Library·Bhatti: Ravanavadha (Bhattikavya)·19
अप-मन्युस् ततो वाक्यं पौलस्त्यो राममुक्तवान्Ō "अ-शोच्योऽपि व्रजन्नस्तं सनाभिर् दुनुयान् न किम्।
apa-manyus tato vākyaṃ paulastyo rāmamuktavānŌ "a-śocyo'pi vrajannastaṃ sanābhir dunuyān na kim.
Sanskrit only: no published translation is held for this verse.
तं नो देवा विधेयासुर् येन रावण-वद् वयम् सपत्नांश् च ऽधिजीयास्म, संग्रामे च मृषीमहि।
taṃ no devā vidheyāsur yena rāvaṇa-vad vayam sapatnāṃś ca 'dhijīyāsma, saṃgrāme ca mṛṣīmahi.
Sanskrit only: no published translation is held for this verse.
क्रियेरंश् च दशाऽऽस्येन यथा ऽन्येना ऽपि नः कुले देवद्यञ्चो नराऽहारा न्यञ्चश्च द्विषतां गणाः।
kriyeraṃś ca daśā''syena yathā 'nyenā 'pi naḥ kule devadyañco narā'hārā nyañcaśca dviṣatāṃ gaṇāḥ.
Sanskrit only: no published translation is held for this verse.
स एव घारयेत् प्राणानीदृशे बन्धु-विप्लवे, भवेदाश्वासको यस्य सुहृच्छक्तो भवादृशः।
sa eva ghārayet prāṇānīdṛśe bandhu-viplave, bhavedāśvāsako yasya suhṛcchakto bhavādṛśaḥ.
Sanskrit only: no published translation is held for this verse.
म्रियेयोर्ध्वं मुहूर्ताद्धि, न स्यास् त्वं यदि मे गतिः, आशंसा च हि नः, प्रेते जीवेम-दशमूर्धनि।
mriyeyordhvaṃ muhūrtāddhi, na syās tvaṃ yadi me gatiḥ, āśaṃsā ca hi naḥ, prete jīvema-daśamūrdhani.
Sanskrit only: no published translation is held for this verse.
प्रकुर्याम वयं देशे गर्ह्यां तत्र कथं रतिम्, यत्र विंशति-हस्तस्य न सोदर्यस्य सम्भवः।"
prakuryāma vayaṃ deśe garhyāṃ tatra kathaṃ ratim, yatra viṃśati-hastasya na sodaryasya sambhavaḥ."
Sanskrit only: no published translation is held for this verse.
आमन्त्रयेत तान् प्रह्वान् मन्त्रिणोऽथ विभीषणःŌ "गच्छेत त्वरितं लङ्कां, राज-वेश्म विशेत च।
āmantrayeta tān prahvān mantriṇo'tha vibhīṣaṇaḥŌ "gaccheta tvaritaṃ laṅkāṃ, rāja-veśma viśeta ca.
Sanskrit only: no published translation is held for this verse.
आददीध्वं महाऽर्हाणि तत्र वासांसि स-त्वराः उद्धुनीयात सत्-केतून्, निर्हरेताऽग्र्य-चन्दनम्।
ādadīdhvaṃ mahā'rhāṇi tatra vāsāṃsi sa-tvarāḥ uddhunīyāta sat-ketūn, nirharetā'grya-candanam.
Sanskrit only: no published translation is held for this verse.
मुञ्चेताऽऽकाश-धूपांश्च, ग्रथ्नीयात स्रजः शुभाः, आनयेता ऽमितं दारु कर्पूराऽगुरु-कुङ्कुमम्।
muñcetā''kāśa-dhūpāṃśca, grathnīyāta srajaḥ śubhāḥ, ānayetā 'mitaṃ dāru karpūrā'guru-kuṅkumam.
Sanskrit only: no published translation is held for this verse.
उह्येरन् यज्ञ पात्राणि, ह्रियेत च विभावसुः, भ्रियेत चाऽऽज्यमृत्विग्भिः, कल्प्येत च समित्-कुशम्।
uhyeran yajña pātrāṇi, hriyeta ca vibhāvasuḥ, bhriyeta cā''jyamṛtvigbhiḥ, kalpyeta ca samit-kuśam.
Sanskrit only: no published translation is held for this verse.
स्नानीयैः स्नापयेताऽऽशु, रम्यैर् लिम्पेत वर्णकैः, अलङ्कुर्यात रत्नैश्च रावणाऽर्हैर् दशाऽऽननम्।
snānīyaiḥ snāpayetā''śu, ramyair limpeta varṇakaiḥ, alaṅkuryāta ratnaiśca rāvaṇā'rhair daśā''nanam.
Sanskrit only: no published translation is held for this verse.
वासयेत सु-वासोभ्यां मेध्याभ्यां राक्षसाऽऽधिपम्, ऋत्विक् स्रग्विणमादध्यात् प्राङ्-मूर्धानं मृगाऽजिने।
vāsayeta su-vāsobhyāṃ medhyābhyāṃ rākṣasā''dhipam, ṛtvik sragviṇamādadhyāt prāṅ-mūrdhānaṃ mṛgā'jine.
Sanskrit only: no published translation is held for this verse.
यज्ञ-पात्राणि गोत्रेषु चिनुयाच् च यथा-विधि, जुहुयाच् च हविर् वह्नौ, गायेयुः साम सामगाः।"
yajña-pātrāṇi gotreṣu cinuyāc ca yathā-vidhi, juhuyāc ca havir vahnau, gāyeyuḥ sāma sāmagāḥ."
Sanskrit only: no published translation is held for this verse.
गत्वा ऽथ ते पुरीं लङ्कां कृत्वा सर्वं यथोदितम् समीपेऽन्त्याऽऽहुतेः साऽस्राः प्रोक्तवन्तो विभीषणम्Ō
gatvā 'tha te purīṃ laṅkāṃ kṛtvā sarvaṃ yathoditam samīpe'ntyā''huteḥ sā'srāḥ proktavanto vibhīṣaṇamŌ
Sanskrit only: no published translation is held for this verse.
"कृतं सर्वं यथोद्दिष्टं, कर्तुं वह्नि-जल-क्रियाम् प्रयतेथा महाराज ! सह सर्वैः स्व-बन्धुभिः।
"kṛtaṃ sarvaṃ yathoddiṣṭaṃ, kartuṃ vahni-jala-kriyām prayatethā mahārāja ! saha sarvaiḥ sva-bandhubhiḥ.
Sanskrit only: no published translation is held for this verse.
अज्ञा-वन् नोत्सहेथास् त्वं, धेया धीर-त्वम-च्युतम्, स्थेयाः कार्येषु बन्धूनां, हेयाः शोकोद्भवं तमः।
ajñā-van notsahethās tvaṃ, dheyā dhīra-tvama-cyutam, stheyāḥ kāryeṣu bandhūnāṃ, heyāḥ śokodbhavaṃ tamaḥ.
Sanskrit only: no published translation is held for this verse.
नाऽवकल्प्यमिदं, ग्लायेद् यत् कृच्छ्रेषु भवानपि न पृथग्-जन-वज् जातु प्रमुह्येत् पण्डितो जनः।
nā'vakalpyamidaṃ, glāyed yat kṛcchreṣu bhavānapi na pṛthag-jana-vaj jātu pramuhyet paṇḍito janaḥ.
Sanskrit only: no published translation is held for this verse.
यच्च यत्र भवांस् तिष्ठेत्, तत्रा ऽन्यो रावणस्य न, यच्च यत्र भवान् सीदेन् महद्भिस् तद् विगर्हितम्।
yacca yatra bhavāṃs tiṣṭhet, tatrā 'nyo rāvaṇasya na, yacca yatra bhavān sīden mahadbhis tad vigarhitam.
Sanskrit only: no published translation is held for this verse.
आश्चर्यं, यच्च यत्र त्वां प्रब्रूयाम वयं हितम्, अपि साक्षात् प्रशिष्यास् त्वं कृच्छ्रेष्विन्द्र-पुरोहितम्।
āścaryaṃ, yacca yatra tvāṃ prabrūyāma vayaṃ hitam, api sākṣāt praśiṣyās tvaṃ kṛcchreṣvindra-purohitam.
Sanskrit only: no published translation is held for this verse.
कामो जनस्यŌ"जह्यास् त्वं प्रमादं नैरृताऽधिप !" उत द्विषोऽनुशोचेयुर् विप्लवे, किमु बान्धवाः।
kāmo janasyaŌ"jahyās tvaṃ pramādaṃ nairṛtā'dhipa !" uta dviṣo'nuśoceyur viplave, kimu bāndhavāḥ.
Sanskrit only: no published translation is held for this verse.
स भवान् भ्रातृ-वद् रक्षेद् यथावदखिलं जनम्, न भवान् संप्रमुह्येच् चेदाश्वस्युश् च निशाचराः,
sa bhavān bhrātṛ-vad rakṣed yathāvadakhilaṃ janam, na bhavān saṃpramuhyec cedāśvasyuś ca niśācarāḥ,
Sanskrit only: no published translation is held for this verse.
ततः स गतवान् कर्तुं भ्रातुरग्नि-जल-क्रियाम्। प्रोक्तवान् कृत-कर्तव्यं वचो रामोऽथ राक्षसम्।
tataḥ sa gatavān kartuṃ bhrāturagni-jala-kriyām. proktavān kṛta-kartavyaṃ vaco rāmo'tha rākṣasam.
Sanskrit only: no published translation is held for this verse.
अम्भांसि रुक्म-कुम्भेन सिञ्चन् मूर्धि समाधिमान्Ō "त्वं राजा रक्षसां लङ्का- मवेक्षेथा विभीषन ?
ambhāṃsi rukma-kumbhena siñcan mūrdhi samādhimānŌ "tvaṃ rājā rakṣasāṃ laṅkā- mavekṣethā vibhīṣana ?
Sanskrit only: no published translation is held for this verse.
क्रुद्धाननुनयेः सम्यक्, धनैर्लुब्धानुपार्जयेः, मानिनो मानयेः काले, त्रस्तान् पौलस्त्य ! सान्त्वयेः।
kruddhānanunayeḥ samyak, dhanairlubdhānupārjayeḥ, mānino mānayeḥ kāle, trastān paulastya ! sāntvayeḥ.
Sanskrit only: no published translation is held for this verse.
इच्छा मे परमा, नन्देः कथं त्वं वृत्र-शत्रु-वत्, इच्छेद्धि सुहृदं सर्वो वृद्धि-संस्थं यतः सुहृत्।
icchā me paramā, nandeḥ kathaṃ tvaṃ vṛtra-śatru-vat, iccheddhi suhṛdaṃ sarvo vṛddhi-saṃsthaṃ yataḥ suhṛt.
Sanskrit only: no published translation is held for this verse.
वर्धिषीष्टाः स्वजातेषु, वध्यास् त्वं रिपु-संहतीः, भूयास् त्वं गुणिनां मान्यस्, तेषां स्थेया व्यवस्थितौ।
vardhiṣīṣṭāḥ svajāteṣu, vadhyās tvaṃ ripu-saṃhatīḥ, bhūyās tvaṃ guṇināṃ mānyas, teṣāṃ stheyā vyavasthitau.
Sanskrit only: no published translation is held for this verse.
धेयास् त्वं सुहृदां प्रीतिं, वन्दिषीष्ठा दिवौकसः, सोमं पेयाश् च, हेयाश् च हिंस्रा हानि-करीः क्रियाः
dheyās tvaṃ suhṛdāṃ prītiṃ, vandiṣīṣṭhā divaukasaḥ, somaṃ peyāś ca, heyāś ca hiṃsrā hāni-karīḥ kriyāḥ
Sanskrit only: no published translation is held for this verse.
अवसेयाश् च कार्याणि धर्मेण पुर-वासिनाम्, अनुरागं क्रिया राजन् ! सदा सर्व-गतं जने।
avaseyāś ca kāryāṇi dharmeṇa pura-vāsinām, anurāgaṃ kriyā rājan ! sadā sarva-gataṃ jane.
Sanskrit only: no published translation is held for this verse.
घानिषीष्ट त्वया मन्युर्, ग्राहिषीष्ट समुन्नतिः, रक्षोभिर् दर्शिषीष्ठास् त्वं, द्रक्षीरन् भवता च ते।
ghāniṣīṣṭa tvayā manyur, grāhiṣīṣṭa samunnatiḥ, rakṣobhir darśiṣīṣṭhās tvaṃ, drakṣīran bhavatā ca te.
Sanskrit only: no published translation is held for this verse.
मन्युं वध्या भट-वध-कृतं बाल-वृद्धस्य राजन् !, शास्त्राऽभिज्ञाः सदसि सु-धियः सन्निधिं ते क्रियासुः, संरंसीष्ठाः सुर-मुनि-गते वर्त्मनि प्राज्य-धर्मे, संभुत्सीष्ठाः सु-नय-नयनैर् विद्विषामीहितानि।"
manyuṃ vadhyā bhaṭa-vadha-kṛtaṃ bāla-vṛddhasya rājan !, śāstrā'bhijñāḥ sadasi su-dhiyaḥ sannidhiṃ te kriyāsuḥ, saṃraṃsīṣṭhāḥ sura-muni-gate vartmani prājya-dharme, saṃbhutsīṣṭhāḥ su-naya-nayanair vidviṣāmīhitāni."
Sanskrit only: no published translation is held for this verse.