Bhāgavata Purāṇa 8.21

श्रीशुक उवाच सत्यं समीक्ष्याब्जभवो नखेन्दुभिर् हतस्वधामद्युतिरावृतो ऽभ्यगात् मरीचिमिश्रा ऋषयो बृहद्व्रताः सनन्दनाद्या नरदेव योगिनः

śrīśuka uvāca satyaṃ samīkṣyābjabhavo nakhendubhir hatasvadhāmadyutirāvṛto 'bhyagāt marīcimiśrā ṛṣayo bṛhadvratāḥ sanandanādyā naradeva yoginaḥ

Sanskrit only: no published translation is held for this verse.

वेदोपवेदा नियमा यमान्वितास् तर्केतिहासाङ्गपुराणसंहिताः ये चापरे योगसमीरदीपित ज्ञानाग्निना रन्धितकर्मकल्मषाः ववन्दिरे यत्स्मरणानुभावतः स्वायम्भुवं धाम गता अकर्मकम्

vedopavedā niyamā yamānvitās tarketihāsāṅgapurāṇasaṃhitāḥ ye cāpare yogasamīradīpita jñānāgninā randhitakarmakalmaṣāḥ vavandire yatsmaraṇānubhāvataḥ svāyambhuvaṃ dhāma gatā akarmakam

Sanskrit only: no published translation is held for this verse.

अथाङ्घ्रये प्रोन्नमिताय विष्णोर् उपाहरत् पद्मभवो ऽर्हणोदकम् समर्च्य भक्त्याभ्यगृणाच् छुचिश्रवा यन्नाभिपङ्केरुहसम्भवः स्वयम्

athāṅghraye pronnamitāya viṣṇor upāharat padmabhavo 'rhaṇodakam samarcya bhaktyābhyagṛṇāc chuciśravā yannābhipaṅkeruhasambhavaḥ svayam

Sanskrit only: no published translation is held for this verse.

धातुः कमण्डलुजलं तदुरुक्रमस्य पादावनेजनपवित्रतया नरेन्द्र स्वर्धुन्य् अभून् नभसि सा पतती निमार्ष्टि लोकत्रयं भगवतो विशदेव कीर्तिः

dhātuḥ kamaṇḍalujalaṃ tadurukramasya pādāvanejanapavitratayā narendra svardhuny abhūn nabhasi sā patatī nimārṣṭi lokatrayaṃ bhagavato viśadeva kīrtiḥ

Sanskrit only: no published translation is held for this verse.

ब्रह्मादयो लोकनाथाः स्वनाथाय समादृताः सानुगा बलिमाजह्रुः सङ्क्षिप्तात्मविभूतये

brahmādayo lokanāthāḥ svanāthāya samādṛtāḥ sānugā balimājahruḥ saṅkṣiptātmavibhūtaye

Sanskrit only: no published translation is held for this verse.

तोयैः समर्हणैः स्रग्भिर्दिव्यगन्धानुलेपनैः धूपैर्दीपैः सुरभिभिर्लाजाक्षतफलाङ्कुरैः

toyaiḥ samarhaṇaiḥ sragbhirdivyagandhānulepanaiḥ dhūpairdīpaiḥ surabhibhirlājākṣataphalāṅkuraiḥ

Sanskrit only: no published translation is held for this verse.

स्तवनैर्जयशब्दैश्च तद्वीर्यमहिमाङ्कितैः नृत्यवादित्रगीतैश्च शङ्खदुन्दुभिनिःस्वनैः

stavanairjayaśabdaiśca tadvīryamahimāṅkitaiḥ nṛtyavāditragītaiśca śaṅkhadundubhiniḥsvanaiḥ

Sanskrit only: no published translation is held for this verse.

जाम्बवान् ऋक्षराजस्तु भेरीशब्दैर्मनोजवः विजयं दिक्षु सर्वासु महोत्सवमघोषयत्

jāmbavān ṛkṣarājastu bherīśabdairmanojavaḥ vijayaṃ dikṣu sarvāsu mahotsavamaghoṣayat

Sanskrit only: no published translation is held for this verse.

महीं सर्वां हृतां दृष्ट्वा त्रिपदव्याजयाच्ञया ऊचुः स्वभर्तुरसुरा दीक्षितस्यात्यमर्षिताः

mahīṃ sarvāṃ hṛtāṃ dṛṣṭvā tripadavyājayācñayā ūcuḥ svabharturasurā dīkṣitasyātyamarṣitāḥ

Sanskrit only: no published translation is held for this verse.

न वायं ब्रह्मबन्धुर्विष्णुर्मायाविनां वरः द्विजरूपप्रतिच्छन्नो देवकार्यं चिकीर्षति

na vāyaṃ brahmabandhurviṣṇurmāyāvināṃ varaḥ dvijarūpapraticchanno devakāryaṃ cikīrṣati

Sanskrit only: no published translation is held for this verse.

अनेन याचमानेन शत्रुणा वटुरूपिणा सर्वस्वं नो हृतं भर्तुर्न्यस्तदण्डस्य बर्हिषि

anena yācamānena śatruṇā vaṭurūpiṇā sarvasvaṃ no hṛtaṃ bharturnyastadaṇḍasya barhiṣi

Sanskrit only: no published translation is held for this verse.

सत्यव्रतस्य सततं दीक्षितस्य विशेषतः नानृतं भाषितुं शक्यं ब्रह्मण्यस्य दयावतः

satyavratasya satataṃ dīkṣitasya viśeṣataḥ nānṛtaṃ bhāṣituṃ śakyaṃ brahmaṇyasya dayāvataḥ

Sanskrit only: no published translation is held for this verse.

तस्मादस्य वधो धर्मो भर्तुः शुश्रूषणं च नः इत्य् आयुधानि जगृहुर्बलेरनुचरासुराः

tasmādasya vadho dharmo bhartuḥ śuśrūṣaṇaṃ ca naḥ ity āyudhāni jagṛhurbaleranucarāsurāḥ

Sanskrit only: no published translation is held for this verse.

ते सर्वे वामनं हन्तुं शूलपट्टिशपाणयः अनिच्छन्तो बले राजन् प्राद्रवन् जातमन्यवः

te sarve vāmanaṃ hantuṃ śūlapaṭṭiśapāṇayaḥ anicchanto bale rājan prādravan jātamanyavaḥ

Sanskrit only: no published translation is held for this verse.

तान् अभिद्रवतो दृष्ट्वा दितिजानीकपान् नृप प्रहस्यानुचरा विष्णोः प्रत्यषेधन्नुदायुधाः

tān abhidravato dṛṣṭvā ditijānīkapān nṛpa prahasyānucarā viṣṇoḥ pratyaṣedhannudāyudhāḥ

Sanskrit only: no published translation is held for this verse.

नन्दः सुनन्दो ऽथ जयो विजयः प्रबलो बलः कुमुदः कुमुदाक्षश्च विष्वक्सेनः पतत्त्रिराट्

nandaḥ sunando 'tha jayo vijayaḥ prabalo balaḥ kumudaḥ kumudākṣaśca viṣvaksenaḥ patattrirāṭ

Sanskrit only: no published translation is held for this verse.

जयन्तः श्रुतदेवश्च पुष्पदन्तो ऽथ सात्वतः सर्वे नागायुतप्राणाश्चमूं ते जघ्नुरासुरीम्

jayantaḥ śrutadevaśca puṣpadanto 'tha sātvataḥ sarve nāgāyutaprāṇāścamūṃ te jaghnurāsurīm

Sanskrit only: no published translation is held for this verse.

हन्यमानान् स्वकान् दृष्ट्वा पुरुषानुचरैर्बलिः वारयामास संरब्धान् काव्यशापमनुस्मरन्

hanyamānān svakān dṛṣṭvā puruṣānucarairbaliḥ vārayāmāsa saṃrabdhān kāvyaśāpamanusmaran

Sanskrit only: no published translation is held for this verse.

हे विप्रचित्ते हे राहो हे नेमे श्रूयतां वचः मा युध्यत निवर्तध्वं न नः कालो ऽयमर्थकृत्

he vipracitte he rāho he neme śrūyatāṃ vacaḥ mā yudhyata nivartadhvaṃ na naḥ kālo 'yamarthakṛt

Sanskrit only: no published translation is held for this verse.

यः प्रभुः सर्वभूतानां सुखदुःखोपपत्तये तं नातिवर्तितुं दैत्याः पौरुषैरीश्वरः पुमान्

yaḥ prabhuḥ sarvabhūtānāṃ sukhaduḥkhopapattaye taṃ nātivartituṃ daityāḥ pauruṣairīśvaraḥ pumān

Sanskrit only: no published translation is held for this verse.

यो नो भवाय प्राग् आसीदभवाय दिवौकसाम् स एव भगवान् अद्य वर्तते तद्विपर्ययम्

yo no bhavāya prāg āsīdabhavāya divaukasām sa eva bhagavān adya vartate tadviparyayam

Sanskrit only: no published translation is held for this verse.

बलेन सचिवैर्बुद्ध्या दुर्गैर्मन्त्रौषधादिभिः सामादिभिरुपायैश्च कालं नात्येति वै जनः

balena sacivairbuddhyā durgairmantrauṣadhādibhiḥ sāmādibhirupāyaiśca kālaṃ nātyeti vai janaḥ

Sanskrit only: no published translation is held for this verse.

भवद्भिर्निर्जिता ह्य् एते बहुशो ऽनुचरा हरेः दैवेनर्द्धैस्त एवाद्य युधि जित्वा नदन्ति नः

bhavadbhirnirjitā hy ete bahuśo 'nucarā hareḥ daivenarddhaista evādya yudhi jitvā nadanti naḥ

Sanskrit only: no published translation is held for this verse.

एतान् वयं विजेष्यामो यदि दैवं प्रसीदति तस्मात् कालं प्रतीक्षध्वं यो नो ऽर्थत्वाय कल्पते

etān vayaṃ vijeṣyāmo yadi daivaṃ prasīdati tasmāt kālaṃ pratīkṣadhvaṃ yo no 'rthatvāya kalpate

Sanskrit only: no published translation is held for this verse.

श्रीशुक उवाच पत्युर्निगदितं श्रुत्वा दैत्यदानवयूथपाः रसां निर्विविशू राजन् विष्णुपार्षद ताडिताः

śrīśuka uvāca patyurnigaditaṃ śrutvā daityadānavayūthapāḥ rasāṃ nirviviśū rājan viṣṇupārṣada tāḍitāḥ

Sanskrit only: no published translation is held for this verse.

अथ तार्क्ष्यसुतो ज्ञात्वा विराट् प्रभुचिकीर्षितम् बबन्ध वारुणैः पाशैर्बलिं सूत्ये ऽहनि क्रतौ

atha tārkṣyasuto jñātvā virāṭ prabhucikīrṣitam babandha vāruṇaiḥ pāśairbaliṃ sūtye 'hani kratau

Sanskrit only: no published translation is held for this verse.

हाहाकारो महान् आसीद्रोदस्योः सर्वतो दिशम् निगृह्यमाणे ऽसुरपतौ विष्णुना प्रभविष्णुना

hāhākāro mahān āsīdrodasyoḥ sarvato diśam nigṛhyamāṇe 'surapatau viṣṇunā prabhaviṣṇunā

Sanskrit only: no published translation is held for this verse.

तं बद्धं वारुणैः पाशैर्भगवान् आह वामनः नष्टश्रियं स्थिरप्रज्ञमुदारयशसं नृप

taṃ baddhaṃ vāruṇaiḥ pāśairbhagavān āha vāmanaḥ naṣṭaśriyaṃ sthiraprajñamudārayaśasaṃ nṛpa

Sanskrit only: no published translation is held for this verse.

पदानि त्रीणि दत्तानि भूमेर्मह्यं त्वयासुर द्वाभ्यां क्रान्ता मही सर्वा तृतीयमुपकल्पय

padāni trīṇi dattāni bhūmermahyaṃ tvayāsura dvābhyāṃ krāntā mahī sarvā tṛtīyamupakalpaya

Sanskrit only: no published translation is held for this verse.

यावत् तपत्य् असौ गोभिर्यावदिन्दुः सहोडुभिः यावद्वर्षति पर्जन्यस्तावती भूरियं तव

yāvat tapaty asau gobhiryāvadinduḥ sahoḍubhiḥ yāvadvarṣati parjanyastāvatī bhūriyaṃ tava

Sanskrit only: no published translation is held for this verse.

पदैकेन मयाक्रान्तो भूर्लोकः खं दिशस्तनोः स्वर्लोकस्ते द्वितीयेन पश्यतस्ते स्वमात्मना

padaikena mayākrānto bhūrlokaḥ khaṃ diśastanoḥ svarlokaste dvitīyena paśyataste svamātmanā

Sanskrit only: no published translation is held for this verse.

प्रतिश्रुतमदातुस्ते निरये वास इष्यते विश त्वं निरयं तस्माद्गुरुणा चानुमोदितः

pratiśrutamadātuste niraye vāsa iṣyate viśa tvaṃ nirayaṃ tasmādguruṇā cānumoditaḥ

Sanskrit only: no published translation is held for this verse.

वृथा मनोरथस्तस्य दूरः स्वर्गः पतत्य् अधः प्रतिश्रुतस्यादानेन यो ऽर्थिनं विप्रलम्भते

vṛthā manorathastasya dūraḥ svargaḥ pataty adhaḥ pratiśrutasyādānena yo 'rthinaṃ vipralambhate

Sanskrit only: no published translation is held for this verse.

विप्रलब्धो ददामीति त्वयाहं चाढ्यमानिना तद्व्यलीकफलं भुङ्क्ष्व निरयं कतिचित् समाः

vipralabdho dadāmīti tvayāhaṃ cāḍhyamāninā tadvyalīkaphalaṃ bhuṅkṣva nirayaṃ katicit samāḥ

Sanskrit only: no published translation is held for this verse.