Bhāgavata Purāṇa 7.3

श्रीनारद उवाच हिरण्यकशिपू राजन्नजेयमजरामरम् आत्मानमप्रतिद्वन्द्वमेकराजं व्यधित्सत

śrīnārada uvāca hiraṇyakaśipū rājannajeyamajarāmaram ātmānamapratidvandvamekarājaṃ vyadhitsata

Sanskrit only: no published translation is held for this verse.

स तेपे मन्दरद्रोण्यां तपः परमदारुणम् ऊर्ध्वबाहुर्नभोदृष्टिः पादाङ्गुष्ठाश्रितावनिः

sa tepe mandaradroṇyāṃ tapaḥ paramadāruṇam ūrdhvabāhurnabhodṛṣṭiḥ pādāṅguṣṭhāśritāvaniḥ

Sanskrit only: no published translation is held for this verse.

जटादीधितिभी रेजे संवर्तार्क इवांशुभिः तस्मिंस्तपस्तप्यमाने देवाः स्थानानि भेजिरे

jaṭādīdhitibhī reje saṃvartārka ivāṃśubhiḥ tasmiṃstapastapyamāne devāḥ sthānāni bhejire

Sanskrit only: no published translation is held for this verse.

तस्य मूर्ध्नः समुद्भूतः सधूमो ऽग्निस्तपोमयः तीर्यग् ऊर्ध्वमधो लोकान् प्रातपद्विष्वग् ईरितः

tasya mūrdhnaḥ samudbhūtaḥ sadhūmo 'gnistapomayaḥ tīryag ūrdhvamadho lokān prātapadviṣvag īritaḥ

Sanskrit only: no published translation is held for this verse.

चुक्षुभुर्नद्युदन्वन्तः सद्वीपाद्रिश्चचाल भूः निपेतुः सग्रहास्तारा जज्वलुश्च दिशो दश

cukṣubhurnadyudanvantaḥ sadvīpādriścacāla bhūḥ nipetuḥ sagrahāstārā jajvaluśca diśo daśa

Sanskrit only: no published translation is held for this verse.

तेन तप्ता दिवं त्यक्त्वा ब्रह्मलोकं ययुः सुराः धात्रे विज्ञापयामासुर्देवदेव जगत्पते

tena taptā divaṃ tyaktvā brahmalokaṃ yayuḥ surāḥ dhātre vijñāpayāmāsurdevadeva jagatpate

Sanskrit only: no published translation is held for this verse.

दैत्येन्द्रतपसा तप्ता दिवि स्थातुं न शक्नुमः तस्य चोपशमं भूमन् विधेहि यदि मन्यसे लोका न यावन् नङ्क्ष्यन्ति बलिहारास्तवाभिभूः

daityendratapasā taptā divi sthātuṃ na śaknumaḥ tasya copaśamaṃ bhūman vidhehi yadi manyase lokā na yāvan naṅkṣyanti balihārāstavābhibhūḥ

Sanskrit only: no published translation is held for this verse.

तस्यायं किल सङ्कल्पश्चरतो दुश्चरं तपः श्रूयतां किं न विदितस्तवाथापि निवेदितम्

tasyāyaṃ kila saṅkalpaścarato duścaraṃ tapaḥ śrūyatāṃ kiṃ na viditastavāthāpi niveditam

Sanskrit only: no published translation is held for this verse.

सृष्ट्वा चराचरमिदं तपोयोगसमाधिना अध्यास्ते सर्वधिष्ण्येभ्यः परमेष्ठी निजासनम्

sṛṣṭvā carācaramidaṃ tapoyogasamādhinā adhyāste sarvadhiṣṇyebhyaḥ parameṣṭhī nijāsanam

Sanskrit only: no published translation is held for this verse.

तदहं वर्धमानेन तपोयोगसमाधिना कालात्मनोश्च नित्यत्वात् साधयिष्ये तथात्मनः

tadahaṃ vardhamānena tapoyogasamādhinā kālātmanośca nityatvāt sādhayiṣye tathātmanaḥ

Sanskrit only: no published translation is held for this verse.

अन्यथेदं विधास्ये ऽहमयथा पूर्वमोजसा किमन्यैः कालनिर्धूतैः कल्पान्ते वैष्णवादिभिः

anyathedaṃ vidhāsye 'hamayathā pūrvamojasā kimanyaiḥ kālanirdhūtaiḥ kalpānte vaiṣṇavādibhiḥ

Sanskrit only: no published translation is held for this verse.

इति शुश्रुम निर्बन्धं तपः परममास्थितः विधत्स्वानन्तरं युक्तं स्वयं त्रिभुवनेश्वर

iti śuśruma nirbandhaṃ tapaḥ paramamāsthitaḥ vidhatsvānantaraṃ yuktaṃ svayaṃ tribhuvaneśvara

Sanskrit only: no published translation is held for this verse.

तवासनं द्विजगवां पारमेष्ठ्यं जगत्पते भवाय श्रेयसे भूत्यै क्षेमाय विजयाय च

tavāsanaṃ dvijagavāṃ pārameṣṭhyaṃ jagatpate bhavāya śreyase bhūtyai kṣemāya vijayāya ca

Sanskrit only: no published translation is held for this verse.

इति विज्ञापितो देवैर्भगवान् आत्मभूर्नृप परितो भृगुदक्षाद्यैर्ययौ दैत्येश्वराश्रमम्

iti vijñāpito devairbhagavān ātmabhūrnṛpa parito bhṛgudakṣādyairyayau daityeśvarāśramam

Sanskrit only: no published translation is held for this verse.

न ददर्श प्रतिच्छन्नं वल्मीकतृणकीचकैः पिपीलिकाभिराचीर्णं मेदस्त्वङ्मांसशोणितम्

na dadarśa praticchannaṃ valmīkatṛṇakīcakaiḥ pipīlikābhirācīrṇaṃ medastvaṅmāṃsaśoṇitam

Sanskrit only: no published translation is held for this verse.

तपन्तं तपसा लोकान् यथाभ्रापिहितं रविम् विलक्ष्य विस्मितः प्राह हसंस्तं हंसवाहनः

tapantaṃ tapasā lokān yathābhrāpihitaṃ ravim vilakṣya vismitaḥ prāha hasaṃstaṃ haṃsavāhanaḥ

Sanskrit only: no published translation is held for this verse.

श्रीब्रह्मोवाच उत्तिष्ठोत्तिष्ठ भद्रं ते तपःसिद्धो ऽसि काश्यप वरदो ऽहमनुप्राप्तो व्रियतामीप्सितो वरः

śrībrahmovāca uttiṣṭhottiṣṭha bhadraṃ te tapaḥsiddho 'si kāśyapa varado 'hamanuprāpto vriyatāmīpsito varaḥ

Sanskrit only: no published translation is held for this verse.

अद्राक्षमहमेतं ते हृत्सारं महदद्भुतम् दंशभक्षितदेहस्य प्राणा ह्यस्थिषु शेरते

adrākṣamahametaṃ te hṛtsāraṃ mahadadbhutam daṃśabhakṣitadehasya prāṇā hyasthiṣu śerate

Sanskrit only: no published translation is held for this verse.

नैतत् पूर्वर्षयश्चक्रुर्न करिष्यन्ति चापरे निरम्बुर्धारयेत् प्राणान् को वै दिव्यसमाः शतम्

naitat pūrvarṣayaścakrurna kariṣyanti cāpare niramburdhārayet prāṇān ko vai divyasamāḥ śatam

Sanskrit only: no published translation is held for this verse.

व्यवसायेन ते ऽनेन दुष्करेण मनस्विनाम् तपोनिष्ठेन भवताजितो ऽहं दितिनन्दन

vyavasāyena te 'nena duṣkareṇa manasvinām taponiṣṭhena bhavatājito 'haṃ ditinandana

Sanskrit only: no published translation is held for this verse.

ततस्त आशिषः सर्वा ददाम्यसुरपुङ्गव मर्तस्य ते ह्यमर्तस्य दर्शनं नाफलं मम

tatasta āśiṣaḥ sarvā dadāmyasurapuṅgava martasya te hyamartasya darśanaṃ nāphalaṃ mama

Sanskrit only: no published translation is held for this verse.

श्रीनारद उवाच इत्युक्त्वादिभवो देवो भक्षिताङ्गं पिपीलिकैः कमण्डलुजलेनौक्षद्दिव्येनामोघराधसा

śrīnārada uvāca ityuktvādibhavo devo bhakṣitāṅgaṃ pipīlikaiḥ kamaṇḍalujalenaukṣaddivyenāmogharādhasā

Sanskrit only: no published translation is held for this verse.

स तत् कीचकवल्मीकात् सहओजोबलान्वितः सर्वावयवसम्पन्नो वज्रसंहननो युवा उत्थितस्तप्तहेमाभो विभावसुरिवैधसः

sa tat kīcakavalmīkāt sahaojobalānvitaḥ sarvāvayavasampanno vajrasaṃhanano yuvā utthitastaptahemābho vibhāvasurivaidhasaḥ

Sanskrit only: no published translation is held for this verse.

स निरीक्ष्याम्बरे देवं हंसवाहमुपस्थितम् ननाम शिरसा भूमौ तद्दर्शनमहोत्सवः

sa nirīkṣyāmbare devaṃ haṃsavāhamupasthitam nanāma śirasā bhūmau taddarśanamahotsavaḥ

Sanskrit only: no published translation is held for this verse.

उत्थाय प्राञ्जलिः प्रह्व ईक्षमाणो दृशा विभुम् हर्षाश्रुपुलकोद्भेदो गिरा गद्गदयागृणात्

utthāya prāñjaliḥ prahva īkṣamāṇo dṛśā vibhum harṣāśrupulakodbhedo girā gadgadayāgṛṇāt

Sanskrit only: no published translation is held for this verse.

श्रीहिरण्यकशिपुरुवाच कल्पान्ते कालसृष्टेन यो ऽन्धेन तमसावृतम् अभिव्यनग् जगदिदं स्वयञ्ज्योतिः स्वरोचिषा

śrīhiraṇyakaśipuruvāca kalpānte kālasṛṣṭena yo 'ndhena tamasāvṛtam abhivyanag jagadidaṃ svayañjyotiḥ svarociṣā

Sanskrit only: no published translation is held for this verse.

आत्मना त्रिवृता चेदं सृजत्यवति लुम्पति रजःसत्त्वतमोधाम्ने पराय महते नमः

ātmanā trivṛtā cedaṃ sṛjatyavati lumpati rajaḥsattvatamodhāmne parāya mahate namaḥ

Sanskrit only: no published translation is held for this verse.

नम आद्याय बीजाय ज्ञानविज्ञानमूर्तये प्राणेन्द्रियमनोबुद्धि विकारैर्व्यक्तिमीयुषे

nama ādyāya bījāya jñānavijñānamūrtaye prāṇendriyamanobuddhi vikārairvyaktimīyuṣe

Sanskrit only: no published translation is held for this verse.

त्वमीशिषे जगतस्तस्थुषश्च प्राणेन मुख्येन पतिः प्रजानाम् चित्तस्य चित्तैर्मनैन्द्रियाणां पतिर्महान् भूतगुणाशयेशः

tvamīśiṣe jagatastasthuṣaśca prāṇena mukhyena patiḥ prajānām cittasya cittairmanaindriyāṇāṃ patirmahān bhūtaguṇāśayeśaḥ

Sanskrit only: no published translation is held for this verse.

त्वं सप्ततन्तून् वितनोषि तन्वा त्रय्या चतुर्होत्रकविद्यया च त्वमेक आत्मात्मवतामनादिर् अनन्तपारः कविरन्तरात्मा

tvaṃ saptatantūn vitanoṣi tanvā trayyā caturhotrakavidyayā ca tvameka ātmātmavatāmanādir anantapāraḥ kavirantarātmā

Sanskrit only: no published translation is held for this verse.

त्वमेव कालो ऽनिमिषो जनानाम् आयुर्लवाद्यवयवैः क्षिणोषि कूटस्थ आत्मा परमेष्ठ्यजो महांस् त्वं जीवलोकस्य च जीव आत्मा

tvameva kālo 'nimiṣo janānām āyurlavādyavayavaiḥ kṣiṇoṣi kūṭastha ātmā parameṣṭhyajo mahāṃs tvaṃ jīvalokasya ca jīva ātmā

Sanskrit only: no published translation is held for this verse.

त्वत्तः परं नापरमप्यनेजद् एजच् च किञ्चिद्व्यतिरिक्तमस्ति विद्याः कलास्ते तनवश्च सर्वा हिरण्यगर्भो ऽसि बृहत् त्रिपृष्ठः

tvattaḥ paraṃ nāparamapyanejad ejac ca kiñcidvyatiriktamasti vidyāḥ kalāste tanavaśca sarvā hiraṇyagarbho 'si bṛhat tripṛṣṭhaḥ

Sanskrit only: no published translation is held for this verse.

व्यक्तं विभो स्थूलमिदं शरीरं येनेन्द्रियप्राणमनोगुणांस्त्वम् भुङ्क्षे स्थितो धामनि पारमेष्ठ्ये अव्यक्त आत्मा पुरुषः पुराणः

vyaktaṃ vibho sthūlamidaṃ śarīraṃ yenendriyaprāṇamanoguṇāṃstvam bhuṅkṣe sthito dhāmani pārameṣṭhye avyakta ātmā puruṣaḥ purāṇaḥ

Sanskrit only: no published translation is held for this verse.

अनन्ताव्यक्तरूपेण येनेदमखिलं ततम् चिदचिच्छक्तियुक्ताय तस्मै भगवते नमः

anantāvyaktarūpeṇa yenedamakhilaṃ tatam cidacicchaktiyuktāya tasmai bhagavate namaḥ

Sanskrit only: no published translation is held for this verse.

यदि दास्यस्यभिमतान् वरान् मे वरदोत्तम भूतेभ्यस्त्वद्विसृष्टेभ्यो मृत्युर्मा भून् मम प्रभो

yadi dāsyasyabhimatān varān me varadottama bhūtebhyastvadvisṛṣṭebhyo mṛtyurmā bhūn mama prabho

Sanskrit only: no published translation is held for this verse.

नान्तर्बहिर्दिवा नक्तमन्यस्मादपि चायुधैः न भूमौ नाम्बरे मृत्युर्न नरैर्न मृगैरपि

nāntarbahirdivā naktamanyasmādapi cāyudhaiḥ na bhūmau nāmbare mṛtyurna narairna mṛgairapi

Sanskrit only: no published translation is held for this verse.

व्यसुभिर्वासुमद्भिर्वा सुरासुरमहोरगैः अप्रतिद्वन्द्वतां युद्धे ऐकपत्यं च देहिनाम्

vyasubhirvāsumadbhirvā surāsuramahoragaiḥ apratidvandvatāṃ yuddhe aikapatyaṃ ca dehinām

Sanskrit only: no published translation is held for this verse.

सर्वेषां लोकपालानां महिमानं यथात्मनः तपोयोगप्रभावाणां यन् न रिष्यति कर्हिचित्

sarveṣāṃ lokapālānāṃ mahimānaṃ yathātmanaḥ tapoyogaprabhāvāṇāṃ yan na riṣyati karhicit

Sanskrit only: no published translation is held for this verse.