Library·Bhāgavata Purāṇa·8·8.3
श्रीबादरायणिरुवाच एवं व्यवसितो बुद्ध्या समाधाय मनो हृदि जजाप परमं जाप्यं प्राग्जन्मन्य् अनुशिक्षितम्
śrībādarāyaṇiruvāca evaṃ vyavasito buddhyā samādhāya mano hṛdi jajāpa paramaṃ jāpyaṃ prāgjanmany anuśikṣitam
Sanskrit only: no published translation is held for this verse.
ॐ नमो भगवते तस्मै यत एतच् चिदात्मकम् पुरुषायादिबीजाय परेशायाभिधीमहि
oṃ namo bhagavate tasmai yata etac cidātmakam puruṣāyādibījāya pareśāyābhidhīmahi
Sanskrit only: no published translation is held for this verse.
श्रीगजेन्द्र उवाच
śrīgajendra uvāca
Sanskrit only: no published translation is held for this verse.
यः स्वात्मनीदं निजमाययार्पितं क्वचिद्विभातं क्व च तत् तिरोहितम् अविद्धदृक् साक्ष्य् उभयं तदीक्षते स आत्ममूलो ऽवतु मां परात्परः
yaḥ svātmanīdaṃ nijamāyayārpitaṃ kvacidvibhātaṃ kva ca tat tirohitam aviddhadṛk sākṣy ubhayaṃ tadīkṣate sa ātmamūlo 'vatu māṃ parātparaḥ
Sanskrit only: no published translation is held for this verse.
कालेन पञ्चत्वमितेषु कृत्स्नशो लोकेषु पालेषु च सर्वहेतुषु तमस्तदासीद्गहनं गभीरं यस्तस्य पारे ऽभिविराजते विभुः
kālena pañcatvamiteṣu kṛtsnaśo lokeṣu pāleṣu ca sarvahetuṣu tamastadāsīdgahanaṃ gabhīraṃ yastasya pāre 'bhivirājate vibhuḥ
Sanskrit only: no published translation is held for this verse.
न यस्य देवा ऋषयः पदं विदुर् जन्तुः पुनः को ऽर्हति गन्तुमीरितुम् यथा नटस्याकृतिभिर्विचेष्टतो दुरत्ययानुक्रमणः स मावतु
na yasya devā ṛṣayaḥ padaṃ vidur jantuḥ punaḥ ko 'rhati gantumīritum yathā naṭasyākṛtibhirviceṣṭato duratyayānukramaṇaḥ sa māvatu
Sanskrit only: no published translation is held for this verse.
दिदृक्षवो यस्य पदं सुमङ्गलं विमुक्तसङ्गा मुनयः सुसाधवः चरन्त्य् अलोकव्रतमव्रणं वने भूतात्मभूताः सुहृदः स मे गतिः
didṛkṣavo yasya padaṃ sumaṅgalaṃ vimuktasaṅgā munayaḥ susādhavaḥ caranty alokavratamavraṇaṃ vane bhūtātmabhūtāḥ suhṛdaḥ sa me gatiḥ
Sanskrit only: no published translation is held for this verse.
न विद्यते यस्य च जन्म कर्म वा न नामरूपे गुणदोष एव वा तथापि लोकाप्ययसम्भवाय यः स्वमायया तान्य् अनुकालमृच्छति
na vidyate yasya ca janma karma vā na nāmarūpe guṇadoṣa eva vā tathāpi lokāpyayasambhavāya yaḥ svamāyayā tāny anukālamṛcchati
Sanskrit only: no published translation is held for this verse.
तस्मै नमः परेशाय ब्रह्मणे ऽनन्तशक्तये अरूपायोरुरूपाय नम आश्चर्यकर्मणे
tasmai namaḥ pareśāya brahmaṇe 'nantaśaktaye arūpāyorurūpāya nama āścaryakarmaṇe
Sanskrit only: no published translation is held for this verse.
नम आत्मप्रदीपाय साक्षिणे परमात्मने नमो गिरां विदूराय मनसश्चेतसामपि
nama ātmapradīpāya sākṣiṇe paramātmane namo girāṃ vidūrāya manasaścetasāmapi
Sanskrit only: no published translation is held for this verse.
सत्त्वेन प्रतिलभ्याय नैष्कर्म्येण विपश्चिता नमः कैवल्यनाथाय निर्वाणसुखसंविदे
sattvena pratilabhyāya naiṣkarmyeṇa vipaścitā namaḥ kaivalyanāthāya nirvāṇasukhasaṃvide
Sanskrit only: no published translation is held for this verse.
नमः शान्ताय घोराय मूढाय गुणधर्मिणे निर्विशेषाय साम्याय नमो ज्ञानघनाय च
namaḥ śāntāya ghorāya mūḍhāya guṇadharmiṇe nirviśeṣāya sāmyāya namo jñānaghanāya ca
Sanskrit only: no published translation is held for this verse.
क्षेत्रज्ञाय नमस्तुभ्यं सर्वाध्यक्षाय साक्षिणे पुरुषायात्ममूलाय मूलप्रकृतये नमः
kṣetrajñāya namastubhyaṃ sarvādhyakṣāya sākṣiṇe puruṣāyātmamūlāya mūlaprakṛtaye namaḥ
Sanskrit only: no published translation is held for this verse.
सर्वेन्द्रियगुणद्रष्ट्रे सर्वप्रत्ययहेतवे असता च्छाययोक्ताय सदाभासाय ते नमः
sarvendriyaguṇadraṣṭre sarvapratyayahetave asatā cchāyayoktāya sadābhāsāya te namaḥ
Sanskrit only: no published translation is held for this verse.
नमो नमस्ते ऽखिलकारणाय निष्कारणायाद्भुतकारणाय सर्वागमाम्नायमहार्णवाय नमो ऽपवर्गाय परायणाय
namo namaste 'khilakāraṇāya niṣkāraṇāyādbhutakāraṇāya sarvāgamāmnāyamahārṇavāya namo 'pavargāya parāyaṇāya
Sanskrit only: no published translation is held for this verse.
गुणारणिच्छन्नचिदुष्मपाय तत्क्षोभविस्फूर्जितमानसाय नैष्कर्म्यभावेन विवर्जितागम स्वयंप्रकाशाय नमस् करोमि
guṇāraṇicchannaciduṣmapāya tatkṣobhavisphūrjitamānasāya naiṣkarmyabhāvena vivarjitāgama svayaṃprakāśāya namas karomi
Sanskrit only: no published translation is held for this verse.
मादृक् प्रपन्नपशुपाशविमोक्षणाय मुक्ताय भूरिकरुणाय नमो ऽलयाय स्वांशेन सर्वतनुभृन्मनसि प्रतीत प्रत्यग्दृशे भगवते बृहते नमस्ते
mādṛk prapannapaśupāśavimokṣaṇāya muktāya bhūrikaruṇāya namo 'layāya svāṃśena sarvatanubhṛnmanasi pratīta pratyagdṛśe bhagavate bṛhate namaste
Sanskrit only: no published translation is held for this verse.
आत्मात्मजाप्तगृहवित्तजनेषु सक्तैर् दुष्प्रापणाय गुणसङ्गविवर्जिताय मुक्तात्मभिः स्वहृदये परिभाविताय ज्ञानात्मने भगवते नम ईश्वराय
ātmātmajāptagṛhavittajaneṣu saktair duṣprāpaṇāya guṇasaṅgavivarjitāya muktātmabhiḥ svahṛdaye paribhāvitāya jñānātmane bhagavate nama īśvarāya
Sanskrit only: no published translation is held for this verse.
यं धर्मकामार्थविमुक्तिकामा भजन्त इष्टां गतिमाप्नुवन्ति किं चाशिषो रात्य् अपि देहमव्ययं करोतु मे ऽदभ्रदयो विमोक्षणम्
yaṃ dharmakāmārthavimuktikāmā bhajanta iṣṭāṃ gatimāpnuvanti kiṃ cāśiṣo rāty api dehamavyayaṃ karotu me 'dabhradayo vimokṣaṇam
Sanskrit only: no published translation is held for this verse.
एकान्तिनो यस्य न कञ्चनार्थं वाञ्छन्ति ये वै भगवत्प्रपन्नाः अत्यद्भुतं तच्चरितं सुमङ्गलं गायन्त आनन्दसमुद्रमग्नाः
ekāntino yasya na kañcanārthaṃ vāñchanti ye vai bhagavatprapannāḥ atyadbhutaṃ taccaritaṃ sumaṅgalaṃ gāyanta ānandasamudramagnāḥ
Sanskrit only: no published translation is held for this verse.
तमक्षरं ब्रह्म परं परेशम् अव्यक्तमाध्यात्मिकयोगगम्यम् अतीन्द्रियं सूक्ष्ममिवातिदूरम् अनन्तमाद्यं परिपूर्णमीडे
tamakṣaraṃ brahma paraṃ pareśam avyaktamādhyātmikayogagamyam atīndriyaṃ sūkṣmamivātidūram anantamādyaṃ paripūrṇamīḍe
Sanskrit only: no published translation is held for this verse.
यस्य ब्रह्मादयो देवा वेदा लोकाश्चराचराः नामरूपविभेदेन फल्ग्व्या च कलया कृताः
yasya brahmādayo devā vedā lokāścarācarāḥ nāmarūpavibhedena phalgvyā ca kalayā kṛtāḥ
Sanskrit only: no published translation is held for this verse.
यथार्चिषो ऽग्नेः सवितुर्गभस्तयो निर्यान्ति संयान्त्य् असकृत् स्वरोचिषः तथा यतो ऽयं गुणसम्प्रवाहो बुद्धिर्मनः खानि शरीरसर्गाः
yathārciṣo 'gneḥ saviturgabhastayo niryānti saṃyānty asakṛt svarociṣaḥ tathā yato 'yaṃ guṇasampravāho buddhirmanaḥ khāni śarīrasargāḥ
Sanskrit only: no published translation is held for this verse.
स वै न देवासुरमर्त्यतिर्यङ् न स्त्री न षण्ढो न पुमान् न जन्तुः नायं गुणः कर्म न सन् न चासन् निषेधशेषो जयतादशेषः
sa vai na devāsuramartyatiryaṅ na strī na ṣaṇḍho na pumān na jantuḥ nāyaṃ guṇaḥ karma na san na cāsan niṣedhaśeṣo jayatādaśeṣaḥ
Sanskrit only: no published translation is held for this verse.
जिजीविषे नाहमिहामुया किम् अन्तर्बहिश्चावृतयेभयोन्या इच्छामि कालेन न यस्य विप्लवस् तस्यात्मलोकावरणस्य मोक्षम्
jijīviṣe nāhamihāmuyā kim antarbahiścāvṛtayebhayonyā icchāmi kālena na yasya viplavas tasyātmalokāvaraṇasya mokṣam
Sanskrit only: no published translation is held for this verse.
सो ऽहं विश्वसृजं विश्वमविश्वं विश्ववेदसम् विश्वात्मानमजं ब्रह्म प्रणतो ऽस्मि परं पदम्
so 'haṃ viśvasṛjaṃ viśvamaviśvaṃ viśvavedasam viśvātmānamajaṃ brahma praṇato 'smi paraṃ padam
Sanskrit only: no published translation is held for this verse.
योगरन्धितकर्माणो हृदि योगविभाविते योगिनो यं प्रपश्यन्ति योगेशं तं नतो ऽस्म्य् अहम्
yogarandhitakarmāṇo hṛdi yogavibhāvite yogino yaṃ prapaśyanti yogeśaṃ taṃ nato 'smy aham
Sanskrit only: no published translation is held for this verse.
नमो नमस्तुभ्यमसह्यवेग शक्तित्रयायाखिलधीगुणाय प्रपन्नपालाय दुरन्तशक्तये कदिन्द्रियाणामनवाप्यवर्त्मने
namo namastubhyamasahyavega śaktitrayāyākhiladhīguṇāya prapannapālāya durantaśaktaye kadindriyāṇāmanavāpyavartmane
Sanskrit only: no published translation is held for this verse.
नायं वेद स्वमात्मानं यच्छक्त्याहंधिया हतम् तं दुरत्ययमाहात्म्यं भगवन्तमितो ऽस्म्य् अहम्
nāyaṃ veda svamātmānaṃ yacchaktyāhaṃdhiyā hatam taṃ duratyayamāhātmyaṃ bhagavantamito 'smy aham
Sanskrit only: no published translation is held for this verse.
श्रीशुक उवाच एवं गजेन्द्रमुपवर्णितनिर्विशेषं ब्रह्मादयो विविधलिङ्गभिदाभिमानाः नैते यदोपससृपुर्निखिलात्मकत्वात् तत्राखिलामरमयो हरिराविरासीत्
śrīśuka uvāca evaṃ gajendramupavarṇitanirviśeṣaṃ brahmādayo vividhaliṅgabhidābhimānāḥ naite yadopasasṛpurnikhilātmakatvāt tatrākhilāmaramayo harirāvirāsīt
Sanskrit only: no published translation is held for this verse.
तं तद्वदार्तमुपलभ्य जगन्निवासः स्तोत्रं निशम्य दिविजैः सह संस्तुवद्भिः छन्दोमयेन गरुडेन समुह्यमानश् चक्रायुधो ऽभ्यगमदाशु यतो गजेन्द्रः
taṃ tadvadārtamupalabhya jagannivāsaḥ stotraṃ niśamya divijaiḥ saha saṃstuvadbhiḥ chandomayena garuḍena samuhyamānaś cakrāyudho 'bhyagamadāśu yato gajendraḥ
Sanskrit only: no published translation is held for this verse.
सो ऽन्तःसरस्य् उरुबलेन गृहीत आर्तो दृष्ट्वा गरुत्मति हरिं ख उपात्तचक्रम् उत्क्षिप्य साम्बुजकरं गिरमाह कृच्छ्रान् नारायणाखिलगुरो भगवन् नमस्ते
so 'ntaḥsarasy urubalena gṛhīta ārto dṛṣṭvā garutmati hariṃ kha upāttacakram utkṣipya sāmbujakaraṃ giramāha kṛcchrān nārāyaṇākhilaguro bhagavan namaste
Sanskrit only: no published translation is held for this verse.
तं वीक्ष्य पीडितमजः सहसावतीर्य सग्राहमाशु सरसः कृपयोज्जहार ग्राहाद्विपाटितमुखादरिणा गजेन्द्रं संपश्यतां हरिरमूमुचदुच्छ्रियाणाम्
taṃ vīkṣya pīḍitamajaḥ sahasāvatīrya sagrāhamāśu sarasaḥ kṛpayojjahāra grāhādvipāṭitamukhādariṇā gajendraṃ saṃpaśyatāṃ hariramūmucaducchriyāṇām
Sanskrit only: no published translation is held for this verse.