Bhrgu-Samhita 21

दद्याद्धानानि शक्त्या वै सकामो हरिमन्दिरे । तदनन्तं भवेत्साक्षी यत्रानन्तो हरिस्स्वयम्

dadyāddhānāni śaktyā vai sakāmo harimandire / tadanantaṃ bhavetsākṣī yatrānanto harissvayam

Sanskrit only: no published translation is held for this verse.

प्रभूतं तु निवेद्याथ भुञ्जीयात्तदनन्तरम् । रात्रौ श्राद्धं प्रकुर्वीत ग्रहणे तन्नदोषकृत्

prabhūtaṃ tu nivedyātha bhuñjīyāttadanantaram / rātrau śrāddhaṃ prakurvīta grahaṇe tannadoṣakṛt

Sanskrit only: no published translation is held for this verse.

दूषिते तूक्तकाले तु तस्यापगम एव च । विपरीते महान् दोष इति शास्त्रविदो विदुः

dūṣite tūktakāle tu tasyāpagama eva ca / viparīte mahān doṣa iti śāstravido viduḥ

Sanskrit only: no published translation is held for this verse.

न निशीथात्परं श्राद्धमापत्स्वपि विधीयते । स्नानमाशौचिनां नित्यं ते ऽपि दानं च कुर्व

na niśīthātparaṃ śrāddhamāpatsvapi vidhīyate / snānamāśaucināṃ nityaṃ te 'pi dānaṃ ca kurva

Sanskrit only: no published translation is held for this verse.

न जपो न तपस्तेषामशुद्धा मोक्षणे पुनः । यदा राश्यन्तरं राशेः काले संक्रमते रविः

na japo na tapasteṣāmaśuddhā mokṣaṇe punaḥ / yadā rāśyantaraṃ rāśeḥ kāle saṃkramate raviḥ

Sanskrit only: no published translation is held for this verse.

तदा तु पुण्यकालस्स्यात्स्नपनाद्यत्र कारयेत् । कटकेविंशतिः पूर्वं मकरे विंशतिः परे

tadā tu puṇyakālassyātsnapanādyatra kārayet / kaṭakeviṃśatiḥ pūrvaṃ makare viṃśatiḥ pare

Sanskrit only: no published translation is held for this verse.

पुण्यान्तु घटिकाः प्रोक्ता स्तत्र ग्रहणवच्चरेत् । यदास्तमयवेलायां संध्यायां संक्रमोरवेः

puṇyāntu ghaṭikāḥ proktā statra grahaṇavaccaret / yadāstamayavelāyāṃ saṃdhyāyāṃ saṃkramoraveḥ

Sanskrit only: no published translation is held for this verse.

पूर्वे ऽह्णि पुण्यकालस्स्यादपराह्णात्परस्स्मृतः । अर्धास्तमित आदित्ये तथा चार्ऽधोदिते सति

pūrve 'hṇi puṇyakālassyādaparāhṇātparassmṛtaḥ / ardhāstamita āditye tathā cār'dhodite sati

Sanskrit only: no published translation is held for this verse.

पाश्चात्यपूर्वघटीकास्तिस्रस्संध्या प्रकीर्तिताः । उपरागे ऽपि कुर्याद्वै उत्सवे ऽवभृथं हरेः

pāścātyapūrvaghaṭīkāstisrassaṃdhyā prakīrtitāḥ / uparāge 'pi kuryādvai utsave 'vabhṛthaṃ hareḥ

Sanskrit only: no published translation is held for this verse.

विधुग्रहे निशां सर्वामहोरात्रं रविग्रहे । त्यजेच्छुभे तदा कुर्यान्नैव दीपोत्सवं हरेः

vidhugrahe niśāṃ sarvāmahorātraṃ ravigrahe / tyajecchubhe tadā kuryānnaiva dīpotsavaṃ hareḥ

Sanskrit only: no published translation is held for this verse.

पश्चान्निशीथाद्ग्रहणे दीपं दास्यन्ति के च न । अविद्धेपर्वणि प्रोक्तं दीपदानं शुभावहम्

paścānniśīthādgrahaṇe dīpaṃ dāsyanti ke ca na / aviddheparvaṇi proktaṃ dīpadānaṃ śubhāvaham

Sanskrit only: no published translation is held for this verse.

ग्रहणे ऽपि भवेद्दीपमविद्धा पूर्णिमा न चेत् । अपर्वण्यर्पितं दीपं हन्ति पुण्यं पुरातनम्

grahaṇe 'pi bhaveddīpamaviddhā pūrṇimā na cet / aparvaṇyarpitaṃ dīpaṃ hanti puṇyaṃ purātanam

Sanskrit only: no published translation is held for this verse.

मासर्क्षेष्वन्यपुण्वर्क्षे विष्णुपञ्चदिने तथा । अर्चनार्थाय देवस्य कालो मध्याह्न उच्यते

māsarkṣeṣvanyapuṇvarkṣe viṣṇupañcadine tathā / arcanārthāya devasya kālo madhyāhna ucyate

Sanskrit only: no published translation is held for this verse.