राक्षसानां मयि गते रामः प्रणिहनिष्यति प्राणानामपणिष्टाऽयं रावणस् त्वामिहानयन्।
rākṣasānāṃ mayi gate rāmaḥ praṇihaniṣyati prāṇānāmapaṇiṣṭā'yaṃ rāvaṇas tvāmihānayan.
Sanskrit only: no published translation is held for this verse.
Library·Bhatti: Ravanavadha (Bhattikavya)·8
Bhatti: Ravanavadha (Bhattikavya) 8
अदेवीद् बन्धु-भोगानां, प्रादेवीदात्म-संपदम्, शत-कृत्वस् तवैकस्याः स्मरत्यह्नो रघूत्तमः।
adevīd bandhu-bhogānāṃ, prādevīdātma-saṃpadam, śata-kṛtvas tavaikasyāḥ smaratyahno raghūttamaḥ.
Sanskrit only: no published translation is held for this verse.
तवोपशायिका यावद् राक्षस्यश् चेतयन्ति न, प्रतिसंदिश्यतां तावद् भर्तुः शार्ङ्गस्य मैथिलि !
tavopaśāyikā yāvad rākṣasyaś cetayanti na, pratisaṃdiśyatāṃ tāvad bhartuḥ śārṅgasya maithili !
Sanskrit only: no published translation is held for this verse.
पुरः प्रवेशमाश्चर्यं बुद्ध्वा शाखा-मृगेण सा चूडा-माणिमभिज्ञानं ददौ रामस्य संमतम्।
puraḥ praveśamāścaryaṃ buddhvā śākhā-mṛgeṇa sā cūḍā-māṇimabhijñānaṃ dadau rāmasya saṃmatam.
Sanskrit only: no published translation is held for this verse.
रामस्य शयितं भुक्तं जल्पितं हसितं स्थितम् प्रक्रान्तं च मुहुः पृष्ट्वा हनूमन्तं व्यसर्जयत्।
rāmasya śayitaṃ bhuktaṃ jalpitaṃ hasitaṃ sthitam prakrāntaṃ ca muhuḥ pṛṣṭvā hanūmantaṃ vyasarjayat.
Sanskrit only: no published translation is held for this verse.
असौ दधदभिज्ञानं चिकीर्षुः कर्म दारुणम् गामुको ऽप्यन्तिकं भर्तुर् मनसा ऽचिन्तयत् क्षणम्।
asau dadhadabhijñānaṃ cikīrṣuḥ karma dāruṇam gāmuko 'pyantikaṃ bhartur manasā 'cintayat kṣaṇam.
Sanskrit only: no published translation is held for this verse.
"कृत्वा कर्म यथाऽऽदिष्टं पूर्व-कार्याऽविरोधि यः करोत्यभ्यधिकं कृत्यं, तमाहुर् दूतमुत्तमम्।
"kṛtvā karma yathā''diṣṭaṃ pūrva-kāryā'virodhi yaḥ karotyabhyadhikaṃ kṛtyaṃ, tamāhur dūtamuttamam.
Sanskrit only: no published translation is held for this verse.
वैदेहीं दृष्टवान् कर्म कृत्वा ऽन्यैरपि दुष्करम् यशो यास्याम्युपादाता वार्तामाख्यायकः प्रभोः।
vaidehīṃ dṛṣṭavān karma kṛtvā 'nyairapi duṣkaram yaśo yāsyāmyupādātā vārtāmākhyāyakaḥ prabhoḥ.
Sanskrit only: no published translation is held for this verse.
राक्षसेन्द्रस्य संरक्ष्यं मया लव्यमिदं वनम्," इति संचित्य सदृशं नन्दनस्या ऽभवक् कपिः।
rākṣasendrasya saṃrakṣyaṃ mayā lavyamidaṃ vanam," iti saṃcitya sadṛśaṃ nandanasyā 'bhavak kapiḥ.
Sanskrit only: no published translation is held for this verse.
राघवाभ्यां शिवं, दूतस् तयोरहमिति ब्रुवन् हितो भनज्मि रामस्य, कः किं ब्रूते ऽत्र राक्षसः,
rāghavābhyāṃ śivaṃ, dūtas tayorahamiti bruvan hito bhanajmi rāmasya, kaḥ kiṃ brūte 'tra rākṣasaḥ,
Sanskrit only: no published translation is held for this verse.
विलुलित-पुष्प-रेणु-कपिशं प्रशान्त-कलिका-पलाश-कुसुमं कुसुम-निपात-विचित्र-वसुधं स-शब्द-निपतद् द्रुमोत्क-शकुनम् शकुन-निनाद-नादि-ककुब् विलोल-विपलायमान-हरिणं हरिण-विलोचनाऽधिवसतिं बभञ्ज पवनाऽऽत्मजो रिपु-वनम्।
vilulita-puṣpa-reṇu-kapiśaṃ praśānta-kalikā-palāśa-kusumaṃ kusuma-nipāta-vicitra-vasudhaṃ sa-śabda-nipatad drumotka-śakunam śakuna-nināda-nādi-kakub vilola-vipalāyamāna-hariṇaṃ hariṇa-vilocanā'dhivasatiṃ babhañja pavanā''tmajo ripu-vanam.
Sanskrit only: no published translation is held for this verse.