Bhaviṣya Purāṇa (part) 3.2.21

सूत उवाच।। इत्युक्त्वा स तु वैतालो राजानं प्राह नम्रधीः।। जयस्थलपुरे रम्ये वर्धमानो नृपोभवत्

sūta uvāca|| ityuktvā sa tu vaitālo rājānaṃ prāha namradhīḥ|| jayasthalapure ramye vardhamāno nṛpobhavat

Sanskrit only: no published translation is held for this verse.

तस्य ग्रामेवसद्विप्रो वेदवेदांगपारगः।। विष्णुस्वामीति विख्यातो राधाकृष्णपरायणः

tasya grāmevasadvipro vedavedāṃgapāragaḥ|| viṣṇusvāmīti vikhyāto rādhākṛṣṇaparāyaṇaḥ

Sanskrit only: no published translation is held for this verse.

चत्वारश्चात्मजास्तस्य चतुर्भागपरायणाः ।। द्यूतकर्मा च कुलटो विषयी नास्तिकः श्रुतः

catvāraścātmajāstasya caturbhāgaparāyaṇāḥ || dyūtakarmā ca kulaṭo viṣayī nāstikaḥ śrutaḥ

Sanskrit only: no published translation is held for this verse.

कदाचिद्दैवयोगेन निर्द्धनत्वं च ते गताः ।। पितरं विष्णुशर्माणं नेमुस्ते विनयान्विताः

kadāciddaivayogena nirddhanatvaṃ ca te gatāḥ || pitaraṃ viṣṇuśarmāṇaṃ nemuste vinayānvitāḥ

Sanskrit only: no published translation is held for this verse.

ऊचू रमा कथं नष्टा तद्वदस्व पितः प्रिय ।। पितोवाच तु तच्छ्रुत्वा द्यूतकर्मन्निशामय

ūcū ramā kathaṃ naṣṭā tadvadasva pitaḥ priya || pitovāca tu tacchrutvā dyūtakarmanniśāmaya

Sanskrit only: no published translation is held for this verse.

द्यूतो धनव्ययकरः पापमूलो महाखलः ।। व्यभिचारस्तथा चौर्यं निर्दयत्वमतो भवेत् ।। द्यूतकर्मप्रभावेण त्वदीयद्रव्यसंक्षयः

dyūto dhanavyayakaraḥ pāpamūlo mahākhalaḥ || vyabhicārastathā cauryaṃ nirdayatvamato bhavet || dyūtakarmaprabhāveṇa tvadīyadravyasaṃkṣayaḥ

Sanskrit only: no published translation is held for this verse.

धनोपायेन भोः पित्रोर्वाक्यं कुरु मतिं प्रति ।। तीर्थव्रतप्रभावेण त्वत्पापं संक्षयं व्रजेत्

dhanopāyena bhoḥ pitrorvākyaṃ kuru matiṃ prati || tīrthavrataprabhāveṇa tvatpāpaṃ saṃkṣayaṃ vrajet

Sanskrit only: no published translation is held for this verse.

हे पुत्र कुलट त्वं वै वेश्यासंगं महाशुभम् ।। त्यक्त्वा ब्रह्मपरो भूत्वा ब्रह्मचर्ये मतिं कुरु

he putra kulaṭa tvaṃ vai veśyāsaṃgaṃ mahāśubham || tyaktvā brahmaparo bhūtvā brahmacarye matiṃ kuru

Sanskrit only: no published translation is held for this verse.

विषयिन्मांसमदिरे नित्यपापविवर्धिके ।। अतः प्राप्स्यति चौर्यत्वमतो वै निरयस्तथा

viṣayinmāṃsamadire nityapāpavivardhike || ataḥ prāpsyati cauryatvamato vai nirayastathā

Sanskrit only: no published translation is held for this verse.

तस्मात्त्वं प्रभुमीशानं विष्णुं जिष्णुं जगत्पतिम् ।। निवेद्य सर्वथा द्रव्यं भुञ्जीथा वाग्यतः स्वयम्

tasmāttvaṃ prabhumīśānaṃ viṣṇuṃ jiṣṇuṃ jagatpatim || nivedya sarvathā dravyaṃ bhuñjīthā vāgyataḥ svayam

Sanskrit only: no published translation is held for this verse.

नास्तिकत्वं देवनिंदा परित्यज्य मतिं कुरु ।। आत्मा सर्वाभयो नित्यमात्मशक्तिश्च चंडिका

nāstikatvaṃ devaniṃdā parityajya matiṃ kuru || ātmā sarvābhayo nityamātmaśaktiśca caṃḍikā

Sanskrit only: no published translation is held for this verse.

आत्मनोंगानि देवाश्च सर्वजीवगुहाशयाः ।। ताञ्ज्ञात्वा पूजनं तेषां कुरु त्वं पापशान्तये

ātmanoṃgāni devāśca sarvajīvaguhāśayāḥ || tāñjñātvā pūjanaṃ teṣāṃ kuru tvaṃ pāpaśāntaye

Sanskrit only: no published translation is held for this verse.

इति ते वचनं श्रुत्वा गतास्तीर्थान्तरं प्रति ।। शिवमाराधयामासुर्विद्यार्थे सर्वरूपिणम्

iti te vacanaṃ śrutvā gatāstīrthāntaraṃ prati || śivamārādhayāmāsurvidyārthe sarvarūpiṇam

Sanskrit only: no published translation is held for this verse.

वर्षांते च महादेवो विद्यां संजीवनीं ददौ ।। ते प्राप्य वनमागत्य परीक्षार्थे समुद्यताः

varṣāṃte ca mahādevo vidyāṃ saṃjīvanīṃ dadau || te prāpya vanamāgatya parīkṣārthe samudyatāḥ

Sanskrit only: no published translation is held for this verse.

मृतव्याघ्रास्थिनि श्रेष्ठं मंत्रपूतांबु चाक्षिपत् ।। तेन मंत्रप्रभावेण पंजरत्वमुपागतम्

mṛtavyāghrāsthini śreṣṭhaṃ maṃtrapūtāṃbu cākṣipat || tena maṃtraprabhāveṇa paṃjaratvamupāgatam

Sanskrit only: no published translation is held for this verse.

तस्योपर्य्येव कुलटो मंत्रपूतं पयोऽक्षिपत् ।। घनमांसं च रुधिरं तेन मंत्रेण चाभवत्

tasyoparyyeva kulaṭo maṃtrapūtaṃ payo'kṣipat || ghanamāṃsaṃ ca rudhiraṃ tena maṃtreṇa cābhavat

Sanskrit only: no published translation is held for this verse.

विषयी चाक्षिपच्चैव तस्योपरि जलं शुभम् ।। तेन मन्त्रप्रभावेण त्वक्प्राणत्वमुपागतम्

viṣayī cākṣipaccaiva tasyopari jalaṃ śubham || tena mantraprabhāveṇa tvakprāṇatvamupāgatam

Sanskrit only: no published translation is held for this verse.

सुप्तं व्याघ्रं च संज्ञाय नास्तिकस्तु जलं ददौ ।। मंत्रेण बोधितो व्याघ्रस्तांश्च विप्रानखादयत्

suptaṃ vyāghraṃ ca saṃjñāya nāstikastu jalaṃ dadau || maṃtreṇa bodhito vyāghrastāṃśca viprānakhādayat

Sanskrit only: no published translation is held for this verse.

सूत उवाच ।। इत्युक्त्वा स तु वेतालो राजानमिदमब्रवीत् ।। राजन्मूर्खो हि कस्तेषां श्रुत्वा राजाब्रवीदिदम्

sūta uvāca || ityuktvā sa tu vetālo rājānamidamabravīt || rājanmūrkho hi kasteṣāṃ śrutvā rājābravīdidam

Sanskrit only: no published translation is held for this verse.

बोधितो येन स व्याघ्रः स मूर्खस्त्वधिको मतः ।। इति श्रुत्वा द्विजश्रेष्ठो वैतालः पुनरब्रवीत्

bodhito yena sa vyāghraḥ sa mūrkhastvadhiko mataḥ || iti śrutvā dvijaśreṣṭho vaitālaḥ punarabravīt

Sanskrit only: no published translation is held for this verse.