श्रीशुक उवाच इति दानवदैतेया नाविन्दन्नमृतं नृप युक्ताः कर्मणि यत्ताश्च वासुदेवपराङ्मुखाः
śrīśuka uvāca iti dānavadaiteyā nāvindannamṛtaṃ nṛpa yuktāḥ karmaṇi yattāśca vāsudevaparāṅmukhāḥ
Sanskrit only: no published translation is held for this verse.
Library·Bhāgavata Purāṇa·8·8.10
Bhāgavata Purāṇa 8.10
साधयित्वामृतं राजन् पाययित्वा स्वकान् सुरान् पश्यतां सर्वभूतानां ययौ गरुडवाहनः
sādhayitvāmṛtaṃ rājan pāyayitvā svakān surān paśyatāṃ sarvabhūtānāṃ yayau garuḍavāhanaḥ
Sanskrit only: no published translation is held for this verse.
सपत्नानां परामृद्धिं दृष्ट्वा ते दितिनन्दनाः अमृष्यमाणा उत्पेतुर्देवान् प्रत्युद्यतायुधाः
sapatnānāṃ parāmṛddhiṃ dṛṣṭvā te ditinandanāḥ amṛṣyamāṇā utpeturdevān pratyudyatāyudhāḥ
Sanskrit only: no published translation is held for this verse.
ततः सुरगणाः सर्वे सुधया पीतयैधिताः प्रतिसंयुयुधुः शस्त्रैर्नारायणपदाश्रयाः
tataḥ suragaṇāḥ sarve sudhayā pītayaidhitāḥ pratisaṃyuyudhuḥ śastrairnārāyaṇapadāśrayāḥ
Sanskrit only: no published translation is held for this verse.
तत्र दैवासुरो नाम रणः परमदारुणः रोधस्य् उदन्वतो राजंस्तुमुलो रोमहर्षणः
tatra daivāsuro nāma raṇaḥ paramadāruṇaḥ rodhasy udanvato rājaṃstumulo romaharṣaṇaḥ
Sanskrit only: no published translation is held for this verse.
तत्रान्योन्यं सपत्नास्ते संरब्धमनसो रणे समासाद्यासिभिर्बाणैर्निजघ्नुर्विविधायुधैः
tatrānyonyaṃ sapatnāste saṃrabdhamanaso raṇe samāsādyāsibhirbāṇairnijaghnurvividhāyudhaiḥ
Sanskrit only: no published translation is held for this verse.
शङ्खतूर्यमृदङ्गानां भेरीडमरिणां महान् हस्त्यश्वरथपत्तीनां नदतां निस्वनो ऽभवत्
śaṅkhatūryamṛdaṅgānāṃ bherīḍamariṇāṃ mahān hastyaśvarathapattīnāṃ nadatāṃ nisvano 'bhavat
Sanskrit only: no published translation is held for this verse.
रथिनो रथिभिस्तत्र पत्तिभिः सह पत्तयः हया हयैरिभाश्चेभैः समसज्जन्त संयुगे
rathino rathibhistatra pattibhiḥ saha pattayaḥ hayā hayairibhāścebhaiḥ samasajjanta saṃyuge
Sanskrit only: no published translation is held for this verse.
उष्ट्रैः केचिदिभैः केचिदपरे युयुधुः खरैः केचिद्गौरमुखैरृक्षैर्द्वीपिभिर्हरिभिर्भटाः
uṣṭraiḥ kecidibhaiḥ kecidapare yuyudhuḥ kharaiḥ kecidgauramukhairṛkṣairdvīpibhirharibhirbhaṭāḥ
Sanskrit only: no published translation is held for this verse.
गृध्रैः कङ्कैर्बकैरन्ये श्येनभासैस्तिमिङ्गिलैः शरभैर्महिषैः खड्गैर्गोवृषैर्गवयारुणैः
gṛdhraiḥ kaṅkairbakairanye śyenabhāsaistimiṅgilaiḥ śarabhairmahiṣaiḥ khaḍgairgovṛṣairgavayāruṇaiḥ
Sanskrit only: no published translation is held for this verse.
शिवाभिराखुभिः केचित् कृकलासैः शशैर्नरैः बस्तैरेके कृष्णसारैर्हंसैरन्ये च सूकरैः
śivābhirākhubhiḥ kecit kṛkalāsaiḥ śaśairnaraiḥ bastaireke kṛṣṇasārairhaṃsairanye ca sūkaraiḥ
Sanskrit only: no published translation is held for this verse.
अन्ये जलस्थलखगैः सत्त्वैर्विकृतविग्रहैः सेनयोरुभयो राजन् विविशुस्ते ऽग्रतो ऽग्रतः
anye jalasthalakhagaiḥ sattvairvikṛtavigrahaiḥ senayorubhayo rājan viviśuste 'grato 'grataḥ
Sanskrit only: no published translation is held for this verse.
चित्रध्वजपटै राजन्नातपत्रैः सितामलैः महाधनैर्वज्रदण्डैर्व्यजनैर्बार्हचामरैः
citradhvajapaṭai rājannātapatraiḥ sitāmalaiḥ mahādhanairvajradaṇḍairvyajanairbārhacāmaraiḥ
Sanskrit only: no published translation is held for this verse.
वातोद्धूतोत्तरोष्णीषैरर्चिर्भिर्वर्मभूषणैः स्फुरद्भिर्विशदैः शस्त्रैः सुतरां सूर्यरश्मिभिः
vātoddhūtottaroṣṇīṣairarcirbhirvarmabhūṣaṇaiḥ sphuradbhirviśadaiḥ śastraiḥ sutarāṃ sūryaraśmibhiḥ
Sanskrit only: no published translation is held for this verse.
देवदानववीराणां ध्वजिन्यौ पाण्डुनन्दन रेजतुर्वीरमालाभिर्यादसामिव सागरौ
devadānavavīrāṇāṃ dhvajinyau pāṇḍunandana rejaturvīramālābhiryādasāmiva sāgarau
Sanskrit only: no published translation is held for this verse.
वैरोचनो बलिः सङ्ख्ये सो ऽसुराणां चमूपतिः यानं वैहायसं नाम कामगं मयनिर्मितम्
vairocano baliḥ saṅkhye so 'surāṇāṃ camūpatiḥ yānaṃ vaihāyasaṃ nāma kāmagaṃ mayanirmitam
Sanskrit only: no published translation is held for this verse.
सर्वसाङ्ग्रामिकोपेतं सर्वाश्चर्यमयं प्रभो अप्रतर्क्यमनिर्देश्यं दृश्यमानमदर्शनम्
sarvasāṅgrāmikopetaṃ sarvāścaryamayaṃ prabho apratarkyamanirdeśyaṃ dṛśyamānamadarśanam
Sanskrit only: no published translation is held for this verse.
आस्थितस्तद्विमानाग्र्यं सर्वानीकाधिपैर्वृतः बालव्यजनछत्राग्र्यै रेजे चन्द्र इवोदये
āsthitastadvimānāgryaṃ sarvānīkādhipairvṛtaḥ bālavyajanachatrāgryai reje candra ivodaye
Sanskrit only: no published translation is held for this verse.
तस्यासन् सर्वतो यानैर्यूथानां पतयो ऽसुराः नमुचिः शम्बरो बाणो विप्रचित्तिरयोमुखः
tasyāsan sarvato yānairyūthānāṃ patayo 'surāḥ namuciḥ śambaro bāṇo vipracittirayomukhaḥ
Sanskrit only: no published translation is held for this verse.
द्विमूर्धा कालनाभो ऽथ प्रहेतिर्हेतिरिल्वलः शकुनिर्भूतसन्तापो वज्रदंष्ट्रो विरोचनः
dvimūrdhā kālanābho 'tha prahetirhetirilvalaḥ śakunirbhūtasantāpo vajradaṃṣṭro virocanaḥ
Sanskrit only: no published translation is held for this verse.
हयग्रीवः शङ्कुशिराः कपिलो मेघदुन्दुभिः तारकश्चक्रदृक् शुम्भो निशुम्भो जम्भ उत्कलः
hayagrīvaḥ śaṅkuśirāḥ kapilo meghadundubhiḥ tārakaścakradṛk śumbho niśumbho jambha utkalaḥ
Sanskrit only: no published translation is held for this verse.
अरिष्टो ऽरिष्टनेमिश्च मयश्च त्रिपुराधिपः अन्ये पौलोमकालेया निवातकवचादयः
ariṣṭo 'riṣṭanemiśca mayaśca tripurādhipaḥ anye paulomakāleyā nivātakavacādayaḥ
Sanskrit only: no published translation is held for this verse.
अलब्धभागाः सोमस्य केवलं क्लेशभागिनः सर्व एते रणमुखे बहुशो निर्जितामराः
alabdhabhāgāḥ somasya kevalaṃ kleśabhāginaḥ sarva ete raṇamukhe bahuśo nirjitāmarāḥ
Sanskrit only: no published translation is held for this verse.
सिंहनादान् विमुञ्चन्तः शङ्खान् दध्मुर्महारवान् दृष्ट्वा सपत्नान् उत्सिक्तान् बलभित् कुपितो भृशम्
siṃhanādān vimuñcantaḥ śaṅkhān dadhmurmahāravān dṛṣṭvā sapatnān utsiktān balabhit kupito bhṛśam
Sanskrit only: no published translation is held for this verse.
ऐरावतं दिक्करिणमारूढः शुशुभे स्वराट् यथा स्रवत्प्रस्रवणमुदयाद्रिमहर्पतिः
airāvataṃ dikkariṇamārūḍhaḥ śuśubhe svarāṭ yathā sravatprasravaṇamudayādrimaharpatiḥ
Sanskrit only: no published translation is held for this verse.
तस्यासन् सर्वतो देवा नानावाहध्वजायुधाः लोकपालाः सहगणैर्वाय्वग्निवरुणादयः
tasyāsan sarvato devā nānāvāhadhvajāyudhāḥ lokapālāḥ sahagaṇairvāyvagnivaruṇādayaḥ
Sanskrit only: no published translation is held for this verse.
ते ऽन्योन्यमभिसंसृत्य क्षिपन्तो मर्मभिर्मिथः आह्वयन्तो विशन्तो ऽग्रे युयुधुर्द्वन्द्वयोधिनः
te 'nyonyamabhisaṃsṛtya kṣipanto marmabhirmithaḥ āhvayanto viśanto 'gre yuyudhurdvandvayodhinaḥ
Sanskrit only: no published translation is held for this verse.
युयोध बलिरिन्द्रेण तारकेण गुहो ऽस्यत वरुणो हेतिनायुध्यन् मित्रो राजन् प्रहेतिना
yuyodha balirindreṇa tārakeṇa guho 'syata varuṇo hetināyudhyan mitro rājan prahetinā
Sanskrit only: no published translation is held for this verse.
यमस्तु कालनाभेन विश्वकर्मा मयेन वै शम्बरो युयुधे त्वष्ट्रा सवित्रा तु विरोचनः
yamastu kālanābhena viśvakarmā mayena vai śambaro yuyudhe tvaṣṭrā savitrā tu virocanaḥ
Sanskrit only: no published translation is held for this verse.
अपराजितेन नमुचिरश्विनौ वृषपर्वणा सूर्यो बलिसुतैर्देवो बाणज्येष्ठैः शतेन च
aparājitena namuciraśvinau vṛṣaparvaṇā sūryo balisutairdevo bāṇajyeṣṭhaiḥ śatena ca
Sanskrit only: no published translation is held for this verse.
राहुणा च तथा सोमः पुलोम्ना युयुधे ऽनिलः निशुम्भशुम्भयोर्देवी भद्रकाली तरस्विनी
rāhuṇā ca tathā somaḥ pulomnā yuyudhe 'nilaḥ niśumbhaśumbhayordevī bhadrakālī tarasvinī
Sanskrit only: no published translation is held for this verse.
वृषाकपिस्तु जम्भेन महिषेण विभावसुः इल्वलः सह वातापिर्ब्रह्मपुत्रैररिन्दम
vṛṣākapistu jambhena mahiṣeṇa vibhāvasuḥ ilvalaḥ saha vātāpirbrahmaputrairarindama
Sanskrit only: no published translation is held for this verse.
कामदेवेन दुर्मर्ष उत्कलो मातृभिः सह बृहस्पतिश्चोशनसा नरकेण शनैश्चरः
kāmadevena durmarṣa utkalo mātṛbhiḥ saha bṛhaspatiścośanasā narakeṇa śanaiścaraḥ
Sanskrit only: no published translation is held for this verse.
मरुतो निवातकवचैः कालेयैर्वसवो ऽमराः विश्वेदेवास्तु पौलोमै रुद्राः क्रोधवशैः सह
maruto nivātakavacaiḥ kāleyairvasavo 'marāḥ viśvedevāstu paulomai rudrāḥ krodhavaśaiḥ saha
Sanskrit only: no published translation is held for this verse.
त एवमाजावसुराः सुरेन्द्रा द्वन्द्वेन संहत्य च युध्यमानाः अन्योन्यमासाद्य निजघ्नुरोजसा जिगीषवस्तीक्ष्णशरासितोमरैः
ta evamājāvasurāḥ surendrā dvandvena saṃhatya ca yudhyamānāḥ anyonyamāsādya nijaghnurojasā jigīṣavastīkṣṇaśarāsitomaraiḥ
Sanskrit only: no published translation is held for this verse.
भुशुण्डिभिश्चक्रगदर्ष्टिपट्टिशैः शक्त्युल्मुकैः प्रासपरश्वधैरपि निस्त्रिंशभल्लैः परिघैः समुद्गरैः सभिन्दिपालैश्च शिरांसि चिच्छिदुः
bhuśuṇḍibhiścakragadarṣṭipaṭṭiśaiḥ śaktyulmukaiḥ prāsaparaśvadhairapi nistriṃśabhallaiḥ parighaiḥ samudgaraiḥ sabhindipālaiśca śirāṃsi cicchiduḥ
Sanskrit only: no published translation is held for this verse.
गजास्तुरङ्गाः सरथाः पदातयः सारोहवाहा विविधा विखण्डिताः निकृत्तबाहूरुशिरोधराङ्घ्रयश् छिन्नध्वजेष्वासतनुत्रभूषणाः
gajāsturaṅgāḥ sarathāḥ padātayaḥ sārohavāhā vividhā vikhaṇḍitāḥ nikṛttabāhūruśirodharāṅghrayaś chinnadhvajeṣvāsatanutrabhūṣaṇāḥ
Sanskrit only: no published translation is held for this verse.
तेषां पदाघातरथाङ्गचूर्णिताद् आयोधनादुल्बण उत्थितस्तदा रेणुर्दिशः खं द्युमणिं च छादयन् न्यवर्ततासृक्स्रुतिभिः परिप्लुतात्
teṣāṃ padāghātarathāṅgacūrṇitād āyodhanādulbaṇa utthitastadā reṇurdiśaḥ khaṃ dyumaṇiṃ ca chādayan nyavartatāsṛksrutibhiḥ pariplutāt
Sanskrit only: no published translation is held for this verse.
शिरोभिरुद्धूतकिरीटकुण्डलैः संरम्भदृग्भिः परिदष्टदच्छदैः महाभुजैः साभरणैः सहायुधैः सा प्रास्तृता भूः करभोरुभिर्बभौ
śirobhiruddhūtakirīṭakuṇḍalaiḥ saṃrambhadṛgbhiḥ paridaṣṭadacchadaiḥ mahābhujaiḥ sābharaṇaiḥ sahāyudhaiḥ sā prāstṛtā bhūḥ karabhorubhirbabhau
Sanskrit only: no published translation is held for this verse.
कबन्धास्तत्र चोत्पेतुः पतितस्वशिरो ऽक्षिभिः उद्यतायुधदोर्दण्डैराधावन्तो भटान् मृधे
kabandhāstatra cotpetuḥ patitasvaśiro 'kṣibhiḥ udyatāyudhadordaṇḍairādhāvanto bhaṭān mṛdhe
Sanskrit only: no published translation is held for this verse.
बलिर्महेन्द्रं दशभिस्त्रिभिरैरावतं शरैः चतुर्भिश्चतुरो वाहान् एकेनारोहमार्च्छयत्
balirmahendraṃ daśabhistribhirairāvataṃ śaraiḥ caturbhiścaturo vāhān ekenārohamārcchayat
Sanskrit only: no published translation is held for this verse.
स तान् आपततः शक्रस्तावद्भिः शीघ्रविक्रमः चिच्छेद निशितैर्भल्लैरसम्प्राप्तान् हसन्निव
sa tān āpatataḥ śakrastāvadbhiḥ śīghravikramaḥ ciccheda niśitairbhallairasamprāptān hasanniva
Sanskrit only: no published translation is held for this verse.
तस्य कर्मोत्तमं वीक्ष्य दुर्मर्षः शक्तिमाददे तां ज्वलन्तीं महोल्काभां हस्तस्थामच्छिनद्धरिः
tasya karmottamaṃ vīkṣya durmarṣaḥ śaktimādade tāṃ jvalantīṃ maholkābhāṃ hastasthāmacchinaddhariḥ
Sanskrit only: no published translation is held for this verse.
ततः शूलं ततः प्रासं ततस्तोमरमृष्टयः यद्यच् छस्त्रं समादद्यात् सर्वं तदच्छिनद्विभुः
tataḥ śūlaṃ tataḥ prāsaṃ tatastomaramṛṣṭayaḥ yadyac chastraṃ samādadyāt sarvaṃ tadacchinadvibhuḥ
Sanskrit only: no published translation is held for this verse.
ससर्जाथासुरीं मायामन्तर्धानगतो ऽसुरः ततः प्रादुरभूच् छैलः सुरानीकोपरि प्रभो
sasarjāthāsurīṃ māyāmantardhānagato 'suraḥ tataḥ prādurabhūc chailaḥ surānīkopari prabho
Sanskrit only: no published translation is held for this verse.
ततो निपेतुस्तरवो दह्यमाना दवाग्निना शिलाः सटङ्कशिखराश्चूर्णयन्त्यो द्विषद्बलम्
tato nipetustaravo dahyamānā davāgninā śilāḥ saṭaṅkaśikharāścūrṇayantyo dviṣadbalam
Sanskrit only: no published translation is held for this verse.
महोरगाः समुत्पेतुर्दन्दशूकाः सवृश्चिकाः सिंहव्याघ्रवराहाश्च मर्दयन्तो महागजाः
mahoragāḥ samutpeturdandaśūkāḥ savṛścikāḥ siṃhavyāghravarāhāśca mardayanto mahāgajāḥ
Sanskrit only: no published translation is held for this verse.
यातुधान्यश्च शतशः शूलहस्ता विवाससः छिन्धि भिन्धीति वादिन्यस्तथा रक्षोगणाः प्रभो
yātudhānyaśca śataśaḥ śūlahastā vivāsasaḥ chindhi bhindhīti vādinyastathā rakṣogaṇāḥ prabho
Sanskrit only: no published translation is held for this verse.
ततो महाघना व्योम्नि गम्भीरपरुषस्वनाः अङ्गारान् मुमुचुर्वातैराहताः स्तनयित्नवः
tato mahāghanā vyomni gambhīraparuṣasvanāḥ aṅgārān mumucurvātairāhatāḥ stanayitnavaḥ
Sanskrit only: no published translation is held for this verse.
सृष्टो दैत्येन सुमहान् वह्निः श्वसनसारथिः सांवर्तक इवात्युग्रो विबुधध्वजिनीमधाक्
sṛṣṭo daityena sumahān vahniḥ śvasanasārathiḥ sāṃvartaka ivātyugro vibudhadhvajinīmadhāk
Sanskrit only: no published translation is held for this verse.
ततः समुद्र उद्वेलः सर्वतः प्रत्यदृश्यत प्रचण्डवातैरुद्धूत तरङ्गावर्तभीषणः
tataḥ samudra udvelaḥ sarvataḥ pratyadṛśyata pracaṇḍavātairuddhūta taraṅgāvartabhīṣaṇaḥ
Sanskrit only: no published translation is held for this verse.
एवं दैत्यैर्महामायैरलक्ष्यगतिभी रणे सृज्यमानासु मायासु विषेदुः सुरसैनिकाः
evaṃ daityairmahāmāyairalakṣyagatibhī raṇe sṛjyamānāsu māyāsu viṣeduḥ surasainikāḥ
Sanskrit only: no published translation is held for this verse.
न तत्प्रतिविधिं यत्र विदुरिन्द्रादयो नृप ध्यातः प्रादुरभूत् तत्र भगवान् विश्वभावनः
na tatpratividhiṃ yatra vidurindrādayo nṛpa dhyātaḥ prādurabhūt tatra bhagavān viśvabhāvanaḥ
Sanskrit only: no published translation is held for this verse.
ततः सुपर्णांसकृताङ्घ्रिपल्लवः पिशङ्गवासा नवकञ्जलोचनः अदृश्यताष्टायुधबाहुरुल्लसच् छ्रीकौस्तुभानर्घ्यकिरीटकुण्डलः
tataḥ suparṇāṃsakṛtāṅghripallavaḥ piśaṅgavāsā navakañjalocanaḥ adṛśyatāṣṭāyudhabāhurullasac chrīkaustubhānarghyakirīṭakuṇḍalaḥ
Sanskrit only: no published translation is held for this verse.
तस्मिन् प्रविष्टे ऽसुरकूटकर्मजा माया विनेशुर्महिना महीयसः स्वप्नो यथा हि प्रतिबोध आगते हरिस्मृतिः सर्वविपद्विमोक्षणम्
tasmin praviṣṭe 'surakūṭakarmajā māyā vineśurmahinā mahīyasaḥ svapno yathā hi pratibodha āgate harismṛtiḥ sarvavipadvimokṣaṇam
Sanskrit only: no published translation is held for this verse.
दृष्ट्वा मृधे गरुडवाहमिभारिवाह आविध्य शूलमहिनोदथ कालनेमिः तल् लीलया गरुडमूर्ध्नि पतद्गृहीत्वा तेनाहनन् नृप सवाहमरिं त्र्यधीशः
dṛṣṭvā mṛdhe garuḍavāhamibhārivāha āvidhya śūlamahinodatha kālanemiḥ tal līlayā garuḍamūrdhni patadgṛhītvā tenāhanan nṛpa savāhamariṃ tryadhīśaḥ
Sanskrit only: no published translation is held for this verse.
माली सुमाल्य् अतिबलौ युधि पेततुर्यच् चक्रेण कृत्तशिरसावथ माल्यवांस्तम् आहत्य तिग्मगदयाहनदण्डजेन्द्रं तावच् छिरो ऽच्छिनदरेर्नदतो ऽरिणाद्यः
mālī sumāly atibalau yudhi petaturyac cakreṇa kṛttaśirasāvatha mālyavāṃstam āhatya tigmagadayāhanadaṇḍajendraṃ tāvac chiro 'cchinadarernadato 'riṇādyaḥ
Sanskrit only: no published translation is held for this verse.