इति श्रीवैखानसे भगवच्छास्त्रे भृगुप्रोक्तायां संहितायां प्रकीर्णाधिकारे षोडशो ऽध्यायः अथ सप्तदशो ऽध्यायः। अथ सप्तदशो ऽध्यायःअदिमूर्तिकल्पः अथ वक्ष्ये विशेषेण केशवादिविनिर्णयम् । केशवं तु प्रकुर्वीत सौम्यरूपं चतुर्भुजम्
iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre ṣoḍaśo 'dhyāyaḥ atha saptadaśo 'dhyāyaḥ. atha saptadaśo 'dhyāyaḥ.adimūrtikalpaḥ atha vakṣye viśeṣeṇa keśavādivinirṇayam / keśavaṃ tu prakurvīta saumyarūpaṃ caturbhujam
Sanskrit only: no published translation is held for this verse.
शङ्खचक्रगदापद्मधरं स्वर्णाभवे व च । सर्वालङ्कारसंयुक्तं मुक्ताहारविभूषितम्
śaṅkhacakragadāpadmadharaṃ svarṇābhave va ca / sarvālaṅkārasaṃyuktaṃ muktāhāravibhūṣitam
Sanskrit only: no published translation is held for this verse.
स्थितमेवं प्रकुर्वीत देवीभ्यां सहितं प्रभुम् । नारायणं प्रकुर्वीत घनश्यामं चतुर्भुजम्
sthitamevaṃ prakurvīta devībhyāṃ sahitaṃ prabhum / nārāyaṇaṃ prakurvīta ghanaśyāmaṃ caturbhujam
Sanskrit only: no published translation is held for this verse.
शङ्खपद्मधकं देवं बिभ्रन्तं च गदामसिम् । भूषितं मणिभूषाभिः वीतवाससमच्युतम्
śaṅkhapadmadhakaṃ devaṃ bibhrantaṃ ca gadāmasim / bhūṣitaṃ maṇibhūṣābhiḥ vītavāsasamacyutam
Sanskrit only: no published translation is held for this verse.
प्रकुर्याच्च विशेषेण लक्ष्मीनारायणं शुभम् । उत्तमं दशतालेन मानोन्मानप्रमाणतः
prakuryācca viśeṣeṇa lakṣmīnārāyaṇaṃ śubham / uttamaṃ daśatālena mānonmānapramāṇataḥ
Sanskrit only: no published translation is held for this verse.
सिंहासने समासीनं दक्षिणांघ्रिं प्रसार्य च । आसने निहितं वामं लक्षणं पूर्ववत्तथा
siṃhāsane samāsīnaṃ dakṣiṇāṃghriṃ prasārya ca / āsane nihitaṃ vāmaṃ lakṣaṇaṃ pūrvavattathā
Sanskrit only: no published translation is held for this verse.
लक्ष्मीं सन्न्यस्य वामोरौ मुखे हर्षसमन्विताम् । प्रसारितकरां देवीं पञ्चतालप्रमाणतः
lakṣmīṃ sannyasya vāmorau mukhe harṣasamanvitām / prasāritakarāṃ devīṃ pañcatālapramāṇataḥ
Sanskrit only: no published translation is held for this verse.
प्राञ्जलीकृतहस्तां तां सर्वाभरणभूषिताम् । वामेन तां परिष्वज्य दक्षिणेनाभयप्रदम्
prāñjalīkṛtahastāṃ tāṃ sarvābharaṇabhūṣitām / vāmena tāṃ pariṣvajya dakṣiṇenābhayapradam
Sanskrit only: no published translation is held for this verse.
अन्याभ्यां च कराभ्यां च शङ्खचक्रधरं परम् । तार्क्ष्यंस्कन्धासनस्थं वा अन्यत्सर्वं च पूर्ववत्
anyābhyāṃ ca karābhyāṃ ca śaṅkhacakradharaṃ param / tārkṣyaṃskandhāsanasthaṃ vā anyatsarvaṃ ca pūrvavat
Sanskrit only: no published translation is held for this verse.
तार्क्ष्यं नवार्धतालेन अर्धेषद्भृकुटिं? मुखम् । दक्षिणोरौ स्थितां लक्ष्मीं केचिदिच्छन्तिसूरयः
tārkṣyaṃ navārdhatālena ardheṣadbhṛkuṭiṃ? mukham / dakṣiṇorau sthitāṃ lakṣmīṃ kecidicchantisūrayaḥ
Sanskrit only: no published translation is held for this verse.
नागभोगे समासीनमेवं कुर्यात्तु वा हरिम् । सप्तभिः पञ्चभिर्वापि फणैर्विस्तारितैर्युतम्
nāgabhoge samāsīnamevaṃ kuryāttu vā harim / saptabhiḥ pañcabhirvāpi phaṇairvistāritairyutam
Sanskrit only: no published translation is held for this verse.
शेषं सम्यक्प्रकुर्वीत समुत्तुङ्गशरीरिणम् । माधवं चोत्पलनिभं चक्रचावगदासिभिः
śeṣaṃ samyakprakurvīta samuttuṅgaśarīriṇam / mādhavaṃ cotpalanibhaṃ cakracāvagadāsibhiḥ
Sanskrit only: no published translation is held for this verse.
चतुर्भुजधरं कुर्याच्चित्रमाल्यांबरं हरिम् । गोविन्दं पाण्डुराभं च चतुर्भुजधरं हरिम्
caturbhujadharaṃ kuryāccitramālyāṃbaraṃ harim / govindaṃ pāṇḍurābhaṃ ca caturbhujadharaṃ harim
Sanskrit only: no published translation is held for this verse.
गदाशङ्खारिपद्मानि बिभ्रन्तं कारयेद्बुधः । विष्णुं नीलोत्पलाभन्तु शङ्खार्यब्जगदाभृतम्
gadāśaṅkhāripadmāni bibhrantaṃ kārayedbudhaḥ / viṣṇuṃ nīlotpalābhantu śaṅkhāryabjagadābhṛtam
Sanskrit only: no published translation is held for this verse.
सर्वाभरण संयुक्तं पीतवाससमच्युतम् । रक्तोत्पलाभं कुर्वीत देवं तु मधुसूदनम्
sarvābharaṇa saṃyuktaṃ pītavāsasamacyutam / raktotpalābhaṃ kurvīta devaṃ tu madhusūdanam
Sanskrit only: no published translation is held for this verse.
शङ्खार्यब्जगदापाणिं चतुर्भुजमनामयम् । त्रिविक्रमं नीलवर्णं शङ्खार्यब्जगदाभृतम्
śaṅkhāryabjagadāpāṇiṃ caturbhujamanāmayam / trivikramaṃ nīlavarṇaṃ śaṅkhāryabjagadābhṛtam
Sanskrit only: no published translation is held for this verse.
चतुर्भुजधरं देवं सर्वाभरणभूषितम् । वामनं मेघवर्णं तु चतुर्बाहुं महाबलम्
caturbhujadharaṃ devaṃ sarvābharaṇabhūṣitam / vāmanaṃ meghavarṇaṃ tu caturbāhuṃ mahābalam
Sanskrit only: no published translation is held for this verse.
गदाशङ्खारिपद्मानि बिभ्रन्तं छलरूपिणम् । अथ वा कारयेत्कुंभं दध्यन्नं च करद्वये
gadāśaṅkhāripadmāni bibhrantaṃ chalarūpiṇam / atha vā kārayetkuṃbhaṃ dadhyannaṃ ca karadvaye
Sanskrit only: no published translation is held for this verse.
दधिवामनमाहुस्तं श्वेताभं द्विभुजं हरिम् । अथ वा वटुरूपं तु धृत्वा दण्डकमण्डलू
dadhivāmanamāhustaṃ śvetābhaṃ dvibhujaṃ harim / atha vā vaṭurūpaṃ tu dhṛtvā daṇḍakamaṇḍalū
Sanskrit only: no published translation is held for this verse.
स्वर्णच्छमि बालरूपं द्विभुजं कारयेद्धरिम् । सितासिताभं कुर्वीत श्रीधरं तु चतुर्भुजम्
svarṇacchami bālarūpaṃ dvibhujaṃ kārayeddharim / sitāsitābhaṃ kurvīta śrīdharaṃ tu caturbhujam
Sanskrit only: no published translation is held for this verse.
कौमोदकीशङ्खचक्रपद्मधारिणमीश्वरम् । हृषीकेशं प्रकुर्वीत श्यामाभं च चतुर्भुजम्
kaumodakīśaṅkhacakrapadmadhāriṇamīśvaram / hṛṣīkeśaṃ prakurvīta śyāmābhaṃ ca caturbhujam
Sanskrit only: no published translation is held for this verse.
गदाशङ्खारिपद्मानि बिभ्रन्तं हरिमव्ययम् । सितमेचकवर्णन्तु पद्मनाभं प्रकल्पयेत्
gadāśaṅkhāripadmāni bibhrantaṃ harimavyayam / sitamecakavarṇantu padmanābhaṃ prakalpayet
Sanskrit only: no published translation is held for this verse.
कौमोदकीचक्रपद्मशङ्खपाणिं रमाधवम् । दामोदरं प्रकुर्वीत सितगौराभमीश्वरम्
kaumodakīcakrapadmaśaṅkhapāṇiṃ ramādhavam / dāmodaraṃ prakurvīta sitagaurābhamīśvaram
Sanskrit only: no published translation is held for this verse.
पद्मशङ्खगदाचक्रधरं देवं चतुर्भुजम् । संकर्षणं तु कुर्वीत श्वेतवर्णं चतुर्भुजम्
padmaśaṅkhagadācakradharaṃ devaṃ caturbhujam / saṃkarṣaṇaṃ tu kurvīta śvetavarṇaṃ caturbhujam
Sanskrit only: no published translation is held for this verse.
शङ्खार्यब्जगदापाणिं सर्वाधारं सनातनम् । वासुदेवं प्रकुर्वीत तरुणादित्यसन्निभम्
śaṅkhāryabjagadāpāṇiṃ sarvādhāraṃ sanātanam / vāsudevaṃ prakurvīta taruṇādityasannibham
Sanskrit only: no published translation is held for this verse.
शङ्खचक्रगदापद्मधरं सर्वधरं विभुम् । चन्द्राभं नवकुन्दाभमथ वा कालयेद्धरिम्
śaṅkhacakragadāpadmadharaṃ sarvadharaṃ vibhum / candrābhaṃ navakundābhamatha vā kālayeddharim
Sanskrit only: no published translation is held for this verse.
प्रद्युम्नं तु सुवर्णाभं कुर्याद्देवं चतुर्भुजम् । चक्रशङ्खगदापद्मधरं देवं महाबलम्
pradyumnaṃ tu suvarṇābhaṃ kuryāddevaṃ caturbhujam / cakraśaṅkhagadāpadmadharaṃ devaṃ mahābalam
Sanskrit only: no published translation is held for this verse.
अनिरुद्धं हिरण्याभं सर्वालङ्कारसंयुतम् । शङ्खचक्रधनुःखड्गधरं देवेश्वरेश्वरम्
aniruddhaṃ hiraṇyābhaṃ sarvālaṅkārasaṃyutam / śaṅkhacakradhanuḥkhaḍgadharaṃ deveśvareśvaram
Sanskrit only: no published translation is held for this verse.
सितासिताभं कुर्वीत देवेशं पुरुषोत्तमम् । शङ्खचक्रगदापद्मधरं देवं चतुर्भुजम्
sitāsitābhaṃ kurvīta deveśaṃ puruṣottamam / śaṅkhacakragadāpadmadharaṃ devaṃ caturbhujam
Sanskrit only: no published translation is held for this verse.
अथोक्षजं प्रकुर्वीत शङ्खाभं च चतुर्भुजम् । चक्रशङ्खगदापद्मधरं भूषणभूषितम्
athokṣajaṃ prakurvīta śaṅkhābhaṃ ca caturbhujam / cakraśaṅkhagadāpadmadharaṃ bhūṣaṇabhūṣitam
Sanskrit only: no published translation is held for this verse.
नारसिंहं तु मेघाभं सर्वालङ्कारसंयुतम् । शङ्खपद्मगदाचक्रधरं भक्ताभयप्रदम्
nārasiṃhaṃ tu meghābhaṃ sarvālaṅkārasaṃyutam / śaṅkhapadmagadācakradharaṃ bhaktābhayapradam
Sanskrit only: no published translation is held for this verse.
सितमेचकवर्णं तु कुर्वीत विभुमच्युतम् । गदाब्जचक्रशङ्खाङ्कं चतुर्भुजविराजितम्
sitamecakavarṇaṃ tu kurvīta vibhumacyutam / gadābjacakraśaṅkhāṅkaṃ caturbhujavirājitam
Sanskrit only: no published translation is held for this verse.
जनार्दनमुदाराङ्गं नीलवर्णं समाचरेत् । चक्रशङ्खगदापद्मधरं देवं सनातनम्
janārdanamudārāṅgaṃ nīlavarṇaṃ samācaret / cakraśaṅkhagadāpadmadharaṃ devaṃ sanātanam
Sanskrit only: no published translation is held for this verse.
अथ वा कटिविन्यस्तवामहस्तं प्रकल्पयेत् । उपेन्द्रं घनकृष्णाभं सर्वाभरणभूषितम्
atha vā kaṭivinyastavāmahastaṃ prakalpayet / upendraṃ ghanakṛṣṇābhaṃ sarvābharaṇabhūṣitam
Sanskrit only: no published translation is held for this verse.
शङ्खचक्रगदापद्मधरं देवं जगत्प्रभुम् । हरिं पाण्डुरकृष्णाभं सर्वालङ्कारशोभितम्
śaṅkhacakragadāpadmadharaṃ devaṃ jagatprabhum / hariṃ pāṇḍurakṛṣṇābhaṃ sarvālaṅkāraśobhitam
Sanskrit only: no published translation is held for this verse.
शङ्खपद्मगदाचक्रधरं कुर्यान्मनोहरम् । कृष्णं तु नीरदश्यामं पुण्डरीकनिभेक्षणम्
śaṅkhapadmagadācakradharaṃ kuryānmanoharam / kṛṣṇaṃ tu nīradaśyāmaṃ puṇḍarīkanibhekṣaṇam
Sanskrit only: no published translation is held for this verse.
शङ्खचक्रगदापद्मधरं कुर्याद्विचक्षणः । सर्वेषां तु विमानानि विष्णोरुक्तवदाचरेत्
śaṅkhacakragadāpadmadharaṃ kuryādvicakṣaṇaḥ / sarveṣāṃ tu vimānāni viṣṇoruktavadācaret
Sanskrit only: no published translation is held for this verse.
सभ्यकुण्डे प्रधानाग्नौ हौत्रं तत्र प्रशंस्य च । "केशवं क्लेशसंहारं विष्णुं चैव परात्परम्ऽ
sabhyakuṇḍe pradhānāgnau hautraṃ tatra praśaṃsya ca / "keśavaṃ kleśasaṃhāraṃ viṣṇuṃ caiva parātparam'
Sanskrit only: no published translation is held for this verse.
"नारायणं नरं विष्णुं नरकान्तकऽ मित्यपि । "माधवं पुण्डरीकाक्षं विष्णुं सर्वात्मकंऽ त्विति,
"nārāyaṇaṃ naraṃ viṣṇuṃ narakāntaka' mityapi / "mādhavaṃ puṇḍarīkākṣaṃ viṣṇuṃ sarvātmakaṃ' tviti,
Sanskrit only: no published translation is held for this verse.
"गोविन्दं परमानन्दं विष्णुं चैव सनातनम्ऽ । ।विष्णुं व्यापिनमीशानं सर्वलोकाधिपं तथा
"govindaṃ paramānandaṃ viṣṇuṃ caiva sanātanam' / .viṣṇuṃ vyāpinamīśānaṃ sarvalokādhipaṃ tathā
Sanskrit only: no published translation is held for this verse.
"मधुसूदनमुद्योगं महान्तं विष्णुऽमित्यपि । "त्रिविक्रमं त्रिलोकेशं लोकाधारं सनातनम्ऽ
"madhusūdanamudyogaṃ mahāntaṃ viṣṇu'mityapi / "trivikramaṃ trilokeśaṃ lokādhāraṃ sanātanam'
Sanskrit only: no published translation is held for this verse.
"वामनं वरदं चैव काश्यपिं चादितिप्रियम्ऽ । "श्रीधरं पुरुषं चेति विष्णुं श्रीवत्सवक्षसम्ऽ
"vāmanaṃ varadaṃ caiva kāśyapiṃ cāditipriyam' / "śrīdharaṃ puruṣaṃ ceti viṣṇuṃ śrīvatsavakṣasam'
Sanskrit only: no published translation is held for this verse.
"हृषीकेशं जगन्नाथं विष्णुं विश्वमयंऽ तथा । "पद्मनाभं सुरेशं च विष्णुं चैव जगत्पतिम्।ऽ
"hṛṣīkeśaṃ jagannāthaṃ viṣṇuṃ viśvamayaṃ' tathā / "padmanābhaṃ sureśaṃ ca viṣṇuṃ caiva jagatpatim.'
Sanskrit only: no published translation is held for this verse.
"दामोदरं सदाधारं विष्णुं प्रणवरूपिणम्ऽ । "संकर्षणं यदुवरं विष्णुं हलधरऽन्तथा
"dāmodaraṃ sadādhāraṃ viṣṇuṃ praṇavarūpiṇam' / "saṃkarṣaṇaṃ yaduvaraṃ viṣṇuṃ haladhara'ntathā
Sanskrit only: no published translation is held for this verse.
"वासुदेवं पुण्यमूर्तिं भद्रेशं पुण्यरूपिणम्ऽ । "प्रद्युम्नं जगदीशानं विष्णु पुण्यात्मकंऽ तथा
"vāsudevaṃ puṇyamūrtiṃ bhadreśaṃ puṇyarūpiṇam' / "pradyumnaṃ jagadīśānaṃ viṣṇu puṇyātmakaṃ' tathā
Sanskrit only: no published translation is held for this verse.
"अनिरुद्धं महान्तं च वैराग्यं सर्वतेजसम्ऽ । "पुरुषोत्तममानन्दं विष्णुं पञ्चात्मकंऽ तथा
"aniruddhaṃ mahāntaṃ ca vairāgyaṃ sarvatejasam' / "puruṣottamamānandaṃ viṣṇuṃ pañcātmakaṃ' tathā
Sanskrit only: no published translation is held for this verse.
"अधोक्षजमनादिं च विष्णुं व्यापकऽ मित्यपि । "नारसिंहं तपोनाथं महाविष्णुं महाबलम्ऽ
"adhokṣajamanādiṃ ca viṣṇuṃ vyāpaka' mityapi / "nārasiṃhaṃ taponāthaṃ mahāviṣṇuṃ mahābalam'
Sanskrit only: no published translation is held for this verse.
"अच्युतं चापरिमितमैश्वर्यं श्रीपतिंऽ तथा । ।जनार्दनमनाद्यन्तं विष्णुं तेजोमयंऽ तथा
"acyutaṃ cāparimitamaiśvaryaṃ śrīpatiṃ' tathā / .janārdanamanādyantaṃ viṣṇuṃ tejomayaṃ' tathā
Sanskrit only: no published translation is held for this verse.
"उपेन्द्रमिन्द्रावरजं विष्णुं वैकुण्ठऽमित्यपि । "हरिं पापहरं चेति विष्णुं मङ्गलविग्रहम्
"upendramindrāvarajaṃ viṣṇuṃ vaikuṇṭha'mityapi / "hariṃ pāpaharaṃ ceti viṣṇuṃ maṅgalavigraham
Sanskrit only: no published translation is held for this verse.
"कृष्णं नारायणं पुण्यं त्रिदशाधिपऽमित्यपि । आवाह्य तु क्रमेणैव निरुप्याज्याहुतीर्यजेत्
"kṛṣṇaṃ nārāyaṇaṃ puṇyaṃ tridaśādhipa'mityapi / āvāhya tu krameṇaiva nirupyājyāhutīryajet
Sanskrit only: no published translation is held for this verse.
"विष्णोर्नुकाऽदभिष्षड्भि"रतोदेवाऽदभिस्तथा । केशवादिद्वादशानां मन्त्रैर्द्वादशभिर्हुनेत्
"viṣṇornukā'dabhiṣṣaḍbhi"ratodevā'dabhistathā / keśavādidvādaśānāṃ mantrairdvādaśabhirhunet
Sanskrit only: no published translation is held for this verse.
नारसिंहस्य कृष्णस्य मन्त्रः पूर्वमुदीरितः । इतरेषां दशानां तु दशमन्त्राः प्रकीर्तिताः
nārasiṃhasya kṛṣṇasya mantraḥ pūrvamudīritaḥ / itareṣāṃ daśānāṃ tu daśamantrāḥ prakīrtitāḥ
Sanskrit only: no published translation is held for this verse.
"विष्णुस्सर्वेषाऽमित्यादि "यं यज्ञैऽरन्तमीरिताः । तं तं देवं समुद्दिश्य तत्तन्मन्त्रेण चात्वरः
"viṣṇussarveṣā'mityādi "yaṃ yajñai'rantamīritāḥ / taṃ taṃ devaṃ samuddiśya tattanmantreṇa cātvaraḥ
Sanskrit only: no published translation is held for this verse.
शतमष्टाधिकं हुत्वा शेषं पूर्ववदाचरेत् । एवं सर्वत्र कुर्वीत देवीभ्यां सहितं विभुम्
śatamaṣṭādhikaṃ hutvā śeṣaṃ pūrvavadācaret / evaṃ sarvatra kurvīta devībhyāṃ sahitaṃ vibhum
Sanskrit only: no published translation is held for this verse.
तद्रूपं कौतुकं कुर्यात्सर्वलक्षणलक्षितम् । कर्षणादिक्रियास्सर्वा विष्णोरिन समाचरेत्
tadrūpaṃ kautukaṃ kuryātsarvalakṣaṇalakṣitam / karṣaṇādikriyāssarvā viṣṇorina samācaret
Sanskrit only: no published translation is held for this verse.
लक्ष्मीकल्पः अथ वक्ष्ये विशेषेण लक्ष्मीस्थापनमुत्तमम् । अष्टधा प्रोच्यते लक्ष्मीः प्रथमा त्वनपायिनी
lakṣmīkalpaḥ atha vakṣye viśeṣeṇa lakṣmīsthāpanamuttamam / aṣṭadhā procyate lakṣmīḥ prathamā tvanapāyinī
Sanskrit only: no published translation is held for this verse.
विष्णोर्वक्षस्थ्सलेकार्या सर्वालङ्कारसंयुता । दक्षस्तनस्योर्ध्वभागे वह्न्यश्रेदिव्यमण्डले
viṣṇorvakṣasthsalekāryā sarvālaṅkārasaṃyutā / dakṣastanasyordhvabhāge vahnyaśredivyamaṇḍale
Sanskrit only: no published translation is held for this verse.
पद्ममध्ये समासीनां पद्मद्वयकराञ्चिताम् । वरदाभयहस्तां च मन्दस्मित मुखांबुजाम्
padmamadhye samāsīnāṃ padmadvayakarāñcitām / varadābhayahastāṃ ca mandasmita mukhāṃbujām
Sanskrit only: no published translation is held for this verse.
एवं रूपां प्रकुर्वीत योगलक्ष्मीस्तुसा मता । योगलक्ष्मीं प्रतिष्ठाप्य श्रीकामस्सम्यगर्चयेत्
evaṃ rūpāṃ prakurvīta yogalakṣmīstusā matā / yogalakṣmīṃ pratiṣṭhāpya śrīkāmassamyagarcayet
Sanskrit only: no published translation is held for this verse.
देवेशेन समं कुर्यादस्यास्थ्चापनमुत्तमम् । कालान्तरे प्रकुर्याच्छेद्धेमरूप्यादिना पुनः
deveśena samaṃ kuryādasyāsthcāpanamuttamam / kālāntare prakuryāccheddhemarūpyādinā punaḥ
Sanskrit only: no published translation is held for this verse.
कृत्वा श्रीवत्सरूपं तु धारयेद्विष्णुमव्ययम् । तत्तद्बिंबानुरूपं च कुर्याच्छ्रीवत्सलक्षणम्
kṛtvā śrīvatsarūpaṃ tu dhārayedviṣṇumavyayam / tattadbiṃbānurūpaṃ ca kuryācchrīvatsalakṣaṇam
Sanskrit only: no published translation is held for this verse.
भोगलक्ष्म्यस्समाख्याता श्श्रीभूनीलाः क्रमादिमाः । ध्रुवादिषु तु बेरेषु श्रीभूम्यौ देवपाशन्व्गे
bhogalakṣmyassamākhyātā śśrībhūnīlāḥ kramādimāḥ / dhruvādiṣu tu bereṣu śrībhūmyau devapāśanvge
Sanskrit only: no published translation is held for this verse.
वैकुण्ठमार्गसंचारा नीला नित्यसमाश्रिता । श्रीभूम्योस्थ्सापनं पूर्वं देवेशेन सहोदितम्
vaikuṇṭhamārgasaṃcārā nīlā nityasamāśritā / śrībhūmyosthsāpanaṃ pūrvaṃ deveśena sahoditam
Sanskrit only: no published translation is held for this verse.
देवीभ्यां रहिते देवे कुर्यात्कालान्तरे पुनः । पृधक्प्रतिष्ठां श्रीभूम्योः कुर्यादाङ्गिरसोक्तिवत्
devībhyāṃ rahite deve kuryātkālāntare punaḥ / pṛdhakpratiṣṭhāṃ śrībhūmyoḥ kuryādāṅgirasoktivat
Sanskrit only: no published translation is held for this verse.
वीरलक्ष्मीरिति प्रोक्ता पृथगालयसंगता । अलयाद्दक्षिणे पार्श्वेकुर्यात्तु पृथगालयम्
vīralakṣmīriti proktā pṛthagālayasaṃgatā / alayāddakṣiṇe pārśvekuryāttu pṛthagālayam
Sanskrit only: no published translation is held for this verse.
दशतालेन मानेन कुर्याद्देवीन सलक्षणाम् । पद्मद्वयकरां चैव वन्दा भयधारिणीम्
daśatālena mānena kuryāddevīna salakṣaṇām / padmadvayakarāṃ caiva vandā bhayadhāriṇīm
Sanskrit only: no published translation is held for this verse.
किरीटमुकुचोपेतां सर्वालङ्कारशोभितम् । पद्मासने समासीनां हेमाभां सर्वमङ्गलाम्
kirīṭamukucopetāṃ sarvālaṅkāraśobhitam / padmāsane samāsīnāṃ hemābhāṃ sarvamaṅgalām
Sanskrit only: no published translation is held for this verse.
गोदामन्यां प्रकुर्वीत लक्ष्मीं तु विजयाभिधाम् । नवतालें मानेन कुर्यादन्यालयाश्रिताम्
godāmanyāṃ prakurvīta lakṣmīṃ tu vijayābhidhām / navatāleṃ mānena kuryādanyālayāśritām
Sanskrit only: no published translation is held for this verse.
दक्षिणेन तु हस्तेन कल्हारं दधतीं तथा । प्रसारितेतरकरां बद्धधम्मिल्लशोभिनीम्
dakṣiṇena tu hastena kalhāraṃ dadhatīṃ tathā / prasāritetarakarāṃ baddhadhammillaśobhinīm
Sanskrit only: no published translation is held for this verse.
सर्वालङ्कारसंयुक्तां तिष्ठन्तीमेव कारयेत् । गोदा भूम्यंशजा प्रोक्ता तन्मन्त्रेणाचरेत्क्रियाः
sarvālaṅkārasaṃyuktāṃ tiṣṭhantīmeva kārayet / godā bhūmyaṃśajā proktā tanmantreṇācaretkriyāḥ
Sanskrit only: no published translation is held for this verse.
पाकलक्ष्मीस्समाख्याता पचनालयसंगता । अष्टतालेन मानेन कुर्यात्तां पचनालये
pākalakṣmīssamākhyātā pacanālayasaṃgatā / aṣṭatālena mānena kuryāttāṃ pacanālaye
Sanskrit only: no published translation is held for this verse.
पद्मद्वयाञ्चितकरां वरदाभयधारिणीम् । आसीनां वाथ तिष्ठन्तीं कुर्याद्भूषणभूषिताम्
padmadvayāñcitakarāṃ varadābhayadhāriṇīm / āsīnāṃ vātha tiṣṭhantīṃ kuryādbhūṣaṇabhūṣitām
Sanskrit only: no published translation is held for this verse.
द्वितीय मण्डपद्वारे द्वारलक्ष्मीं समाचरेत् । पतङ्गपट्टिकामध्ये सर्वालङ्कारशोभिताम्
dvitīya maṇḍapadvāre dvāralakṣmīṃ samācaret / pataṅgapaṭṭikāmadhye sarvālaṅkāraśobhitām
Sanskrit only: no published translation is held for this verse.
पद्मद्वयाञ्चितकरां वरदाभयधारिणीम् । पद्मासने समासीनां किरीटादिविभूषिताम्
padmadvayāñcitakarāṃ varadābhayadhāriṇīm / padmāsane samāsīnāṃ kirīṭādivibhūṣitām
Sanskrit only: no published translation is held for this verse.
गजै तु पाशन्व्योःकुर्याद्धेमकुंभकरौ पुनः । सिंचन्तौ तौ महालक्ष्मीं कुर्यात्कुंभजलैस्तथा
gajai tu pāśanvyoḥkuryāddhemakuṃbhakarau punaḥ / siṃcantau tau mahālakṣmīṃ kuryātkuṃbhajalaistathā
Sanskrit only: no published translation is held for this verse.
श्रीभूम्योर्वीरविजयलक्ष्म्योरेव विधीयते । ध्रवबेरानुरूपेण बेरान्तरसमर्चनम्
śrībhūmyorvīravijayalakṣmyoreva vidhīyate / dhravaberānurūpeṇa berāntarasamarcanam
Sanskrit only: no published translation is held for this verse.
तद्रूपं कौतुकं कुर्यादुत्सवादि यथेच्छया । अन्यासांनैव कुर्वीत ध्रुवार्चामेव कारयेत्
tadrūpaṃ kautukaṃ kuryādutsavādi yathecchayā / anyāsāṃnaiva kurvīta dhruvārcāmeva kārayet
Sanskrit only: no published translation is held for this verse.
पैण्डरीके प्रधानाग्नौ हौत्रं तत्र प्रशंस्य च । श्रीभूम्योर्मूर्तिमन्त्रैश्च क्रमेणावाहनादिकम्
paiṇḍarīke pradhānāgnau hautraṃ tatra praśaṃsya ca / śrībhūmyormūrtimantraiśca krameṇāvāhanādikam
Sanskrit only: no published translation is held for this verse.
"गोदां कृष्णप्रियां लक्ष्मीं रुक्मिणीऽमिति चाह्वयेत् । आवाहनक्रमेणैव तन्मन्त्रैर्जुहुयात्क्ररूत्
"godāṃ kṛṣṇapriyāṃ lakṣmīṃ rukmiṇī'miti cāhvayet / āvāhanakrameṇaiva tanmantrairjuhuyātkrarūt
Sanskrit only: no published translation is held for this verse.
प्रतिष्ठोक्तक्रमेणैव सर्वं पूर्ववदाचरेत् । नवषट्पञ्चमूर्तीनां विमानस्यालयस्य च
pratiṣṭhoktakrameṇaiva sarvaṃ pūrvavadācaret / navaṣaṭpañcamūrtīnāṃ vimānasyālayasya ca
Sanskrit only: no published translation is held for this verse.
द्विमूर्तिस्थापनं तद्वत्रिमूर्तस्थापनं तथा । अन्येषां परिवाराणां स्थापनं विधिवच्चरेत्
dvimūrtisthāpanaṃ tadvatrimūrtasthāpanaṃ tathā / anyeṣāṃ parivārāṇāṃ sthāpanaṃ vidhivaccaret
Sanskrit only: no published translation is held for this verse.
यद्यत्समर्प्यते वस्तु देवेशस्य तु मन्दिरे । तत्तत्सर्वं विधानेन प्रतिष्ठाप्य समर्पयेत्
yadyatsamarpyate vastu deveśasya tu mandire / tattatsarvaṃ vidhānena pratiṣṭhāpya samarpayet
Sanskrit only: no published translation is held for this verse.
असंस्कृतं तु न ग्राह्यं न तद्देवप्रियं भवेत् । भूषणानि च वा सांसि पात्राण्यन्यत्परिच्छदम्
asaṃskṛtaṃ tu na grāhyaṃ na taddevapriyaṃ bhavet / bhūṣaṇāni ca vā sāṃsi pātrāṇyanyatparicchadam
Sanskrit only: no published translation is held for this verse.
बेरालङ्कारयोग्यानि धामालङ्करणानि च । यथाहंन् संस्कृतान्येव गृह्णीयात्सफलं भवेत्
berālaṅkārayogyāni dhāmālaṅkaraṇāni ca / yathāhaṃn saṃskṛtānyeva gṛhṇīyātsaphalaṃ bhavet
Sanskrit only: no published translation is held for this verse.
तत्तद्द्रव्याधिदैवत्यं देवतामूर्तिमन्त्रकम् । जुहुयात्सर्वमन्यच्च प्रतिष्ठोक्तवदाचरेत्
tattaddravyādhidaivatyaṃ devatāmūrtimantrakam / juhuyātsarvamanyacca pratiṣṭhoktavadācaret
Sanskrit only: no published translation is held for this verse.
द्रव्याधिदेवताकल्बस्सम्यगुक्तो मयाखिले
dravyādhidevatākalbassamyagukto mayākhile
Sanskrit only: no published translation is held for this verse.