पुनर्विचिन्त्य धर्मात्मा यजमानो मुदान्वितः । शक्तिलोभमकृत्वैव करोति विभवान्तरम्
punarvicintya dharmātmā yajamāno mudānvitaḥ / śaktilobhamakṛtvaiva karoti vibhavāntaram
Sanskrit only: no published translation is held for this verse.
Bhrgu-Samhita 12
पञ्चपर्वसु संक्रान्तौ पुण्याहेष्वितरेषु च । विशेष पूजनार्थञ्च हविरर्थं च यत्नतः
pañcaparvasu saṃkrāntau puṇyāheṣvitareṣu ca / viśeṣa pūjanārthañca havirarthaṃ ca yatnataḥ
Sanskrit only: no published translation is held for this verse.
स्नपनार्थं चोत्सवार्थं प्रायश्चित्तार्थमेव च । नटनर्तकदासीनाङ्गायकानां चशक्तितः
snapanārthaṃ cotsavārthaṃ prāyaścittārthameva ca / naṭanartakadāsīnāṅgāyakānāṃ caśaktitaḥ
Sanskrit only: no published translation is held for this verse.
विद्यार्थिनां च भक्तानामन्यस्य विभवस्य च । वृत्तिं तुपरिकल्प्यैव भूरूपां पुरतो हरेः
vidyārthināṃ ca bhaktānāmanyasya vibhavasya ca / vṛttiṃ tuparikalpyaiva bhūrūpāṃ purato hareḥ
Sanskrit only: no published translation is held for this verse.
ददात्याचार्यहस्ते तु मन्त्रोदकपुरस्सरम् । अन्येषां विभवानां चतथैवान्यपदार्थिनाम्
dadātyācāryahaste tu mantrodakapurassaram / anyeṣāṃ vibhavānāṃ catathaivānyapadārthinām
Sanskrit only: no published translation is held for this verse.
तत्तन्नाम्नैव भूम्यादिं दापयेद्देशिकोत्तमः । आचार्यस्यापि तन्नाम्ना कल्पयेद्वृत्तिमुत्तमाम्
tattannāmnaiva bhūmyādiṃ dāpayeddeśikottamaḥ / ācāryasyāpi tannāmnā kalpayedvṛttimuttamām
Sanskrit only: no published translation is held for this verse.
एवं यः कुरुते भक्त्या ऐहिकामुष्मिकं फलम् । पशुभृत्यादिभोगांश्च वाहनादीन् विशेषतः
evaṃ yaḥ kurute bhaktyā aihikāmuṣmikaṃ phalam / paśubhṛtyādibhogāṃśca vāhanādīn viśeṣataḥ
Sanskrit only: no published translation is held for this verse.
सुवर्णरत्नधान्यादीनत्यन्तं समवाप्नुयात् । तस्य कायकृतं पापं तत्क्षणादेव नश्यति
suvarṇaratnadhānyādīnatyantaṃ samavāpnuyāt / tasya kāyakṛtaṃ pāpaṃ tatkṣaṇādeva naśyati
Sanskrit only: no published translation is held for this verse.
यं यं कामयते सर्वन्तं तमाप्नोत्यसंशयम् । पूर्वजातिगतास्तस्य पितरः पितुरन्वये
yaṃ yaṃ kāmayate sarvantaṃ tamāpnotyasaṃśayam / pūrvajātigatāstasya pitaraḥ pituranvaye
Sanskrit only: no published translation is held for this verse.
मातृपक्षे च येजातास्तस्य मातामहादयः । सर्वेपि त्रिदिवं यान्ति मोदन्ते त्रिदिवे चिरम्
mātṛpakṣe ca yejātāstasya mātāmahādayaḥ / sarvepi tridivaṃ yānti modante tridive ciram
Sanskrit only: no published translation is held for this verse.
ततो यास्यन्ति वैकुण्ठं निस्समाभ्यधिकं महः । यस्सम्यक्पालयेदेतदधिकं यश्च वर्धयेत्
tato yāsyanti vaikuṇṭhaṃ nissamābhyadhikaṃ mahaḥ / yassamyakpālayedetadadhikaṃ yaśca vardhayet
Sanskrit only: no published translation is held for this verse.
आद्येष्टकादि निर्माणफलमेव प्रपद्यते । सर्वाशुभविनाशं च लब्ध्वाचेष्टमवाप्य च
ādyeṣṭakādi nirmāṇaphalameva prapadyate / sarvāśubhavināśaṃ ca labdhvāceṣṭamavāpya ca
Sanskrit only: no published translation is held for this verse.
अन्ते विमानमारुह्य विष्णोर्याति परं पदम् । किं बहूक्तेन विधिना न दैवं केशवात्परम्
ante vimānamāruhya viṣṇoryāti paraṃ padam / kiṃ bahūktena vidhinā na daivaṃ keśavātparam
Sanskrit only: no published translation is held for this verse.
तं विष्णुं पूजयेन्नित्यं सर्वसाधनसाधनम् । सर्वमुक्तिप्रदं नित्यं सर्वकामफलप्रदम्
taṃ viṣṇuṃ pūjayennityaṃ sarvasādhanasādhanam / sarvamuktipradaṃ nityaṃ sarvakāmaphalapradam
Sanskrit only: no published translation is held for this verse.
ग्रामाग्रहारयोस्सम्यगर्चनं तत्र वासिनाम् । सर्वसिद्धिप्रदं नित्यं पुत्रपौत्रप्रवर्धनम्
grāmāgrahārayossamyagarcanaṃ tatra vāsinām / sarvasiddhipradaṃ nityaṃ putrapautrapravardhanam
Sanskrit only: no published translation is held for this verse.
सामान्यमग्नि होत्रं स्यादनग्नीनां तपोधनाः । साग्नीनामप्यविज्ञातप्रायश्चित्ताय कल्पते तस्मात्कुर्यादविच्छिन्नमर्चनं सर्वयत्नतः
sāmānyamagni hotraṃ syādanagnīnāṃ tapodhanāḥ / sāgnīnāmapyavijñātaprāyaścittāya kalpate tasmātkuryādavicchinnamarcanaṃ sarvayatnataḥ
Sanskrit only: no published translation is held for this verse.