरं धनुरुपाददे शरं धनुषि सन्धाय मुहूर्ते ऽभिजितीश्वरः

sannaddho rathamāsthāya śaraṃ dhanurupādade śaraṃ dhanuṣi sandhāya muhūrte 'bhijitīśvaraḥ

Sanskrit only: no published translation is held for this verse.

ददाह तेन दुर्भेद्या हरो ऽथ त्रिपुरो नृप दिवि दुन्दुभयो नेदुर्विमानशतसङ्कुलाः

dadāha tena durbhedyā haro 'tha tripuro nṛpa divi dundubhayo nedurvimānaśatasaṅkulāḥ

Sanskrit only: no published translation is held for this verse.

देवर्षिपितृसिद्धेशा जयेति कुसुमोत्करैः अवाकिरन् जगुर्हृष्टा ननृतुश्चाप्सरोगणाः

devarṣipitṛsiddheśā jayeti kusumotkaraiḥ avākiran jagurhṛṣṭā nanṛtuścāpsarogaṇāḥ

Sanskrit only: no published translation is held for this verse.

एवं दग्ध्वा पुरस्तिस्रो भगवान् पुरहा नृप ब्रह्मादिभिः स्तूयमानः स्वं धाम प्रत्यपद्यत

evaṃ dagdhvā purastisro bhagavān purahā nṛpa brahmādibhiḥ stūyamānaḥ svaṃ dhāma pratyapadyata

Sanskrit only: no published translation is held for this verse.

एवं विधान्यस्य हरेः स्वमायया विडम्बमानस्य नृलोकमात्मनः वीर्याणि गीतान्यृषिभिर्जगद्गुरोर् लोकं पुनानान्यपरं वदामि किम्

evaṃ vidhānyasya hareḥ svamāyayā viḍambamānasya nṛlokamātmanaḥ vīryāṇi gītānyṛṣibhirjagadguror lokaṃ punānānyaparaṃ vadāmi kim

Sanskrit only: no published translation is held for this verse.