कृत्वा वालि-द्रुहं रामो मालया स-विशेषणम्। अङ्गद-स्वं पुनर् हन्तुं कपिघ्नाऽऽह्वाययद् रणे।
kṛtvā vāli-druhaṃ rāmo mālayā sa-viśeṣaṇam. aṅgada-svaṃ punar hantuṃ kapighnā''hvāyayad raṇe.
Sanskrit only: no published translation is held for this verse.
Library·Bhatti: Ravanavadha (Bhattikavya)·6
Bhatti: Ravanavadha (Bhattikavya) 6
तयोर् वानर-सेनान्योः संप्रहारे तनुच्छिदम् वालिनो दूर-भाग् रामो बाणं प्राणाऽदमत्यजत्
tayor vānara-senānyoḥ saṃprahāre tanucchidam vālino dūra-bhāg rāmo bāṇaṃ prāṇā'damatyajat
Sanskrit only: no published translation is held for this verse.
वालिनं पतितं दृष्ट्वा वानरा रिपु-घातिनम् बान्धवाऽऽक्रोशिनो भेजुरनाथाः ककुभो दश
vālinaṃ patitaṃ dṛṣṭvā vānarā ripu-ghātinam bāndhavā''krośino bhejuranāthāḥ kakubho daśa
Sanskrit only: no published translation is held for this verse.
धिग् दाशरथिमित्यूचुर् मुनयो वन-वर्तिनः। उपेयुर् मधु-पायिन्यः क्रोशन्त्यस् तं कपि-स्त्रियः।
dhig dāśarathimityūcur munayo vana-vartinaḥ. upeyur madhu-pāyinyaḥ krośantyas taṃ kapi-striyaḥ.
Sanskrit only: no published translation is held for this verse.
राममुच्चैरुपालब्ध शूर-मानी कपि-प्रभुः व्रण-वेदनया ग्लायन्साधुं-मन्यम-साधुवत्।
rāmamuccairupālabdha śūra-mānī kapi-prabhuḥ vraṇa-vedanayā glāyansādhuṃ-manyama-sādhuvat.
Sanskrit only: no published translation is held for this verse.
"मृषा ऽसि त्वं हविर्-याजी राघव ! छद्म-तापसः अन्य-व्यासक्त-घातित्वाद् ब्रह्मघ्नां पाप-संमितः।
"mṛṣā 'si tvaṃ havir-yājī rāghava ! chadma-tāpasaḥ anya-vyāsakta-ghātitvād brahmaghnāṃ pāpa-saṃmitaḥ.
Sanskrit only: no published translation is held for this verse.
पाप-कृत् सुकृतां मध्ये राज्ञः पुण्यकृतः सुतः मामपापं दुराचार ! किं निहत्या ऽभिधास्यसि।
pāpa-kṛt sukṛtāṃ madhye rājñaḥ puṇyakṛtaḥ sutaḥ māmapāpaṃ durācāra ! kiṃ nihatyā 'bhidhāsyasi.
Sanskrit only: no published translation is held for this verse.
अग्नि-चित् सोम-सुद् राजा रथ-चक्र-चिदाऽऽदिषु अनलेष्विष्टवान् कस्मान् न त्वया ऽपेक्षितः पिता।
agni-cit soma-sud rājā ratha-cakra-cidā''diṣu analeṣviṣṭavān kasmān na tvayā 'pekṣitaḥ pitā.
Sanskrit only: no published translation is held for this verse.
मांस-विक्रयिणः कर्म व्याधस्या ऽपि विगर्हितम् मां घ्नता भवता ऽकारि निःषङ्कं पाप-दृष्वना।
māṃsa-vikrayiṇaḥ karma vyādhasyā 'pi vigarhitam māṃ ghnatā bhavatā 'kāri niḥṣaṅkaṃ pāpa-dṛṣvanā.
Sanskrit only: no published translation is held for this verse.
बुद्धिपूर्वं ध्रुवन् न त्वा राज-कृत्वा पिता खलम् सहयुध्वानमन्येन यो ऽहिनो मामनागसम्
buddhipūrvaṃ dhruvan na tvā rāja-kṛtvā pitā khalam sahayudhvānamanyena yo 'hino māmanāgasam
Sanskrit only: no published translation is held for this verse.
पञ्च पञ्चनखा भक्ष्या ये प्रोक्ताः कृत-जैर् द्विजैः, कौशल्या-ज ! शशाऽऽदीनां तेषां नैको ऽप्यहं कपिः।
pañca pañcanakhā bhakṣyā ye proktāḥ kṛta-jair dvijaiḥ, kauśalyā-ja ! śaśā''dīnāṃ teṣāṃ naiko 'pyahaṃ kapiḥ.
Sanskrit only: no published translation is held for this verse.
कथं दुष्ठुः स्वयं धर्मे प्रजास् त्वं पालयिष्यसि, आत्माऽनुजस्य जिह्रेषि सौमित्रेस् त्वं कथं न वा।
kathaṃ duṣṭhuḥ svayaṃ dharme prajās tvaṃ pālayiṣyasi, ātmā'nujasya jihreṣi saumitres tvaṃ kathaṃ na vā.
Sanskrit only: no published translation is held for this verse.
मन्ये किं-जमहं घ्नन्तं त्वाम-क्षत्त्रिय-जे रणे लक्ष्मणा ऽधिज ! दुर्वृत्त ! प्रयुक्तमनुजेन नः"।
manye kiṃ-jamahaṃ ghnantaṃ tvāma-kṣattriya-je raṇe lakṣmaṇā 'dhija ! durvṛtta ! prayuktamanujena naḥ".
Sanskrit only: no published translation is held for this verse.
प्रत्यूचे वालिनं रामोŌ"ना ऽकृतं कृतवानहम् यज्वभिः सुत्वभिः पूवैर् जरद्भिश् च कपीष्वर !
pratyūce vālinaṃ rāmoŌ"nā 'kṛtaṃ kṛtavānaham yajvabhiḥ sutvabhiḥ pūvair jaradbhiś ca kapīṣvara !
Sanskrit only: no published translation is held for this verse.
ते हि जालैर् गले पाशैस् तिरश्चामुपसेदुषाम् ऊषुषां पर-दारैश् च सार्धं निधनमैषिषुः।
te hi jālair gale pāśais tiraścāmupaseduṣām ūṣuṣāṃ para-dāraiś ca sārdhaṃ nidhanamaiṣiṣuḥ.
Sanskrit only: no published translation is held for this verse.
अहं तु षुष्रुवान्Ōभ्रात्रा स्त्रियं भुक्तां कनीयसा उपेयिवाननूचानैर् निन्दितस्-त्वं लता-मृग !
ahaṃ tu ṣuṣruvānŌbhrātrā striyaṃ bhuktāṃ kanīyasā upeyivānanūcānair ninditas-tvaṃ latā-mṛga !
Sanskrit only: no published translation is held for this verse.
अन्वनैषीत् ततो वाली त्रपा-वानिव राघवम्। न्यक्षिपच् चाऽङ्गदं यत्नात् काकुत्स्थे तनयं प्रियं
anvanaiṣīt tato vālī trapā-vāniva rāghavam. nyakṣipac cā'ṅgadaṃ yatnāt kākutsthe tanayaṃ priyaṃ
Sanskrit only: no published translation is held for this verse.
म्रियमाणः स सुग्रीवं प्रोचे सद्-भावमागतःŌ "संभाविष्याव एकस्यामभिजानासि मातरि।
mriyamāṇaḥ sa sugrīvaṃ proce sad-bhāvamāgataḥŌ "saṃbhāviṣyāva ekasyāmabhijānāsi mātari.
Sanskrit only: no published translation is held for this verse.
अवसाव नगेन्द्रेषु, यत् पास्यावो मधूनि च, अभिजानीहि तत् सर्वं, बन्धूनां समयो ह्ययम्।
avasāva nagendreṣu, yat pāsyāvo madhūni ca, abhijānīhi tat sarvaṃ, bandhūnāṃ samayo hyayam.
Sanskrit only: no published translation is held for this verse.
दैवं न विदधे नूनं युगपत् सुखमावयोः, शश्वद् बहूव तद् दुःस्थं यतो न" इतिहा ऽकरोत्।
daivaṃ na vidadhe nūnaṃ yugapat sukhamāvayoḥ, śaśvad bahūva tad duḥsthaṃ yato na" itihā 'karot.
Sanskrit only: no published translation is held for this verse.
ददौ स दयितां भ्रात्रे मालां चाऽग्र्यां हिरण्मयीम्, राज्यं संदिश्य भोगाम्श् च ममार व्रण-पीडितः
dadau sa dayitāṃ bhrātre mālāṃ cā'gryāṃ hiraṇmayīm, rājyaṃ saṃdiśya bhogāmś ca mamāra vraṇa-pīḍitaḥ
Sanskrit only: no published translation is held for this verse.
तस्य निर्वर्त्य कर्तव्यं सुग्रीवो राघवाऽऽज्ञया किष्किन्धाऽद्रि-गुहां गन्तुं मनः प्रणिदधे द्रुतम्
tasya nirvartya kartavyaṃ sugrīvo rāghavā''jñayā kiṣkindhā'dri-guhāṃ gantuṃ manaḥ praṇidadhe drutam
Sanskrit only: no published translation is held for this verse.
नाम-ग्राहं कपिभिरशनैः स्तूयमानः समन्ता- दन्वग्-भावं रघु-वृषभयोर् वानरेन्द्रो विराजन् अभ्यर्णे ऽम्भः-पतन-समये पर्णलीभूत-सानुं किष्किन्धाद्रिं न्यविशत मधु-क्षीब-गुञ्जद्-द्विरेफम्।
nāma-grāhaṃ kapibhiraśanaiḥ stūyamānaḥ samantā- danvag-bhāvaṃ raghu-vṛṣabhayor vānarendro virājan abhyarṇe 'mbhaḥ-patana-samaye parṇalībhūta-sānuṃ kiṣkindhādriṃ nyaviśata madhu-kṣība-guñjad-dvirepham.
Sanskrit only: no published translation is held for this verse.