Bhāgavata Purāṇa 8.4

श्रीशुक उवाच तदा देवर्षिगन्धर्वा ब्रह्मेशानपुरोगमाः मुमुचुः कुसुमासारं शंसन्तः कर्म तद्धरेः

śrīśuka uvāca tadā devarṣigandharvā brahmeśānapurogamāḥ mumucuḥ kusumāsāraṃ śaṃsantaḥ karma taddhareḥ

Sanskrit only: no published translation is held for this verse.

नेदुर्दुन्दुभयो दिव्या गन्धर्वा ननृतुर्जगुः ऋषयश्चारणाः सिद्धास्तुष्टुवुः पुरुषोत्तमम्

nedurdundubhayo divyā gandharvā nanṛturjaguḥ ṛṣayaścāraṇāḥ siddhāstuṣṭuvuḥ puruṣottamam

Sanskrit only: no published translation is held for this verse.

यो ऽसौ ग्राहः स वै सद्यः परमाश्चर्यरूपधृक् मुक्तो देवलशापेन हूहूर्गन्धर्वसत्तमः

yo 'sau grāhaḥ sa vai sadyaḥ paramāścaryarūpadhṛk mukto devalaśāpena hūhūrgandharvasattamaḥ

Sanskrit only: no published translation is held for this verse.

प्रणम्य शिरसाधीशमुत्तमश्लोकमव्ययम् अगायत यशोधाम कीर्तन्यगुणसत्कथम्

praṇamya śirasādhīśamuttamaślokamavyayam agāyata yaśodhāma kīrtanyaguṇasatkatham

Sanskrit only: no published translation is held for this verse.

सो ऽनुकम्पित ईशेन परिक्रम्य प्रणम्य तम् लोकस्य पश्यतो लोकं स्वमगान् मुक्तकिल्बिषः

so 'nukampita īśena parikramya praṇamya tam lokasya paśyato lokaṃ svamagān muktakilbiṣaḥ

Sanskrit only: no published translation is held for this verse.

गजेन्द्रो भगवत्स्पर्शाद्विमुक्तो ऽज्ञानबन्धनात् प्राप्तो भगवतो रूपं पीतवासाश्चतुर्भुजः

gajendro bhagavatsparśādvimukto 'jñānabandhanāt prāpto bhagavato rūpaṃ pītavāsāścaturbhujaḥ

Sanskrit only: no published translation is held for this verse.

स वै पूर्वमभूद्राजा पाण्ड्यो द्रविडसत्तमः इन्द्रद्युम्न इति ख्यातो विष्णुव्रतपरायणः

sa vai pūrvamabhūdrājā pāṇḍyo draviḍasattamaḥ indradyumna iti khyāto viṣṇuvrataparāyaṇaḥ

Sanskrit only: no published translation is held for this verse.

स एकदाराधनकाल आत्मवान् गृहीतमौनव्रत ईश्वरं हरिम् जटाधरस्तापस आप्लुतो ऽच्युतं समर्चयामास कुलाचलाश्रमः

sa ekadārādhanakāla ātmavān gṛhītamaunavrata īśvaraṃ harim jaṭādharastāpasa āpluto 'cyutaṃ samarcayāmāsa kulācalāśramaḥ

Sanskrit only: no published translation is held for this verse.

यदृच्छया तत्र महायशा मुनिः समागमच् छिष्यगणैः परिश्रितः तं वीक्ष्य तूष्णीमकृतार्हणादिकं रहस्य् उपासीनमृषिश्चुकोप ह

yadṛcchayā tatra mahāyaśā muniḥ samāgamac chiṣyagaṇaiḥ pariśritaḥ taṃ vīkṣya tūṣṇīmakṛtārhaṇādikaṃ rahasy upāsīnamṛṣiścukopa ha

Sanskrit only: no published translation is held for this verse.

तस्मा इमं शापमदादसाधुर् अयं दुरात्माकृतबुद्धिरद्य विप्रावमन्ता विशतां तमिस्रं यथा गजः स्तब्धमतिः स एव

tasmā imaṃ śāpamadādasādhur ayaṃ durātmākṛtabuddhiradya viprāvamantā viśatāṃ tamisraṃ yathā gajaḥ stabdhamatiḥ sa eva

Sanskrit only: no published translation is held for this verse.

श्रीशुक उवाच एवं शप्त्वा गतो ऽगस्त्यो भगवान् नृप सानुगः इन्द्रद्युम्नो ऽपि राजर्षिर्दिष्टं तदुपधारयन्

śrīśuka uvāca evaṃ śaptvā gato 'gastyo bhagavān nṛpa sānugaḥ indradyumno 'pi rājarṣirdiṣṭaṃ tadupadhārayan

Sanskrit only: no published translation is held for this verse.

आपन्नः कौञ्जरीं योनिमात्मस्मृतिविनाशिनीम् हर्यर्चनानुभावेन यद्गजत्वे ऽप्य् अनुस्मृतिः

āpannaḥ kauñjarīṃ yonimātmasmṛtivināśinīm haryarcanānubhāvena yadgajatve 'py anusmṛtiḥ

Sanskrit only: no published translation is held for this verse.

एवं विमोक्ष्य गजयूथपमब्जनाभस् तेनापि पार्षदगतिं गमितेन युक्तः गन्धर्वसिद्धविबुधैरुपगीयमान कर्माद्भुतं स्वभवनं गरुडासनो ऽगात्

evaṃ vimokṣya gajayūthapamabjanābhas tenāpi pārṣadagatiṃ gamitena yuktaḥ gandharvasiddhavibudhairupagīyamāna karmādbhutaṃ svabhavanaṃ garuḍāsano 'gāt

Sanskrit only: no published translation is held for this verse.

एतन् महाराज तवेरितो मया कृष्णानुभावो गजराजमोक्षणम् स्वर्ग्यं यशस्यं कलिकल्मषापहं दुःस्वप्ननाशं कुरुवर्य शृण्वताम्

etan mahārāja taverito mayā kṛṣṇānubhāvo gajarājamokṣaṇam svargyaṃ yaśasyaṃ kalikalmaṣāpahaṃ duḥsvapnanāśaṃ kuruvarya śṛṇvatām

Sanskrit only: no published translation is held for this verse.

यथानुकीर्तयन्त्य् एतच् छ्रेयस्कामा द्विजातयः शुचयः प्रातरुत्थाय दुःस्वप्नाद्युपशान्तये

yathānukīrtayanty etac chreyaskāmā dvijātayaḥ śucayaḥ prātarutthāya duḥsvapnādyupaśāntaye

Sanskrit only: no published translation is held for this verse.

इदमाह हरिः प्रीतो गजेन्द्रं कुरुसत्तम शृण्वतां सर्वभूतानां सर्वभूतमयो विभुः

idamāha hariḥ prīto gajendraṃ kurusattama śṛṇvatāṃ sarvabhūtānāṃ sarvabhūtamayo vibhuḥ

Sanskrit only: no published translation is held for this verse.

श्रीभगवान् उवाच ये मां त्वां च सरश्चेदं गिरिकन्दरकाननम् वेत्रकीचकवेणूनां गुल्मानि सुरपादपान्

śrībhagavān uvāca ye māṃ tvāṃ ca saraścedaṃ girikandarakānanam vetrakīcakaveṇūnāṃ gulmāni surapādapān

Sanskrit only: no published translation is held for this verse.

शृङ्गाणीमानि धिष्ण्यानि ब्रह्मणो मे शिवस्य च क्षीरोदं मे प्रियं धाम श्वेतद्वीपं च भास्वरम्

śṛṅgāṇīmāni dhiṣṇyāni brahmaṇo me śivasya ca kṣīrodaṃ me priyaṃ dhāma śvetadvīpaṃ ca bhāsvaram

Sanskrit only: no published translation is held for this verse.

श्रीवत्सं कौस्तुभं मालां गदां कौमोदकीं मम सुदर्शनं पाञ्चजन्यं सुपर्णं पतगेश्वरम्

śrīvatsaṃ kaustubhaṃ mālāṃ gadāṃ kaumodakīṃ mama sudarśanaṃ pāñcajanyaṃ suparṇaṃ patageśvaram

Sanskrit only: no published translation is held for this verse.

शेषं च मत्कलां सूक्ष्मां श्रियं देवीं मदाश्रयाम् ब्रह्माणं नारदमृषिं भवं प्रह्रादमेव च

śeṣaṃ ca matkalāṃ sūkṣmāṃ śriyaṃ devīṃ madāśrayām brahmāṇaṃ nāradamṛṣiṃ bhavaṃ prahrādameva ca

Sanskrit only: no published translation is held for this verse.

मत्स्यकूर्मवराहाद्यैरवतारैः कृतानि मे कर्माण्य् अनन्तपुण्यानि सूर्यं सोमं हुताशनम्

matsyakūrmavarāhādyairavatāraiḥ kṛtāni me karmāṇy anantapuṇyāni sūryaṃ somaṃ hutāśanam

Sanskrit only: no published translation is held for this verse.

प्रणवं सत्यमव्यक्तं गोविप्रान् धर्ममव्ययम् दाक्षायणीर्धर्मपत्नीः सोमकश्यपयोरपि

praṇavaṃ satyamavyaktaṃ goviprān dharmamavyayam dākṣāyaṇīrdharmapatnīḥ somakaśyapayorapi

Sanskrit only: no published translation is held for this verse.

गङ्गां सरस्वतीं नन्दां कालिन्दीं सितवारणम् ध्रुवं ब्रह्मऋषीन् सप्त पुण्यश्लोकांश्च मानवान्

gaṅgāṃ sarasvatīṃ nandāṃ kālindīṃ sitavāraṇam dhruvaṃ brahmaṛṣīn sapta puṇyaślokāṃśca mānavān

Sanskrit only: no published translation is held for this verse.

उत्थायापररात्रान्ते प्रयताः सुसमाहिताः स्मरन्ति मम रूपाणि मुच्यन्ते ते ऽंहसो ऽखिलात्

utthāyāpararātrānte prayatāḥ susamāhitāḥ smaranti mama rūpāṇi mucyante te 'ṃhaso 'khilāt

Sanskrit only: no published translation is held for this verse.

ये मां स्तुवन्त्य् अनेनाङ्ग प्रतिबुध्य निशात्यये तेषां प्राणात्यये चाहं ददामि विपुलां गतिम्

ye māṃ stuvanty anenāṅga pratibudhya niśātyaye teṣāṃ prāṇātyaye cāhaṃ dadāmi vipulāṃ gatim

Sanskrit only: no published translation is held for this verse.

श्रीशुक उवाच इत्य् आदिश्य हृषीकेशः प्राध्माय जलजोत्तमम् हर्षयन् विबुधानीकमारुरोह खगाधिपम्

śrīśuka uvāca ity ādiśya hṛṣīkeśaḥ prādhmāya jalajottamam harṣayan vibudhānīkamāruroha khagādhipam

Sanskrit only: no published translation is held for this verse.