ततो रामो हनूमन्तमुक्तवान् हृष्ट-मानसम् "अयोध्यां श्वः प्रयातासि कपे ! भरत-पालिताम्।
tato rāmo hanūmantamuktavān hṛṣṭa-mānasam "ayodhyāṃ śvaḥ prayātāsi kape ! bharata-pālitām.
Sanskrit only: no published translation is held for this verse.
Library·Bhatti: Ravanavadha (Bhattikavya)·22
Bhatti: Ravanavadha (Bhattikavya) 22
गाधितासे नभो भूयः स्फुटन्-मेघ-घटाऽऽवलि, ईक्षितासे ऽम्भसां पत्युः पयः शिशिर-शीकरम्।
gādhitāse nabho bhūyaḥ sphuṭan-megha-ghaṭā''vali, īkṣitāse 'mbhasāṃ patyuḥ payaḥ śiśira-śīkaram.
Sanskrit only: no published translation is held for this verse.
सेवितासे प्लवङ्ग ! त्वं महेन्द्रा ऽद्रेरधित्यकाः व्युत्क्रान्त-वर्त्मनो भानोः सह-ज्योत्स्ना-कुमुद्वतीः।
sevitāse plavaṅga ! tvaṃ mahendrā 'dreradhityakāḥ vyutkrānta-vartmano bhānoḥ saha-jyotsnā-kumudvatīḥ.
Sanskrit only: no published translation is held for this verse.
चन्दन-द्रुम-संच्छन्ना निराकृत-हिम-श्रथाः दर्शितारस् त्वया ताश् च मलयोपत्यकाः शुभाः।
candana-druma-saṃcchannā nirākṛta-hima-śrathāḥ darśitāras tvayā tāś ca malayopatyakāḥ śubhāḥ.
Sanskrit only: no published translation is held for this verse.
प्रतन्व्यः कोमला विन्ध्ये सहितारः स्यदं न ते लताः स्तबक-शालिन्यो मधुलेहि-कुलाऽऽकुलाः।
pratanvyaḥ komalā vindhye sahitāraḥ syadaṃ na te latāḥ stabaka-śālinyo madhulehi-kulā''kulāḥ.
Sanskrit only: no published translation is held for this verse.
द्रष्टासि प्रीति-मानारात् सखिभिः सह सेविताम् स-पक्षपातं किष्किन्धां पूर्व-क्रीडां स्मरन् मुहुः।
draṣṭāsi prīti-mānārāt sakhibhiḥ saha sevitām sa-pakṣapātaṃ kiṣkindhāṃ pūrva-krīḍāṃ smaran muhuḥ.
Sanskrit only: no published translation is held for this verse.
त्वया सन्दर्शितारौ ते माल्यवद्-दण्डका-वने, उपद्रुतश् चिरं द्वन्द्वैर् ययोः क्लिशितवानहम्।
tvayā sandarśitārau te mālyavad-daṇḍakā-vane, upadrutaś ciraṃ dvandvair yayoḥ kliśitavānaham.
Sanskrit only: no published translation is held for this verse.
आप्तारौ भवता रम्यावाश्रमौ हरिणा ऽऽकुलौ पुण्योदक-द्विजाऽऽकीर्णौ सुतीक्ष्ण-शरभङ्गयोः
āptārau bhavatā ramyāvāśramau hariṇā ''kulau puṇyodaka-dvijā''kīrṇau sutīkṣṇa-śarabhaṅgayoḥ
Sanskrit only: no published translation is held for this verse.
अतिक्रान्ता त्वया रम्यं दुःखमत्रेस् तपो-वनम्, पवित्र-चित्रकूटे ऽद्रौ त्वं स्थातासि कुतूहलात्।
atikrāntā tvayā ramyaṃ duḥkhamatres tapo-vanam, pavitra-citrakūṭe 'drau tvaṃ sthātāsi kutūhalāt.
Sanskrit only: no published translation is held for this verse.
ततः परं भरद्वाजो भवता दर्शिता मुनिः, द्रष्टारश् च जनाः पुन्या यामुनाऽम्बुक्षतांऽहसः।
tataḥ paraṃ bharadvājo bhavatā darśitā muniḥ, draṣṭāraś ca janāḥ punyā yāmunā'mbukṣatāṃ'hasaḥ.
Sanskrit only: no published translation is held for this verse.
स्यन्त्वा स्यन्त्वा दिवः शम्भोर्- मूर्ध्नि स्कन्त्वा भुवं गताम् गाहितासे ऽथ पुण्यस्य गङ्गां मूर्तिमिव द्रुताम्।
syantvā syantvā divaḥ śambhor- mūrdhni skantvā bhuvaṃ gatām gāhitāse 'tha puṇyasya gaṅgāṃ mūrtimiva drutām.
Sanskrit only: no published translation is held for this verse.
तमसाया महा-नील-पाषाण-सदृश-त्विषः वना ऽन्तात् बहु मन्तासे नागराऽऽक्रीड-शाखिनः।
tamasāyā mahā-nīla-pāṣāṇa-sadṛśa-tviṣaḥ vanā 'ntāt bahu mantāse nāgarā''krīḍa-śākhinaḥ.
Sanskrit only: no published translation is held for this verse.
नगर-स्त्री-स्तन-न्यस्त-धौत-कुङ्कुम-पिञ्जराम् विलोक्य सरयूं रम्यां गन्ता ऽयोध्या त्वया पुरी।
nagara-strī-stana-nyasta-dhauta-kuṅkuma-piñjarām vilokya sarayūṃ ramyāṃ gantā 'yodhyā tvayā purī.
Sanskrit only: no published translation is held for this verse.
आनन्दितारस् त्वां दृष्ट्वा प्रष्टारश् चावयोः शिवम् मातरः सह मैथिल्या, तोष्टा च भरतः परम्।
ānanditāras tvāṃ dṛṣṭvā praṣṭāraś cāvayoḥ śivam mātaraḥ saha maithilyā, toṣṭā ca bharataḥ param.
Sanskrit only: no published translation is held for this verse.
आख्यातासि हतं शत्रुमभिषिक्तं विभीषणम्, सुग्रीवं चा ऽर्जितं मित्रं, सर्वांश् चाऽऽगामुकान् द्रुतम्
ākhyātāsi hataṃ śatrumabhiṣiktaṃ vibhīṣaṇam, sugrīvaṃ cā 'rjitaṃ mitraṃ, sarvāṃś cā''gāmukān drutam
Sanskrit only: no published translation is held for this verse.
गन्तारः परमां प्रीतिं पौराः ष्रुत्वा वचस् तव, ज्ञात्वैतत् सम्मुखीनश् च समेता भरतो ध्रुवम्।
gantāraḥ paramāṃ prītiṃ paurāḥ ṣrutvā vacas tava, jñātvaitat sammukhīnaś ca sametā bharato dhruvam.
Sanskrit only: no published translation is held for this verse.
गते त्वयि पथा ऽनेन वयमप्यंहितास्महे, लब्धाहे ऽहं धृतिं प्राप्ते भूयो भवति सम्मुखे।
gate tvayi pathā 'nena vayamapyaṃhitāsmahe, labdhāhe 'haṃ dhṛtiṃ prāpte bhūyo bhavati sammukhe.
Sanskrit only: no published translation is held for this verse.
गते तस्मिन् गृहीता ऽर्थे रामः सुग्रीव-राक्षसौ उक्तवान् श्वो ऽभिगन्तास्थो युवां सह मया पुरम्।
gate tasmin gṛhītā 'rthe rāmaḥ sugrīva-rākṣasau uktavān śvo 'bhigantāstho yuvāṃ saha mayā puram.
Sanskrit only: no published translation is held for this verse.
द्रष्टास्थस् तत्र तिस्रो मे मात् स् तुष्टऽन्तराऽऽत्मनः आन्त्यन्तीनं सखि-त्वं च प्राप्तास्थो भरता ऽऽश्रयम्।
draṣṭāsthas tatra tisro me māt s tuṣṭa'ntarā''tmanaḥ āntyantīnaṃ sakhi-tvaṃ ca prāptāstho bharatā ''śrayam.
Sanskrit only: no published translation is held for this verse.
नैवं विरह-दुःखेन वयं व्याघानितास्महे, श्रमो नुभविता नैवं भवद्भ्यां च वियोग-जः,
naivaṃ viraha-duḥkhena vayaṃ vyāghānitāsmahe, śramo nubhavitā naivaṃ bhavadbhyāṃ ca viyoga-jaḥ,
Sanskrit only: no published translation is held for this verse.
एवं युवां मम प्रीत्यै कल्प्तास्थः कपि-राक्षसौ ! गन्तुं प्रयतितासाथे प्रातः सह मया यदि।
evaṃ yuvāṃ mama prītyai kalptāsthaḥ kapi-rākṣasau ! gantuṃ prayatitāsāthe prātaḥ saha mayā yadi.
Sanskrit only: no published translation is held for this verse.
उत्कवन्तौ ततो रामं वचः पौलस्त्य-वानरौ अनुग्रहो ऽयं काकुत्स्थ ! गन्तास्वो यत् त्वया सह।
utkavantau tato rāmaṃ vacaḥ paulastya-vānarau anugraho 'yaṃ kākutstha ! gantāsvo yat tvayā saha.
Sanskrit only: no published translation is held for this verse.
अनुमन्तास्वहे नाऽऽवां भवन्तं विरहं त्वया अपि प्राप्य सुरेन्द्र-त्वं, किं नु प्रत्तं, त्वया ऽऽस्पदम्।
anumantāsvahe nā''vāṃ bhavantaṃ virahaṃ tvayā api prāpya surendra-tvaṃ, kiṃ nu prattaṃ, tvayā ''spadam.
Sanskrit only: no published translation is held for this verse.
ततः कथाभिः समतीत्य दोषा- मारुह्य सैन्यैः सह पुष्पकं ते सम्प्रस्थिता वेग-वशाद-गाधं प्रक्षोभयन्तः सलिलं पयोधेः।
tataḥ kathābhiḥ samatītya doṣā- māruhya sainyaiḥ saha puṣpakaṃ te samprasthitā vega-vaśāda-gādhaṃ prakṣobhayantaḥ salilaṃ payodheḥ.
Sanskrit only: no published translation is held for this verse.
सेतुं, महेन्द्रं, मलयं स-विन्ध्यं, स-माल्यवन्तं गिरिमृष्यमूकम्, स-दण्डकाऽरण्य-वातीं च पम्पां रामः प्रियायाः कथयन् जगाम।
setuṃ, mahendraṃ, malayaṃ sa-vindhyaṃ, sa-mālyavantaṃ girimṛṣyamūkam, sa-daṇḍakā'raṇya-vātīṃ ca pampāṃ rāmaḥ priyāyāḥ kathayan jagāma.
Sanskrit only: no published translation is held for this verse.
एते ते मुनि-जन-मण्डिता दिगन्ताः, शैलोऽयं लुलित-वनः स चित्रकूटः, गङ्गेयं सु-तनु-! विशाल-तीर-रम्या, मैथिल्या रघु-तनयो दिशन् ननन्द।
ete te muni-jana-maṇḍitā digantāḥ, śailo'yaṃ lulita-vanaḥ sa citrakūṭaḥ, gaṅgeyaṃ su-tanu-! viśāla-tīra-ramyā, maithilyā raghu-tanayo diśan nananda.
Sanskrit only: no published translation is held for this verse.
शिञ्जान-भ्रमर-कुलाऽऽकुलाऽग्र-पुष्पाः शीता-ऽम्भः-प्रविलय-संप्लवा ऽभिलीनाः एते ते सु-तनु ! पुरी-जनोपभोग्या दृश्यन्ते नयन-मनोरमा वना ऽन्ताः।
śiñjāna-bhramara-kulā''kulā'gra-puṣpāḥ śītā-'mbhaḥ-pravilaya-saṃplavā 'bhilīnāḥ ete te su-tanu ! purī-janopabhogyā dṛśyante nayana-manoramā vanā 'ntāḥ.
Sanskrit only: no published translation is held for this verse.
स्थानं नः पूर्व-जानामियमधिकमसौ प्रेयसी पूरयोध्या, दूरादालोक्यते या हुत-विविध-हविः- प्रीणिता ऽशेष-देवा, सो ऽयं देशो, रुदन्तं पुर-जनमखिलं यत्र हित्वा प्रयातौ आवां सीते ! वना ऽन्तं सह धृत-धृतिना लक्ष्मणेन क्षपाऽन्ते।
sthānaṃ naḥ pūrva-jānāmiyamadhikamasau preyasī pūrayodhyā, dūrādālokyate yā huta-vividha-haviḥ- prīṇitā 'śeṣa-devā, so 'yaṃ deśo, rudantaṃ pura-janamakhilaṃ yatra hitvā prayātau āvāṃ sīte ! vanā 'ntaṃ saha dhṛta-dhṛtinā lakṣmaṇena kṣapā'nte.
Sanskrit only: no published translation is held for this verse.
तूर्याणामथ निःस्वनेन सकलं लोकं समापूरयन् विक्रान्तैः करिणां गिरीन्द्र-सदृशां क्ष्मां कम्पयन् सर्वतः सा ऽऽनन्दा ऽश्रु-विलोचनः प्रकृतिभिः सार्धं सहा ऽन्तः पुरः सम्प्राप्तो भरतः स-मारुतिरलं नम्रः समं मातृभिः
tūryāṇāmatha niḥsvanena sakalaṃ lokaṃ samāpūrayan vikrāntaiḥ kariṇāṃ girīndra-sadṛśāṃ kṣmāṃ kampayan sarvataḥ sā ''nandā 'śru-vilocanaḥ prakṛtibhiḥ sārdhaṃ sahā 'ntaḥ puraḥ samprāpto bharataḥ sa-mārutiralaṃ namraḥ samaṃ mātṛbhiḥ
Sanskrit only: no published translation is held for this verse.
अथ स-सम्भ्रम-पौर-जना ऽऽवृतो भरत-पाणि-धृतोज्ज्वल-चामरः गुरु-जन-द्विज-बन्द्यभिनन्दितः प्रविशति स्म पुरं रघु-नन्दनः।
atha sa-sambhrama-paura-janā ''vṛto bharata-pāṇi-dhṛtojjvala-cāmaraḥ guru-jana-dvija-bandyabhinanditaḥ praviśati sma puraṃ raghu-nandanaḥ.
Sanskrit only: no published translation is held for this verse.
प्रविधाय धृतिं परां जनानां युव-राजं भरतं ततोऽभिषिच्य जघटे तुरगाऽध्वरेण यष्टुं कृत-सम्भार-विधिः पतिः प्रजानाम्।
pravidhāya dhṛtiṃ parāṃ janānāṃ yuva-rājaṃ bharataṃ tato'bhiṣicya jaghaṭe turagā'dhvareṇa yaṣṭuṃ kṛta-sambhāra-vidhiḥ patiḥ prajānām.
Sanskrit only: no published translation is held for this verse.
इदमधिगत-मुक्ति-मार्ग-चित्रं विवदिषतां वदतां च सन्-निबन्धात् जनयति विजयं सदा जनानां युधि सुसमाहितमैश्वरं यथा ऽस्त्रम्।
idamadhigata-mukti-mārga-citraṃ vivadiṣatāṃ vadatāṃ ca san-nibandhāt janayati vijayaṃ sadā janānāṃ yudhi susamāhitamaiśvaraṃ yathā 'stram.
Sanskrit only: no published translation is held for this verse.
दीप-तुल्यः प्रबन्धो ऽयं शब्द-लक्षण-चक्षुषाम् हस्ता ऽमर्ष इवा ऽन्धानां भवेद् व्याकरणादृते।
dīpa-tulyaḥ prabandho 'yaṃ śabda-lakṣaṇa-cakṣuṣām hastā 'marṣa ivā 'ndhānāṃ bhaved vyākaraṇādṛte.
Sanskrit only: no published translation is held for this verse.
व्याख्या-गम्यमिदं काव्य- मुत्सवः सु-धियामलम्, हता दुर्-मेघसश् चा ऽस्मिन् विद्वत्-प्रिय-तया मया।
vyākhyā-gamyamidaṃ kāvya- mutsavaḥ su-dhiyāmalam, hatā dur-meghasaś cā 'smin vidvat-priya-tayā mayā.
Sanskrit only: no published translation is held for this verse.
काव्यमिदं विहितं मया वलभ्यां श्रीधरसेन-नेरन्द्र-पालितायाम्, कीर्तिरतो भवतान् नृपस्य, तस्य प्रेम-करः क्षिति-पो यतः प्रजानाम्।
kāvyamidaṃ vihitaṃ mayā valabhyāṃ śrīdharasena-nerandra-pālitāyām, kīrtirato bhavatān nṛpasya, tasya prema-karaḥ kṣiti-po yataḥ prajānām.
Sanskrit only: no published translation is held for this verse.