अभ्यर्च्या विष्णुभक्ता हि वैष्णवा भगवत्प्रियाः । अवैष्णवस्य पूजा तु तेषामग्रे सुदारुणा
abhyarcyā viṣṇubhaktā hi vaiṣṇavā bhagavatpriyāḥ / avaiṣṇavasya pūjā tu teṣāmagre sudāruṇā
Sanskrit only: no published translation is held for this verse.
Bhrgu-Samhita 30
तस्मात्सर्वप्रयत्नेन त्यजेद्दूरादवैष्णवम् । येतु सामान्यभावेन मन्यन्ते पुरुषोत्तमम्
tasmātsarvaprayatnena tyajeddūrādavaiṣṇavam / yetu sāmānyabhāvena manyante puruṣottamam
Sanskrit only: no published translation is held for this verse.
रुद्रादिभिस्सहाज्ञा नात्ते ऽपि ज्ञेया अवैष्णवाः । नरेषु ब्राह्मणाश्श्रेष्ठा ब्राह्मणेषु विपश्चितः
rudrādibhissahājñā nātte 'pi jñeyā avaiṣṇavāḥ / nareṣu brāhmaṇāśśreṣṭhā brāhmaṇeṣu vipaścitaḥ
Sanskrit only: no published translation is held for this verse.
विपश्चित्सु कृतधियस्तेषु कर्तार एव च । कर्तृषु ब्रह्मविदुषो ये हि भक्ताजनाक्दने
vipaścitsu kṛtadhiyasteṣu kartāra eva ca / kartṛṣu brahmaviduṣo ye hi bhaktājanākdane
Sanskrit only: no published translation is held for this verse.
विष्णुभक्तेषु सर्वत्र श्रेष्ठा वैखानसास्स्मृताः । तस्मात्संपूज्य सर्वादौ भक्त्या वैखानसं द्विजम्
viṣṇubhakteṣu sarvatra śreṣṭhā vaikhānasāssmṛtāḥ / tasmātsaṃpūjya sarvādau bhaktyā vaikhānasaṃ dvijam
Sanskrit only: no published translation is held for this verse.
विष्णुभक्तं ततः पूज्य यथावर्णानुपूर्व्यशः । गोष्ठीं समर्चयेत्काले भोज्याश्चान्ये द्विजातयः
viṣṇubhaktaṃ tataḥ pūjya yathāvarṇānupūrvyaśaḥ / goṣṭhīṃ samarcayetkāle bhojyāścānye dvijātayaḥ
Sanskrit only: no published translation is held for this verse.
स्त्रीयः पूज्या विधानेन वैष्णप्यो वैष्णवाश्रयाः । न हि साधारणि सृष्यिर्वैष्णवीति विचिन्तयेत्
strīyaḥ pūjyā vidhānena vaiṣṇapyo vaiṣṇavāśrayāḥ / na hi sādhāraṇi sṛṣyirvaiṣṇavīti vicintayet
Sanskrit only: no published translation is held for this verse.
जन्मान्तरसहस्रेषु तपोध्यानसमाधिभिः । नराणां क्षीणपापानां कृष्णे भक्तिः प्रजायते
janmāntarasahasreṣu tapodhyānasamādhibhiḥ / narāṇāṃ kṣīṇapāpānāṃ kṛṣṇe bhaktiḥ prajāyate
Sanskrit only: no published translation is held for this verse.
न ह्यभागवतैर्विष्णुर्ज्ञ्रातुं स्तोतुं च तत्त्वतः । द्रष्टुं वा शक्यते मूढाः प्रवेष्टुं कुत एव हि
na hyabhāgavatairviṣṇurjñrātuṃ stotuṃ ca tattvataḥ / draṣṭuṃ vā śakyate mūḍhāḥ praveṣṭuṃ kuta eva hi
Sanskrit only: no published translation is held for this verse.
तद्भक्तिभाविताः पूता नरास्तद्गतचेतसः । भवन्तिवै भागवतास्ते विष्णुं प्रविशन्ति च
tadbhaktibhāvitāḥ pūtā narāstadgatacetasaḥ / bhavantivai bhāgavatāste viṣṇuṃ praviśanti ca
Sanskrit only: no published translation is held for this verse.
अनेक जन्मसंसारचिते पापसमुच्चये । वार्षिणे जायते पुंसां गोविन्दाभिमुखी मतिः
aneka janmasaṃsāracite pāpasamuccaye / vārṣiṇe jāyate puṃsāṃ govindābhimukhī matiḥ
Sanskrit only: no published translation is held for this verse.
प्रद्वेषं याति गोविन्दे द्विजान् वेदांश्च निन्दति । यो नरस्तं विजानीयादासुरांशसमुद्भवम्
pradveṣaṃ yāti govinde dvijān vedāṃśca nindati / yo narastaṃ vijānīyādāsurāṃśasamudbhavam
Sanskrit only: no published translation is held for this verse.
पाषण्डेषु रतिः पुंसां हेतुवादानुकूलता । जायते विष्णुमायातः पतितानां दुरात्मनाम्
pāṣaṇḍeṣu ratiḥ puṃsāṃ hetuvādānukūlatā / jāyate viṣṇumāyātaḥ patitānāṃ durātmanām
Sanskrit only: no published translation is held for this verse.
यदा पापक्षयः पुंसां तदा देवद्विजातिषु । विष्टौ च यज्ञपुरुषे श्रद्धा भवति निश्चला
yadā pāpakṣayaḥ puṃsāṃ tadā devadvijātiṣu / viṣṭau ca yajñapuruṣe śraddhā bhavati niścalā
Sanskrit only: no published translation is held for this verse.
यथा स्वल्पान शेषस्तु नराणां पापसंचयः । भवन्ति ते भागवता निश्श्रेयशपरा नराः
yathā svalpāna śeṣastu narāṇāṃ pāpasaṃcayaḥ / bhavanti te bhāgavatā niśśreyaśaparā narāḥ
Sanskrit only: no published translation is held for this verse.
भ्राम्यतामत्र संसारे नराणां कर्मदुर्गमे । हस्तावलंबनो ह्येको भक्तिक्रीतो जनार्दनः
bhrāmyatāmatra saṃsāre narāṇāṃ karmadurgame / hastāvalaṃbano hyeko bhaktikrīto janārdanaḥ
Sanskrit only: no published translation is held for this verse.
कर्मणा मनसा वाचा प्राणिनां यो ऽनसूयकः । भावसक्तश्च गोविन्दे विष्णौ भागवतो हि सः
karmaṇā manasā vācā prāṇināṃ yo 'nasūyakaḥ / bhāvasaktaśca govinde viṣṇau bhāgavato hi saḥ
Sanskrit only: no published translation is held for this verse.
यो ब्राह्मणांश्च वेदांश्च नित्यमेव नमस्यति । न द्रोग्धा परवित्तादेः सहि भागवतः स्मृतः
yo brāhmaṇāṃśca vedāṃśca nityameva namasyati / na drogdhā paravittādeḥ sahi bhāgavataḥ smṛtaḥ
Sanskrit only: no published translation is held for this verse.
सर्वान् देवान् हरिं वेत्ति सर्वान् लोकांश्च केशवम् । तेभ्यश्च नास्यमात्मावं स हि भागवतस्स्मृतः
sarvān devān hariṃ vetti sarvān lokāṃśca keśavam / tebhyaśca nāsyamātmāvaṃ sa hi bhāgavatassmṛtaḥ
Sanskrit only: no published translation is held for this verse.
देवं मनुष्यमन्यं वा पशुपक्षिपिपीलिकाः । तरुपाषाणकाष्ठादीन् भूम्यंभोगगनं दिशः
devaṃ manuṣyamanyaṃ vā paśupakṣipipīlikāḥ / tarupāṣāṇakāṣṭhādīn bhūmyaṃbhogaganaṃ diśaḥ
Sanskrit only: no published translation is held for this verse.
आत्मानं चापि देवेशाद्व्यतिरिक्तं जनार्दनात् । यो न जानाति पुण्यात्मा स हि भागवतस्स्मृतः
ātmānaṃ cāpi deveśādvyatiriktaṃ janārdanāt / yo na jānāti puṇyātmā sa hi bhāgavatassmṛtaḥ
Sanskrit only: no published translation is held for this verse.
सर्वं भगवतो भागो यद्भूतं भव्यसंस्थितम् । इति यो वै विजानाति स हि भागवतस्स्मृतः
sarvaṃ bhagavato bhāgo yadbhūtaṃ bhavyasaṃsthitam / iti yo vai vijānāti sa hi bhāgavatassmṛtaḥ
Sanskrit only: no published translation is held for this verse.
भवभीतिं हरत्येष भक्तिभावेन भावितः । भगवानिति यद्भावस्स तु भागवतस्स्मृतः
bhavabhītiṃ haratyeṣa bhaktibhāvena bhāvitaḥ / bhagavāniti yadbhāvassa tu bhāgavatassmṛtaḥ
Sanskrit only: no published translation is held for this verse.
भावं न कुरुते यस्तु सर्वभूतेषु पापकम् । कर्मणा मनसा वाचा स तु भागवतस्स्मृतः
bhāvaṃ na kurute yastu sarvabhūteṣu pāpakam / karmaṇā manasā vācā sa tu bhāgavatassmṛtaḥ
Sanskrit only: no published translation is held for this verse.
बाह्यार्थनिरपेक्षो यो भक्त्या भगवतः क्रियाम् । भावेन निष्पादयति ज्ञेयो भागवतो हि सः
bāhyārthanirapekṣo yo bhaktyā bhagavataḥ kriyām / bhāvena niṣpādayati jñeyo bhāgavato hi saḥ
Sanskrit only: no published translation is held for this verse.
नारयो यस्य सुस्निग्धा न चोदासीनवृत्तयः । पश्यतस्सर्वमेवेदं विष्णुं भागवतस्स हि
nārayo yasya susnigdhā na codāsīnavṛttayaḥ / paśyatassarvamevedaṃ viṣṇuṃ bhāgavatassa hi
Sanskrit only: no published translation is held for this verse.
सुतप्तेनेह तपसा यज्ञैर्वा बहुदक्षिणैः । तां गतिं न नरायान्ति यां तु भागवता नराः
sutapteneha tapasā yajñairvā bahudakṣiṇaiḥ / tāṃ gatiṃ na narāyānti yāṃ tu bhāgavatā narāḥ
Sanskrit only: no published translation is held for this verse.
योगच्युतैर्भागवतैद् देवराजश्शतक्रतुः । अवाङ्निरीक्ष्यते नज्रीकिमु ये योगपारगाः
yogacyutairbhāgavataid devarājaśśatakratuḥ / avāṅnirīkṣyate najrīkimu ye yogapāragāḥ
Sanskrit only: no published translation is held for this verse.
यज्ञनिष्पत्तये वेदा देवा यज्ञपतेः कृते । तत्तोषणाय यतते स हि भागवतस्स्मृतः
yajñaniṣpattaye vedā devā yajñapateḥ kṛte / tattoṣaṇāya yatate sa hi bhāgavatassmṛtaḥ
Sanskrit only: no published translation is held for this verse.
येन सर्वात्मना भक्त्या विष्णौ भावो निवेशितः । युक्तत्वात्कृतकृत्यत्वात्स हि भागवतस्स्मृतः
yena sarvātmanā bhaktyā viṣṇau bhāvo niveśitaḥ / yuktatvātkṛtakṛtyatvātsa hi bhāgavatassmṛtaḥ
Sanskrit only: no published translation is held for this verse.
व्रतिनां यज्ञपुरुषः पूज्यो विष्णुरसंशयः । स्त्रीयश्च स्वं च भर्तारमृते पूज्यन्न दैवतम्
vratināṃ yajñapuruṣaḥ pūjyo viṣṇurasaṃśayaḥ / strīyaśca svaṃ ca bhartāramṛte pūjyanna daivatam
Sanskrit only: no published translation is held for this verse.
भर्तुर्गृहस्थस्य सतः पूज्यो यज्ञपतिर्हरिः । वैखानसानामाराध्यस्तपोभिर्मधुसूदनः
bharturgṛhasthasya sataḥ pūjyo yajñapatirhariḥ / vaikhānasānāmārādhyastapobhirmadhusūdanaḥ
Sanskrit only: no published translation is held for this verse.
ध्येयः परिव्राजकानां वासुदेवो महात्मनाम् । एवमाश्रमिणां विष्णुस्सर्वेषां च परायणम्
dhyeyaḥ parivrājakānāṃ vāsudevo mahātmanām / evamāśramiṇāṃ viṣṇussarveṣāṃ ca parāyaṇam
Sanskrit only: no published translation is held for this verse.
न दानैर्नतपोभिश्च प्रीयते भगवान् हरिः । वर्णाश्रमाचारवता यथा स परितुष्यति
na dānairnatapobhiśca prīyate bhagavān hariḥ / varṇāśramācāravatā yathā sa parituṣyati
Sanskrit only: no published translation is held for this verse.
वर्णाश्रमाचारवता पुरुषेण परःपुमान् । विष्णुराराध्यते पन्था नान्यस्तत्तोषकारकः
varṇāśramācāravatā puruṣeṇa paraḥpumān / viṣṇurārādhyate panthā nānyastattoṣakārakaḥ
Sanskrit only: no published translation is held for this verse.
अत्रानुक्तेषु दोषेषु प्रायश्चित्तं प्रवक्ष्यते । पैण्डरीकाग्निमासाद्य परिषिच्य च पावकम्
atrānukteṣu doṣeṣu prāyaścittaṃ pravakṣyate / paiṇḍarīkāgnimāsādya pariṣicya ca pāvakam
Sanskrit only: no published translation is held for this verse.
षट्कृत्वो वैष्णवं तद्वच्चतुष्कृत्वश्च व्याहृतीः । अष्टाक्षरं चाष्टकृत्वस्तथा च द्वादशाक्षरम्
ṣaṭkṛtvo vaiṣṇavaṃ tadvaccatuṣkṛtvaśca vyāhṛtīḥ / aṣṭākṣaraṃ cāṣṭakṛtvastathā ca dvādaśākṣaram
Sanskrit only: no published translation is held for this verse.
हुत्वा द्वादशकृत्वस्तु विष्णुसूक्तं च पौरुषम् । एकाक्षरादिसूक्तं च श्रीभूसूक्तद्वयं हुनेत्
hutvā dvādaśakṛtvastu viṣṇusūktaṃ ca pauruṣam / ekākṣarādisūktaṃ ca śrībhūsūktadvayaṃ hunet
Sanskrit only: no published translation is held for this verse.
देवं संस्नाप्य चाभ्यर्च्य हविस्सम्यङ्नि वेदयेत्, । अनेन विधिना तत्र शान्तिर्भवति शोभना
devaṃ saṃsnāpya cābhyarcya havissamyaṅni vedayet, / anena vidhinā tatra śāntirbhavati śobhanā
Sanskrit only: no published translation is held for this verse.
हादोषेषु च पुनरुक्तहोमैस्सहैव तु । पारमात्मिकमीङ्काराद्यष्टाशीतिं विशेषतः
hādoṣeṣu ca punaruktahomaissahaiva tu / pāramātmikamīṅkārādyaṣṭāśītiṃ viśeṣataḥ
Sanskrit only: no published translation is held for this verse.
हुत्वा च सर्वदैवत्यमष्टाभिश्च शतैर्घटैः । देवं संस्नाप्य चाभ्यर्च्य हविस्सम्यङ्नि वेदयेत्
hutvā ca sarvadaivatyamaṣṭābhiśca śatairghaṭaiḥ / devaṃ saṃsnāpya cābhyarcya havissamyaṅni vedayet
Sanskrit only: no published translation is held for this verse.