Library·Bhatti: Ravanavadha (Bhattikavya)·21
समुत्क्षिप्य ततो वह्निर् मैथिलीं राममुक्तवान् "काकुत्स्थ ! दयितां साध्वीं त्वमाशङ्किष्यथाः कथम्
samutkṣipya tato vahnir maithilīṃ rāmamuktavān "kākutstha ! dayitāṃ sādhvīṃ tvamāśaṅkiṣyathāḥ katham
Sanskrit only: no published translation is held for this verse.
ना भविष्यदियं शुद्धा यद्यपास्यमहं ततः न चैनां, पक्षपातो मे धर्मादन्यत्र राघव !
nā bhaviṣyadiyaṃ śuddhā yadyapāsyamahaṃ tataḥ na caināṃ, pakṣapāto me dharmādanyatra rāghava !
Sanskrit only: no published translation is held for this verse.
अपि तत्र-रिपुः सीतां ना ऽर्थयिष्यत दुर्-मतिः, क्रूरं जात्ववदिष्यच् च जात्वस्तोष्यच्छ्रियं स्वकाम्।
api tatra-ripuḥ sītāṃ nā 'rthayiṣyata dur-matiḥ, krūraṃ jātvavadiṣyac ca jātvastoṣyacchriyaṃ svakām.
Sanskrit only: no published translation is held for this verse.
सङ्कल्पं ना ऽकरिष्यच् च तत्रेयं शुद्ध-मानसा, सत्याऽमर्षमवाप्स्यस् त्वं रामः सीता-निबन्धनम्।
saṅkalpaṃ nā 'kariṣyac ca tatreyaṃ śuddha-mānasā, satyā'marṣamavāpsyas tvaṃ rāmaḥ sītā-nibandhanam.
Sanskrit only: no published translation is held for this verse.
त्वया ऽद्रक्ष्यत किं ना ऽस्याः शीलं संवसता चिरम्, अदर्शिष्यन्त वा चेष्टाः कालेन बधुना न किम्।
tvayā 'drakṣyata kiṃ nā 'syāḥ śīlaṃ saṃvasatā ciram, adarśiṣyanta vā ceṣṭāḥ kālena badhunā na kim.
Sanskrit only: no published translation is held for this verse.
यावज्जिवमशोचिष्यो, ना ऽहास्यश् चेदिदं तमः, भानुरप्यपतिष्यत् क्ष्मामक्षोभिष्यत चेदियम्।
yāvajjivamaśociṣyo, nā 'hāsyaś cedidaṃ tamaḥ, bhānurapyapatiṣyat kṣmāmakṣobhiṣyata cediyam.
Sanskrit only: no published translation is held for this verse.
समपत्स्यत राजेन्द्र ! स्त्रैणं यद्यत्र चापलम्, लोक-पाला इहा ऽऽयास्यंस् ततो ना ऽमी कलि-द्रुहः।
samapatsyata rājendra ! straiṇaṃ yadyatra cāpalam, loka-pālā ihā ''yāsyaṃs tato nā 'mī kali-druhaḥ.
Sanskrit only: no published translation is held for this verse.
आश्चर्यं यच्च यत्र स्त्री कृच्छ्रे ऽवर्त्स्यन् मते तव, त्रासादस्यां विनष्टायां किं किमालप्स्यथाः फलम्।
āścaryaṃ yacca yatra strī kṛcchre 'vartsyan mate tava, trāsādasyāṃ vinaṣṭāyāṃ kiṃ kimālapsyathāḥ phalam.
Sanskrit only: no published translation is held for this verse.
यत्र यच्चा ऽमरिष्यत् स्त्री साध्वसाद् दोष-वर्जिता तदसूया-रतौ लोके तस्या वाच्या ऽऽस्पदं मृषा।
yatra yaccā 'mariṣyat strī sādhvasād doṣa-varjitā tadasūyā-ratau loke tasyā vācyā ''spadaṃ mṛṣā.
Sanskrit only: no published translation is held for this verse.
अमंत्स्य भवान् यद्वद् तथैव च पिता तव ना ऽऽगमिष्यद् विमान-स्थः साक्षाद् दशरथो नृपः।
amaṃtsya bhavān yadvad tathaiva ca pitā tava nā ''gamiṣyad vimāna-sthaḥ sākṣād daśaratho nṛpaḥ.
Sanskrit only: no published translation is held for this verse.
ना ऽकल्प्स्यत् सन्निधिं स्थानुः शूली वृषभ-वाहनः अन्वभाविष्यता ऽन्येन मैथिली चेत् पतिव्रता।
nā 'kalpsyat sannidhiṃ sthānuḥ śūlī vṛṣabha-vāhanaḥ anvabhāviṣyatā 'nyena maithilī cet pativratā.
Sanskrit only: no published translation is held for this verse.
आनन्दयिष्यदागम्य कथं त्वामरविन्द-सत् राजेन्द्र ! विश्व-सूर् धाता चारित्र्ये सीतया क्षते।
ānandayiṣyadāgamya kathaṃ tvāmaravinda-sat rājendra ! viśva-sūr dhātā cāritrye sītayā kṣate.
Sanskrit only: no published translation is held for this verse.
प्रणमन् ब्रह्मणा प्रोक्तो राजका ऽधिपतिस् ततः "ना, शोत्स्यन् मैथिली लोके, नाऽऽचरिष्यदिदं यदि।
praṇaman brahmaṇā prokto rājakā 'dhipatis tataḥ "nā, śotsyan maithilī loke, nā''cariṣyadidaṃ yadi.
Sanskrit only: no published translation is held for this verse.
नाऽमोक्ष्याम वयं शङ्का- मिहाधास्यन् न चेद् भवान्, किं वा चित्रमिदं युक्तं, भवान् यदकरिष्यत।
nā'mokṣyāma vayaṃ śaṅkā- mihādhāsyan na ced bhavān, kiṃ vā citramidaṃ yuktaṃ, bhavān yadakariṣyata.
Sanskrit only: no published translation is held for this verse.
प्रावर्तिष्यन्त चेष्टाश् चेद्-याथातथ्य-वत् तव, अनुशास्ये त्वया लोके रामाऽवर्त्स्यंस्तरां ततः
prāvartiṣyanta ceṣṭāś ced-yāthātathya-vat tava, anuśāsye tvayā loke rāmā'vartsyaṃstarāṃ tataḥ
Sanskrit only: no published translation is held for this verse.
प्राणमन्तम् ततो राममुक्तवानिति शङ्करः "किं नारायणमात्मानं ना ऽभोत्स्यत भवानजम्।
prāṇamantam tato rāmamuktavāniti śaṅkaraḥ "kiṃ nārāyaṇamātmānaṃ nā 'bhotsyata bhavānajam.
Sanskrit only: no published translation is held for this verse.
को न्यो ऽकर्त्स्यदिह प्राणान् दृप्तानां च सुर-द्विषाम्, को वा विश्वजनीनेषु कर्मसु प्राघटिष्यत
ko nyo 'kartsyadiha prāṇān dṛptānāṃ ca sura-dviṣām, ko vā viśvajanīneṣu karmasu prāghaṭiṣyata
Sanskrit only: no published translation is held for this verse.
दैत्य-क्षये महा-राज ! यच्च यत्रा ऽघटिष्यथाः समाप्तिं जातु तत्रापि किं ना ऽनेष्यस् त्वमीहितम्।
daitya-kṣaye mahā-rāja ! yacca yatrā 'ghaṭiṣyathāḥ samāptiṃ jātu tatrāpi kiṃ nā 'neṣyas tvamīhitam.
Sanskrit only: no published translation is held for this verse.
तातं प्रसाद्य कैयेय्या भरताय प्रपीडितम् सहस्र-चक्षुषं रामो निनंसुः परिदृष्टवान्।
tātaṃ prasādya kaiyeyyā bharatāya prapīḍitam sahasra-cakṣuṣaṃ rāmo ninaṃsuḥ paridṛṣṭavān.
Sanskrit only: no published translation is held for this verse.
प्रेता वरेण शक्रस्य प्राणन्तः कपयस् ततः संजाताः फलिना ऽऽनम्र-रोचिष्णु-द्रुम-सद्रवः।
pretā vareṇa śakrasya prāṇantaḥ kapayas tataḥ saṃjātāḥ phalinā ''namra-rociṣṇu-druma-sadravaḥ.
Sanskrit only: no published translation is held for this verse.
भ्रमर कुला ऽऽकुलोल्बण-सुगन्धि-पुष्प-तरुस् तरुण-मधूक-सम्भव-पिशङ्गित-तुङ्ग-शिखः शिखर-शिला ऽन्तराल-परिक्wxल्क़्क़्प्त-जला ऽवसरः स-रस-फल-श्रियं स विततान सुवेल-गिरिः।
bhramara kulā ''kulolbaṇa-sugandhi-puṣpa-tarus taruṇa-madhūka-sambhava-piśaṅgita-tuṅga-śikhaḥ śikhara-śilā 'ntarāla-parikwxlqqpta-jalā 'vasaraḥ sa-rasa-phala-śriyaṃ sa vitatāna suvela-giriḥ.
Sanskrit only: no published translation is held for this verse.
संवाद्भिः स-कुसुम-रेणुभिः समीरै- रानम्रैर् बहु-फल-धारिभिर् वना ऽन्तैः श्च्योतद्भिर् मधु-पटलैश् च वानराणाम् आप्यानो रिपु-वध-सम्भवः प्रमोदः
saṃvādbhiḥ sa-kusuma-reṇubhiḥ samīrai- rānamrair bahu-phala-dhāribhir vanā 'ntaiḥ ścyotadbhir madhu-paṭalaiś ca vānarāṇām āpyāno ripu-vadha-sambhavaḥ pramodaḥ
Sanskrit only: no published translation is held for this verse.
आयान्त्यः स्व-फल-भरेण भङ्गुरत्वं भृङ्गाऽऽली-निचय-चिता लतास् तरूणाम् सा ऽऽमोदाः क्षिति-तल-संस्थिताऽवलोप्या भोक्त् णां ष्रममदयं न नीतवत्यः।
āyāntyaḥ sva-phala-bhareṇa bhaṅguratvaṃ bhṛṅgā''lī-nicaya-citā latās tarūṇām sā ''modāḥ kṣiti-tala-saṃsthitā'valopyā bhokt ṇāṃ ṣramamadayaṃ na nītavatyaḥ.
Sanskrit only: no published translation is held for this verse.