Ksemendra: Bharatamanjari 18

॥स्वर्गपर्व॥ नारायणं नमस्कृत्य नरं चैव नरोत्तमम् । देवीं सरस्वतीं व्यासं ततो जयमुदीरयेत्

//svargaparva// nārāyaṇaṃ namaskṛtya naraṃ caiva narottamam / devīṃ sarasvatīṃ vyāsaṃ tato jayamudīrayet

Sanskrit only: no published translation is held for this verse.

ततः स्वर्गश्रिया जुष्टं भ्राजिष्णुमुकुटाङ्गदम् । ददर्श शक्रसंकाशं कुरुराजं युधिष्ठिरः

tataḥ svargaśriyā juṣṭaṃ bhrājiṣṇumukuṭāṅgadam / dadarśa śakrasaṃkāśaṃ kururājaṃ yudhiṣṭhiraḥ

Sanskrit only: no published translation is held for this verse.

तं वीक्ष्य सानुजं तत्र जातमन्युः शतक्रतुम् । उवाच स्वस्ति देवेभ्यः स्वर्गायास्त्वयमञ्जलिः

taṃ vīkṣya sānujaṃ tatra jātamanyuḥ śatakratum / uvāca svasti devebhyaḥ svargāyāstvayamañjaliḥ

Sanskrit only: no published translation is held for this verse.

यत्र दुर्योधनः पापः पृथिवीक्षयकारणम् । सुमेरुकूटविकटे विभाति परमासने

yatra duryodhanaḥ pāpaḥ pṛthivīkṣayakāraṇam / sumerukūṭavikaṭe vibhāti paramāsane

Sanskrit only: no published translation is held for this verse.

न तत्र मम वासो ऽस्ति व्रजाम्येष नमो ऽस्तु ते । यत्र मे भ्रातरः शूरास्तत्र वासो ममाधुना

na tatra mama vāso 'sti vrajāmyeṣa namo 'stu te / yatra me bhrātaraḥ śūrāstatra vāso mamādhunā

Sanskrit only: no published translation is held for this verse.

इति राज्ञो ब्रुवाणस्य देवदूतं सुरास्ततः । भ्रातॄन्प्रति प्रयाहीति प्राहुर्वायुमनोजवम्

iti rājño bruvāṇasya devadūtaṃ surāstataḥ / bhrātṝnprati prayāhīti prāhurvāyumanojavam

Sanskrit only: no published translation is held for this verse.

स देवदूतादिष्टेन व्रजन्सपदि वर्त्मना । ददर्श पुरुषान्घोरान्नरकान्तरवर्तिनः

sa devadūtādiṣṭena vrajansapadi vartmanā / dadarśa puruṣānghorānnarakāntaravartinaḥ

Sanskrit only: no published translation is held for this verse.

केशशोणितमांसासृग्वसासंघातपिच्छिले । प्रक्लिन्नानेककुणपव्याकीर्णकृमिसंकुले

keśaśoṇitamāṃsāsṛgvasāsaṃghātapicchile / praklinnānekakuṇapavyākīrṇakṛmisaṃkule

Sanskrit only: no published translation is held for this verse.

काककङ्कबकोलूकवदनैरभितो वृते । शवदुर्गन्धनीरन्ध्रसंघट्टशतसंकुले

kākakaṅkabakolūkavadanairabhito vṛte / śavadurgandhanīrandhrasaṃghaṭṭaśatasaṃkule

Sanskrit only: no published translation is held for this verse.

करपत्त्रशिलापाकसंतप्तसिकतातटे । लोहितैलवसाकुम्भकूटशल्मलिदारुणे

karapattraśilāpākasaṃtaptasikatātaṭe / lohitailavasākumbhakūṭaśalmalidāruṇe

Sanskrit only: no published translation is held for this verse.

क्षुरकण्टककीलोग्रज्वालास्तम्भविभीषणे । तप्तवैतरणीविस्रपूयपूरितसैकते

kṣurakaṇṭakakīlograjvālāstambhavibhīṣaṇe / taptavaitaraṇīvisrapūyapūritasaikate

Sanskrit only: no published translation is held for this verse.

असिपत्रवनोत्कृत्तनरनारीकृतस्वने । घोरान्धकारगहने तत्र शुश्राव धर्मजः

asipatravanotkṛttanaranārīkṛtasvane / ghorāndhakāragahane tatra śuśrāva dharmajaḥ

Sanskrit only: no published translation is held for this verse.

पापिनां क्वाथ्यमानानामाक्रन्दं धृतिदारुणम् । क्षणमेकमितो राजन्मा निवर्तस्व शीतलैः

pāpināṃ kvāthyamānānāmākrandaṃ dhṛtidāruṇam / kṣaṇamekamito rājanmā nivartasva śītalaiḥ

Sanskrit only: no published translation is held for this verse.

त्वत्पुण्यवातैः स्पृष्टानामस्माकं बाधते तमः । वयं भीमप्रभृतयः पाण्डवा भ्रातरस्तव

tvatpuṇyavātaiḥ spṛṣṭānāmasmākaṃ bādhate tamaḥ / vayaṃ bhīmaprabhṛtayaḥ pāṇḍavā bhrātarastava

Sanskrit only: no published translation is held for this verse.

कृष्णा चेयं वरारोहा महिषी वल्लभा सती । श्रुत्वैतत्करुणं राजा वज्रेणेव विदारितः

kṛṣṇā ceyaṃ varārohā mahiṣī vallabhā satī / śrutvaitatkaruṇaṃ rājā vajreṇeva vidāritaḥ

Sanskrit only: no published translation is held for this verse.

तत्रैव तस्थौ निर्द्वन्द्वो निन्दन्दुर्ललितं विधेः । सो ऽवदद्बत देवानामविचारहतैव धीः

tatraiva tasthau nirdvandvo nindandurlalitaṃ vidheḥ / so 'vadadbata devānāmavicārahataiva dhīḥ

Sanskrit only: no published translation is held for this verse.

यैरेत धर्मनिरताः क्लेशे ऽस्मिन्समुपेक्षिताः । अयं मोहः प्रसादो वा विवेको नायमीदृशः

yaireta dharmaniratāḥ kleśe 'sminsamupekṣitāḥ / ayaṃ mohaḥ prasādo vā viveko nāyamīdṛśaḥ

Sanskrit only: no published translation is held for this verse.

विबुधानां न जानन्ति ये धर्मस्य व्यतिक्रमम् । भ्रमः स्वप्नो ऽथ मायेयं किमेतदिति चिन्तयन्

vibudhānāṃ na jānanti ye dharmasya vyatikramam / bhramaḥ svapno 'tha māyeyaṃ kimetaditi cintayan

Sanskrit only: no published translation is held for this verse.

देवदूत न जानामि कस्येदं दुर्विचेष्टते । इहैवाहं स्थितो गच्छ न मे स्वर्गेण कारणम्

devadūta na jānāmi kasyedaṃ durviceṣṭate / ihaivāhaṃ sthito gaccha na me svargeṇa kāraṇam

Sanskrit only: no published translation is held for this verse.

पूज्यन्ते यत्र दुर्वृत्ता विशस्यन्ते नु साधवः । इत्युक्तो धर्मराजेन देवदूतः सुराधिपम्

pūjyante yatra durvṛttā viśasyante nu sādhavaḥ / ityukto dharmarājena devadūtaḥ surādhipam

Sanskrit only: no published translation is held for this verse.

गत्वा व्यजिज्ञपत्सर्वं स च तूष्णीं समाययौ । प्राप्ते सुराधिपे तत्र सह धर्मादिभिः सुरैः

gatvā vyajijñapatsarvaṃ sa ca tūṣṇīṃ samāyayau / prāpte surādhipe tatra saha dharmādibhiḥ suraiḥ

Sanskrit only: no published translation is held for this verse.

नादृश्यताशुभं किंचिद्ववौ पुण्यश्च मारुतः । ततो ऽब्रवीत्सुरपतिर्विष्णं धर्मनन्दनम्

nādṛśyatāśubhaṃ kiṃcidvavau puṇyaśca mārutaḥ / tato 'bravītsurapatirviṣṇaṃ dharmanandanam

Sanskrit only: no published translation is held for this verse.

असत्यमेतन्नायेयं मयैवेह प्रदर्शिता । एतदालोकनं राज्ञामवश्यं मिश्रकर्मणाम्

asatyametannāyeyaṃ mayaiveha pradarśitā / etadālokanaṃ rājñāmavaśyaṃ miśrakarmaṇām

Sanskrit only: no published translation is held for this verse.

असत्यलेशसंस्पर्शादेतद्द्रोणवधात्तव । एहि पश्य निजान्भ्रातॄन्दिव्यं स्वपदमाश्रितान्

asatyaleśasaṃsparśādetaddroṇavadhāttava / ehi paśya nijānbhrātṝndivyaṃ svapadamāśritān

Sanskrit only: no published translation is held for this verse.

स्वर्गश्रियं च पाञ्चालीं पुत्रांश्चामरतां गतान् । इत्युक्ते देवराजेन वीतशोकी युधिष्ठिरः

svargaśriyaṃ ca pāñcālīṃ putrāṃścāmaratāṃ gatān / ityukte devarājena vītaśokī yudhiṣṭhiraḥ

Sanskrit only: no published translation is held for this verse.

स्नात्वा धर्मगिरा स्वर्गगङ्गाम्भसि नभःप्रभे । उत्सृज्य मानुषं भावं पुण्यां सुरसभां ययौ

snātvā dharmagirā svargagaṅgāmbhasi nabhaḥprabhe / utsṛjya mānuṣaṃ bhāvaṃ puṇyāṃ surasabhāṃ yayau

Sanskrit only: no published translation is held for this verse.

अप्सरोनृत्तललितान्गायन्गन्धर्वकिंनरान् । तत्र स्वपदमारूढानपश्यदनुजान्निजान्

apsaronṛttalalitāngāyangandharvakiṃnarān / tatra svapadamārūḍhānapaśyadanujānnijān

Sanskrit only: no published translation is held for this verse.

मण्डले च रवेः कर्णं स्वयमिन्द्रेण दर्शितम् । अभिभन्युं च रुचिराकारनिर्जितमन्मथम्

maṇḍale ca raveḥ karṇaṃ svayamindreṇa darśitam / abhibhanyuṃ ca rucirākāranirjitamanmatham

Sanskrit only: no published translation is held for this verse.

वर्चोभिधानं सोमस्य तं सुतं सोममण्डले । गन्धर्वराजं साक्षाच्च धृतराष्ट्रं जनेश्वरम्

varcobhidhānaṃ somasya taṃ sutaṃ somamaṇḍale / gandharvarājaṃ sākṣācca dhṛtarāṣṭraṃ janeśvaram

Sanskrit only: no published translation is held for this verse.

वसुं शान्तनवं भीष्मं गुरुं द्रोणं बृहस्पतिम् । नारायणं च विश्वेशं शङ्खचक्रगदाधरम्

vasuṃ śāntanavaṃ bhīṣmaṃ guruṃ droṇaṃ bṛhaspatim / nārāyaṇaṃ ca viśveśaṃ śaṅkhacakragadādharam

Sanskrit only: no published translation is held for this verse.

यदंशा भुवि ये जातास्तांश्च दृष्ट्वा तदाश्रयान् । आससाद सदानन्दं वन्द्यं नन्दनवासिनाम् । धर्मसूनुर्निधिर्धाम्नां हरिश्चन्द्रोचितं पदम्

yadaṃśā bhuvi ye jātāstāṃśca dṛṣṭvā tadāśrayān / āsasāda sadānandaṃ vandyaṃ nandanavāsinām / dharmasūnurnidhirdhāmnāṃ hariścandrocitaṃ padam

Sanskrit only: no published translation is held for this verse.

अथ नहुषदिलीपधुन्धुमारसगरभगीरथरामकार्तवीर्यैः । नृपतिभिरभितो ऽभिवन्द्यमानः सितचरितः स रराज राजचन्द्रः

atha nahuṣadilīpadhundhumārasagarabhagīratharāmakārtavīryaiḥ / nṛpatibhirabhito 'bhivandyamānaḥ sitacaritaḥ sa rarāja rājacandraḥ

Sanskrit only: no published translation is held for this verse.

श्रुत्वेति भारतकथां वैशम्पायनकीर्तिताम् । संपन्नसर्पसत्रो ऽभून्निर्वृत्तो जनमेजयः

śrutveti bhāratakathāṃ vaiśampāyanakīrtitām / saṃpannasarpasatro 'bhūnnirvṛtto janamejayaḥ

Sanskrit only: no published translation is held for this verse.

एतत्सूतेन कथितं नैमिषारण्यवासिनः । निशम्य शौनकमुखास्तस्थुरानन्दनिर्भराः

etatsūtena kathitaṃ naimiṣāraṇyavāsinaḥ / niśamya śaunakamukhāstasthurānandanirbharāḥ

Sanskrit only: no published translation is held for this verse.