Bhrgu-Samhita 32

इति श्रीवैखानसे भगवच्छास्त्रे भृगुप्रोक्तायां संहितायां प्रकीर्णाधिकारे एकत्रिंशो ऽध्यायः। अथद्वात्रिंशो ऽध्यायः। प्रकीर्णकम्। अतःपरं प्रवक्ष्यामि ज्येष्ठायामुत्सवक्रमम् । ज्येष्ठे मासि तु संप्राप्ते ज्येष्ठानक्षत्र संयुते

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre ekatriṃśo 'dhyāyaḥ. athadvātriṃśo 'dhyāyaḥ. prakīrṇakam. ataḥparaṃ pravakṣyāmi jyeṣṭhāyāmutsavakramam / jyeṣṭhe māsi tu saṃprāpte jyeṣṭhānakṣatra saṃyute

Sanskrit only: no published translation is held for this verse.

विष्णोरेव विशेषस्स्यात्सुगन्धं तैलमाहरेत् । तैलक्रमं प्रवक्ष्यामि श्रुणुध्वं मुनिपुङ्गवाः

viṣṇoreva viśeṣassyātsugandhaṃ tailamāharet / tailakramaṃ pravakṣyāmi śruṇudhvaṃ munipuṅgavāḥ

Sanskrit only: no published translation is held for this verse.

यागशालां प्रकल्प्यैव सर्वालङ्कालसंयुताम् । सभ्यं च पैण्डरीकं च कारयित्वा सलक्षणम्

yāgaśālāṃ prakalpyaiva sarvālaṅkālasaṃyutām / sabhyaṃ ca paiṇḍarīkaṃ ca kārayitvā salakṣaṇam

Sanskrit only: no published translation is held for this verse.

तद्दिनस्य तु पूर्वेद्युस्तृतीये पञ्चमे ऽपि वा । सप्तमे ऽहनि वा चापि अङ्कुरार्पणमाचरेत्

taddinasya tu pūrvedyustṛtīye pañcame 'pi vā / saptame 'hani vā cāpi aṅkurārpaṇamācaret

Sanskrit only: no published translation is held for this verse.

आघारं विधिवत्कृत्वा सर्वकार्यमदः परम् । वेद्यास्तथोत्तरे पार्श्वे भूम्यामपटमाचरेत्

āghāraṃ vidhivatkṛtvā sarvakāryamadaḥ param / vedyāstathottare pārśve bhūmyāmapaṭamācaret

Sanskrit only: no published translation is held for this verse.

चतुस्तालप्रमाणेव विस्तारं निम्नमेव च । निम्नेतु विन्यसेद्भाण्डं द्विद्रोणपरिमाणकम्

catustālapramāṇeva vistāraṃ nimnameva ca / nimnetu vinyasedbhāṇḍaṃ dvidroṇaparimāṇakam

Sanskrit only: no published translation is held for this verse.

"भूः प्रतिऽऽ ष्ठेति मन्त्रेण निम्ने भाण्डं सुनिक्षिपेत् । मलयागुरुदारूणि देवदारु तथैव च

"bhūḥ prati'' ṣṭheti mantreṇa nimne bhāṇḍaṃ sunikṣipet / malayāgurudārūṇi devadāru tathaiva ca

Sanskrit only: no published translation is held for this verse.

यानि चात्र सुगन्धीनि देवयोग्यानि तानि वै । गुग्गुलं च समाहृत्य मर्दयित्वासकृत् सकृत्

yāni cātra sugandhīni devayogyāni tāni vai / guggulaṃ ca samāhṛtya mardayitvāsakṛt sakṛt

Sanskrit only: no published translation is held for this verse.

विष्णुऽगायत्रिया भाण्डे तानि द्रव्याणि निक्षिवेत् । शरावेण पिधायाथ मृदा च परिलेपयेत्

viṣṇu'gāyatriyā bhāṇḍe tāni dravyāṇi nikṣivet / śarāveṇa pidhāyātha mṛdā ca parilepayet

Sanskrit only: no published translation is held for this verse.

गोकरीषाणि काष्ठानि तस्योपरि विनिक्षिपेत् । मन्दाग्निना पचेत्तत्तु यावत्तैलागमं भवेत्

gokarīṣāṇi kāṣṭhāni tasyopari vinikṣipet / mandāgninā pacettattu yāvattailāgamaṃ bhavet

Sanskrit only: no published translation is held for this verse.

तावत्कालं पचेद्विद्वान् तैलमाहृत्य संभृतम् । वासितानि तु वस्तूनि परिहृत्य तु तत्र वै

tāvatkālaṃ pacedvidvān tailamāhṛtya saṃbhṛtam / vāsitāni tu vastūni parihṛtya tu tatra vai

Sanskrit only: no published translation is held for this verse.

सुगन्धिदैलभाण्डं च ध्यान्यपीठोपरि न्यसेत् । पूर्वोक्तेनैव मन्त्रेण तन्तुना परिवेष्टयेत्

sugandhidailabhāṇḍaṃ ca dhyānyapīṭhopari nyaset / pūrvoktenaiva mantreṇa tantunā pariveṣṭayet

Sanskrit only: no published translation is held for this verse.

पितॄन् सोमं तथाभ्यर्च्य वनत्पतिमतः परम् । तैले तस्मिन् विधानेन अर्घ्यान्तमभिपूजयेत्

pitṝn somaṃ tathābhyarcya vanatpatimataḥ param / taile tasmin vidhānena arghyāntamabhipūjayet

Sanskrit only: no published translation is held for this verse.

वैष्णवं विष्णुसूक्तं च नरसूक्तं तथैव च । जप्त्वातु विष्णुगायत्रीमष्टोत्तरसहस्रकम्

vaiṣṇavaṃ viṣṇusūktaṃ ca narasūktaṃ tathaiva ca / japtvātu viṣṇugāyatrīmaṣṭottarasahasrakam

Sanskrit only: no published translation is held for this verse.

आचार्यस्त्वरितो गत्वा सभ्याग्नेस्तु समीपतः । द्वितालविस्तृतं वृत्तं चतुरङ्गुलमुन्नतम्

ācāryastvarito gatvā sabhyāgnestu samīpataḥ / dvitālavistṛtaṃ vṛttaṃ caturaṅgulamunnatam

Sanskrit only: no published translation is held for this verse.

कूर्माकृतिवदाकारं बिल्वाद्यैः परिकल्पितम्

kūrmākṛtivadākāraṃ bilvādyaiḥ parikalpitam

Sanskrit only: no published translation is held for this verse.

प्रतिष्ठायामुत्सवे च जपहोमार्चनादिषु । देवकार्येषु सर्वेषु तथान्येषु च कर्मसु

pratiṣṭhāyāmutsave ca japahomārcanādiṣu / devakāryeṣu sarveṣu tathānyeṣu ca karmasu

Sanskrit only: no published translation is held for this verse.

कूर्मपीठं तु गृह्णीयादन्यथा निष्फलं भवेत् । असीनः कूर्मपीठे तु सभ्याग्नौ जुहुयात्तथा

kūrmapīṭhaṃ tu gṛhṇīyādanyathā niṣphalaṃ bhavet / asīnaḥ kūrmapīṭhe tu sabhyāgnau juhuyāttathā

Sanskrit only: no published translation is held for this verse.

वैष्णवं विष्णुसूक्तं च नरसूक्तं तथेव च । जुहुयात्सर्वदैवत्यं पारमात्मिकमेव च

vaiṣṇavaṃ viṣṇusūktaṃ ca narasūktaṃ tatheva ca / juhuyātsarvadaivatyaṃ pāramātmikameva ca

Sanskrit only: no published translation is held for this verse.

महाव्याहृतिभिर्हुत्वा अन्तहोमं समाचरेत् । प्रणिध्यां शङ्खपात्रे वा अग्निमारोपयेत्सुधीः?

mahāvyāhṛtibhirhutvā antahomaṃ samācaret / praṇidhyāṃ śaṅkhapātre vā agnimāropayetsudhīḥ?

Sanskrit only: no published translation is held for this verse.

तैलस्यालेपनात्पूर्वं ध्रुवादग्निं समाहरेत् । स्रग्वस्त्रकुण्डलाद्यैश्च आचार्यं पूजयेत्ततः

tailasyālepanātpūrvaṃ dhruvādagniṃ samāharet / sragvastrakuṇḍalādyaiśca ācāryaṃ pūjayettataḥ

Sanskrit only: no published translation is held for this verse.

परिचारकमाहूय यथार्हं पूज्य तं ततः । उष्णीषं धारयित्वातं परिचारकमूर्धनि

paricārakamāhūya yathārhaṃ pūjya taṃ tataḥ / uṣṇīṣaṃ dhārayitvātaṃ paricārakamūrdhani

Sanskrit only: no published translation is held for this verse.

सुगन्धितैलभाण्डं तु यत्नेनापि विनिक्षिपेत् । शनैश्सनैश्च गत्वा तु सर्ववाद्यसमन्वितम्

sugandhitailabhāṇḍaṃ tu yatnenāpi vinikṣipet / śanaiśsanaiśca gatvā tu sarvavādyasamanvitam

Sanskrit only: no published translation is held for this verse.

सर्वालङ्कारसंयुक्तं ब्रह्मघोषसमन्वितम् । वीथिं प्रदक्षिणीकृत्य देवस्याग्रेतु निक्षिपेत्

sarvālaṅkārasaṃyuktaṃ brahmaghoṣasamanvitam / vīthiṃ pradakṣiṇīkṛtya devasyāgretu nikṣipet

Sanskrit only: no published translation is held for this verse.

अर्घ्यान्तमभिपूज्यैव देवेशं संप्रणम्य च । वैष्णवं विष्णुसूक्तं च नरसूक्तं जपेत्क्रमात्

arghyāntamabhipūjyaiva deveśaṃ saṃpraṇamya ca / vaiṣṇavaṃ viṣṇusūktaṃ ca narasūktaṃ japetkramāt

Sanskrit only: no published translation is held for this verse.

तैलेनालेपयेद्देवमाचार्य स्त्वरितस्तथा । देवीभ्यां च ततः पश्चात्तत्तन्मन्त्रेण लेपयेत्

tailenālepayeddevamācārya stvaritastathā / devībhyāṃ ca tataḥ paścāttattanmantreṇa lepayet

Sanskrit only: no published translation is held for this verse.

सर्वेषां परिवाराणां तत्तन्मन्त्रैश्च कारयेत् । आचार्यस्त्वरितोगत्वा चौत्सवस्य समीपतः

sarveṣāṃ parivārāṇāṃ tattanmantraiśca kārayet / ācāryastvaritogatvā cautsavasya samīpataḥ

Sanskrit only: no published translation is held for this verse.

"परिलिखितऽमिति मन्त्रेण कवचं परिशोधयेत् । जीर्णे भिन्ने च कवचे शिल्पिनैन सुसन्नयेत्

"parilikhita'miti mantreṇa kavacaṃ pariśodhayet / jīrṇe bhinne ca kavace śilpinaina susannayet

Sanskrit only: no published translation is held for this verse.

प्रक्षाल्य पञ्चगव्येन जलेन परिशोधयेत् । कृत्वापि वास्तुशुद्धिं च यथोक्तां निष्कृतिं चरेत्

prakṣālya pañcagavyena jalena pariśodhayet / kṛtvāpi vāstuśuddhiṃ ca yathoktāṃ niṣkṛtiṃ caret

Sanskrit only: no published translation is held for this verse.

विष्णोर्नुकादिमन्त्रैश्च संदध्यात्कवचं तथा । दृढीकृत्य तु पूर्वोक्तं यत्नेन परिकल्पयेत्

viṣṇornukādimantraiśca saṃdadhyātkavacaṃ tathā / dṛḍhīkṛtya tu pūrvoktaṃ yatnena parikalpayet

Sanskrit only: no published translation is held for this verse.

सहस्रकलशैर्देवं स्नापयित्वा यथाविधे । नित्यपूजाविधानेन देवमाराध्य पूर्ववत्

sahasrakalaśairdevaṃ snāpayitvā yathāvidhe / nityapūjāvidhānena devamārādhya pūrvavat

Sanskrit only: no published translation is held for this verse.

महाहविःप्रभूतं वा पायसं च निवेदयेत् । "क्षमस्वेऽऽति वदन् भूयः प्रणमेत्पुरुषोत्तमम्

mahāhaviḥprabhūtaṃ vā pāyasaṃ ca nivedayet / "kṣamasve''ti vadan bhūyaḥ praṇametpuruṣottamam

Sanskrit only: no published translation is held for this verse.

ब्रह्मघोषं ततः कुर्याद्दद्यादाचार्यदक्षिणाम् । दिने पक्षे च मासे च तथा संनत्सरे चरेत्

brahmaghoṣaṃ tataḥ kuryāddadyādācāryadakṣiṇām / dine pakṣe ca māse ca tathā saṃnatsare caret

Sanskrit only: no published translation is held for this verse.

यद्यद्रूपं तथाध्यायेत्तत्तद्बिंबेषु योजयेत् । तस्मात्सर्वप्रयत्नेन बिंबरक्षां समाचरेत्

yadyadrūpaṃ tathādhyāyettattadbiṃbeṣu yojayet / tasmātsarvaprayatnena biṃbarakṣāṃ samācaret

Sanskrit only: no published translation is held for this verse.

पवित्रारोपणम् अथ वक्ष्ये विशेषण पवित्रारोपणं हरेः

pavitrāropaṇam atha vakṣye viśeṣaṇa pavitrāropaṇaṃ hareḥ

Sanskrit only: no published translation is held for this verse.

सर्वदोषोपशमनं सर्वयज्ञफलप्रदम् । सर्वकामप्रदं चैव सर्वतुष्टिकरं परम्

sarvadoṣopaśamanaṃ sarvayajñaphalapradam / sarvakāmapradaṃ caiva sarvatuṣṭikaraṃ param

Sanskrit only: no published translation is held for this verse.

सर्वलोकस्य वृद्ध्यर्थं सर्वलोकस्य शान्तिदम् । यद्यन्मन्त्रक्रियाहीनं द्रव्यहीनं च यत्कृतम्

sarvalokasya vṛddhyarthaṃ sarvalokasya śāntidam / yadyanmantrakriyāhīnaṃ dravyahīnaṃ ca yatkṛtam

Sanskrit only: no published translation is held for this verse.

तद्दोषशमनायैव पवित्रारोपणं चरेत् । पवित्रारोपणे हीने या पूजा निष्फला भवेत्

taddoṣaśamanāyaiva pavitrāropaṇaṃ caret / pavitrāropaṇe hīne yā pūjā niṣphalā bhavet

Sanskrit only: no published translation is held for this verse.

संक्षोभो जायते तत्र तस्माद्यत्नेन कारयेत् । आषाढे श्रावणे मासि प्रोष्ठपद्यां विशेषतः

saṃkṣobho jāyate tatra tasmādyatnena kārayet / āṣāḍhe śrāvaṇe māsi proṣṭhapadyāṃ viśeṣataḥ

Sanskrit only: no published translation is held for this verse.

द्वादश्यां शुक्लपक्षे तु विष्णुपञ्चदिने ऽथ वा । संसर्पमधिमासं च तिथिवारं च शून्यकम्

dvādaśyāṃ śuklapakṣe tu viṣṇupañcadine 'tha vā / saṃsarpamadhimāsaṃ ca tithivāraṃ ca śūnyakam

Sanskrit only: no published translation is held for this verse.

दशम्येकादशीमिश्रं तद्दिनं च विवर्जयेत् । हरितिथ्यां च निर्दुष्टे पवित्रारोपणं शुभम्

daśamyekādaśīmiśraṃ taddinaṃ ca vivarjayet / haritithyāṃ ca nirduṣṭe pavitrāropaṇaṃ śubham

Sanskrit only: no published translation is held for this verse.

नवाहं वाथ सप्ताहं पञ्चाहमथ वा त्षहम् । उक्तलक्षणसंपन्नमाचार्यं वरयेत्क्रमात्

navāhaṃ vātha saptāhaṃ pañcāhamatha vā tṣaham / uktalakṣaṇasaṃpannamācāryaṃ varayetkramāt

Sanskrit only: no published translation is held for this verse.

ऋत्विजो वरयेत्तद्वच्छिष्यांश् च वरयेत्ततः । तद्दिनात्पूर्वरात्रौ तु देवेशं प्रार्थयेद्गुरुः

ṛtvijo varayettadvacchiṣyāṃś ca varayettataḥ / taddinātpūrvarātrau tu deveśaṃ prārthayedguruḥ

Sanskrit only: no published translation is held for this verse.

"भगवतो बलेऽऽनेति प्रोच्य नम्राङ्गस्सुसमाहितः । पाद्याद्यैश्च विशेषेण देवमभ्यर्च्य सत्वरः

"bhagavato bale''neti procya namrāṅgassusamāhitaḥ / pādyādyaiśca viśeṣeṇa devamabhyarcya satvaraḥ

Sanskrit only: no published translation is held for this verse.

प्रार्थनासूक्तमुच्चार्य वेदाध्ययनमारभेत् । परितो यागशालायाश्शिष्यैः परिवृतोगुरुः

prārthanāsūktamuccārya vedādhyayanamārabhet / parito yāgaśālāyāśśiṣyaiḥ parivṛtoguruḥ

Sanskrit only: no published translation is held for this verse.

चतुर्षु द्वारदेशेषु क्रमात्प्रागादिषु स्वयम् । चतुर्वेदान्दिमन्त्रांश्च शक्त्याध्ययनमाचरेत्

caturṣu dvāradeśeṣu kramātprāgādiṣu svayam / caturvedāndimantrāṃśca śaktyādhyayanamācaret

Sanskrit only: no published translation is held for this verse.

पुण्याहं च ततः कृत्वा मृत्संग्रहणमाचरेत् । अङ्कुरानल्पयित्वैव मुद्गान्नं च निवेदयेत्

puṇyāhaṃ ca tataḥ kṛtvā mṛtsaṃgrahaṇamācaret / aṅkurānalpayitvaiva mudgānnaṃ ca nivedayet

Sanskrit only: no published translation is held for this verse.

औपासनाग्निकुण्डे तु आघारं विधिवद्यजेत् । वास्तुहोमं च हुत्वा तु गव्यं कृत्वा विधानतः

aupāsanāgnikuṇḍe tu āghāraṃ vidhivadyajet / vāstuhomaṃ ca hutvā tu gavyaṃ kṛtvā vidhānataḥ

Sanskrit only: no published translation is held for this verse.

पर्यग्नि पञ्चगव्याभ्यां योगशालां विशोधयेत् । "तमेकनेमिऽऽ मित्युक्त्वा "आमावाजस्यऽऽ इत्यपि

paryagni pañcagavyābhyāṃ yogaśālāṃ viśodhayet / "tamekanemi'' mityuktvā "āmāvājasya'' ityapi

Sanskrit only: no published translation is held for this verse.

"तन्तुन्तव्वऽऽन्निति प्रोच्य "यन्मेगर्भऽऽ इतीरयन् । षड्भिश्च वैष्णवैर्मन्त्रैर्विष्णुगायत्रिया तथा

"tantuntavva''nniti procya "yanmegarbha'' itīrayan / ṣaḍbhiśca vaiṣṇavairmantrairviṣṇugāyatriyā tathā

Sanskrit only: no published translation is held for this verse.

पवित्राणि सुसंप्रोक्ष्य विधिना पञ्चगव्यकैः । "प्रतद्विष्णुस्तवतऽऽ इति "इदं विष्णुऽऽ रितीरयन्

pavitrāṇi susaṃprokṣya vidhinā pañcagavyakaiḥ / "pratadviṣṇustavata'' iti "idaṃ viṣṇu'' ritīrayan

Sanskrit only: no published translation is held for this verse.

विष्णुगायत्रिया पश्चात् पवित्रं संप्रणम्य च

viṣṇugāyatriyā paścāt pavitraṃ saṃpraṇamya ca

Sanskrit only: no published translation is held for this verse.

उत्तमं स्वर्णसूत्रं च मध्यमं रौप्यसूत्रकम् । कार्पासमधमं गृह्य सर्वदोषविवर्जितम्

uttamaṃ svarṇasūtraṃ ca madhyamaṃ raupyasūtrakam / kārpāsamadhamaṃ gṛhya sarvadoṣavivarjitam

Sanskrit only: no published translation is held for this verse.

सुमङ्गलीभिर्युग्माभिर्ब्राह्मणीभिर्विशेषतः । अलाभे कन्यकाभिर्वा निर्मितं सूत्रमुत्तमम्

sumaṅgalībhiryugmābhirbrāhmaṇībhirviśeṣataḥ / alābhe kanyakābhirvā nirmitaṃ sūtramuttamam

Sanskrit only: no published translation is held for this verse.

गृह्णीयाद्बिंबमानेन चाष्टोत्तरसहस्रकम् । ग्रन्थय्ॐगुष्ठमात्रास्स्युस्ताभिर्मालां च कारयेत्

gṛhṇīyādbiṃbamānena cāṣṭottarasahasrakam / granthayoṃguṣṭhamātrāssyustābhirmālāṃ ca kārayet

Sanskrit only: no published translation is held for this verse.

वनमाला समाख्याता विष्णोःप्रियतमा भवेत् । विष्णुसूक्तं च जप्त्वातु "अणोरणीयाऽऽनिति ब्रुर्न

vanamālā samākhyātā viṣṇoḥpriyatamā bhavet / viṣṇusūktaṃ ca japtvātu "aṇoraṇīyā''niti brurna

Sanskrit only: no published translation is held for this verse.

प्रोक्ष्य हारिद्रतोयेन "इमे धूऽऽ पेति धूपयेत् । चतुर्वेदादिमन्त्रैश्च तोरणाद्यैरलङ्कृतम्

prokṣya hāridratoyena "ime dhū'' peti dhūpayet / caturvedādimantraiśca toraṇādyairalaṅkṛtam

Sanskrit only: no published translation is held for this verse.

नभ्याग्निकुण्डं कृत्वैव आघारं विधिवद्यजेत्

nabhyāgnikuṇḍaṃ kṛtvaiva āghāraṃ vidhivadyajet

Sanskrit only: no published translation is held for this verse.

बिंबाध्यर्धप्रमाणेन शय्यावेदिं प्रकल्पयेत् । तिलतण्डुलधान्यैश्च धान्यपीठं प्रकल्प्य च

biṃbādhyardhapramāṇena śayyāvediṃ prakalpayet / tilataṇḍuladhānyaiśca dhānyapīṭhaṃ prakalpya ca

Sanskrit only: no published translation is held for this verse.

दर्भांस्तत्र समास्तीर्य चाण्डजादीनि चास्तरेत् । "प्रतद्विष्णुऽऽरिति प्रोच्य पवित्रं सन्निधाय च

darbhāṃstatra samāstīrya cāṇḍajādīni cāstaret / "pratadviṣṇu''riti procya pavitraṃ sannidhāya ca

Sanskrit only: no published translation is held for this verse.

पञ्चमूर्तभिरावाह्य समभ्यर्च्य प्रणम्य च । जप्त्वा प्रतिसरं मन्त्रं धूपदीपादि दर्शयेत्?

pañcamūrtabhirāvāhya samabhyarcya praṇamya ca / japtvā pratisaraṃ mantraṃ dhūpadīpādi darśayet?

Sanskrit only: no published translation is held for this verse.

"अतो देवाऽऽ दिना पश्चाद्देवेशं प्रार्थयेद्गुरुः । पाद्यादिभिस्समभ्यर्च्य धूपदीपादिदर्शयेत्

"ato devā'' dinā paścāddeveśaṃ prārthayedguruḥ / pādyādibhissamabhyarcya dhūpadīpādidarśayet

Sanskrit only: no published translation is held for this verse.

बद्ध्वा प्रतिसरं देवं श्रीभूम्यौ च तथैव च । आचार्यस्यर्त्विजां चैव बद्ध्वाप्रतिसरं तथा

baddhvā pratisaraṃ devaṃ śrībhūmyau ca tathaiva ca / ācāryasyartvijāṃ caiva baddhvāpratisaraṃ tathā

Sanskrit only: no published translation is held for this verse.

"यद्वैष्णवं समुच्चार्य पवित्रं शयनं चरेत् । सूक्ष्मवस्त्रेण चाच्छाद्य चार्पयेत्पुष्बमक्षतम्

"yadvaiṣṇavaṃ samuccārya pavitraṃ śayanaṃ caret / sūkṣmavastreṇa cācchādya cārpayetpuṣbamakṣatam

Sanskrit only: no published translation is held for this verse.

विष्णुसूक्तं च गोदानसूक्तं चैवात्मसूक्तकम् । एकाक्षरादिसूक्तं च वैष्णवं सूक्तमेव च

viṣṇusūktaṃ ca godānasūktaṃ caivātmasūktakam / ekākṣarādisūktaṃ ca vaiṣṇavaṃ sūktameva ca

Sanskrit only: no published translation is held for this verse.

नृसूक्तं रुद्र सूक्तं च दुर्गासूक्तं तथैव च । सारस्वतं तथा सूक्तं रात्रिसूक्तमतः परम्

nṛsūktaṃ rudra sūktaṃ ca durgāsūktaṃ tathaiva ca / sārasvataṃ tathā sūktaṃ rātrisūktamataḥ param

Sanskrit only: no published translation is held for this verse.

"ऋतं च सत्यंऽऽ जप्त्वैव "सहस्रशीर्षऽऽमेव च । श्रीभूसूक्तञ्च जप्त्वैव कारयेद्देशिकोत्तमः

"ṛtaṃ ca satyaṃ'' japtvaiva "sahasraśīrṣa''meva ca / śrībhūsūktañca japtvaiva kārayeddeśikottamaḥ

Sanskrit only: no published translation is held for this verse.

दशानां चैव पञ्चानां सूक्तानां जप उत्तमम् । मध्यमं दशसूक्तानां पञ्चानामधमं भवेत्

daśānāṃ caiva pañcānāṃ sūktānāṃ japa uttamam / madhyamaṃ daśasūktānāṃ pañcānāmadhamaṃ bhavet

Sanskrit only: no published translation is held for this verse.

प्रागादिदिक्षु च तथा विदिक्षु च चतुर्ष्वपि । क्रमाच्छान्तं खगाधीशं चक्रं शङ्खं तथैव च

prāgādidikṣu ca tathā vidikṣu ca caturṣvapi / kramācchāntaṃ khagādhīśaṃ cakraṃ śaṅkhaṃ tathaiva ca

Sanskrit only: no published translation is held for this verse.

विमानपालांश्चावाह्य समभ्यर्च्य विशेषतः । मुद्गान्नं विनिवेद्यैव प्रणामं मुहुराचरेत्

vimānapālāṃścāvāhya samabhyarcya viśeṣataḥ / mudgānnaṃ vinivedyaiva praṇāmaṃ muhurācaret

Sanskrit only: no published translation is held for this verse.

सर्वरक्षाकरं चक्रं पवित्रोपरि चार्चयेत् । निवेदयेत्तदान्नेन शान्तादीनां बलिं ददेत्

sarvarakṣākaraṃ cakraṃ pavitropari cārcayet / nivedayettadānnena śāntādīnāṃ baliṃ dadet

Sanskrit only: no published translation is held for this verse.

पादौ प्रक्षाल्य चाचम्य यथोक्तेन विधानतः । हौत्रं प्रशंस्य विधिवदावाहन मथाचरेत्

pādau prakṣālya cācamya yathoktena vidhānataḥ / hautraṃ praśaṃsya vidhivadāvāhana mathācaret

Sanskrit only: no published translation is held for this verse.

जुष्टाकारं च कृत्वा तु जुहुयाच्च यथाक्रमम् । हावयेत्पञ्चभिस्सुक्तैस्तत्तद्दैवत्यमेव च

juṣṭākāraṃ ca kṛtvā tu juhuyācca yathākramam / hāvayetpañcabhissuktaistattaddaivatyameva ca

Sanskrit only: no published translation is held for this verse.

वश्चादग्निं विसृज्यैव रात्रिशेषं नयेद्गुरुः । ततः प्रभाते धर्मात्मा स्नात्वा स्नानविधानतः

vaścādagniṃ visṛjyaiva rātriśeṣaṃ nayedguruḥ / tataḥ prabhāte dharmātmā snātvā snānavidhānataḥ

Sanskrit only: no published translation is held for this verse.

नित्यपूजा विधेरन्ते देवेशं प्रार्थयेद्गुरुः । अष्टोत्तरशतैर्देवं स्नापयेत्कलशैस्ततः

nityapūjā vidherante deveśaṃ prārthayedguruḥ / aṣṭottaraśatairdevaṃ snāpayetkalaśaistataḥ

Sanskrit only: no published translation is held for this verse.

अलङ्कृत्यच देवेशं धूपदीपादिकं ददेत्

alaṅkṛtyaca deveśaṃ dhūpadīpādikaṃ dadet

Sanskrit only: no published translation is held for this verse.

औद्यन्तम्ऽऽ इतिमन्त्रेण पवित्रं मूर्ध्नि धारयन् । सर्ववाद्यसमायुक्तं तो यधारापुरस्सरम्

audyantam'' itimantreṇa pavitraṃ mūrdhni dhārayan / sarvavādyasamāyuktaṃ to yadhārāpurassaram

Sanskrit only: no published translation is held for this verse.

प्रदक्षिणं शनैर्गत्वादेवाग्रेसन्निधायच । "सुर्यऽऽ च मन्त्रेण शतञ्जप्त्वा तु पल्लवम्

pradakṣiṇaṃ śanairgatvādevāgresannidhāyaca / "surya'' ca mantreṇa śatañjaptvā tu pallavam

Sanskrit only: no published translation is held for this verse.

आचार्यस्सुप्रसन्नात्मा स्वात्मरक्षां विधायच । विष्णुसूक्तं समुच्चार्य कनिष्ठादि च रोपयेत्

ācāryassuprasannātmā svātmarakṣāṃ vidhāyaca / viṣṇusūktaṃ samuccārya kaniṣṭhādi ca ropayet

Sanskrit only: no published translation is held for this verse.

पाद्याद्यैर्देवमभ्यर्च्य मुखवासान्तमादरात् । कुंभांस्तु सप्तदश च अलङ्कृत्य यथाविधि

pādyādyairdevamabhyarcya mukhavāsāntamādarāt / kuṃbhāṃstu saptadaśa ca alaṅkṛtya yathāvidhi

Sanskrit only: no published translation is held for this verse.

वेद्यामारोपयेत्कुंभान् स्वस्तिके सन्निधाय च । शय्यावेदि च तत्प्राच्यां सभ्यकुण्डं प्रकल्प्यच

vedyāmāropayetkuṃbhān svastike sannidhāya ca / śayyāvedi ca tatprācyāṃ sabhyakuṇḍaṃ prakalpyaca

Sanskrit only: no published translation is held for this verse.

सर्वरक्षाकरसुदर्शन यन्त्रः:- आदौ षट्कोणं विलिख्य तन्मध्ये साध्यनाम विलिख्य ओम् क्ष्राम्, ह्रीम्, श्रीम्, विलिख्य, तत्पार्श्वयोः, इर्म्, इम्, इति दृष्टिबीजं, उम्, ऊम्, इति श्रोत्रबीजं च विलिख्य, षट्कोणेषु, सहस्रारहुम् फट् इति सुदर्शनषडक्षरीं विलिख्य, कोणसंधौ ओम् हम् लम् रम् यम्? लिखित्वा, तद्बहिर्वृत्तमष्टदलं विलिख्य, दलेषु ओम् न म स्सु दर् श ना य इति विलिख्य, दलसंधौ ओम् ज य ज य नृ सिं ह इति विलिख्य, तद्बहिर्वृत्तं षोदशदलं विलिख्य, दलमध्ये ओम् न मो भ ग व ते महा सु दर् श नाय स्वाहा इति विलिख्य, दलसंधौ ओम् हुम् न मो भ ग व ते व ज्र व रा हा य स्वा हा इति विलिख्य, तदुपरि वृत्तद्वयं वृत्तद्वयमध्ये अकारादिक्षकारान्तं मातृकावर्णान् विलिख्य, तदुपरि भूपुरद्वयं चतुष्कोणं विलिख्य, चतुर्द्वारे ओम् आम् ह्रीम् क्रोम् इति विलिख्य, तत्तद्दिग्देवताबीजानि लिखित्वा, लम् रम् हम् षम् वम् यम् सम् शम् इति बीजं लिखित्वा, आग्नेया दीशानान्तं प्राणप्रतिष्ठामन्त्रं, मन्त्रराजगायत्रीं, यन्त्रराजगायत्रीं, चविलिख्य, तन्मन्त्रेणावाह्यभ्यर्च्य सुदर्शनमूल मन्त्रं दशसहस्रं जपित्वा, तद्ग्रायत्षा तद्दशांशं जपित्वा मन्त्रराजं च दशांशं जपित्वा तद्दशांशं तर्पणं तद्दशांशं होमं तद्दशांशं ब्राह्मणभोजनं कारयेत्। यन्त्रदशाङ्गम्:- बीजं प्राणं च शक्तिश्च दृष्टिर्वश्यादिकं तथा मन्त्रयन्त्रस्य गायत्री बीजस्थापनमेव च भूतदिक्पालबीजं च यन्त्रस्याङ्गानि वै दश। यन्त्रगायत्री:- यन्त्रराजाय विद्महे महायन्त्राय धीमहि तन्नो यन्त्रः प्रचोदयात्। सुदर्शनगायत्री:- उग्रं वीरं महाविष्णुं ज्वलन्तं सर्वतोमुखम् नृसिंहं भीषणं भद्रं मत्युमृत्युं नमाम्यहम् तत्र सर्वत्रानुक्रमणिकासु यन्त्रस्यास्य पाठोदृश्यते। मूलग्रन्थेत्वस्य मातृकाकोशेन दृश्यते। तथापि बहूनां मातृकाकोशानामनुपलं भादस्यस्थितिरत्र ऽशङ्कितापि निवेश्यते। परस्तीर्य विधानेन पावकं विधिवद्यजेत्

sarvarakṣākarasudarśana yantraḥ:- ādau ṣaṭkoṇaṃ vilikhya tanmadhye sādhyanāma vilikhya om kṣrām, hrīm, śrīm, vilikhya, tatpārśvayoḥ, irm, im, iti dṛṣṭibījaṃ, um, ūm, iti śrotrabījaṃ ca vilikhya, ṣaṭkoṇeṣu, sahasrārahum phaṭ iti sudarśanaṣaḍakṣarīṃ vilikhya, koṇasaṃdhau om ham lam ram yam? likhitvā, tadbahirvṛttamaṣṭadalaṃ vilikhya, daleṣu om na ma ssu dar śa nā ya iti vilikhya, dalasaṃdhau om ja ya ja ya nṛ siṃ ha iti vilikhya, tadbahirvṛttaṃ ṣodaśadalaṃ vilikhya, dalamadhye om na mo bha ga va te mahā su dar śa nāya svāhā iti vilikhya, dalasaṃdhau om hum na mo bha ga va te va jra va rā hā ya svā hā iti vilikhya, tadupari vṛttadvayaṃ vṛttadvayamadhye akārādikṣakārāntaṃ mātṛkāvarṇān vilikhya, tadupari bhūpuradvayaṃ catuṣkoṇaṃ vilikhya, caturdvāre om ām hrīm krom iti vilikhya, tattaddigdevatābījāni likhitvā, lam ram ham ṣam vam yam sam śam iti bījaṃ likhitvā, āgneyā dīśānāntaṃ prāṇapratiṣṭhāmantraṃ, mantrarājagāyatrīṃ, yantrarājagāyatrīṃ, cavilikhya, tanmantreṇāvāhyabhyarcya sudarśanamūla mantraṃ daśasahasraṃ japitvā, tadgrāyatṣā taddaśāṃśaṃ japitvā mantrarājaṃ ca daśāṃśaṃ japitvā taddaśāṃśaṃ tarpaṇaṃ taddaśāṃśaṃ homaṃ taddaśāṃśaṃ brāhmaṇabhojanaṃ kārayet. yantradaśāṅgam:- bījaṃ prāṇaṃ ca śaktiśca dṛṣṭirvaśyādikaṃ tathā mantrayantrasya gāyatrī bījasthāpanameva ca bhūtadikpālabījaṃ ca yantrasyāṅgāni vai daśa. yantragāyatrī:- yantrarājāya vidmahe mahāyantrāya dhīmahi tanno yantraḥ pracodayāt. sudarśanagāyatrī:- ugraṃ vīraṃ mahāviṣṇuṃ jvalantaṃ sarvatomukham nṛsiṃhaṃ bhīṣaṇaṃ bhadraṃ matyumṛtyuṃ namāmyaham tatra sarvatrānukramaṇikāsu yantrasyāsya pāṭhodṛśyate. mūlagranthetvasya mātṛkākośena dṛśyate. tathāpi bahūnāṃ mātṛkākośānāmanupalaṃ bhādasyasthitiratra 'śaṅkitāpi niveśyate. parastīrya vidhānena pāvakaṃ vidhivadyajet

Sanskrit only: no published translation is held for this verse.

लाजापूपै राज्य मिश्रैर्मूलमन्त्रं समुच्चरन् । अष्टात्तरशतेनैव होमयेद्देशिकोत्तमः

lājāpūpai rājya miśrairmūlamantraṃ samuccaran / aṣṭāttaraśatenaiva homayeddeśikottamaḥ

Sanskrit only: no published translation is held for this verse.

पुरुषसूक्तं च जुहुयात्ततो द्वात्रिंशसंख्यया । पश्चादग्निं परिस्तीर्य "क्षयऽऽस्वेति प्रणम्य च

puruṣasūktaṃ ca juhuyāttato dvātriṃśasaṃkhyayā / paścādagniṃ paristīrya "kṣaya''sveti praṇamya ca

Sanskrit only: no published translation is held for this verse.

एवं प्रतिदिनं कुर्यादन्ते देवं तु रोपयेत् । सायं संध्यामुपासित्वा यागशालां प्रविश्य च

evaṃ pratidinaṃ kuryādante devaṃ tu ropayet / sāyaṃ saṃdhyāmupāsitvā yāgaśālāṃ praviśya ca

Sanskrit only: no published translation is held for this verse.

सभ्याग्निं पैण्डरीकाग्निं चासाद्याघारमाचरेत् । अब्जाग्नौ शान्तिहोमं च हुत्वैव गुरुरत्वरः

sabhyāgniṃ paiṇḍarīkāgniṃ cāsādyāghāramācaret / abjāgnau śāntihomaṃ ca hutvaiva gururatvaraḥ

Sanskrit only: no published translation is held for this verse.

कुंभं विना महाशान्तिहोमं के चिद्वदन्तिहि । वेद्यां तु पुरतस्तिष्ठन् प्राणायामादिकं चरेत्

kuṃbhaṃ vinā mahāśāntihomaṃ ke cidvadantihi / vedyāṃ tu puratastiṣṭhan prāṇāyāmādikaṃ caret

Sanskrit only: no published translation is held for this verse.

नवमूर्तिभिरावाह्य दिक्पालानावहेत्क्रमात् । अष्टोपचारैरभ्यर्छ्य मुद्गान्नं विनिवेदयेत्

navamūrtibhirāvāhya dikpālānāvahetkramāt / aṣṭopacārairabhyarchya mudgānnaṃ vinivedayet

Sanskrit only: no published translation is held for this verse.

पानीयाचमनं दत्वा मुखवासं ददेत्ततः । "आपो वाऽऽ इति मन्त्रेण पवित्रं धारयेद्घटम्

pānīyācamanaṃ datvā mukhavāsaṃ dadettataḥ / "āpo vā'' iti mantreṇa pavitraṃ dhārayedghaṭam

Sanskrit only: no published translation is held for this verse.

"अग्नावग्निऽऽरिति प्रोच्य पवित्रं चाग्निकुण्डके । कुण्डस्यैव तु मानेन समलङ्कृत्य पावकम्

"agnāvagni''riti procya pavitraṃ cāgnikuṇḍake / kuṇḍasyaiva tu mānena samalaṅkṛtya pāvakam

Sanskrit only: no published translation is held for this verse.

"पवित्रन्तुऽऽ इति प्रोच्य पवित्रं धारयेद्गुरुः । समिन्थ्यैव तु सभ्याग्निं परिषिच्य विधानतः

"pavitrantu'' iti procya pavitraṃ dhārayedguruḥ / saminthyaiva tu sabhyāgniṃ pariṣicya vidhānataḥ

Sanskrit only: no published translation is held for this verse.

हौत्रं प्रशंस्य विधिवत्समिद्भिर्हावयेद्गुरुः । तदालयगतान् श्चैव देवानावाहयेत्क्रमात्

hautraṃ praśaṃsya vidhivatsamidbhirhāvayedguruḥ / tadālayagatān ścaiva devānāvāhayetkramāt

Sanskrit only: no published translation is held for this verse.

जुष्टाकारं ततः पश्चात्स्वाहाकालं ततः परम् । विष्णुसूक्तं सुहुत्वा तु पुरुषसूक्तमतः परम्

juṣṭākāraṃ tataḥ paścātsvāhākālaṃ tataḥ param / viṣṇusūktaṃ suhutvā tu puruṣasūktamataḥ param

Sanskrit only: no published translation is held for this verse.

चरुं लाजांस् तथापूपानाज्यमिश्रांश्च हावयेत् । पश्चात्तु वैष्णवैर्मन्त्रैश्चतमष्टोत्तरं यजेर्त्

caruṃ lājāṃs tathāpūpānājyamiśrāṃśca hāvayet / paścāttu vaiṣṇavairmantraiścatamaṣṭottaraṃ yajert

Sanskrit only: no published translation is held for this verse.

इङ्कारादींस्ततः पश्चात्पारमात्मिकसंयुतम् । अष्टाशीतिं ततो हुत्वा तत्तद्दैवत्यमेव च

iṅkārādīṃstataḥ paścātpāramātmikasaṃyutam / aṣṭāśītiṃ tato hutvā tattaddaivatyameva ca

Sanskrit only: no published translation is held for this verse.

सर्वदैवत्यमन्त्रांश्च धातादीन् पञ्च वारुणम् । मूलहोमं ततो हुत्वा तथान्ते परिषिच्य च

sarvadaivatyamantrāṃśca dhātādīn pañca vāruṇam / mūlahomaṃ tato hutvā tathānte pariṣicya ca

Sanskrit only: no published translation is held for this verse.

यागशालाचतुर्द्वारे चतुर्वेदानथोच्चरेत् । ऐशान्यां तु विशेषेण जपेदष्टाक्षरं मनुम्

yāgaśālācaturdvāre caturvedānathoccaret / aiśānyāṃ tu viśeṣeṇa japedaṣṭākṣaraṃ manum

Sanskrit only: no published translation is held for this verse.

द्वादशाक्षरमन्त्रं च गायत्रीं वैष्णवं तथा । नारायणाख्यगायत्रीं पारमात्मिकमित्यपि

dvādaśākṣaramantraṃ ca gāyatrīṃ vaiṣṇavaṃ tathā / nārāyaṇākhyagāyatrīṃ pāramātmikamityapi

Sanskrit only: no published translation is held for this verse.

व्यापकत्रयसंयुक्तं विष्णुगायत्रिया युतम् । ततश्च वैष्णवं जप्त्वा "यो वा भूऽऽ तेति पञ्चकम्

vyāpakatrayasaṃyuktaṃ viṣṇugāyatriyā yutam / tataśca vaiṣṇavaṃ japtvā "yo vā bhū'' teti pañcakam

Sanskrit only: no published translation is held for this verse.

पुष्बाञ्जलिं जपित्वैव न्यसेद्देवस्य पादयोः । नृत्तगीतादिवाद्यैश्च रात्रिशेषं नयेद्गुरुः

puṣbāñjaliṃ japitvaiva nyaseddevasya pādayoḥ / nṛttagītādivādyaiśca rātriśeṣaṃ nayedguruḥ

Sanskrit only: no published translation is held for this verse.

ततः प्रभाते धर्मात्मा स्नात्वा संध्यामुपास्य च । यागशालां प्रविश्यैव देवेशं प्रार्थयेत्ततः

tataḥ prabhāte dharmātmā snātvā saṃdhyāmupāsya ca / yāgaśālāṃ praviśyaiva deveśaṃ prārthayettataḥ

Sanskrit only: no published translation is held for this verse.

"भूरग्नयऽऽ इति प्रोच्य वेदिं संप्रोक्ष्य चात्वरः । कुंभाराधनहोमादीन् सर्वं पूर्ववदाचरेत्

"bhūragnaya'' iti procya vediṃ saṃprokṣya cātvaraḥ / kuṃbhārādhanahomādīn sarvaṃ pūrvavadācaret

Sanskrit only: no published translation is held for this verse.

कुंभमाराधयेत्पूर्वं बिंबपूजा त्वनन्तरम् । पश्चाद्धोमं प्रकुर्वीत बलिदानं ततः परम्

kuṃbhamārādhayetpūrvaṃ biṃbapūjā tvanantaram / paścāddhomaṃ prakurvīta balidānaṃ tataḥ param

Sanskrit only: no published translation is held for this verse.

एवं कुर्याद्विधानेन दिनं प्रति गुरूत्तमः । समाप्ते तु दिने सायं पूर्णाहुति मथाचरेत्

evaṃ kuryādvidhānena dinaṃ prati gurūttamaḥ / samāpte tu dine sāyaṃ pūrṇāhuti mathācaret

Sanskrit only: no published translation is held for this verse.

तदग्निं त्रियहादूर्ध्वं साधयेदग्निकुण्डके?

tadagniṃ triyahādūrdhvaṃ sādhayedagnikuṇḍake?

Sanskrit only: no published translation is held for this verse.

कुंभमादाय शिरसा तोयधारापुरस्सरम् । प्रदक्षिणं शनैर्गत्वा देवाग्रे सन्निधाय च

kuṃbhamādāya śirasā toyadhārāpurassaram / pradakṣiṇaṃ śanairgatvā devāgre sannidhāya ca

Sanskrit only: no published translation is held for this verse.

"हिरण्य पवमानाऽऽ द्यैःकुंभतोयेन प्रोक्षयेत् । देवमभ्यर्च्य पाद्याद्यैः प्रभूतं च निवेदयेत्

"hiraṇya pavamānā'' dyaiḥkuṃbhatoyena prokṣayet / devamabhyarcya pādyādyaiḥ prabhūtaṃ ca nivedayet

Sanskrit only: no published translation is held for this verse.

पानीयाचमलं दत्वा मुखवासं ददेत्पुनः । क्षमामन्त्रं समुच्चार्य "क्षमऽऽ स्वेति नमेन्मुहुः

pānīyācamalaṃ datvā mukhavāsaṃ dadetpunaḥ / kṣamāmantraṃ samuccārya "kṣama'' sveti namenmuhuḥ

Sanskrit only: no published translation is held for this verse.

यजमानो ऽपि शुद्धात्मा भक्तिनम्रस्समाहितः । आचार्यं पूजयेत्तत्र गन्धमार्यानुलेपनैः

yajamāno 'pi śuddhātmā bhaktinamrassamāhitaḥ / ācāryaṃ pūjayettatra gandhamāryānulepanaiḥ

Sanskrit only: no published translation is held for this verse.

पञ्चाङ्गभूषणैश्चैव दुकूलैश्च नवैस्तथा । ततो गुरुः प्रसन्नात्मा प्रयुञ्ज्यादाशिषस्तदा

pañcāṅgabhūṣaṇaiścaiva dukūlaiśca navaistathā / tato guruḥ prasannātmā prayuñjyādāśiṣastadā

Sanskrit only: no published translation is held for this verse.

तदुक्तं भगवत्प्रोक्तं प्रतिगृह्णीयुरादरात् । एवं कुर्वीत प्रत्यब्दं पवित्रारोपणं हरेः

taduktaṃ bhagavatproktaṃ pratigṛhṇīyurādarāt / evaṃ kurvīta pratyabdaṃ pavitrāropaṇaṃ hareḥ

Sanskrit only: no published translation is held for this verse.

इहलोके सुखीभूत्वा स याति परमां गतिम् । प्रियतां भगवान्विष्णुः प्रार्थनासूक्तमुच्यते

ihaloke sukhībhūtvā sa yāti paramāṃ gatim / priyatāṃ bhagavānviṣṇuḥ prārthanāsūktamucyate

Sanskrit only: no published translation is held for this verse.

"कनिक्रदाऽऽपिमन्त्राश्च शाकुनं सूक्तमीरितम् । "स्वस्तिनो मिमीऽऽतेत्युक्त्वा स्वस्तिसूक्तमिति स्मृतम्

"kanikradā''pimantrāśca śākunaṃ sūktamīritam / "svastino mimī''tetyuktvā svastisūktamiti smṛtam

Sanskrit only: no published translation is held for this verse.

"शुद्धा इमे पशवऽऽ इति गोसूक्तं समुदाहृतम् । "ऋतं च सत्यंऽऽ चेत्यादि अघमर्षणमुच्यते

"śuddhā ime paśava'' iti gosūktaṃ samudāhṛtam / "ṛtaṃ ca satyaṃ'' cetyādi aghamarṣaṇamucyate

Sanskrit only: no published translation is held for this verse.

"अणोरणीयाऽऽ नित्युक्त्वासूक्तं प्रोक्षणमीरितम् । "अपो हिरण्यवर्णाश्च पवमानऽऽ इति त्रयः

"aṇoraṇīyā'' nityuktvāsūktaṃ prokṣaṇamīritam / "apo hiraṇyavarṇāśca pavamāna'' iti trayaḥ

Sanskrit only: no published translation is held for this verse.

प्रोक्षणं सूक्तमिति तु केचिद्वैकल्पिकं जगुः । "या जाताऽऽ इति मन्त्राश्च ओषधीसूक्तमुच्यते

prokṣaṇaṃ sūktamiti tu kecidvaikalpikaṃ jaguḥ / "yā jātā'' iti mantrāśca oṣadhīsūktamucyate

Sanskrit only: no published translation is held for this verse.

"कृणुष्व पाजऽऽ इत्यादि सूक्तं प्रतिसराह्वयम् । ("अतोदेवाऽऽदि षड्भिस्तु वैष्णवं सूक्तमुच्यतेः)

"kṛṇuṣva pāja'' ityādi sūktaṃ pratisarāhvayam / ("atodevā''di ṣaḍbhistu vaiṣṇavaṃ sūktamucyateḥ)

Sanskrit only: no published translation is held for this verse.

"अतोदेवादि षण्मन्त्राऽऽष्,ड्वैष्णवपदाह्वयाः । "विष्णोर्नुऽऽकादि षण्मन्त्रा विष्णुसूक्तमुदीरितम्

"atodevādi ṣaṇmantrā''ṣ,ḍvaiṣṇavapadāhvayāḥ / "viṣṇornu''kādi ṣaṇmantrā viṣṇusūktamudīritam

Sanskrit only: no published translation is held for this verse.

"सहस्रशीर्षा पुरुषऽऽ इति पौरुषसूक्तकम् । "हिरण्य वर्णाऽऽ इत्यादि श्रीसूक्तं सर्वकामदम्

"sahasraśīrṣā puruṣa'' iti pauruṣasūktakam / "hiraṇya varṇā'' ityādi śrīsūktaṃ sarvakāmadam

Sanskrit only: no published translation is held for this verse.

"भूमिर्भूम्नेऽऽत्यादिमन्त्रा भूमिसूक्तमुदाहृतम् । "उप श्वासयऽऽ इत्यादि दुन्दुभीसूक्तमुच्यते

"bhūmirbhūmne''tyādimantrā bhūmisūktamudāhṛtam / "upa śvāsaya'' ityādi dundubhīsūktamucyate

Sanskrit only: no published translation is held for this verse.