Library·Bhāgavata Purāṇa·9·9.20
श्रीबादरायणिरुवाच पूरोर्वंशं प्रवक्ष्यामि यत्र जातो ऽसि भारत यत्र राजर्षयो वंश्या ब्रह्मवंश्याश्च जज्ञिरे
śrībādarāyaṇiruvāca pūrorvaṃśaṃ pravakṣyāmi yatra jāto 'si bhārata yatra rājarṣayo vaṃśyā brahmavaṃśyāśca jajñire
Sanskrit only: no published translation is held for this verse.
जनमेजयो ह्यभूत् पूरोः प्रचिन्वांस्तत्सुतस्ततः प्रवीरो ऽथ मनुस्युर्वै तस्माच् चारुपदो ऽभवत्
janamejayo hyabhūt pūroḥ pracinvāṃstatsutastataḥ pravīro 'tha manusyurvai tasmāc cārupado 'bhavat
Sanskrit only: no published translation is held for this verse.
तस्य सुद्युरभूत् पुत्रस्तस्माद्बहुगवस्ततः संयातिस्तस्याहंयाती रौद्राश्वस्तत्सुतः स्मृतः
tasya sudyurabhūt putrastasmādbahugavastataḥ saṃyātistasyāhaṃyātī raudrāśvastatsutaḥ smṛtaḥ
Sanskrit only: no published translation is held for this verse.
ऋतेयुस्तस्य कक्षेयुः स्थण्डिलेयुः कृतेयुकः जलेयुः सन्नतेयुश्च धर्मसत्यव्रतेयवः
ṛteyustasya kakṣeyuḥ sthaṇḍileyuḥ kṛteyukaḥ jaleyuḥ sannateyuśca dharmasatyavrateyavaḥ
Sanskrit only: no published translation is held for this verse.
दशैते ऽप्सरसः पुत्रा वनेयुश्चावमः स्मृतः घृताच्यामिन्द्रियाणीव मुख्यस्य जगदात्मनः
daśaite 'psarasaḥ putrā vaneyuścāvamaḥ smṛtaḥ ghṛtācyāmindriyāṇīva mukhyasya jagadātmanaḥ
Sanskrit only: no published translation is held for this verse.
ऋतेयो रन्तिनावो ऽभूत् त्रयस्तस्यात्मजा नृप सुमतिर्ध्रुवो ऽप्रतिरथः कण्वो ऽप्रतिरथात्मजः
ṛteyo rantināvo 'bhūt trayastasyātmajā nṛpa sumatirdhruvo 'pratirathaḥ kaṇvo 'pratirathātmajaḥ
Sanskrit only: no published translation is held for this verse.
तस्य मेधातिथिस्तस्मात् प्रस्कन्नाद्या द्विजातयः पुत्रो ऽभूत् सुमते रेभिर्दुष्मन्तस्तत्सुतो मतः
tasya medhātithistasmāt praskannādyā dvijātayaḥ putro 'bhūt sumate rebhirduṣmantastatsuto mataḥ
Sanskrit only: no published translation is held for this verse.
दुष्मन्तो मृगयां यातः कण्वाश्रमपदं गतः तत्रासीनां स्वप्रभया मण्डयन्तीं रमामिव
duṣmanto mṛgayāṃ yātaḥ kaṇvāśramapadaṃ gataḥ tatrāsīnāṃ svaprabhayā maṇḍayantīṃ ramāmiva
Sanskrit only: no published translation is held for this verse.
विलोक्य सद्यो मुमुहे देवमायामिव स्त्रियम् बभाषे तां वरारोहां भटैः कतिपयैर्वृतः
vilokya sadyo mumuhe devamāyāmiva striyam babhāṣe tāṃ varārohāṃ bhaṭaiḥ katipayairvṛtaḥ
Sanskrit only: no published translation is held for this verse.
तद्दर्शनप्रमुदितः सन्निवृत्तपरिश्रमः पप्रच्छ कामसन्तप्तः प्रहसञ् श्लक्ष्णया गिरा
taddarśanapramuditaḥ sannivṛttapariśramaḥ papraccha kāmasantaptaḥ prahasañ ślakṣṇayā girā
Sanskrit only: no published translation is held for this verse.
का त्वं कमलपत्राक्षि कस्यासि हृदयङ्गमे किं स्विच् चिकीर्षितं तत्र भवत्या निर्जने वने
kā tvaṃ kamalapatrākṣi kasyāsi hṛdayaṅgame kiṃ svic cikīrṣitaṃ tatra bhavatyā nirjane vane
Sanskrit only: no published translation is held for this verse.
व्यक्तं राजन्यतनयां वेद्म्यहं त्वां सुमध्यमे न हि चेतः पौरवाणामधर्मे रमते क्वचित्
vyaktaṃ rājanyatanayāṃ vedmyahaṃ tvāṃ sumadhyame na hi cetaḥ pauravāṇāmadharme ramate kvacit
Sanskrit only: no published translation is held for this verse.
श्रीशकुन्तलोवाच विश्वामित्रात्मजैवाहं त्यक्ता मेनकया वने वेदैतद्भगवान् कण्वो वीर किं करवाम ते
śrīśakuntalovāca viśvāmitrātmajaivāhaṃ tyaktā menakayā vane vedaitadbhagavān kaṇvo vīra kiṃ karavāma te
Sanskrit only: no published translation is held for this verse.
आस्यतां ह्यरविन्दाक्ष गृह्यतामर्हणं च नः भुज्यतां सन्ति नीवारा उष्यतां यदि रोचते
āsyatāṃ hyaravindākṣa gṛhyatāmarhaṇaṃ ca naḥ bhujyatāṃ santi nīvārā uṣyatāṃ yadi rocate
Sanskrit only: no published translation is held for this verse.
श्रीदुष्मन्त उवाच उपपन्नमिदं सुभ्रु जातायाः कुशिकान्वये स्वयं हि वृणुते राज्ञां कन्यकाः सदृशं वरम्
śrīduṣmanta uvāca upapannamidaṃ subhru jātāyāḥ kuśikānvaye svayaṃ hi vṛṇute rājñāṃ kanyakāḥ sadṛśaṃ varam
Sanskrit only: no published translation is held for this verse.
ओमित्युक्ते यथाधर्ममुपयेमे शकुन्तलाम् गान्धर्वविधिना राजा देशकालविधानवित्
omityukte yathādharmamupayeme śakuntalām gāndharvavidhinā rājā deśakālavidhānavit
Sanskrit only: no published translation is held for this verse.
अमोघवीर्यो राजर्षिर्महिष्यां वीर्यमादधे श्वोभूते स्वपुरं यातः कालेनासूत सा सुतम्
amoghavīryo rājarṣirmahiṣyāṃ vīryamādadhe śvobhūte svapuraṃ yātaḥ kālenāsūta sā sutam
Sanskrit only: no published translation is held for this verse.
कण्वः कुमारस्य वने चक्रे समुचिताः क्रियाः बद्ध्वा मृगेन्द्रं तरसा क्रीडति स्म स बालकः
kaṇvaḥ kumārasya vane cakre samucitāḥ kriyāḥ baddhvā mṛgendraṃ tarasā krīḍati sma sa bālakaḥ
Sanskrit only: no published translation is held for this verse.
तं दुरत्ययविक्रान्तमादाय प्रमदोत्तमा हरेरंशांशसम्भूतं भर्तुरन्तिकमागमत्
taṃ duratyayavikrāntamādāya pramadottamā hareraṃśāṃśasambhūtaṃ bharturantikamāgamat
Sanskrit only: no published translation is held for this verse.
यदा न जगृहे राजा भार्यापुत्राव् अनिन्दितौ शृण्वतां सर्वभूतानां खे वाग् आहाशरीरिणी
yadā na jagṛhe rājā bhāryāputrāv aninditau śṛṇvatāṃ sarvabhūtānāṃ khe vāg āhāśarīriṇī
Sanskrit only: no published translation is held for this verse.
माता भस्त्रा पितुः पुत्रो येन जातः स एव सः भरस्व पुत्रं दुष्मन्त मावमंस्थाः शकुन्तलाम्
mātā bhastrā pituḥ putro yena jātaḥ sa eva saḥ bharasva putraṃ duṣmanta māvamaṃsthāḥ śakuntalām
Sanskrit only: no published translation is held for this verse.
रेतोधाः पुत्रो नयति नरदेव यमक्षयात् त्वं चास्य धाता गर्भस्य सत्यमाह शकुन्तला
retodhāḥ putro nayati naradeva yamakṣayāt tvaṃ cāsya dhātā garbhasya satyamāha śakuntalā
Sanskrit only: no published translation is held for this verse.
पितर्युपरते सो ऽपि चक्रवर्ती महायशाः महिमा गीयते तस्य हरेरंशभुवो भुवि
pitaryuparate so 'pi cakravartī mahāyaśāḥ mahimā gīyate tasya hareraṃśabhuvo bhuvi
Sanskrit only: no published translation is held for this verse.
चक्रं दक्षिणहस्ते ऽस्य पद्मकोशो ऽस्य पादयोः ईजे महाभिषेकेण सो ऽभिषिक्तो ऽधिराड् विभुः
cakraṃ dakṣiṇahaste 'sya padmakośo 'sya pādayoḥ īje mahābhiṣekeṇa so 'bhiṣikto 'dhirāḍ vibhuḥ
Sanskrit only: no published translation is held for this verse.
पञ्चपञ्चाशता मेध्यैर्गङ्गायामनु वाजिभिः मामतेयं पुरोधाय यमुनामनु च प्रभुः
pañcapañcāśatā medhyairgaṅgāyāmanu vājibhiḥ māmateyaṃ purodhāya yamunāmanu ca prabhuḥ
Sanskrit only: no published translation is held for this verse.
अष्टसप्ततिमेध्याश्वान् बबन्ध प्रददद्वसु भरतस्य हि दौष्मन्तेरग्निः साचीगुणे चितः सहस्रं बद्वशो यस्मिन् ब्राह्मणा गा विभेजिरे
aṣṭasaptatimedhyāśvān babandha pradadadvasu bharatasya hi dauṣmanteragniḥ sācīguṇe citaḥ sahasraṃ badvaśo yasmin brāhmaṇā gā vibhejire
Sanskrit only: no published translation is held for this verse.
त्रयस्त्रिंशच्छतं ह्यश्वान् बद्ध्वा विस्मापयन् नृपान् दौष्मन्तिरत्यगान् मायां देवानां गुरुमाययौ
trayastriṃśacchataṃ hyaśvān baddhvā vismāpayan nṛpān dauṣmantiratyagān māyāṃ devānāṃ gurumāyayau
Sanskrit only: no published translation is held for this verse.
मृगान् छुक्लदतः कृष्णान् हिरण्येन परीवृतान् अदात् कर्मणि मष्णारे नियुतानि चतुर्दश
mṛgān chukladataḥ kṛṣṇān hiraṇyena parīvṛtān adāt karmaṇi maṣṇāre niyutāni caturdaśa
Sanskrit only: no published translation is held for this verse.
भरतस्य महत् कर्म न पूर्वे नापरे नृपाः नैवापुर्नैव प्राप्स्यन्ति बाहुभ्यां त्रिदिवं यथा
bharatasya mahat karma na pūrve nāpare nṛpāḥ naivāpurnaiva prāpsyanti bāhubhyāṃ tridivaṃ yathā
Sanskrit only: no published translation is held for this verse.
किरातहूणान् यवनान् पौण्ड्रान् कङ्कान् खशान् छकान् अब्रह्मण्यनृपांश्चाहन् म्लेच्छान् दिग्विजये ऽखिलान्
kirātahūṇān yavanān pauṇḍrān kaṅkān khaśān chakān abrahmaṇyanṛpāṃścāhan mlecchān digvijaye 'khilān
Sanskrit only: no published translation is held for this verse.
जित्वा पुरासुरा देवान् ये रसौकांसि भेजिरे देवस्त्रियो रसां नीताः प्राणिभिः पुनराहरत्
jitvā purāsurā devān ye rasaukāṃsi bhejire devastriyo rasāṃ nītāḥ prāṇibhiḥ punarāharat
Sanskrit only: no published translation is held for this verse.
सर्वान् कामान् दुदुहतुः प्रजानां तस्य रोदसी समास्त्रिणवसाहस्रीर्दिक्षु चक्रमवर्तयत्
sarvān kāmān duduhatuḥ prajānāṃ tasya rodasī samāstriṇavasāhasrīrdikṣu cakramavartayat
Sanskrit only: no published translation is held for this verse.
स संराड् लोकपालाख्यमैश्वर्यमधिराट् श्रियम् चक्रं चास्खलितं प्राणान् मृषेत्युपरराम ह
sa saṃrāḍ lokapālākhyamaiśvaryamadhirāṭ śriyam cakraṃ cāskhalitaṃ prāṇān mṛṣetyupararāma ha
Sanskrit only: no published translation is held for this verse.
तस्यासन् नृप वैदर्भ्यः पत्न्यस्तिस्रः सुसम्मताः जघ्नुस्त्यागभयात् पुत्रान् नानुरूपा इतीरिते
tasyāsan nṛpa vaidarbhyaḥ patnyastisraḥ susammatāḥ jaghnustyāgabhayāt putrān nānurūpā itīrite
Sanskrit only: no published translation is held for this verse.
तस्यैवं वितथे वंशे तदर्थं यजतः सुतम् मरुत्स्तोमेन मरुतो भरद्वाजमुपाददुः
tasyaivaṃ vitathe vaṃśe tadarthaṃ yajataḥ sutam marutstomena maruto bharadvājamupādaduḥ
Sanskrit only: no published translation is held for this verse.
अन्तर्वत्न्यां भ्रातृपत्न्यां मैथुनाय बृहस्पतिः प्रवृत्तो वारितो गर्भं शप्त्वा वीर्यमुपासृजत्
antarvatnyāṃ bhrātṛpatnyāṃ maithunāya bṛhaspatiḥ pravṛtto vārito garbhaṃ śaptvā vīryamupāsṛjat
Sanskrit only: no published translation is held for this verse.
तं त्यक्तुकामां ममतां भर्तुस्त्यागविशङ्किताम् नामनिर्वाचनं तस्य श्लोकमेनं सुरा जगुः
taṃ tyaktukāmāṃ mamatāṃ bhartustyāgaviśaṅkitām nāmanirvācanaṃ tasya ślokamenaṃ surā jaguḥ
Sanskrit only: no published translation is held for this verse.
मूढे भर द्वाजमिमं भर द्वाजं बृहस्पते यातौ यदुक्त्वा पितरौ भरद्वाजस्ततस्त्व् अयम्
mūḍhe bhara dvājamimaṃ bhara dvājaṃ bṛhaspate yātau yaduktvā pitarau bharadvājastatastv ayam
Sanskrit only: no published translation is held for this verse.
चोद्यमाना सुरैरेवं मत्वा वितथमात्मजम् व्यसृजन् मरुतो ऽबिभ्रन् दत्तो ऽयं वितथे ऽन्वये
codyamānā surairevaṃ matvā vitathamātmajam vyasṛjan maruto 'bibhran datto 'yaṃ vitathe 'nvaye
Sanskrit only: no published translation is held for this verse.