Ksemendra: Bharatamanjari 8

दिव्यास्त्रवर्षिणं द्रौणिं दिव्यास्त्रेणैव फल्गुणः । जित्वा ददर्श कर्णेन वध्यमानान्महारथान्

divyāstravarṣiṇaṃ drauṇiṃ divyāstreṇaiva phalguṇaḥ / jitvā dadarśa karṇena vadhyamānānmahārathān

Sanskrit only: no published translation is held for this verse.

तमब्रवीन्मधुरिपुर्विस्मितः कर्णाविक्रमात् । पश्य कौन्तेय कर्णास्त्रवह्निदग्धां वरूथिनीम्

tamabravīnmadhuripurvismitaḥ karṇāvikramāt / paśya kaunteya karṇāstravahnidagdhāṃ varūthinīm

Sanskrit only: no published translation is held for this verse.

पश्य कालकटाक्षेण लक्षितः सूतनन्दनः । कटाक्षेण मदाध्मातः सारथ्ये मां यदैक्षत

paśya kālakaṭākṣeṇa lakṣitaḥ sūtanandanaḥ / kaṭākṣeṇa madādhmātaḥ sārathye māṃ yadaikṣata

Sanskrit only: no published translation is held for this verse.

क्षणेन निखिलां स्यूतां तां सेनां कुरुते नृपः । पश्यास्य शरजालेन नीरन्ध्रेणावृता दिशः

kṣaṇena nikhilāṃ syūtāṃ tāṃ senāṃ kurute nṛpaḥ / paśyāsya śarajālena nīrandhreṇāvṛtā diśaḥ

Sanskrit only: no published translation is held for this verse.

इत्युक्त्वा केशवस्तूर्णं रथेन घननादिना । निनाय शक्रतनयं भीमसेनरथान्तिकम्

ityuktvā keśavastūrṇaṃ rathena ghananādinā / nināya śakratanayaṃ bhīmasenarathāntikam

Sanskrit only: no published translation is held for this verse.

ततो भीमगिरा ध्यात्वा धर्मराजं धनंजयः । कर्णसायकनिर्भिन्नं प्रयातं शिबिरं शनैः

tato bhīmagirā dhyātvā dharmarājaṃ dhanaṃjayaḥ / karṇasāyakanirbhinnaṃ prayātaṃ śibiraṃ śanaiḥ

Sanskrit only: no published translation is held for this verse.

निःश्वसन्भृशसंतप्तः केसरीव तलाहतः । प्रययौ भ्रातरं द्रष्टुं सह कालियविद्विषा

niḥśvasanbhṛśasaṃtaptaḥ kesarīva talāhataḥ / prayayau bhrātaraṃ draṣṭuṃ saha kāliyavidviṣā

Sanskrit only: no published translation is held for this verse.

स हेमपुङ्खैर्निर्भिन्नं कर्णनामाङ्कितैः शरैः । शयानं धर्मतनयं ददर्श च्छिन्नकङ्कटम्

sa hemapuṅkhairnirbhinnaṃ karṇanāmāṅkitaiḥ śaraiḥ / śayānaṃ dharmatanayaṃ dadarśa cchinnakaṅkaṭam

Sanskrit only: no published translation is held for this verse.

तस्याभिवाद्य चरणौ निषण्णौ केशवार्जुनौ । चिन्तासंतापिततनू तस्थतुः क्षणमाकुलौ

tasyābhivādya caraṇau niṣaṇṇau keśavārjunau / cintāsaṃtāpitatanū tasthatuḥ kṣaṇamākulau

Sanskrit only: no published translation is held for this verse.

युधिष्ठिरस्तं विज्ञाय कर्णं हत्वा समागतम् । उत्थाय निर्व्यथो हर्षाज्जयादपृथुविस्मयः

yudhiṣṭhirastaṃ vijñāya karṇaṃ hatvā samāgatam / utthāya nirvyatho harṣājjayādapṛthuvismayaḥ

Sanskrit only: no published translation is held for this verse.

प्रायो निःशेषिताः सेना येनास्त्रदहनेन नः । स दिष्ट्या समरे पार्थ त्वया कर्णो निपातितः

prāyo niḥśeṣitāḥ senā yenāstradahanena naḥ / sa diṣṭyā samare pārtha tvayā karṇo nipātitaḥ

Sanskrit only: no published translation is held for this verse.

वीराः स विद्विषां हन्ता धौरेयः सर्वधन्विनाम् । रामशिष्यस्त्वया ब्रूहि कथं वैकर्तनो हतः

vīrāḥ sa vidviṣāṃ hantā dhaureyaḥ sarvadhanvinām / rāmaśiṣyastvayā brūhi kathaṃ vaikartano hataḥ

Sanskrit only: no published translation is held for this verse.

इति पृष्टो नृपतिना बभाषे श्वेतवाहनः । युध्यमानस्य सुचिरं द्रौणिना रुद्रतेजसा

iti pṛṣṭo nṛpatinā babhāṣe śvetavāhanaḥ / yudhyamānasya suciraṃ drauṇinā rudratejasā

Sanskrit only: no published translation is held for this verse.

संशप्तकैश्च विघनो ऽभून्मम कर्णनिपातने । भीमसेनमवस्थाप्य प्रत्यनीके महाभुजम्

saṃśaptakaiśca vighano 'bhūnmama karṇanipātane / bhīmasenamavasthāpya pratyanīke mahābhujam

Sanskrit only: no published translation is held for this verse.

प्रहारविक्षतं देव त्वामहं द्रष्टुमागतः । अधुना त्वदनुज्ञातः कौरवाणां परायणम्

prahāravikṣataṃ deva tvāmahaṃ draṣṭumāgataḥ / adhunā tvadanujñātaḥ kauravāṇāṃ parāyaṇam

Sanskrit only: no published translation is held for this verse.

कथाशेषं करो ऽप्येष कर्णं कर्णायतैः शरैः । इति ब्रुवाणं बिभत्सुं मोघसंकल्पदुःखितः

kathāśeṣaṃ karo 'pyeṣa karṇaṃ karṇāyataiḥ śaraiḥ / iti bruvāṇaṃ bibhatsuṃ moghasaṃkalpaduḥkhitaḥ

Sanskrit only: no published translation is held for this verse.

उवाच सायकाकीर्णः कोपतप्तो युधिष्ठिरः । भारं विन्यस्य विपुलं भीमसेने धनुर्धरः

uvāca sāyakākīrṇaḥ kopatapto yudhiṣṭhiraḥ / bhāraṃ vinyasya vipulaṃ bhīmasene dhanurdharaḥ

Sanskrit only: no published translation is held for this verse.

अपयातो ऽसि कर्णस्य सत्यं दृष्ट्वा पराक्रमम् । मिथ्यैव कुन्त्या गर्भे त्वं क्षत्रियव्यञ्जनो धृतः

apayāto 'si karṇasya satyaṃ dṛṣṭvā parākramam / mithyaiva kuntyā garbhe tvaṃ kṣatriyavyañjano dhṛtaḥ

Sanskrit only: no published translation is held for this verse.

पूरकः पुत्रसंख्यायां बाणस्तृणमयो यथा । त्रयोदश समास्ते ते संकल्पा विहितास्त्वयि

pūrakaḥ putrasaṃkhyāyāṃ bāṇastṛṇamayo yathā / trayodaśa samāste te saṃkalpā vihitāstvayi

Sanskrit only: no published translation is held for this verse.

सर्वे प्रयाता वैफल्यमुपकारा इवाधमे । क एव नाम जानीते कर्णाद्भीतो धनंजयः

sarve prayātā vaiphalyamupakārā ivādhame / ka eva nāma jānīte karṇādbhīto dhanaṃjayaḥ

Sanskrit only: no published translation is held for this verse.

अपयास्यति संग्रामाद्यो वर्तेत तथा विधिम् । एतत्प्रयच्छ कस्मैचिद्गाण्डीवं शौर्यशालिने

apayāsyati saṃgrāmādyo varteta tathā vidhim / etatprayaccha kasmaicidgāṇḍīvaṃ śauryaśāline

Sanskrit only: no published translation is held for this verse.

समरे कर्णसंत्रासं यो ऽस्माकमपनेष्यति । एतदाकर्ण्य बीभत्सुर्मर्मणीव समाहतः

samare karṇasaṃtrāsaṃ yo 'smākamapaneṣyati / etadākarṇya bībhatsurmarmaṇīva samāhataḥ

Sanskrit only: no published translation is held for this verse.

एतद्गिरा ददौ खड्गे क्रुद्धः साश्रुलवा दृशः । तं कोपसंकटो घोरे दुःखाग्नौ च निरन्तरे

etadgirā dadau khaḍge kruddhaḥ sāśrulavā dṛśaḥ / taṃ kopasaṃkaṭo ghore duḥkhāgnau ca nirantare

Sanskrit only: no published translation is held for this verse.

पतितं वीक्ष्य गोविन्दः सर्वव्यापी तमभ्यधात् । जाने ते हृद्गतं पार्थ येन दोलायसे मुहुः

patitaṃ vīkṣya govindaḥ sarvavyāpī tamabhyadhāt / jāne te hṛdgataṃ pārtha yena dolāyase muhuḥ

Sanskrit only: no published translation is held for this verse.

गाण्डीवं वितरान्यस्मै त्वां ब्रूयाद्यः स ते ध्रुवम् । वध्य इत्युचिताचार प्रतिज्ञा तव विश्रुता

gāṇḍīvaṃ vitarānyasmai tvāṃ brūyādyaḥ sa te dhruvam / vadhya ityucitācāra pratijñā tava viśrutā

Sanskrit only: no published translation is held for this verse.

तदर्थमसि कोपान्धो निहन्तुं किंस्विदग्रजम् । आत्मानं वा व्रतभ्रंशभयात्खङ्गं निरीक्षसे

tadarthamasi kopāndho nihantuṃ kiṃsvidagrajam / ātmānaṃ vā vratabhraṃśabhayātkhaṅgaṃ nirīkṣase

Sanskrit only: no published translation is held for this verse.

श्रुयतामत्र सत्येन केवलेन विमुह्यसे । धर्माधर्मौ न जानीषे सत्यमात्रदृढव्रतः

śruyatāmatra satyena kevalena vimuhyase / dharmādharmau na jānīṣe satyamātradṛḍhavrataḥ

Sanskrit only: no published translation is held for this verse.

असत्यं धर्मतां याति सत्यमायात्यधर्मताम् । कदाचित्कर्मभेदेन तद्विचार्यं धिया बुधैः

asatyaṃ dharmatāṃ yāti satyamāyātyadharmatām / kadācitkarmabhedena tadvicāryaṃ dhiyā budhaiḥ

Sanskrit only: no published translation is held for this verse.

धर्मो ऽपि गहनः सूक्ष्मो ज्ञायते न यथा तथा । पुरा बभूव विपिने बलाको नाम लुब्धकः

dharmo 'pi gahanaḥ sūkṣmo jñāyate na yathā tathā / purā babhūva vipine balāko nāma lubdhakaḥ

Sanskrit only: no published translation is held for this verse.

घोरसत्त्वं कदाचित्स गोब्राह्मणगणान्तकम् । हत्वा शरेण सहसा शक्रलोकमवाप्तवान्

ghorasattvaṃ kadācitsa gobrāhmaṇagaṇāntakam / hatvā śareṇa sahasā śakralokamavāptavān

Sanskrit only: no published translation is held for this verse.

कौशिको नाम विप्रः प्राक्सत्यवाक्यकृतव्रतः । विद्रुतान्धनिकान्पृष्टो दस्युभिः क्व गता इति

kauśiko nāma vipraḥ prāksatyavākyakṛtavrataḥ / vidrutāndhanikānpṛṣṭo dasyubhiḥ kva gatā iti

Sanskrit only: no published translation is held for this verse.

अदर्शयत्सत्यवादी स तान्गुणदयाश्रयान् । दृष्टांश्च दस्यवो जघ्नुस्तूर्णं तान्द्रविणाशया

adarśayatsatyavādī sa tānguṇadayāśrayān / dṛṣṭāṃśca dasyavo jaghnustūrṇaṃ tāndraviṇāśayā

Sanskrit only: no published translation is held for this verse.

कौशिको ऽप्यथ कालेन पतितो नरकं ययौ । इत्येवं गहना पार्थ प्रवृत्तिः सत्यधर्मयोः

kauśiko 'pyatha kālena patito narakaṃ yayau / ityevaṃ gahanā pārtha pravṛttiḥ satyadharmayoḥ

Sanskrit only: no published translation is held for this verse.

तस्मात्त्वमग्रजे राज्ञि धर्मनिष्ठे युधिष्ठिरे । मोहादसांप्रतं किंचिन्न चिन्तयितुमर्हसि

tasmāttvamagraje rājñi dharmaniṣṭhe yudhiṣṭhire / mohādasāṃprataṃ kiṃcinna cintayitumarhasi

Sanskrit only: no published translation is held for this verse.

श्रुत्वैतत्खड्गमाकृष्य हन्तुमात्मानमुद्यतम् । प्रतिज्ञाभङ्गनिर्भिन्नं पार्थं कृष्णो ऽब्रवीत्पुनः

śrutvaitatkhaḍgamākṛṣya hantumātmānamudyatam / pratijñābhaṅganirbhinnaṃ pārthaṃ kṛṣṇo 'bravītpunaḥ

Sanskrit only: no published translation is held for this verse.

अवमानेन निहतो गुरुर्भवति सर्वथा । भवत्यात्मा च निहतः श्लाघया गुरुसंसदि

avamānena nihato gururbhavati sarvathā / bhavatyātmā ca nihataḥ ślāghayā gurusaṃsadi

Sanskrit only: no published translation is held for this verse.

रक्षन्प्रतिज्ञामज्ञानं निरस्य क्रोधसंभवम् । तस्मादेतद्वधायाद्य निवृत्तो भव फल्गुण

rakṣanpratijñāmajñānaṃ nirasya krodhasaṃbhavam / tasmādetadvadhāyādya nivṛtto bhava phalguṇa

Sanskrit only: no published translation is held for this verse.

इत्युक्तवति दाशार्हे तथेत्युक्त्वा धनंजयः । भीरुः प्रमादी क्रूरस्त्वमित्युवाच युधिष्ठिरम्

ityuktavati dāśārhe tathetyuktvā dhanaṃjayaḥ / bhīruḥ pramādī krūrastvamityuvāca yudhiṣṭhiram

Sanskrit only: no published translation is held for this verse.

मयैकेन हताः सर्वे संहता दैत्यदानवाः । धुर्यो ऽहं कार्मुकभृतामित्यात्मानमुवाच च

mayaikena hatāḥ sarve saṃhatā daityadānavāḥ / dhuryo 'haṃ kārmukabhṛtāmityātmānamuvāca ca

Sanskrit only: no published translation is held for this verse.

ततो धर्मसुतं दुःखात्काननं गन्तुमुद्यतम् । यत्नात्प्रसादयामास गृहीत्वा चरणौ हरिः

tato dharmasutaṃ duḥkhātkānanaṃ gantumudyatam / yatnātprasādayāmāsa gṛhītvā caraṇau hariḥ

Sanskrit only: no published translation is held for this verse.

पार्थं च पादपतितं साश्रुनेत्रं युधिष्ठिरः । रुरोध गाढमालिङ्ग्य विगलन्मन्युविप्लवः

pārthaṃ ca pādapatitaṃ sāśrunetraṃ yudhiṣṭhiraḥ / rurodha gāḍhamāliṅgya vigalanmanyuviplavaḥ

Sanskrit only: no published translation is held for this verse.

कृतशौचौ ततो वीरौ धर्मराजधनंजयौ । रथावारुह्य संनद्धौ जग्मतुः समराङ्गणम्

kṛtaśaucau tato vīrau dharmarājadhanaṃjayau / rathāvāruhya saṃnaddhau jagmatuḥ samarāṅgaṇam

Sanskrit only: no published translation is held for this verse.

अथार्जुनशरव्रातकृत्तवक्त्रैर्नरेश्वरैः । क्षणं बभूव पतितैः सा कबन्धमयीव भूः

athārjunaśaravrātakṛttavaktrairnareśvaraiḥ / kṣaṇaṃ babhūva patitaiḥ sā kabandhamayīva bhūḥ

Sanskrit only: no published translation is held for this verse.

अत्रान्तरे भीमसेनो हत्वा दुर्योधनानुजान् । दुःशासनं युध्यमानमाससादेभविक्रमम्

atrāntare bhīmaseno hatvā duryodhanānujān / duḥśāsanaṃ yudhyamānamāsasādebhavikramam

Sanskrit only: no published translation is held for this verse.

निष्पिष्य गदया तस्य रथं साश्वायुधध्वजम् । आचकर्ष रणे ध्वस्तं तं हिडिम्बापतिर्बलात्

niṣpiṣya gadayā tasya rathaṃ sāśvāyudhadhvajam / ācakarṣa raṇe dhvastaṃ taṃ hiḍimbāpatirbalāt

Sanskrit only: no published translation is held for this verse.

प्रियापरिभवं घोरं स्मरन्नथ वृकोदरः । प्रकोपराक्षसाविष्टः कोष्णं शोणितमापपौ

priyāparibhavaṃ ghoraṃ smarannatha vṛkodaraḥ / prakoparākṣasāviṣṭaḥ koṣṇaṃ śoṇitamāpapau

Sanskrit only: no published translation is held for this verse.

घोरं तत्कर्म भीमस्य दृष्ट्वा स्रस्तासिकार्मुकाः । त्रस्ता महारथाः सर्वे मीलिताक्षाकम्पिरे

ghoraṃ tatkarma bhīmasya dṛṣṭvā srastāsikārmukāḥ / trastā mahārathāḥ sarve mīlitākṣākampire

Sanskrit only: no published translation is held for this verse.

असृक्प्रसरगर्वितः पुलकदण्डगण्डाननो मदादतिविशृङ्खलः स्खलितपादचारक्रमः । बभौ भयदविभ्रमभ्रमितभीमभास्वद्गदः प्रियाचिकुरसंयमोद्यतमतिः समीरात्मजः

asṛkprasaragarvitaḥ pulakadaṇḍagaṇḍānano madādativiśṛṅkhalaḥ skhalitapādacārakramaḥ / babhau bhayadavibhramabhramitabhīmabhāsvadgadaḥ priyācikurasaṃyamodyatamatiḥ samīrātmajaḥ

Sanskrit only: no published translation is held for this verse.

अपूर्वेणैव विधिना हते दुःशासने तथा । महतामपि भूतानामभूत्कण्टकिता तनुः

apūrveṇaiva vidhinā hate duḥśāsane tathā / mahatāmapi bhūtānāmabhūtkaṇṭakitā tanuḥ

Sanskrit only: no published translation is held for this verse.

अत्रान्तरे पाण्डवानां वृषसेनशरार्दिते । सैन्ये बभूव निर्घोषः पततां गजवाजिनाम्

atrāntare pāṇḍavānāṃ vṛṣasenaśarārdite / sainye babhūva nirghoṣaḥ patatāṃ gajavājinām

Sanskrit only: no published translation is held for this verse.

संहता अपि भूपाला भीमसात्यकिरक्षिताः । न सेहिरे रणे दीप्तं कर्णसूनोः पराक्रमम्

saṃhatā api bhūpālā bhīmasātyakirakṣitāḥ / na sehire raṇe dīptaṃ karṇasūnoḥ parākramam

Sanskrit only: no published translation is held for this verse.

स सात्यकिं भीमसेनं माद्रीपुत्रौ किरीटिनम् । धृष्टद्युम्नं नृपाश्चान्यान्वीरस्तुल्यमयोधयत्

sa sātyakiṃ bhīmasenaṃ mādrīputrau kirīṭinam / dhṛṣṭadyumnaṃ nṛpāścānyānvīrastulyamayodhayat

Sanskrit only: no published translation is held for this verse.

आश्चर्ययोधिनस्तस्य स्मयमान इवार्जुनः । भुजौ शिरश्च चिच्छेद कमलाकमलोपमम्

āścaryayodhinastasya smayamāna ivārjunaḥ / bhujau śiraśca ciccheda kamalākamalopamam

Sanskrit only: no published translation is held for this verse.

वृषसेने हते कर्णः पुरो गाण्डीवधन्वना । सस्मार साश्रुनयनः सौभद्रं बहुभिर्हतम्

vṛṣasene hate karṇaḥ puro gāṇḍīvadhanvanā / sasmāra sāśrunayanaḥ saubhadraṃ bahubhirhatam

Sanskrit only: no published translation is held for this verse.

अथामर्षाज्यसिक्तेन भ्रुकुटीधूमकेतुना । क्रोधाग्निना दह्यमानः कर्णो ऽधावद्धनंजयम्

athāmarṣājyasiktena bhrukuṭīdhūmaketunā / krodhāgninā dahyamānaḥ karṇo 'dhāvaddhanaṃjayam

Sanskrit only: no published translation is held for this verse.

मनोरथशताभ्यस्ते प्रवृत्ते समरे तयोः । बभूव कौतुकायातसुरसिद्धाकुलं नभः

manorathaśatābhyaste pravṛtte samare tayoḥ / babhūva kautukāyātasurasiddhākulaṃ nabhaḥ

Sanskrit only: no published translation is held for this verse.

पृष्टो द्विधा स्थितैर्देवैर्वृषाङ्ककमलोद्भवौ । कृष्णो यत्र जयस्तत्रेत्यूचतुर्निश्चितं पुरा

pṛṣṭo dvidhā sthitairdevairvṛṣāṅkakamalodbhavau / kṛṣṇo yatra jayastatretyūcaturniścitaṃ purā

Sanskrit only: no published translation is held for this verse.

अथ गम्भीरनिर्घोषौ शङ्खौ कर्णकिरीटिनौ । दध्मतुः शौरिशल्यौ च यैश्चकम्पे जगत्त्रयी

atha gambhīranirghoṣau śaṅkhau karṇakirīṭinau / dadhmatuḥ śauriśalyau ca yaiścakampe jagattrayī

Sanskrit only: no published translation is held for this verse.

ततो धवलपक्षाग्राः स्वयशोभिरिवाङ्किताः । वैकर्तनः पाण्डवाय प्राहिणोद्विशिखावलीः

tato dhavalapakṣāgrāḥ svayaśobhirivāṅkitāḥ / vaikartanaḥ pāṇḍavāya prāhiṇodviśikhāvalīḥ

Sanskrit only: no published translation is held for this verse.

पार्थध्वजेनाभिहतः कर्णकेतुरकम्पत । कृष्णस्य दृक्त्रिभागश्च शल्यं शल्यमिवाविशत्

pārthadhvajenābhihataḥ karṇaketurakampata / kṛṣṇasya dṛktribhāgaśca śalyaṃ śalyamivāviśat

Sanskrit only: no published translation is held for this verse.

अथार्जुनशरैर्दिक्षु पूर्यमाणासु संततम् । बाणपातमतिक्रम्य तस्थुः कौरवसैनिकाः

athārjunaśarairdikṣu pūryamāṇāsu saṃtatam / bāṇapātamatikramya tasthuḥ kauravasainikāḥ

Sanskrit only: no published translation is held for this verse.

दुर्योधनप्रयुक्तानां राधेयरथरक्षिणाम् । महारथानां वक्त्राणि जहाराथ कपिध्वजः

duryodhanaprayuktānāṃ rādheyaratharakṣiṇām / mahārathānāṃ vaktrāṇi jahārātha kapidhvajaḥ

Sanskrit only: no published translation is held for this verse.

असंभ्रान्तस्ततः कर्णो मुष्टिमूले किरीटिनः । प्रयुज्यमानमसकृच्चिच्छेद शरमण्डलम्

asaṃbhrāntastataḥ karṇo muṣṭimūle kirīṭinaḥ / prayujyamānamasakṛcciccheda śaramaṇḍalam

Sanskrit only: no published translation is held for this verse.

ततो भीमो ऽब्रवीत्पार्थमच्युतश्चातिविस्मितः । दुर्जयः समरे कर्णः स्थिरो युध्यस्व फल्गुण

tato bhīmo 'bravītpārthamacyutaścātivismitaḥ / durjayaḥ samare karṇaḥ sthiro yudhyasva phalguṇa

Sanskrit only: no published translation is held for this verse.

कैराते खाण्डवे वीर कालकेयवधे ऽपि वा । यो ऽभवत्तव संरम्भो गृहाणाभ्यधिकं ततः

kairāte khāṇḍave vīra kālakeyavadhe 'pi vā / yo 'bhavattava saṃrambho gṛhāṇābhyadhikaṃ tataḥ

Sanskrit only: no published translation is held for this verse.

एतदाकर्ण्य विजयो वेल्लन्मुखरकङ्कणः । गाढमाकृष्य गाण्डीवं दिव्यास्त्रैर्द्यामपूरयत्

etadākarṇya vijayo vellanmukharakaṅkaṇaḥ / gāḍhamākṛṣya gāṇḍīvaṃ divyāstrairdyāmapūrayat

Sanskrit only: no published translation is held for this verse.

भार्गवास्त्रेण हत्वा तामस्त्रवृष्टिं किरीटिनः । तं च भीमं च कृष्णं च कर्णो बाणैरपूरयत्

bhārgavāstreṇa hatvā tāmastravṛṣṭiṃ kirīṭinaḥ / taṃ ca bhīmaṃ ca kṛṣṇaṃ ca karṇo bāṇairapūrayat

Sanskrit only: no published translation is held for this verse.

ततः कर्णशरासारैरर्जुनास्त्रैश्च सर्वतः । पाण्डुकौरवसेनासु बभूव विपुलः क्षयः

tataḥ karṇaśarāsārairarjunāstraiśca sarvataḥ / pāṇḍukauravasenāsu babhūva vipulaḥ kṣayaḥ

Sanskrit only: no published translation is held for this verse.

अथ सर्पमुखं दीप्तं कीर्णचन्दनशालिनम् । अस्त्रं कर्णो महाभोगं प्राहिणोत्सव्यसाचिनः

atha sarpamukhaṃ dīptaṃ kīrṇacandanaśālinam / astraṃ karṇo mahābhogaṃ prāhiṇotsavyasācinaḥ

Sanskrit only: no published translation is held for this verse.

विसृष्टे भुजगे तस्मिन्शल्यो ऽङ्गपतिमभ्यधात् । नायं प्राप्नोति पार्थस्य कण्ठं नागस्त्वयेरितः

visṛṣṭe bhujage tasminśalyo 'ṅgapatimabhyadhāt / nāyaṃ prāpnoti pārthasya kaṇṭhaṃ nāgastvayeritaḥ

Sanskrit only: no published translation is held for this verse.

पुनः संधानयोग्यस्ते राधेय यदि मन्यसे । अकर्णो ऽस्यथ वा कर्णहितवाक्येषु सर्वदा

punaḥ saṃdhānayogyaste rādheya yadi manyase / akarṇo 'syatha vā karṇahitavākyeṣu sarvadā

Sanskrit only: no published translation is held for this verse.

इति तेजोवधायोक्तः शल्येन तपनात्मजः । उवाच द्विर्न संधत्ते कर्ण इत्यमलाशयः

iti tejovadhāyoktaḥ śalyena tapanātmajaḥ / uvāca dvirna saṃdhatte karṇa ityamalāśayaḥ

Sanskrit only: no published translation is held for this verse.

कर्णच्युतं महाघोरमापतन्तं विषोल्बणम् । व्यालं दृष्ट्वा हरिश्चक्रे वपुर्मन्दरगौरवम्

karṇacyutaṃ mahāghoramāpatantaṃ viṣolbaṇam / vyālaṃ dṛṣṭvā hariścakre vapurmandaragauravam

Sanskrit only: no published translation is held for this verse.

जानुभिर्वसुधां याते ततो हयचतुष्टये । फणी जग्राह नम्रस्य किरीटाग्रं किरीटिनः

jānubhirvasudhāṃ yāte tato hayacatuṣṭaye / phaṇī jagrāha namrasya kirīṭāgraṃ kirīṭinaḥ

Sanskrit only: no published translation is held for this verse.

किरीटखण्डे पतिते मुक्तारत्नाट्टहासिनि । सो ऽविशद्वसुधां सर्पो विप्रलब्धो विनिःश्वसन्

kirīṭakhaṇḍe patite muktāratnāṭṭahāsini / so 'viśadvasudhāṃ sarpo vipralabdho viniḥśvasan

Sanskrit only: no published translation is held for this verse.

ततः कृष्णार्जुनौ विध्यन्कालदण्डोपमैः शरैः । कर्णः कर्णायतो ऽसृष्टैरुन्ननाद हसन्मुहुः

tataḥ kṛṣṇārjunau vidhyankāladaṇḍopamaiḥ śaraiḥ / karṇaḥ karṇāyato 'sṛṣṭairunnanāda hasanmuhuḥ

Sanskrit only: no published translation is held for this verse.

अथ शक्रसुतः कोपाद्दिव्यरत्नविराजितम् । वर्म चिच्छेद कर्णस्य शरैश्चापूरयद्वपुः

atha śakrasutaḥ kopāddivyaratnavirājitam / varma ciccheda karṇasya śaraiścāpūrayadvapuḥ

Sanskrit only: no published translation is held for this verse.

खाण्डवे कृतवैरं तं खं व्रजन्तं महोरगम् । छित्त्वा षड्भिः शरैः पार्थः कर्णं पुनरताडयत्

khāṇḍave kṛtavairaṃ taṃ khaṃ vrajantaṃ mahoragam / chittvā ṣaḍbhiḥ śaraiḥ pārthaḥ karṇaṃ punaratāḍayat

Sanskrit only: no published translation is held for this verse.

वैकर्तनेन निहते ब्रह्मास्त्रे शाक्रमर्जुनः । प्रादुश्चक्रे विघाताय वज्राशनिशताकुलम्

vaikartanena nihate brahmāstre śākramarjunaḥ / prāduścakre vighātāya vajrāśaniśatākulam

Sanskrit only: no published translation is held for this verse.

हत्वा तमस्त्रं राधेयो ज्यां चिच्छेद किरीटिनः । क्षणादभिनवां मौर्वी विदधे च धनंजयः

hatvā tamastraṃ rādheyo jyāṃ ciccheda kirīṭinaḥ / kṣaṇādabhinavāṃ maurvī vidadhe ca dhanaṃjayaḥ

Sanskrit only: no published translation is held for this verse.

ततो रौद्रं स्फुरज्ज्वालाजटालं संदधेर्ऽजुनः । अस्त्रं येनाभवद्व्योम घोरदिग्दाहभीषणम्

tato raudraṃ sphurajjvālājaṭālaṃ saṃdadher'junaḥ / astraṃ yenābhavadvyoma ghoradigdāhabhīṣaṇam

Sanskrit only: no published translation is held for this verse.

अत्रान्तरे मही स्वयं रथचक्रं विधेर्वशात् । जग्राह समये तस्मिन्नङ्गराजस्य संगरे

atrāntare mahī svayaṃ rathacakraṃ vidhervaśāt / jagrāha samaye tasminnaṅgarājasya saṃgare

Sanskrit only: no published translation is held for this verse.

ततस्तच्चक्रमुद्धर्तुमुद्यतो विषमस्थितः । उवाच कर्णः कौन्तेयं मुहूर्तं क्षमतां भवान्

tatastaccakramuddhartumudyato viṣamasthitaḥ / uvāca karṇaḥ kaunteyaṃ muhūrtaṃ kṣamatāṃ bhavān

Sanskrit only: no published translation is held for this verse.

उद्धृते ऽस्मिन्मया चक्रे महास्त्रं मुञ्च फल्गुण । व्यसनस्थे विशस्त्रे च नहि शूरा भवादृशः

uddhṛte 'sminmayā cakre mahāstraṃ muñca phalguṇa / vyasanasthe viśastre ca nahi śūrā bhavādṛśaḥ

Sanskrit only: no published translation is held for this verse.

एतच्छ्रुत्वावदत्कर्णं हसन्कालियसूदनः । दिष्ट्याद्य कर्ण जानीषे धर्मं वीरव्रते स्थितः

etacchrutvāvadatkarṇaṃ hasankāliyasūdanaḥ / diṣṭyādya karṇa jānīṣe dharmaṃ vīravrate sthitaḥ

Sanskrit only: no published translation is held for this verse.

बहुभिर्निहतो बालः सौभद्रः किं नु विस्मृतः । गण्यतां तच्च यत्कृष्णां सभायामुक्तवानसि

bahubhirnihato bālaḥ saubhadraḥ kiṃ nu vismṛtaḥ / gaṇyatāṃ tacca yatkṛṣṇāṃ sabhāyāmuktavānasi

Sanskrit only: no published translation is held for this verse.

विषवह्निप्रदानेषु च्छिन्नधर्मः स्मृतस्त्वया । नूनं विपदि नीचानां नृपाणां धर्मवृत्तयः

viṣavahnipradāneṣu cchinnadharmaḥ smṛtastvayā / nūnaṃ vipadi nīcānāṃ nṛpāṇāṃ dharmavṛttayaḥ

Sanskrit only: no published translation is held for this verse.

उक्ते जनार्दनेनेति मन्युना प्रज्वलन्निव । ब्रह्मास्त्रं कर्णविहितं ब्राह्मेण विजयो ऽवधीत्

ukte janārdaneneti manyunā prajvalanniva / brahmāstraṃ karṇavihitaṃ brāhmeṇa vijayo 'vadhīt

Sanskrit only: no published translation is held for this verse.

आग्नेयमर्जुनोत्सृष्टं वारुणेनाङ्गभूपतिः । अस्त्रेणास्त्रं समाहृत्य ग्रस्तचक्रो व्यलम्बत

āgneyamarjunotsṛṣṭaṃ vāruṇenāṅgabhūpatiḥ / astreṇāstraṃ samāhṛtya grastacakro vyalambata

Sanskrit only: no published translation is held for this verse.

अथोन्ममाथ बाणेन ध्वजं कनकभास्वरम् । कर्णस्याखण्डलसुतो मनोरथमिवोन्नतम्

athonmamātha bāṇena dhvajaṃ kanakabhāsvaram / karṇasyākhaṇḍalasuto manorathamivonnatam

Sanskrit only: no published translation is held for this verse.

ततो ऽञ्जलिकमादाय शरं काञ्चनभूषितम् । अभिमन्त्र्य समाकृष्य मृत्युदंष्ट्रासिताननम्

tato 'ñjalikamādāya śaraṃ kāñcanabhūṣitam / abhimantrya samākṛṣya mṛtyudaṃṣṭrāsitānanam

Sanskrit only: no published translation is held for this verse.

रुद्रादयो ऽस्त्रगुरवस्तुष्टा मे तपसा यदि । तदनेन रिपुं हन्यामित्युक्त्वासृजदर्जुनः

rudrādayo 'straguravastuṣṭā me tapasā yadi / tadanena ripuṃ hanyāmityuktvāsṛjadarjunaḥ

Sanskrit only: no published translation is held for this verse.

निर्भिन्नस्तेन सहसा कण्ठे हारपरिष्कृते । राधेयः क्रकचोत्कृत्तहेमताल इवापतत्

nirbhinnastena sahasā kaṇṭhe hārapariṣkṛte / rādheyaḥ krakacotkṛttahematāla ivāpatat

Sanskrit only: no published translation is held for this verse.

हते धनुष्मतां धुर्ये कौरवानीकनायके । कर्णे द्रुतं ययौ शल्यः शल्ययन्हृदयाननम्

hate dhanuṣmatāṃ dhurye kauravānīkanāyake / karṇe drutaṃ yayau śalyaḥ śalyayanhṛdayānanam

Sanskrit only: no published translation is held for this verse.

प्राप्तं रथेन शून्येन दृष्ट्वा मद्रनरेश्वरम् । हतो दुर्योधनः कर्णो जीवतीत्यूचिरे नृपाः

prāptaṃ rathena śūnyena dṛṣṭvā madranareśvaram / hato duryodhanaḥ karṇo jīvatītyūcire nṛpāḥ

Sanskrit only: no published translation is held for this verse.

दुर्योधनो ऽर्जुनशरैरङ्गराजे निपातिते । उत्तमाङ्ग इवाज्ञासीन्न किंचिद्विहतोन्द्रियः

duryodhano 'rjunaśarairaṅgarāje nipātite / uttamāṅga ivājñāsīnna kiṃcidvihatondriyaḥ

Sanskrit only: no published translation is held for this verse.

तेजस्ततस्तरलदीधितिकर्णदेहादभ्युद्गतं तरणिमण्डलमाविवेश । येनावकाशविशरारुविमानमासीज्ज्वालाकलापजटिलं क्षणमन्तरिक्षम्

tejastatastaraladīdhitikarṇadehādabhyudgataṃ taraṇimaṇḍalamāviveśa / yenāvakāśaviśarāruvimānamāsījjvālākalāpajaṭilaṃ kṣaṇamantarikṣam

Sanskrit only: no published translation is held for this verse.