पीठगर्भादिनाशे वा अस्पृश्यैर्वा प्रवेशने । उन्नतस्थापनेच्छायां कुर्याद्बालालयं हरेः
pīṭhagarbhādināśe vā aspṛśyairvā praveśane / unnatasthāpanecchāyāṃ kuryādbālālayaṃ hareḥ
Sanskrit only: no published translation is held for this verse.
Bhrgu-Samhita 28
बालालये ऽभ्यर्च्यमाने संभूते स्थानसंकटे । चण्डालाधिष्ठिते चैव स्थाननाशे ह्रदादिभिः
bālālaye 'bhyarcyamāne saṃbhūte sthānasaṃkaṭe / caṇḍālādhiṣṭhite caiva sthānanāśe hradādibhiḥ
Sanskrit only: no published translation is held for this verse.
अन्यत्र तूचिते देशे कृत्वा पूर्वोक्तमार्गतः । कर्षणादिक्रियास्सर्वा बिंबमानीय चादरात्
anyatra tūcite deśe kṛtvā pūrvoktamārgataḥ / karṣaṇādikriyāssarvā biṃbamānīya cādarāt
Sanskrit only: no published translation is held for this verse.
प्रतिष्ठाप्य तु तत्रैव कुर्यान्मूलालयं ततः । बाह्ये चैव विमानस्य चाङ्गोपाङ्गक्षतौ तथा
pratiṣṭhāpya tu tatraiva kuryānmūlālayaṃ tataḥ / bāhye caiva vimānasya cāṅgopāṅgakṣatau tathā
Sanskrit only: no published translation is held for this verse.
मक्षिकातृणवल्मीकपादपाद्यैर्विभेदने । विना बालालयस्थानं शक्तिं गृह्य विमानगाम्
makṣikātṛṇavalmīkapādapādyairvibhedane / vinā bālālayasthānaṃ śaktiṃ gṛhya vimānagām
Sanskrit only: no published translation is held for this verse.
तदङ्गदेवतानां च समारोप्य ध्रुवे पुनः । नवीकृत्य विमानोक्तप्रतिष्ठां पुनराचरेत्
tadaṅgadevatānāṃ ca samāropya dhruve punaḥ / navīkṛtya vimānoktapratiṣṭhāṃ punarācaret
Sanskrit only: no published translation is held for this verse.
अकृत्वा देवतारोपं महाबेरे विशेषतः । विमानं नाधितिष्ठेत सर्वत्रायं विधिस्स्मृतः
akṛtvā devatāropaṃ mahābere viśeṣataḥ / vimānaṃ nādhitiṣṭheta sarvatrāyaṃ vidhissmṛtaḥ
Sanskrit only: no published translation is held for this verse.
विमानध्रुवयोर्नाशे युगपत्तत्रनिष्कृतिः । कौतुकादीन् प्रतिष्ठाप्य विहाय प्रार्थनामनुम्
vimānadhruvayornāśe yugapattatraniṣkṛtiḥ / kautukādīn pratiṣṭhāpya vihāya prārthanāmanum
Sanskrit only: no published translation is held for this verse.
बालालयं प्रकल्प्यैव विधिना तत्र चार्चयेत् । तस्य काले ऽप्यतीते तु तदा तत्र न दोषकृत्
bālālayaṃ prakalpyaiva vidhinā tatra cārcayet / tasya kāle 'pyatīte tu tadā tatra na doṣakṛt
Sanskrit only: no published translation is held for this verse.
यस्याङ्गस्य भवेद्धानिस्तत्र बालालयं भवेत् । कृत्वा तस्य तु संस्कारं यथोक्तं तत्पुनश्चरेत्
yasyāṅgasya bhaveddhānistatra bālālayaṃ bhavet / kṛtvā tasya tu saṃskāraṃ yathoktaṃ tatpunaścaret
Sanskrit only: no published translation is held for this verse.
कौतुकादिविनाशे च दोषयुक्ते ध्रुवे तथा । विमाने च तथा दुष्टे कृत्वा बालालयं पुनः
kautukādivināśe ca doṣayukte dhruve tathā / vimāne ca tathā duṣṭe kṛtvā bālālayaṃ punaḥ
Sanskrit only: no published translation is held for this verse.
यथालाभेन मानेन बिंबमाहृत्य दारवम् । प्रतिष्ठाप्याद्यतरुणालयोक्तविधिना ततः
yathālābhena mānena biṃbamāhṛtya dāravam / pratiṣṭhāpyādyataruṇālayoktavidhinā tataḥ
Sanskrit only: no published translation is held for this verse.
कौतुकादींश्च संकल्प्य प्रतिष्ठाप्यार्चयेत्क्रमात् । अलाभे कौतुकादीनां दोषयुक्ते तु दारवे
kautukādīṃśca saṃkalpya pratiṣṭhāpyārcayetkramāt / alābhe kautukādīnāṃ doṣayukte tu dārave
Sanskrit only: no published translation is held for this verse.
बिंबमस्यं समाहृत्य प्रतिष्ठाप्यैव दारवम् । तद्बेरं विधिवत्त्यक्त्वा कृत्वा मूलालये पुनः
biṃbamasyaṃ samāhṛtya pratiṣṭhāpyaiva dāravam / tadberaṃ vidhivattyaktvā kṛtvā mūlālaye punaḥ
Sanskrit only: no published translation is held for this verse.
विधिना मूलबेरं तु प्रतिष्ठाप्य समर्चयेत् । बालालयस्य संस्थानं वक्ष्ये मूलालयस्य तु
vidhinā mūlaberaṃ tu pratiṣṭhāpya samarcayet / bālālayasya saṃsthānaṃ vakṣye mūlālayasya tu
Sanskrit only: no published translation is held for this verse.
मध्यसूत्राद्दक्षिणे च प्रथमावरणे तथा । द्वितीयावरणे वाथ मण्टपादौ मनोरमे
madhyasūtrāddakṣiṇe ca prathamāvaraṇe tathā / dvitīyāvaraṇe vātha maṇṭapādau manorame
Sanskrit only: no published translation is held for this verse.
यत्रावकाशस्तत्रैवं बालागारं प्रकल्पयेत् । द्वितीयावरणादूर्ध्वं न बालागारकल्पनम्
yatrāvakāśastatraivaṃ bālāgāraṃ prakalpayet / dvitīyāvaraṇādūrdhvaṃ na bālāgārakalpanam
Sanskrit only: no published translation is held for this verse.
एकादि तु त्रिहस्तान्तं विस्तारं तु विधीयते । अध्यर्धं चैव पादोनमुत्सेधं द्विगुणं तु वा
ekādi tu trihastāntaṃ vistāraṃ tu vidhīyate / adhyardhaṃ caiva pādonamutsedhaṃ dviguṇaṃ tu vā
Sanskrit only: no published translation is held for this verse.
उत्सेधं पञ्चधा कृत्वाधिष्ठानं चैकमंशकम् । भित्त्युच्चं द्व्यंशमथ च द्व्यंशं तु शिखरं मतम्
utsedhaṃ pañcadhā kṛtvādhiṣṭhānaṃ caikamaṃśakam / bhittyuccaṃ dvyaṃśamatha ca dvyaṃśaṃ tu śikharaṃ matam
Sanskrit only: no published translation is held for this verse.
लुपोपरे तृणाच्छन्नं मृण्मयं कारयेत्सुधीः । भित्तिविष्कंभमानं स्यान्मूलालयसमं तथा
lupopare tṛṇācchannaṃ mṛṇmayaṃ kārayetsudhīḥ / bhittiviṣkaṃbhamānaṃ syānmūlālayasamaṃ tathā
Sanskrit only: no published translation is held for this verse.
द्विगुणं चतुर्गुणं कृत्वा यच्छिष्टं विधिना कृतम् । नालीगृहं भवेद्विन्द्यात्तमेव तरुणालयम्
dviguṇaṃ caturguṇaṃ kṛtvā yacchiṣṭaṃ vidhinā kṛtam / nālīgṛhaṃ bhavedvindyāttameva taruṇālayam
Sanskrit only: no published translation is held for this verse.
मण्डपादिषु चेद्भित्त्या सह तस्य यथार्हकम् । नालीगृहं मण्डपेन प्रमुखे रहितं तु वा
maṇḍapādiṣu cedbhittyā saha tasya yathārhakam / nālīgṛhaṃ maṇḍapena pramukhe rahitaṃ tu vā
Sanskrit only: no published translation is held for this verse.
सहिते तु समं कुर्यात्त्रिपादं चार्धमेव वा । पूर्वापरयुतं वाथ दक्षिणोत्तरमायतम्
sahite tu samaṃ kuryāttripādaṃ cārdhameva vā / pūrvāparayutaṃ vātha dakṣiṇottaramāyatam
Sanskrit only: no published translation is held for this verse.
समं वा तरुणागारं शिल्पशास्त्रोक्तवच्चरेत् । पञ्चविंशतिभागं तु कृत्वा गर्भालयं ततः
samaṃ vā taruṇāgāraṃ śilpaśāstroktavaccaret / pañcaviṃśatibhāgaṃ tu kṛtvā garbhālayaṃ tataḥ
Sanskrit only: no published translation is held for this verse.
मध्ये ब्राह्मं पदं चैकं परितो ऽष्टौ तु दैविकम् । मानुषं तस्य परितः पदान्यन्यानि षोडश
madhye brāhmaṃ padaṃ caikaṃ parito 'ṣṭau tu daivikam / mānuṣaṃ tasya paritaḥ padānyanyāni ṣoḍaśa
Sanskrit only: no published translation is held for this verse.
कौतुकं ब्रह्मणस्थ्साने स्थापयेदुत्तमं भवेत् । दैविके मानुषे स्थाप्य मध्यमं चाधमं भवेत्
kautukaṃ brahmaṇasthsāne sthāpayeduttamaṃ bhavet / daivike mānuṣe sthāpya madhyamaṃ cādhamaṃ bhavet
Sanskrit only: no published translation is held for this verse.
त्रीणि तु स्नपनादीनि बेराणि स्थापयेत्सदा । अन्त्ययोरेव नान्यत्र स्थानभेदः प्रशस्यते
trīṇi tu snapanādīni berāṇi sthāpayetsadā / antyayoreva nānyatra sthānabhedaḥ praśasyate
Sanskrit only: no published translation is held for this verse.
प्राणस्थानेतु पीठं स्याद्रम्यमेकत्रिमेखलम् । यथालाभायतं तद्वद्विस्तारो त्सेधसंयुतम्
prāṇasthānetu pīṭhaṃ syādramyamekatrimekhalam / yathālābhāyataṃ tadvadvistāro tsedhasaṃyutam
Sanskrit only: no published translation is held for this verse.
रत्नन्यासविहीनं वा कृत्वा विभवविस्तरात् । आलयाग्रे ऽथ वा बालागाराग्रे पूर्ववद्बुधः
ratnanyāsavihīnaṃ vā kṛtvā vibhavavistarāt / ālayāgre 'tha vā bālāgārāgre pūrvavadbudhaḥ
Sanskrit only: no published translation is held for this verse.
यागशालां तु कृत्वैव तोरणादीन्विधाय च । सुभृत्यैव च संभारानृत्विजोवरयेत्क्रमात्
yāgaśālāṃ tu kṛtvaiva toraṇādīnvidhāya ca / subhṛtyaiva ca saṃbhārānṛtvijovarayetkramāt
Sanskrit only: no published translation is held for this verse.
शालामध्ये प्रकल्प्यैव शय्यावेदिं मनोहरम् । चतुरश्रां पादहीनामर्धहीनां विशेषतः
śālāmadhye prakalpyaiva śayyāvediṃ manoharam / caturaśrāṃ pādahīnāmardhahīnāṃ viśeṣataḥ
Sanskrit only: no published translation is held for this verse.
तद्भित्त्यातु समां तत्तुरीयांशोत्सेधसम्मित्ताम् । पञ्चत्रीनथवै काग्निं संकल्प्यैव च पूर्ववत्।
tadbhittyātu samāṃ tatturīyāṃśotsedhasammittām / pañcatrīnathavai kāgniṃ saṃkalpyaiva ca pūrvavat.
Sanskrit only: no published translation is held for this verse.
पर्यग्नि पञ्चगव्याभ्यां संशोध्य विधिना ततः । बालागारं यज्ञशालां पुण्याहमपि वाचयेत्
paryagni pañcagavyābhyāṃ saṃśodhya vidhinā tataḥ / bālāgāraṃ yajñaśālāṃ puṇyāhamapi vācayet
Sanskrit only: no published translation is held for this verse.
हुत्वाग्निकुण्डेष्वाघारं प्रधानाग्निं समिन्ध्य च । गायत्रीं वैष्णवीं चैव वैष्णवं विष्णुसूक्तकम्
hutvāgnikuṇḍeṣvāghāraṃ pradhānāgniṃ samindhya ca / gāyatrīṃ vaiṣṇavīṃ caiva vaiṣṇavaṃ viṣṇusūktakam
Sanskrit only: no published translation is held for this verse.
पौरुषं चैकाक्षरादि श्रीभूसूक्तं च वारुणम् । पञ्चमन्त्रान् जयानभ्यातानान् राष्ट्रभृतस्तथा
pauruṣaṃ caikākṣarādi śrībhūsūktaṃ ca vāruṇam / pañcamantrān jayānabhyātānān rāṣṭrabhṛtastathā
Sanskrit only: no published translation is held for this verse.
मिदाहुती च विच्छिन्नमृद्धिं वैष्णवसंयुतम् । प्रत्येकं प्रतिमन्त्रं च हुत्वां च समनन्तरम्
midāhutī ca vicchinnamṛddhiṃ vaiṣṇavasaṃyutam / pratyekaṃ pratimantraṃ ca hutvāṃ ca samanantaram
Sanskrit only: no published translation is held for this verse.
श्वेताब्जं विष्णुगायत्षाघृताक्तं बिल्वपत्रकम् । हुनेदष्टोत्तरशतं सर्वदोषविनाशनम्
śvetābjaṃ viṣṇugāyatṣāghṛtāktaṃ bilvapatrakam / hunedaṣṭottaraśataṃ sarvadoṣavināśanam
Sanskrit only: no published translation is held for this verse.
रात्रिपूजावसाने तु देवमभ्यर्च्य यत्नतः । हविर्निवेद्य तां शक्तिं कौतुकादिषु संगताम्
rātripūjāvasāne tu devamabhyarcya yatnataḥ / havirnivedya tāṃ śaktiṃ kautukādiṣu saṃgatām
Sanskrit only: no published translation is held for this verse.
महाबेरे समारोप्य कुंभमाहृत्य पूर्ववत् । तन्तुना परिवेष्ट्यैव "शुची वो हव्यऽमन्त्रतः
mahābere samāropya kuṃbhamāhṛtya pūrvavat / tantunā pariveṣṭyaiva "śucī vo havya'mantrataḥ
Sanskrit only: no published translation is held for this verse.
प्रक्षाल्योत्पवनं कृत्वा "धारास्विऽति च मन्त्रतः । अद्भिरापूर्याभिमृश्य "इदमापश्शिवाऽ इति
prakṣālyotpavanaṃ kṛtvā "dhārāsvi'ti ca mantrataḥ / adbhirāpūryābhimṛśya "idamāpaśśivā' iti
Sanskrit only: no published translation is held for this verse.
वस्त्रयुग्मेन चावेष्ट्य नवरत्नादि विन्यसेत् । उच्चार्यविष्णुगायत्रीं तत्र कार्यं समाचरेत्
vastrayugmena cāveṣṭya navaratnādi vinyaset / uccāryaviṣṇugāyatrīṃ tatra kāryaṃ samācaret
Sanskrit only: no published translation is held for this verse.
ततो ऽभ्यन्तरमाविश्य देवाग्रे धान्यमण्डले । सन्न्यस्य कुंभमासित्वा देवाग्रे तूत्तरामुखः
tato 'bhyantaramāviśya devāgre dhānyamaṇḍale / sannyasya kuṃbhamāsitvā devāgre tūttarāmukhaḥ
Sanskrit only: no published translation is held for this verse.
समाहितो हरिं ध्यायन् प्रार्थयेन्मन्त्रमुच्चरन् । "अनर्हमेतत्त्वद्गेहं जीर्णं तूर्णं व्यपोह्य च
samāhito hariṃ dhyāyan prārthayenmantramuccaran / "anarhametattvadgehaṃ jīrṇaṃ tūrṇaṃ vyapohya ca
Sanskrit only: no published translation is held for this verse.
किञ्चित्कालं च देवेश त्वयात्र स्थीयतां विभो । यावद्वयं नवं कृत्वा प्रतिष्ठां कारयामहे
kiñcitkālaṃ ca deveśa tvayātra sthīyatāṃ vibho / yāvadvayaṃ navaṃ kṛtvā pratiṣṭhāṃ kārayāmahe
Sanskrit only: no published translation is held for this verse.
प्रसादं कुरु तावत्त्वमस्मिन् गेहे जगत्पतेऽ । इत्युक्त्वाब्दमथ द्वौत्रीन् संकल्प्यावधिमादरात्
prasādaṃ kuru tāvattvamasmin gehe jagatpate' / ityuktvābdamatha dvautrīn saṃkalpyāvadhimādarāt
Sanskrit only: no published translation is held for this verse.
देव्यादिसहितं देवमावाह्यांभसि कुंभके । आचार्यश्शिरसा कुंभं धारयन्नग्रतस्त्वियात्
devyādisahitaṃ devamāvāhyāṃbhasi kuṃbhake / ācāryaśśirasā kuṃbhaṃ dhārayannagratastviyāt
Sanskrit only: no published translation is held for this verse.
तदनु स्थापकाबिंबन्यादाय स्नपनावटे । यज्ञालये प्रतिष्ठाप्य चतुर्दशभिरेव च
tadanu sthāpakābiṃbanyādāya snapanāvaṭe / yajñālaye pratiṣṭhāpya caturdaśabhireva ca
Sanskrit only: no published translation is held for this verse.
कलशैस्स्नाप्य वस्त्राद्यैरलङ्कृत्य समर्च्यच । शय्यावेद्यां धान्यपीठे शयनानि तु पञ्चवै
kalaśaissnāpya vastrādyairalaṅkṛtya samarcyaca / śayyāvedyāṃ dhānyapīṭhe śayanāni tu pañcavai
Sanskrit only: no published translation is held for this verse.
आस्तीर्य चाथ वासांसि बद्ध्वा प्रतिसरं ततः । तथैव शाययेत्कुर्यादुत्तराच्छादनं पुनः
āstīrya cātha vāsāṃsi baddhvā pratisaraṃ tataḥ / tathaiva śāyayetkuryāduttarācchādanaṃ punaḥ
Sanskrit only: no published translation is held for this verse.
परिषिच्य प्रधानाग्निं हौत्रशंसनमाचरेत् । कृत्वा चावाहनादीनि हुनेदग्निषु पूर्ववत्
pariṣicya pradhānāgniṃ hautraśaṃsanamācaret / kṛtvā cāvāhanādīni hunedagniṣu pūrvavat
Sanskrit only: no published translation is held for this verse.
प्रधानाग्नौ स्रुवेणाज्यमादायैव तु वैष्णवम् । गायत्रीं वैष्णपं विष्णुसूक्तं पौरुषमेव च
pradhānāgnau sruveṇājyamādāyaiva tu vaiṣṇavam / gāyatrīṃ vaiṣṇapaṃ viṣṇusūktaṃ pauruṣameva ca
Sanskrit only: no published translation is held for this verse.
एकाक्षरादिसूक्तं च श्रीभूदैवत्यमेव च । त्रिर्हुत्वा सर्वदैवत्यपर्षदां मन्त्रमेव च
ekākṣarādisūktaṃ ca śrībhūdaivatyameva ca / trirhutvā sarvadaivatyaparṣadāṃ mantrameva ca
Sanskrit only: no published translation is held for this verse.
हुत्वा व्यपोह्य विधिना रात्रिशेषं समाहितः । स्नात्वा प्रभाते देवेशं प्रणम्य प्रमवेन तु
hutvā vyapohya vidhinā rātriśeṣaṃ samāhitaḥ / snātvā prabhāte deveśaṃ praṇamya pramavena tu
Sanskrit only: no published translation is held for this verse.
विबोध्य दक्षिणां दद्याद्यजमानो मुदान्वितः । ततो ऽग्निं साधयित्वा तु गुरुस्स्विष्टकृतं तथा
vibodhya dakṣiṇāṃ dadyādyajamāno mudānvitaḥ / tato 'gniṃ sādhayitvā tu gurussviṣṭakṛtaṃ tathā
Sanskrit only: no published translation is held for this verse.
पूर्णाहुतिं च हुत्वैव विसृज्याग्निं विधानतः । धारयन् शिरसा कुंभं शाकुनं सू"क्तमुच्चरन्
pūrṇāhutiṃ ca hutvaiva visṛjyāgniṃ vidhānataḥ / dhārayan śirasā kuṃbhaṃ śākunaṃ sū"ktamuccaran
Sanskrit only: no published translation is held for this verse.
आचार्यः पुरतेगच्छेत्थ्सापकास्तदनस्तरम् । हस्ताभ्यां देवमादाय सर्ववाद्यसमायुतम्
ācāryaḥ purategacchetthsāpakāstadanastaram / hastābhyāṃ devamādāya sarvavādyasamāyutam
Sanskrit only: no published translation is held for this verse.
सर्वालङ्कारसंयुक्तं तो यधारापुरस्सरम् । आलयं परितो गत्वा प्रविश्याभ्यन्तरं पुनः
sarvālaṅkārasaṃyuktaṃ to yadhārāpurassaram / ālayaṃ parito gatvā praviśyābhyantaraṃ punaḥ
Sanskrit only: no published translation is held for this verse.
विहाय स्थिरराशिं तु सुमुहूर्तेविशेषतः । "प्रतद्विष्णुऽरिति प्रोच्य प्राणपीठे हरिंस्मरन्
vihāya sthirarāśiṃ tu sumuhūrteviśeṣataḥ / "pratadviṣṇu'riti procya prāṇapīṭhe hariṃsmaran
Sanskrit only: no published translation is held for this verse.
प्रतिष्ठाप्य तु देवेशं तस्य दक्षिणवामयोः । श्रियं भुवं च मन्त्राभ्यां तयोस्संस्थापयेत्क्रमात्
pratiṣṭhāpya tu deveśaṃ tasya dakṣiṇavāmayoḥ / śriyaṃ bhuvaṃ ca mantrābhyāṃ tayossaṃsthāpayetkramāt
Sanskrit only: no published translation is held for this verse.
देवपादौ स्पृशन् पश्चाद्विष्णुसूक्तं जपन् गुरुः । कृत्वाक्षराणां न्यासादी "निदं विष्णुंऽति ब्रुवन्
devapādau spṛśan paścādviṣṇusūktaṃ japan guruḥ / kṛtvākṣarāṇāṃ nyāsādī "nidaṃ viṣṇuṃ'ti bruvan
Sanskrit only: no published translation is held for this verse.
कूर्चेनादाय कुंभस्थां शक्ति"मायातुऽ मन्त्रतः । "विष्णुमावाहयाऽमीति कौतुकस्य तु मूर्धवि
kūrcenādāya kuṃbhasthāṃ śakti"māyātu' mantrataḥ / "viṣṇumāvāhayā'mīti kautukasya tu mūrdhavi
Sanskrit only: no published translation is held for this verse.
"श्रियंच "हरिणींऽचेति देव्यौ दक्षिणवामयोः । संस्राव्यावाहयेद्देवांस्ततः पारिषदानपि
"śriyaṃca "hariṇīṃ'ceti devyau dakṣiṇavāmayoḥ / saṃsrāvyāvāhayeddevāṃstataḥ pāriṣadānapi
Sanskrit only: no published translation is held for this verse.
कौतुकाद्दक्षिणे वामे स्नपनादीनि कौतुकात् । संस्थाप्य तु समावाह्य तावत्कालं समर्चयेत्
kautukāddakṣiṇe vāme snapanādīni kautukāt / saṃsthāpya tu samāvāhya tāvatkālaṃ samarcayet
Sanskrit only: no published translation is held for this verse.
स्थापकैस्सह पुण्याहं कृत्वाभ्यर्च्यासनादिभिः । हविर्निवेद्य देवेशं हुत्वा होमं च नैत्यिकम्
sthāpakaissaha puṇyāhaṃ kṛtvābhyarcyāsanādibhiḥ / havirnivedya deveśaṃ hutvā homaṃ ca naityikam
Sanskrit only: no published translation is held for this verse.
बलिं निर्वाप्य कुर्वीत बलिभ्रमणमेव च । स्नपनं चोत्सवादीनि पूर्ववत्कारयेत्क्रमात्
baliṃ nirvāpya kurvīta balibhramaṇameva ca / snapanaṃ cotsavādīni pūrvavatkārayetkramāt
Sanskrit only: no published translation is held for this verse.
बालालयार्चने कुर्यादर्चनं तु ध्रुवार्चयोः । आवाहनं विसर्गं च हित्वा सर्वं समाचरेत्
bālālayārcane kuryādarcanaṃ tu dhruvārcayoḥ / āvāhanaṃ visargaṃ ca hitvā sarvaṃ samācaret
Sanskrit only: no published translation is held for this verse.
महानसादिनिर्माणं बालालयविधौ पुनः । सूलालयोक्तवत्कुर्याद्विपरीतं न कारयेत्
mahānasādinirmāṇaṃ bālālayavidhau punaḥ / sūlālayoktavatkuryādviparītaṃ na kārayet
Sanskrit only: no published translation is held for this verse.
अज्ञानादर्थलोभाद्वा कालस्यातिक्रमे सति । देवं विशेषतो ऽभ्यर्च्यशान्तिं वैष्णवसंयुतम्
ajñānādarthalobhādvā kālasyātikrame sati / devaṃ viśeṣato 'bhyarcyaśāntiṃ vaiṣṇavasaṃyutam
Sanskrit only: no published translation is held for this verse.
हुत्वा संपूज्य पूज्यांश्च यजमानो गुरुस्तथा । संप्रार्थ्य देवं कालस्य चावधिं ज्ञापयेत्पुनः
hutvā saṃpūjya pūjyāṃśca yajamāno gurustathā / saṃprārthya devaṃ kālasya cāvadhiṃ jñāpayetpunaḥ
Sanskrit only: no published translation is held for this verse.
भक्तिनम्र स्ततःकुत्याच्छीघ्रङ्कर्मेदमादरात् । एवं द्वादशवर्षान्तं कारयेच्छ ततः परम्
bhaktinamra stataḥkutyācchīghraṅkarmedamādarāt / evaṃ dvādaśavarṣāntaṃ kārayeccha tataḥ param
Sanskrit only: no published translation is held for this verse.
न र मेत हरिस्तत्र तस्मा दुक्तं समाचरेत् । अशक्तश्चेत्तथा कर्तुं बालागालान्तरं पुनः
na ra meta haristatra tasmā duktaṃ samācaret / aśaktaścettathā kartuṃ bālāgālāntaraṃ punaḥ
Sanskrit only: no published translation is held for this verse.
संकल्प्यस्थापयेत्तत्र विपरीतकृदन्यथा । देहाद्देहान्तरप्राप्तौ यथा संस्क्रियते नरः
saṃkalpyasthāpayettatra viparītakṛdanyathā / dehāddehāntaraprāptau yathā saṃskriyate naraḥ
Sanskrit only: no published translation is held for this verse.
तथा स्थानान्तनप्राप्तौ प्रतिष्ठां कारयेद्धरेः । प्रथमे ऽथ द्वितीये ना नष्टे बालालये ऽर्चिते
tathā sthānāntanaprāptau pratiṣṭhāṃ kārayeddhareḥ / prathame 'tha dvitīye nā naṣṭe bālālaye 'rcite
Sanskrit only: no published translation is held for this verse.
दुष्टे वा येन केनापि मण्डपादौ मनोरमम् । देशं तु समलङ्कृत्य संशोध्य विधिवत्पुनः
duṣṭe vā yena kenāpi maṇḍapādau manoramam / deśaṃ tu samalaṅkṛtya saṃśodhya vidhivatpunaḥ
Sanskrit only: no published translation is held for this verse.
संस्थाप्य कौतुकादींश्च समभ्यर्च्येद्विधानतः । बालालयं नवीकृत्य तदेव त्वरितं यथा
saṃsthāpya kautukādīṃśca samabhyarcyedvidhānataḥ / bālālayaṃ navīkṛtya tadeva tvaritaṃ yathā
Sanskrit only: no published translation is held for this verse.
वास्तुशुद्धिं च पुण्याहं कृत्वा संस्थाप्य चार्चयेत् । अयुक्तेतु ततस्तस्मिन्निधायान्यत्र मन्दिरम्
vāstuśuddhiṃ ca puṇyāhaṃ kṛtvā saṃsthāpya cārcayet / ayuktetu tatastasminnidhāyānyatra mandiram
Sanskrit only: no published translation is held for this verse.
पुनः प्रतिष्ठामार्गेण प्रतिष्ठाप्य समर्चयेत्
punaḥ pratiṣṭhāmārgeṇa pratiṣṭhāpya samarcayet
Sanskrit only: no published translation is held for this verse.