Bhāgavata Purāṇa 7.4

श्रीनारद उवाच एवं वृतः शतधृतिर्हिरण्यकशिपोरथ प्रादात् तत्तपसा प्रीतो वरांस्तस्य सुदुर्लभान्

śrīnārada uvāca evaṃ vṛtaḥ śatadhṛtirhiraṇyakaśiporatha prādāt tattapasā prīto varāṃstasya sudurlabhān

Sanskrit only: no published translation is held for this verse.

श्रीब्रह्मोवाच तातेमे दुर्लभाः पुंसां यान् वृणीषे वरान् मम तथापि वितराम्यङ्ग वरान् यद्यपि दुर्लभान्

śrībrahmovāca tāteme durlabhāḥ puṃsāṃ yān vṛṇīṣe varān mama tathāpi vitarāmyaṅga varān yadyapi durlabhān

Sanskrit only: no published translation is held for this verse.

ततो जगाम भगवान् अमोघानुग्रहो विभुः पूजितो ऽसुरवर्येण स्तूयमानः प्रजेश्वरैः

tato jagāma bhagavān amoghānugraho vibhuḥ pūjito 'suravaryeṇa stūyamānaḥ prajeśvaraiḥ

Sanskrit only: no published translation is held for this verse.

एवं लब्धवरो दैत्यो बिभ्रद्धेममयं वपुः भगवत्यकरोद्द्वेषं भ्रातुर्वधमनुस्मरन्

evaṃ labdhavaro daityo bibhraddhemamayaṃ vapuḥ bhagavatyakaroddveṣaṃ bhrāturvadhamanusmaran

Sanskrit only: no published translation is held for this verse.

स विजित्य दिशः सर्वा लोकांश्च त्रीन् महासुरः देवासुरमनुष्येन्द्र गन्धर्वगरुडोरगान्

sa vijitya diśaḥ sarvā lokāṃśca trīn mahāsuraḥ devāsuramanuṣyendra gandharvagaruḍoragān

Sanskrit only: no published translation is held for this verse.

सिद्धचारणविद्याध्रान् ऋषीन् पितृपतीन् मनून् यक्षरक्षःपिशाचेशान् प्रेतभूतपतीन् अपि

siddhacāraṇavidyādhrān ṛṣīn pitṛpatīn manūn yakṣarakṣaḥpiśāceśān pretabhūtapatīn api

Sanskrit only: no published translation is held for this verse.

सर्वसत्त्वपतीन् जित्वा वशमानीय विश्वजित् जहार लोकपालानां स्थानानि सह तेजसा

sarvasattvapatīn jitvā vaśamānīya viśvajit jahāra lokapālānāṃ sthānāni saha tejasā

Sanskrit only: no published translation is held for this verse.

देवोद्यानश्रिया जुष्टमध्यास्ते स्म त्रिपिष्टपम् महेन्द्रभवनं साक्षान् निर्मितं विश्वकर्मणा त्रैलोक्यलक्ष्म्यायतनमध्युवासाखिलर्द्धिमत्

devodyānaśriyā juṣṭamadhyāste sma tripiṣṭapam mahendrabhavanaṃ sākṣān nirmitaṃ viśvakarmaṇā trailokyalakṣmyāyatanamadhyuvāsākhilarddhimat

Sanskrit only: no published translation is held for this verse.

यत्र विद्रुमसोपाना महामारकता भुवः यत्र स्फाटिककुड्यानि वैदूर्यस्तम्भपङ्क्तयः

yatra vidrumasopānā mahāmārakatā bhuvaḥ yatra sphāṭikakuḍyāni vaidūryastambhapaṅktayaḥ

Sanskrit only: no published translation is held for this verse.

यत्र चित्रवितानानि पद्मरागासनानि च पयःफेननिभाः शय्या मुक्तादामपरिच्छदाः

yatra citravitānāni padmarāgāsanāni ca payaḥphenanibhāḥ śayyā muktādāmaparicchadāḥ

Sanskrit only: no published translation is held for this verse.

कूजद्भिर्नूपुरैर्देव्यः शब्दयन्त्य इतस्ततः रत्नस्थलीषु पश्यन्ति सुदतीः सुन्दरं मुखम्

kūjadbhirnūpurairdevyaḥ śabdayantya itastataḥ ratnasthalīṣu paśyanti sudatīḥ sundaraṃ mukham

Sanskrit only: no published translation is held for this verse.

तस्मिन् महेन्द्रभवने महाबलो महामना निर्जितलोक एकराट् रेमे ऽभिवन्द्याङ्घ्रियुगः सुरादिभिः प्रतापितैरूर्जितचण्डशासनः

tasmin mahendrabhavane mahābalo mahāmanā nirjitaloka ekarāṭ reme 'bhivandyāṅghriyugaḥ surādibhiḥ pratāpitairūrjitacaṇḍaśāsanaḥ

Sanskrit only: no published translation is held for this verse.

तमङ्ग मत्तं मधुनोरुगन्धिना विवृत्तताम्राक्षमशेषधिष्ण्यपाः उपासतोपायनपाणिभिर्विना त्रिभिस्तपोयोगबलौजसां पदम्

tamaṅga mattaṃ madhunorugandhinā vivṛttatāmrākṣamaśeṣadhiṣṇyapāḥ upāsatopāyanapāṇibhirvinā tribhistapoyogabalaujasāṃ padam

Sanskrit only: no published translation is held for this verse.

जगुर्महेन्द्रासनमोजसा स्थितं विश्वावसुस्तुम्बुरुरस्मदादयः गन्धर्वसिद्धा ऋषयो ऽस्तुवन् मुहुर् विद्याधराश्चाप्सरसश्च पाण्डव

jagurmahendrāsanamojasā sthitaṃ viśvāvasustumbururasmadādayaḥ gandharvasiddhā ṛṣayo 'stuvan muhur vidyādharāścāpsarasaśca pāṇḍava

Sanskrit only: no published translation is held for this verse.

स एव वर्णाश्रमिभिः क्रतुभिर्भूरिदक्षिणैः इज्यमानो हविर्भागान् अग्रहीत् स्वेन तेजसा

sa eva varṇāśramibhiḥ kratubhirbhūridakṣiṇaiḥ ijyamāno havirbhāgān agrahīt svena tejasā

Sanskrit only: no published translation is held for this verse.

अकृष्टपच्या तस्यासीत् सप्तद्वीपवती मही तथा कामदुघा गावो नानाश्चर्यपदं नभः

akṛṣṭapacyā tasyāsīt saptadvīpavatī mahī tathā kāmadughā gāvo nānāścaryapadaṃ nabhaḥ

Sanskrit only: no published translation is held for this verse.

रत्नाकराश्च रत्नौघांस्तत्पत्न्यश्चोहुरूर्मिभिः क्षारसीधुघृतक्षौद्र दधिक्षीरामृतोदकाः

ratnākarāśca ratnaughāṃstatpatnyaścohurūrmibhiḥ kṣārasīdhughṛtakṣaudra dadhikṣīrāmṛtodakāḥ

Sanskrit only: no published translation is held for this verse.

शैला द्रोणीभिराक्रीडं सर्वर्तुषु गुणान् द्रुमाः दधार लोकपालानामेक एव पृथग् गुणान्

śailā droṇībhirākrīḍaṃ sarvartuṣu guṇān drumāḥ dadhāra lokapālānāmeka eva pṛthag guṇān

Sanskrit only: no published translation is held for this verse.

स इत्थं निर्जितककुब् एकराड् विषयान् प्रियान् यथोपजोषं भुञ्जानो नातृप्यदजितेन्द्रियः

sa itthaṃ nirjitakakub ekarāḍ viṣayān priyān yathopajoṣaṃ bhuñjāno nātṛpyadajitendriyaḥ

Sanskrit only: no published translation is held for this verse.

एवमैश्वर्यमत्तस्य दृप्तस्योच्छास्त्रवर्तिनः कालो महान् व्यतीयाय ब्रह्मशापमुपेयुषः

evamaiśvaryamattasya dṛptasyocchāstravartinaḥ kālo mahān vyatīyāya brahmaśāpamupeyuṣaḥ

Sanskrit only: no published translation is held for this verse.

तस्योग्रदण्डसंविग्नाः सर्वे लोकाः सपालकाः अन्यत्रालब्धशरणाः शरणं ययुरच्युतम्

tasyogradaṇḍasaṃvignāḥ sarve lokāḥ sapālakāḥ anyatrālabdhaśaraṇāḥ śaraṇaṃ yayuracyutam

Sanskrit only: no published translation is held for this verse.

तस्यै नमो ऽस्तु काष्ठायै यत्रात्मा हरिरीश्वरः यद्गत्वा न निवर्तन्ते शान्ताः सन्न्यासिनो ऽमलाः

tasyai namo 'stu kāṣṭhāyai yatrātmā harirīśvaraḥ yadgatvā na nivartante śāntāḥ sannyāsino 'malāḥ

Sanskrit only: no published translation is held for this verse.

इति ते संयतात्मानः समाहितधियो ऽमलाः उपतस्थुर्हृषीकेशं विनिद्रा वायुभोजनाः

iti te saṃyatātmānaḥ samāhitadhiyo 'malāḥ upatasthurhṛṣīkeśaṃ vinidrā vāyubhojanāḥ

Sanskrit only: no published translation is held for this verse.

तेषामाविरभूद्वाणी अरूपा मेघनिःस्वना सन्नादयन्ती ककुभः साधूनामभयङ्करी

teṣāmāvirabhūdvāṇī arūpā meghaniḥsvanā sannādayantī kakubhaḥ sādhūnāmabhayaṅkarī

Sanskrit only: no published translation is held for this verse.

मा भैष्ट विबुधश्रेष्ठाः सर्वेषां भद्रमस्तु वः मद्दर्शनं हि भूतानां सर्वश्रेयोपपत्तये

mā bhaiṣṭa vibudhaśreṣṭhāḥ sarveṣāṃ bhadramastu vaḥ maddarśanaṃ hi bhūtānāṃ sarvaśreyopapattaye

Sanskrit only: no published translation is held for this verse.

ज्ञातमेतस्य दौरात्म्यं दैतेयापसदस्य यत् तस्य शान्तिं करिष्यामि कालं तावत् प्रतीक्षत

jñātametasya daurātmyaṃ daiteyāpasadasya yat tasya śāntiṃ kariṣyāmi kālaṃ tāvat pratīkṣata

Sanskrit only: no published translation is held for this verse.

यदा देवेषु वेदेषु गोषु विप्रेषु साधुषु धर्मे मयि च विद्वेषः स वा आशु विनश्यति

yadā deveṣu vedeṣu goṣu vipreṣu sādhuṣu dharme mayi ca vidveṣaḥ sa vā āśu vinaśyati

Sanskrit only: no published translation is held for this verse.

निर्वैराय प्रशान्ताय स्वसुताय महात्मने प्रह्रादाय यदा द्रुह्येद्धनिष्ये ऽपि वरोर्जितम्

nirvairāya praśāntāya svasutāya mahātmane prahrādāya yadā druhyeddhaniṣye 'pi varorjitam

Sanskrit only: no published translation is held for this verse.

श्रीनारद उवाच इत्युक्ता लोकगुरुणा तं प्रणम्य दिवौकसः न्यवर्तन्त गतोद्वेगा मेनिरे चासुरं हतम्

śrīnārada uvāca ityuktā lokaguruṇā taṃ praṇamya divaukasaḥ nyavartanta gatodvegā menire cāsuraṃ hatam

Sanskrit only: no published translation is held for this verse.

तस्य दैत्यपतेः पुत्राश्चत्वारः परमाद्भुताः प्रह्रादो ऽभून् महांस्तेषां गुणैर्महदुपासकः

tasya daityapateḥ putrāścatvāraḥ paramādbhutāḥ prahrādo 'bhūn mahāṃsteṣāṃ guṇairmahadupāsakaḥ

Sanskrit only: no published translation is held for this verse.

ब्रह्मण्यः शीलसम्पन्नः सत्यसन्धो जितेन्द्रियः आत्मवत् सर्वभूतानामेकप्रियसुहृत्तमः

brahmaṇyaḥ śīlasampannaḥ satyasandho jitendriyaḥ ātmavat sarvabhūtānāmekapriyasuhṛttamaḥ

Sanskrit only: no published translation is held for this verse.

दासवत् सन्नतार्याङ्घ्रिः पितृवद्दीनवत्सलः भ्रातृवत् सदृशे स्निग्धो गुरुष्वीश्वरभावनः विद्यार्थरूपजन्माढ्यो मानस्तम्भविवर्जितः

dāsavat sannatāryāṅghriḥ pitṛvaddīnavatsalaḥ bhrātṛvat sadṛśe snigdho guruṣvīśvarabhāvanaḥ vidyārtharūpajanmāḍhyo mānastambhavivarjitaḥ

Sanskrit only: no published translation is held for this verse.

नोद्विग्नचित्तो व्यसनेषु निःस्पृहः श्रुतेषु दृष्टेषु गुणेष्ववस्तुदृक् दान्तेन्द्रियप्राणशरीरधीः सदा प्रशान्तकामो रहितासुरो ऽसुरः

nodvignacitto vyasaneṣu niḥspṛhaḥ śruteṣu dṛṣṭeṣu guṇeṣvavastudṛk dāntendriyaprāṇaśarīradhīḥ sadā praśāntakāmo rahitāsuro 'suraḥ

Sanskrit only: no published translation is held for this verse.

यस्मिन् महद्गुणा राजन् गृह्यन्ते कविभिर्मुहुः न ते ऽधुना पिधीयन्ते यथा भगवतीश्वरे

yasmin mahadguṇā rājan gṛhyante kavibhirmuhuḥ na te 'dhunā pidhīyante yathā bhagavatīśvare

Sanskrit only: no published translation is held for this verse.

यं साधुगाथासदसि रिपवो ऽपि सुरा नृप प्रतिमानं प्रकुर्वन्ति किमुतान्ये भवादृशाः

yaṃ sādhugāthāsadasi ripavo 'pi surā nṛpa pratimānaṃ prakurvanti kimutānye bhavādṛśāḥ

Sanskrit only: no published translation is held for this verse.

गुणैरलमसङ्ख्येयैर्माहात्म्यं तस्य सूच्यते वासुदेवे भगवति यस्य नैसर्गिकी रतिः

guṇairalamasaṅkhyeyairmāhātmyaṃ tasya sūcyate vāsudeve bhagavati yasya naisargikī ratiḥ

Sanskrit only: no published translation is held for this verse.

न्यस्तक्रीडनको बालो जडवत् तन्मनस्तया कृष्णग्रहगृहीतात्मा न वेद जगदीदृशम्

nyastakrīḍanako bālo jaḍavat tanmanastayā kṛṣṇagrahagṛhītātmā na veda jagadīdṛśam

Sanskrit only: no published translation is held for this verse.

आसीनः पर्यटन्नश्नन् शयानः प्रपिबन् ब्रुवन् नानुसन्धत्त एतानि गोविन्दपरिरम्भितः

āsīnaḥ paryaṭannaśnan śayānaḥ prapiban bruvan nānusandhatta etāni govindaparirambhitaḥ

Sanskrit only: no published translation is held for this verse.

क्वचिद्रुदति वैकुण्ठ चिन्ताशबलचेतनः क्वचिद्धसति तच्चिन्ता ह्लाद उद्गायति क्वचित्

kvacidrudati vaikuṇṭha cintāśabalacetanaḥ kvaciddhasati taccintā hlāda udgāyati kvacit

Sanskrit only: no published translation is held for this verse.

नदति क्वचिदुत्कण्ठो विलज्जो नृत्यति क्वचित् क्वचित् तद्भावनायुक्तस्तन्मयो ऽनुचकार ह

nadati kvacidutkaṇṭho vilajjo nṛtyati kvacit kvacit tadbhāvanāyuktastanmayo 'nucakāra ha

Sanskrit only: no published translation is held for this verse.

क्वचिदुत्पुलकस्तूष्णीमास्ते संस्पर्शनिर्वृतः अस्पन्दप्रणयानन्द सलिलामीलितेक्षणः

kvacidutpulakastūṣṇīmāste saṃsparśanirvṛtaḥ aspandapraṇayānanda salilāmīlitekṣaṇaḥ

Sanskrit only: no published translation is held for this verse.

स उत्तमश्लोकपदारविन्दयोर् निषेवयाकिञ्चनसङ्गलब्धया तन्वन् परां निर्वृतिमात्मनो मुहुर् दुःसङ्गदीनस्य मनः शमं व्यधात्

sa uttamaślokapadāravindayor niṣevayākiñcanasaṅgalabdhayā tanvan parāṃ nirvṛtimātmano muhur duḥsaṅgadīnasya manaḥ śamaṃ vyadhāt

Sanskrit only: no published translation is held for this verse.

तस्मिन् महाभागवते महाभागे महात्मनि हिरण्यकशिपू राजन्नकरोदघमात्मजे

tasmin mahābhāgavate mahābhāge mahātmani hiraṇyakaśipū rājannakarodaghamātmaje

Sanskrit only: no published translation is held for this verse.

देवर्ष एतदिच्छामो वेदितुं तव सुव्रत यदात्मजाय शुद्धाय पितादात् साधवे ह्यघम्

devarṣa etadicchāmo vedituṃ tava suvrata yadātmajāya śuddhāya pitādāt sādhave hyagham

Sanskrit only: no published translation is held for this verse.

पुत्रान् विप्रतिकूलान् स्वान् पितरः पुत्रवत्सलाः उपालभन्ते शिक्षार्थं नैवाघमपरो यथा

putrān vipratikūlān svān pitaraḥ putravatsalāḥ upālabhante śikṣārthaṃ naivāghamaparo yathā

Sanskrit only: no published translation is held for this verse.

किमुतानुवशान् साधूंस्तादृशान् गुरुदेवतान् एतत् कौतूहलं ब्रह्मन्नस्माकं विधम प्रभो पितुः पुत्राय यद्द्वेषो मरणाय प्रयोजितः

kimutānuvaśān sādhūṃstādṛśān gurudevatān etat kautūhalaṃ brahmannasmākaṃ vidhama prabho pituḥ putrāya yaddveṣo maraṇāya prayojitaḥ

Sanskrit only: no published translation is held for this verse.