Bhāgavata Purāṇa 8.14

श्रीराजोवाच मन्वन्तरेषु भगवन् यथा मन्वादयस्त्विमे यस्मिन् कर्मणि ये येन नियुक्तास्तद्वदस्व मे

śrīrājovāca manvantareṣu bhagavan yathā manvādayastvime yasmin karmaṇi ye yena niyuktāstadvadasva me

Sanskrit only: no published translation is held for this verse.

श्रीऋषिरुवाच मनवो मनुपुत्राश्च मुनयश्च महीपते इन्द्राः सुरगणाश्चैव सर्वे पुरुषशासनाः

śrīṛṣiruvāca manavo manuputrāśca munayaśca mahīpate indrāḥ suragaṇāścaiva sarve puruṣaśāsanāḥ

Sanskrit only: no published translation is held for this verse.

यज्ञादयो याः कथिताः पौरुष्यस्तनवो नृप मन्वादयो जगद्यात्रां नयन्त्य् आभिः प्रचोदिताः

yajñādayo yāḥ kathitāḥ pauruṣyastanavo nṛpa manvādayo jagadyātrāṃ nayanty ābhiḥ pracoditāḥ

Sanskrit only: no published translation is held for this verse.

चतुर्युगान्ते कालेन ग्रस्तान् छ्रुतिगणान् यथा तपसा ऋषयो ऽपश्यन् यतो धर्मः सनातनः

caturyugānte kālena grastān chrutigaṇān yathā tapasā ṛṣayo 'paśyan yato dharmaḥ sanātanaḥ

Sanskrit only: no published translation is held for this verse.

ततो धर्मं चतुष्पादं मनवो हरिणोदिताः युक्ताः सञ्चारयन्त्य् अद्धा स्वे स्वे काले महीं नृप

tato dharmaṃ catuṣpādaṃ manavo hariṇoditāḥ yuktāḥ sañcārayanty addhā sve sve kāle mahīṃ nṛpa

Sanskrit only: no published translation is held for this verse.

पालयन्ति प्रजापाला यावदन्तं विभागशः यज्ञभागभुजो देवा ये च तत्रान्विताश्च तैः

pālayanti prajāpālā yāvadantaṃ vibhāgaśaḥ yajñabhāgabhujo devā ye ca tatrānvitāśca taiḥ

Sanskrit only: no published translation is held for this verse.

इन्द्रो भगवता दत्तां त्रैलोक्यश्रियमूर्जिताम् भुञ्जानः पाति लोकांस्त्रीन् कामं लोके प्रवर्षति

indro bhagavatā dattāṃ trailokyaśriyamūrjitām bhuñjānaḥ pāti lokāṃstrīn kāmaṃ loke pravarṣati

Sanskrit only: no published translation is held for this verse.

ज्ञानं चानुयुगं ब्रूते हरिः सिद्धस्वरूपधृक् ऋषिरूपधरः कर्म योगं योगेशरूपधृक्

jñānaṃ cānuyugaṃ brūte hariḥ siddhasvarūpadhṛk ṛṣirūpadharaḥ karma yogaṃ yogeśarūpadhṛk

Sanskrit only: no published translation is held for this verse.

सर्गं प्रजेशरूपेण दस्यून् हन्यात् स्वराड्वपुः कालरूपेण सर्वेषामभावाय पृथग् गुणः

sargaṃ prajeśarūpeṇa dasyūn hanyāt svarāḍvapuḥ kālarūpeṇa sarveṣāmabhāvāya pṛthag guṇaḥ

Sanskrit only: no published translation is held for this verse.

स्तूयमानो जनैरेभिर्मायया नामरूपया विमोहितात्मभिर्नाना दर्शनैर्न च दृश्यते

stūyamāno janairebhirmāyayā nāmarūpayā vimohitātmabhirnānā darśanairna ca dṛśyate

Sanskrit only: no published translation is held for this verse.

एतत् कल्पविकल्पस्य प्रमाणं परिकीर्तितम् यत्र मन्वन्तराण्य् आहुश्चतुर्दश पुराविदः

etat kalpavikalpasya pramāṇaṃ parikīrtitam yatra manvantarāṇy āhuścaturdaśa purāvidaḥ

Sanskrit only: no published translation is held for this verse.