Library·Bhāgavata Purāṇa·9·9.12
श्रीशुक उवाच कुशस्य चातिथिस्तस्मान् निषधस्तत्सुतो नभः पुण्डरीको ऽथ तत्पुत्रः क्षेमधन्वाभवत् ततः
śrīśuka uvāca kuśasya cātithistasmān niṣadhastatsuto nabhaḥ puṇḍarīko 'tha tatputraḥ kṣemadhanvābhavat tataḥ
Sanskrit only: no published translation is held for this verse.
देवानीकस्ततो ऽनीहः पारियात्रो ऽथ तत्सुतः ततो बलस्थलस्तस्माद्वज्रनाभो ऽर्कसम्भवः
devānīkastato 'nīhaḥ pāriyātro 'tha tatsutaḥ tato balasthalastasmādvajranābho 'rkasambhavaḥ
Sanskrit only: no published translation is held for this verse.
सगणस्तत्सुतस्तस्माद्विधृतिश्चाभवत् सुतः ततो हिरण्यनाभो ऽभूद्योगाचार्यस्तु जैमिनेः
sagaṇastatsutastasmādvidhṛtiścābhavat sutaḥ tato hiraṇyanābho 'bhūdyogācāryastu jaimineḥ
Sanskrit only: no published translation is held for this verse.
शिष्यः कौशल्य आध्यात्मं याज्ञवल्क्यो ऽध्यगाद्यतः योगं महोदयमृषिर्हृदयग्रन्थिभेदकम्
śiṣyaḥ kauśalya ādhyātmaṃ yājñavalkyo 'dhyagādyataḥ yogaṃ mahodayamṛṣirhṛdayagranthibhedakam
Sanskrit only: no published translation is held for this verse.
पुष्पो हिरण्यनाभस्य ध्रुवसन्धिस्ततो ऽभवत् सुदर्शनो ऽथाग्निवर्णः शीघ्रस्तस्य मरुः सुतः
puṣpo hiraṇyanābhasya dhruvasandhistato 'bhavat sudarśano 'thāgnivarṇaḥ śīghrastasya maruḥ sutaḥ
Sanskrit only: no published translation is held for this verse.
सो ऽसाव् आस्ते योगसिद्धः कलापग्राममास्थितः कलेरन्ते सूर्यवंशं नष्टं भावयिता पुनः
so 'sāv āste yogasiddhaḥ kalāpagrāmamāsthitaḥ kalerante sūryavaṃśaṃ naṣṭaṃ bhāvayitā punaḥ
Sanskrit only: no published translation is held for this verse.
तस्मात् प्रसुश्रुतस्तस्य सन्धिस्तस्याप्यमर्षणः महस्वांस्तत्सुतस्तस्माद्विश्वबाहुरजायत
tasmāt prasuśrutastasya sandhistasyāpyamarṣaṇaḥ mahasvāṃstatsutastasmādviśvabāhurajāyata
Sanskrit only: no published translation is held for this verse.
ततः प्रसेनजित् तस्मात् तक्षको भविता पुनः ततो बृहद्बलो यस्तु पित्रा ते समरे हतः
tataḥ prasenajit tasmāt takṣako bhavitā punaḥ tato bṛhadbalo yastu pitrā te samare hataḥ
Sanskrit only: no published translation is held for this verse.
एते हीक्ष्वाकुभूपाला अतीताः शृण्व् अनागतान् बृहद्बलस्य भविता पुत्रो नाम्ना बृहद्रणः
ete hīkṣvākubhūpālā atītāḥ śṛṇv anāgatān bṛhadbalasya bhavitā putro nāmnā bṛhadraṇaḥ
Sanskrit only: no published translation is held for this verse.
ऊरुक्रियः सुतस्तस्य वत्सवृद्धो भविष्यति प्रतिव्योमस्ततो भानुर्दिवाको वाहिनीपतिः
ūrukriyaḥ sutastasya vatsavṛddho bhaviṣyati prativyomastato bhānurdivāko vāhinīpatiḥ
Sanskrit only: no published translation is held for this verse.
सहदेवस्ततो वीरो बृहदश्वो ऽथ भानुमान् प्रतीकाश्वो भानुमतः सुप्रतीको ऽथ तत्सुतः
sahadevastato vīro bṛhadaśvo 'tha bhānumān pratīkāśvo bhānumataḥ supratīko 'tha tatsutaḥ
Sanskrit only: no published translation is held for this verse.
भविता मरुदेवो ऽथ सुनक्षत्रो ऽथ पुष्करः तस्यान्तरिक्षस्तत्पुत्रः सुतपास्तदमित्रजित्
bhavitā marudevo 'tha sunakṣatro 'tha puṣkaraḥ tasyāntarikṣastatputraḥ sutapāstadamitrajit
Sanskrit only: no published translation is held for this verse.
बृहद्राजस्तु तस्यापि बर्हिस्तस्मात् कृतञ्जयः रणञ्जयस्तस्य सुतः सञ्जयो भविता ततः
bṛhadrājastu tasyāpi barhistasmāt kṛtañjayaḥ raṇañjayastasya sutaḥ sañjayo bhavitā tataḥ
Sanskrit only: no published translation is held for this verse.
तस्माच् छाक्यो ऽथ शुद्धोदो लाङ्गलस्तत्सुतः स्मृतः ततः प्रसेनजित् तस्मात् क्षुद्रको भविता ततः
tasmāc chākyo 'tha śuddhodo lāṅgalastatsutaḥ smṛtaḥ tataḥ prasenajit tasmāt kṣudrako bhavitā tataḥ
Sanskrit only: no published translation is held for this verse.
रणको भविता तस्मात् सुरथस्तनयस्ततः सुमित्रो नाम निष्ठान्त एते बार्हद्बलान्वयाः
raṇako bhavitā tasmāt surathastanayastataḥ sumitro nāma niṣṭhānta ete bārhadbalānvayāḥ
Sanskrit only: no published translation is held for this verse.
इक्ष्वाकूणामयं वंशः सुमित्रान्तो भविष्यति यतस्तं प्राप्य राजानं संस्थां प्राप्स्यति वै कलौ
ikṣvākūṇāmayaṃ vaṃśaḥ sumitrānto bhaviṣyati yatastaṃ prāpya rājānaṃ saṃsthāṃ prāpsyati vai kalau
Sanskrit only: no published translation is held for this verse.