Bhaviṣya Purāṇa (part) 3.2.10

।। सूत उवाच वैतालस्तु महाभाग राजानमिदमब्रवीत् ।। गौडदेशे महाराज वर्धनं नाम वै पुरम्

|| sūta uvāca vaitālastu mahābhāga rājānamidamabravīt || gauḍadeśe mahārāja vardhanaṃ nāma vai puram

Sanskrit only: no published translation is held for this verse.

गुणशेखर आख्यातो भूपालस्तत्र धर्मवान् ।। तन्मन्त्री निर्भयानन्दो जैनधर्मपरा यणः

guṇaśekhara ākhyāto bhūpālastatra dharmavān || tanmantrī nirbhayānando jainadharmaparā yaṇaḥ

Sanskrit only: no published translation is held for this verse.

कदाचिद्भूपतिर्यातो मन्दिरे गिरिजापतेः ।। पूजयामास तं देवं सर्वव्यापिनमीश्वरम्

kadācidbhūpatiryāto mandire girijāpateḥ || pūjayāmāsa taṃ devaṃ sarvavyāpinamīśvaram

Sanskrit only: no published translation is held for this verse.

वृश्चिकस्तत्र संप्राप्य ददंश नृपतिं रुषा ।। तत्कष्टेन स भूपालो मूर्छितः पतितो भुवि

vṛścikastatra saṃprāpya dadaṃśa nṛpatiṃ ruṣā || tatkaṣṭena sa bhūpālo mūrchitaḥ patito bhuvi

Sanskrit only: no published translation is held for this verse.

तदा तु निर्भयानन्दो विषमुत्तार्य तस्य वै ।। भूपतिं वर्णयामास जैनधर्म परायणः

tadā tu nirbhayānando viṣamuttārya tasya vai || bhūpatiṃ varṇayāmāsa jainadharma parāyaṇaḥ

Sanskrit only: no published translation is held for this verse.

शृणु राजन्महाभाग शत्रून्षण्मानसाधमान् ।। कामः क्रोधस्तथा लोभो रतिर्हिंसा च तृष्णिका ।। रजोगुणाच्च ते जातास्तेषां भेदाः पृथक्पृथक्

śṛṇu rājanmahābhāga śatrūnṣaṇmānasādhamān || kāmaḥ krodhastathā lobho ratirhiṃsā ca tṛṣṇikā || rajoguṇācca te jātāsteṣāṃ bhedāḥ pṛthakpṛthak

Sanskrit only: no published translation is held for this verse.

मोहो दंभो मदश्चैव ममताशा च गर्हणा ।। तमोगुणाच्च ते जातास्तैरिदं पूरितं जगत्

moho daṃbho madaścaiva mamatāśā ca garhaṇā || tamoguṇācca te jātāstairidaṃ pūritaṃ jagat

Sanskrit only: no published translation is held for this verse.

कामी विष्णुस्तथा रुद्रः क्रोधी लोभी विधिस्तथा ।। दंभी शक्रो यमो मोही मदी यक्षपतिः स्वयम्

kāmī viṣṇustathā rudraḥ krodhī lobhī vidhistathā || daṃbhī śakro yamo mohī madī yakṣapatiḥ svayam

Sanskrit only: no published translation is held for this verse.

माया वश्याश्च ते सर्वे तर्हि तत्पूजनेन किम् ।। षट्शत्रुभिर्जितो यो वै स जिनो मुनिभिः स्मृतः

māyā vaśyāśca te sarve tarhi tatpūjanena kim || ṣaṭśatrubhirjito yo vai sa jino munibhiḥ smṛtaḥ

Sanskrit only: no published translation is held for this verse.

न जितः स जिनो ज्ञेयोऽद्वैतवादी निरंजनः ।। तस्य ध्यानेन भावेन मोक्षवंतो नराः सदा

na jitaḥ sa jino jñeyo'dvaitavādī niraṃjanaḥ || tasya dhyānena bhāvena mokṣavaṃto narāḥ sadā

Sanskrit only: no published translation is held for this verse.

तत्प्रसादाय यो धर्मः शृणु मे वसुधाधिप ।। गोपूजनेन ते देवास्तुष्टिं यान्ति सदैव हि

tatprasādāya yo dharmaḥ śṛṇu me vasudhādhipa || gopūjanena te devāstuṣṭiṃ yānti sadaiva hi

Sanskrit only: no published translation is held for this verse.

अतो गोपूजनं शुद्धं हिंसा सर्वत्र वर्जिता ।। मदपानेन सर्वात्मा जिनः क्लेशं समाप्नुयात्

ato gopūjanaṃ śuddhaṃ hiṃsā sarvatra varjitā || madapānena sarvātmā jinaḥ kleśaṃ samāpnuyāt

Sanskrit only: no published translation is held for this verse.

तस्मान्मांसं च पानं च वर्जितं सर्वदैव हि। न्यायेनोपार्जितं वित्तं भोजयेच्च बुभुक्षितान्

tasmānmāṃsaṃ ca pānaṃ ca varjitaṃ sarvadaiva hi| nyāyenopārjitaṃ vittaṃ bhojayecca bubhukṣitān

Sanskrit only: no published translation is held for this verse.

रविरात्मा जिनस्यैव तत्प्रकाशे हि भोजयेत् ।। इत्येवं वर्णयित्वैनं मंत्री गेहमुपाययौ

ravirātmā jinasyaiva tatprakāśe hi bhojayet || ityevaṃ varṇayitvainaṃ maṃtrī gehamupāyayau

Sanskrit only: no published translation is held for this verse.

तथैव मत्वा स नृपो जिनधर्मं गृहीतवान् ।। कियता चैव कालेन वेदमार्गो हि लंघितः

tathaiva matvā sa nṛpo jinadharmaṃ gṛhītavān || kiyatā caiva kālena vedamārgo hi laṃghitaḥ

Sanskrit only: no published translation is held for this verse.

तदा तु दुःखिता राज्ञी शिवस्य शरणं ययौ

tadā tu duḥkhitā rājñī śivasya śaraṇaṃ yayau

Sanskrit only: no published translation is held for this verse.

वरदानेन रुद्रस्य पुत्रो जातो महोत्तमः ।। धर्मराज इति ख्यातो वेदव्रतपरायणः

varadānena rudrasya putro jāto mahottamaḥ || dharmarāja iti khyāto vedavrataparāyaṇaḥ

Sanskrit only: no published translation is held for this verse.

गुणशेखर एवासौ पंचत्वे निरयं ययौ ।। धर्मराजस्तदा राज्यं कृतवान्धर्मतः स्वयम्

guṇaśekhara evāsau paṃcatve nirayaṃ yayau || dharmarājastadā rājyaṃ kṛtavāndharmataḥ svayam

Sanskrit only: no published translation is held for this verse.

तस्य धर्मप्रभावेण तत्पिता स्वर्गमाप्तवान् ।। त्रयः पत्न्योभवंस्तस्यगुणरूपा महोत्तमा

tasya dharmaprabhāveṇa tatpitā svargamāptavān || trayaḥ patnyobhavaṃstasyaguṇarūpā mahottamā

Sanskrit only: no published translation is held for this verse.

वसंतसमये राजा ताभिः सह वनांतरे ।। संयातो रमयामास पुष्पभ्रमरनादिते

vasaṃtasamaye rājā tābhiḥ saha vanāṃtare || saṃyāto ramayāmāsa puṣpabhramaranādite

Sanskrit only: no published translation is held for this verse.

श्रमितः स तु भूपालो राज्ञीभिः सह मोदितः ।। सरोवरे स्नापितवान्मदाघूर्णितलोचनः

śramitaḥ sa tu bhūpālo rājñībhiḥ saha moditaḥ || sarovare snāpitavānmadāghūrṇitalocanaḥ

Sanskrit only: no published translation is held for this verse.

गृहीत्वा कुसुमं पाद्मं करे राज्ञ्यै समार्पयत् ।। पदि हीनत्वमायाता पतता कुसुमेन वै

gṛhītvā kusumaṃ pādmaṃ kare rājñyai samārpayat || padi hīnatvamāyātā patatā kusumena vai

Sanskrit only: no published translation is held for this verse.

दुःखितः स तु भूपालो राज्ञीं तामचिकित्सयत् ।। रात्रौ प्राप्ते द्वितीया तु चन्द्रशीलेन मोहिता

duḥkhitaḥ sa tu bhūpālo rājñīṃ tāmacikitsayat || rātrau prāpte dvitīyā tu candraśīlena mohitā

Sanskrit only: no published translation is held for this verse.

अपतद्व्याकुलीभूत्वा शुद्धं पादमभूत्ततः ।। पतितायाश्च शब्देन तृतीया ज्वरिताऽभवत्

apatadvyākulībhūtvā śuddhaṃ pādamabhūttataḥ || patitāyāśca śabdena tṛtīyā jvaritā'bhavat

Sanskrit only: no published translation is held for this verse.

तस्या मूर्च्छा तदा क्षीणा द्वितीयाया अजायत ।। नृपस्पर्शेन सा सुभ्रूर्ज्वरतापं विहाय च

tasyā mūrcchā tadā kṣīṇā dvitīyāyā ajāyata || nṛpasparśena sā subhrūrjvaratāpaṃ vihāya ca

Sanskrit only: no published translation is held for this verse.

प्रभाते सुंदरे जाते स ताभिर्गृहमाययौ ।। इत्युक्त्वा स तु वैतालो भूपतिं प्राह नम्रधीः ।। आसां मध्ये महाराज का श्रेष्ठा सुकुमारिका

prabhāte suṃdare jāte sa tābhirgṛhamāyayau || ityuktvā sa tu vaitālo bhūpatiṃ prāha namradhīḥ || āsāṃ madhye mahārāja kā śreṣṭhā sukumārikā

Sanskrit only: no published translation is held for this verse.

।।राजोवाच तृतीया सुकुमारी च तासां मध्ये महोत्तमा।। वायुप्रकृतितश्चासौ पद्मपुष्पेण खंजिता

||rājovāca tṛtīyā sukumārī ca tāsāṃ madhye mahottamā|| vāyuprakṛtitaścāsau padmapuṣpeṇa khaṃjitā

Sanskrit only: no published translation is held for this verse.

शीतांशुना द्वितीया तु मूर्च्छिता कफभावतः ।। शब्दमात्रेण संतापो यस्यां जातो हि सोत्तमा

śītāṃśunā dvitīyā tu mūrcchitā kaphabhāvataḥ || śabdamātreṇa saṃtāpo yasyāṃ jāto hi sottamā

Sanskrit only: no published translation is held for this verse.

विहस्याह पुनर्देवो भवभक्तं महीपतिम् ।। जैनधर्मः प्रधानो हि वेदधर्मोथ वा वद

vihasyāha punardevo bhavabhaktaṃ mahīpatim || jainadharmaḥ pradhāno hi vedadharmotha vā vada

Sanskrit only: no published translation is held for this verse.

स होवाच प्रधानोऽसौ वेदधर्मः सनातनः।। अष्टौ श्रेण्यो हि तस्यैव ब्रह्मणोव्यक्तरूपिणः

sa hovāca pradhāno'sau vedadharmaḥ sanātanaḥ|| aṣṭau śreṇyo hi tasyaiva brahmaṇovyaktarūpiṇaḥ

Sanskrit only: no published translation is held for this verse.

शूद्रो वैश्यस्तथा क्षत्री ब्राह्मणो ब्रह्मचर्यकृत् ।। गेही वन्यो यतिश्चैव क्रमाच्छ्रेष्ठाः प्रकीर्तिताः

śūdro vaiśyastathā kṣatrī brāhmaṇo brahmacaryakṛt || gehī vanyo yatiścaiva kramācchreṣṭhāḥ prakīrtitāḥ

Sanskrit only: no published translation is held for this verse.

यः कृत्वा दारसंसर्गं यतिवद्वर्तते गृही ।। स पापी नरकं याति यावदाभूतसंप्लवम्

yaḥ kṛtvā dārasaṃsargaṃ yativadvartate gṛhī || sa pāpī narakaṃ yāti yāvadābhūtasaṃplavam

Sanskrit only: no published translation is held for this verse.

गृहेषु यतिवद्धर्मो जैनशास्त्रे प्रकीर्तितः ।। पाखण्डः स स्मृतः प्राज्ञैर्वर्जनीयो हि सर्वदा

gṛheṣu yativaddharmo jainaśāstre prakīrtitaḥ || pākhaṇḍaḥ sa smṛtaḥ prājñairvarjanīyo hi sarvadā

Sanskrit only: no published translation is held for this verse.