Library·Bhatti: Ravanavadha (Bhattikavya)·13
चारु-समीरण-रमणे हरिण-कलङ्क-किरणाऽऽवली-स-विलासा आबद्ध-राम-मोहा वेला-मूले विभावरी परिहीणा।
cāru-samīraṇa-ramaṇe hariṇa-kalaṅka-kiraṇā''valī-sa-vilāsā ābaddha-rāma-mohā velā-mūle vibhāvarī parihīṇā.
Sanskrit only: no published translation is held for this verse.
बद्धो वासर-सङ्गे भीमो रामेण लवण-सलिलाऽऽवासे सहसा संरम्भ-रसो दूराऽऽरूढ-रवि-मण्डल-समो लोले।
baddho vāsara-saṅge bhīmo rāmeṇa lavaṇa-salilā''vāse sahasā saṃrambha-raso dūrā''rūḍha-ravi-maṇḍala-samo lole.
Sanskrit only: no published translation is held for this verse.
गाढ-गुरु-पुङ्ख-पीडा- स-धूम-सलिलाऽरि-संभव-महा-बाणे आरुढा संदेहं रामे स-मही-धार मही स-फणि-सभा।
gāḍha-guru-puṅkha-pīḍā- sa-dhūma-salilā'ri-saṃbhava-mahā-bāṇe āruḍhā saṃdehaṃ rāme sa-mahī-dhāra mahī sa-phaṇi-sabhā.
Sanskrit only: no published translation is held for this verse.
घोर-जल-दन्ति-संकुल- मट्ट-महापङ्क-काहल-जलाऽऽवासम् आरीणं लवण-जलं समिद्ध-फल-बाण-विद्धि-घोर-फणि-वरम्
ghora-jala-danti-saṃkula- maṭṭa-mahāpaṅka-kāhala-jalā''vāsam ārīṇaṃ lavaṇa-jalaṃ samiddha-phala-bāṇa-viddhi-ghora-phaṇi-varam
Sanskrit only: no published translation is held for this verse.
स-भयं परिहरमाणो महाऽहि-संचार-भासुरं सलिल-गणम् आरूढो लवण-जलो जल-तीरं हरि-बलाऽऽगम-विलोल-गुहम्
sa-bhayaṃ pariharamāṇo mahā'hi-saṃcāra-bhāsuraṃ salila-gaṇam ārūḍho lavaṇa-jalo jala-tīraṃ hari-balā''gama-vilola-guham
Sanskrit only: no published translation is held for this verse.
चञ्चल-तरु-हरिण-गणं बहु-कुसुमाऽऽबन्ध-बद्ध-रामाऽऽवासम् हरि-पल्लव-तरु-जालं तुङ्गोरु-समिद्ध-तरु-वर-हिम-च्छायम्
cañcala-taru-hariṇa-gaṇaṃ bahu-kusumā''bandha-baddha-rāmā''vāsam hari-pallava-taru-jālaṃ tuṅgoru-samiddha-taru-vara-hima-cchāyam
Sanskrit only: no published translation is held for this verse.
वर-वारनं सलिल-भरेण गिरि-मही-मण्डल-संवर-वारणम् वसुधार्यं तुङ्ग-तरङ्ग-सङ्ग-परिहीण-लोल-वसुधा-रयम्
vara-vāranaṃ salila-bhareṇa giri-mahī-maṇḍala-saṃvara-vāraṇam vasudhāryaṃ tuṅga-taraṅga-saṅga-parihīṇa-lola-vasudhā-rayam
Sanskrit only: no published translation is held for this verse.
प्रणिपत्य ततो वचनं जगाद हितमायतो पतिर् वारीणाम् गङ्गाऽवलम्बि-बाहू रामं बहलोरु-हरि-तमाल-च्छायम्।
praṇipatya tato vacanaṃ jagāda hitamāyato patir vārīṇām gaṅgā'valambi-bāhū rāmaṃ bahaloru-hari-tamāla-cchāyam.
Sanskrit only: no published translation is held for this verse.
"तुङ्गा गिरि-वर-देहा, अ-गमं सलिलं, समीरणो रस-हारी, अ-हिमो रवि-किरण-गणो, माया संसार-कारणं ते परमा।
"tuṅgā giri-vara-dehā, a-gamaṃ salilaṃ, samīraṇo rasa-hārī, a-himo ravi-kiraṇa-gaṇo, māyā saṃsāra-kāraṇaṃ te paramā.
Sanskrit only: no published translation is held for this verse.
आयास-संभवारुण ! संहर संहार-हिम-हर-सम-च्छायम् बाणं, वारि-समूहं संगच्छ पुराण-चारु-देहाऽऽवासम्।
āyāsa-saṃbhavāruṇa ! saṃhara saṃhāra-hima-hara-sama-cchāyam bāṇaṃ, vāri-samūhaṃ saṃgaccha purāṇa-cāru-dehā''vāsam.
Sanskrit only: no published translation is held for this verse.
अ-सुलभ-हरि-संचारं जल-मूलं बहल-पङ्क-रुद्धाऽऽयामम् भण किं जल-परिहीणं सु-गमं तिमि-कम्बु-वारि-वारण-भीमम्।
a-sulabha-hari-saṃcāraṃ jala-mūlaṃ bahala-paṅka-ruddhā''yāmam bhaṇa kiṃ jala-parihīṇaṃ su-gamaṃ timi-kambu-vāri-vāraṇa-bhīmam.
Sanskrit only: no published translation is held for this verse.
गन्तुं लङ्का-तीरं बद्ध-महासलिल-संचरेण स-हेलम् तरु-हरिणा गिरि-जालं वहन्तु गिरि-भार-संसहा गुरु-देहम्।
gantuṃ laṅkā-tīraṃ baddha-mahāsalila-saṃcareṇa sa-helam taru-hariṇā giri-jālaṃ vahantu giri-bhāra-saṃsahā guru-deham.
Sanskrit only: no published translation is held for this verse.
हर-हास-रुद्ध-विगमं पर-कण्ठ-गणं महाऽऽहव-समारम्भे छिन्दन्तु राम-बाणा गम्भीरे मे जले महा-गिरि-बद्धे।
hara-hāsa-ruddha-vigamaṃ para-kaṇṭha-gaṇaṃ mahā''hava-samārambhe chindantu rāma-bāṇā gambhīre me jale mahā-giri-baddhe.
Sanskrit only: no published translation is held for this verse.
गच्छन्तु चारु-हासा वीर-रसाऽऽबन्ध-रुद्ध-भय-संबन्धम् हन्तुं बहु-बाहु-बलं हरि-करिणो गिरि-वरोरु-देहं सहसा।
gacchantu cāru-hāsā vīra-rasā''bandha-ruddha-bhaya-saṃbandham hantuṃ bahu-bāhu-balaṃ hari-kariṇo giri-varoru-dehaṃ sahasā.
Sanskrit only: no published translation is held for this verse.
जिगमिषया संयुक्ता बहूव कपि-वाहिनी मते दाशरथेः बुद्ध-जलाऽऽलय-चित्ता गिरि-हरणाऽऽरम्भ-संभव-समालोला।
jigamiṣayā saṃyuktā bahūva kapi-vāhinī mate dāśaratheḥ buddha-jalā''laya-cittā giri-haraṇā''rambha-saṃbhava-samālolā.
Sanskrit only: no published translation is held for this verse.
गुरु-गिरि-वर-हरण-सहं संहार-हिमारि-पिङ्गलं राम-बलम् आरूढं सहसा खं वरुणाऽऽलय-विमल-सलिल-गण-गम्भीरम्
guru-giri-vara-haraṇa-sahaṃ saṃhāra-himāri-piṅgalaṃ rāma-balam ārūḍhaṃ sahasā khaṃ varuṇā''laya-vimala-salila-gaṇa-gambhīram
Sanskrit only: no published translation is held for this verse.
अवगाढं गिरि-जालं तुङ्ग-महा-भित्ति-रुद्ध-सुर-संचारम् अ-भयहरि-रास-भीमं करि-परिमल-चारु-बहल-कन्दर-सलिलम्।
avagāḍhaṃ giri-jālaṃ tuṅga-mahā-bhitti-ruddha-sura-saṃcāram a-bhayahari-rāsa-bhīmaṃ kari-parimala-cāru-bahala-kandara-salilam.
Sanskrit only: no published translation is held for this verse.
अलि-गण-विलोल-कुसुमं स-कमल-जल-मत्त-कुरर-कारण्डव-गणम् फणि-संकुल-भीम-गुहं करि-दन्त-समूढ-स-रस-वसुधा-खण्डम्
ali-gaṇa-vilola-kusumaṃ sa-kamala-jala-matta-kurara-kāraṇḍava-gaṇam phaṇi-saṃkula-bhīma-guhaṃ kari-danta-samūḍha-sa-rasa-vasudhā-khaṇḍam
Sanskrit only: no published translation is held for this verse.
अरविन्द-रेणु-पिञ्जर- सारस-रव-हारि-विमल-बहु-चारु-जलम् रवि-मणि-संभव-हिम-हर- समागमाऽऽबद्ध-बहुल-सुर-तरु-धूपम्
aravinda-reṇu-piñjara- sārasa-rava-hāri-vimala-bahu-cāru-jalam ravi-maṇi-saṃbhava-hima-hara- samāgamā''baddha-bahula-sura-taru-dhūpam
Sanskrit only: no published translation is held for this verse.
हरि-रव-विलोल-वारण- गम्भीराऽऽबद्ध-स-रस-पुरु-संरावम् घोणा-संगम-पङ्काऽऽ- विल-सुबल-भर-महोरु-वराहम्।
hari-rava-vilola-vāraṇa- gambhīrā''baddha-sa-rasa-puru-saṃrāvam ghoṇā-saṃgama-paṅkā''- vila-subala-bhara-mahoru-varāham.
Sanskrit only: no published translation is held for this verse.
उच्चख्नुः परिरब्धान् कपि-सङ्घा बाहुभिस् ततो भूमि-भृतः निष्पष्ट-शेष-मूर्ध्नः शृङ्ग-विकीर्णोष्ण-रश्मि-नक्षत्र-गणान्।
uccakhnuḥ parirabdhān kapi-saṅghā bāhubhis tato bhūmi-bhṛtaḥ niṣpaṣṭa-śeṣa-mūrdhnaḥ śṛṅga-vikīrṇoṣṇa-raśmi-nakṣatra-gaṇān.
Sanskrit only: no published translation is held for this verse.
तुङ्ग-महा-गिरि-सुभरा बाहु-समारुद्ध-भिदुर-टङ्का बहुधा लवण-जल-बन्ध-कामा आरूढा अम्बरं महा-परिणाहम्
tuṅga-mahā-giri-subharā bāhu-samāruddha-bhidura-ṭaṅkā bahudhā lavaṇa-jala-bandha-kāmā ārūḍhā ambaraṃ mahā-pariṇāham
Sanskrit only: no published translation is held for this verse.
बहु-धवल-वारि-वाहं विमलाऽऽयस-महाऽसि-देह-च्छायम् बद्ध-विहङ्गम-मालं हिम-गिरिमिव मत्त-कुरर-रव-संबद्धम्
bahu-dhavala-vāri-vāhaṃ vimalā''yasa-mahā'si-deha-cchāyam baddha-vihaṅgama-mālaṃ hima-girimiva matta-kurara-rava-saṃbaddham
Sanskrit only: no published translation is held for this verse.
चारु-कलहंस्-संकुल- स-चण्ड-संचार-सारसाऽऽबद्ध-रवम् स-कुसुम-कण-गन्ध-वहं समयाऽऽगम-वारि-सङ्ग-विमलाऽऽयामम्।
cāru-kalahaṃs-saṃkula- sa-caṇḍa-saṃcāra-sārasā''baddha-ravam sa-kusuma-kaṇa-gandha-vahaṃ samayā''gama-vāri-saṅga-vimalā''yāmam.
Sanskrit only: no published translation is held for this verse.
सहसा ते तरु-हरिणा गिरि-सुभरा लवण-सलिल-बन्धाऽऽरम्भे तीर-गिरिमारूढा रामाऽऽगम-रुद्ध-स-भय-रिपु-संचारम्।
sahasā te taru-hariṇā giri-subharā lavaṇa-salila-bandhā''rambhe tīra-girimārūḍhā rāmā''gama-ruddha-sa-bhaya-ripu-saṃcāram.
Sanskrit only: no published translation is held for this verse.
ततः प्राणीताः कपि-यूथ-मुख्यैर् न्यस्ताः कृशानोस् तनयेन सम्यक् अ-कम्प्र-ब्राध्नाऽग्र-नितम्ब-भागा महाऽर्णवं भूमि-भृतो ऽवगाढाः
tataḥ prāṇītāḥ kapi-yūtha-mukhyair nyastāḥ kṛśānos tanayena samyak a-kampra-brādhnā'gra-nitamba-bhāgā mahā'rṇavaṃ bhūmi-bhṛto 'vagāḍhāḥ
Sanskrit only: no published translation is held for this verse.
तेने ऽद्रि-बन्ध्यो, ववृधे पयोधिस्, तुतोष रामो, मुमुदे कपीन्द्रः, तत्रास शत्रुर्, ददृशे सुवेलः, प्रापे जलान्तो, जुहृषुः प्लवङ्गाः।
tene 'dri-bandhyo, vavṛdhe payodhis, tutoṣa rāmo, mumude kapīndraḥ, tatrāsa śatrur, dadṛśe suvelaḥ, prāpe jalānto, juhṛṣuḥ plavaṅgāḥ.
Sanskrit only: no published translation is held for this verse.
भ्रेमुर्, ववल्गुर्, ननृतुर्, जजक्षुर्, जुगुः, समुत्पुप्लुविरे, निषेदुः, आस्फोटयांचक्रुरभिप्रणेदू, रेजुर्, ननन्दुर्, विययुः, समीयुः।
bhremur, vavalgur, nanṛtur, jajakṣur, juguḥ, samutpupluvire, niṣeduḥ, āsphoṭayāṃcakrurabhipraṇedū, rejur, nanandur, viyayuḥ, samīyuḥ.
Sanskrit only: no published translation is held for this verse.
गिरि-पङ्क-चारु-देहं कक्कोल-लवङ्ग-बध-सुरभि-परिमलम् बहु-बहलोरु-तरङ्गं परिसरसारूढमुद्धरं लवण-जलम्।
giri-paṅka-cāru-dehaṃ kakkola-lavaṅga-badha-surabhi-parimalam bahu-bahaloru-taraṅgaṃ parisarasārūḍhamuddharaṃ lavaṇa-jalam.
Sanskrit only: no published translation is held for this verse.
लोलं कूलाऽभिगमे खे तुङ्गा-मल-निबद्ध-पुरु-परिणाहम् सुर-गङ्गा-भरण-सहं गिरि-बन्ध-वरेण लवण-सलिलं रुद्धम्।
lolaṃ kūlā'bhigame khe tuṅgā-mala-nibaddha-puru-pariṇāham sura-gaṅgā-bharaṇa-sahaṃ giri-bandha-vareṇa lavaṇa-salilaṃ ruddham.
Sanskrit only: no published translation is held for this verse.
आरूढं च सुवेलं तरु-मालाऽऽबन्ध-हारि-गिरि-वर-जालम् रावण-चित्त-भयङ्कर- मापिङ्गल-लोल-केसरं राम-बलम्
ārūḍhaṃ ca suvelaṃ taru-mālā''bandha-hāri-giri-vara-jālam rāvaṇa-citta-bhayaṅkara- māpiṅgala-lola-kesaraṃ rāma-balam
Sanskrit only: no published translation is held for this verse.
लङ्काऽऽलय-तुमुलाऽऽरव- सुभर-गभीरोरु-कुञ्ज-कन्दर-विवरम् वीणा-रव-रस-सङ्गम- सुर-गण-संकुल-महा-तमाल-च्छायम्
laṅkā''laya-tumulā''rava- subhara-gabhīroru-kuñja-kandara-vivaram vīṇā-rava-rasa-saṅgama- sura-gaṇa-saṃkula-mahā-tamāla-cchāyam
Sanskrit only: no published translation is held for this verse.
स-रस-बहु-पल्लवाऽऽविल- केसर-हिन्ताल-बद्ध-बहल-च्छायम् ऐरावण-मद-परिमल- गन्धवहाऽऽबद्ध-दन्ति-संरम्भ-रसम्
sa-rasa-bahu-pallavā''vila- kesara-hintāla-baddha-bahala-cchāyam airāvaṇa-mada-parimala- gandhavahā''baddha-danti-saṃrambha-rasam
Sanskrit only: no published translation is held for this verse.
तुङ्ग-तरु-च्छाया-रुह- कोमल-हरि-हारि-लोल-पल्लव-जालम् हरिण-भयंकर-स-कुसुम- दाव-सम-च्छवि-विलोल-दाडिम-कुञ्जम्
tuṅga-taru-cchāyā-ruha- komala-hari-hāri-lola-pallava-jālam hariṇa-bhayaṃkara-sa-kusuma- dāva-sama-cchavi-vilola-dāḍima-kuñjam
Sanskrit only: no published translation is held for this verse.
कल-हरि-कण्ठ-विरावं सलिल-महा-बन्ध-संकुल-महा-सालम् चल-किसलय-संबद्धं मणि-जालं सलिल-कण-मयं-विवहन्तम्
kala-hari-kaṇṭha-virāvaṃ salila-mahā-bandha-saṃkula-mahā-sālam cala-kisalaya-saṃbaddhaṃ maṇi-jālaṃ salila-kaṇa-mayaṃ-vivahantam
Sanskrit only: no published translation is held for this verse.
तुङ्ग-मणि-किरण-जालं गिरि-जल-संघट्ट-बद्ध-गम्भीर-रवम् चारु-गुहा-विवर-सभं सुर-पुर-समममर-चारण-सुसंरावम्
tuṅga-maṇi-kiraṇa-jālaṃ giri-jala-saṃghaṭṭa-baddha-gambhīra-ravam cāru-guhā-vivara-sabhaṃ sura-pura-samamamara-cāraṇa-susaṃrāvam
Sanskrit only: no published translation is held for this verse.
विमल-महा-मणि-टङ्कं सिन्दूर-कलङ्क-पिञ्जर-सहा-भित्तिम् वीर-हरि-दन्ति-सङ्गम- भय-रुद्ध-विभावरी-विहार-समीहम्
vimala-mahā-maṇi-ṭaṅkaṃ sindūra-kalaṅka-piñjara-sahā-bhittim vīra-hari-danti-saṅgama- bhaya-ruddha-vibhāvarī-vihāra-samīham
Sanskrit only: no published translation is held for this verse.
स-महा-फणि-भीम-बिलं भूरि-विहङ्गम-तुमुलोरु-घोर-विरावम् वारण-वराह-हरि-वर- गो-गण-सारङ्ग-संकुल-महा-सालम्
sa-mahā-phaṇi-bhīma-bilaṃ bhūri-vihaṅgama-tumuloru-ghora-virāvam vāraṇa-varāha-hari-vara- go-gaṇa-sāraṅga-saṃkula-mahā-sālam
Sanskrit only: no published translation is held for this verse.
चल-किसलय-स-विलासं चारु-मही-कमल-रेणु-पिञ्जर-वसुधम् स-कुसुम-केसर-बाणं लवङ्ग-तरु-तरुण-वल्लरी-वर-हासम्
cala-kisalaya-sa-vilāsaṃ cāru-mahī-kamala-reṇu-piñjara-vasudham sa-kusuma-kesara-bāṇaṃ lavaṅga-taru-taruṇa-vallarī-vara-hāsam
Sanskrit only: no published translation is held for this verse.
अ-मल-मणि-हेम-टङ्कं तुङ्ग-महा-भित्ति-रुद्ध-रुरु-पङ्क-गमम् अमराऽऽरूढ-परिसर मेरुमिवा ऽऽविल-स-रस-मन्दार-तरुम्
a-mala-maṇi-hema-ṭaṅkaṃ tuṅga-mahā-bhitti-ruddha-ruru-paṅka-gamam amarā''rūḍha-parisara merumivā ''vila-sa-rasa-mandāra-tarum
Sanskrit only: no published translation is held for this verse.
फल-भर-मन्थर-तरु-वर- म-विदूर-विरूढ-हारि-कुसुमाऽऽपीडम् हरिण-कलङ्क-मणि-संभव- बहु-वारि-भर-सुगम्भीर-गुहम्।
phala-bhara-manthara-taru-vara- ma-vidūra-virūḍha-hāri-kusumā''pīḍam hariṇa-kalaṅka-maṇi-saṃbhava- bahu-vāri-bhara-sugambhīra-guham.
Sanskrit only: no published translation is held for this verse.
जल-काम-दन्ति-संकुल- स-हेम-रस-चारु-धवल-कन्दर-देहम् अङ्कुर-तोह-सम-च्छवि- रुरु-गण-संलीढ-तरल-हरि-मणि-किरणम्
jala-kāma-danti-saṃkula- sa-hema-rasa-cāru-dhavala-kandara-deham aṅkura-toha-sama-cchavi- ruru-gaṇa-saṃlīḍha-tarala-hari-maṇi-kiraṇam
Sanskrit only: no published translation is held for this verse.
गाढ-समीरण-सुसहं भीम-रवोत्तुङ्ग-वारि-धर-संघट्टम् धवल-जल-वाह-माला- संबन्धाऽऽबद्ध-हिम-धरा-धर-लीलम्।
gāḍha-samīraṇa-susahaṃ bhīma-ravottuṅga-vāri-dhara-saṃghaṭṭam dhavala-jala-vāha-mālā- saṃbandhā''baddha-hima-dharā-dhara-līlam.
Sanskrit only: no published translation is held for this verse.
लवण-जल-बन्ध-स-रसं तरु-फल-संपत्ति-रुद्ध-देहाऽऽयासम् लङ्का-तोरण-वारण- मारूढं समर-लालसं-राम-बलम्।
lavaṇa-jala-bandha-sa-rasaṃ taru-phala-saṃpatti-ruddha-dehā''yāsam laṅkā-toraṇa-vāraṇa- mārūḍhaṃ samara-lālasaṃ-rāma-balam.
Sanskrit only: no published translation is held for this verse.
गुरु-पणव-वेणु-गुञ्जा- भेरी-पेलोरु-झल्लरी-भीम-रवम् ढक्का-घण्टा-तुमुलं सन्नद्धं पर-बलं रणाऽऽयास-सहम्
guru-paṇava-veṇu-guñjā- bherī-peloru-jhallarī-bhīma-ravam ḍhakkā-ghaṇṭā-tumulaṃ sannaddhaṃ para-balaṃ raṇā''yāsa-saham
Sanskrit only: no published translation is held for this verse.
आरूढ-बाण-घोरं वि-मलाऽऽयस-जाल-गूढ-पीवर-देहम् चञ्चल-तुरङ्ग-वारण- संघट्टाऽऽबद्ध-चारु-परिणाह-गुणम्
ārūḍha-bāṇa-ghoraṃ vi-malā''yasa-jāla-gūḍha-pīvara-deham cañcala-turaṅga-vāraṇa- saṃghaṭṭā''baddha-cāru-pariṇāha-guṇam
Sanskrit only: no published translation is held for this verse.
असि-तोमर-कुन्त-महा- पट्टिश-भल्ल-वर-बाण-गुरु-पुरु-मुसलम् वीर-रसाऽलङ्कारं गुरु-संचार-हय-दन्ति-स-मही-कम्पम्
asi-tomara-kunta-mahā- paṭṭiśa-bhalla-vara-bāṇa-guru-puru-musalam vīra-rasā'laṅkāraṃ guru-saṃcāra-haya-danti-sa-mahī-kampam
Sanskrit only: no published translation is held for this verse.
ते रामेण स-रभसं परितरला हरि-गणा रण-समारम्भे रुद्धा लङ्का-परिसर- भू-धर-परिभङ्ग-लालसा धीर-रवम्।
te rāmeṇa sa-rabhasaṃ paritaralā hari-gaṇā raṇa-samārambhe ruddhā laṅkā-parisara- bhū-dhara-paribhaṅga-lālasā dhīra-ravam.
Sanskrit only: no published translation is held for this verse.
युग्मकम्Ō जल-तीर-तुङ्ग-तरु-वर- कन्गर-गिरि-भित्ति-कुञ्ज-विवराऽऽवासम् भीमं तरु-हरिण-बलं सु-समिद्ध-हिमारि-किरण-माला-लोलम्।
yugmakamŌ jala-tīra-tuṅga-taru-vara- kangara-giri-bhitti-kuñja-vivarā''vāsam bhīmaṃ taru-hariṇa-balaṃ su-samiddha-himāri-kiraṇa-mālā-lolam.
Sanskrit only: no published translation is held for this verse.
रावण-बलमवगन्तुं जल-भर-गुरु-सलिल-वाह-गण-सम-च्छायम् अट्ट-तरु-मञ्च-मन्द्रिर- तोरण-माला-सभासु समारूढम्।
rāvaṇa-balamavagantuṃ jala-bhara-guru-salila-vāha-gaṇa-sama-cchāyam aṭṭa-taru-mañca-mandrira- toraṇa-mālā-sabhāsu samārūḍham.
Sanskrit only: no published translation is held for this verse.