Bhāgavata Purāṇa 9.16

श्रीशुक उवाच पित्रोपशिक्षितो रामस्तथेति कुरुनन्दन संवत्सरं तीर्थयात्रां चरित्वाश्रममाव्रजत्

śrīśuka uvāca pitropaśikṣito rāmastatheti kurunandana saṃvatsaraṃ tīrthayātrāṃ caritvāśramamāvrajat

Sanskrit only: no published translation is held for this verse.

कदाचिद्रेणुका याता गङ्गायां पद्ममालिनम् गन्धर्वराजं क्रीडन्तमप्सरोभिरपश्यत

kadācidreṇukā yātā gaṅgāyāṃ padmamālinam gandharvarājaṃ krīḍantamapsarobhirapaśyata

Sanskrit only: no published translation is held for this verse.

विलोकयन्ती क्रीडन्तमुदकार्थं नदीं गता होमवेलां न सस्मार किञ्चिच् चित्ररथस्पृहा

vilokayantī krīḍantamudakārthaṃ nadīṃ gatā homavelāṃ na sasmāra kiñcic citrarathaspṛhā

Sanskrit only: no published translation is held for this verse.

कालात्ययं तं विलोक्य मुनेः शापविशङ्किता आगत्य कलशं तस्थौ पुरोधाय कृताञ्जलिः

kālātyayaṃ taṃ vilokya muneḥ śāpaviśaṅkitā āgatya kalaśaṃ tasthau purodhāya kṛtāñjaliḥ

Sanskrit only: no published translation is held for this verse.

व्यभिचारं मुनिर्ज्ञात्वा पत्न्याः प्रकुपितो ऽब्रवीत् घ्नतैनां पुत्रकाः पापामित्युक्तास्ते न चक्रिरे

vyabhicāraṃ munirjñātvā patnyāḥ prakupito 'bravīt ghnataināṃ putrakāḥ pāpāmityuktāste na cakrire

Sanskrit only: no published translation is held for this verse.

रामः सञ्चोदितः पित्रा भ्रात्-न् मात्रा सहावधीत् प्रभावज्ञो मुनेः सम्यक् समाधेस्तपसश्च सः

rāmaḥ sañcoditaḥ pitrā bhrāt-n mātrā sahāvadhīt prabhāvajño muneḥ samyak samādhestapasaśca saḥ

Sanskrit only: no published translation is held for this verse.

वरेण च्छन्दयामास प्रीतः सत्यवतीसुतः वव्रे हतानां रामो ऽपि जीवितं चास्मृतिं वधे

vareṇa cchandayāmāsa prītaḥ satyavatīsutaḥ vavre hatānāṃ rāmo 'pi jīvitaṃ cāsmṛtiṃ vadhe

Sanskrit only: no published translation is held for this verse.

उत्तस्थुस्ते कुशलिनो निद्रापाय इवाञ्जसा पितुर्विद्वांस्तपोवीर्यं रामश्चक्रे सुहृद्वधम्

uttasthuste kuśalino nidrāpāya ivāñjasā piturvidvāṃstapovīryaṃ rāmaścakre suhṛdvadham

Sanskrit only: no published translation is held for this verse.

ये ऽर्जुनस्य सुता राजन् स्मरन्तः स्वपितुर्वधम् रामवीर्यपराभूता लेभिरे शर्म न क्वचित्

ye 'rjunasya sutā rājan smarantaḥ svapiturvadham rāmavīryaparābhūtā lebhire śarma na kvacit

Sanskrit only: no published translation is held for this verse.

एकदाश्रमतो रामे सभ्रातरि वनं गते वैरं सिषाधयिषवो लब्धच्छिद्रा उपागमन्

ekadāśramato rāme sabhrātari vanaṃ gate vairaṃ siṣādhayiṣavo labdhacchidrā upāgaman

Sanskrit only: no published translation is held for this verse.

दृष्ट्वाग्न्यागार आसीनमावेशितधियं मुनिम् भगवत्युत्तमश्लोके जघ्नुस्ते पापनिश्चयाः

dṛṣṭvāgnyāgāra āsīnamāveśitadhiyaṃ munim bhagavatyuttamaśloke jaghnuste pāpaniścayāḥ

Sanskrit only: no published translation is held for this verse.

याच्यमानाः कृपणया राममात्रातिदारुणाः प्रसह्य शिर उत्कृत्य निन्युस्ते क्षत्रबन्धवः

yācyamānāḥ kṛpaṇayā rāmamātrātidāruṇāḥ prasahya śira utkṛtya ninyuste kṣatrabandhavaḥ

Sanskrit only: no published translation is held for this verse.

रेणुका दुःखशोकार्ता निघ्नन्त्यात्मानमात्मना राम रामेति तातेति विचुक्रोशोच्चकैः सती

reṇukā duḥkhaśokārtā nighnantyātmānamātmanā rāma rāmeti tāteti vicukrośoccakaiḥ satī

Sanskrit only: no published translation is held for this verse.

तदुपश्रुत्य दूरस्था हा रामेत्यार्तवत् स्वनम् त्वरयाश्रममासाद्य ददृशुः पितरं हतम्

tadupaśrutya dūrasthā hā rāmetyārtavat svanam tvarayāśramamāsādya dadṛśuḥ pitaraṃ hatam

Sanskrit only: no published translation is held for this verse.

ते दुःखरोषामर्षार्ति शोकवेगविमोहिताः हा तात साधो धर्मिष्ठ त्यक्त्वास्मान् स्वर्गतो भवान्

te duḥkharoṣāmarṣārti śokavegavimohitāḥ hā tāta sādho dharmiṣṭha tyaktvāsmān svargato bhavān

Sanskrit only: no published translation is held for this verse.

विलप्यैवं पितुर्देहं निधाय भ्रातृषु स्वयम् प्रगृह्य परशुं रामः क्षत्रान्ताय मनो दधे

vilapyaivaṃ piturdehaṃ nidhāya bhrātṛṣu svayam pragṛhya paraśuṃ rāmaḥ kṣatrāntāya mano dadhe

Sanskrit only: no published translation is held for this verse.

गत्वा माहिष्मतीं रामो ब्रह्मघ्नविहतश्रियम् तेषां स शीर्षभी राजन् मध्ये चक्रे महागिरिम्

gatvā māhiṣmatīṃ rāmo brahmaghnavihataśriyam teṣāṃ sa śīrṣabhī rājan madhye cakre mahāgirim

Sanskrit only: no published translation is held for this verse.

तद्रक्तेन नदीं घोरामब्रह्मण्यभयावहाम् हेतुं कृत्वा पितृवधं क्षत्रे ऽमङ्गलकारिणि

tadraktena nadīṃ ghorāmabrahmaṇyabhayāvahām hetuṃ kṛtvā pitṛvadhaṃ kṣatre 'maṅgalakāriṇi

Sanskrit only: no published translation is held for this verse.

त्रिःसप्तकृत्वः पृथिवीं कृत्वा निःक्षत्रियां प्रभुः समन्तपञ्चके चक्रे शोणितोदान् ह्रदान् नव

triḥsaptakṛtvaḥ pṛthivīṃ kṛtvā niḥkṣatriyāṃ prabhuḥ samantapañcake cakre śoṇitodān hradān nava

Sanskrit only: no published translation is held for this verse.

पितुः कायेन सन्धाय शिर आदाय बर्हिषि सर्वदेवमयं देवमात्मानमयजन् मखैः

pituḥ kāyena sandhāya śira ādāya barhiṣi sarvadevamayaṃ devamātmānamayajan makhaiḥ

Sanskrit only: no published translation is held for this verse.

ददौ प्राचीं दिशं होत्रे ब्रह्मणे दक्षिणां दिशम् अध्वर्यवे प्रतीचीं वै उद्गात्रे उत्तरां दिशम्

dadau prācīṃ diśaṃ hotre brahmaṇe dakṣiṇāṃ diśam adhvaryave pratīcīṃ vai udgātre uttarāṃ diśam

Sanskrit only: no published translation is held for this verse.

अन्येभ्यो ऽवान्तरदिशः कश्यपाय च मध्यतः आर्यावर्तमुपद्रष्ट्रे सदस्येभ्यस्ततः परम्

anyebhyo 'vāntaradiśaḥ kaśyapāya ca madhyataḥ āryāvartamupadraṣṭre sadasyebhyastataḥ param

Sanskrit only: no published translation is held for this verse.

ततश्चावभृथस्नान विधूताशेषकिल्बिषः सरस्वत्यां महानद्यां रेजे व्यब्भ्र इवांशुमान्

tataścāvabhṛthasnāna vidhūtāśeṣakilbiṣaḥ sarasvatyāṃ mahānadyāṃ reje vyabbhra ivāṃśumān

Sanskrit only: no published translation is held for this verse.

स्वदेहं जमदग्निस्तु लब्ध्वा संज्ञानलक्षणम् ऋषीणां मण्डले सो ऽभूत् सप्तमो रामपूजितः

svadehaṃ jamadagnistu labdhvā saṃjñānalakṣaṇam ṛṣīṇāṃ maṇḍale so 'bhūt saptamo rāmapūjitaḥ

Sanskrit only: no published translation is held for this verse.

जामदग्न्यो ऽपि भगवान् रामः कमललोचनः आगामिन्यन्तरे राजन् वर्तयिष्यति वै बृहत्

jāmadagnyo 'pi bhagavān rāmaḥ kamalalocanaḥ āgāminyantare rājan vartayiṣyati vai bṛhat

Sanskrit only: no published translation is held for this verse.

आस्ते ऽद्यापि महेन्द्राद्रौ न्यस्तदण्डः प्रशान्तधीः उपगीयमानचरितः सिद्धगन्धर्वचारणैः

āste 'dyāpi mahendrādrau nyastadaṇḍaḥ praśāntadhīḥ upagīyamānacaritaḥ siddhagandharvacāraṇaiḥ

Sanskrit only: no published translation is held for this verse.

एवं भृगुषु विश्वात्मा भगवान् हरिरीश्वरः अवतीर्य परं भारं भुवो ऽहन् बहुशो नृपान्

evaṃ bhṛguṣu viśvātmā bhagavān harirīśvaraḥ avatīrya paraṃ bhāraṃ bhuvo 'han bahuśo nṛpān

Sanskrit only: no published translation is held for this verse.

गाधेरभून् महातेजाः समिद्ध इव पावकः तपसा क्षात्रमुत्सृज्य यो लेभे ब्रह्मवर्चसम्

gādherabhūn mahātejāḥ samiddha iva pāvakaḥ tapasā kṣātramutsṛjya yo lebhe brahmavarcasam

Sanskrit only: no published translation is held for this verse.

विश्वामित्रस्य चैवासन् पुत्रा एकशतं नृप मध्यमस्तु मधुच्छन्दा मधुच्छन्दस एव ते

viśvāmitrasya caivāsan putrā ekaśataṃ nṛpa madhyamastu madhucchandā madhucchandasa eva te

Sanskrit only: no published translation is held for this verse.

पुत्रं कृत्वा शुनःशेफं देवरातं च भार्गवम् आजीगर्तं सुतान् आह ज्येष्ठ एष प्रकल्प्यताम्

putraṃ kṛtvā śunaḥśephaṃ devarātaṃ ca bhārgavam ājīgartaṃ sutān āha jyeṣṭha eṣa prakalpyatām

Sanskrit only: no published translation is held for this verse.

यो वै हरिश्चन्द्रमखे विक्रीतः पुरुषः पशुः स्तुत्वा देवान् प्रजेशादीन् मुमुचे पाशबन्धनात्

yo vai hariścandramakhe vikrītaḥ puruṣaḥ paśuḥ stutvā devān prajeśādīn mumuce pāśabandhanāt

Sanskrit only: no published translation is held for this verse.

यो रातो देवयजने देवैर्गाधिषु तापसः देवरात इति ख्यातः शुनःशेफस्तु भार्गवः

yo rāto devayajane devairgādhiṣu tāpasaḥ devarāta iti khyātaḥ śunaḥśephastu bhārgavaḥ

Sanskrit only: no published translation is held for this verse.

ये मधुच्छन्दसो ज्येष्ठाः कुशलं मेनिरे न तत् अशपत् तान् मुनिः क्रुद्धो म्लेच्छा भवत दुर्जनाः

ye madhucchandaso jyeṣṭhāḥ kuśalaṃ menire na tat aśapat tān muniḥ kruddho mlecchā bhavata durjanāḥ

Sanskrit only: no published translation is held for this verse.

स होवाच मधुच्छन्दाः सार्धं पञ्चाशता ततः यन् नो भवान् सञ्जानीते तस्मिंस्तिष्ठामहे वयम्

sa hovāca madhucchandāḥ sārdhaṃ pañcāśatā tataḥ yan no bhavān sañjānīte tasmiṃstiṣṭhāmahe vayam

Sanskrit only: no published translation is held for this verse.

ज्येष्ठं मन्त्रदृशं चक्रुस्त्वामन्वञ्चो वयं स्म हि विश्वामित्रः सुतान् आह वीरवन्तो भविष्यथ ये मानं मे ऽनुगृह्णन्तो वीरवन्तमकर्त माम्

jyeṣṭhaṃ mantradṛśaṃ cakrustvāmanvañco vayaṃ sma hi viśvāmitraḥ sutān āha vīravanto bhaviṣyatha ye mānaṃ me 'nugṛhṇanto vīravantamakarta mām

Sanskrit only: no published translation is held for this verse.

एष वः कुशिका वीरो देवरातस्तमन्वित अन्ये चाष्टकहारीत जयक्रतुमदादयः

eṣa vaḥ kuśikā vīro devarātastamanvita anye cāṣṭakahārīta jayakratumadādayaḥ

Sanskrit only: no published translation is held for this verse.

एवं कौशिकगोत्रं तु विश्वामित्रैः पृथग्विधम् प्रवरान्तरमापन्नं तद्धि चैवं प्रकल्पितम्

evaṃ kauśikagotraṃ tu viśvāmitraiḥ pṛthagvidham pravarāntaramāpannaṃ taddhi caivaṃ prakalpitam

Sanskrit only: no published translation is held for this verse.