Library·Bhāgavata Purāṇa·9·9.23
श्रीशुक उवाच अनोः सभानरश्चक्षुः परेष्णुश्च त्रयः सुताः सभानरात् कालनरः सृञ्जयस्तत्सुतस्ततः
śrīśuka uvāca anoḥ sabhānaraścakṣuḥ pareṣṇuśca trayaḥ sutāḥ sabhānarāt kālanaraḥ sṛñjayastatsutastataḥ
Sanskrit only: no published translation is held for this verse.
जनमेजयस्तस्य पुत्रो महाशालो महामनाः उशीनरस्तितिक्षुश्च महामनस आत्मजौ
janamejayastasya putro mahāśālo mahāmanāḥ uśīnarastitikṣuśca mahāmanasa ātmajau
Sanskrit only: no published translation is held for this verse.
शिबिर्वरः कृमिर्दक्षश्चत्वारोशीनरात्मजाः वृषादर्भः सुधीरश्च मद्रः केकय आत्मवान्
śibirvaraḥ kṛmirdakṣaścatvārośīnarātmajāḥ vṛṣādarbhaḥ sudhīraśca madraḥ kekaya ātmavān
Sanskrit only: no published translation is held for this verse.
शिबेश्चत्वार एवासंस्तितिक्षोश्च रुषद्रथः ततो होमो ऽथ सुतपा बलिः सुतपसो ऽभवत्
śibeścatvāra evāsaṃstitikṣośca ruṣadrathaḥ tato homo 'tha sutapā baliḥ sutapaso 'bhavat
Sanskrit only: no published translation is held for this verse.
अङ्गवङ्गकलिङ्गाद्याः सुह्मपुण्ड्रौड्रसंज्ञिताः जज्ञिरे दीर्घतमसो बलेः क्षेत्रे महीक्षितः
aṅgavaṅgakaliṅgādyāḥ suhmapuṇḍrauḍrasaṃjñitāḥ jajñire dīrghatamaso baleḥ kṣetre mahīkṣitaḥ
Sanskrit only: no published translation is held for this verse.
चक्रुः स्वनाम्ना विषयान् षड् इमान् प्राच्यकांश्च ते खलपानो ऽङ्गतो जज्ञे तस्माद्दिविरथस्ततः
cakruḥ svanāmnā viṣayān ṣaḍ imān prācyakāṃśca te khalapāno 'ṅgato jajñe tasmāddivirathastataḥ
Sanskrit only: no published translation is held for this verse.
सुतो धर्मरथो यस्य जज्ञे चित्ररथो ऽप्रजाः रोमपाद इति ख्यातस्तस्मै दशरथः सखा
suto dharmaratho yasya jajñe citraratho 'prajāḥ romapāda iti khyātastasmai daśarathaḥ sakhā
Sanskrit only: no published translation is held for this verse.
शान्तां स्वकन्यां प्रायच्छदृष्यशृङ्ग उवाह याम् देवे ऽवर्षति यं रामा आनिन्युर्हरिणीसुतम्
śāntāṃ svakanyāṃ prāyacchadṛṣyaśṛṅga uvāha yām deve 'varṣati yaṃ rāmā āninyurhariṇīsutam
Sanskrit only: no published translation is held for this verse.
नाट्यसङ्गीतवादित्रैर्विभ्रमालिङ्गनार्हणैः स तु राज्ञो ऽनपत्यस्य निरूप्येष्टिं मरुत्वते
nāṭyasaṅgītavāditrairvibhramāliṅganārhaṇaiḥ sa tu rājño 'napatyasya nirūpyeṣṭiṃ marutvate
Sanskrit only: no published translation is held for this verse.
प्रजामदाद्दशरथो येन लेभे ऽप्रजाः प्रजाः चतुरङ्गो रोमपादात् पृथुलाक्षस्तु तत्सुतः
prajāmadāddaśaratho yena lebhe 'prajāḥ prajāḥ caturaṅgo romapādāt pṛthulākṣastu tatsutaḥ
Sanskrit only: no published translation is held for this verse.
बृहद्रथो बृहत्कर्मा बृहद्भानुश्च तत्सुताः आद्याद्बृहन्मनास्तस्माज् जयद्रथ उदाहृतः
bṛhadratho bṛhatkarmā bṛhadbhānuśca tatsutāḥ ādyādbṛhanmanāstasmāj jayadratha udāhṛtaḥ
Sanskrit only: no published translation is held for this verse.
विजयस्तस्य सम्भूत्यां ततो धृतिरजायत ततो धृतव्रतस्तस्य सत्कर्माधिरथस्ततः
vijayastasya sambhūtyāṃ tato dhṛtirajāyata tato dhṛtavratastasya satkarmādhirathastataḥ
Sanskrit only: no published translation is held for this verse.
यो ऽसौ गङ्गातटे क्रीडन् मञ्जूषान्तर्गतं शिशुम् कुन्त्यापविद्धं कानीनमनपत्यो ऽकरोत् सुतम्
yo 'sau gaṅgātaṭe krīḍan mañjūṣāntargataṃ śiśum kuntyāpaviddhaṃ kānīnamanapatyo 'karot sutam
Sanskrit only: no published translation is held for this verse.
वृषसेनः सुतस्तस्य कर्णस्य जगतीपते द्रुह्योश्च तनयो बभ्रुः सेतुस्तस्यात्मजस्ततः
vṛṣasenaḥ sutastasya karṇasya jagatīpate druhyośca tanayo babhruḥ setustasyātmajastataḥ
Sanskrit only: no published translation is held for this verse.
आरब्धस्तस्य गान्धारस्तस्य धर्मस्ततो धृतः धृतस्य दुर्मदस्तस्मात् प्रचेताः प्राचेतसः शतम्
ārabdhastasya gāndhārastasya dharmastato dhṛtaḥ dhṛtasya durmadastasmāt pracetāḥ prācetasaḥ śatam
Sanskrit only: no published translation is held for this verse.
म्लेच्छाधिपतयो ऽभूवन्नुदीचीं दिशमाश्रिताः तुर्वसोश्च सुतो वह्निर्वह्नेर्भर्गो ऽथ भानुमान्
mlecchādhipatayo 'bhūvannudīcīṃ diśamāśritāḥ turvasośca suto vahnirvahnerbhargo 'tha bhānumān
Sanskrit only: no published translation is held for this verse.
त्रिभानुस्तत्सुतो ऽस्यापि करन्धम उदारधीः मरुतस्तत्सुतो ऽपुत्रः पुत्रं पौरवमन्वभूत्
tribhānustatsuto 'syāpi karandhama udāradhīḥ marutastatsuto 'putraḥ putraṃ pauravamanvabhūt
Sanskrit only: no published translation is held for this verse.
दुष्मन्तः स पुनर्भेजे स्ववंशं राज्यकामुकः ययातेर्ज्येष्ठपुत्रस्य यदोर्वंशं नरर्षभ
duṣmantaḥ sa punarbheje svavaṃśaṃ rājyakāmukaḥ yayāterjyeṣṭhaputrasya yadorvaṃśaṃ nararṣabha
Sanskrit only: no published translation is held for this verse.
वर्णयामि महापुण्यं सर्वपापहरं नृणाम् यदोर्वंशं नरः श्रुत्वा सर्वपापैः प्रमुच्यते
varṇayāmi mahāpuṇyaṃ sarvapāpaharaṃ nṛṇām yadorvaṃśaṃ naraḥ śrutvā sarvapāpaiḥ pramucyate
Sanskrit only: no published translation is held for this verse.
यत्रावतीर्णो भगवान् परमात्मा नराकृतिः यदोः सहस्रजित् क्रोष्टा नलो रिपुरिति श्रुताः
yatrāvatīrṇo bhagavān paramātmā narākṛtiḥ yadoḥ sahasrajit kroṣṭā nalo ripuriti śrutāḥ
Sanskrit only: no published translation is held for this verse.
चत्वारः सूनवस्तत्र शतजित् प्रथमात्मजः महाहयो रेणुहयो हैहयश्चेति तत्सुताः
catvāraḥ sūnavastatra śatajit prathamātmajaḥ mahāhayo reṇuhayo haihayaśceti tatsutāḥ
Sanskrit only: no published translation is held for this verse.
धर्मस्तु हैहयसुतो नेत्रः कुन्तेः पिता ततः सोहञ्जिरभवत् कुन्तेर्महिष्मान् भद्रसेनकः
dharmastu haihayasuto netraḥ kunteḥ pitā tataḥ sohañjirabhavat kuntermahiṣmān bhadrasenakaḥ
Sanskrit only: no published translation is held for this verse.
दुर्मदो भद्रसेनस्य धनकः कृतवीर्यसूः कृताग्निः कृतवर्मा च कृतौजा धनकात्मजाः
durmado bhadrasenasya dhanakaḥ kṛtavīryasūḥ kṛtāgniḥ kṛtavarmā ca kṛtaujā dhanakātmajāḥ
Sanskrit only: no published translation is held for this verse.
अर्जुनः कृतवीर्यस्य सप्तद्वीपेश्वरो ऽभवत् दत्तात्रेयाद्धरेरंशात् प्राप्तयोगमहागुणः
arjunaḥ kṛtavīryasya saptadvīpeśvaro 'bhavat dattātreyāddhareraṃśāt prāptayogamahāguṇaḥ
Sanskrit only: no published translation is held for this verse.
न नूनं कार्तवीर्यस्य गतिं यास्यन्ति पार्थिवाः यज्ञदानतपोयोगैः श्रुतवीर्यदयादिभिः
na nūnaṃ kārtavīryasya gatiṃ yāsyanti pārthivāḥ yajñadānatapoyogaiḥ śrutavīryadayādibhiḥ
Sanskrit only: no published translation is held for this verse.
पञ्चाशीति सहस्राणि ह्यव्याहतबलः समाः अनष्टवित्तस्मरणो बुभुजे ऽक्षय्यषड्वसु
pañcāśīti sahasrāṇi hyavyāhatabalaḥ samāḥ anaṣṭavittasmaraṇo bubhuje 'kṣayyaṣaḍvasu
Sanskrit only: no published translation is held for this verse.
तस्य पुत्रसहस्रेषु पञ्चैवोर्वरिता मृधे जयध्वजः शूरसेनो वृषभो मधुरूर्जितः
tasya putrasahasreṣu pañcaivorvaritā mṛdhe jayadhvajaḥ śūraseno vṛṣabho madhurūrjitaḥ
Sanskrit only: no published translation is held for this verse.
जयध्वजात् तालजङ्घस्तस्य पुत्रशतं त्व् अभूत् क्षत्रं यत् तालजङ्घाख्यमौर्वतेजोपसंहृतम्
jayadhvajāt tālajaṅghastasya putraśataṃ tv abhūt kṣatraṃ yat tālajaṅghākhyamaurvatejopasaṃhṛtam
Sanskrit only: no published translation is held for this verse.
तेषां ज्येष्ठो वीतिहोत्रो वृष्णिः पुत्रो मधोः स्मृतः तस्य पुत्रशतं त्व् आसीद्वृष्णिज्येष्ठं यतः कुलम्
teṣāṃ jyeṣṭho vītihotro vṛṣṇiḥ putro madhoḥ smṛtaḥ tasya putraśataṃ tv āsīdvṛṣṇijyeṣṭhaṃ yataḥ kulam
Sanskrit only: no published translation is held for this verse.
माधवा वृष्णयो राजन् यादवाश्चेति संज्ञिताः यदुपुत्रस्य च क्रोष्टोः पुत्रो वृजिनवांस्ततः
mādhavā vṛṣṇayo rājan yādavāśceti saṃjñitāḥ yaduputrasya ca kroṣṭoḥ putro vṛjinavāṃstataḥ
Sanskrit only: no published translation is held for this verse.
स्वाहितो ऽतो विषद्गुर्वै तस्य चित्ररथस्ततः शशबिन्दुर्महायोगी महाभागो महान् अभूत्
svāhito 'to viṣadgurvai tasya citrarathastataḥ śaśabindurmahāyogī mahābhāgo mahān abhūt
Sanskrit only: no published translation is held for this verse.
चतुर्दशमहारत्नश्चक्रवर्त्यपराजितः तस्य पत्नीसहस्राणां दशानां सुमहायशाः
caturdaśamahāratnaścakravartyaparājitaḥ tasya patnīsahasrāṇāṃ daśānāṃ sumahāyaśāḥ
Sanskrit only: no published translation is held for this verse.
दशलक्षसहस्राणि पुत्राणां तास्व् अजीजनत् तेषां तु षट् प्रधानानां पृथुश्रवस आत्मजः
daśalakṣasahasrāṇi putrāṇāṃ tāsv ajījanat teṣāṃ tu ṣaṭ pradhānānāṃ pṛthuśravasa ātmajaḥ
Sanskrit only: no published translation is held for this verse.
धर्मो नामोशना तस्य हयमेधशतस्य याट् तत्सुतो रुचकस्तस्य पञ्चासन्नात्मजाः शृणु
dharmo nāmośanā tasya hayamedhaśatasya yāṭ tatsuto rucakastasya pañcāsannātmajāḥ śṛṇu
Sanskrit only: no published translation is held for this verse.
पुरुजिद्रुक्मरुक्मेषु पृथुज्यामघसंज्ञिताः ज्यामघस्त्व् अप्रजो ऽप्यन्यां भार्यां शैब्यापतिर्भयात्
purujidrukmarukmeṣu pṛthujyāmaghasaṃjñitāḥ jyāmaghastv aprajo 'pyanyāṃ bhāryāṃ śaibyāpatirbhayāt
Sanskrit only: no published translation is held for this verse.
नाविन्दच् छत्रुभवनाद्भोज्यां कन्यामहारषीत् रथस्थां तां निरीक्ष्याह शैब्या पतिममर्षिता
nāvindac chatrubhavanādbhojyāṃ kanyāmahāraṣīt rathasthāṃ tāṃ nirīkṣyāha śaibyā patimamarṣitā
Sanskrit only: no published translation is held for this verse.
केयं कुहक मत्स्थानं रथमारोपितेति वै स्नुषा तवेत्यभिहिते स्मयन्ती पतिमब्रवीत्
keyaṃ kuhaka matsthānaṃ rathamāropiteti vai snuṣā tavetyabhihite smayantī patimabravīt
Sanskrit only: no published translation is held for this verse.
अहं बन्ध्यासपत्नी च स्नुषा मे युज्यते कथम् जनयिष्यसि यं राज्ञि तस्येयमुपयुज्यते
ahaṃ bandhyāsapatnī ca snuṣā me yujyate katham janayiṣyasi yaṃ rājñi tasyeyamupayujyate
Sanskrit only: no published translation is held for this verse.
अन्वमोदन्त तद्विश्वे देवाः पितर एव च शैब्या गर्भमधात् काले कुमारं सुषुवे शुभम् स विदर्भ इति प्रोक्त उपयेमे स्नुषां सतीम्
anvamodanta tadviśve devāḥ pitara eva ca śaibyā garbhamadhāt kāle kumāraṃ suṣuve śubham sa vidarbha iti prokta upayeme snuṣāṃ satīm
Sanskrit only: no published translation is held for this verse.