Library·Ksemendra: Bharatamanjari·9
॥ शल्यपर्व ॥ नारायणं नमस्कृत्य नरं चैव नरोत्तमम् । देवीं सरस्वतीं व्यासं ततो जयमुदीरयेत्
// śalyaparva // nārāyaṇaṃ namaskṛtya naraṃ caiva narottamam / devīṃ sarasvatīṃ vyāsaṃ tato jayamudīrayet
Sanskrit only: no published translation is held for this verse.
एवं जम्भ इवेन्द्रेण हते कर्णे किरीटिना । युद्धं न्यवेदयद्राज्ञे पुनरभ्येत्य संजयः
evaṃ jambha ivendreṇa hate karṇe kirīṭinā / yuddhaṃ nyavedayadrājñe punarabhyetya saṃjayaḥ
Sanskrit only: no published translation is held for this verse.
शेखरे सर्ववीराणामर्थिनां कल्पपादपे । हते वैकर्तने राजन्सर्वाशारजनीकृति
śekhare sarvavīrāṇāmarthināṃ kalpapādape / hate vaikartane rājansarvāśārajanīkṛti
Sanskrit only: no published translation is held for this verse.
तदात्मना गते क्वापि निजजीव इवाकुलः । दुर्योधनो निरुच्छ्वासो मेने शून्या दिशो दश
tadātmanā gate kvāpi nijajīva ivākulaḥ / duryodhano nirucchvāso mene śūnyā diśo daśa
Sanskrit only: no published translation is held for this verse.
चचार रथिनां मध्ये पाण्डवान्योद्धुमुद्यतः । परेणैव शरीरेण परलोकगतो नरः
cacāra rathināṃ madhye pāṇḍavānyoddhumudyataḥ / pareṇaiva śarīreṇa paralokagato naraḥ
Sanskrit only: no published translation is held for this verse.
ततो द्रौणिगिरा कृत्वा शल्यं सेनापतिं नृपः । रणं वितर(?)राज्यार्थे विवेश त्रिदशालयम्
tato drauṇigirā kṛtvā śalyaṃ senāpatiṃ nṛpaḥ / raṇaṃ vitara(?)rājyārthe viveśa tridaśālayam
Sanskrit only: no published translation is held for this verse.
रथानामयुतं साग्रं तावदेव च दन्तिनाम् । लक्ष्यद्वयं द्वयानां च तिस्रः कोट्यः पदातिनाम्
rathānāmayutaṃ sāgraṃ tāvadeva ca dantinām / lakṣyadvayaṃ dvayānāṃ ca tisraḥ koṭyaḥ padātinām
Sanskrit only: no published translation is held for this verse.
सैन्यशेषमभूदेतत्कुरुराजस्य संगरे । अतोर्ऽधं पाण्डवानां च हतशेषमभूद्बलम्
sainyaśeṣamabhūdetatkururājasya saṃgare / ator'dhaṃ pāṇḍavānāṃ ca hataśeṣamabhūdbalam
Sanskrit only: no published translation is held for this verse.
अस्मिन्नायोधने घोरे राज्ञां संहारमण्डले । मस्तिष्ककर्दमलुठत्पत्तिस्यन्दनकुञ्जरे
asminnāyodhane ghore rājñāṃ saṃhāramaṇḍale / mastiṣkakardamaluṭhatpattisyandanakuñjare
Sanskrit only: no published translation is held for this verse.
आकीर्णवक्त्रकमले रङ्गोद्भङ्गरथाङ्गके । विस्रस्ताराजंसौघे खङ्गखण्डोत्पलाकुले
ākīrṇavaktrakamale raṅgodbhaṅgarathāṅgake / visrastārājaṃsaughe khaṅgakhaṇḍotpalākule
Sanskrit only: no published translation is held for this verse.
केशशेवालजम्बालशेषकीलालपिच्छिले । अकालकालकरिणा सरसीव विलोडिते
keśaśevālajambālaśeṣakīlālapicchile / akālakālakariṇā sarasīva viloḍite
Sanskrit only: no published translation is held for this verse.
स्रस्तवराश्वकर्णाङ्के भग्नबाणासनावृते । कदलीशकलालोले वने वज्रैरिवाहते
srastavarāśvakarṇāṅke bhagnabāṇāsanāvṛte / kadalīśakalālole vane vajrairivāhate
Sanskrit only: no published translation is held for this verse.
उत्पलावयवापूर्णव्यक्तशक्त्यासवोदिते । उद्यान इव कालस्य कपालचषकाकुले
utpalāvayavāpūrṇavyaktaśaktyāsavodite / udyāna iva kālasya kapālacaṣakākule
Sanskrit only: no published translation is held for this verse.
पुनः प्रवृत्ते समरे शल्यहार्दिक्यसौवलाः । विविशुः पाण्डवचमूं कृपद्रौणिसुयोधनाः
punaḥ pravṛtte samare śalyahārdikyasauvalāḥ / viviśuḥ pāṇḍavacamūṃ kṛpadrauṇisuyodhanāḥ
Sanskrit only: no published translation is held for this verse.
पार्थपार्षतशैनेयद्रौपदेयशिखण्डिनः । जघ्नुस्त्रिगर्तगान्धारकपिनाथवरूथिनीः
pārthapārṣataśaineyadraupadeyaśikhaṇḍinaḥ / jaghnustrigartagāndhārakapināthavarūthinīḥ
Sanskrit only: no published translation is held for this verse.
अमर्यादे रणे तस्मिन्क्षीबा इव महारथाः । क्रुद्धा युयुधिरे घोरं हतबन्धुसुहृद्गणाः
amaryāde raṇe tasminkṣībā iva mahārathāḥ / kruddhā yuyudhire ghoraṃ hatabandhusuhṛdgaṇāḥ
Sanskrit only: no published translation is held for this verse.
सत्यसेनं सुषेणं च चित्रसेनं च कर्णजम् । जघान नकुलो वीरान्कर्णतुल्यपराक्रमान्
satyasenaṃ suṣeṇaṃ ca citrasenaṃ ca karṇajam / jaghāna nakulo vīrānkarṇatulyaparākramān
Sanskrit only: no published translation is held for this verse.
ततः शल्येन बलिना गजेनेव सरोजिनी । मृद्यमाना सनिर्घोषा चकम्पे पाण्डुवाहिनी
tataḥ śalyena balinā gajeneva sarojinī / mṛdyamānā sanirghoṣā cakampe pāṇḍuvāhinī
Sanskrit only: no published translation is held for this verse.
शल्येन रिपुशल्येना वध्यमानां वरूथिनीम् । दृष्ट्वा भीमो गदापाणिर्भीमकोपस्तमाद्रवत्
śalyena ripuśalyenā vadhyamānāṃ varūthinīm / dṛṣṭvā bhīmo gadāpāṇirbhīmakopastamādravat
Sanskrit only: no published translation is held for this verse.
स हत्वा गदया तस्य रथं रथशतच्छिदः । मुमूर्षोर्दण्डमुद्यम्य तस्थौ काल इवाग्रतः
sa hatvā gadayā tasya rathaṃ rathaśatacchidaḥ / mumūrṣordaṇḍamudyamya tasthau kāla ivāgrataḥ
Sanskrit only: no published translation is held for this verse.
आदाय मद्रराजो ऽपि गदां चामीकराङ्गदाम् । भीमं भीमबलः कोपाद्दर्पोद्धतमयोधयत्
ādāya madrarājo 'pi gadāṃ cāmīkarāṅgadām / bhīmaṃ bhīmabalaḥ kopāddarpoddhatamayodhayat
Sanskrit only: no published translation is held for this verse.
मण्डलानि चरन्तौ तावभिपत्य परस्परम् । घातजातस्फुलिङ्गाभ्यां गदाभ्यामभिजघ्नतुः
maṇḍalāni carantau tāvabhipatya parasparam / ghātajātasphuliṅgābhyāṃ gadābhyāmabhijaghnatuḥ
Sanskrit only: no published translation is held for this verse.
तयोर्मूर्च्छितयोः क्षिप्रं मोहात्पतितयोर्भुवि । सानुगास्तूर्णमाजग्मुः संरब्धाः कुरुपाण्डवाः
tayormūrcchitayoḥ kṣipraṃ mohātpatitayorbhuvi / sānugāstūrṇamājagmuḥ saṃrabdhāḥ kurupāṇḍavāḥ
Sanskrit only: no published translation is held for this verse.
संज्ञामवाप्य सहसा यथावत्स्थितयोस्तयोः । दुर्योधनमुखा वीराः पार्थमुख्यानयोधयन्
saṃjñāmavāpya sahasā yathāvatsthitayostayoḥ / duryodhanamukhā vīrāḥ pārthamukhyānayodhayan
Sanskrit only: no published translation is held for this verse.
ब्रह्मलोकाभिकामेषु युध्यमानेषु राजसु । सुयोधनश्चेकितानमवधीद्भूभुजां वरम्
brahmalokābhikāmeṣu yudhyamāneṣu rājasu / suyodhanaścekitānamavadhīdbhūbhujāṃ varam
Sanskrit only: no published translation is held for this verse.
मद्रराजस्ततः क्रुद्धः पाण्डूपुत्रान्सहानुगान् । अवारयद्बलादेकः पूज्यमानो नभश्चरैः
madrarājastataḥ kruddhaḥ pāṇḍūputrānsahānugān / avārayadbalādekaḥ pūjyamāno nabhaścaraiḥ
Sanskrit only: no published translation is held for this verse.
शस्त्रवृष्टिं तदुत्सृष्टां छित्त्वा बाणैरसंभ्रमः । मुहुर्ताद्विदधे शल्यस्तानदृश्यान्पतत्रिभिः
śastravṛṣṭiṃ tadutsṛṣṭāṃ chittvā bāṇairasaṃbhramaḥ / muhurtādvidadhe śalyastānadṛśyānpatatribhiḥ
Sanskrit only: no published translation is held for this verse.
छादिते शरजालेन सैन्ये मद्रमहीभुजा । क्रुद्धो ऽवधीत्सहस्रे द्वे रथानां धर्मनन्दनः
chādite śarajālena sainye madramahībhujā / kruddho 'vadhītsahasre dve rathānāṃ dharmanandanaḥ
Sanskrit only: no published translation is held for this verse.
दृष्ट्वानुगान्हतान्राज्ञा शल्यो युधि युधिष्ठिरम् । शिलीमुखशतैः पूर्णमथाशोकमिवाकरोत्
dṛṣṭvānugānhatānrājñā śalyo yudhi yudhiṣṭhiram / śilīmukhaśataiḥ pūrṇamathāśokamivākarot
Sanskrit only: no published translation is held for this verse.
पीडिते धर्मतनये नकुलः कोपकम्पितः । भीमसात्यकिमुख्याश्च शरैः शल्यमवाकिरन्
pīḍite dharmatanaye nakulaḥ kopakampitaḥ / bhīmasātyakimukhyāśca śaraiḥ śalyamavākiran
Sanskrit only: no published translation is held for this verse.
ततः शरान्धकारेण स्थगयन्भुवनोदरम् । उन्ममाथः घनध्वानः शल्यः पार्थवरूथिनीम्
tataḥ śarāndhakāreṇa sthagayanbhuvanodaram / unmamāthaḥ ghanadhvānaḥ śalyaḥ pārthavarūthinīm
Sanskrit only: no published translation is held for this verse.
आकुलः समरे तस्मिञ्जिष्णुर्द्रैणिमयोधयत् । दुर्योधनं भीमसेनो नकुलः सुबलात्मजम्
ākulaḥ samare tasmiñjiṣṇurdraiṇimayodhayat / duryodhanaṃ bhīmaseno nakulaḥ subalātmajam
Sanskrit only: no published translation is held for this verse.
क्षपिताशेषनृपतेः शल्यस्याथ युधिष्ठिरः । छित्त्वायुधानि सर्वाणि तिलशो विदधे रथम्
kṣapitāśeṣanṛpateḥ śalyasyātha yudhiṣṭhiraḥ / chittvāyudhāni sarvāṇi tilaśo vidadhe ratham
Sanskrit only: no published translation is held for this verse.
अपरं रथमास्थाय मद्रराजः क्रुधा ज्वलन् । चकार धर्मतनयं कृत्तचापरथध्वजम्
aparaṃ rathamāsthāya madrarājaḥ krudhā jvalan / cakāra dharmatanayaṃ kṛttacāparathadhvajam
Sanskrit only: no published translation is held for this verse.
भीमसेनो ऽथ विरथं दृष्ट्वा राजानमाकुलः । चकर्त मद्रराजस्य रथं सर्वायुधैः सह
bhīmaseno 'tha virathaṃ dṛṣṭvā rājānamākulaḥ / cakarta madrarājasya rathaṃ sarvāyudhaiḥ saha
Sanskrit only: no published translation is held for this verse.
खड्गहस्तस्ततः शल्यो निघ्नन्स्यन्दनकुञ्जरान् । चचारालक्षिततनुर्मर्गैर्गरुडविक्रमः
khaḍgahastastataḥ śalyo nighnansyandanakuñjarān / cacārālakṣitatanurmargairgaruḍavikramaḥ
Sanskrit only: no published translation is held for this verse.
अथ ज्वालायमानेन शोणपट्टेन गुण्ठिताम् । भ्राजिष्णुरत्नखचितां मृत्योर्दन्तावलीमिव
atha jvālāyamānena śoṇapaṭṭena guṇṭhitām / bhrājiṣṇuratnakhacitāṃ mṛtyordantāvalīmiva
Sanskrit only: no published translation is held for this verse.
एतदन्तं कुरुबलं युद्धमेवंविधं कुतः । इतीव घण्टापटलैः क्रोशन्तीमशनिस्वनाम्
etadantaṃ kurubalaṃ yuddhamevaṃvidhaṃ kutaḥ / itīva ghaṇṭāpaṭalaiḥ krośantīmaśanisvanām
Sanskrit only: no published translation is held for this verse.
युधिष्ठिरः सहस्रघ्निं दीप्तां षण्मुखविक्रमः । प्राहिणोन्मद्रराजाय शक्तिं शक्तिमतां वरः
yudhiṣṭhiraḥ sahasraghniṃ dīptāṃ ṣaṇmukhavikramaḥ / prāhiṇonmadrarājāya śaktiṃ śaktimatāṃ varaḥ
Sanskrit only: no published translation is held for this verse.
स तया भिन्नहृदयः पपात क्ष्माभृतां वरः । श्रोत्रनासास्यविवरस्रवद्रुधिरनिर्झरः
sa tayā bhinnahṛdayaḥ papāta kṣmābhṛtāṃ varaḥ / śrotranāsāsyavivarasravadrudhiranirjharaḥ
Sanskrit only: no published translation is held for this verse.
शल्ये हते कौरवाणामाशा शेषावलम्बने । रथिनो दुद्रुवुः सर्वे भग्नमानमनोरथाः
śalye hate kauravāṇāmāśā śeṣāvalambane / rathino dudruvuḥ sarve bhagnamānamanorathāḥ
Sanskrit only: no published translation is held for this verse.
ततः शल्यानुजः क्रुद्धो विचित्रकवचाभिधः । अभ्यायायौ धर्मराजं दारयन्तमनीकिनीम्
tataḥ śalyānujaḥ kruddho vicitrakavacābhidhaḥ / abhyāyāyau dharmarājaṃ dārayantamanīkinīm
Sanskrit only: no published translation is held for this verse.
पृषत्कवर्षिणस्तस्य चित्ररत्नोज्ज्वलं शिरः । रोहणाद्रेरिवोत्तुङ्गं शृङ्गं चिच्छेद धर्मजः
pṛṣatkavarṣiṇastasya citraratnojjvalaṃ śiraḥ / rohaṇādrerivottuṅgaṃ śṛṅgaṃ ciccheda dharmajaḥ
Sanskrit only: no published translation is held for this verse.
तस्मिन्हते भज्यमानां नाथहीनां पताकिनीम् । परावृत्य कृपद्रौणिहार्दिक्यास्तूर्णमाययुः
tasminhate bhajyamānāṃ nāthahīnāṃ patākinīm / parāvṛtya kṛpadrauṇihārdikyāstūrṇamāyayuḥ
Sanskrit only: no published translation is held for this verse.
नदद्भिश्चेदिपाञ्चालैर्लब्धलक्ष्यैर्महारथाः । ते मुहूर्तं युयुधिरे प्रयाता बहुतामिव
nadadbhiścedipāñcālairlabdhalakṣyairmahārathāḥ / te muhūrtaṃ yuyudhire prayātā bahutāmiva
Sanskrit only: no published translation is held for this verse.
ततः स्वामिवधामर्षाद्युधिष्ठिरमभिद्रुतान् । हत्वा शेषानहो मद्रानमद्रां पृथिवीं व्यधात्
tataḥ svāmivadhāmarṣādyudhiṣṭhiramabhidrutān / hatvā śeṣānaho madrānamadrāṃ pṛthivīṃ vyadhāt
Sanskrit only: no published translation is held for this verse.
अथ भीमो गदापाणिर्निपुणः क्षयकर्मसु । निष्पिष्य म्लेच्छान्सर्वांश्च रणं शून्यमिवाकरोत्
atha bhīmo gadāpāṇirnipuṇaḥ kṣayakarmasu / niṣpiṣya mlecchānsarvāṃśca raṇaṃ śūnyamivākarot
Sanskrit only: no published translation is held for this verse.
ततः सात्यकिना वीरे सत्यराजे निपातिते । स्वयं दुर्योधनो ऽभ्येत्य पाण्डुपुत्रानयोधयत्
tataḥ sātyakinā vīre satyarāje nipātite / svayaṃ duryodhano 'bhyetya pāṇḍuputrānayodhayat
Sanskrit only: no published translation is held for this verse.
न रथो न गजो नाश्वो न योधः पाण्डवेष्वभूत् । हैमनामाङ्कितैर्व्याप्तो यो न दुर्योधनेषुभिः
na ratho na gajo nāśvo na yodhaḥ pāṇḍaveṣvabhūt / haimanāmāṅkitairvyāpto yo na duryodhaneṣubhiḥ
Sanskrit only: no published translation is held for this verse.
चकम्पे कुञ्जरकुलं तस्य नाराचवर्षिणः । मणिकाञ्चनझाङ्कारतारमौर्वीरवैर्मुहुः
cakampe kuñjarakulaṃ tasya nārācavarṣiṇaḥ / maṇikāñcanajhāṅkāratāramaurvīravairmuhuḥ
Sanskrit only: no published translation is held for this verse.
दुर्योधने युध्यमाने लब्धलक्ष्यैररातिभिः । आययुर्द्रैणिहार्दिक्यसुशर्मकृपसौबलाः
duryodhane yudhyamāne labdhalakṣyairarātibhiḥ / āyayurdraiṇihārdikyasuśarmakṛpasaubalāḥ
Sanskrit only: no published translation is held for this verse.
घोरे रणव्यतिकरे तेषां निबिडपातिनाम् । निरालोको ऽभवल्लोको रजसा संवृते रवौ
ghore raṇavyatikare teṣāṃ nibiḍapātinām / nirāloko 'bhavalloko rajasā saṃvṛte ravau
Sanskrit only: no published translation is held for this verse.
कुञ्जरेन्द्रतटाघातक्षमे रजसि दुःसहे । विभागो नाभवत्कश्चित्कल्पापाय इवागते
kuñjarendrataṭāghātakṣame rajasi duḥsahe / vibhāgo nābhavatkaścitkalpāpāya ivāgate
Sanskrit only: no published translation is held for this verse.
क्व द्रौणिः क्व च गान्धारः क्व च राजा सुयोधनः । इत्यभूद्विपुलः शब्दः पाण्डुसेनासु सर्वतः
kva drauṇiḥ kva ca gāndhāraḥ kva ca rājā suyodhanaḥ / ityabhūdvipulaḥ śabdaḥ pāṇḍusenāsu sarvataḥ
Sanskrit only: no published translation is held for this verse.
तस्मिन्मुहूर्ते प्रलयावर्तसंक्रान्तगोचरे । जघान मारुतसुतः शेषान्दुर्योधनानुजान्
tasminmuhūrte pralayāvartasaṃkrāntagocare / jaghāna mārutasutaḥ śeṣānduryodhanānujān
Sanskrit only: no published translation is held for this verse.
महाबाहुं भूरिबलं जैत्रं दुर्दर्शनं शलम् । सुनादं च स हत्वा तानुन्ननाद क्षयोचितान्
mahābāhuṃ bhūribalaṃ jaitraṃ durdarśanaṃ śalam / sunādaṃ ca sa hatvā tānunnanāda kṣayocitān
Sanskrit only: no published translation is held for this verse.
ततो मामग्रहीद्वीरः सात्यकिर्विनरले रणे । संजयो ऽयं मया लब्धो निगद्येति ससंभ्रमम्
tato māmagrahīdvīraḥ sātyakirvinarale raṇe / saṃjayo 'yaṃ mayā labdho nigadyeti sasaṃbhramam
Sanskrit only: no published translation is held for this verse.
अथार्जुनः सुशर्माणं सपुत्रं सपदानुगम् । हत्वा संशप्तकानीकं निःशेषं विशिखैर्व्यधात्
athārjunaḥ suśarmāṇaṃ saputraṃ sapadānugam / hatvā saṃśaptakānīkaṃ niḥśeṣaṃ viśikhairvyadhāt
Sanskrit only: no published translation is held for this verse.
द्यूते रणाभिधे तस्मिन्सायकाक्षान्क्षिपन्मुहुः । सहदेवोर्ऽधचन्द्रेण जहार शकुनेः शिरः
dyūte raṇābhidhe tasminsāyakākṣānkṣipanmuhuḥ / sahadevor'dhacandreṇa jahāra śakuneḥ śiraḥ
Sanskrit only: no published translation is held for this verse.
उलूकं तत्सुतं हत्वा गान्धाराणामनीकिनीम् । जघान माद्रीतनयो वनवासदशां स्मरन्
ulūkaṃ tatsutaṃ hatvā gāndhārāṇāmanīkinīm / jaghāna mādrītanayo vanavāsadaśāṃ smaran
Sanskrit only: no published translation is held for this verse.
अथ निःशेषिते सैन्ये श्रान्तो निहतवाहनः । अपसृत्य रणात्प्रायात्पद्भ्यां राजा सुयोधनः
atha niḥśeṣite sainye śrānto nihatavāhanaḥ / apasṛtya raṇātprāyātpadbhyāṃ rājā suyodhanaḥ
Sanskrit only: no published translation is held for this verse.
कृतवर्मकृपद्रौणिशेषे तस्मिन्महारणे । क्षणादशेषतां याते भूतवेतालमण्डले
kṛtavarmakṛpadrauṇiśeṣe tasminmahāraṇe / kṣaṇādaśeṣatāṃ yāte bhūtavetālamaṇḍale
Sanskrit only: no published translation is held for this verse.
धृष्टद्युम्नस्य वचसा मां निहन्तुं समुद्यते । शैनेये भगवान्व्यासो ररक्ष करुणानिधिः
dhṛṣṭadyumnasya vacasā māṃ nihantuṃ samudyate / śaineye bhagavānvyāso rarakṣa karuṇānidhiḥ
Sanskrit only: no published translation is held for this verse.
ततो दिनान्ते शोकार्तः प्रस्थितो ऽहं सुयोधनम् । अपश्यं वज्रहृदयं प्रयान्तं चक्रवर्तिनम्
tato dinānte śokārtaḥ prasthito 'haṃ suyodhanam / apaśyaṃ vajrahṛdayaṃ prayāntaṃ cakravartinam
Sanskrit only: no published translation is held for this verse.
स पादचारी मां दृष्ट्वा लज्जाकुटिलकन्धरः । ऊचे संजयराजानं ब्रूयास्त्वं जनकं मम
sa pādacārī māṃ dṛṣṭvā lajjākuṭilakandharaḥ / ūce saṃjayarājānaṃ brūyāstvaṃ janakaṃ mama
Sanskrit only: no published translation is held for this verse.
तेन कर्णेन सुहृदा तैश्च वीरैर्विना कृतः । ह्रदं प्रविष्टः पुत्रस्ते हीनो दुःशासनादिभिः
tena karṇena suhṛdā taiśca vīrairvinā kṛtaḥ / hradaṃ praviṣṭaḥ putraste hīno duḥśāsanādibhiḥ
Sanskrit only: no published translation is held for this verse.
मामित्युक्त्वा स संस्तम्भ्य सलिलं दैत्यमायया । ह्रदं विवेश विपुलं प्रौढशोकानलाकुलः
māmityuktvā sa saṃstambhya salilaṃ daityamāyayā / hradaṃ viveśa vipulaṃ prauḍhaśokānalākulaḥ
Sanskrit only: no published translation is held for this verse.
तं स्तम्भितोरुसलिले सरसि प्रविष्टं ज्ञात्वा गिरा मम गुरोस्तनयः कृपश्च । भोजश्च भूपतिशिखामणिलीढपादं लक्ष्मीविलाससदनं शुशुचुस्तमेत्य
taṃ stambhitorusalile sarasi praviṣṭaṃ jñātvā girā mama gurostanayaḥ kṛpaśca / bhojaśca bhūpatiśikhāmaṇilīḍhapādaṃ lakṣmīvilāsasadanaṃ śuśucustametya
Sanskrit only: no published translation is held for this verse.
अक्षौहिणीपरिवृतो ऽथ विसृज्य गेहं रात्रौ युयुत्सुमखिलैः सह राजदारैः । धर्मात्मजस्तमृणशेषमिव प्रदध्यौ दुर्योधनं सह धनंजयभीममुख्यैः
akṣauhiṇīparivṛto 'tha visṛjya gehaṃ rātrau yuyutsumakhilaiḥ saha rājadāraiḥ / dharmātmajastamṛṇaśeṣamiva pradadhyau duryodhanaṃ saha dhanaṃjayabhīmamukhyaiḥ
Sanskrit only: no published translation is held for this verse.
यत्पादपद्मनखचन्द्रमरीचिमाला माला इव क्षितिभृतां बभुरुत्तमाङ्गे । सो ऽप्येक एव कुरुराजसुतः पदातिर्यातो धिगास्थिरविलासविकासि दैवम्
yatpādapadmanakhacandramarīcimālā mālā iva kṣitibhṛtāṃ babhuruttamāṅge / so 'pyeka eva kururājasutaḥ padātiryāto dhigāsthiravilāsavikāsi daivam
Sanskrit only: no published translation is held for this verse.
यस्या वशाद्बत नतोन्नतभाञ्जि भावचक्राणि हन्त विशरारुदशां विशन्ति । संक्रन्दनानि यतिविभ्रममुद्रितानि तस्यै नमो ऽस्तु सततं भवितव्यतायै
yasyā vaśādbata natonnatabhāñji bhāvacakrāṇi hanta viśarārudaśāṃ viśanti / saṃkrandanāni yativibhramamudritāni tasyai namo 'stu satataṃ bhavitavyatāyai
Sanskrit only: no published translation is held for this verse.