Bhāgavata Purāṇa 9.8

श्रीशुक उवाच हरितो रोहितसुतश्चम्पस्तस्माद्विनिर्मिता चम्पापुरी सुदेवो ऽतो विजयो यस्य चात्मजः

śrīśuka uvāca harito rohitasutaścampastasmādvinirmitā campāpurī sudevo 'to vijayo yasya cātmajaḥ

Sanskrit only: no published translation is held for this verse.

भरुकस्तत्सुतस्तस्माद्वृकस्तस्यापि बाहुकः सो ऽरिभिर्हृतभू राजा सभार्यो वनमाविशत्

bharukastatsutastasmādvṛkastasyāpi bāhukaḥ so 'ribhirhṛtabhū rājā sabhāryo vanamāviśat

Sanskrit only: no published translation is held for this verse.

वृद्धं तं पञ्चतां प्राप्तं महिष्यनुमरिष्यती और्वेण जानतात्मानं प्रजावन्तं निवारिता

vṛddhaṃ taṃ pañcatāṃ prāptaṃ mahiṣyanumariṣyatī aurveṇa jānatātmānaṃ prajāvantaṃ nivāritā

Sanskrit only: no published translation is held for this verse.

आज्ञायास्यै सपत्नीभिर्गरो दत्तो ऽन्धसा सह सह तेनैव सञ्जातः सगराख्यो महायशाः

ājñāyāsyai sapatnībhirgaro datto 'ndhasā saha saha tenaiva sañjātaḥ sagarākhyo mahāyaśāḥ

Sanskrit only: no published translation is held for this verse.

सगरश्चक्रवर्त्यासीत् सागरो यत्सुतैः कृतः यस्तालजङ्घान् यवनाञ् छकान् हैहयबर्बरान्

sagaraścakravartyāsīt sāgaro yatsutaiḥ kṛtaḥ yastālajaṅghān yavanāñ chakān haihayabarbarān

Sanskrit only: no published translation is held for this verse.

नावधीद्गुरुवाक्येन चक्रे विकृतवेषिणः मुण्डान् छ्मश्रुधरान् कांश्चिन् मुक्तकेशार्धमुण्डितान्

nāvadhīdguruvākyena cakre vikṛtaveṣiṇaḥ muṇḍān chmaśrudharān kāṃścin muktakeśārdhamuṇḍitān

Sanskrit only: no published translation is held for this verse.

अनन्तर्वाससः कांश्चिदबहिर्वाससो ऽपरान् सो ऽश्वमेधैरयजत सर्ववेदसुरात्मकम्

anantarvāsasaḥ kāṃścidabahirvāsaso 'parān so 'śvamedhairayajata sarvavedasurātmakam

Sanskrit only: no published translation is held for this verse.

और्वोपदिष्टयोगेन हरिमात्मानमीश्वरम् तस्योत्सृष्टं पशुं यज्ञे जहाराश्वं पुरन्दरः

aurvopadiṣṭayogena harimātmānamīśvaram tasyotsṛṣṭaṃ paśuṃ yajñe jahārāśvaṃ purandaraḥ

Sanskrit only: no published translation is held for this verse.

सुमत्यास्तनया दृप्ताः पितुरादेशकारिणः हयमन्वेषमाणास्ते समन्तान् न्यखनन् महीम्

sumatyāstanayā dṛptāḥ piturādeśakāriṇaḥ hayamanveṣamāṇāste samantān nyakhanan mahīm

Sanskrit only: no published translation is held for this verse.

प्रागुदीच्यां दिशि हयं ददृशुः कपिलान्तिके एष वाजिहरश्चौर आस्ते मीलितलोचनः

prāgudīcyāṃ diśi hayaṃ dadṛśuḥ kapilāntike eṣa vājiharaścaura āste mīlitalocanaḥ

Sanskrit only: no published translation is held for this verse.

हन्यतां हन्यतां पाप इति षष्टिसहस्रिणः उदायुधा अभिययुरुन्मिमेष तदा मुनिः

hanyatāṃ hanyatāṃ pāpa iti ṣaṣṭisahasriṇaḥ udāyudhā abhiyayurunmimeṣa tadā muniḥ

Sanskrit only: no published translation is held for this verse.

स्वशरीराग्निना तावन् महेन्द्रहृतचेतसः महद्व्यतिक्रमहता भस्मसादभवन् क्षणात्

svaśarīrāgninā tāvan mahendrahṛtacetasaḥ mahadvyatikramahatā bhasmasādabhavan kṣaṇāt

Sanskrit only: no published translation is held for this verse.

न साधुवादो मुनिकोपभर्जिता नृपेन्द्रपुत्रा इति सत्त्वधामनि कथं तमो रोषमयं विभाव्यते जगत्पवित्रात्मनि खे रजो भुवः

na sādhuvādo munikopabharjitā nṛpendraputrā iti sattvadhāmani kathaṃ tamo roṣamayaṃ vibhāvyate jagatpavitrātmani khe rajo bhuvaḥ

Sanskrit only: no published translation is held for this verse.

यस्येरिता साङ्ख्यमयी दृढेह नौर् यया मुमुक्षुस्तरते दुरत्ययम् भवार्णवं मृत्युपथं विपश्चितः परात्मभूतस्य कथं पृथङ्मतिः

yasyeritā sāṅkhyamayī dṛḍheha naur yayā mumukṣustarate duratyayam bhavārṇavaṃ mṛtyupathaṃ vipaścitaḥ parātmabhūtasya kathaṃ pṛthaṅmatiḥ

Sanskrit only: no published translation is held for this verse.

यो ऽसमञ्जस इत्युक्तः स केशिन्या नृपात्मजः तस्य पुत्रो ऽंशुमान् नाम पितामहहिते रतः

yo 'samañjasa ityuktaḥ sa keśinyā nṛpātmajaḥ tasya putro 'ṃśumān nāma pitāmahahite rataḥ

Sanskrit only: no published translation is held for this verse.

असमञ्जस आत्मानं दर्शयन्नसमञ्जसम् जातिस्मरः पुरा सङ्गाद्योगी योगाद्विचालितः

asamañjasa ātmānaṃ darśayannasamañjasam jātismaraḥ purā saṅgādyogī yogādvicālitaḥ

Sanskrit only: no published translation is held for this verse.

आचरन् गर्हितं लोके ज्ञातीनां कर्म विप्रियम् सरय्वां क्रीडतो बालान् प्रास्यदुद्वेजयन् जनम्

ācaran garhitaṃ loke jñātīnāṃ karma vipriyam sarayvāṃ krīḍato bālān prāsyadudvejayan janam

Sanskrit only: no published translation is held for this verse.

एवं वृत्तः परित्यक्तः पित्रा स्नेहमपोह्य वै योगैश्वर्येण बालांस्तान् दर्शयित्वा ततो ययौ

evaṃ vṛttaḥ parityaktaḥ pitrā snehamapohya vai yogaiśvaryeṇa bālāṃstān darśayitvā tato yayau

Sanskrit only: no published translation is held for this verse.

अयोध्यावासिनः सर्वे बालकान् पुनरागतान् दृष्ट्वा विसिस्मिरे राजन् राजा चाप्यन्वतप्यत

ayodhyāvāsinaḥ sarve bālakān punarāgatān dṛṣṭvā visismire rājan rājā cāpyanvatapyata

Sanskrit only: no published translation is held for this verse.

अंशुमांश्चोदितो राज्ञा तुरगान्वेषणे ययौ पितृव्यखातानुपथं भस्मान्ति ददृशे हयम्

aṃśumāṃścodito rājñā turagānveṣaṇe yayau pitṛvyakhātānupathaṃ bhasmānti dadṛśe hayam

Sanskrit only: no published translation is held for this verse.

तत्रासीनं मुनिं वीक्ष्य कपिलाख्यमधोक्षजम् अस्तौत् समाहितमनाः प्राञ्जलिः प्रणतो महान्

tatrāsīnaṃ muniṃ vīkṣya kapilākhyamadhokṣajam astaut samāhitamanāḥ prāñjaliḥ praṇato mahān

Sanskrit only: no published translation is held for this verse.

अंशुमान् उवाच न पश्यति त्वां परमात्मनो ऽजनो न बुध्यते ऽद्यापि समाधियुक्तिभिः कुतो ऽपरे तस्य मनःशरीरधी विसर्गसृष्टा वयमप्रकाशाः

aṃśumān uvāca na paśyati tvāṃ paramātmano 'jano na budhyate 'dyāpi samādhiyuktibhiḥ kuto 'pare tasya manaḥśarīradhī visargasṛṣṭā vayamaprakāśāḥ

Sanskrit only: no published translation is held for this verse.

ये देहभाजस्त्रिगुणप्रधाना गुणान् विपश्यन्त्युत वा तमश्च यन्मायया मोहितचेतसस्त्वां विदुः स्वसंस्थं न बहिःप्रकाशाः

ye dehabhājastriguṇapradhānā guṇān vipaśyantyuta vā tamaśca yanmāyayā mohitacetasastvāṃ viduḥ svasaṃsthaṃ na bahiḥprakāśāḥ

Sanskrit only: no published translation is held for this verse.

तं त्वां अहं ज्ञानघनं स्वभाव प्रध्वस्तमायागुणभेदमोहैः सनन्दनाद्यैर्मुनिभिर्विभाव्यं कथं विमूढः परिभावयामि

taṃ tvāṃ ahaṃ jñānaghanaṃ svabhāva pradhvastamāyāguṇabhedamohaiḥ sanandanādyairmunibhirvibhāvyaṃ kathaṃ vimūḍhaḥ paribhāvayāmi

Sanskrit only: no published translation is held for this verse.

प्रशान्त मायागुणकर्मलिङ्गम् अनामरूपं सदसद्विमुक्तम् ज्ञानोपदेशाय गृहीतदेहं नमामहे त्वां पुरुषं पुराणम्

praśānta māyāguṇakarmaliṅgam anāmarūpaṃ sadasadvimuktam jñānopadeśāya gṛhītadehaṃ namāmahe tvāṃ puruṣaṃ purāṇam

Sanskrit only: no published translation is held for this verse.

त्वन्मायारचिते लोके वस्तुबुद्ध्या गृहादिषु भ्रमन्ति कामलोभेर्ष्या मोहविभ्रान्तचेतसः

tvanmāyāracite loke vastubuddhyā gṛhādiṣu bhramanti kāmalobherṣyā mohavibhrāntacetasaḥ

Sanskrit only: no published translation is held for this verse.

अद्य नः सर्वभूतात्मन् कामकर्मेन्द्रियाशयः मोहपाशो दृढश्छिन्नो भगवंस्तव दर्शनात्

adya naḥ sarvabhūtātman kāmakarmendriyāśayaḥ mohapāśo dṛḍhaśchinno bhagavaṃstava darśanāt

Sanskrit only: no published translation is held for this verse.

श्रीशुक उवाच इत्थं गीतानुभावस्तं भगवान् कपिलो मुनिः अंशुमन्तमुवाचेदमनुग्राह्य धिया नृप

śrīśuka uvāca itthaṃ gītānubhāvastaṃ bhagavān kapilo muniḥ aṃśumantamuvācedamanugrāhya dhiyā nṛpa

Sanskrit only: no published translation is held for this verse.

श्रीभगवान् उवाच अश्वो ऽयं नीयतां वत्स पितामहपशुस्तव इमे च पितरो दग्धा गङ्गाम्भो ऽर्हन्ति नेतरत्

śrībhagavān uvāca aśvo 'yaṃ nīyatāṃ vatsa pitāmahapaśustava ime ca pitaro dagdhā gaṅgāmbho 'rhanti netarat

Sanskrit only: no published translation is held for this verse.

तं परिक्रम्य शिरसा प्रसाद्य हयमानयत् सगरस्तेन पशुना यज्ञशेषं समापयत्

taṃ parikramya śirasā prasādya hayamānayat sagarastena paśunā yajñaśeṣaṃ samāpayat

Sanskrit only: no published translation is held for this verse.

राज्यमंशुमते न्यस्य निःस्पृहो मुक्तबन्धनः और्वोपदिष्टमार्गेण लेभे गतिमनुत्तमाम्

rājyamaṃśumate nyasya niḥspṛho muktabandhanaḥ aurvopadiṣṭamārgeṇa lebhe gatimanuttamām

Sanskrit only: no published translation is held for this verse.