Bhasa: Svapnavasavadatta 4

* राजा * - वयस्य वसन्तक अयम् अयम् आगच्छामि (भ्स्व् ४।०:६८) कामेनोज्जयिनीं गते मयि तदा काम् अप्य् अवस्थां गते दृष्ट्वा स्वैरम् अवन्तिराजतनयां पञ्चेषवः पातिताः & तैर् अद्यापि सशल्यम् एव हृदयं भूयश् च विद्धा वयं पञ्चेषुर् मदनो यदा कथम् अयं षष्ठः शरः पातितः

* rājā * - vayasya vasantaka ayam ayam āgacchāmi (BhSv 4.0:68) kāmenojjayinīṃ gate mayi tadā kām apy avasthāṃ gate dṛṣṭvā svairam avantirājatanayāṃ pañceṣavaḥ pātitāḥ & tair adyāpi saśalyam eva hṛdayaṃ bhūyaś ca viddhā vayaṃ pañceṣur madano yadā katham ayaṃ ṣaṣṭhaḥ śaraḥ pātitaḥ

Sanskrit only: no published translation is held for this verse.

* राजा * - वयस्य पश्याम्येनाम् ऋज्वायतां च विरलां च नतोन्नतां च सप्तर्षिवंशकुटिलां च निवर्तनेषु & निर्मुच्यमानभुजगोदरनिर्मलस्य सीमाम् इवाम्बरतलस्य विभज्यमानाम्

* rājā * - vayasya paśyāmyenām ṛjvāyatāṃ ca viralāṃ ca natonnatāṃ ca saptarṣivaṃśakuṭilāṃ ca nivartaneṣu & nirmucyamānabhujagodaranirmalasya sīmām ivāmbaratalasya vibhajyamānām

Sanskrit only: no published translation is held for this verse.

* राजा * - मा मा भवान् एवम् (भ्स्व् ४।२:२९) मधुकरसन्त्रासः परिहार्यः (भ्स्व् ४।२:३०) पश्य मधुमदकला मधुकरा मदनार्ताभिः प्रियाभिर् उपगूढाः & पादन्यासविषण्णा वयम् इव कान्तावियुक्ताः स्युः

* rājā * - mā mā bhavān evam (BhSv 4.2:29) madhukarasantrāsaḥ parihāryaḥ (BhSv 4.2:30) paśya madhumadakalā madhukarā madanārtābhiḥ priyābhir upagūḍhāḥ & pādanyāsaviṣaṇṇā vayam iva kāntāviyuktāḥ syuḥ

Sanskrit only: no published translation is held for this verse.

उभाव् उपविशतः (भ्स्व् ४।३:३) * राजा * - अवलोक्य पादाक्रान्तानि पुष्पाणि सोष्म चेदं शिलातलम् & नूनं काचिदिहासीना मां दृष्ट्वा सहसा गता

ubhāv upaviśataḥ (BhSv 4.3:3) * rājā * - avalokya pādākrāntāni puṣpāṇi soṣma cedaṃ śilātalam & nūnaṃ kācidihāsīnā māṃ dṛṣṭvā sahasā gatā

Sanskrit only: no published translation is held for this verse.

* राजा * - का गतिः (भ्स्व् ४।४:३३) श्रूयताम् (भ्स्व् ४।४:३४) पद्मावती बहुमता मम यद्य् अपि रूपशीलमाधुर्यैः & वासवदत्ताबद्धं न तु तावन् मे मनो हरति

* rājā * - kā gatiḥ (BhSv 4.4:33) śrūyatām (BhSv 4.4:34) padmāvatī bahumatā mama yady api rūpaśīlamādhuryaiḥ & vāsavadattābaddhaṃ na tu tāvan me mano harati

Sanskrit only: no published translation is held for this verse.

* राजा * - सविषादम् एवम् (भ्स्व् ४।५:२९) उपरता वासवदत्ता (भ्स्व् ४।५:३०) अनेन परिहासेन व्याक्षिप्तं मे मनस् त्वया & ततो वाणी तथैवेयं पूर्वाभ्यासेन निस्सृता

* rājā * - saviṣādam evam (BhSv 4.5:29) uparatā vāsavadattā (BhSv 4.5:30) anena parihāsena vyākṣiptaṃ me manas tvayā & tato vāṇī tathaiveyaṃ pūrvābhyāsena nissṛtā

Sanskrit only: no published translation is held for this verse.

* राजा * - वयस्य न जानाति भवान् अवस्थाम् (भ्स्व् ४।६:७) कुतः दुःखं त्यक्तुं बद्धमूलो ऽनुरागः स्मृत्वा स्मृत्वा याति दुःखं नवत्वम् & यात्रा त्व् एषा यद् विमुच्येह बाष्पं प्राप्तानृण्या याति बुद्धिः प्रसादम्

* rājā * - vayasya na jānāti bhavān avasthām (BhSv 4.6:7) kutaḥ duḥkhaṃ tyaktuṃ baddhamūlo 'nurāgaḥ smṛtvā smṛtvā yāti duḥkhaṃ navatvam & yātrā tv eṣā yad vimucyeha bāṣpaṃ prāptānṛṇyā yāti buddhiḥ prasādam

Sanskrit only: no published translation is held for this verse.

उपविशति (भ्स्व् ४।७:३१) * राजा * - पद्मावति शरच्छशाङ्कगौरेण वाताविद्धेन भामिनि & काशपुष्पलवेनेदं साश्रुपातं मुखं मम

upaviśati (BhSv 4.7:31) * rājā * - padmāvati śaracchaśāṅkagaureṇa vātāviddhena bhāmini & kāśapuṣpalavenedaṃ sāśrupātaṃ mukhaṃ mama

Sanskrit only: no published translation is held for this verse.

आत्मगतम् इयं बाला नवोद्वाहा सत्यं श्रुत्वा व्यथां व्रजेत् & कामं धीरस्वभावेयं स्त्रीस्वभावस् तु कातरः

ātmagatam iyaṃ bālā navodvāhā satyaṃ śrutvā vyathāṃ vrajet & kāmaṃ dhīrasvabhāveyaṃ strīsvabhāvas tu kātaraḥ

Sanskrit only: no published translation is held for this verse.

* राजा * - बाढम् (भ्स्व् ४।९:४) प्रथमः कल्पः (भ्स्व् ४।९:५) उत्थाय गुणानां वा विशालानां सत्काराणां च नित्यशः & कर्तारः सुलभा लोके विज्ञातारस् तु दुर्लभाः

* rājā * - bāḍham (BhSv 4.9:4) prathamaḥ kalpaḥ (BhSv 4.9:5) utthāya guṇānāṃ vā viśālānāṃ satkārāṇāṃ ca nityaśaḥ & kartāraḥ sulabhā loke vijñātāras tu durlabhāḥ

Sanskrit only: no published translation is held for this verse.