Bhrgu-Samhita 37

ततश्चैव पुनस्तस्य योनिसंक्रमणे च यत् । गर्भस्थस्य च यद्दुःखमतिदुस्सहमुल्बणम्

tataścaiva punastasya yonisaṃkramaṇe ca yat / garbhasthasya ca yadduḥkhamatidussahamulbaṇam

Sanskrit only: no published translation is held for this verse.

पुनश्च जायमानस्य बाल्ययौवनजं च यत् । दुःखान्येतान्यनन्तानि संसारान्तरवर्तिभिः

punaśca jāyamānasya bālyayauvanajaṃ ca yat / duḥkhānyetānyanantāni saṃsārāntaravartibhiḥ

Sanskrit only: no published translation is held for this verse.

पुरुषैरनुभूयन्ते सुखभ्रान्तिविमोहितैः । न वै सुखकला काचिदत्रास्त्यत्यन्तदुःखदे

puruṣairanubhūyante sukhabhrāntivimohitaiḥ / na vai sukhakalā kācidatrāstyatyantaduḥkhade

Sanskrit only: no published translation is held for this verse.

संसारसंकटे संगमुपेतानां कदा चन । विषयासक्तमनसस्सततं पामरा जनाः

saṃsārasaṃkaṭe saṃgamupetānāṃ kadā cana / viṣayāsaktamanasassatataṃ pāmarā janāḥ

Sanskrit only: no published translation is held for this verse.

न मतिं कुर्वते विष्णौ सर्वलोकेश्वरेश्वरे । अथापि नात्र बिभ्यन्ति वैष्णवा भगवत्प्रियाः

na matiṃ kurvate viṣṇau sarvalokeśvareśvare / athāpi nātra bibhyanti vaiṣṇavā bhagavatpriyāḥ

Sanskrit only: no published translation is held for this verse.

विष्णुध्यानपरास्सन्तो विष्वर्चनपरायणाः । ते विष्णुसदृशा ज्ञेया न हि तान् बाधते कलिः

viṣṇudhyānaparāssanto viṣvarcanaparāyaṇāḥ / te viṣṇusadṛśā jñeyā na hi tān bādhate kaliḥ

Sanskrit only: no published translation is held for this verse.

मायेयं वैष्णवी भूयः पातयेत्प्राणिनस्तदा । दुस्तरापि भवेत्साध्या यैर्न्यस्तं माधवेमनः

māyeyaṃ vaiṣṇavī bhūyaḥ pātayetprāṇinastadā / dustarāpi bhavetsādhyā yairnyastaṃ mādhavemanaḥ

Sanskrit only: no published translation is held for this verse.

असंत्यज्य च गार्हस्थ्यमतप्त्वा चतथा तपः । छिनत्ति वैष्णवीं मायां केशवाराधने रतः

asaṃtyajya ca gārhasthyamataptvā catathā tapaḥ / chinatti vaiṣṇavīṃ māyāṃ keśavārādhane rataḥ

Sanskrit only: no published translation is held for this verse.

विषयानविरोधेन सेवमानो ऽपि माधवम् । अर्चयानस्तरन्त्येनां विष्णुमायां दुरत्ययाम्

viṣayānavirodhena sevamāno 'pi mādhavam / arcayānastarantyenāṃ viṣṇumāyāṃ duratyayām

Sanskrit only: no published translation is held for this verse.

यत एवमतो लब्ध्वाशरीरं कर्मसाधनम् । शुभं कर्मैव कर्तद्यं तत्प्रसादाय मानवैः,

yata evamato labdhvāśarīraṃ karmasādhanam / śubhaṃ karmaiva kartadyaṃ tatprasādāya mānavaiḥ,

Sanskrit only: no published translation is held for this verse.

प्रसादिते ऽस्मिन् सर्वेषां स्ववर्णाश्रमकर्मभिः । सर्वेहस्तगताः कामा मुक्तिश्चान्ते करस्थिता

prasādite 'smin sarveṣāṃ svavarṇāśramakarmabhiḥ / sarvehastagatāḥ kāmā muktiścānte karasthitā

Sanskrit only: no published translation is held for this verse.

कार्यार्था मूर्तयस्तस्य लोककल्याणकारकाः । अतस्साकारमेवेष्ट्वा भक्त्येमं सिद्धिमाप्नुयात्

kāryārthā mūrtayastasya lokakalyāṇakārakāḥ / atassākārameveṣṭvā bhaktyemaṃ siddhimāpnuyāt

Sanskrit only: no published translation is held for this verse.

इदं च शास्त्रमालंब्य पूजयेद्विष्णुमव्ययम् । यद्ध्यानं केवलं प्रोक्तं शास्त्रे क्वचिदनाश्रयम्

idaṃ ca śāstramālaṃbya pūjayedviṣṇumavyayam / yaddhyānaṃ kevalaṃ proktaṃ śāstre kvacidanāśrayam

Sanskrit only: no published translation is held for this verse.

न तत्रेन्द्रियदौर्बल्यात्कर्मस्थस्याधिकारिता । यथा गिरितटाग्रस्थवनस्पतिफलेच्छया

na tatrendriyadaurbalyātkarmasthasyādhikāritā / yathā giritaṭāgrasthavanaspatiphalecchayā

Sanskrit only: no published translation is held for this verse.

उपाये वर्तते ऽश्रान्तस्तथासौ यत्नमाचरेत् । सर्वत्र क्रमवान् यत्नःकार्यो नैच्छैव केवला

upāye vartate 'śrāntastathāsau yatnamācaret / sarvatra kramavān yatnaḥkāryo naicchaiva kevalā

Sanskrit only: no published translation is held for this verse.

तत्कायवाङ्मनोयोगैःक्रमादिच्छेत्परां गतिम् । निराकारेतु या भक्त्या पूजेष्टा ध्यानमेव वा

tatkāyavāṅmanoyogaiḥkramādicchetparāṃ gatim / nirākāretu yā bhaktyā pūjeṣṭā dhyānameva vā

Sanskrit only: no published translation is held for this verse.

रमणीयमिवाभाति तदनर्थस्य कारणम् । स्थूलभावप्रसंदीनि जन्मनास्येन्द्रियाणि तु

ramaṇīyamivābhāti tadanarthasya kāraṇam / sthūlabhāvaprasaṃdīni janmanāsyendriyāṇi tu

Sanskrit only: no published translation is held for this verse.

सूक्ष्माच्छ न प्रपद्यन्ते चिराच्च किमुताचिरात् । न च रूपं विना दोवो ध्यातुं केनापि शक्यते

sūkṣmāccha na prapadyante cirācca kimutācirāt / na ca rūpaṃ vinā dovo dhyātuṃ kenāpi śakyate

Sanskrit only: no published translation is held for this verse.

सर्वरूपनिवृत्ता हि बुद्धिः कुत्रास्य तिष्ठति । निवृत्ताग्लायते बुद्धिर्निद्रयाहि परीयते

sarvarūpanivṛttā hi buddhiḥ kutrāsya tiṣṭhati / nivṛttāglāyate buddhirnidrayāhi parīyate

Sanskrit only: no published translation is held for this verse.

तस्माद्विद्वानुपासीत बुद्ध्या साकालमेव तम् । अस्तितस्य परोक्षं तदिति किञ्चिदनुस्मरेत्

tasmādvidvānupāsīta buddhyā sākālameva tam / astitasya parokṣaṃ taditi kiñcidanusmaret

Sanskrit only: no published translation is held for this verse.

सर्वधाकारमुद्दिष्टं न परित्यज्य पण्डितः । परं देवमुपासीत मुक्तये वा फलायवा

sarvadhākāramuddiṣṭaṃ na parityajya paṇḍitaḥ / paraṃ devamupāsīta muktaye vā phalāyavā

Sanskrit only: no published translation is held for this verse.

भक्त्याकृतेनार्चनेन तुष्टोदेवः प्रजापतेः । पूजाद्यनुग्रहाया ऽदावाविर्भूतश्चतुर्भुजः

bhaktyākṛtenārcanena tuṣṭodevaḥ prajāpateḥ / pūjādyanugrahāyā 'dāvāvirbhūtaścaturbhujaḥ

Sanskrit only: no published translation is held for this verse.

तस्मात्तेनैव रूपेण ह्रिया लक्ष्म्या समायुतः । ध्येयस्सेव्योर्ऽचनियश्च सदा नारायणो बुधैः

tasmāttenaiva rūpeṇa hriyā lakṣmyā samāyutaḥ / dhyeyassevyor'caniyaśca sadā nārāyaṇo budhaiḥ

Sanskrit only: no published translation is held for this verse.

साकारे ऽस्मिन् कृता पूजा स्तुतिर्वा ध्यानमेव वा । विधिना शास्त्रदृष्टेन तस्मिन्नेव कृता भवेत्

sākāre 'smin kṛtā pūjā stutirvā dhyānameva vā / vidhinā śāstradṛṣṭena tasminneva kṛtā bhavet

Sanskrit only: no published translation is held for this verse.

तदेवाराधनं विष्णोरवज्ञातं विशेषतः । ख्यापनार्थं कलौ कश्चिद्भविष्यति महामतिः

tadevārādhanaṃ viṣṇoravajñātaṃ viśeṣataḥ / khyāpanārthaṃ kalau kaścidbhaviṣyati mahāmatiḥ

Sanskrit only: no published translation is held for this verse.

धर्मग्लानिरधर्मस्य वृद्धिर्यावद्भविष्यति । तावव्भर्ता महाविष्णुः सृजत्यात्मानमात्मना

dharmaglāniradharmasya vṛddhiryāvadbhaviṣyati / tāvavbhartā mahāviṣṇuḥ sṛjatyātmānamātmanā

Sanskrit only: no published translation is held for this verse.

श्रीनिवासे जनावाने श्रीनिवासः स्वयं हरिः । श्रीनिवासस्समाख्यातो भूमाववतरिष्यति

śrīnivāse janāvāne śrīnivāsaḥ svayaṃ hariḥ / śrīnivāsassamākhyāto bhūmāvavatariṣyati

Sanskrit only: no published translation is held for this verse.

उत्पत्स्यमान एवासौ भ्राजमानस्स्वतेजसा । जगदावरणं क्रूरं तमः पुञ्जं हनिष्यति

utpatsyamāna evāsau bhrājamānassvatejasā / jagadāvaraṇaṃ krūraṃ tamaḥ puñjaṃ haniṣyati

Sanskrit only: no published translation is held for this verse.

पञ्चहायन एवाथ प्राप्तसर्वकलाकुलः । संस्कृतो ऽखिलसंस्कारैर् ब्रह्मवर्चससेवितः

pañcahāyana evātha prāptasarvakalākulaḥ / saṃskṛto 'khilasaṃskārair brahmavarcasasevitaḥ

Sanskrit only: no published translation is held for this verse.

सर्वलोकेश्वरं देवं श्रीनिवाकं श्रियः पतिम् । चतुर्भुजमुदाराङ्गं दिव्याभरणभूषितम्

sarvalokeśvaraṃ devaṃ śrīnivākaṃ śriyaḥ patim / caturbhujamudārāṅgaṃ divyābharaṇabhūṣitam

Sanskrit only: no published translation is held for this verse.

श्रीवत्सांकं महाबाहुं शङ्खचक्रगदाधरम् । किरीटमुकुटोपेतं वरदाभयचिह्नितम्

śrīvatsāṃkaṃ mahābāhuṃ śaṅkhacakragadādharam / kirīṭamukuṭopetaṃ varadābhayacihnitam

Sanskrit only: no published translation is held for this verse.

हैमोर्ध्वपुण्ड्रलावण्यलसद्वदनपङ्कजम् । वैखानसैर्महाभागैरर्च्यमानं निरन्तरम्

haimordhvapuṇḍralāvaṇyalasadvadanapaṅkajam / vaikhānasairmahābhāgairarcyamānaṃ nirantaram

Sanskrit only: no published translation is held for this verse.

कृतास्पदं कलियुगे तदीयं कुलदैवतम् । "अरायि काणऽऽ इत्याद्यैश्श्रुतिवाक्यैरभिष्टुतम्

kṛtāspadaṃ kaliyuge tadīyaṃ kuladaivatam / "arāyi kāṇa'' ityādyaiśśrutivākyairabhiṣṭutam

Sanskrit only: no published translation is held for this verse.

"रयिः ककुद्माऽऽनित्याद्यैर्मन्त्रैर्वैखानसैः परैः । इज्यमानं विशेषेण विविधैः पारमात्मिकैः

"rayiḥ kakudmā''nityādyairmantrairvaikhānasaiḥ paraiḥ / ijyamānaṃ viśeṣeṇa vividhaiḥ pāramātmikaiḥ

Sanskrit only: no published translation is held for this verse.

कल्याणगुणसंपूर्णं दिव्यमङ्गलविग्रहम् । स्वयंव्यक्तं परञ्ज्योतिः परं ब्रह्म परात्परम्

kalyāṇaguṇasaṃpūrṇaṃ divyamaṅgalavigraham / svayaṃvyaktaṃ parañjyotiḥ paraṃ brahma parātparam

Sanskrit only: no published translation is held for this verse.

विधिना शास्त्रदृष्टेन देवमाराधयिष्यति । प्रसादसुमुखो देवस्स्वात्मभूते शिशौ स्वयम्

vidhinā śāstradṛṣṭena devamārādhayiṣyati / prasādasumukho devassvātmabhūte śiśau svayam

Sanskrit only: no published translation is held for this verse.

अवनम्य च मूर्धानं गृहीष्यति गले स्रजम् । दिव्यैःप्रसन्नैर्ग्रथितां कुसुमैस्तुलसीदलैः

avanamya ca mūrdhānaṃ gṛhīṣyati gale srajam / divyaiḥprasannairgrathitāṃ kusumaistulasīdalaiḥ

Sanskrit only: no published translation is held for this verse.

स्वयं सार्धं कुमारेण हवींषि च भुजिष्यति । संतुष्टेन कुमारेण प्रार्थितः करुणानिधिः

svayaṃ sārdhaṃ kumāreṇa havīṃṣi ca bhujiṣyati / saṃtuṣṭena kumāreṇa prārthitaḥ karuṇānidhiḥ

Sanskrit only: no published translation is held for this verse.

वैखानसैर्महाभागैरुपेतैः सह मन्दिरे । हवींष्यशिष्यत्यध्यक्षं कुमारं सान्त्वयिष्यति

vaikhānasairmahābhāgairupetaiḥ saha mandire / havīṃṣyaśiṣyatyadhyakṣaṃ kumāraṃ sāntvayiṣyati

Sanskrit only: no published translation is held for this verse.

अर्चावतारमहात्म्यं लोकेभ्यःख्यापयिष्यति । देवोर्ऽचकपराधीनः सर्वं तेभ्यः करिष्यति

arcāvatāramahātmyaṃ lokebhyaḥkhyāpayiṣyati / devor'cakaparādhīnaḥ sarvaṃ tebhyaḥ kariṣyati

Sanskrit only: no published translation is held for this verse.

तथा सम्मानितः प्रेम्णा श्रीनिवासेन सादरम् । यज्ञैर्बहुविधैर् अन्यैर्यज्ञेशं संयजिष्यति

tathā sammānitaḥ premṇā śrīnivāsena sādaram / yajñairbahuvidhair anyairyajñeśaṃ saṃyajiṣyati

Sanskrit only: no published translation is held for this verse.

विशाले बहुसंस्कारसंकुले वसुधातले । स्थापयिष्यति विष्ण्वर्चां ग्रामे ग्रामे गृहे गृहे

viśāle bahusaṃskārasaṃkule vasudhātale / sthāpayiṣyati viṣṇvarcāṃ grāme grāme gṛhe gṛhe

Sanskrit only: no published translation is held for this verse.

पुराणि च जनावासा गृहाणि गृहिणां तथा । मन्दिरैरिन्दिरेशस्य सुन्दरैर्नतिभन्धुरैः

purāṇi ca janāvāsā gṛhāṇi gṛhiṇāṃ tathā / mandirairindireśasya sundarairnatibhandhuraiḥ

Sanskrit only: no published translation is held for this verse.

मण्डितानि भविष्यन्ति जगत्तत्त्वं भजिष्यति । इत आचार्य निर्देश इतश्शिष्योपसर्पणम्

maṇḍitāni bhaviṣyanti jagattattvaṃ bhajiṣyati / ita ācārya nirdeśa itaśśiṣyopasarpaṇam

Sanskrit only: no published translation is held for this verse.

इहैव गृहिणां भूयः प्रसंग इह मन्त्रणम् । अचार्यवरणं चेह शिल्पिनामिह मार्गणम्

ihaiva gṛhiṇāṃ bhūyaḥ prasaṃga iha mantraṇam / acāryavaraṇaṃ ceha śilpināmiha mārgaṇam

Sanskrit only: no published translation is held for this verse.

इह प्रस्तरसंग्राह इह दारुग्रहस्तथा । इह दिक्साथनं चैह वसुधासंपरीक्षणम्

iha prastarasaṃgrāha iha dārugrahastathā / iha diksāthanaṃ caiha vasudhāsaṃparīkṣaṇam

Sanskrit only: no published translation is held for this verse.

इतो मङ्गलघोषश्च इतःपुण्याहवाचनम् । इत आद्येष्टकान्यास इतो मूर्धेष्टकाविधिः

ito maṅgalaghoṣaśca itaḥpuṇyāhavācanam / ita ādyeṣṭakānyāsa ito mūrdheṣṭakāvidhiḥ

Sanskrit only: no published translation is held for this verse.

इतश्शूलग्रहश्चेत इतो वैरज्जुबन्धनम् । इतश्च मृत्स्नासंस्कार इतो वर्णविलेखनम्

itaśśūlagrahaśceta ito vairajjubandhanam / itaśca mṛtsnāsaṃskāra ito varṇavilekhanam

Sanskrit only: no published translation is held for this verse.

इतो मधूच्छिष्टविधिरितो ऽलङ्कारकल्पनम् । इतो ध्वजस्य निर्माणमितो भक्तसमागमः

ito madhūcchiṣṭavidhirito 'laṅkārakalpanam / ito dhvajasya nirmāṇamito bhaktasamāgamaḥ

Sanskrit only: no published translation is held for this verse.

इतःप्रतिष्ठासंकल्प नातो नयनमोक्षणम् । इतो ऽधिवासनं चेतो प्रभूतबलिदापनम्

itaḥpratiṣṭhāsaṃkalpa nāto nayanamokṣaṇam / ito 'dhivāsanaṃ ceto prabhūtabalidāpanam

Sanskrit only: no published translation is held for this verse.

इतो ऽग्निमन्थनं चेतो होम आनन्दवर्धनः । इह गीतं नृत्तमिह वाद्यं श्रुतिमनोहरम्

ito 'gnimanthanaṃ ceto homa ānandavardhanaḥ / iha gītaṃ nṛttamiha vādyaṃ śrutimanoharam

Sanskrit only: no published translation is held for this verse.

इह प्रतिष्ठा देवस्य इह च द्विजभोजनम् । इह कालोत्सवश्चेह धनुषि प्रातरुत्सवः

iha pratiṣṭhā devasya iha ca dvijabhojanam / iha kālotsavaśceha dhanuṣi prātarutsavaḥ

Sanskrit only: no published translation is held for this verse.

मुद्गान्नस्य गुडान्नस्य प्रसादस्य निवेदनम् । अद्योत्तिष्ठति वैकुण्ठः शयितः क्षीरसागरे?

mudgānnasya guḍānnasya prasādasya nivedanam / adyottiṣṭhati vaikuṇṭhaḥ śayitaḥ kṣīrasāgare?

Sanskrit only: no published translation is held for this verse.

अद्य व्रतस्यापवर्गो संशितस्स भुवो हरेः । अद्य वैवाहिकं देव्याव्रतान्ते लोकमङ्गलम्

adya vratasyāpavargo saṃśitassa bhuvo hareḥ / adya vaivāhikaṃ devyāvratānte lokamaṅgalam

Sanskrit only: no published translation is held for this verse.

अद्य पौषी पूर्णिमाहोचाद्य चैकादशी शुभा । अद्य देवस्य कुर्यन्ति स्नपनं कलशैश्शतैः

adya pauṣī pūrṇimāhocādya caikādaśī śubhā / adya devasya kuryanti snapanaṃ kalaśaiśśataiḥ

Sanskrit only: no published translation is held for this verse.

अद्य दाशरथिर्जातो द्वादशी माघसंभवा । अद्य चाता जगन्माता फाल्गुने रेवती तिथौ

adya dāśarathirjāto dvādaśī māghasaṃbhavā / adya cātā jaganmātā phālgune revatī tithau

Sanskrit only: no published translation is held for this verse.

अद्यकुर्वन्ति देवस्य दमनोत्सवमीश्वराः । चैत्रमासस्त देवस्य महाप्रीतिकरः किल

adyakurvanti devasya damanotsavamīśvarāḥ / caitramāsasta devasya mahāprītikaraḥ kila

Sanskrit only: no published translation is held for this verse.

कुर्वन्ति मनुजाधीशा वसन्ते दिव्यमुत्सवम् । जलक्रीडोत्सवो ह्यद्य चैत्रयात्रा हरेःक्वचित्

kurvanti manujādhīśā vasante divyamutsavam / jalakrīḍotsavo hyadya caitrayātrā hareḥkvacit

Sanskrit only: no published translation is held for this verse.

केतकीमालतीजातीमल्लिकादोलिकोत्सवः । गन्धोत्सवो ऽद्य क्रियते पौर्णमासी कदा दिनम्

ketakīmālatījātīmallikādolikotsavaḥ / gandhotsavo 'dya kriyate paurṇamāsī kadā dinam

Sanskrit only: no published translation is held for this verse.

कदा चैकादशी पुण्या कदा वा द्वादशीतिधिः । कदा नृसिंहस्संजातः स्मृतमद्यत्रयोदशी

kadā caikādaśī puṇyā kadā vā dvādaśītidhiḥ / kadā nṛsiṃhassaṃjātaḥ smṛtamadyatrayodaśī

Sanskrit only: no published translation is held for this verse.

वैशाखे शुक्लपक्षे तु क्रियते वार्षिकोत्सवः । कदा भवेत्पौर्णमासी क्रियते चन्द्रिकोत्सवः

vaiśākhe śuklapakṣe tu kriyate vārṣikotsavaḥ / kadā bhavetpaurṇamāsī kriyate candrikotsavaḥ

Sanskrit only: no published translation is held for this verse.

कदा ज्येष्ठोत्सवो भूयात्कदा वा पूर्णिमा शुभा । प्रपोत्सवः कदा भूयादाषाढी च भविष्यति

kadā jyeṣṭhotsavo bhūyātkadā vā pūrṇimā śubhā / prapotsavaḥ kadā bhūyādāṣāḍhī ca bhaviṣyati

Sanskrit only: no published translation is held for this verse.

कदा च श्रवणं भूयान्नक्षत्रं यत्र मारुतिः । रामसेवाधुरं धृत्वा जातस्साक्षान्महामतिः

kadā ca śravaṇaṃ bhūyānnakṣatraṃ yatra mārutiḥ / rāmasevādhuraṃ dhṛtvā jātassākṣānmahāmatiḥ

Sanskrit only: no published translation is held for this verse.

कदा च श्रावणी भूयाद्यत्र नारायणो हरिः । स्वात्मानं जनयामास लोककल्याणहेतवे

kadā ca śrāvaṇī bhūyādyatra nārāyaṇo hariḥ / svātmānaṃ janayāmāsa lokakalyāṇahetave

Sanskrit only: no published translation is held for this verse.

वैखानसं विखनसं विरिञ्चमिति यं विदुः । कदा भाद्रपदो मासस्तत्र चैकादशी भवेत्

vaikhānasaṃ vikhanasaṃ viriñcamiti yaṃ viduḥ / kadā bhādrapado māsastatra caikādaśī bhavet

Sanskrit only: no published translation is held for this verse.

कदा वा द्वादशी भूयात्सर्वपाप प्रणाशिनी । तिलधेनुं प्रदास्यन्ति यत्र देवस्य सन्निधौ

kadā vā dvādaśī bhūyātsarvapāpa praṇāśinī / tiladhenuṃ pradāsyanti yatra devasya sannidhau

Sanskrit only: no published translation is held for this verse.

कदाश्विनो भवेन्मासस्तत्रापि दशमी शुभा । अश्वयात्रा हरेर्भूयादनुयास्यामहे हरिम्

kadāśvino bhavenmāsastatrāpi daśamī śubhā / aśvayātrā harerbhūyādanuyāsyāmahe harim

Sanskrit only: no published translation is held for this verse.

कदा भवेदमावास्या यस्यां स नरकोहतः । कदा वा कार्तिकोमासो भविष्यति हरिप्रियः

kadā bhavedamāvāsyā yasyāṃ sa narakohataḥ / kadā vā kārtikomāso bhaviṣyati haripriyaḥ

Sanskrit only: no published translation is held for this verse.

दीपारोपो भवेत्तत्र कदा वा कार्तिकी शुभा । कदायुगादय स्तद्वत्पुण्यकाला विशेषतः

dīpāropo bhavettatra kadā vā kārtikī śubhā / kadāyugādaya stadvatpuṇyakālā viśeṣataḥ

Sanskrit only: no published translation is held for this verse.

कदा भविष्यति हरे रथयात्रा महात्मनः । कदा वा गजयात्रा स्यात्कदा वीशाधिरोहणम्

kadā bhaviṣyati hare rathayātrā mahātmanaḥ / kadā vā gajayātrā syātkadā vīśādhirohaṇam

Sanskrit only: no published translation is held for this verse.

कदा भ्रमति देवेशो ग्रामवीथिषु सुन्दरम् । कदा लभिष्टति हरेस्तीर्थं परमपावनम्

kadā bhramati deveśo grāmavīthiṣu sundaram / kadā labhiṣṭati harestīrthaṃ paramapāvanam

Sanskrit only: no published translation is held for this verse.

कदा प्रसादं देवस्य कणस्यापि लभिष्यति । कदा शङ्खरथाङ्गादिदिव्यलाञ्छनलाञ्छिता

kadā prasādaṃ devasya kaṇasyāpi labhiṣyati / kadā śaṅkharathāṅgādidivyalāñchanalāñchitā

Sanskrit only: no published translation is held for this verse.

पादुका देवदेवस्य संस्करिष्यति मे शिरः । कदा वा तुलसीं पुण्यामर्पितां तस्य पादयोः

pādukā devadevasya saṃskariṣyati me śiraḥ / kadā vā tulasīṃ puṇyāmarpitāṃ tasya pādayoḥ

Sanskrit only: no published translation is held for this verse.

अश्नामि शिरसा चैव धारयिष्यामि वैष्णवीम् । कदा वा पुण्यपुष्पाणामेकं देवसमर्पितम्

aśnāmi śirasā caiva dhārayiṣyāmi vaiṣṇavīm / kadā vā puṇyapuṣpāṇāmekaṃ devasamarpitam

Sanskrit only: no published translation is held for this verse.

शिरसा धारयिष्यामि जिघ्रामि भहुगन्धवत् । देवदेवस्य द्रक्ष्यामि कदा सर्वाङ्गसुंदरम्

śirasā dhārayiṣyāmi jighrāmi bhahugandhavat / devadevasya drakṣyāmi kadā sarvāṅgasuṃdaram

Sanskrit only: no published translation is held for this verse.

आपादमौलिपर्यन्तं लावण्यमधुरं वपुः । इत्यादिकाः कथास्तत्र भविष्यन्ति प्रजासु च

āpādamauliparyantaṃ lāvaṇyamadhuraṃ vapuḥ / ityādikāḥ kathāstatra bhaviṣyanti prajāsu ca

Sanskrit only: no published translation is held for this verse.

सर्वे धर्मपरास्सर्वे नारायण परायणाः । अर्चने वासुदेवस्य भविष्यन्ति रता नराः

sarve dharmaparāssarve nārāyaṇa parāyaṇāḥ / arcane vāsudevasya bhaviṣyanti ratā narāḥ

Sanskrit only: no published translation is held for this verse.

इत्येव कालं कालेयं गुरुरुज्जीवयिष्यति । श्रीनिवासं श्रियोवासमर्चिष्यति चिरं भुवि

ityeva kālaṃ kāleyaṃ gururujjīvayiṣyati / śrīnivāsaṃ śriyovāsamarciṣyati ciraṃ bhuvi

Sanskrit only: no published translation is held for this verse.

पाषण्डोपप्लुतं धर्ममुद्धरिष्यति वैष्णवम् । इदं च भगवच्छास्त्रं चिरस्थायि करिष्यति

pāṣaṇḍopaplutaṃ dharmamuddhariṣyati vaiṣṇavam / idaṃ ca bhagavacchāstraṃ cirasthāyi kariṣyati

Sanskrit only: no published translation is held for this verse.

सर्वतन्त्रस्वतन्त्रो ऽसौ बहून् ग्रन्धान् प्रणेष्यति । असंख्येभ्यश्च शिष्येभ्यस्तत्तार्थमुपदेक्ष्यति

sarvatantrasvatantro 'sau bahūn grandhān praṇeṣyati / asaṃkhyebhyaśca śiṣyebhyastattārthamupadekṣyati

Sanskrit only: no published translation is held for this verse.

धर्मव्यवस्थां कृत्वैवं कलावतिभयङ्करे । समेष्यति परं स्थानं तद्विष्णोः परमं पदम्

dharmavyavasthāṃ kṛtvaivaṃ kalāvatibhayaṅkare / sameṣyati paraṃ sthānaṃ tadviṣṇoḥ paramaṃ padam

Sanskrit only: no published translation is held for this verse.

युगान्ते च पुनर्नामहरेर्नैको गृहीष्यति । तदा हरिर्महावीरः कल्की नाम भविष्यति

yugānte ca punarnāmaharernaiko gṛhīṣyati / tadā harirmahāvīraḥ kalkī nāma bhaviṣyati

Sanskrit only: no published translation is held for this verse.

अधर्मनिधनं कृत्वा धर्मं संस्थापयिष्यति । हरेर्दिव्यावताराणामवतारकथामिमाम्

adharmanidhanaṃ kṛtvā dharmaṃ saṃsthāpayiṣyati / harerdivyāvatārāṇāmavatārakathāmimām

Sanskrit only: no published translation is held for this verse.

यः पठेच् छ्रुणुयाद्वापि सो ऽपि यास्यति सद्गतिम् । धन्यास्ते पुरुषश्रेष्ठा दुरन्ते भवसागरे

yaḥ paṭhec chruṇuyādvāpi so 'pi yāsyati sadgatim / dhanyāste puruṣaśreṣṭhā durante bhavasāgare

Sanskrit only: no published translation is held for this verse.

ये नामापि कलौ विष्णोस्स्मरिष्यिन्त्यव्ययात्मवः । ध्यायन् कृतयुगे विष्णुं त्रेतायां दापरे यजन्

ye nāmāpi kalau viṣṇossmariṣyintyavyayātmavaḥ / dhyāyan kṛtayuge viṣṇuṃ tretāyāṃ dāpare yajan

Sanskrit only: no published translation is held for this verse.

यत्तत्फलमवाप्नोति कलौ स्मरणमात्रतः । हरेर्हरति पापानि नामसंकीर्तितं सकृत्

yattatphalamavāpnoti kalau smaraṇamātrataḥ / harerharati pāpāni nāmasaṃkīrtitaṃ sakṛt

Sanskrit only: no published translation is held for this verse.

पाषण्डबहुले लोके कलावतिभयङ्करे । तन्नामकीर्तयेद्यस्तु तं विद्यात्कृतिनां वरम्

pāṣaṇḍabahule loke kalāvatibhayaṅkare / tannāmakīrtayedyastu taṃ vidyātkṛtināṃ varam

Sanskrit only: no published translation is held for this verse.

तस्मात्सर्वप्रयत्नेन भक्त्या परमया युतः । समूर्ताराधनं कुर्यान्नान्यथा मुक्तिमाप्नुयात्

tasmātsarvaprayatnena bhaktyā paramayā yutaḥ / samūrtārādhanaṃ kuryānnānyathā muktimāpnuyāt

Sanskrit only: no published translation is held for this verse.

नाथमाद्यैस्तु नवभिरध्यायैरीड्यते क्रमात् । भूपरीक्षादिकर्माणि विमानानां च कल्पनम्

nāthamādyaistu navabhiradhyāyairīḍyate kramāt / bhūparīkṣādikarmāṇi vimānānāṃ ca kalpanam

Sanskrit only: no published translation is held for this verse.

विविधानां च बेराणां निर्माणविधिविस्तरः । दशमे नांकुरारोपः पश्चाद्द्वाभ्यामुदीरितः

vividhānāṃ ca berāṇāṃ nirmāṇavidhivistaraḥ / daśame nāṃkurāropaḥ paścāddvābhyāmudīritaḥ

Sanskrit only: no published translation is held for this verse.

प्रतिष्ठा विधिरत्यन्त फलदो जगतः पतेः । पश्चाद्दशावताराणां चतुर्भिः प्रोच्यते विधिः

pratiṣṭhā vidhiratyanta phalado jagataḥ pateḥ / paścāddaśāvatārāṇāṃ caturbhiḥ procyate vidhiḥ

Sanskrit only: no published translation is held for this verse.

तथा सप्तदशे चोक्त आदिमूर्ति विधिस्ततः । अष्टादशेर्ऽचनं सांगमुक्तं मधुविदारिणः

tathā saptadaśe cokta ādimūrti vidhistataḥ / aṣṭādaśer'canaṃ sāṃgamuktaṃ madhuvidāriṇaḥ

Sanskrit only: no published translation is held for this verse.

द्वाभ्यामुक्तस्ततो पूजाद्रव्य संग्रहण क्रमः । एकविंशे विशेषार्चाविधिस्सम्यगुदीरितः

dvābhyāmuktastato pūjādravya saṃgrahaṇa kramaḥ / ekaviṃśe viśeṣārcāvidhissamyagudīritaḥ

Sanskrit only: no published translation is held for this verse.

द्वाविंशेस्नपनं चोक्तं त्रयोविंशे विशेषतः । विधिरुत्सवचक्रस्य प्रोक्तो द्वाभ्यामथोत्सवः

dvāviṃśesnapanaṃ coktaṃ trayoviṃśe viśeṣataḥ / vidhirutsavacakrasya prokto dvābhyāmathotsavaḥ

Sanskrit only: no published translation is held for this verse.

ततश्च षड्भिरध्यायैः प्रायश्चित्तस्य विस्तरः । प्रोक्तस्ततश्च द्वात्रिंशे संकीर्णंशा उदीरिताः

tataśca ṣaḍbhiradhyāyaiḥ prāyaścittasya vistaraḥ / proktastataśca dvātriṃśe saṃkīrṇaṃśā udīritāḥ

Sanskrit only: no published translation is held for this verse.

अर्चावतारमहिमा त्रयस्त्रिंशे प्रकीर्तितः । स्वयंव्यक्तादिभेदश्च चतुस्त्रिंशे प्रकाशितः

arcāvatāramahimā trayastriṃśe prakīrtitaḥ / svayaṃvyaktādibhedaśca catustriṃśe prakāśitaḥ

Sanskrit only: no published translation is held for this verse.

पञ्चत्रिंशे तु संप्रोक्तं क्रियायोगाश्रितं फलम् । षट्त्रिंशेत्वपचाराश्च कथिता देवकोपनाः

pañcatriṃśe tu saṃproktaṃ kriyāyogāśritaṃ phalam / ṣaṭtriṃśetvapacārāśca kathitā devakopanāḥ

Sanskrit only: no published translation is held for this verse.

कलिधर्माश्च संप्रोक्तास्सप्तत्रिंशे विशेषतः । सप्तत्रिंशद्भिरध्यायैरेवं गुरुकृपाबलात्

kalidharmāśca saṃproktāssaptatriṃśe viśeṣataḥ / saptatriṃśadbhiradhyāyairevaṃ gurukṛpābalāt

Sanskrit only: no published translation is held for this verse.

षड्भिः सहस्रैः श्लोकैस्तु क्रियाङ्गमुपवर्णितम्

ṣaḍbhiḥ sahasraiḥ ślokaistu kriyāṅgamupavarṇitam

Sanskrit only: no published translation is held for this verse.