अभिमान-फलं जानन् महत्त्वं कथमुक्तवान् रत्नाऽऽदि-लाभ-शून्य-त्वान् निष्फलं राम-विग्रहम्
abhimāna-phalaṃ jānan mahattvaṃ kathamuktavān ratnā''di-lābha-śūnya-tvān niṣphalaṃ rāma-vigraham
Sanskrit only: no published translation is held for this verse.
Library·Bhatti: Ravanavadha (Bhattikavya)·9
Bhatti: Ravanavadha (Bhattikavya) 9
पर-स्त्री-भोग-हरणं धर्म एव नराऽशिनाम्, मुखमस्तीत्यभाषिष्ठाः, का ? मेसाऽऽशङ्कता त्वयि।
para-strī-bhoga-haraṇaṃ dharma eva narā'śinām, mukhamastītyabhāṣiṣṭhāḥ, kā ? mesā''śaṅkatā tvayi.
Sanskrit only: no published translation is held for this verse.
ब्रूहि दूर-विभिन्नानामृद्धि-शील-क्रियाऽन्वयैः। हनूमन् ! कीदृशं ? सख्यं नर-वानर-रक्षसाम्।
brūhi dūra-vibhinnānāmṛddhi-śīla-kriyā'nvayaiḥ. hanūman ! kīdṛśaṃ ? sakhyaṃ nara-vānara-rakṣasām.
Sanskrit only: no published translation is held for this verse.
एको द्वाभ्यां विराधस् तु जिताभ्याम-विवक्षितः हतश् छलेन मूढोऽयं, तेना ऽपि तव कः ? स्मयः
eko dvābhyāṃ virādhas tu jitābhyāma-vivakṣitaḥ hataś chalena mūḍho'yaṃ, tenā 'pi tava kaḥ ? smayaḥ
Sanskrit only: no published translation is held for this verse.
मन्-नियोगाच् च मारीचः पलायन-परायणः युयुत्सा-रहितो रामं ममारा ऽपहरन् वने।
man-niyogāc ca mārīcaḥ palāyana-parāyaṇaḥ yuyutsā-rahito rāmaṃ mamārā 'paharan vane.
Sanskrit only: no published translation is held for this verse.
निजघाना ऽन्य-संसक्तं सत्यं रामो लता-मृगम् त्वमेव ब्रूहि संचिन्त्य, युक्तं तन् महतां यदि।
nijaghānā 'nya-saṃsaktaṃ satyaṃ rāmo latā-mṛgam tvameva brūhi saṃcintya, yuktaṃ tan mahatāṃ yadi.
Sanskrit only: no published translation is held for this verse.
पुंसा भक्ष्येण बन्धूनामात्मानं रक्षितुं वधः क्षमिष्यते दशाऽऽस्येन, क्व-त्येयं तव दुर्-मतिः।"
puṃsā bhakṣyeṇa bandhūnāmātmānaṃ rakṣituṃ vadhaḥ kṣamiṣyate daśā''syena, kva-tyeyaṃ tava dur-matiḥ."
Sanskrit only: no published translation is held for this verse.
कपिर् जगाद-"दूतो ऽहमुपायं तव दर्शने द्रुम-राक्षस-विध्वंसमकार्षं बुद्धि-पूर्वकम्।
kapir jagāda-"dūto 'hamupāyaṃ tava darśane druma-rākṣasa-vidhvaṃsamakārṣaṃ buddhi-pūrvakam.
Sanskrit only: no published translation is held for this verse.
आ-त्रिकूटमकार्षुर् ये त्वत्-का निर्-जङ्गमं जगत्, दशग्रीव ! कथं ब्रूषे ? तान-वध्याम् मही-पतेः।
ā-trikūṭamakārṣur ye tvat-kā nir-jaṅgamaṃ jagat, daśagrīva ! kathaṃ brūṣe ? tāna-vadhyām mahī-pateḥ.
Sanskrit only: no published translation is held for this verse.
अभिमान-फलं प्रोक्तं यत् त्वया राम-विग्रहे, विनेशुस् तेन शत-शः कुलान्यसुर-रक्षसाम्।
abhimāna-phalaṃ proktaṃ yat tvayā rāma-vigrahe, vineśus tena śata-śaḥ kulānyasura-rakṣasām.
Sanskrit only: no published translation is held for this verse.
यत् स्व-धर्मम-धर्मं त्वं दुर्-बलं प्रत्यपद्यथाः रिपौ रामे च निः-शङ्को, नैतत् क्षेमंकरं चिरम्
yat sva-dharmama-dharmaṃ tvaṃ dur-balaṃ pratyapadyathāḥ ripau rāme ca niḥ-śaṅko, naitat kṣemaṃkaraṃ ciram
Sanskrit only: no published translation is held for this verse.
अन्वयाऽऽदि-विभिन्नानां यथा सख्यमनीप्सितम् नैषीर्, विरोधमप्येवं सार्धं पुरुष-वानरैः।
anvayā''di-vibhinnānāṃ yathā sakhyamanīpsitam naiṣīr, virodhamapyevaṃ sārdhaṃ puruṣa-vānaraiḥ.
Sanskrit only: no published translation is held for this verse.
विराधं तपसां विघ्नं जघान विजितो यदि वरो धनुर्-भृतां रामः, स कथं न विवक्षितः ?
virādhaṃ tapasāṃ vighnaṃ jaghāna vijito yadi varo dhanur-bhṛtāṃ rāmaḥ, sa kathaṃ na vivakṣitaḥ ?
Sanskrit only: no published translation is held for this verse.
प्रणश्यन्नपि ना ऽशक्नोदत्येतुं बाण-गोचरम् त्वयैवोक्तं महा-मायो मारीचो राम-हस्तिनः।
praṇaśyannapi nā 'śaknodatyetuṃ bāṇa-gocaram tvayaivoktaṃ mahā-māyo mārīco rāma-hastinaḥ.
Sanskrit only: no published translation is held for this verse.
अन्याऽऽसक्तस्य यद् वीर्यं न त्वं स्मरसि वालिनः मूर्च्छा-वान् नमतः संध्यां ध्रुवं तद् बाहु-पीडितः।
anyā''saktasya yad vīryaṃ na tvaṃ smarasi vālinaḥ mūrcchā-vān namataḥ saṃdhyāṃ dhruvaṃ tad bāhu-pīḍitaḥ.
Sanskrit only: no published translation is held for this verse.
अ-सद्-बन्धु-विधोपज्ञं विमुञ्च बलि-विग्रहम्, सीतामर्पय नन्तव्ये कोश-दण्डाऽऽत्म-भूमिभिः।"
a-sad-bandhu-vidhopajñaṃ vimuñca bali-vigraham, sītāmarpaya nantavye kośa-daṇḍā''tma-bhūmibhiḥ."
Sanskrit only: no published translation is held for this verse.
स्फुट-परुषम-सह्यमित्थमुच्चैः सदसि मरुत्-तनयेन भाष्यमाणः परिजनमभितो विलोक्य दाहं दश-वदनः प्रदिदेश वानरस्य।
sphuṭa-paruṣama-sahyamitthamuccaiḥ sadasi marut-tanayena bhāṣyamāṇaḥ parijanamabhito vilokya dāhaṃ daśa-vadanaḥ pradideśa vānarasya.
Sanskrit only: no published translation is held for this verse.