Library·Bhatti: Ravanavadha (Bhattikavya)·15
राक्षसेन्द्रस् ततो ऽभैषीदैक्षिष्ट परितः पुरम्, प्रातिष्ठिपच् च बोधाऽर्थं कुम्भकर्णस्य राक्षसान्,
rākṣasendras tato 'bhaiṣīdaikṣiṣṭa paritaḥ puram, prātiṣṭhipac ca bodhā'rthaṃ kumbhakarṇasya rākṣasān,
Sanskrit only: no published translation is held for this verse.
ते ऽभ्यगुर् भवनं तस्य, सुप्तं चैक्षिषता ऽथ तम्, व्याहार्षुस् तुमुलान् शब्दान्, दण्डैश् चा ऽवधिषुर् द्रुतम्
te 'bhyagur bhavanaṃ tasya, suptaṃ caikṣiṣatā 'tha tam, vyāhārṣus tumulān śabdān, daṇḍaiś cā 'vadhiṣur drutam
Sanskrit only: no published translation is held for this verse.
केशानलुञ्चिषुस्, तस्य गजान् गात्रेष्वचिक्रमन्, शीतैरभ्यषिचंस् तोयैरलातैश् चाऽप्यदम्भिषुः।
keśānaluñciṣus, tasya gajān gātreṣvacikraman, śītairabhyaṣicaṃs toyairalātaiś cā'pyadambhiṣuḥ.
Sanskrit only: no published translation is held for this verse.
नखैरकर्तिषुस् तीक्ष्णैरदाङ्क्षुर् दशनैस् तथा, शितैरतौत्सुः शूलैश् च, भेरीश् चाऽवीवदन् शुभाः।
nakhairakartiṣus tīkṣṇairadāṅkṣur daśanais tathā, śitairatautsuḥ śūlaiś ca, bherīś cā'vīvadan śubhāḥ.
Sanskrit only: no published translation is held for this verse.
स तान् ना ऽजीगणत् सर्वा- निच्छया ऽबुद्ध च स्वयम्, अबूबुधत कस्मान् मा- मप्राक्षीच् च निशा-चरान्।
sa tān nā 'jīgaṇat sarvā- nicchayā 'buddha ca svayam, abūbudhata kasmān mā- maprākṣīc ca niśā-carān.
Sanskrit only: no published translation is held for this verse.
ते ऽभाषिषत "राजा त्वां दिदृक्षुः क्षणदा-चर !" सोऽस्नासीद्, व्यलिपन्, मांसमप्सासीद्, वारुणीमपात्
te 'bhāṣiṣata "rājā tvāṃ didṛkṣuḥ kṣaṇadā-cara !" so'snāsīd, vyalipan, māṃsamapsāsīd, vāruṇīmapāt
Sanskrit only: no published translation is held for this verse.
न्यवसिष्ट ततो द्रष्टुं रावणं, प्रावृतत् गृहात्। राजा यान्तं तमद्राक्षीदुदस्थाच् चेषदासनात्।
nyavasiṣṭa tato draṣṭuṃ rāvaṇaṃ, prāvṛtat gṛhāt. rājā yāntaṃ tamadrākṣīdudasthāc ceṣadāsanāt.
Sanskrit only: no published translation is held for this verse.
अतुषत्, पीठमासन्ने निरदिक्षच् च काञ्चनम्। अस्मेष्ट कुम्भकर्णोऽल्पमुपाविक्षदथा ऽन्तिके।
atuṣat, pīṭhamāsanne niradikṣac ca kāñcanam. asmeṣṭa kumbhakarṇo'lpamupāvikṣadathā 'ntike.
Sanskrit only: no published translation is held for this verse.
अवादीन् "मां किमित्याह्वो" राज्ञा च प्रत्यवादि सः "माज्ञासीस् त्वं सुखी, रामो यदकार्षीत् स रक्षसाम्।
avādīn "māṃ kimityāhvo" rājñā ca pratyavādi saḥ "mājñāsīs tvaṃ sukhī, rāmo yadakārṣīt sa rakṣasām.
Sanskrit only: no published translation is held for this verse.
उदतारीदुदन्वन्तं, पुरं नः परितो ऽरुधत्, व्यद्योतिष्ट रणे शस्त्रैरनैषीद् राक्षसान् क्षयम्।
udatārīdudanvantaṃ, puraṃ naḥ parito 'rudhat, vyadyotiṣṭa raṇe śastrairanaiṣīd rākṣasān kṣayam.
Sanskrit only: no published translation is held for this verse.
न प्रावोचमहं किंचित् प्रियं, यावदजीविषम्, बन्धुस् त्वमर्चितः स्नेहान् माद्विषो न वधीर् मम
na prāvocamahaṃ kiṃcit priyaṃ, yāvadajīviṣam, bandhus tvamarcitaḥ snehān mādviṣo na vadhīr mama
Sanskrit only: no published translation is held for this verse.
वीर्यं मा न ददर्शस् त्वं, मा न त्रास्थाः क्षतां पुरम्, तवा ऽद्राक्ष्म वयं वीर्यं, त्वमजैषीः पुरा सुरान्"
vīryaṃ mā na dadarśas tvaṃ, mā na trāsthāḥ kṣatāṃ puram, tavā 'drākṣma vayaṃ vīryaṃ, tvamajaiṣīḥ purā surān"
Sanskrit only: no published translation is held for this verse.
अवोचत् कुम्भकर्णस् तं, "वयं मन्त्रेऽभ्यधाम यत् न त्वं सर्वं तदश्रौषीः, फलं तस्येदमागमत्।
avocat kumbhakarṇas taṃ, "vayaṃ mantre'bhyadhāma yat na tvaṃ sarvaṃ tadaśrauṣīḥ, phalaṃ tasyedamāgamat.
Sanskrit only: no published translation is held for this verse.
प्राज्ञ-वाक्यान्यवामंस्था, मूर्ख-वाक्येष्ववाऽस्थिथाः अध्यगीष्ठाश् च शास्त्राणि, प्रत्यपत्था हितं न च
prājña-vākyānyavāmaṃsthā, mūrkha-vākyeṣvavā'sthithāḥ adhyagīṣṭhāś ca śāstrāṇi, pratyapatthā hitaṃ na ca
Sanskrit only: no published translation is held for this verse.
मूर्खास् त्वामववञ्चन्त, ये विग्रहमचीकरन्, अभाणीन् माल्यवान् युक्तमक्षंस्थास् त्वं न तन् मदात्
mūrkhās tvāmavavañcanta, ye vigrahamacīkaran, abhāṇīn mālyavān yuktamakṣaṃsthās tvaṃ na tan madāt
Sanskrit only: no published translation is held for this verse.
राघवस्या ऽमुषः कान्तामाप्तैरुक्तो न चाऽर्पिपः, मा नाऽनुभूः स्वकान् दोषान्, मा मुहो मा रुषोऽधुना।
rāghavasyā 'muṣaḥ kāntāmāptairukto na cā'rpipaḥ, mā nā'nubhūḥ svakān doṣān, mā muho mā ruṣo'dhunā.
Sanskrit only: no published translation is held for this verse.
तस्याऽप्यत्यक्रमीत् कालो, यत् तदाऽहमवादिषम् अघानिषत रक्षासि परैः, कोशांस् त्वमव्ययीः
tasyā'pyatyakramīt kālo, yat tadā'hamavādiṣam aghāniṣata rakṣāsi paraiḥ, kośāṃs tvamavyayīḥ
Sanskrit only: no published translation is held for this verse.
सन्धान-कारणं तेजो न्यगभूत् ते, कृथास् तथा, यत् त्वं वैराणि कोशं च सह-दण्डमजिग्लपः।"
sandhāna-kāraṇaṃ tejo nyagabhūt te, kṛthās tathā, yat tvaṃ vairāṇi kośaṃ ca saha-daṇḍamajiglapaḥ."
Sanskrit only: no published translation is held for this verse.
अक्रुधच् चाऽभ्यधाद् वाक्यं कुम्भकर्णं दशाननः "किं त्वं मामजुगुप्सिष्ठा, नैदिधः स्व-पराक्रमम्।
akrudhac cā'bhyadhād vākyaṃ kumbhakarṇaṃ daśānanaḥ "kiṃ tvaṃ māmajugupsiṣṭhā, naididhaḥ sva-parākramam.
Sanskrit only: no published translation is held for this verse.
मोज्जिग्रहः सु-नीतानि, मा स्म क्रंस्था न संयुगे, मोपालब्धाह् कृतैर् दोषैर् मा न वाक्षीर् हितं परम्।"
mojjigrahaḥ su-nītāni, mā sma kraṃsthā na saṃyuge, mopālabdhāh kṛtair doṣair mā na vākṣīr hitaṃ param."
Sanskrit only: no published translation is held for this verse.
कुम्भकर्णस् ततो ऽगर्जीद्, भटांश् चा ऽन्यान् न्यवीवृतत्। उपायंस्त महाऽस्त्राणि, निरगाच् च द्रुतं पुरः।
kumbhakarṇas tato 'garjīd, bhaṭāṃś cā 'nyān nyavīvṛtat. upāyaṃsta mahā'strāṇi, niragāc ca drutaṃ puraḥ.
Sanskrit only: no published translation is held for this verse.
मूर्ध्ना दिवमिवा ऽलेखीत्, खं व्यापद् वपुषोरुणा, पादाभ्यां क्ष्मामिवा ऽभैस्तीत्, दृष्ट्या ऽधाक्षीदिव द्विशः
mūrdhnā divamivā 'lekhīt, khaṃ vyāpad vapuṣoruṇā, pādābhyāṃ kṣmāmivā 'bhaistīt, dṛṣṭyā 'dhākṣīdiva dviśaḥ
Sanskrit only: no published translation is held for this verse.
दग्ध-शैल इवा ऽभासीत्, प्राक्रंस्त क्षय-मेघ-वत्, प्राचकम्पदुदन्वन्तं, राक्षसानप्यतित्रसत्।
dagdha-śaila ivā 'bhāsīt, prākraṃsta kṣaya-megha-vat, prācakampadudanvantaṃ, rākṣasānapyatitrasat.
Sanskrit only: no published translation is held for this verse.
स-पक्षो ऽद्रिरिवा ऽचालीन्, न्यश्वसीत् कल्प-वायु-वत्, अभार्षीद् ध्वनिना लोका- नभ्राजिष्ट क्षयाऽग्नि-वत्।
sa-pakṣo 'dririvā 'cālīn, nyaśvasīt kalpa-vāyu-vat, abhārṣīd dhvaninā lokā- nabhrājiṣṭa kṣayā'gni-vat.
Sanskrit only: no published translation is held for this verse.
अनंसीद् भूर् भरेणा ऽस्य, रंहसा शाखिनो ऽलुठन्, सिंहाः प्रादुद्रुवन् भीताः, प्राक्षुभन् कुल-पर्वताः
anaṃsīd bhūr bhareṇā 'sya, raṃhasā śākhino 'luṭhan, siṃhāḥ prādudruvan bhītāḥ, prākṣubhan kula-parvatāḥ
Sanskrit only: no published translation is held for this verse.
उत्पाताः प्रावृतंस् तस्य, द्यौरशीकिष्ट शोणितम्, वायवोऽवासिषुर् भीमाः, क्रूराश् चाऽकुषत द्विजाः।
utpātāḥ prāvṛtaṃs tasya, dyauraśīkiṣṭa śoṇitam, vāyavo'vāsiṣur bhīmāḥ, krūrāś cā'kuṣata dvijāḥ.
Sanskrit only: no published translation is held for this verse.
अस्पन्दिष्टा ऽक्षि वामं च, घोराश् चा ऽराटिषुः शिवाः, न्यपप्तन् मुसले गृध्रा, दीप्तया ऽपाति चोल्कया।
aspandiṣṭā 'kṣi vāmaṃ ca, ghorāś cā 'rāṭiṣuḥ śivāḥ, nyapaptan musale gṛdhrā, dīptayā 'pāti colkayā.
Sanskrit only: no published translation is held for this verse.
आंहिष्ट तान-संमान्य दर्पात् स प्रधन-क्षितिम्, ततोऽनर्दीदनन्दीच् च, शत्रूनाह्वास्त चाऽऽहवे।
āṃhiṣṭa tāna-saṃmānya darpāt sa pradhana-kṣitim, tato'nardīdanandīc ca, śatrūnāhvāsta cā''have.
Sanskrit only: no published translation is held for this verse.
प्राशीन्, न चा ऽतृपत् क्रूरः, क्षुच् चाऽस्याऽवृधदश्नतः, अधाद् वसामधासीच् च रुधिरं वन-वासिनाम्।
prāśīn, na cā 'tṛpat krūraḥ, kṣuc cā'syā'vṛdhadaśnataḥ, adhād vasāmadhāsīc ca rudhiraṃ vana-vāsinām.
Sanskrit only: no published translation is held for this verse.
माम्सेना ऽस्या ऽश्वतां कुक्षी, जठरं चा ऽप्यशिश्वियत्, बहूनामग्लुचत् प्राणा- नग्लोचीच् च रणे यशः।
māmsenā 'syā 'śvatāṃ kukṣī, jaṭharaṃ cā 'pyaśiśviyat, bahūnāmaglucat prāṇā- naglocīc ca raṇe yaśaḥ.
Sanskrit only: no published translation is held for this verse.
सामर्थ्यं चा ऽपि सो ऽस्तम्भीद् विक्रमं चाऽस्य ना ऽस्तभन्, शाखिनः केचिदध्यष्ठुर् न्यमाङ्क्षुरपरे ऽम्बु-धौ।
sāmarthyaṃ cā 'pi so 'stambhīd vikramaṃ cā'sya nā 'stabhan, śākhinaḥ kecidadhyaṣṭhur nyamāṅkṣurapare 'mbu-dhau.
Sanskrit only: no published translation is held for this verse.
अन्ये त्वलङ्घिषुः, शैलान्, गुहास्वन्ये न्यलेषत, केचिदासिषत स्तब्धा, भयात् केचिदघूर्णिषुः।
anye tvalaṅghiṣuḥ, śailān, guhāsvanye nyaleṣata, kecidāsiṣata stabdhā, bhayāt kecidaghūrṇiṣuḥ.
Sanskrit only: no published translation is held for this verse.
उदतारिषुरम्भो-धिं वानराः सेतुना ऽपरे, अलज्जिष्टाऽङ्गदस् तत्र, प्रत्यवास्थित चोर्जितम्।
udatāriṣurambho-dhiṃ vānarāḥ setunā 'pare, alajjiṣṭā'ṅgadas tatra, pratyavāsthita corjitam.
Sanskrit only: no published translation is held for this verse.
सत्त्वं समदुधुक्षच् च वानराणामयुद्ध च, ततः शैलानुदक्षैप्सुरुदगूरिषत द्रुमान्।
sattvaṃ samadudhukṣac ca vānarāṇāmayuddha ca, tataḥ śailānudakṣaipsurudagūriṣata drumān.
Sanskrit only: no published translation is held for this verse.
अनर्दिषुः कपि-व्याघ्राः, सम्यक् चा ऽयुत्सताऽऽहवे, तानमर्दीदखादीच् च, निरास्थच् च तलाऽऽहतान्,
anardiṣuḥ kapi-vyāghrāḥ, samyak cā 'yutsatā''have, tānamardīdakhādīc ca, nirāsthac ca talā''hatān,
Sanskrit only: no published translation is held for this verse.
प्राचुचूर्णच् च पादाभ्यामबिभीषत च द्रुतम्, अतर्हीच् चैव शूलेन कुम्भकर्णः प्लवङ्गमान्।
prācucūrṇac ca pādābhyāmabibhīṣata ca drutam, atarhīc caiva śūlena kumbhakarṇaḥ plavaṅgamān.
Sanskrit only: no published translation is held for this verse.
अतौत्सीद् गदया गाढमपिषच् चोपगूहनैः, जनुभ्यामदमीच् चाऽन्यान्, हस्त-वर्तमवीवृतत्,
atautsīd gadayā gāḍhamapiṣac copagūhanaiḥ, janubhyāmadamīc cā'nyān, hasta-vartamavīvṛtat,
Sanskrit only: no published translation is held for this verse.
अदालिषुः शिला देहे, चूर्ण्यभूवन् महा-द्रुमाः, क्षिप्तास् तस्य न चा ऽचेतीत् तानसौ, ना ऽपि चा ऽक्षुभत्।
adāliṣuḥ śilā dehe, cūrṇyabhūvan mahā-drumāḥ, kṣiptās tasya na cā 'cetīt tānasau, nā 'pi cā 'kṣubhat.
Sanskrit only: no published translation is held for this verse.
अद्राष्टां तं रघु-व्याघ्रौ आख्यच् चैनं विभीषणः "एष व्यजेष्ट देवेन्द्रं, नाऽशङ्किष्ट विवस्वतः।
adrāṣṭāṃ taṃ raghu-vyāghrau ākhyac cainaṃ vibhīṣaṇaḥ "eṣa vyajeṣṭa devendraṃ, nā'śaṅkiṣṭa vivasvataḥ.
Sanskrit only: no published translation is held for this verse.
यक्षेन्द्र-शक्तिमच्छासीन्, ना ऽप्रोथीदस्य कश्चन, कुम्भकर्णान् न भैष्टं मा युवामस्मान् नृपाऽऽत्मजौ।
yakṣendra-śaktimacchāsīn, nā 'prothīdasya kaścana, kumbhakarṇān na bhaiṣṭaṃ mā yuvāmasmān nṛpā''tmajau.
Sanskrit only: no published translation is held for this verse.
घ्नन्तं मोपेक्षिषाथां च, मा न कार्ष्टमिहाऽऽदरम्।, "अमुं मा न वधिष्टे"ति रामोऽवादीत् ततः कपीन्।
ghnantaṃ mopekṣiṣāthāṃ ca, mā na kārṣṭamihā''daram., "amuṃ mā na vadhiṣṭe"ti rāmo'vādīt tataḥ kapīn.
Sanskrit only: no published translation is held for this verse.
ते व्यरासिषुराह्वन्त राक्षसं चा ऽप्यपिप्लवन्, अबभासन् स्वकाः शक्तीर्, द्रुम-शैलं व्यकारिषुः
te vyarāsiṣurāhvanta rākṣasaṃ cā 'pyapiplavan, ababhāsan svakāḥ śaktīr, druma-śailaṃ vyakāriṣuḥ
Sanskrit only: no published translation is held for this verse.
ते तं व्याशिषता ऽक्षौत्सुः पादैर्, दन्तैस् तथा ऽच्छिदन्। आर्जिजत् शरभो वृक्षं, नीलस् त्वा ऽऽदित पर्वतम्।
te taṃ vyāśiṣatā 'kṣautsuḥ pādair, dantais tathā 'cchidan. ārjijat śarabho vṛkṣaṃ, nīlas tvā ''dita parvatam.
Sanskrit only: no published translation is held for this verse.
ऋषभो ऽद्रीनुदक्षैप्सीत्, ते तैररिमतर्दिषुः। अस्फूर्जीद्, गिरि-शृङ्गं च व्यस्राक्षीद् गन्धमादनः,
ṛṣabho 'drīnudakṣaipsīt, te tairarimatardiṣuḥ. asphūrjīd, giri-śṛṅgaṃ ca vyasrākṣīd gandhamādanaḥ,
Sanskrit only: no published translation is held for this verse.
अकूर्दिष्ट, व्यकारीच् च गवाक्षो भू-धरान् बहून्। स तान् नाऽजीगणद् वीरः कुम्भकर्णोऽव्यथिष्ट न।
akūrdiṣṭa, vyakārīc ca gavākṣo bhū-dharān bahūn. sa tān nā'jīgaṇad vīraḥ kumbhakarṇo'vyathiṣṭa na.
Sanskrit only: no published translation is held for this verse.
अमन्थीच् च पराऽनीकमप्लोष्ट च निरङ्कुशः, निहन्तुं चाऽत्वरिष्टाऽरीनजक्षीच् चाऽङ्कमागतान्।
amanthīc ca parā'nīkamaploṣṭa ca niraṅkuśaḥ, nihantuṃ cā'tvariṣṭā'rīnajakṣīc cā'ṅkamāgatān.
Sanskrit only: no published translation is held for this verse.
व्यक्रुक्षद् वानराऽनीकं, संपलायिष्ट चाऽऽयति, हस्ताभ्यां नश्यदक्राक्षीद्, भीमे चोपाधिताऽऽनने।
vyakrukṣad vānarā'nīkaṃ, saṃpalāyiṣṭa cā''yati, hastābhyāṃ naśyadakrākṣīd, bhīme copādhitā''nane.
Sanskrit only: no published translation is held for this verse.
रक्तेना ऽचिक्लिदद् भूमिं, सैन्यैश् चा ऽतस्तरद्धतैः, ना ऽतार्प्सीद् भक्षयन् क्रूरो, ना ऽश्रमद् घ्नन् प्लवङ्गमान्,
raktenā 'ciklidad bhūmiṃ, sainyaiś cā 'tastaraddhataiḥ, nā 'tārpsīd bhakṣayan krūro, nā 'śramad ghnan plavaṅgamān,
Sanskrit only: no published translation is held for this verse.
न योद्धुमशकन् केचिन्, ना ऽढौकिषत केचन, प्राणशन् नासिकाभ्यां च, वक्त्रेण च वनौकसः।
na yoddhumaśakan kecin, nā 'ḍhaukiṣata kecana, prāṇaśan nāsikābhyāṃ ca, vaktreṇa ca vanaukasaḥ.
Sanskrit only: no published translation is held for this verse.
उदरे चा ऽजरन्नन्ये तस्य पाताल-सन्निभे, आक्रन्दिषुः, सखीनाह्वन्, प्रपलायिषताऽस्विदन्।
udare cā 'jarannanye tasya pātāla-sannibhe, ākrandiṣuḥ, sakhīnāhvan, prapalāyiṣatā'svidan.
Sanskrit only: no published translation is held for this verse.
रक्तमश्च्योतिषुः क्षुण्णाः, क्षताश् च कपयोऽतृषन्, उपास्थायि नृपो भग्नैरसौ सुग्रीवमैजिहत्।
raktamaścyotiṣuḥ kṣuṇṇāḥ, kṣatāś ca kapayo'tṛṣan, upāsthāyi nṛpo bhagnairasau sugrīvamaijihat.
Sanskrit only: no published translation is held for this verse.
योद्धुं सो प्यरुषच्छत्रोरैरिरच् च महा-द्रुमम्। तं प्राप्तं प्रासहिष्टाऽरिः, शक्तिं चोग्रामुदग्रहीत्।
yoddhuṃ so pyaruṣacchatrorairirac ca mahā-drumam. taṃ prāptaṃ prāsahiṣṭā'riḥ, śaktiṃ cogrāmudagrahīt.
Sanskrit only: no published translation is held for this verse.
स तामबिभ्रमद् भीमां, वानरेन्द्रस्य चा ऽमुचत्। प्रापप्तन् मारुतिस् तत्र तां चा ऽलासीद् वियद्-गताम्।
sa tāmabibhramad bhīmāṃ, vānarendrasya cā 'mucat. prāpaptan mārutis tatra tāṃ cā 'lāsīd viyad-gatām.
Sanskrit only: no published translation is held for this verse.
अशोभिष्टाऽचखण्डच् च शक्तिं वीरो, न चा ऽयसत्। लौह-भार-सहस्रेण निर्मिता निरकारि मे
aśobhiṣṭā'cakhaṇḍac ca śaktiṃ vīro, na cā 'yasat. lauha-bhāra-sahasreṇa nirmitā nirakāri me
Sanskrit only: no published translation is held for this verse.
शक्तिरत्यकुपद् रक्षो, गिरिं चोदखनीद् गुरुम्, व्यसृष्ट तं कपी-न्द्रस्य, तेनाऽमूर्च्छीदसौ क्षतः।
śaktiratyakupad rakṣo, giriṃ codakhanīd gurum, vyasṛṣṭa taṃ kapī-ndrasya, tenā'mūrcchīdasau kṣataḥ.
Sanskrit only: no published translation is held for this verse.
अलोठिष्ट च भू-पृष्ठे, शोणितं चा ऽप्यसुस्रुवत्, तमादायाऽपलायिष्ट, व्यरोचिष्ट च राक्षसः।
aloṭhiṣṭa ca bhū-pṛṣṭhe, śoṇitaṃ cā 'pyasusruvat, tamādāyā'palāyiṣṭa, vyarociṣṭa ca rākṣasaḥ.
Sanskrit only: no published translation is held for this verse.
अभैषुः कपयो, ऽन्वारत् कुम्भुकर्णं मरुत्-सुतः, शनैरबोधि सुग्रीवः, सोऽलुञ्चीत् कर्ण-नासिकम्
abhaiṣuḥ kapayo, 'nvārat kumbhukarṇaṃ marut-sutaḥ, śanairabodhi sugrīvaḥ, so'luñcīt karṇa-nāsikam
Sanskrit only: no published translation is held for this verse.
राक्षसस्य, न चा ऽत्रासीत्, प्रनष्टुमयतिष्ट च। अक्रोधि कुम्भकर्णेन, पेष्टुमारम्भि च क्षितौ।
rākṣasasya, na cā 'trāsīt, pranaṣṭumayatiṣṭa ca. akrodhi kumbhakarṇena, peṣṭumārambhi ca kṣitau.
Sanskrit only: no published translation is held for this verse.
सुग्रीवो ऽस्या ऽभ्रशद्धस्तात्, समगाहिष्ट चा ऽम्बरम्, तूर्णमन्वसृपद् राम- माननन्दच् च वानरान्।
sugrīvo 'syā 'bhraśaddhastāt, samagāhiṣṭa cā 'mbaram, tūrṇamanvasṛpad rāma- mānanandac ca vānarān.
Sanskrit only: no published translation is held for this verse.
अतत्वरच् च तान् योद्धुमचिचेष्टच् च राघवौ। कुम्भकर्णो न्यवर्तिष्ट, रणेऽयुत्सन्त वानराः।
atatvarac ca tān yoddhumaciceṣṭac ca rāghavau. kumbhakarṇo nyavartiṣṭa, raṇe'yutsanta vānarāḥ.
Sanskrit only: no published translation is held for this verse.
अविवेष्टन् नृपाऽऽदेशादारुक्षंश् चाऽऽशु राक्षसम् तानधावीत् समारूढांस् ते ऽप्युस्रंसिषता ऽऽकुलाः।
aviveṣṭan nṛpā''deśādārukṣaṃś cā''śu rākṣasam tānadhāvīt samārūḍhāṃs te 'pyusraṃsiṣatā ''kulāḥ.
Sanskrit only: no published translation is held for this verse.
अग्रसिष्ट, व्यधाविष्ट, समाश्लिक्षच् च निर्-दयम्। ते चा ऽप्यघोरिषुर् घोरं, रक्तं चा ऽवमिषुर् मुखैः।
agrasiṣṭa, vyadhāviṣṭa, samāślikṣac ca nir-dayam. te cā 'pyaghoriṣur ghoraṃ, raktaṃ cā 'vamiṣur mukhaiḥ.
Sanskrit only: no published translation is held for this verse.
स चाऽपि रुधिरैर् मत्तः स्वेषामप्यदयिष्ट न, अग्रहीच् चा ऽऽयुरन्येषामरुद्ध च पराक्रमम्।
sa cā'pi rudhirair mattaḥ sveṣāmapyadayiṣṭa na, agrahīc cā ''yuranyeṣāmaruddha ca parākramam.
Sanskrit only: no published translation is held for this verse.
संत्रस्तानांअपाहारि सत्त्वं च वन-वासिनाम्, अच्छेदि लक्ष्मणेनाऽस्य किरीटं कवचं तथा।
saṃtrastānāṃapāhāri sattvaṃ ca vana-vāsinām, acchedi lakṣmaṇenā'sya kirīṭaṃ kavacaṃ tathā.
Sanskrit only: no published translation is held for this verse.
अभेदि च शरैर् देहः प्राशंसीत् तं निशा-चरः। अस्पर्धिष्ट च रामेण तेना ऽस्या ऽक्षिप्सतेषवः,
abhedi ca śarair dehaḥ prāśaṃsīt taṃ niśā-caraḥ. aspardhiṣṭa ca rāmeṇa tenā 'syā 'kṣipsateṣavaḥ,
Sanskrit only: no published translation is held for this verse.
यैरघानि खरो, वाली, मारीचो, दूषणस् तथा। अवामंस्त स तान् दर्पात्, प्रोदयंसीच् च मुद्गरम्।
yairaghāni kharo, vālī, mārīco, dūṣaṇas tathā. avāmaṃsta sa tān darpāt, prodayaṃsīc ca mudgaram.
Sanskrit only: no published translation is held for this verse.
वायव्याऽस्त्रेण तं पाणिं रामो ऽच्छैत्सीत् सहाऽऽयुधम्, आदीपि तरु-हस्तो ऽसा- वधावीच् चा ऽरि-संमुखम्।
vāyavyā'streṇa taṃ pāṇiṃ rāmo 'cchaitsīt sahā''yudham, ādīpi taru-hasto 'sā- vadhāvīc cā 'ri-saṃmukham.
Sanskrit only: no published translation is held for this verse.
स-वृक्षमच्छिदत् तस्य शक्राऽस्त्रेण करं नृपः, जङ्घे चा ऽशीशतद् बाणैरप्रासीदिषुभिर् मुखम्।
sa-vṛkṣamacchidat tasya śakrā'streṇa karaṃ nṛpaḥ, jaṅghe cā 'śīśatad bāṇairaprāsīdiṣubhir mukham.
Sanskrit only: no published translation is held for this verse.
ऐन्द्रेण हृदये ऽव्यात्सीत्, सो ऽध्यवात्सीच् च गां हतः। अपिक्षातां सहस्रे द्वे तद्-देहेन वनौकसाम्।
aindreṇa hṛdaye 'vyātsīt, so 'dhyavātsīc ca gāṃ hataḥ. apikṣātāṃ sahasre dve tad-dehena vanaukasām.
Sanskrit only: no published translation is held for this verse.
अस्ताविषुः सुरा रामं, दिशः प्रापन् निशा-चराः, भूरकम्पिष्ट साऽद्रीन्द्रा, व्यचालीदम्भसां पतिः।
astāviṣuḥ surā rāmaṃ, diśaḥ prāpan niśā-carāḥ, bhūrakampiṣṭa sā'drīndrā, vyacālīdambhasāṃ patiḥ.
Sanskrit only: no published translation is held for this verse.
हतं रक्षांसि राजानं कुम्भकर्णमशिश्रवन्, अरोदीद् रावणो ऽशोचीन्, मोहं चा ऽशिश्रियत् परम्।
hataṃ rakṣāṃsi rājānaṃ kumbhakarṇamaśiśravan, arodīd rāvaṇo 'śocīn, mohaṃ cā 'śiśriyat param.
Sanskrit only: no published translation is held for this verse.
अपप्रथद् गुणान् भ्रातुरचिकीर्तच् च विक्रमम्, "क्रुद्धेन कुम्भकर्णेन ये ऽदिर्षिशत शत्रवः
apaprathad guṇān bhrāturacikīrtac ca vikramam, "kruddhena kumbhakarṇena ye 'dirṣiśata śatravaḥ
Sanskrit only: no published translation is held for this verse.
कथं न्वजीविषुस् ते च, स चा ऽमृत महा-बलः।" अयुयुत्सिषता ऽऽश्वास्य कुमारा रावणं ततः
kathaṃ nvajīviṣus te ca, sa cā 'mṛta mahā-balaḥ." ayuyutsiṣatā ''śvāsya kumārā rāvaṇaṃ tataḥ
Sanskrit only: no published translation is held for this verse.
देवान्तको ऽतिकायश् च त्रिशिराः स नरान्तकः ते चांऽऽहिषत संग्रामं बलिनो रावणाऽऽत्मजाः।
devāntako 'tikāyaś ca triśirāḥ sa narāntakaḥ te cāṃ''hiṣata saṃgrāmaṃ balino rāvaṇā''tmajāḥ.
Sanskrit only: no published translation is held for this verse.
युद्धोन्मत्तं च मत्तं च राजा रक्षार्थमाञ्जिहत् सुतानां, निरगातां तौ राक्षसौ रण-पण्डितौ।
yuddhonmattaṃ ca mattaṃ ca rājā rakṣārthamāñjihat sutānāṃ, niragātāṃ tau rākṣasau raṇa-paṇḍitau.
Sanskrit only: no published translation is held for this verse.
तैरजेषत सैन्यानि, द्विषो ऽकारिषता ऽऽकुलाः पर्वतानिव ते भूमावचैषुर् वानरोत्तमान्।
tairajeṣata sainyāni, dviṣo 'kāriṣatā ''kulāḥ parvatāniva te bhūmāvacaiṣur vānarottamān.
Sanskrit only: no published translation is held for this verse.
अङ्गदेन समं योद्धुमघटिष्ट नरान्तकः, प्रैषिषद् राक्षसः प्रासं, सो ऽस्फोटीदङ्गदोरसि।
aṅgadena samaṃ yoddhumaghaṭiṣṭa narāntakaḥ, praiṣiṣad rākṣasaḥ prāsaṃ, so 'sphoṭīdaṅgadorasi.
Sanskrit only: no published translation is held for this verse.
अश्वान् वालि-सुतो ऽहिंसीदतताडच् च मुष्टिना। रावणिश् चा ऽव्यथो योद्धुमारब्ध च महीं गतः।
aśvān vāli-suto 'hiṃsīdatatāḍac ca muṣṭinā. rāvaṇiś cā 'vyatho yoddhumārabdha ca mahīṃ gataḥ.
Sanskrit only: no published translation is held for this verse.
तस्या ऽहारिषत प्राणा मुष्टिना वालि-सूनुना। प्रादुद्रुवंस् ततः क्रुद्धाः सर्वे रावणयोऽङ्गदम्।
tasyā 'hāriṣata prāṇā muṣṭinā vāli-sūnunā. prādudruvaṃs tataḥ kruddhāḥ sarve rāvaṇayo'ṅgadam.
Sanskrit only: no published translation is held for this verse.
ततो नील-हनूमन्तौ रावणीनववेष्टताम्, अकारिष्टां गिरींस् तुङ्गानरौत्सीत् त्रिशिराः शरैः
tato nīla-hanūmantau rāvaṇīnavaveṣṭatām, akāriṣṭāṃ girīṃs tuṅgānarautsīt triśirāḥ śaraiḥ
Sanskrit only: no published translation is held for this verse.
परिघेणा ऽवधिष्टा ऽथ रणे देवान्तको बली, मुष्टिना ऽददरत् तस्य मूर्धानं मारुताऽऽत्मजः।
parigheṇā 'vadhiṣṭā 'tha raṇe devāntako balī, muṣṭinā 'dadarat tasya mūrdhānaṃ mārutā''tmajaḥ.
Sanskrit only: no published translation is held for this verse.
अदीदिपत् ततो वीर्यं, नीलं चाऽपीपिडच् छरैः युद्धोन्मत्तस्, तु नीलेन गिरिणाऽनायि संक्षयम्।
adīdipat tato vīryaṃ, nīlaṃ cā'pīpiḍac charaiḥ yuddhonmattas, tu nīlena giriṇā'nāyi saṃkṣayam.
Sanskrit only: no published translation is held for this verse.
अबभ्राजत् ततः शक्तिं त्रिशिराः पवनाऽऽत्मजे, हनूमता क्षतास् तस्य रणे ऽमृषत वाजिनः।
ababhrājat tataḥ śaktiṃ triśirāḥ pavanā''tmaje, hanūmatā kṣatās tasya raṇe 'mṛṣata vājinaḥ.
Sanskrit only: no published translation is held for this verse.
अस्रसच् चाऽऽहतो मूर्ध्नि, खड्गं चा ऽजीहरद् द्विषा, प्राणानौज्झीच् च खड्गेन छिन्नैस् तेनैव मूर्धभिः।
asrasac cā''hato mūrdhni, khaḍgaṃ cā 'jīharad dviṣā, prāṇānaujjhīc ca khaḍgena chinnais tenaiva mūrdhabhiḥ.
Sanskrit only: no published translation is held for this verse.
मत्तेना ऽमारि संप्राप्य शरभाऽस्तां महा-गदाम्, सहस्र-हरिणा ऽक्रीडीदतिकायस् ततो रणे।
mattenā 'māri saṃprāpya śarabhā'stāṃ mahā-gadām, sahasra-hariṇā 'krīḍīdatikāyas tato raṇe.
Sanskrit only: no published translation is held for this verse.
रथेना ऽविव्यथच् चाऽरीन्, व्यचारीच् च नि-रङ्कुशः, विभीषणेन सो ऽख्यायि राघवस्य महा-रथः।
rathenā 'vivyathac cā'rīn, vyacārīc ca ni-raṅkuśaḥ, vibhīṣaṇena so 'khyāyi rāghavasya mahā-rathaḥ.
Sanskrit only: no published translation is held for this verse.
"अतस्तम्भदयं वज्रं, स्वयम्भुवमतूतुषत्, अशिक्षिष्ट महाऽस्त्राणि, रणे ऽरक्षीच् च राक्षसान्।
"atastambhadayaṃ vajraṃ, svayambhuvamatūtuṣat, aśikṣiṣṭa mahā'strāṇi, raṇe 'rakṣīc ca rākṣasān.
Sanskrit only: no published translation is held for this verse.
अद्यगीष्टा ऽर्थ-शास्त्राणि, यमस्या ऽह्नोष्ट विक्रमम्, देवाऽऽहवेष्वदीपिष्ट, ना ऽजनिष्टा ऽस्य साध्वसम्।
adyagīṣṭā 'rtha-śāstrāṇi, yamasyā 'hnoṣṭa vikramam, devā''haveṣvadīpiṣṭa, nā 'janiṣṭā 'sya sādhvasam.
Sanskrit only: no published translation is held for this verse.
एष रावणिरापादि वानराणां भयङ्करः" आह्वता ऽथ स काकुत्स्थं धनुश् चा ऽपुस्फुरद् गुरु।
eṣa rāvaṇirāpādi vānarāṇāṃ bhayaṅkaraḥ" āhvatā 'tha sa kākutsthaṃ dhanuś cā 'pusphurad guru.
Sanskrit only: no published translation is held for this verse.
सौमित्रिः सर्प-वत् सिंहमार्दिदत् तं महाऽऽहवे। तौ प्रावीवृततां जेतुं शर-जालान्यनेकशः।
saumitriḥ sarpa-vat siṃhamārdidat taṃ mahā''have. tau prāvīvṛtatāṃ jetuṃ śara-jālānyanekaśaḥ.
Sanskrit only: no published translation is held for this verse.
अच्छैत्तां च महाऽऽत्मानौ, चिरमश्रमतां न च, तथा तावास्थतां बाणानतानिष्टां तमो यथा।
acchaittāṃ ca mahā''tmānau, ciramaśramatāṃ na ca, tathā tāvāsthatāṃ bāṇānatāniṣṭāṃ tamo yathā.
Sanskrit only: no published translation is held for this verse.
सौर्याऽऽग्नेये व्यकारिष्टामस्त्रे राक्षस-लक्ष्मणौ, ते चोपागमता नाशं समासाद्य परस्परम्
sauryā''gneye vyakāriṣṭāmastre rākṣasa-lakṣmaṇau, te copāgamatā nāśaṃ samāsādya parasparam
Sanskrit only: no published translation is held for this verse.
अबिभ्रजत् ततः शस्त्रमैषीकं राक्षसो रणे, तदप्यध्वसदासाद्य माहेन्द्रं लक्ष्मणेरितम्।
abibhrajat tataḥ śastramaiṣīkaṃ rākṣaso raṇe, tadapyadhvasadāsādya māhendraṃ lakṣmaṇeritam.
Sanskrit only: no published translation is held for this verse.
ततः सौमित्रिरस्मार्षीददेविष्ट च दुर्-जयम् ब्रह्माऽस्त्रं, तेन मूर्धानमदध्वंसन् नर-द्विषः।
tataḥ saumitrirasmārṣīdadeviṣṭa ca dur-jayam brahmā'straṃ, tena mūrdhānamadadhvaṃsan nara-dviṣaḥ.
Sanskrit only: no published translation is held for this verse.
ततो ऽक्रन्दीद् दशग्रीवस् तमाशिश्वसदिन्द्रजित्, निरयासीच् च संक्रुद्धः, प्रार्चिचच् च स्वयम्भुवम्।
tato 'krandīd daśagrīvas tamāśiśvasadindrajit, nirayāsīc ca saṃkruddhaḥ, prārcicac ca svayambhuvam.
Sanskrit only: no published translation is held for this verse.
अहौषीत् कृष्णवर्त्मानं, समयष्टा ऽस्त्र-मण्डलम्, सो ऽलब्ध ब्रह्मणः शस्त्रं स्यन्दनं च जयाऽऽवहम्।
ahauṣīt kṛṣṇavartmānaṃ, samayaṣṭā 'stra-maṇḍalam, so 'labdha brahmaṇaḥ śastraṃ syandanaṃ ca jayā''vaham.
Sanskrit only: no published translation is held for this verse.
तमध्यासिष्ट दीप्राऽग्रममोदिष्ट च रावणिः छन्न-रूपस् ततो ऽकर्तीद् देहान् रावण-विद्विषाम्।
tamadhyāsiṣṭa dīprā'gramamodiṣṭa ca rāvaṇiḥ channa-rūpas tato 'kartīd dehān rāvaṇa-vidviṣām.
Sanskrit only: no published translation is held for this verse.
सप्त-षष्टिं प्लवङ्गानां कोटीर् बाणैरसूषुपत्। निशाऽन्ते रावणिः क्रुद्धो राघवौ च व्यमूमुहत्।
sapta-ṣaṣṭiṃ plavaṅgānāṃ koṭīr bāṇairasūṣupat. niśā'nte rāvaṇiḥ kruddho rāghavau ca vyamūmuhat.
Sanskrit only: no published translation is held for this verse.
अपिस्फवत् स्व-सामर्थ्यमगूहीत् सायकैर् दिशः, अघोरीच् च महा-घोरं, गत्वा, प्रैषीच् च रावणम्।
apisphavat sva-sāmarthyamagūhīt sāyakair diśaḥ, aghorīc ca mahā-ghoraṃ, gatvā, praiṣīc ca rāvaṇam.
Sanskrit only: no published translation is held for this verse.
विभीषणस् ततो ऽबोधि स-स्फुरौ राम-लक्ष्मणौ, अपारीत् स गृहीतोल्को हत-शेषान् प्लवङ्गमान्।
vibhīṣaṇas tato 'bodhi sa-sphurau rāma-lakṣmaṇau, apārīt sa gṛhītolko hata-śeṣān plavaṅgamān.
Sanskrit only: no published translation is held for this verse.
"मा शोचिष्ट, रघु-व्याघ्रौ नाऽमृषातामिति ब्रुवन् अवाबुद्ध स नीलाऽऽदीन् निहतान् कपि-यूथ-पान्।
"mā śociṣṭa, raghu-vyāghrau nā'mṛṣātāmiti bruvan avābuddha sa nīlā''dīn nihatān kapi-yūtha-pān.
Sanskrit only: no published translation is held for this verse.
तत्रैषज् जाम्बवान् प्राणीदुदमीलीच् च लोचने, पौलस्त्यं चाऽगदीत् "कच्चिदजीवीन् मारुताऽऽत्मजः।"
tatraiṣaj jāmbavān prāṇīdudamīlīc ca locane, paulastyaṃ cā'gadīt "kaccidajīvīn mārutā''tmajaḥ."
Sanskrit only: no published translation is held for this verse.
तस्य क्षेमे महा-राज ! ना ऽमृष्मह्यखिला वयम्। पौलस्त्यो ऽशिश्रवत् तं च जीवन्तं पवनाऽऽत्मजम्।
tasya kṣeme mahā-rāja ! nā 'mṛṣmahyakhilā vayam. paulastyo 'śiśravat taṃ ca jīvantaṃ pavanā''tmajam.
Sanskrit only: no published translation is held for this verse.
आयिष्ट मारुतिस् तत्र, तौ चा ऽप्यहृषतां ततः, प्राहैष्टां हिमवत्-पृष्ठे सर्वौषधि-गिरिं ततः
āyiṣṭa mārutis tatra, tau cā 'pyahṛṣatāṃ tataḥ, prāhaiṣṭāṃ himavat-pṛṣṭhe sarvauṣadhi-giriṃ tataḥ
Sanskrit only: no published translation is held for this verse.
तौ हनूमन्तमानेतुमोषधीं मृत-जीविनीम् सन्धान-करणीं चाऽन्यां वि-शल्य-करणीं तथा।
tau hanūmantamānetumoṣadhīṃ mṛta-jīvinīm sandhāna-karaṇīṃ cā'nyāṃ vi-śalya-karaṇīṃ tathā.
Sanskrit only: no published translation is held for this verse.
प्रोदपाति नभस् तेन, स च प्रापि महा-गिरिः, यस्मिन्नज्वलिषू रात्रौ महौषध्यः सहस्र-शः
prodapāti nabhas tena, sa ca prāpi mahā-giriḥ, yasminnajvaliṣū rātrau mahauṣadhyaḥ sahasra-śaḥ
Sanskrit only: no published translation is held for this verse.
निरचायि यदा भेदो नौषधीनां हनू-मता, सर्व एव समाहारि तदा शैलः महौषधिः।
niracāyi yadā bhedo nauṣadhīnāṃ hanū-matā, sarva eva samāhāri tadā śailaḥ mahauṣadhiḥ.
Sanskrit only: no published translation is held for this verse.
प्राणिषुर् निहताः केचित्, केचित् तु प्रोदमीलिषुः तमो ऽन्ये ऽहासिषुर् योधा, व्यजृम्भिषत चाऽपरे।
prāṇiṣur nihatāḥ kecit, kecit tu prodamīliṣuḥ tamo 'nye 'hāsiṣur yodhā, vyajṛmbhiṣata cā'pare.
Sanskrit only: no published translation is held for this verse.
अजिघ्रपंस् तथैवाऽन्यानोषधीरालिपंस् तथा, एवं तेऽचेतिषुः सर्वे, वीर्यं चाऽधिषताऽधिकम्।
ajighrapaṃs tathaivā'nyānoṣadhīrālipaṃs tathā, evaṃ te'cetiṣuḥ sarve, vīryaṃ cā'dhiṣatā'dhikam.
Sanskrit only: no published translation is held for this verse.
अजिह्लदत् स काकुत्स्थौ, शेषांश् चा ऽजीजिवत् कपीन् हनूमानथ ते लङ्का- मग्निना ऽदीदिपन् द्रुतम्।
ajihladat sa kākutsthau, śeṣāṃś cā 'jījivat kapīn hanūmānatha te laṅkā- magninā 'dīdipan drutam.
Sanskrit only: no published translation is held for this verse.
समनात्सीत् ततः सैन्यममार्जीद् भल्ल-तोमरम्, अमार्क्षीच् चा ऽसिपत्राऽऽदीनबभासत् परश्वधान्।
samanātsīt tataḥ sainyamamārjīd bhalla-tomaram, amārkṣīc cā 'sipatrā''dīnababhāsat paraśvadhān.
Sanskrit only: no published translation is held for this verse.
कुम्भकर्ण-सुतौ तत्र समनद्धां महा-बलौ निकुम्भश् चैव कुम्भश् च, प्रापतां तौ प्लवङ्गमान्।
kumbhakarṇa-sutau tatra samanaddhāṃ mahā-balau nikumbhaś caiva kumbhaś ca, prāpatāṃ tau plavaṅgamān.
Sanskrit only: no published translation is held for this verse.
अगोपिष्टां पुरीं लङ्कामगौप्तां रक्षसां बलम्, अत्याक्तामायुधाऽनीकमनैष्टां च क्षयं द्विषः।
agopiṣṭāṃ purīṃ laṅkāmagauptāṃ rakṣasāṃ balam, atyāktāmāyudhā'nīkamanaiṣṭāṃ ca kṣayaṃ dviṣaḥ.
Sanskrit only: no published translation is held for this verse.
अकोकूयिष्ट तत् सैन्यं, प्रपलायिष्ट चाऽऽकुलम्, अच्युतच् च क्षतं रक्तं, हतं चा ऽध्यशयिष्ट गाम्।
akokūyiṣṭa tat sainyaṃ, prapalāyiṣṭa cā''kulam, acyutac ca kṣataṃ raktaṃ, hataṃ cā 'dhyaśayiṣṭa gām.
Sanskrit only: no published translation is held for this verse.
अङ्गदेना ऽहसातां तौ युध्यकम्पन-कम्पनौ, अभ्यार्दीद् वालिनः पुत्रं प्रजङ्घो ऽपि स-मत्सरः।
aṅgadenā 'hasātāṃ tau yudhyakampana-kampanau, abhyārdīd vālinaḥ putraṃ prajaṅgho 'pi sa-matsaraḥ.
Sanskrit only: no published translation is held for this verse.
तस्या ऽप्यबेभिदिष्टा ऽसौ मूर्धानं मुष्टिना ऽङ्गदः, अहार्षीच् च शिरः क्षिप्रं यूपाक्षस्य निराकुलः।
tasyā 'pyabebhidiṣṭā 'sau mūrdhānaṃ muṣṭinā 'ṅgadaḥ, ahārṣīc ca śiraḥ kṣipraṃ yūpākṣasya nirākulaḥ.
Sanskrit only: no published translation is held for this verse.
शरीरं लोहिताक्षस्य न्यभाङ्क्षीद् द्विविदस् तदा, क्रुद्धः कुम्भस् ततो ऽभैत्सीन् मैन्दं स-द्विविदं शरैः
śarīraṃ lohitākṣasya nyabhāṅkṣīd dvividas tadā, kruddhaḥ kumbhas tato 'bhaitsīn maindaṃ sa-dvividaṃ śaraiḥ
Sanskrit only: no published translation is held for this verse.
आघूर्णिष्टां क्षतौ, क्ष्मां च तावाशिश्रियतामुभौ। मातुलौ विह्वलौ दृष्ट्वा कुम्भं वालि-सुतो नगैः
āghūrṇiṣṭāṃ kṣatau, kṣmāṃ ca tāvāśiśriyatāmubhau. mātulau vihvalau dṛṣṭvā kumbhaṃ vāli-suto nagaiḥ
Sanskrit only: no published translation is held for this verse.
प्रौर्णावीच्, छर-वर्षेण तानप्रौहीन् निशा-चरः। वानरानैजिहद् रामस्य तूर्णं रक्षितुमङ्गदम्।
praurṇāvīc, chara-varṣeṇa tānaprauhīn niśā-caraḥ. vānarānaijihad rāmasya tūrṇaṃ rakṣitumaṅgadam.
Sanskrit only: no published translation is held for this verse.
द्रुतमत्रास्त सुग्रीवो भ्रातृव्यं षत्रु-संकटात्, मुष्टिना कौम्भकर्णिं च क्रुद्धः प्राणैरतित्यजत्।
drutamatrāsta sugrīvo bhrātṛvyaṃ ṣatru-saṃkaṭāt, muṣṭinā kaumbhakarṇiṃ ca kruddhaḥ prāṇairatityajat.
Sanskrit only: no published translation is held for this verse.