Library·Bhāgavata Purāṇa·9·9.24
श्रीशुक उवाच तस्यां विदर्भो ऽजनयत् पुत्रौ नाम्ना कुशक्रथौ तृतीयं रोमपादं च विदर्भकुलनन्दनम्
śrīśuka uvāca tasyāṃ vidarbho 'janayat putrau nāmnā kuśakrathau tṛtīyaṃ romapādaṃ ca vidarbhakulanandanam
Sanskrit only: no published translation is held for this verse.
रोमपादसुतो बभ्रुर्बभ्रोः कृतिरजायत उशिकस्तत्सुतस्तस्माच् चेदिश्चैद्यादयो नृपाः
romapādasuto babhrurbabhroḥ kṛtirajāyata uśikastatsutastasmāc cediścaidyādayo nṛpāḥ
Sanskrit only: no published translation is held for this verse.
क्रथस्य कुन्तिः पुत्रो ऽभूद् वृष्णिस्तस्याथ निर्वृतिः ततो दशार्हो नाम्नाभूत् तस्य व्योमः सुतस्ततः
krathasya kuntiḥ putro 'bhūd vṛṣṇistasyātha nirvṛtiḥ tato daśārho nāmnābhūt tasya vyomaḥ sutastataḥ
Sanskrit only: no published translation is held for this verse.
जीमूतो विकृतिस्तस्य यस्य भीमरथः सुतः ततो नवरथः पुत्रो जातो दशरथस्ततः
jīmūto vikṛtistasya yasya bhīmarathaḥ sutaḥ tato navarathaḥ putro jāto daśarathastataḥ
Sanskrit only: no published translation is held for this verse.
करम्भिः शकुनेः पुत्रो देवरातस्तदात्मजः देवक्षत्रस्ततस्तस्य मधुः कुरुवशादनुः
karambhiḥ śakuneḥ putro devarātastadātmajaḥ devakṣatrastatastasya madhuḥ kuruvaśādanuḥ
Sanskrit only: no published translation is held for this verse.
पुरुहोत्रस्त्व् अनोः पुत्रस्तस्यायुः सात्वतस्ततः भजमानो भजिर्दिव्यो वृष्णिर्देवावृधो ऽन्धकः
puruhotrastv anoḥ putrastasyāyuḥ sātvatastataḥ bhajamāno bhajirdivyo vṛṣṇirdevāvṛdho 'ndhakaḥ
Sanskrit only: no published translation is held for this verse.
सात्वतस्य सुताः सप्त महाभोजश्च मारिष भजमानस्य निम्लोचिः किङ्कणो धृष्टिरेव च
sātvatasya sutāḥ sapta mahābhojaśca māriṣa bhajamānasya nimlociḥ kiṅkaṇo dhṛṣṭireva ca
Sanskrit only: no published translation is held for this verse.
एकस्यामात्मजाः पत्न्यामन्यस्यां च त्रयः सुताः शताजिच् च सहस्राजिदयुताजिदिति प्रभो
ekasyāmātmajāḥ patnyāmanyasyāṃ ca trayaḥ sutāḥ śatājic ca sahasrājidayutājiditi prabho
Sanskrit only: no published translation is held for this verse.
बभ्रुर्देवावृधसुतस्तयोः श्लोकौ पठन्त्यमू यथैव शृणुमो दूरात् सम्पश्यामस्तथान्तिकात्
babhrurdevāvṛdhasutastayoḥ ślokau paṭhantyamū yathaiva śṛṇumo dūrāt sampaśyāmastathāntikāt
Sanskrit only: no published translation is held for this verse.
बभ्रुः श्रेष्ठो मनुष्याणां देवैर्देवावृधः समः पुरुषाः पञ्चषष्टिश्च षट्सहस्राणि चाष्ट च
babhruḥ śreṣṭho manuṣyāṇāṃ devairdevāvṛdhaḥ samaḥ puruṣāḥ pañcaṣaṣṭiśca ṣaṭsahasrāṇi cāṣṭa ca
Sanskrit only: no published translation is held for this verse.
ये ऽमृतत्वमनुप्राप्ता बभ्रोर्देवावृधादपि महाभोजो ऽतिधर्मात्मा भोजा आसंस्तदन्वये
ye 'mṛtatvamanuprāptā babhrordevāvṛdhādapi mahābhojo 'tidharmātmā bhojā āsaṃstadanvaye
Sanskrit only: no published translation is held for this verse.
वृष्णेः सुमित्रः पुत्रो ऽभूद्युधाजिच् च परन्तप शिनिस्तस्यानमित्रश्च निघ्नो ऽभूदनमित्रतः
vṛṣṇeḥ sumitraḥ putro 'bhūdyudhājic ca parantapa śinistasyānamitraśca nighno 'bhūdanamitrataḥ
Sanskrit only: no published translation is held for this verse.
सत्राजितः प्रसेनश्च निघ्नस्याथासतुः सुतौ अनमित्रसुतो यो ऽन्यः शिनिस्तस्य च सत्यकः
satrājitaḥ prasenaśca nighnasyāthāsatuḥ sutau anamitrasuto yo 'nyaḥ śinistasya ca satyakaḥ
Sanskrit only: no published translation is held for this verse.
युयुधानः सात्यकिर्वै जयस्तस्य कुणिस्ततः युगन्धरो ऽनमित्रस्य वृष्णिः पुत्रो ऽपरस्ततः
yuyudhānaḥ sātyakirvai jayastasya kuṇistataḥ yugandharo 'namitrasya vṛṣṇiḥ putro 'parastataḥ
Sanskrit only: no published translation is held for this verse.
श्वफल्कश्चित्ररथश्च गान्दिन्यां च श्वफल्कतः अक्रूरप्रमुखा आसन् पुत्रा द्वादश विश्रुताः
śvaphalkaścitrarathaśca gāndinyāṃ ca śvaphalkataḥ akrūrapramukhā āsan putrā dvādaśa viśrutāḥ
Sanskrit only: no published translation is held for this verse.
आसङ्गः सारमेयश्च मृदुरो मृदुविद्गिरिः धर्मवृद्धः सुकर्मा च क्षेत्रोपेक्षो ऽरिमर्दनः
āsaṅgaḥ sārameyaśca mṛduro mṛduvidgiriḥ dharmavṛddhaḥ sukarmā ca kṣetropekṣo 'rimardanaḥ
Sanskrit only: no published translation is held for this verse.
शत्रुघ्नो गन्धमादश्च प्रतिबाहुश्च द्वादश तेषां स्वसा सुचाराख्या द्वाव् अक्रूरसुताव् अपि
śatrughno gandhamādaśca pratibāhuśca dvādaśa teṣāṃ svasā sucārākhyā dvāv akrūrasutāv api
Sanskrit only: no published translation is held for this verse.
देववान् उपदेवश्च तथा चित्ररथात्मजाः पृथुर्विदूरथाद्याश्च बहवो वृष्णिनन्दनाः
devavān upadevaśca tathā citrarathātmajāḥ pṛthurvidūrathādyāśca bahavo vṛṣṇinandanāḥ
Sanskrit only: no published translation is held for this verse.
कुकुरो भजमानश्च शुचिः कम्बलबर्हिषः कुकुरस्य सुतो वह्निर्विलोमा तनयस्ततः
kukuro bhajamānaśca śuciḥ kambalabarhiṣaḥ kukurasya suto vahnirvilomā tanayastataḥ
Sanskrit only: no published translation is held for this verse.
कपोतरोमा तस्यानुः सखा यस्य च तुम्बुरुः अन्धकाद्दुन्दुभिस्तस्मादविद्योतः पुनर्वसुः
kapotaromā tasyānuḥ sakhā yasya ca tumburuḥ andhakāddundubhistasmādavidyotaḥ punarvasuḥ
Sanskrit only: no published translation is held for this verse.
तस्याहुकश्चाहुकी च कन्या चैवाहुकात्मजौ देवकश्चोग्रसेनश्च चत्वारो देवकात्मजाः
tasyāhukaścāhukī ca kanyā caivāhukātmajau devakaścograsenaśca catvāro devakātmajāḥ
Sanskrit only: no published translation is held for this verse.
देववान् उपदेवश्च सुदेवो देववर्धनः तेषां स्वसारः सप्तासन् धृतदेवादयो नृप
devavān upadevaśca sudevo devavardhanaḥ teṣāṃ svasāraḥ saptāsan dhṛtadevādayo nṛpa
Sanskrit only: no published translation is held for this verse.
शान्तिदेवोपदेवा च श्रीदेवा देवरक्षिता सहदेवा देवकी च वसुदेव उवाह ताः
śāntidevopadevā ca śrīdevā devarakṣitā sahadevā devakī ca vasudeva uvāha tāḥ
Sanskrit only: no published translation is held for this verse.
कंसः सुनामा न्यग्रोधः कङ्कः शङ्कुः सुहूस्तथा राष्ट्रपालो ऽथ धृष्टिश्च तुष्टिमान् औग्रसेनयः
kaṃsaḥ sunāmā nyagrodhaḥ kaṅkaḥ śaṅkuḥ suhūstathā rāṣṭrapālo 'tha dhṛṣṭiśca tuṣṭimān augrasenayaḥ
Sanskrit only: no published translation is held for this verse.
कंसा कंसवती कङ्का शूरभू राष्ट्रपालिका उग्रसेनदुहितरो वसुदेवानुजस्त्रियः
kaṃsā kaṃsavatī kaṅkā śūrabhū rāṣṭrapālikā ugrasenaduhitaro vasudevānujastriyaḥ
Sanskrit only: no published translation is held for this verse.
शूरो विदूरथादासीद्भजमानस्तु तत्सुतः शिनिस्तस्मात् स्वयं भोजो हृदिकस्तत्सुतो मतः
śūro vidūrathādāsīdbhajamānastu tatsutaḥ śinistasmāt svayaṃ bhojo hṛdikastatsuto mataḥ
Sanskrit only: no published translation is held for this verse.
देवमीढः शतधनुः कृतवर्मेति तत्सुताः देवमीढस्य शूरस्य मारिषा नाम पत्न्यभूत्
devamīḍhaḥ śatadhanuḥ kṛtavarmeti tatsutāḥ devamīḍhasya śūrasya māriṣā nāma patnyabhūt
Sanskrit only: no published translation is held for this verse.
तस्यां स जनयामास दश पुत्रान् अकल्मषान् वसुदेवं देवभागं देवश्रवसमानकम्
tasyāṃ sa janayāmāsa daśa putrān akalmaṣān vasudevaṃ devabhāgaṃ devaśravasamānakam
Sanskrit only: no published translation is held for this verse.
सृञ्जयं श्यामकं कङ्कं शमीकं वत्सकं वृकम् देवदुन्दुभयो नेदुरानका यस्य जन्मनि
sṛñjayaṃ śyāmakaṃ kaṅkaṃ śamīkaṃ vatsakaṃ vṛkam devadundubhayo nedurānakā yasya janmani
Sanskrit only: no published translation is held for this verse.
वसुदेवं हरेः स्थानं वदन्त्यानकदुन्दुभिम् पृथा च श्रुतदेवा च श्रुतकीर्तिः श्रुतश्रवाः
vasudevaṃ hareḥ sthānaṃ vadantyānakadundubhim pṛthā ca śrutadevā ca śrutakīrtiḥ śrutaśravāḥ
Sanskrit only: no published translation is held for this verse.
राजाधिदेवी चैतेषां भगिन्यः पञ्च कन्यकाः कुन्तेः सख्युः पिता शूरो ह्यपुत्रस्य पृथामदात्
rājādhidevī caiteṣāṃ bhaginyaḥ pañca kanyakāḥ kunteḥ sakhyuḥ pitā śūro hyaputrasya pṛthāmadāt
Sanskrit only: no published translation is held for this verse.
साप दुर्वाससो विद्यां देवहूतीं प्रतोषितात् तस्या वीर्यपरीक्षार्थमाजुहाव रविं शुचिः
sāpa durvāsaso vidyāṃ devahūtīṃ pratoṣitāt tasyā vīryaparīkṣārthamājuhāva raviṃ śuciḥ
Sanskrit only: no published translation is held for this verse.
तदैवोपागतं देवं वीक्ष्य विस्मितमानसा प्रत्ययार्थं प्रयुक्ता मे याहि देव क्षमस्व मे
tadaivopāgataṃ devaṃ vīkṣya vismitamānasā pratyayārthaṃ prayuktā me yāhi deva kṣamasva me
Sanskrit only: no published translation is held for this verse.
अमोघं देवसन्दर्शमादधे त्वयि चात्मजम् योनिर्यथा न दुष्येत कर्ताहं ते सुमध्यमे
amoghaṃ devasandarśamādadhe tvayi cātmajam yoniryathā na duṣyeta kartāhaṃ te sumadhyame
Sanskrit only: no published translation is held for this verse.
इति तस्यां स आधाय गर्भं सूर्यो दिवं गतः सद्यः कुमारः सञ्जज्ञे द्वितीय इव भास्करः
iti tasyāṃ sa ādhāya garbhaṃ sūryo divaṃ gataḥ sadyaḥ kumāraḥ sañjajñe dvitīya iva bhāskaraḥ
Sanskrit only: no published translation is held for this verse.
तं सात्यजन् नदीतोये कृच्छ्राल् लोकस्य बिभ्यती प्रपितामहस्तामुवाह पाण्डुर्वै सत्यविक्रमः
taṃ sātyajan nadītoye kṛcchrāl lokasya bibhyatī prapitāmahastāmuvāha pāṇḍurvai satyavikramaḥ
Sanskrit only: no published translation is held for this verse.
श्रुतदेवां तु कारूषो वृद्धशर्मा समग्रहीत् यस्यामभूद्दन्तवक्र ऋषिशप्तो दितेः सुतः
śrutadevāṃ tu kārūṣo vṛddhaśarmā samagrahīt yasyāmabhūddantavakra ṛṣiśapto diteḥ sutaḥ
Sanskrit only: no published translation is held for this verse.
कैकेयो धृष्टकेतुश्च श्रुतकीर्तिमविन्दत सन्तर्दनादयस्तस्यां पञ्चासन् कैकयाः सुताः
kaikeyo dhṛṣṭaketuśca śrutakīrtimavindata santardanādayastasyāṃ pañcāsan kaikayāḥ sutāḥ
Sanskrit only: no published translation is held for this verse.
राजाधिदेव्यामावन्त्यौ जयसेनो ऽजनिष्ट ह दमघोषश्चेदिराजः श्रुतश्रवसमग्रहीत्
rājādhidevyāmāvantyau jayaseno 'janiṣṭa ha damaghoṣaścedirājaḥ śrutaśravasamagrahīt
Sanskrit only: no published translation is held for this verse.
शिशुपालः सुतस्तस्याः कथितस्तस्य सम्भवः देवभागस्य कंसायां चित्रकेतुबृहद्बलौ
śiśupālaḥ sutastasyāḥ kathitastasya sambhavaḥ devabhāgasya kaṃsāyāṃ citraketubṛhadbalau
Sanskrit only: no published translation is held for this verse.
कंसवत्यां देवश्रवसः सुवीर इषुमांस्तथा बकः कङ्कात् तु कङ्कायां सत्यजित् पुरुजित् तथा
kaṃsavatyāṃ devaśravasaḥ suvīra iṣumāṃstathā bakaḥ kaṅkāt tu kaṅkāyāṃ satyajit purujit tathā
Sanskrit only: no published translation is held for this verse.
सृञ्जयो राष्ट्रपाल्यां च वृषदुर्मर्षणादिकान् हरिकेशहिरण्याक्षौ शूरभूम्यां च श्यामकः
sṛñjayo rāṣṭrapālyāṃ ca vṛṣadurmarṣaṇādikān harikeśahiraṇyākṣau śūrabhūmyāṃ ca śyāmakaḥ
Sanskrit only: no published translation is held for this verse.
मिश्रकेश्यामप्सरसि वृकादीन् वत्सकस्तथा तक्षपुष्करशालादीन् दुर्वाक्ष्यां वृक आदधे
miśrakeśyāmapsarasi vṛkādīn vatsakastathā takṣapuṣkaraśālādīn durvākṣyāṃ vṛka ādadhe
Sanskrit only: no published translation is held for this verse.
सुमित्रार्जुनपालादीन् समीकात् तु सुदामनी आनकः कर्णिकायां वै ऋतधामाजयाव् अपि
sumitrārjunapālādīn samīkāt tu sudāmanī ānakaḥ karṇikāyāṃ vai ṛtadhāmājayāv api
Sanskrit only: no published translation is held for this verse.
पौरवी रोहिणी भद्रा मदिरा रोचना इला देवकीप्रमुखाश्चासन् पत्न्य आनकदुन्दुभेः
pauravī rohiṇī bhadrā madirā rocanā ilā devakīpramukhāścāsan patnya ānakadundubheḥ
Sanskrit only: no published translation is held for this verse.
बलं गदं सारणं च दुर्मदं विपुलं ध्रुवम् वसुदेवस्तु रोहिण्यां कृतादीन् उदपादयत्
balaṃ gadaṃ sāraṇaṃ ca durmadaṃ vipulaṃ dhruvam vasudevastu rohiṇyāṃ kṛtādīn udapādayat
Sanskrit only: no published translation is held for this verse.
सुभद्रो भद्रबाहुश्च दुर्मदो भद्र एव च पौरव्यास्तनया ह्येते भूताद्या द्वादशाभवन्
subhadro bhadrabāhuśca durmado bhadra eva ca pauravyāstanayā hyete bhūtādyā dvādaśābhavan
Sanskrit only: no published translation is held for this verse.
नन्दोपनन्दकृतक शूराद्या मदिरात्मजाः कौशल्या केशिनं त्व् एकमसूत कुलनन्दनम्
nandopanandakṛtaka śūrādyā madirātmajāḥ kauśalyā keśinaṃ tv ekamasūta kulanandanam
Sanskrit only: no published translation is held for this verse.
रोचनायामतो जाता हस्तहेमाङ्गदादयः इलायामुरुवल्कादीन् यदुमुख्यान् अजीजनत्
rocanāyāmato jātā hastahemāṅgadādayaḥ ilāyāmuruvalkādīn yadumukhyān ajījanat
Sanskrit only: no published translation is held for this verse.
विपृष्ठो धृतदेवायामेक आनकदुन्दुभेः शान्तिदेवात्मजा राजन् प्रशमप्रसितादयः
vipṛṣṭho dhṛtadevāyāmeka ānakadundubheḥ śāntidevātmajā rājan praśamaprasitādayaḥ
Sanskrit only: no published translation is held for this verse.
राजन्यकल्पवर्षाद्या उपदेवासुता दश वसुहंससुवंशाद्याः श्रीदेवायास्तु षट् सुताः
rājanyakalpavarṣādyā upadevāsutā daśa vasuhaṃsasuvaṃśādyāḥ śrīdevāyāstu ṣaṭ sutāḥ
Sanskrit only: no published translation is held for this verse.
देवरक्षितया लब्धा नव चात्र गदादयः वसुदेवः सुतान् अष्टाव् आदधे सहदेवया
devarakṣitayā labdhā nava cātra gadādayaḥ vasudevaḥ sutān aṣṭāv ādadhe sahadevayā
Sanskrit only: no published translation is held for this verse.
प्रवरश्रुतमुख्यांश्च साक्षाद्धर्मो वसून् इव वसुदेवस्तु देवक्यामष्ट पुत्रान् अजीजनत्
pravaraśrutamukhyāṃśca sākṣāddharmo vasūn iva vasudevastu devakyāmaṣṭa putrān ajījanat
Sanskrit only: no published translation is held for this verse.
कीर्तिमन्तं सुषेणं च भद्रसेनमुदारधीः ऋजुं सम्मर्दनं भद्रं सङ्कर्षणमहीश्वरम्
kīrtimantaṃ suṣeṇaṃ ca bhadrasenamudāradhīḥ ṛjuṃ sammardanaṃ bhadraṃ saṅkarṣaṇamahīśvaram
Sanskrit only: no published translation is held for this verse.
अष्टमस्तु तयोरासीत् स्वयमेव हरिः किल सुभद्रा च महाभागा तव राजन् पितामही
aṣṭamastu tayorāsīt svayameva hariḥ kila subhadrā ca mahābhāgā tava rājan pitāmahī
Sanskrit only: no published translation is held for this verse.
यदा यदा हि धर्मस्य क्षयो वृद्धिश्च पाप्मनः तदा तु भगवान् ईश आत्मानं सृजते हरिः
yadā yadā hi dharmasya kṣayo vṛddhiśca pāpmanaḥ tadā tu bhagavān īśa ātmānaṃ sṛjate hariḥ
Sanskrit only: no published translation is held for this verse.
न ह्यस्य जन्मनो हेतुः कर्मणो वा महीपते आत्ममायां विनेशस्य परस्य द्रष्टुरात्मनः
na hyasya janmano hetuḥ karmaṇo vā mahīpate ātmamāyāṃ vineśasya parasya draṣṭurātmanaḥ
Sanskrit only: no published translation is held for this verse.
यन् मायाचेष्टितं पुंसः स्थित्युत्पत्त्यप्ययाय हि अनुग्रहस्तन्निवृत्तेरात्मलाभाय चेष्यते
yan māyāceṣṭitaṃ puṃsaḥ sthityutpattyapyayāya hi anugrahastannivṛtterātmalābhāya ceṣyate
Sanskrit only: no published translation is held for this verse.
अक्षौहिणीनां पतिभिरसुरैर्नृपलाञ्छनैः भुव आक्रम्यमाणाया अभाराय कृतोद्यमः
akṣauhiṇīnāṃ patibhirasurairnṛpalāñchanaiḥ bhuva ākramyamāṇāyā abhārāya kṛtodyamaḥ
Sanskrit only: no published translation is held for this verse.
कर्माण्यपरिमेयाणि मनसापि सुरेश्वरैः सहसङ्कर्षणश्चक्रे भगवान् मधुसूदनः
karmāṇyaparimeyāṇi manasāpi sureśvaraiḥ sahasaṅkarṣaṇaścakre bhagavān madhusūdanaḥ
Sanskrit only: no published translation is held for this verse.
कलौ जनिष्यमाणानां दुःखशोकतमोनुदम् अनुग्रहाय भक्तानां सुपुण्यं व्यतनोद्यशः
kalau janiṣyamāṇānāṃ duḥkhaśokatamonudam anugrahāya bhaktānāṃ supuṇyaṃ vyatanodyaśaḥ
Sanskrit only: no published translation is held for this verse.
यस्मिन् सत्कर्णपीयुषे यशस्तीर्थवरे सकृत् श्रोत्राञ्जलिरुपस्पृश्य धुनुते कर्मवासनाम्
yasmin satkarṇapīyuṣe yaśastīrthavare sakṛt śrotrāñjalirupaspṛśya dhunute karmavāsanām
Sanskrit only: no published translation is held for this verse.
भोजवृष्ण्यन्धकमधु शूरसेनदशार्हकैः श्लाघनीयेहितः शश्वत् कुरुसृञ्जयपाण्डुभिः
bhojavṛṣṇyandhakamadhu śūrasenadaśārhakaiḥ ślāghanīyehitaḥ śaśvat kurusṛñjayapāṇḍubhiḥ
Sanskrit only: no published translation is held for this verse.
स्निग्धस्मितेक्षितोदारैर्वाक्यैर्विक्रमलीलया नृलोकं रमयामास मूर्त्या सर्वाङ्गरम्यया
snigdhasmitekṣitodārairvākyairvikramalīlayā nṛlokaṃ ramayāmāsa mūrtyā sarvāṅgaramyayā
Sanskrit only: no published translation is held for this verse.
यस्याननं मकरकुण्डलचारुकर्ण भ्राजत्कपोलसुभगं सविलासहासम् नित्योत्सवं न ततृपुर्दृशिभिः पिबन्त्यो नार्यो नराश्च मुदिताः कुपिता निमेश्च
yasyānanaṃ makarakuṇḍalacārukarṇa bhrājatkapolasubhagaṃ savilāsahāsam nityotsavaṃ na tatṛpurdṛśibhiḥ pibantyo nāryo narāśca muditāḥ kupitā nimeśca
Sanskrit only: no published translation is held for this verse.
जातो गतः पितृगृहाद्व्रजमेधितार्थो हत्वा रिपून् सुतशतानि कृतोरुदारः उत्पाद्य तेषु पुरुषः क्रतुभिः समीजे आत्मानमात्मनिगमं प्रथयन् जनेषु
jāto gataḥ pitṛgṛhādvrajamedhitārtho hatvā ripūn sutaśatāni kṛtorudāraḥ utpādya teṣu puruṣaḥ kratubhiḥ samīje ātmānamātmanigamaṃ prathayan janeṣu
Sanskrit only: no published translation is held for this verse.
पृथ्व्याः स वै गुरुभरं क्षपयन् कुरूणामन्तःसमुत्थकलिना युधि भूपचम्वः दृष्ट्या विधूय विजये जयमुद्विघोष्य प्रोच्योद्धवाय च परं समगात् स्वधाम
pṛthvyāḥ sa vai gurubharaṃ kṣapayan kurūṇāmantaḥsamutthakalinā yudhi bhūpacamvaḥ dṛṣṭyā vidhūya vijaye jayamudvighoṣya procyoddhavāya ca paraṃ samagāt svadhāma
Sanskrit only: no published translation is held for this verse.