Bhāgavata Purāṇa 9.21

श्रीशुक उवाच वितथस्य सुतान् मन्योर्बृहत्क्षत्रो जयस्ततः महावीर्यो नरो गर्गः सङ्कृतिस्तु नरात्मजः

śrīśuka uvāca vitathasya sutān manyorbṛhatkṣatro jayastataḥ mahāvīryo naro gargaḥ saṅkṛtistu narātmajaḥ

Sanskrit only: no published translation is held for this verse.

गुरुश्च रन्तिदेवश्च सङ्कृतेः पाण्डुनन्दन रन्तिदेवस्य महिमा इहामुत्र च गीयते

guruśca rantidevaśca saṅkṛteḥ pāṇḍunandana rantidevasya mahimā ihāmutra ca gīyate

Sanskrit only: no published translation is held for this verse.

वियद्वित्तस्य ददतो लब्धं लब्धं बुभुक्षतः निष्किञ्चनस्य धीरस्य सकुटुम्बस्य सीदतः

viyadvittasya dadato labdhaṃ labdhaṃ bubhukṣataḥ niṣkiñcanasya dhīrasya sakuṭumbasya sīdataḥ

Sanskrit only: no published translation is held for this verse.

व्यतीयुरष्टचत्वारिंशदहान्यपिबतः किल घृतपायससंयावं तोयं प्रातरुपस्थितम्

vyatīyuraṣṭacatvāriṃśadahānyapibataḥ kila ghṛtapāyasasaṃyāvaṃ toyaṃ prātarupasthitam

Sanskrit only: no published translation is held for this verse.

कृच्छ्रप्राप्तकुटुम्बस्य क्षुत्तृड्भ्यां जातवेपथोः अतिथिर्ब्राह्मणः काले भोक्तुकामस्य चागमत्

kṛcchraprāptakuṭumbasya kṣuttṛḍbhyāṃ jātavepathoḥ atithirbrāhmaṇaḥ kāle bhoktukāmasya cāgamat

Sanskrit only: no published translation is held for this verse.

तस्मै संव्यभजत् सो ऽन्नमादृत्य श्रद्धयान्वितः हरिं सर्वत्र सम्पश्यन् स भुक्त्वा प्रययौ द्विजः

tasmai saṃvyabhajat so 'nnamādṛtya śraddhayānvitaḥ hariṃ sarvatra sampaśyan sa bhuktvā prayayau dvijaḥ

Sanskrit only: no published translation is held for this verse.

अथान्यो भोक्ष्यमाणस्य विभक्तस्य महीपतेः विभक्तं व्यभजत् तस्मै वृषलाय हरिं स्मरन्

athānyo bhokṣyamāṇasya vibhaktasya mahīpateḥ vibhaktaṃ vyabhajat tasmai vṛṣalāya hariṃ smaran

Sanskrit only: no published translation is held for this verse.

याते शूद्रे तमन्यो ऽगादतिथिः श्वभिरावृतः राजन् मे दीयतामन्नं सगणाय बुभुक्षते

yāte śūdre tamanyo 'gādatithiḥ śvabhirāvṛtaḥ rājan me dīyatāmannaṃ sagaṇāya bubhukṣate

Sanskrit only: no published translation is held for this verse.

स आदृत्यावशिष्टं यद्बहुमानपुरस्कृतम् तच् च दत्त्वा नमश्चक्रे श्वभ्यः श्वपतये विभुः

sa ādṛtyāvaśiṣṭaṃ yadbahumānapuraskṛtam tac ca dattvā namaścakre śvabhyaḥ śvapataye vibhuḥ

Sanskrit only: no published translation is held for this verse.

पानीयमात्रमुच्छेषं तच् चैकपरितर्पणम् पास्यतः पुल्कसो ऽभ्यागादपो देह्यशुभाय मे

pānīyamātramuccheṣaṃ tac caikaparitarpaṇam pāsyataḥ pulkaso 'bhyāgādapo dehyaśubhāya me

Sanskrit only: no published translation is held for this verse.

तस्य तां करुणां वाचं निशम्य विपुलश्रमाम् कृपया भृशसन्तप्त इदमाहामृतं वचः

tasya tāṃ karuṇāṃ vācaṃ niśamya vipulaśramām kṛpayā bhṛśasantapta idamāhāmṛtaṃ vacaḥ

Sanskrit only: no published translation is held for this verse.

न कामये ऽहं गतिमीश्वरात् पराम् अष्टर्द्धियुक्तामपुनर्भवं वा आर्तिं प्रपद्ये ऽखिलदेहभाजाम् अन्तःस्थितो येन भवन्त्यदुःखाः

na kāmaye 'haṃ gatimīśvarāt parām aṣṭarddhiyuktāmapunarbhavaṃ vā ārtiṃ prapadye 'khiladehabhājām antaḥsthito yena bhavantyaduḥkhāḥ

Sanskrit only: no published translation is held for this verse.

क्षुत्तृट्श्रमो गात्रपरिभ्रमश्च दैन्यं क्लमः शोकविषादमोहाः सर्वे निवृत्ताः कृपणस्य जन्तोर् जिजीविषोर्जीवजलार्पणान् मे

kṣuttṛṭśramo gātraparibhramaśca dainyaṃ klamaḥ śokaviṣādamohāḥ sarve nivṛttāḥ kṛpaṇasya jantor jijīviṣorjīvajalārpaṇān me

Sanskrit only: no published translation is held for this verse.

इति प्रभाष्य पानीयं म्रियमाणः पिपासया पुल्कसायाददाद्धीरो निसर्गकरुणो नृपः

iti prabhāṣya pānīyaṃ mriyamāṇaḥ pipāsayā pulkasāyādadāddhīro nisargakaruṇo nṛpaḥ

Sanskrit only: no published translation is held for this verse.

तस्य त्रिभुवनाधीशाः फलदाः फलमिच्छताम् आत्मानं दर्शयां चक्रुर्माया विष्णुविनिर्मिताः

tasya tribhuvanādhīśāḥ phaladāḥ phalamicchatām ātmānaṃ darśayāṃ cakrurmāyā viṣṇuvinirmitāḥ

Sanskrit only: no published translation is held for this verse.

स वै तेभ्यो नमस्कृत्य निःसङ्गो विगतस्पृहः वासुदेवे भगवति भक्त्या चक्रे मनः परम्

sa vai tebhyo namaskṛtya niḥsaṅgo vigataspṛhaḥ vāsudeve bhagavati bhaktyā cakre manaḥ param

Sanskrit only: no published translation is held for this verse.

ईश्वरालम्बनं चित्तं कुर्वतो ऽनन्यराधसः माया गुणमयी राजन् स्वप्नवत् प्रत्यलीयत

īśvarālambanaṃ cittaṃ kurvato 'nanyarādhasaḥ māyā guṇamayī rājan svapnavat pratyalīyata

Sanskrit only: no published translation is held for this verse.

तत्प्रसङ्गानुभावेन रन्तिदेवानुवर्तिनः अभवन् योगिनः सर्वे नारायणपरायणाः

tatprasaṅgānubhāvena rantidevānuvartinaḥ abhavan yoginaḥ sarve nārāyaṇaparāyaṇāḥ

Sanskrit only: no published translation is held for this verse.

गर्गाच् छिनिस्ततो गार्ग्यः क्षत्राद्ब्रह्म ह्यवर्तत दुरितक्षयो महावीर्यात् तस्य त्रय्यारुणिः कविः

gargāc chinistato gārgyaḥ kṣatrādbrahma hyavartata duritakṣayo mahāvīryāt tasya trayyāruṇiḥ kaviḥ

Sanskrit only: no published translation is held for this verse.

पुष्करारुणिरित्यत्र ये ब्राह्मणगतिं गताः बृहत्क्षत्रस्य पुत्रो ऽभूद्धस्ती यद्धस्तिनापुरम्

puṣkarāruṇirityatra ye brāhmaṇagatiṃ gatāḥ bṛhatkṣatrasya putro 'bhūddhastī yaddhastināpuram

Sanskrit only: no published translation is held for this verse.

अजमीढो द्विमीढश्च पुरुमीढश्च हस्तिनः अजमीढस्य वंश्याः स्युः प्रियमेधादयो द्विजाः

ajamīḍho dvimīḍhaśca purumīḍhaśca hastinaḥ ajamīḍhasya vaṃśyāḥ syuḥ priyamedhādayo dvijāḥ

Sanskrit only: no published translation is held for this verse.

अजमीढाद्बृहदिषुस्तस्य पुत्रो बृहद्धनुः बृहत्कायस्ततस्तस्य पुत्र आसीज् जयद्रथः

ajamīḍhādbṛhadiṣustasya putro bṛhaddhanuḥ bṛhatkāyastatastasya putra āsīj jayadrathaḥ

Sanskrit only: no published translation is held for this verse.

तत्सुतो विशदस्तस्य स्येनजित् समजायत रुचिराश्वो दृढहनुः काश्यो वत्सश्च तत्सुताः

tatsuto viśadastasya syenajit samajāyata rucirāśvo dṛḍhahanuḥ kāśyo vatsaśca tatsutāḥ

Sanskrit only: no published translation is held for this verse.

रुचिराश्वसुतः पारः पृथुसेनस्तदात्मजः पारस्य तनयो नीपस्तस्य पुत्रशतं त्व् अभूत्

rucirāśvasutaḥ pāraḥ pṛthusenastadātmajaḥ pārasya tanayo nīpastasya putraśataṃ tv abhūt

Sanskrit only: no published translation is held for this verse.

स कृत्व्यां शुककन्यायां ब्रह्मदत्तमजीजनत् योगी स गवि भार्यायां विष्वक्सेनमधात् सुतम्

sa kṛtvyāṃ śukakanyāyāṃ brahmadattamajījanat yogī sa gavi bhāryāyāṃ viṣvaksenamadhāt sutam

Sanskrit only: no published translation is held for this verse.

जैगीषव्योपदेशेन योगतन्त्रं चकार ह उदक्सेनस्ततस्तस्माद्भल्लाटो बार्हदीषवाः

jaigīṣavyopadeśena yogatantraṃ cakāra ha udaksenastatastasmādbhallāṭo bārhadīṣavāḥ

Sanskrit only: no published translation is held for this verse.

यवीनरो द्विमीढस्य कृतिमांस्तत्सुतः स्मृतः नाम्ना सत्यधृतिस्तस्य दृढनेमिः सुपार्श्वकृत्

yavīnaro dvimīḍhasya kṛtimāṃstatsutaḥ smṛtaḥ nāmnā satyadhṛtistasya dṛḍhanemiḥ supārśvakṛt

Sanskrit only: no published translation is held for this verse.

सुपार्श्वात् सुमतिस्तस्य पुत्रः सन्नतिमांस्ततः कृती हिरण्यनाभाद्यो योगं प्राप्य जगौ स्म षट्

supārśvāt sumatistasya putraḥ sannatimāṃstataḥ kṛtī hiraṇyanābhādyo yogaṃ prāpya jagau sma ṣaṭ

Sanskrit only: no published translation is held for this verse.

संहिताः प्राच्यसाम्नां वै नीपो ह्युद्ग्रायुधस्ततः तस्य क्षेम्यः सुवीरो ऽथ सुवीरस्य रिपुञ्जयः

saṃhitāḥ prācyasāmnāṃ vai nīpo hyudgrāyudhastataḥ tasya kṣemyaḥ suvīro 'tha suvīrasya ripuñjayaḥ

Sanskrit only: no published translation is held for this verse.

ततो बहुरथो नाम पुरुमीढो ऽप्रजो ऽभवत् नलिन्यामजमीढस्य नीलः शान्तिस्तु तत्सुतः

tato bahuratho nāma purumīḍho 'prajo 'bhavat nalinyāmajamīḍhasya nīlaḥ śāntistu tatsutaḥ

Sanskrit only: no published translation is held for this verse.

शान्तेः सुशान्तिस्तत्पुत्रः पुरुजो ऽर्कस्ततो ऽभवत् भर्म्याश्वस्तनयस्तस्य पञ्चासन् मुद्गलादयः

śānteḥ suśāntistatputraḥ purujo 'rkastato 'bhavat bharmyāśvastanayastasya pañcāsan mudgalādayaḥ

Sanskrit only: no published translation is held for this verse.

यवीनरो बृहद्विश्वः काम्पिल्लः सञ्जयः सुताः भर्म्याश्वः प्राह पुत्रा मे पञ्चानां रक्षणाय हि

yavīnaro bṛhadviśvaḥ kāmpillaḥ sañjayaḥ sutāḥ bharmyāśvaḥ prāha putrā me pañcānāṃ rakṣaṇāya hi

Sanskrit only: no published translation is held for this verse.

विषयाणामलमिमे इति पञ्चालसंज्ञिताः मुद्गलाद्ब्रह्मनिर्वृत्तं गोत्रं मौद्गल्यसंज्ञितम्

viṣayāṇāmalamime iti pañcālasaṃjñitāḥ mudgalādbrahmanirvṛttaṃ gotraṃ maudgalyasaṃjñitam

Sanskrit only: no published translation is held for this verse.

मिथुनं मुद्गलाद्भार्म्याद्दिवोदासः पुमान् अभूत् अहल्या कन्यका यस्यां शतानन्दस्तु गौतमात्

mithunaṃ mudgalādbhārmyāddivodāsaḥ pumān abhūt ahalyā kanyakā yasyāṃ śatānandastu gautamāt

Sanskrit only: no published translation is held for this verse.

तस्य सत्यधृतिः पुत्रो धनुर्वेदविशारदः शरद्वांस्तत्सुतो यस्मादुर्वशीदर्शनात् किल

tasya satyadhṛtiḥ putro dhanurvedaviśāradaḥ śaradvāṃstatsuto yasmādurvaśīdarśanāt kila

Sanskrit only: no published translation is held for this verse.

शरस्तम्बे ऽपतद्रेतो मिथुनं तदभूच् छुभम् तद्दृष्ट्वा कृपयागृह्णाच् छान्तनुर्मृगयां चरन् कृपः कुमारः कन्या च द्रोणपत्न्यभवत् कृपी

śarastambe 'patadreto mithunaṃ tadabhūc chubham taddṛṣṭvā kṛpayāgṛhṇāc chāntanurmṛgayāṃ caran kṛpaḥ kumāraḥ kanyā ca droṇapatnyabhavat kṛpī

Sanskrit only: no published translation is held for this verse.