Bhāgavata Purāṇa 8.8

श्रीशुक उवाच पीते गरे वृषाङ्केण प्रीतास्ते ऽमरदानवाः ममन्थुस्तरसा सिन्धुं हविर्धानी ततो ऽभवत्

śrīśuka uvāca pīte gare vṛṣāṅkeṇa prītāste 'maradānavāḥ mamanthustarasā sindhuṃ havirdhānī tato 'bhavat

Sanskrit only: no published translation is held for this verse.

तामग्निहोत्रीमृषयो जगृहुर्ब्रह्मवादिनः यज्ञस्य देवयानस्य मेध्याय हविषे नृप

tāmagnihotrīmṛṣayo jagṛhurbrahmavādinaḥ yajñasya devayānasya medhyāya haviṣe nṛpa

Sanskrit only: no published translation is held for this verse.

तन् नैच्छन् दैत्यपतयो महापुरुषचेष्टितम् न गृह्णीमो वयं पुच्छमहेरङ्गममङ्गलम्

tan naicchan daityapatayo mahāpuruṣaceṣṭitam na gṛhṇīmo vayaṃ pucchamaheraṅgamamaṅgalam

Sanskrit only: no published translation is held for this verse.

तत ऐरावतो नाम वारणेन्द्रो विनिर्गतः दन्तैश्चतुर्भिः श्वेताद्रेर्हरन् भगवतो महिम्

tata airāvato nāma vāraṇendro vinirgataḥ dantaiścaturbhiḥ śvetādrerharan bhagavato mahim

Sanskrit only: no published translation is held for this verse.

ऐरावणादयस्त्वष्टौ दिग्गजा अभवंस्ततः अभ्रमुप्रभृतयो ऽष्टौ च करिण्यस्त्वभवन् नृप

airāvaṇādayastvaṣṭau diggajā abhavaṃstataḥ abhramuprabhṛtayo 'ṣṭau ca kariṇyastvabhavan nṛpa

Sanskrit only: no published translation is held for this verse.

कौस्तुभाख्यमभूद्रत्नं पद्मरागो महोदधेः तस्मिन् मणौ स्पृहां चक्रे वक्षो ऽलङ्करणे हरिः

kaustubhākhyamabhūdratnaṃ padmarāgo mahodadheḥ tasmin maṇau spṛhāṃ cakre vakṣo 'laṅkaraṇe hariḥ

Sanskrit only: no published translation is held for this verse.

ततो ऽभवत् पारिजातः सुरलोकविभूषणम् पूरयत्य् अर्थिनो यो ऽर्थैः शश्वद्भुवि यथा भवान्

tato 'bhavat pārijātaḥ suralokavibhūṣaṇam pūrayaty arthino yo 'rthaiḥ śaśvadbhuvi yathā bhavān

Sanskrit only: no published translation is held for this verse.

ततश्चाप्सरसो जाता निष्ककण्ठ्यः सुवाससः रमण्यः स्वर्गिणां वल्गु गतिलीलावलोकनैः

tataścāpsaraso jātā niṣkakaṇṭhyaḥ suvāsasaḥ ramaṇyaḥ svargiṇāṃ valgu gatilīlāvalokanaiḥ

Sanskrit only: no published translation is held for this verse.

ततश्चाविरभूत् साक्षाच् छ्री रमा भगवत्परा रञ्जयन्ती दिशः कान्त्या विद्युत् सौदामनी यथा

tataścāvirabhūt sākṣāc chrī ramā bhagavatparā rañjayantī diśaḥ kāntyā vidyut saudāmanī yathā

Sanskrit only: no published translation is held for this verse.

तस्यां चक्रुः स्पृहां सर्वे ससुरासुरमानवाः रूपौदार्यवयोवर्ण महिमाक्षिप्तचेतसः

tasyāṃ cakruḥ spṛhāṃ sarve sasurāsuramānavāḥ rūpaudāryavayovarṇa mahimākṣiptacetasaḥ

Sanskrit only: no published translation is held for this verse.

तस्या आसनमानिन्ये महेन्द्रो महदद्भुतम् मूर्तिमत्यः सरिच्छ्रेष्ठा हेमकुम्भैर्जलं शुचि

tasyā āsanamāninye mahendro mahadadbhutam mūrtimatyaḥ saricchreṣṭhā hemakumbhairjalaṃ śuci

Sanskrit only: no published translation is held for this verse.

आभिषेचनिका भूमिराहरत् सकलौषधीः गावः पञ्च पवित्राणि वसन्तो मधुमाधवौ

ābhiṣecanikā bhūmirāharat sakalauṣadhīḥ gāvaḥ pañca pavitrāṇi vasanto madhumādhavau

Sanskrit only: no published translation is held for this verse.

ऋषयः कल्पयां चक्रुराभिषेकं यथाविधि जगुर्भद्राणि गन्धर्वा नट्यश्च ननृतुर्जगुः

ṛṣayaḥ kalpayāṃ cakrurābhiṣekaṃ yathāvidhi jagurbhadrāṇi gandharvā naṭyaśca nanṛturjaguḥ

Sanskrit only: no published translation is held for this verse.

मेघा मृदङ्गपणव मुरजानकगोमुखान् व्यनादयन् शङ्खवेणु वीणास्तुमुलनिःस्वनान्

meghā mṛdaṅgapaṇava murajānakagomukhān vyanādayan śaṅkhaveṇu vīṇāstumulaniḥsvanān

Sanskrit only: no published translation is held for this verse.

ततो ऽभिषिषिचुर्देवीं श्रियं पद्मकरां सतीम् दिगिभाः पूर्णकलशैः सूक्तवाक्यैर्द्विजेरितैः

tato 'bhiṣiṣicurdevīṃ śriyaṃ padmakarāṃ satīm digibhāḥ pūrṇakalaśaiḥ sūktavākyairdvijeritaiḥ

Sanskrit only: no published translation is held for this verse.

समुद्रः पीतकौशेय वाससी समुपाहरत् वरुणः स्रजं वैजयन्तीं मधुना मत्तषट्पदाम्

samudraḥ pītakauśeya vāsasī samupāharat varuṇaḥ srajaṃ vaijayantīṃ madhunā mattaṣaṭpadām

Sanskrit only: no published translation is held for this verse.

भूषणानि विचित्राणि विश्वकर्मा प्रजापतिः हारं सरस्वती पद्ममजो नागाश्च कुण्डले

bhūṣaṇāni vicitrāṇi viśvakarmā prajāpatiḥ hāraṃ sarasvatī padmamajo nāgāśca kuṇḍale

Sanskrit only: no published translation is held for this verse.

ततः कृतस्वस्त्ययनोत्पलस्रजं नदद्द्विरेफां परिगृह्य पाणिना चचाल वक्त्रं सुकपोलकुण्डलं सव्रीडहासं दधती सुशोभनम्

tataḥ kṛtasvastyayanotpalasrajaṃ nadaddvirephāṃ parigṛhya pāṇinā cacāla vaktraṃ sukapolakuṇḍalaṃ savrīḍahāsaṃ dadhatī suśobhanam

Sanskrit only: no published translation is held for this verse.

स्तनद्वयं चातिकृशोदरी समं निरन्तरं चन्दनकुङ्कुमोक्षितम् ततस्ततो नूपुरवल्गु शिञ्जितैर् विसर्पती हेमलतेव सा बभौ

stanadvayaṃ cātikṛśodarī samaṃ nirantaraṃ candanakuṅkumokṣitam tatastato nūpuravalgu śiñjitair visarpatī hemalateva sā babhau

Sanskrit only: no published translation is held for this verse.

विलोकयन्ती निरवद्यमात्मनः पदं ध्रुवं चाव्यभिचारिसद्गुणम् गन्धर्वसिद्धासुरयक्षचारण त्रैपिष्टपेयादिषु नान्वविन्दत

vilokayantī niravadyamātmanaḥ padaṃ dhruvaṃ cāvyabhicārisadguṇam gandharvasiddhāsurayakṣacāraṇa traipiṣṭapeyādiṣu nānvavindata

Sanskrit only: no published translation is held for this verse.

नूनं तपो यस्य न मन्युनिर्जयो ज्ञानं क्वचित् तच् च न सङ्गवर्जितम् कश्चिन् महांस्तस्य न कामनिर्जयः स ईश्वरः किं परतो व्यपाश्रयः

nūnaṃ tapo yasya na manyunirjayo jñānaṃ kvacit tac ca na saṅgavarjitam kaścin mahāṃstasya na kāmanirjayaḥ sa īśvaraḥ kiṃ parato vyapāśrayaḥ

Sanskrit only: no published translation is held for this verse.

धर्मः क्वचित् तत्र न भूतसौहृदं त्यागः क्वचित् तत्र न मुक्तिकारणम् वीर्यं न पुंसो ऽस्त्य् अजवेगनिष्कृतं न हि द्वितीयो गुणसङ्गवर्जितः

dharmaḥ kvacit tatra na bhūtasauhṛdaṃ tyāgaḥ kvacit tatra na muktikāraṇam vīryaṃ na puṃso 'sty ajaveganiṣkṛtaṃ na hi dvitīyo guṇasaṅgavarjitaḥ

Sanskrit only: no published translation is held for this verse.

क्वचिच् चिरायुर्न हि शीलमङ्गलं क्वचित् तदप्य् अस्ति न वेद्यमायुषः यत्रोभयं कुत्र च सो ऽप्य् अमङ्गलः सुमङ्गलः कश्च न काङ्क्षते हि माम्

kvacic cirāyurna hi śīlamaṅgalaṃ kvacit tadapy asti na vedyamāyuṣaḥ yatrobhayaṃ kutra ca so 'py amaṅgalaḥ sumaṅgalaḥ kaśca na kāṅkṣate hi mām

Sanskrit only: no published translation is held for this verse.

एवं विमृश्याव्यभिचारिसद्गुणैर् वरं निजैकाश्रयतयागुणाश्रयम् वव्रे वरं सर्वगुणैरपेक्षितं रमा मुकुन्दं निरपेक्षमीप्सितम्

evaṃ vimṛśyāvyabhicārisadguṇair varaṃ nijaikāśrayatayāguṇāśrayam vavre varaṃ sarvaguṇairapekṣitaṃ ramā mukundaṃ nirapekṣamīpsitam

Sanskrit only: no published translation is held for this verse.

तस्यांसदेश उशतीं नवकञ्जमालां माद्यन्मधुव्रतवरूथगिरोपघुष्टाम् तस्थौ निधाय निकटे तदुरः स्वधाम सव्रीडहासविकसन्नयनेन याता

tasyāṃsadeśa uśatīṃ navakañjamālāṃ mādyanmadhuvratavarūthagiropaghuṣṭām tasthau nidhāya nikaṭe taduraḥ svadhāma savrīḍahāsavikasannayanena yātā

Sanskrit only: no published translation is held for this verse.

तस्याः श्रियस्त्रिजगतो जनको जनन्या वक्षो निवासमकरोत् परमं विभूतेः श्रीः स्वाः प्रजाः सकरुणेन निरीक्षणेन यत्र स्थितैधयत साधिपतींस्त्रिलोकान्

tasyāḥ śriyastrijagato janako jananyā vakṣo nivāsamakarot paramaṃ vibhūteḥ śrīḥ svāḥ prajāḥ sakaruṇena nirīkṣaṇena yatra sthitaidhayata sādhipatīṃstrilokān

Sanskrit only: no published translation is held for this verse.

शङ्खतूर्यमृदङ्गानां वादित्राणां पृथुः स्वनः देवानुगानां सस्त्रीणां नृत्यतां गायतामभूत्

śaṅkhatūryamṛdaṅgānāṃ vāditrāṇāṃ pṛthuḥ svanaḥ devānugānāṃ sastrīṇāṃ nṛtyatāṃ gāyatāmabhūt

Sanskrit only: no published translation is held for this verse.

ब्रह्मरुद्राङ्गिरोमुख्याः सर्वे विश्वसृजो विभुम् ईडिरे ऽवितथैर्मन्त्रैस्तल्लिङ्गैः पुष्पवर्षिणः

brahmarudrāṅgiromukhyāḥ sarve viśvasṛjo vibhum īḍire 'vitathairmantraistalliṅgaiḥ puṣpavarṣiṇaḥ

Sanskrit only: no published translation is held for this verse.

श्रियावलोकिता देवाः सप्रजापतयः प्रजाः शीलादिगुणसम्पन्ना लेभिरे निर्वृतिं पराम्

śriyāvalokitā devāḥ saprajāpatayaḥ prajāḥ śīlādiguṇasampannā lebhire nirvṛtiṃ parām

Sanskrit only: no published translation is held for this verse.

निःसत्त्वा लोलुपा राजन् निरुद्योगा गतत्रपाः यदा चोपेक्षिता लक्ष्म्या बभूवुर्दैत्यदानवाः

niḥsattvā lolupā rājan nirudyogā gatatrapāḥ yadā copekṣitā lakṣmyā babhūvurdaityadānavāḥ

Sanskrit only: no published translation is held for this verse.

अथासीद्वारुणी देवी कन्या कमललोचना असुरा जगृहुस्तां वै हरेरनुमतेन ते

athāsīdvāruṇī devī kanyā kamalalocanā asurā jagṛhustāṃ vai hareranumatena te

Sanskrit only: no published translation is held for this verse.

अथोदधेर्मथ्यमानात् काश्यपैरमृतार्थिभिः उदतिष्ठन् महाराज पुरुषः परमाद्भुतः

athodadhermathyamānāt kāśyapairamṛtārthibhiḥ udatiṣṭhan mahārāja puruṣaḥ paramādbhutaḥ

Sanskrit only: no published translation is held for this verse.

दीर्घपीवरदोर्दण्डः कम्बुग्रीवो ऽरुणेक्षणः श्यामलस्तरुणः स्रग्वी सर्वाभरणभूषितः

dīrghapīvaradordaṇḍaḥ kambugrīvo 'ruṇekṣaṇaḥ śyāmalastaruṇaḥ sragvī sarvābharaṇabhūṣitaḥ

Sanskrit only: no published translation is held for this verse.

पीतवासा महोरस्कः सुमृष्टमणिकुण्डलः स्निग्धकुञ्चितकेशान्त सुभगः सिंहविक्रमः

pītavāsā mahoraskaḥ sumṛṣṭamaṇikuṇḍalaḥ snigdhakuñcitakeśānta subhagaḥ siṃhavikramaḥ

Sanskrit only: no published translation is held for this verse.

अमृतापूर्णकलसं बिभ्रद्वलयभूषितः स वै भगवतः साक्षाद्विष्णोरंशांशसम्भवः

amṛtāpūrṇakalasaṃ bibhradvalayabhūṣitaḥ sa vai bhagavataḥ sākṣādviṣṇoraṃśāṃśasambhavaḥ

Sanskrit only: no published translation is held for this verse.

धन्वन्तरिरिति ख्यात आयुर्वेददृग् इज्यभाक् तमालोक्यासुराः सर्वे कलसं चामृताभृतम्

dhanvantaririti khyāta āyurvedadṛg ijyabhāk tamālokyāsurāḥ sarve kalasaṃ cāmṛtābhṛtam

Sanskrit only: no published translation is held for this verse.

लिप्सन्तः सर्ववस्तूनि कलसं तरसाहरन् नीयमाने ऽसुरैस्तस्मिन् कलसे ऽमृतभाजने

lipsantaḥ sarvavastūni kalasaṃ tarasāharan nīyamāne 'suraistasmin kalase 'mṛtabhājane

Sanskrit only: no published translation is held for this verse.

विषण्णमनसो देवा हरिं शरणमाययुः इति तद्दैन्यमालोक्य भगवान् भृत्यकामकृत् मा खिद्यत मिथो ऽर्थं वः साधयिष्ये स्वमायया

viṣaṇṇamanaso devā hariṃ śaraṇamāyayuḥ iti taddainyamālokya bhagavān bhṛtyakāmakṛt mā khidyata mitho 'rthaṃ vaḥ sādhayiṣye svamāyayā

Sanskrit only: no published translation is held for this verse.

मिथः कलिरभूत् तेषां तदर्थे तर्षचेतसाम् अहं पूर्वमहं पूर्वं न त्वं न त्वमिति प्रभो

mithaḥ kalirabhūt teṣāṃ tadarthe tarṣacetasām ahaṃ pūrvamahaṃ pūrvaṃ na tvaṃ na tvamiti prabho

Sanskrit only: no published translation is held for this verse.

देवाः स्वं भागमर्हन्ति ये तुल्यायासहेतवः सत्रयाग इवैतस्मिन्नेष धर्मः सनातनः

devāḥ svaṃ bhāgamarhanti ye tulyāyāsahetavaḥ satrayāga ivaitasminneṣa dharmaḥ sanātanaḥ

Sanskrit only: no published translation is held for this verse.

इति स्वान् प्रत्यषेधन् वै दैतेया जातमत्सराः दुर्बलाः प्रबलान् राजन् गृहीतकलसान् मुहुः

iti svān pratyaṣedhan vai daiteyā jātamatsarāḥ durbalāḥ prabalān rājan gṛhītakalasān muhuḥ

Sanskrit only: no published translation is held for this verse.

एतस्मिन्नन्तरे विष्णुः सर्वोपायविदीश्वरः योषिद्रूपमनिर्देश्यं दधारपरमाद्भुतम्

etasminnantare viṣṇuḥ sarvopāyavidīśvaraḥ yoṣidrūpamanirdeśyaṃ dadhāraparamādbhutam

Sanskrit only: no published translation is held for this verse.

प्रेक्षणीयोत्पलश्यामं सर्वावयवसुन्दरम् समानकर्णाभरणं सुकपोलोन्नसाननम्

prekṣaṇīyotpalaśyāmaṃ sarvāvayavasundaram samānakarṇābharaṇaṃ sukapolonnasānanam

Sanskrit only: no published translation is held for this verse.

नवयौवननिर्वृत्त स्तनभारकृशोदरम् मुखामोदानुरक्तालि झङ्कारोद्विग्नलोचनम्

navayauvananirvṛtta stanabhārakṛśodaram mukhāmodānuraktāli jhaṅkārodvignalocanam

Sanskrit only: no published translation is held for this verse.

बिभ्रत् सुकेशभारेण मालामुत्फुल्लमल्लिकाम् सुग्रीवकण्ठाभरणं सुभुजाङ्गदभूषितम्

bibhrat sukeśabhāreṇa mālāmutphullamallikām sugrīvakaṇṭhābharaṇaṃ subhujāṅgadabhūṣitam

Sanskrit only: no published translation is held for this verse.

विरजाम्बरसंवीत नितम्बद्वीपशोभया काञ्च्या प्रविलसद्वल्गु चलच्चरणनूपुरम्

virajāmbarasaṃvīta nitambadvīpaśobhayā kāñcyā pravilasadvalgu calaccaraṇanūpuram

Sanskrit only: no published translation is held for this verse.

सव्रीडस्मितविक्षिप्त भ्रूविलासावलोकनैः दैत्ययूथपचेतःसु काममुद्दीपयन् मुहुः

savrīḍasmitavikṣipta bhrūvilāsāvalokanaiḥ daityayūthapacetaḥsu kāmamuddīpayan muhuḥ

Sanskrit only: no published translation is held for this verse.